ប្រជាជនហ្វីលីពីនភាគច្រើនភ័យខ្លាចផ្ទះងាយរងគ្រោះដោយសារគ្រោះមហន្តរាយធម្មជាតិ
ការស្ទង់មតិរបស់អង្គការហាវើដមនុស្សធម៌ ឬ Harvard Humanitarian Initiative (HHI) បានបង្ហាញថា ប្រជាជនហ្វីលីពីនភាគច្រើនបានទទួលរងការខូចខាតទ្រព្យសម្បត្តិយ៉ាងច្រើនតាមរយៈគ្រោះមហន្តរាយធម្មជាតិ ឬខ្លាចទ្រព្យសម្បត្តិរបស់ពួកគេងាយទទួលរងគ្រោះពីមហន្តរាយធម្មជាតិ។ ក្នុងចំណោមប្រជាជនចំនួន ៤.៣៦៨ នាក់ដែលត្រូវបានសាកសួរនៅក្នុងឆ្នាំ ២០១៧ ការស្ទង់មតិបានរកឃើញថា ប្រហែល ៦៩ ភាគរយនៃក្រុមសេដ្ឋកិច្ចទាំំងអស់ជឿថាផ្ទះនិងសហគមន៍របស់ពួកគេ គឺ «ស្ថិតក្នុងហានិភ័យខ្ពស់បំផុតនៅពេលមានគ្រោះមហន្តរាយ» ច្រើនជាងទ្រព្យសម្បត្តិដទៃទៀត។ នៅក្នុងប្រទេសមួយដែលទទួលរងនូវព្យុះទីហ្វុងនិងទឹកជំនន់ជាញឹកញាប់នោះ មានប្រជាជនប្រមាណជា ៤២ភាគរយ បានរាយការណ៍ថា ផ្ទះរបស់ពួកគេត្រូវបានបំផ្លាញបន្តិចបន្តួច ខណៈដែល ១៦ ភាគរយ បាននិយាយថា ពួកគេត្រូវបានផ្លាស់ទីលំនៅយ៉ាងហោចណាស់មួយសប្តាហ៍ដោយសារគ្រោះមហន្តរាយធម្មជាតិ។ ស្ថានភាពនេះកាន់តែអាក្រក់សម្រាប់ប្រជាជនដែលរងផលប៉ះពាល់ ព្រោះថាមានតែ ៣ភាគរយ នៃផ្ទះទាំងអស់នៅប្រទេសហ្វីលីពីនប៉ុណ្ណោះដែលមានការធានារ៉ាប់រងលើផ្ទះសំបែង ដោយបន្សល់ទុកនូវ ៩៧ភាគរយផ្សេងទៀតត្រូវខាតបង់ផ្ទាល់ខ្លួនបន្ទាប់ពីគ្រោះមហន្តរាយធម្មជាតិ។
អានបន្ថែម
ការផ្លាស់ប្តូរផលិតកម្មចិនជំរុញឱ្យមានការកើនឡើងតម្លៃជួលក្នុងឧស្សាហកម្មនៅវៀតណាម
ជម្លោះពាណិជ្ជកម្មរវាងសហរដ្ឋអាមេរិក និងចិនកំពុងជំរុញឱ្យមានការចាកចេញរោងចក្រផលិតកម្មចិនទៅកាន់ប្រទេសអាស៊ីអាគ្នេយ៍ ដោយប្រទេសវៀតណាមគឺទទួលបានផលប្រយោជន៍ដោយផ្ទាល់។ យោងតាមរបាយការណ៍ថ្មីពីអ្នកវិភាគអចលនទ្រព្យ JLL Vietnam តម្រូវការខ្ពស់សម្រាប់ឧស្សាហកម្មបានធ្វើឲ្យកើនឡើងតម្លៃជួលក្នុងត្រីមាសទី ២ ឆ្នាំ ២០១៩ ដែលបានកើនឡើងដល់ ១៥,៨ ភាគរយពីមួយឆ្នាំទៅមួយឆ្នាំ ជាមួយនឹងអត្រាផ្ទៃក្រឡាជួលពេញនៅតំបន់សេដ្ឋកិច្ចភាគខាងត្បូងនៃប្រទេសវៀតណាមមានរហូតដល់ ៨១ ភាគរយ ។ ថ្លៃជួលដីនៅក្នុងតំបន់ឧស្សាហកម្ម HCMCក៏ដូចជានៅតាមបណ្តាខេត្តប៊ិញដុង ដុងណៃ ឡុងអាន និងបារ៉ៃ- វង្សតា បានឈានដល់កំរិតមធ្យម ៩៥ ដុល្លារអាមេរិកក្នុងមួយម៉ែតការ៉េជាមធ្យមក្នុងត្រីមាសទី ២ ។ វិស័យអចលនទ្រព្យឧស្សាហកម្មរបស់វៀតណាមក៏នឹងទទួលបានអត្ថប្រយោជន៍ពីការពង្រីកបណ្តាញពាណិជ្ជកម្មជាបន្តបន្ទាប់ដែលដឹកនាំដោយការចុះហត្ថលេខាលើកិច្ចព្រមព្រៀងពាណិជ្ជកម្មសេរីសហភាពអឺរ៉ុប – វៀតណាម (EVFTA) កាលពីខែមុន។
