កម្ពុជាគ្រោងចុះកិច្ចព្រមព្រៀងទិញថាមពល ២៤០០មេហ្គាវ៉ាតពីឡាវនៅសប្តាហ៍ក្រោយ
កម្ពុជា និងឡាវ គ្រោងចុះហត្ថលេខា លើកិច្ចព្រមព្រៀងទិញលក់ ថាមពលទំហំ ២៤0០ មេហ្គាវ៉ាត ពីឡាវមកកម្ពុជា ដែលគម្រោងនេះនឹងរួមបញ្ចូលការសាងសង់បណ្តាញបញ្ជូនតង់ស្យុងខ្ពស់ពីព្រំដែនប្រទេសឡាវចូលមកដល់រាជធានីភ្នំពេញផងដែរ។ កិច្ចព្រមព្រៀងទិញលក់ថាមពលនេះ នឹងត្រូវចុះហត្ថលេខា ក្នុងអំឡុងទស្សនកិច្ចផ្លូវការរបស់ លោក ថងលូន ស៊ីស៊ូលីត នៅកម្ពុជា នៅសប្តាហ៍ក្រោយ។ លោក វ៉ិចទ័រ ហ្សូណា អគ្គនាយកថាមពលនៃក្រសួងរ៉ែ និងថាមពល បានឲ្យដឹងថា ក្រោមកិច្ចព្រមព្រៀងនេះ កម្ពុជានឹងនាំចូលថាមពលពីប្រទេសឡាវ ដែលមានប្រភពថាមពលពីរោងចក្រថាមពលដើរដោយធ្យូងថ្ម។ លោក វ៉ិចទ័រ ហ្សូណា ថ្លែងថា៖ «មកដល់ពេលនេះ កំពុងតែរៀបចំសាងសង់បណ្តាញតង់ស្យុងខ្ពស់ ៥០០មេហ្គាវ៉ាត ពីព្រំដែនឡាវ ចូលមកស្ទឹងត្រែង និងចូលមកភ្នំពេញ»។ គួរបញ្ជាក់ថា កិច្ចព្រមព្រៀងទិញលក់ថាមពលនេះ ត្រូវបានលើកឡើងបន្ទាប់ពីភាគីកម្ពុជា និងឡាវ បានជួបប្រជុំពិភាក្សាគ្នា លើកិច្ចសហប្រតិបតិ្តការថាមពល នៅក្នុងទីក្រុងបាងកក ប្រទេសថៃ កាលពីសប្តាហ៍មុន។ បើយោងតាមអ្នកនាំពាក្យនៃស្តីការគណៈរដ្ឋមន្រ្តី លោក ផៃ ស៊ីផាន គម្រោងទិញថាមពលអគ្គិសនីផលិតដោយធ្យូងថ្ម ២៤០០មេហ្គាវ៉ាតពីប្រទេសឡាវនេះ នឹងត្រូវលើកយកពិភាក្សា និងឆ្លងនៅក្នុងកិច្ចប្រជុំពេញអង្គគណៈរដ្ឋមន្រ្តី នៅថ្ងៃទី ១១ […]
អានបន្ថែម
ក្រុមហ៊ុនថាមពលពីប្រទេសថៃឈ្នះការដេញថ្លៃលើគម្រោងសូឡា៦០មេហ្គាវ៉ាតនៅកំពង់ឆ្នាំង
ក្រុមហ៊ុន Prime Road Alternative បានឈ្នះការដេញថ្លៃ លើគម្រោងថាមពលពន្លឺព្រះអាទិត្យ ឬសូឡា អនុភាព៦០មេហ្គាវ៉ាត នៅខេត្តកំពង់ឆ្នាំង ជាមួយនឹងតម្លៃផលិតលក់ចេញទាបជាងគេនៅតំបន់អាស៊ីអាគ្នេយ៍។ គម្រោងថាមពលសូឡានេះ បានបើកឲ្យអ្នកវិនិយោគឯកជនចូលរួមដេញថ្លៃជាសាធារណៈកាលពីខែកុម្ភៈកន្លងទៅនេះ បន្ទាប់ពីការសិក្សាសមទ្ធិលទ្ធភាពដោយក្រុមអ្នកជំនាញនៃធនាគារអភិវឌ្ឍអាស៊ីហៅកាត់ថា ADB បានបញ្ចប់។ (អានបន្ថែម) គម្រោងស្ថានីយផលិតថាមពលអគ្គិសនីដើរដោយពន្លឺព្រះអាទិត្យ គឺជាគម្រោងជំហានដំបូង មានអានុភាព ៦០មេហ្កាវ៉ាត់ ក្នុងរូបភាពសាងសង់-គ្រប់គ្រង-អាជីវកម្ម នៅខេត្តកំពង់ឆ្នាំង ក្នុងកិច្ចសហប្រតិបត្តិការជាមួយ ADB ។ យោងតាមសេចក្តីប្រកាសព័ត៌មានរបស់ ADB ក្រុមហ៊ុន Prime Road Alternative បានដាក់តម្លៃ គឺ៣,៨៧៧សេនដុល្លារអាមេរិកក្នុងមួយគីឡូវ៉ាតម៉ោង ក្នុងចំណោមក្រុមហ៊ុនវិនិយោគទាំងក្នុង និងក្រៅស្រុកចំនួន ២៦ក្រុមហ៊ុន