អានបន្ថែម
ការកើនឡើងនៃសាលាអន្តរជាតិក្នុងរាជធានីភ្នំពេញ
ដោយលោក Eric Wong Chon Lap ចំនួនសាលាអន្តរជាតិនៅក្នុងរាជធានីភ្នំពេញដែលមានក្នុងពេលបច្ចុប្បន្ននេះ បានធ្វើឲ្យទីក្រុងមួយនេះមានគ្រឹះស្ថានអប់រំអន្តរជាតិច្រើនជាងគេនៅតំបន់អាស៊ីអាគ្នេយ៍ ដោយសារសាលាអន្តរជាតិដែលមានការទទួលស្គាល់បែបនេះមានចំនួនច្រើនជាងពេលណាៗទាំងអស់។ នេះគឺជាការឆ្លើយតបទៅនឹងកំណើនតម្រូវការរបស់ឪពុកម្ដាយកម្ពុជាកាន់តែច្រើនឡើង ដែលចង់ស្វែងរកបរិយាកាសអប់រំចម្រុះជាតិសាសន៍ និងជាពិសេស ជ្រើសរើសសាលាល្អបំផុតសម្រាប់កូនៗពួកគេ។ ក្រៅពីមានតម្រូវការសម្រាប់ប្រជាជនក្នុងស្រុក ក៏មានដែរនូវសិស្សមកពីគ្រួសារជនបរទេសរស់នៅស្រុកខ្មែរ ព្រោះតែថ្លៃសិក្សាទាប និង ការរស់នៅចំណាយតិច។ ដោយសារការអប់រំជាភាសាអង់គ្លេសមានតម្រូវខ្ពស់ គេសង្កេតឃើញថាសាលាអន្តរជាតិកាន់តែច្រើនឡើងត្រូវបានសាងសង់ឡើង ហើយភាគច្រើននៃសាលារៀនទាំងនោះត្រូវបានបង្កើតឡើងក្នុងគម្រោងអភិវឌ្ឍលំនៅឋានតែម្តង។ ជាក់ស្តែង សាលាអន្តរជាតិកាណាដាភ្នំពេញ (CIS) នៅកោះពេជ្រ និង សាលាអន្តរជាតិណតប្រ៊ីដកម្ពុជា ដែលស្ថិតនៅសហគមន៍ណតប្រ៊ីដ ជាការផ្ដល់ឲ្យនូវជីវិតរស់នៅបែបស៊ីវិល័យ ដែលមានគ្រប់យ៉ាងក្នុងកន្លែងតែមួយ។ នៅពេលអនាគត អ្នកអភិវឌ្ឍឃើញសក្ដានុពលនៃសាលាអន្តរជាតិថាជាធាតុសំខាន់ដើម្បីទាក់ទាញអ្នកទិញឲ្យចាប់អារម្មណ៍គម្រោងលំនៅឋានពួកគេ។ ជាងនេះទៅទៀត គម្រោងអភិវឌ្ឍន៍របស់ពួកគេក៏កាន់តែមានតម្លៃ ហើយធ្វើឲ្យតម្លៃដី និង អចលនទ្រព្យនៅតំបន់ក្បែរៗនោះមានតម្លៃទៅតាមហ្នឹងដែរ។ កន្លងមក យើងឃើញថាសាលា CIS ទទួលបាននូវភាពជោគជ័យ។ ចាប់តាំងពីបើកសាលាមត្តេយ្យរបស់ពួកគេនៅឆ្នាំ ២០១២ ហើយបានពង្រីកអគារកណ្ដាលរបស់ខ្លួននៅលើកោះពេជ្រនៅឆ្នាំ ២០១៥ ហើយបន្តបើកសាលាមត្តេយ្យទី២បន្ថែមទៀតកាលពីឆ្នាំ ២០១៦នៅទួលគោក។ CIS ក៏នឹងប្តូរទីតាំងពីទួលគោកទៅឱ្យកាន់តែកៀកអូឡាំព្យ៉ាដែលនឹងបញ្ចប់ការសាងសង់នាពេលថ្មីខាងមុខនេះ។ លើសពីនេះ សាលាអន្តរជាតិសៅប្រ៊ីដ (Southbridge) នៅក្នុងបរិវេណបុរីប៉េង ហូត បឹងស្នោ ក៏បានផ្តល់ជូននូវប្រព័ន្ធអប់រំលំដាប់ពិភពលោក […]
អានបន្ថែម
ក្រុមហ៊ុន ស៊ុនហ៊ួ គ្រុប គឺជាកន្លែងស្វែងរកផលិតផលម៉ាក TOTO ដ៏ប្រណីតនៅកម្ពុជា
ឆ្លើយតបទៅនឹងការកើនឡើងនូវចំនួនអគារនៅទូទាំងប្រទេសកម្ពុជា និងតម្រូវការផលិតផលប្រណីតកាន់តែច្រើនទៀតនោះ ក្រុមហ៊ុនចែកចាយក្នុងស្រុក ក្រុមហ៊ុន ស៊ុនហ៊ួ គ្រុប បានធ្វើការនាំចូលផលិតផលដែលមានគុណភាពខ្ពស់ ពីក្រុមហ៊ុនផលិតគ្រឿងបរិក្ខាបន្ទប់ទឹកធំជាងគេបំផុតនៅលើពិភពលោក ឈ្មោះ TOTO ដែលនេះ នឹងផ្តល់នូវបទពិសោធន៍ប្រកបដោយផាសុខភាពសម្រាប់អតិថិជនកម្ពុជា។ ជាមួយនឹងបទពិសោធន៍ជាង ២០ ឆ្នាំក្នុងការផ្តល់ផលិតផល និងសេវាកម្ម ដែលមានគុណភាពខ្ពស់សម្រាប់ឧស្សាហកម្មសំណង់ ក្រុមហ៊ុន ស៊ុនហ៊ួ គ្រុប បានបោះជំហានមួយបន្ថែមទៀត តាមរយៈការនាំយកបច្ចេកវិទ្យាចុងក្រោយបំផុតនៃបង្គន់ Neorest smart ។ ផលិតផលប្រភេទ Neorest មាន ឈុតបរិក្ខាក្នុងបន្ទប់ទឹកពេញលេញ ដែលរួមមាន បង្គន់អនាម័យ បន្ទប់ទឹក បរិក្ខាទឹកផ្កាឈូកសម្រាប់ងូតមួយឈុត និងអាងងូតទឹកបណ្តែតខ្លួន។ ក្រុមហ៊ុន TOTO ថ្មីៗនេះ បានដាក់លក់នូវផលិតផលបង្គន់ប្រភេទ Neorest ដែលជាការរួមបញ្ចូលគ្នានូវការរចនាដ៏ស្រស់ស្អាត និងបច្ចេកវិទ្យាចុងក្រោយបំផុតដែលមានមុខងារទឹកបាញ់សម្អាត និងមុខងារផ្សេងៗទៀតសម្រាប់ការរស់នៅឆ្លាតវៃ។ លក្ខណៈពិសេសនៃការរចនាដោយថាមពលស្អាតរួមមាន ទឹក Electrolyzed ជាមួយនឹងការប្រឆាំងនឹងបាក់តេរី ខ្សែទឹកដែលបាញ់ចេញដ៏មានប្រសិនភាពខ្ពស់ ចានបង្គន់សេរ៉ាមិចគ្មានស្នាម និងផ្ទៃសេរ៉ាមិចរលោងដែលហៅថា Cefiontect។ ដោយជឿជាក់ថាបន្ទប់ទឹកគួរតែជាកន្លែងសម្រាប់ការសំរាកលំហែ និងប្រមូលថាមពលឡើងវិញ បន្ទាប់ពីធ្វើការងារយ៉ាងហត់នឿយពេញមួយថ្ងៃ ក្រុមហ៊ុន TOTO […]
អានបន្ថែម
គម្រោងអភិវឌ្ឍន៍អចលនទ្រព្យធំបំផុតមិនធ្លាប់មានរបស់ថៃកំពុងដំណើរការទៅមុខ
ទីក្រុងបាងកកត្រូវបានគេរំពឹងថានឹងមានការអភិវឌ្ឍន៍ដែលផ្តួចផ្តើមដោយផ្នែកឯកជនធំបំផុតដែលមិនធ្លាប់មាន ជាមួយនឹងការដាក់ឱ្យដំណើរការនូវគម្រោងដែលមានទឹកប្រាក់ ៣.៩ ពាន់លានដុល្លារអាមេរិក និងមានទំហំផ្ទៃក្រឡាសរុប ១,៨ លាន ម៉ែត្រការ៉េ ឈ្មោះថា បាងកកមួយ ឬ One Bangkok។ គម្រោងដែលមានអគារចំនួនប្រាំនេះ នឹងរួមបញ្ចូលការិយាល័យក្រុមហ៊ុនចំនួន ៥០០ ការិយាល័យ ដែលមានបុគ្គិលិកចំនួន ៦ ម៉ឺននាក់ សណ្ឋាគារលំដាប់ផ្កាយប្រាំ ខុនដូចំនួន ១,៣៥៩ យូនីត និងផ្សារទំនើបជាច្រើន។ នៅពេលបញ្ចប់ការសាងសង់ អគារមួយក្នុងចំណោមអគារទាំងប្រាំ នឹងក្លាយជាអគារមួយក្នុងចំណោមអគារខ្ពស់ៗទាំង ១០ នៅអាស៊ីអាគ្នេយ៍។ មានទីតាំងស្ថិតនៅលើផ្ទៃដី ១៦.៧ ហិកតាក្នុងសង្កាត់រ៉ាម៉ាទី ៤ នៅកណ្តាលក្រុងបាងកក គម្រោង One Bangkok ត្រូវបានរចនាដោយស្ថាបត្យករអាមេរិក Skidmore និង Owings & Merrill និងកំពុងត្រូវបានអភិវឌ្ឍដោយក្រុមហ៊ុនថៃ TCC Group។ ខណៈដែលគម្រោងនេះមានផ្ទៃក្រឡាបៃតងចំនួន ៨ ហិកតា គម្រោង One Bangkokកំពុងត្រូវបានគេចាត់ទុកថាជាទីក្រុងដំបូងបង្អស់របស់រាជធានីដែលមានទីតាំងក្នុងទីក្រុងផ្ទាល់។