ហើយបានក្លាយជាក្រុមហ៊ុនដែលមានតម្លៃលក់ថាមពលទាបជាងគេនៅអាស៊ីអាគ្នេយ៍។ គម្រោងវិនិយោគថាមពលពន្លឺព្រះអាទិត្យ ដែលមានអានុភាព ៦០មេហ្គាវ៉ាត ស្ថិតក្នុងដំណាក់កាលទី១នៃគម្រោងថាមពលសូឡា ១០០មេហ្គាវ៉ាត ដែលជាគម្រោងគាំទ្រដោយ ADB។ អាជ្ញាធរអគ្គិសនីកម្ពុជា EDC ទទួលបន្ទុកជាអ្នកផ្តល់ទីតាំងដីសម្រាប់សាងសង់ស្ថានីយ៍សូឡា និងការតបណ្តាញខ្សែបញ្ជូនចូលស្ថានីយ ចំណែកឯក្រុមហ៊ុនឯកជនឈ្នះការដេញថ្លៃជាអ្នកផ្គត់ផ្គង់ថាមពលផ្អែកតាមកិច្ចព្រមព្រៀងទិញថាមពលរយៈពេលជាមួយអាជ្ញាធរអគ្គិសនី។ យោងតាមក្រសួងរ៉ែ និងថាមពល បន្ទាប់ពីកាលបរិច្ឆេទចុះកិច្ចព្រមព្រៀងជាមួយក្រុមហ៊ុនជ័យលាភី យ៉ាងយូរ ២៤ខែ ថាមពលអគ្គិសនីដើរដោយពន្លឺព្រះអាទិត្យក្នុងខេត្តកំពង់ឆ្នាំង […]
អានបន្ថែម
សណ្ឋាគារលំដាប់ផ្កាយ៤ ថ្មីមួយទៀតបើកដំណើរការជាផ្លូវការនៅខេត្តកំពង់ធំ
សណ្ឋាគារស្តង់ដារលំដាប់ផ្កាយ៤ តម្លៃជាង៥ លានដុល្លារអាមេរិក ឈ្មោះថា កំពង់ធំរ៉ូយ៉ាល់ បានបើកដំណើរការជាផ្លូវការ នៅចំកណ្តាលបេះដូងនៃទីរួមខេត្តកំពង់ធំ កាលពីព្រឹកថ្ងៃទី០៩ ខែកញ្ញា ឆ្នាំ២០១៩ នេះ។ ពិធីបើកសម្ពោធសណ្ឋាគារថ្មីមួយនេះ ត្រូវបានចូលរួមជាអធិបតីភាពដោយ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ ម្ចាស់គម្រោង និងមន្ត្រីពាក់ព័ន្ធសរុបប្រមាណជា ២០០នាក់។ មានទីតាំងស្ថិតនៅចំកណ្ដាលក្រុងស្ទឹងសែន សណ្ឋាគារកំពង់ធំរ៉ូយ៉ាល់នេះ មានបន្ទប់ស្នាក់នៅសរុបចំនួន ៨៧បន្ទប់ បន្ទប់ប្រជុំចំនួន ០៣ បន្ទប់ ភោជនីយដ្ឋាន ក្លឹបហាត់ប្រាណ អាងហែលទឹក កន្លែងស្ទីម សោណា ម៉ាស្សា និង Sky Bar ផងដែរ។ សណ្ឋាគារនេះ គឺត្រូវបានវិនិយោគដោយជនជាតិខ្មែរក្នុងទុនវិនិយោគប្រមាណជិត ០៥លានដុល្លារអាមេរិក។ គម្រោងនេះ បានដំណើរការសាងសង់អស់រយៈពេល ៥ឆ្នាំ ដែលនេះ ជាសមិទ្ធផលថ្មីមួយទៀតនៃវិស័យទេសចរណ៍សម្រាប់ខេត្តកំពង់ធំ។ ក្នុងឱកាសនេះ ឯកឧត្តមបណ្ឌិត ថោង ខុន ក៏បានផ្តល់អនុសាសន៍ដល់ម្ចាស់ និងអ្នកគ្រប់គ្រងសណ្ឋាគារ ថាឲ្យយកចិត្តទុកដាក់ជាសំខាន់ចំពោះគុណភាពសេវាកម្ម និងគុណវុឌ្ឍរបស់បុគ្គលិកទាំង Hard Skill […]
អានបន្ថែម
គម្រោងអភិវឌ្ឍន៍ ‘អាម៉ូរី៧មករា’ បើកសម្ពោធលក់ជាផ្លូវជាលើកទីពីរ
ក្រុមហ៊ុនអចលនទ្រព្យអាម៉ូរីបានប្រកាសបើក លក់គម្រោងអភិវឌ្ឍន៍ ‘អាម៉ូរី៧មករា’ ជាលើកទី ២ កាលពីចុងសប្តាហ៍ ដោយមានអតិថិជនសក្តានុពលប្រមាណជា ៣០០ នាក់ បានចូលរួមក្នុងកម្មវិធី នេះបើយោងតាមសេចក្តីប្រកាសព័ត៌មានរបស់ក្រុមហ៊ុន។ លាតសន្ធឹងតាមបណ្តោយផ្លូវជាតិលេខ៦ ទៅកាន់ផ្លូវលោកឧកញ៉ាលីយ៉ុងផាត់ និងភ្ជាប់បន្ថែមទៅកាន់ផ្លូវជាតិលេខ៥ គម្រោងអភិវឌ្ឍន៍‘អាម៉ូរី៧មករា’នឹងមានការលក់លំនៅដ្ឋាន និងដីឡូតិ៍ជាច្រើនដែលក្រុមហ៊ុនបាននិងកំពុងអភិវឌ្ឍនៅលើផ្ទៃដីទំហំរហូតដល់ទៅ៣២ហិកតា។ បន្ទាប់ពីទទួលបានជោគជ័យពីការដាក់លក់លើកដំបូងនៅខែមករាឆ្នាំ ២០១៩ កន្លងមក ក្រុមហ៊ុននឹងផ្តល់ជម្រើសចំនួន ៤ សម្រាប់ការលក់ដំណាក់កាលទី ២ នេះ ដែលរួមមាន៖ ជម្រើសទី១ ដីទំហ៊ំ ៥មX២០ម ជម្រើសទី២ ដីទំហ៊ំ១០មX២០ម ជម្រើសទី៣ ដីទំហ៊ំ២០មX៣០មនិងជម្រើសទី៤ ផ្ទះវីឡាកូនកាត់ទំហ៊ំ ៥មX១២ម។ លោកសួន វីរៈតារា អគ្គនាយកក្រុមហ៊ុនអចលនទ្រព្យអាម៉ូរី បានមានប្រសាសន៍ថា «គម្រោងបុរី អាម៉ូរី៧មករា បានដើរតួនាទីយ៉ាងសំខាន់ ក្នុងការជួយដល់ប្រជាពលរដ្ឋទាំងអស់ ដែលមានលទ្ធភាពក្នុងការធ្វើការវិនិយោគ ទៅលើវិស័យអចលនទ្រព្យខ្នាតតូច និងមធ្យម»។ (អានបន្ថែម) យោងតាមសេចក្តីប្រកាសព័ត៌មានដដែល អតិថិជនដែលបានចូលរួម គឺទទួលបានប័ណ្ណជាសាច់ប្រាក់បញ្ចុះតម្លៃចំនួន ៣០០០ ដុល្លារអាមេរិក និងប័ណ្ណផ្តល់ជូនគ្រឿងសង្ហារឹមមួយឈុតធំដោយឥតគិតថ្លៃ សម្រាប់ការទិញផ្ទះពាណិជ្ជកម្មប្រភេទA និងB ដែលនឹងបើកលក់ក្នុងខែតុលាខាងមុខនេះ។ […]
អានបន្ថែម
ផ្លូវថ្មើរជើង Walk Street តាមដងទន្លេនឹងបើកឲ្យអាជីវករតាំងលក់ផលិតផលគ្រប់ប្រភេទ
គម្រោងបង្កើតឲ្យមានផ្លូវថ្មើរជើង Walk Street តាមដងទន្លេចាប់ពីមុខប្រៃសណីយ៍កម្ពុជា រហូតដល់មុខព្រះបរមរាជវាំង នឹងបើកឲ្យអាជីវករតាំងលក់ផលិតផលគ្រប់ប្រភេទ ដើម្បីទាក់ទាញទេសចរណ៍ជាតិ និងអន្តរជាតិ នេះបើយោងតាមការបញ្ជាក់របស់សាលាក្រុងរាជធានីភ្នំពេញ។ លោក ម៉េត មាសភក្តី អ្នកនាំពាក្យសាលាក្រុងរាជធានីភ្នំពេញ បានបញ្ជាក់ប្រាប់ទស្សនាវដ្តីសំណង់ និងអចលនទ្រព្យ យើងខ្ញុំកាលពីថ្ងៃទី ០៦ ខែ កញ្ញា ថា គម្រោងនេះ គឺនឹងបើកឲ្យអាជីវករធ្វើការតាំងលក់ផលិតផលគ្រប់ប្រភេទ។ លោកថ្លែងថា៖ «គោលដៅដែលយើងគ្រោងធ្វើ Walk Street គឺយើងគ្រោងឲ្យមានការតាំងលក់ទំនិញ លក់ម្ហូបអាហារ លក់វត្ថុអនុស្សាវរីយ៍ លក់ផលិតផលធ្វើពីដៃ យកផលិតផលខ្មែរយើងផ្សេងៗទាំងអស់ដែលជាតម្រូវការរបស់ភ្ញៀវទេសចរណ៍»។ តាមការបញ្ជាក់របស់ លោក ម៉េត មាសភក្តី ការបង្កើត Walk Street នេះឡើង គឺដើម្បីជំរុញវិស័យទេសចរណ៍ ជាពិសេស ក្នុងរាជធានីភ្នំពេញ ដោយបង្កើនទីតាំងសម្រាប់ភ្ញៀវទេសចរណ៍ទាំងជាតិ និងអន្តរជាតិ ដែលបានមកកំសាន្តនៅរាជធានីភ្នំពេញ។ គួរបញ្ជាក់ថា គម្រោង Walk Street ត្រូវបានពិភាក្សាកាលពីថ្ងៃទី ០៥ ខែ កញ្ញា កន្លងទៅនេះ នៅឯសាលាក្រុងរាជធានីភ្នំពេញ។ […]
អានបន្ថែម
វិភាគ៖ តើកម្ចីពីចិនមកអភិវឌ្ឍន៍ហេដ្ឋារចនាសម្ព័ន្ធនឹងធ្វើឲ្យកម្ពុជារីកចម្រើន ឬវ័ណ្ឌក?