អានបន្ថែម
ក្រុមហ៊ុនផ្លូវដែកចិនបានបញ្ចប់ការសិក្សាធ្វើឲ្យប្រសើរឡើងប្រព័ន្ធផ្លូវដែកនៅកម្ពុជា
ក្រុមហ៊ុនសាជីវកម្មសាងសង់ផ្លូវដែកចិន (CRCC) បានបញ្ចប់ការសិក្សាគម្រោងធ្វើឲ្យប្រសើរឡើងប្រព័ន្ធផ្លូវដែកនៅកម្ពុជា បន្ទាប់ពីដំណើរការសិក្សាលើគម្រោងនេះ បានចាប់ផ្តើមកាលពីខែឧសភាកន្លងទៅ។ យោងតាមក្រសួងសាធារណៈការ និងដឹកជញ្ជូន ក្រុមហ៊ុន CRCC ដែលជាសហគ្រាសដ៏ធំរបស់រដ្ឋាភិបាលចិន កំពុងធ្វើរបាយការណ៍នៃលទ្ធផល ដើម្បីដាក់ជូនរដ្ឋាភិបាល តាមរយៈក្រសួងសាធារណការ និងដឹកជញ្ជូនពិនិត្យ។ លោក គង់ វិមាន អ្នកនាំពាក្យ និងជាអនុរដ្ឋលេខាធិការនៃក្រសួងសាធារណការ និងដឹកជញ្ជូន បានឲ្យដឹងថា៖ «ការសិក្សាផ្លូវដែក ចប់ហើយ ប៉ុន្តែក្រសួងមិនទាន់បានទទួលរបាយការណ៍នៃការសិក្សានៅឡើយទេ នៅពេលដាក់របាយការណ៍ ក្រសួងនឹងពិនិត្យ វាយតម្លៃលើរបាយការណ៍ហ្នឹង»។ ទោះជាយ៉ាងណា លោក គង់ វិមាន រំពឹងថា របាយការណ៍នៃលទ្ធផលសិក្សាគម្រោងធ្វើឲ្យប្រសើរឡើងប្រព័ន្ធផ្លូវដែកនៅកម្ពុជា នេះ នឹងត្រូវដាក់ជូនក្រសួងសាធារណការ និងដឹកជញ្ជូនពិនិត្យ នៅពេលឆាប់ៗខាងមុខ។ ក្រុមប្រតិភូក្រុមហ៊ុនសាជីវកម្មសាងសង់ផ្លូវដែកចិនបានមកដល់កម្ពុជាកាលពីខែឧសភាដើម្បីសិក្សាគម្រោងធ្វើឲ្យប្រសើរឡើងផ្លូវដែកកម្ពុជា ដែលមានស្រាប់ (ភ្នំពេញ-ក្រុងព្រះសីហនុ និងភ្នំពេញ-ប៉ោយប៉ែត)។ គួររំលឹកថា គម្រោងសិក្សាធ្វើឲ្យប្រសើរឡើងប្រព័ន្ធផ្លូវដែកនៅកម្ពុជា ត្រូវបានប្រមុខរដ្ឋាភិបាលកម្ពុជា សម្តេចតេជោរ ហ៊ុន សែន នាយករដ្ឋមន្រ្តីកម្ពុជា បានស្នើឲ្យក្រុមហ៊ុន CRCC អំឡុងពេលដែលសម្តេចដឹកនាំគណប្រតិភូជាន់ខ្ពស់កម្ពុជា បំពេញទស្សនកិច្ចនៅទីក្រុងប៉េកាំង កាលពីខែមេសាកន្លងទៅ។ កាលពីសប្តាហ៍មុន ឯកឧត្តម […]
អានបន្ថែម
UMG Cambodia បើកសម្ពោធសាខាលក់គ្រឿងចក្រធំៗសម្រាប់បម្រើឱ្យវិស័យ កសិកម្ម និងហេដ្ឋារចនាសម្ព័ន្ធ
ក្រុមហ៊ុន UMG Cambodia កាលពីថ្ងៃទី១២ ខែកញ្ញា បានបើកសម្ពោធជាផ្លូវការសាខាលក់គ្រឿងចក្រធំៗស្ថិតនៅឃុំកណ្តែក ស្រុកប្រាសាទបាគង ខេត្តសៀមរាប សម្រាប់បម្រើឱ្យវិស័យកសិកម្ម និងហេដ្ឋារចនាសម្ព័ន្ធនានា។ ការបើកសាខាថ្មី គឺដើម្បីផ្តល់ជូនផលិតផលគ្រឿងចក្រឲ្យចូលកៀកនឹងអតិថិជន និងជាពិសេស គឺដើម្បីបំពេញតម្រូវការនៃការប្រើប្រាស់គ្រឿងចក្រធំៗនៅទឹកដីខេត្តសៀម។ លោក Alfred Kasuma Aliwaga នាយកគ្រប់គ្រងប្រចាំប្រទេសកម្ពុជារបស់ក្រុមហ៊ុន UMG Cambodia បញ្ជាក់ពីមូលហេតុដែល UMG មកបើកសាខានៅទឹកដីខេត្តដែលសំបូរដោយប្រាង្គប្រាសាទបុរាណនេះ យ៉ាងដូច្នេះថា៖ «ខេត្តសៀមរាបកំពុងតែមានការអភិវឌ្ឍន៍ទាំងផ្នែក ហេដ្ឋារចនាសម្ព័ន្ធ និងផ្នែកកសិកម្ម ដែលត្រូវការនូវគ្រឿងចក្រទំនើបៗបែបនេះយកមកប្រើប្រាស់»។ លោកបានបន្តទៀតថា «កន្លងមក អតិថិជនដែលមានតម្រូវការក្នុងការប្រើប្រាស់គ្រឿងចក្រធំៗនៅខេត្តសៀមរាបនេះ គឺត្រូវធ្វើដំណើរវែងឆ្ងាយណាស់ ព្រោះត្រូវធ្វើដំណើរឡើងទៅភ្នំពេញ ដើម្បីទិញគ្រឿងចក្រ ឬគ្រឿងបន្លាស់ដើម្បីយកទៅប្រើប្រាស់។ ប៉ុន្តែពេលនេះ ក្រុមហ៊ុនបានមកបើកសាខានៅសៀមរាបដើម្បីជាការផ្តល់សេវាឱ្យមកជិតអ្នកប្រើប្រាស់នៅក្នុងតំបន់ក៏ដូចជាតាមបណ្តាខេត្តជិតខាង» ។ លោក Alfred Kasuma Aliwaga បានបន្ថែមទៀតថា«ក្រុមហ៊ុនUMG Cambodia នឹងផ្តល់នូវគ្រឿងចក្រដែលប្រើប្រាស់បច្ចេកវិទ្យាទំនើបៗបន្ថែមទៀតមកក្នុងទីផ្សារប្រទេសកម្ពុជា ដើម្បីឆ្លើយតបតម្រូវការរបស់អតិថិជនកាន់តែមានភាពងាយស្រួល» ។ ពាក់ព័ន្ធនឹងការបើកដំណើរការជាផ្លូវការសាខានៅខេត្តសៀមរាបនេះផងដែរ អាជ្ញាធរស្រុកប្រាសាទបាគង បានអះអាងថា សាខាលក់គ្រឿងចក្រថ្មីនេះ គឺពិតជាចូលរួមចំណែកយ៉ាងសំខាន់ដល់ការអភិវឌ្ឍន៍នៅមូលដ្ឋាន ខណៈដែលខេត្តមួយនេះ កំពុងត្រូវការគ្រឿងចក្រទំនើបៗសម្រាប់អភិវឌ្ឍវិស័យកសិកម្ម […]
អានបន្ថែម
ក្រុមហ៊ុនជប៉ុនស្វែងរកឱកាសវិនិយោគលើគម្រោងថាមពលកកើតឡើងវិញ
ក្រុមហ៊ុនជប៉ុនកំពុងស្វែងរកឱកាសវិនិយោគលើគម្រោងថាមពលកកើតឡើងវិញ នេះបើយោងតាមលទ្ធផលនៃកិច្ចប្រជុំរវាងឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងប្រតិភូវិនិយោគិនជប៉ុនដែលមានតំណាងក្រុមហ៊ុនចំនួន៧។ តាមការបញ្ជាក់លើទំព័រហ៊្វេសប៊ុករបស់ក្រសួង កាលពីថ្ងៃទី ២២ ខែកញ្ញា ឆ្នាំ២០១៩ តំណាងក្រុមហ៊ុនខាងលើ បាននិងកំពុងស្វែងរកឱកាសវិនិយោគលើគម្រោងថាមពលកកើតឡើងវិញ ប្រព្រិត្តឹកម្មសំណល់រឹង-រាវ ឧស្សាហកម្មឈើ អាហារសុខភាព និងការថែទាំមនុស្សចាស់នៅកម្ពុជា។ ក្នុងជំនួបខាងលើទៀតសោត ក្រុមហ៊ុន Green Power Techno បានប្រគល់ជូនក្រសួងបរិស្ថាននូវម៉ាស៊ីនចំហេះក្រៅ ចំនួន២គ្រឿង ហើយក្រុមហ៊ុន Angkor Bio Cogen ក៏បានប្រគល់ជូននូវវិញ្ញាបនបត្រឥណទានកាបូន។ គម្រោងវិនិយោគនេះធ្វើឡើង ខណៈដែលកម្ពុជាបានចូលរួមក្នុងប្រព័ន្ធសហការជាមួយប្រទេសជប៉ុនដើម្បីកាត់បន្ថយការបំភាយឧស្ម័នផ្ទះកញ្ចក់ហៅថា «យន្តការឥណទានកាបូនរួមគ្នា»កាលពីឆ្នាំ២០១៤។ បច្ចុប្បន្ន កម្ពុជាកំពុងអនុវត្តដោយជោគជ័យនូវគម្រោង ដែលប្រើបច្ចេកវិទ្យាជប៉ុនទំនើបៗចំនួន៦ ទាក់ទងនឹងការបំភ្លឺផ្លូវសាធារណៈ ការផលិតអគ្គិសនីពីពន្លឺព្រះអាទិត្យ ប្រសិទ្ធភាពថាមពល ការការពារ និងអភិរក្សធនធានធម្មជាតិ។ គួរបញ្ជាក់ថា ការមកដល់នៃក្រុមហ៊ុនវិនិយោគជប៉ុន គឺបានកើតឡើងបន្ទាប់ពីកម្ពុជាបានឯកភាពជាគោលការណ៍ឲ្យជ៉បុនបង្កើតបណ្តាញទីក្រុងឆ្លាតវៃ Smart Cities នៅកម្ពុជា ហើយដើម្បីបង្កើតទីក្រុងឆ្លាតវៃ កម្ពុជាត្រូវដោះស្រាយបញ្ហាមួយចំនួនដូចជា លំនៅដ្ឋានប្រជាជន ការកកស្ទះចរាចរណ៍ និងបរិស្ថានជាដើម។ (អានបន្ថែម) ជាក់ស្តែង កាលពីខែកុម្ភៈ ឆ្នាំ […]
អានបន្ថែម
សម័យកាលថ្មីនៃការវិវឌ្ឍទីផ្សារលំនៅដ្ឋាននៅភ្នំពេញ
ដោយលោក Eric Wong Chon Lap ទីផ្សារខុនដូនៅភ្នំពេញហាក់បានធ្លាក់ចុះនាពេលថ្មីៗនេះ ហើយមូលហេតុចម្បងគឺដោយសារស្តុកចាស់លក់មិនទាន់ដាច់ ខណៈដែលការផ្គត់ផ្គង់កាន់តែមានច្រើន។ បញ្ហានេះ បានធ្វើឱ្យអ្នកទិញមានការប្រុងប្រយ័ត្នខ្ពស់ ដែលបណ្ដាលឱ្យអ្នកអភិវឌ្ឍតិចតួចប៉ុណ្ណោះចាប់អារម្មណ៍វិនិយោគខុនដូ ហើយផ្តោតទៅលើការផ្តង់ផ្គង់សម្រាប់បំពេញតម្រូវការអ្នកប្រើប្រាស់ចុងក្រោយ។ នេះជាមូលហេតុដែលអ្នកអភិវឌ្ឍន៍ជាច្រើនកំពុងសម្លឹងទៅក្នុងទីផ្សារលំនៅដ្ឋានប្រភេទទាបៗ ដែលអ្នកប្រើប្រាស់ភាគច្រើនមានតម្រូវការ ដូចជាផ្ទះមានជាន់ផ្ទាល់ដី ឬ ផ្ទះល្វែងជាដើមដែលភាគច្រើនទិញ និងរស់នៅដោយប្រជាជនកម្ពុជាផ្ទាល់។ សម្រាប់អ្នកទិញផ្ទះ ពួកគេមានតម្រូវការជាក់លាក់ទាក់ទងទៅនឹងការតុបតែង មុខងារថាតើផ្ទះហ្នឹងទិញមកធ្វើអ្វីបានខ្លះ ទីតាំង និងទំហំជាដើម ហើយថវិកាទៀតសោតក៏មានកំណត់។ ដូច្នេះ អ្នកអភិវឌ្ឍន៍ត្រូវផ្តោតទៅលើតម្រូវការរបស់អ្នកទិញទាំងនេះ ហើយអាចផ្តល់នូវលំនៅដ្ឋានសមស្រប ទីតាំងល្អ តម្លៃសមរម្យដែលអ្នកទិញផ្ទះអាចមានលទ្ធភាព។ នៅរាជធានីភ្នំពេញ អ្នកអភិវឌ្ឍន៍កំពុងទាញយកផលចំណេញពីទីតាំងថ្មីៗដូចជាតំបន់ផ្លូវជាតិលេខ១ ផ្លូវជាតិលេខ៦ ដែលបានក្លាយជាទីពេញនិយមសម្រាប់ការអភិវឌ្ឍន៍លំនៅដ្ឋាន ដោយសារតែមានការកែលម្អបណ្ដាញផ្លូវថ្នល់។ អ្នកអភិវឌ្ឍន៍ជាច្រើនបានសម្របខ្លួនទៅនឹងការផ្លាស់ប្ដូរលក្ខខណ្ឌទីផ្សារលំនៅដ្ឋានដោយប្តូរពីការវិនិយោគខុនដូជាចម្បង ទៅជាការបើកដំណើរការអភិវឌ្ឍន៍លំនៅដ្ឋានដំបូងបង្អស់របស់ពួកគេ តួយ៉ាងដូចជា គម្រោងលំនៅដ្ឋានតម្លៃសមរម្យដំបូងបង្អស់នៅស្រុកខ្មែរ គឺគម្រោងរបស់ក្រុមហ៊ុន Worldbridge Homes Co Ltd ដែលនឹងបញ្ចប់ការសាងសង់ដំណាក់កាលទី១ទាំងស្រុងរបស់ពួកគេនៅត្រីមាសទី១ឆ្នាំ២០២០។ គម្រោងអភិវឌ្ឍន៍នេះស្ថិតនៅស្រុកស្អាងខេត្តកណ្ដាល ក្បែរទីក្រុងតាខ្មៅ ប្រហែល១៨គីឡូម៉ែត្រពីភ្នំពេញ។ គម្រោងនេះមានផ្ទះកម្ពស់២ជាន់ចំនួន ២,៤៥៧ ល្វែង និងប្រភេទផ្ទះសម្រាប់ធ្វើអាជីវកម្មចំនួន៩០ផ្ទះ។ គម្រោងលំនៅដ្ឋានតម្លៃសមរម្យដំបូងគេនៅកម្ពុជាមួយនេះ បានចាប់ផ្ដើមបើកការដ្ឋានសាងសង់កាលពីខែមករា ឆ្នាំ ២០១៧ […]