ក្នុងទសវត្សចុងក្រោយនេះ រដ្ឋាភិបាលកម្ពុជាបាននិងកំពុងចំណាយថវិការបស់ខ្លួនជាច្រើនសន្ធឹកសន្ធាប់ដើម្បីអភិវឌ្ឍហេដ្ឋារចនាសម្ព័ន្ធ។ បើគិតត្រឹមចុងឆ្នាំ២០១៨ កន្លងមកនេះ ហេដ្ឋារចនាសម្ព័ន្ធផ្លូវជាតិនិងផ្លូវខេត្ត សរុបប្រវែងជាង ១ ម៉ឺន ៦ពាន់ គីឡូម៉ែត្រ ត្រូវបានស្តារនិងស្ថាបនាឲ្យប្រសើរជាងមុន។ លើសពីនេះ គណៈរដ្ឋមន្ត្រី កាលពីថ្ងៃទី ៣០ ខែសីហា កន្លងមកនេះ ក៏ទើបតែបានអនុម័តលើផែនការថវិកាចំនួន ១៤,៤ ពាន់លានដុល្លារអាមេរិក សម្រាប់កម្មវិធីវិនិយោគសាធារណៈឆ្នាំ២០២០-២០២២ ដោយក្នុងនោះវិស័យហេដ្ឋារចនាសម្ព័ន្ធ ទទួលបានចំណែកប្រមាណជាង ៥០ ភាគរយ ពោលគឺ ជាង ៧ពាន់លានដុល្លារ។ ការបែងចែកថវិកាដ៏ច្រើនសម្រាប់ការអភិវឌ្ឍវិស័យហេដ្ឋារចនាសម្ព័ន្ធនេះ ជាផ្នែកមួយនៃមហិច្ឆិតារបស់រដ្ឋាភិបាលកម្ពុជា ក្នុងការធ្វើឱ្យប្រសើរឡើងនូវគុណភាពជីវិតរបស់ប្រជាពលរដ្ឋ ក៏ដូចជាជំរុញការរីកចម្រើននៃសេដ្ឋកិច្ចរបស់ខ្លួនផងដែរ។ទោះយ៉ាងណា ផែនការដ៏មហិមានេះក៏ភ្ជាប់មកជាមួយបំណុលរាប់លានដុល្លារផងដែរ។ យោងតាមរបាយការណ៍របស់ក្រសួងសេដ្ឋកិច្ចនិងហិរញ្ញវត្ថុបានឲ្យដឹងថា គិតត្រឹមដំណាច់ឆ្នាំ ២០១៨ បំណុលរដ្ឋាភិបាលកម្ពុជាដែលខ្ចីពីបរទេសមានដល់ទៅប្រមាណ ៧ ពាន់លានដុល្លារ ដែលក្នុងនោះភាគច្រើនត្រូវបានប្រើប្រាស់ក្នុងការអភិវឌ្ឍន៍ហេដ្ឋារចនាសម្ព័ន្ធ ដូចជាផ្លូវថ្នល់និងស្ពានជាដើម។ ក្នុងចំណោមកម្ចីចីជាង ៧ ពាន់លានដុល្លារនេះ កម្ចីពីប្រទេសចិនតាមរយៈគំនិតផ្តួចផ្តើមខ្សែក្រវ៉ាត់និងផ្លូវ (Belt and Road Initiative) គឺមានរហូតដល់ទៅជិត ៣ ពាន់លានដុល្លារអាមេរិក។ ប្រាក់កម្ចីពីចិននេះ ដែលគិតទាំងប្រាក់កម្ចីសម្បទាននិងប្រាក់កម្ចីមានអត្រាការប្រាក់ទាប គឺត្រូវបានប្រើប្រាស់ដើម្បីអភិវឌ្ឍផ្លូវសរុបចំនួន […]
អានបន្ថែម
រដ្ឋាភិបាលកំពុងរៀបចំយន្តការបង្កើតតំបន់សេដ្ឋកិច្ចតាមតំបន់ជាយដែន
ក្រុមប្រឹក្សាអភិវឌ្ឍន៍កម្ពុជាឬ CDC កំពុងសិក្សាស្វែងយល់ពីកម្មវិធីវិនិយោគ និងអាជីវកម្ម ដើម្បីបង្កើតយន្តការ ជម្រុញការបង្កើតតំបន់សេដ្ឋកិច្ចពិសេសតាមជាយដែន ខណៈការចងក្រងសេចក្តីព្រៀងច្បាប់ថ្មីស្តីពីការវិនិយោគ និងសេចក្តីព្រៀងច្បាប់ថ្មីស្តីពីតំបន់សេដ្ឋកិច្ចពិសេសបានបញ្ចប់។ ឯកឧត្តម សុខ ចិន្តាសោភា អគ្គលេខាធិការក្រុមប្រឹក្សាអភិវឌ្ឍន៍កម្ពុជា មានប្រសាសន៍ថា