អានបន្ថែម
ស្ពានថ្មើរជើងចំនួនពីរទីតាំងនៅភ្នំពេញគ្រោងសាងសង់នៅខែតុលាខាងមុខ
រដ្ឋបាលរាជធានីភ្នំពេញ កំពុងរៀបចំសាងសង់ស្ពានថ្មើរជើងចំនួនពីរទីតាំងនៅរាជធានីភ្នំពេញដែលគ្រោងបើកការដ្ឋានសាងសង់នៅខែតុលាខាងមុខ។ ការសាងសង់ស្ពានថ្មើរជើងបន្ថែមនេះ គឺដើម្បីជួយសម្រួលការធ្វើដំណើរឆ្លងកាត់របស់ប្រជាពលរដ្ឋ ជៀសវាងគ្រោះថ្នាក់ចរាចរណ៍។ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន រាជធានីភ្នំពេញ បានឲ្យដឹងនៅថ្ងៃច័ន្ទនេះថា មន្ទីរគ្រោងបើកការដ្ឋានសាងសង់នៅខែតុលា។ លោកថា គម្រោងស្ថាបនាស្ពានថ្មើរជើង បានរៀបចំរួចអស់ហើយ។ បើតាមលោក ពិសិដ្ឋ គម្រោងស្ថាបនាស្ពានថ្មើរជើងទាំងពីរនេះ គឺនៅចំណុចភ្លើងស្តុបសន្ធរម៉ុក និងភ្លើងស្តុបផ្សារដើមគរ។ លោកពិសិដ្ឋ លើកឡើងថា៖ «ស្ពានថ្មើជើងនឹងជួយឲ្យប្រជាពលរដ្ឋ ដើរឆ្លងកាត់ផ្លូវមានសុវត្ថិភាព ជៀសវាងពីគ្រោះថ្នាក់ចរាចរណ៍ ហើយក៏សម្រួលការឆ្លងកាត់ផ្លូវរបស់អ្នកដំណើរផងដែរ»។ ទោះជាយ៉ាងណា លោកប្រធានមន្ទីរសាធារណការ រាជធានីភ្នំពេញ មិនអាចបញ្ជាក់ពីចំនួនថវិកាប្រើប្រាស់សម្រាប់គម្រោងស្ពានថ្មើរជើង និងរយៈពេលនៃការសាងសង់។ គួរបញ្ជាក់ផងដែរថា បច្ចុប្បន្ន មានស្ពានថ្មើរជើង ចំនួនពីរទីតាំងនៅរាជធានីភ្នំពេញ។ ទីមួយគឺស្ថិតនៅចំណុចវិទ្យាល័យជម្ពូរវ័ន ចំនួនពីរស្ពាន និងទីតាំងទីពីរ នៅរង្វង់មូលនាងគង្ហីង ចំណុចផ្លូវប្រសព្វ ទល់មុខអគារអូឡាំព្យា៕ រូបភាពគោលដោយ មន្ទីរសាធារណការ និងដឹកជញ្ជូនរាជធានីភ្នំពេញ
អានបន្ថែម
Multico ជួយនាំយកសិក្ខាសាលាស្តីពីបច្ចេកវិទ្យាថែទាំផ្លូវថ្មីដល់ប្រទេសកម្ពុជា
តំណាងចែកចាយផលិតផល Wirtgen ក្នុងប្រទេសកម្ពុជា ក្រុមហ៊ុន Multico MS (ខេមបូឌា) ខូអិលធីឌី បានរៀបចំសិក្ខាសាលាកាលពីថ្ងៃទី០១ សីហា ដើម្បីបង្ហាញពីបច្ចេកវិទ្យាថែទាំផ្លូវថ្មីដែលមានឈ្មោះថា Cold In-Place Recycling ខណៈដែលប្រទេសកម្ពុជាមានបំណងចង់លើកកម្ពស់គុណភាពផ្លូវរបស់ខ្លួន។ សិក្ខាសាលានេះត្រូវបានរៀបចំឡើងដោយក្រុមហ៊ុនគ្រឿងម៉ាស៊ីន Wirtgen Group ក្រុមហ៊ុន Multico និង ក្រសួងសាធារណការនិងដឹកជញ្ជូន ធ្វើឡើងនៅក្រសួងផ្ទាល់តែម្តង។ សាស្ត្រាចារ្យ Kim Jenkins មកពីសាកលវិទ្យាល័យ Stellenbosch បានមានប្រសាសន៍ថាបច្ចេកវិទ្យា Cold In-Place Recycling គឺជាការប្រើឡើងវិញនូវសមាសធាតុថ្នល់ដែលមានស្រាប់នៅលើចិញ្ចើមផ្លូវ ហើយវានឹងអាចធ្វើឲ្យគុណភាពផ្លូវនោះកាន់តែល្អ។ លោកពន្យល់ថា «មុនយើងធ្វើការកែច្នៃផ្លូវថ្នល់ឡើងវិញ យើងយកសមាសធាតុគំរូពីផ្លូវថ្នល់នោះ ដើម្បីមើលពីដំណើរការវត្ថុធាតុដើមដែលល្អបំផុត ដែលយើងហៅថា ការរួមបញ្ចូលគ្នា។ នៅពេលដែលយើងមានការរួមបញ្ចូលគ្នាហើយ យើងប្រើប្រាស់ព័ត៌មាននៃការរួមបញ្ចូលគ្នានោះដើម្បីប្រើទៅលើផ្លូវ»។ Wirtgen គ្រុប និង ដៃគូសហការ Loudon International គឺជាអ្នកដែលមានជំនាញខាងបច្ចេកទេសនិង មានចំណេះដឹងខាងការកែច្នៃចិញ្ចើមផ្លូវសម្រាប់ការប្រើប្រាស់ឡើងវិញ។ លោក Huang Weijie អ្នកគ្រប់គ្រងផ្នែកអភិវឌ្ឍពាណិជ្ជកម្មរបស់ក្រុមហ៊ុន Multico […]
អានបន្ថែម
តើហេតុអ្វីបានជាកម្ពុជាចាំបាច់ត្រូវតាក់តែងច្បាប់ស្តីពីសំណង់ថ្មី?
ក្រសួងរៀបចំដែនដី នគររូបនីយកម្ម និងសំណង់បានរៀបចំតាក់តែងច្បាប់ស្តីពីសំណង់ ដែលកាលពីខែ សីហា កន្លងទៅនេះ ច្បាប់មួយនេះ ក៏ត្រូវបានទទួលការឯកភាពពីគណៈរដ្ឋមន្រ្តី។តើហេតុអ្វីបានជាកម្ពុជាចាំបាច់ត្រូវតាក់តែងច្បាប់ស្តីពីសំណង់នេះ? ច្បាប់ស្តីពីសំណង់កម្រាស់ ៣១ ទំព័រនេះ គឺចែកចេញជា ២២ជំពូក និង ១១៣មាត្រា ដែលត្រូវបានតាក់តែងឡើងជាលើកដំបូងនៅឆ្នាំ២០១៧ ដោយមន្ត្រីជំនាញនៃក្រសួងរៀបចំដែនដី នគរូបនីយកម្ម និងសំណង់ និងមានការចូលរួមផ្ដល់មតិយោបល់ និងធាតុចូលពីអ្នកជំនាញនៃក្រសួងដីធ្លី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍នៃប្រទេសជប៉ុន។ យោងតាមសេចក្តីថ្លែងហេតុដែលត្រូវបានផ្សព្វផ្សាយក្នុងសិក្ខាសាលាស្វែងយល់ពីច្បាប់មួយនេះកាលពីថ្ងៃទី២០ ខែកញ្ញា នៅវិមានរដ្ឋសភា ច្បាប់សំណង់នេះ គឺតាក់តែងឡើងដើម្បីឆ្លើយតបនឹងសន្ទុះនៃការរីកចម្រើនរបស់វិស័យសំណង់ ដែលតម្រូវឲ្យមានការពង្រឹងការគ្រប់គ្រងរាល់ដំណើរការ និងប្រតិបត្តិការក្នុងវិស័យសំណង់ និងអ្នកពាក់ព័ន្ធនឹងការងារសំណង់។ សេចក្តីថ្លែងហេតុបានសរសេរថា៖ «សំណង់កាន់តែធំ កាន់តែខ្ពស់ និងកាន់តែស្មុគស្មាញ កាន់តែទាមទារឲ្យមានការអនុវត្តឲ្យបានត្រឹមត្រូវតាមបទដ្ឋានគតិយុត្ត បច្ចេកវិទ្យា ស្តង់ដា និងបទប្បញ្ញាត្តិបច្ចេកទេស ដើម្បីធានាភាពរឹកមាំ គុណភាព សោភណភាព និងចីរភាពនៃសំណង់»។ ជាក់ស្តែង ចាប់តាំងពីឆ្នាំ ២០០០ ដល់ខែមិថុនា ឆ្នាំ ២០១៩ គម្រោងសំណង់ចំនួន ៤៥ ៦០៥ គម្រោងត្រូវបានអនុមត័ជាមួយនឹងទុនវិនិយោគប្រមាណជាង ៤៥ […]
អានបន្ថែម