ការជំរុញការអភិវឌ្ឍន៍វិស័យឧស្សាហកម្មនៅតាមតំបន់ជាយដែន ស្ថិតនៅក្នុងចក្ខុវិស័យរបស់រដ្ឋាភិបាលកម្ពុជា ដោយយោងតាមស្មារតី និងលទ្ធផលនៃវេទិការាជរដ្ឋាភិបាល-ផ្នែកឯកជន លើកទី១៨ ដែលបានប្រព្រឹត្តិទៅកាលពីថ្ងៃ២៩ ខែ មីនា កន្លងទៅ។ ឯកឧត្តម សុខ ចិន្តាសោភា បញ្ជាក់ថា នៅក្នុងសេចក្តីប្រកាសព័ត៌មាន ចេញផ្សាយកាលពីថ្ងៃទី៥ ថា ដើម្បីប្រមូលធាតុចូលដើម្បីដាក់ចេញយន្តការនេះ ក្រុមប្រឹក្សាអភិវឌ្ឍន៍បានចាប់ផ្តើម សិក្សាស្វែងយល់ពីសកម្មភាពវិនិយោគ និងអាជីវកម្ម នៅតាមតំបន់ព្រំដែន ជាពិសេសនៅក្នុងតំបន់សេដ្ឋកិច្ចពិសេសនានា។ ឯកឧត្តម សុខ ចិន្តាសោភា ថ្លែងថា៖ «ទស្សនកិច្ចការងារនេះមានគោលបំណងផ្សព្វផ្សាយពីចក្ខុវិស័យរបស់រដ្ឋាភិបាល ក្នុងការជំរុញការអភិវឌ្ឍន៍វិស័យឧស្សាហកម្មតាមតំបន់ជាយដែន និងពិនិត្យមើលស្ថានភាពជាក់ស្តែងនៃសកម្មភាពវិនិយោគ និងពាណិជ្ជកម្មនៅតាមតំបន់ព្រំដែន ដើម្បីជាមូលដ្ឋានក្នុងការរៀបចំដាក់ចេញនូវយន្តការពិសេសសម្រាប់ទាក់ទាញវិនិយោគឲ្យកាន់តែច្រើនថែមទៀត»។ កន្លងមក ក្រុមការងារក្រុមប្រឹក្សាអភិវឌ្ឍន៍កម្ពុជា បានចុះពិនិត្យតំបន់សេដ្ឋកិច្ចពិសេសនៅក្រុងប៉ោយប៉ែត និងក្រុងបាវិត។ កាលពីពេលថ្មីនេះ រដ្ឋាភិបាលបានបង្ហាញគម្រោងបង្កើតតំបន់សេដ្ឋកិច្ចពិសេសនៅតំបន់ភាគឥសាននៃប្រទេស គឺខេត្តមណ្ឌលគីរី ដើម្បីចូលរួមបង្កើតការងារជូនដល់ប្រជាពលរដ្ឋក្នុងតំបន់ និងចូលរួមការធ្វើពិពិធកម្មការវិនិយោគ។ យោងតាមតួលេខពីក្រុមប្រឹក្សាអភិវឌ្ឍន៍កម្ពុជា គិតត្រឹមឆ្នាំ២០១៧ […]
អានបន្ថែម
ថវិកា ១០០ លានដុល្លារត្រូវបានអនុម័តសម្រាប់ហេដ្ឋារចនាសម្ព័ន្ធនៅខេត្តព្រះសីហនុ
រដ្ឋាភិបាលកាលនៅថ្ងៃទី ០៤ ខែកញ្ញា បានអនុម័តថវិកាចំនួន ១០០ លានដុល្លារអាមេរិកសម្រាប់សាងសង់ និងស្តារ ហេដ្ឋារចនាសម្ព័ន្ធក្នុងខេត្តព្រះសីហនុ។ កញ្ចប់ថវិកានេះ បញ្ចេញបន្ទាប់ពីផ្នែកខ្លះនៃហេដ្ឋារចនាសម្ព័ន្ធរូបវន្ត ដូចជាផ្លូវថ្នល់ និងអូរធម្មជាតិត្រូវបានខូចខាតខ្លាំង ស្របពេលដែលខេត្តព្រះសីហនុមានការកើនឡើងនៃសំណង់ ប្រជាជន សំរាម និងបរិមាណទឹកភ្លៀងក្នុងរដូវវស្សា។ ក្រសួងសេដ្ឋកិច្ច និងហិរញ្ញវត្ថុបានបញ្ជាក់ក្នុងសេចក្តីប្រកាសព័ត៌មានកម្រាស់២ទំព័រថា គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជាអនុម័ត ថវិកាចំនួន ១០០ ដុល្លារសហរដ្ឋអាមេរិកសម្រាប់ការសាងសង់ផ្លូវក្នុងក្រុង ផ្លូវវាងក្រុង ប្រព័ន្ធរំដោះទឹកភ្លៀង និងប្រព័ន្ធទឺកកង្វក់ ក្នុងខេត្តព្រះសីហនុដែលបានពិភាក្សាកន្លងមក។ (អានបន្ថែម) ដើម្បីបើកមុខទឹកហូរ និងដោះស្រាយជំនន់ ទឹកភ្លៀង គម្រោងនេះនឹងមានការស្តារអូរធម្មជាតិចំនួន ៥ និងលូដែលមានស្រាប់ ដែលសព្វថ្ងៃកំពុងទទួលរងការរំលោភយកចំណីអូរ និងប្រឡាយ។ លើសពីនេះទៀត គម្រោងនេះក៏មានការជួសជុលផ្លូវចំនួន ២២ ខ្សែ នៅទូទាំងទីក្រុងស្របតាមស្តង់ដារបច្ចេកទេស។ ការស្ថាបនាផ្លូវនេះ នឹងផ្តោតលើវិធានការបច្ចេកទេស ដូចជា គុណភាពសំណង់ ទំហំផ្លូវ ការបំពាក់ខ្សែកាប បណ្តាញទូរគមនាគមន៍ បំពង់ទឹកស្អាត និងប្រព័ន្ធទឹកកង្វក់និងទឹកភ្លៀង។ យោងតាមលទ្ធផលនៃការសិក្សាលទ្ធភាពដែលបានពិភាក្សាថ្មីៗនេះ គម្រោងខាងលើគ្រោងនឹងអនុវត្តជាបីដំណាក់កាល ដែលដំណាក់កាលទី ១ ចាប់ពីឆ្នាំ […]
អានបន្ថែម
កម្ពុជា-ថៃពិភាក្សាលើកិច្ចសហប្រតិបត្តិការថាមពល
ប្រទេសកម្ពុជា និងប្រទេសថៃ បានបើកកិច្ចពិភាក្សាលើកិច្ចសហប្រតិបត្តិការថាមពល ខណៈពេលដែលប្រទេសថៃមានអតិរេកថាមពល ហើយប្រទេសកម្ពុជា កំពុងត្រូវការបង្កើតថាមពលប្រើប្រាស់។ យោងតាមសារព័ត៌មានបាងកកប៉ុស្តិ៍ ក្រសួងរ៉ែ និងថាមពលដឹកនាំដោយ ឯកឧត្តម ស៊ុយ សែម របស់កម្ពុជា និងក្រសួងថាមពលប្រទេសថៃ បើកកិច្ចពិភាក្សានៅក្រៅកិច្ចប្រជុំរដ្ឋមន្រ្តីថាមពលអាស៊ាន នៅក្នុងទីក្រុងបាងកក ចាប់ពីថ្ងៃទី២ ដល់ទី៦ ខែកញ្ញា។ ប្រភពដដែល បន្តថា សេដ្ឋកិច្ចប្រទេសកម្ពុជាកំពុងមានកំណើន ជាមួយនឹងតម្រូវការថាមពលកើនឡើង ហើយប្រទេសថៃមានការផលិតថាមពលមានអតិរេក ពោលគឺថាមពលច្រើនលើសតម្រូវការ។ «ប្រទេសទាំងពីរនឹងពិភាក្សាលើវិធានាការនានាដើម្បីឆ្លើយតបគ្នាទៅវិញទៅមក»។ នេះបើយោងតាមរដ្ឋមន្រ្តីក្រសួងថាមពលថៃ លោក Sontirat Sontijirawong។ បើតាមលោក Sontirat Sontijirawong កម្ពុជាមានគម្រោងបង្កើនការនាំចូលថាមពលពីប្រទេសថៃ បន្ថែមទៀត។ យោងតាមក្រសួងរ៉ែ និងថាមពល ប្រទេសថៃស្ថិតក្នុងចំណោមប្រទេសចំនួនបី ឡាវ និងវៀតណាម ដែលបាននាំចូលថាមពលចូលក្នុងបណ្តាញជាតិ។ រដ្ឋាភិបាលកម្ពុជា កាលពីខែមីនា បានស្នើឲ្យប្រទេសថៃ បង្កើនការនាំចូលថាមពល មកប្រទេសកម្ពុជា ពី១២០ មេហ្គាវ៉ាតបច្ចុប្បន្ន ទៅ២០០ មេហ្គាវ៉ាត។ តាមការពិភាក្សា ប្រទេសថៃយល់ព្រមបង្កើនថាមពល បន្ថែមទៀត រហូតដល់៧០មេហ្គាវ៉ាត នៅខែ […]
អានបន្ថែម
សាលាក្រុងចាប់ផ្តើមប្រជុំការអនុវត្តគម្រោងផ្លូវថ្មើរជើង Walk Street
រដ្ឋបាលរាជធានីភ្នំពេញកាលពីថ្ងៃទី ០៥ ខែកញ្ញា បានបើកកិច្ចប្រជុំគណៈកម្មការរៀបចំផ្លូវថ្មើរជើង Walk Street ដើម្បីរៀបចំត្រូវអនុវត្ត។ កិច្ចប្រជុំនេះត្រូវបានប្រព្រឹត្តឡើងក្រោមអធិបតីភាពឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និងមានការចូលរួមពីមន្ទីរអង្គភាពជំនាញ អាជ្ញាធរមូលដ្ឋានពាក់ព័ន្ធ។ គម្រោងនេះនឹងអនុវត្តតាមបណ្ដោយទន្លេចតុមុខចាប់ពីមុខប្រៃសណីយ៍កម្ពុជា រហូតដល់មុខព្រះបរមរាជវាំង ស្ថិតនៅក្នុងសង្កាត់វត្តភ្នំ សង្កាត់ផ្សារកណ្ដាលទី១ សង្កាត់ផ្សារកណ្ដាលទី២ និងកសង្កាត់ជ័យជម្នះ ខណ្ឌដូនពេញ រាជធានីភ្នំពេញ។ គម្រោងសាងសង់ផ្លូវថ្មើរជើង Walk Street នេះគឺធ្វើឡើងដើម្បីទាក់ទាញភ្ញៀវទេសចរណ៍ចូលមកទស្សនាកម្សាន្តក្នុងរាជធានីភ្នំពេញ ជាពិសេសតំបន់មាត់ទន្លេ និងព្រះបរមរាជវាំង និងសម្រួលដល់ការធ្វើដំណើររបស់អ្នកថ្មើរជើង។ គម្រោងនេះធ្វើឡើងក្រោយពេលដែល ក្រសួងរៀបចំដែនដី នគរូបនីយកម្ម និងសំណង់ បានចេញសេចក្តីសម្រេចស្តីពីការដាក់ឲ្យប្រើប្រាស់ប្លង់ស្ថាបត្យកម្មចិញ្ចើមផ្លូវ ផ្លូវថ្មើរជើង និងគន្លងផ្លូវទោចក្រយានទូទាំងរាជធានី-ខេត្ត។ (អានបន្ថែម) រូបភាពគោលដោយ William
អានបន្ថែម
ទុន២០៧លានដុល្លារត្រៀមសម្រាប់គម្រោងវិនិយោគ«ទីក្រុងគួរឲ្យចង់រស់នៅ»នៅកម្ពុជា
រដ្ឋាភិបាលកម្ពុជា និងធនាគារអភិវឌ្ឍន៍អាស៊ី ឬ ហៅកាត់ថា ADB គ្រោងនឹងវិនិយោគទឹកប្រាក់ប្រមាណជាង ២០០ លានដុល្លារអាមេរិកដើម្បីអភិវឌ្ឍ «ទីក្រុងគួរឲ្យចង់រស់នៅ» ក្នុងខេត្តចំនួន ៤។ ទំព័រហ្វេសប៊ុករបស់រដ្ឋបាលខេត្តកំពតកាលពីថ្ងៃទី ០៣ ខែ កញ្ញា បានឱ្យដឹង ក្រោយពីបញ្ចប់កិច្ចប្រជុំថា ការប្រើប្រាស់ថវិកាប្រមាណជា ២០៧ លានដុល្លារអាមេរិកនេះ គឺជាថវិការួមរវាងកម្ចីពី ADB និងថវិកាបំរុងរបស់រដ្ឋាភិបាល។ ថវិកានេះនឹងប្រើប្រាស់សម្រាប់អភិវឌ្ឍខេត្តចំនួន ៤ ដែលខេត្តកំពតជាខេត្តមួយដែលត្រូវបានជ្រើសរើស រីឯខេត្ត៣ទៀត គឺពុំទាន់បានបញ្ជាក់ឲ្យអ្នកសារព័ត៌មានដឹងនៅឡើយទេ។ «ទីក្រុងគួរឲ្យចង់រស់នៅ» គឺជាផ្នែកមួយនៃចក្ខុវិស័យរបស់ធនាគារអភិវឌ្ឍន៍អាស៊ី និងគោលនយោបាយ ក្នុងការអភិវឌ្ឍន៍នគរូបនីយកម្មទីក្រុងដែលកំពុងអភិវឌ្ឍ នៅទូទាំងទ្វីបអាស៊ី ក្នុងគោលបំណងជួយផ្លាស់ប្តូរទីក្រុងទាំងនោះឲ្យទៅជាមជ្ឈមណ្ឌលទីក្រុងប្រកបដោយសុវត្ថិភាព និងនិរន្តរភាព។ យោងតាមការចុះផ្សាយដដែលខាងលើ គម្រោងនេះនឹងវិនិយោគបន្ថែមលើហេដ្ឋារចនាសម្ព័ន្ធដែលមានស្រាប់។ សម្រាប់ខេត្តកំពតវិញ គម្រោងនេះនឹងវិនិយោគលើហេដ្ឋារចនាសម្ព័ន្ធដូចជា ការរៀបចំប្រព័ន្ធលូដោះទឹកជំនន់និងទឹកភ្លៀងចេញពីក្រុងកំពត ការរៀបចំប្រព័ន្ធគ្រប់គ្រងទឹកស្អុយក្នុងក្រុងកំពត ការគ្រប់គ្រងកាកសំណល់រឹង និងការរៀបចំទីលានចាក់សំរាម និងការគ្រប់គ្រងប្រព័ន្ធទឹកស្អាត។ ទន្ទឹមនឹងនេះដែរ ឯកឧត្តម ជាវ តាយ អភិបាលខេត្តកំពត បានជំរុញឲ្យក្រុមការងារជួយពន្លឿនការរៀបចំគម្រោងនេះឲ្យបានឆាប់រហ័ស ហើយឯកឧត្តមនឹងណែនាំមន្ត្រីពាក់ព័ន្ធទាំងអស់សហការជាមួយនឹងក្រុមការងារសិក្សាគម្រោងនេះ។
អានបន្ថែម
កម្ពុជា-ចិនព្រមព្រៀងគ្នាលើគម្រោងសាងសង់លំនៅដ្ឋានតម្លៃសមរម្យ
រដ្ឋបាលរាជធានីភ្នំពេញ និងសមាគមអង្គការពាណិជ្ជកម្មពិភពលោក (Hakka) ប្រទេសចិនបានឯកភាពគ្នា លើការសិក្សាលទ្ធភាពគម្រោងសាងសង់លំនៅដ្ឋានតម្លៃសមរម្យ សម្រាប់មន្រ្តីរាជការ និងប្រជាពលរដ្ឋក្រីក្រ ដោយធ្វើការបង់រំលស់ ក្នុងទឹកប្រាក់កម្រិតទាប។ គម្រោងសាងសង់លំនៅដ្ឋានតម្លៃសមរម្យនេះ ត្រូវបានប្រកាសឡើងនៅក្នុងកិច្ចប្រជុំកាលពីថ្ងៃទី០៣ រវាងមន្រ្តីរដ្ឋបាលសាលារាជធានីភ្នំពេញ និងគណៈប្រតិភូសមាគមពាណិជ្ជកម្មពិភពលោក។ នៅក្នុងកិច្ចប្រជុំ រដ្ឋបាលសាលារាជធានីភ្នំពេញ មិនបានបង្ហាញពីទីតាំងនៃគម្រោងលំនៅដ្ឋានតម្លៃសមរម្យនេះ ប៉ុន្តែបញ្ជាក់ថា គម្រោងនេះនឹងស្ថិតនៅក្រៅក្រុងដែលអាចធ្វើដំណើរត្រឹម ៤៥នាទីទៅ១ ម៉ោងពីតំបន់នោះចូលមករាជធានីភ្នំពេញ។ ឯកឧត្តម ឃួង ស្រេង អភិបាលរដ្ឋបាលរាជធានីភ្នំពេញ លើកឡើងនៅក្នុងកិច្ចប្រជុំថា៖ «បើសិនជាសមាគមពាណិជ្ជកម្មពិភពលោកហាកកាឯកភាព ក្នុងនាមរដ្ឋបាលរាជធានីភ្នំពេញ នឹងសុំគោលការណ៍ទៅរាជរដ្ឋាភិបាលដើម្បីកុំឱ្យមានការបង់ពន្ធចូលរដ្ឋលើការនាំចូលគ្រឿងសំណង់មកធ្វើការសាងសង់ផ្ទះនេះ ហើយចំពោះទីតាំង ដែលគ្រោងនឹងសាងសង់ផ្ទះសម្បែងនេះ អាចនឹងនៅក្រៅក្រុងប្រមាណ៥០ទៅ៦០គីឡូម៉ែត្រ»។ រដ្ឋបាលរាជធានីភ្នំពេញ និងសមាគមពាណិជ្ជកម្មពិភពលោកហាកកា ឯកភាពគ្នានឹងធ្វើការពិភាក្សាលំអិតបន្ថែមទៀតលើគម្រោងសាងសង់លំនៅដ្ឋានតម្លៃសមរម្យបន្តទៀត។ សូមបញ្ជាក់ថា បច្ចុប្បន្ននេះ សមាគមពាណិជ្ជកម្មពិភពលោក Hakka បានដាក់ចេញគម្រោងវិនិយោគនៅប្រទេសកម្ពុជា ចំនួន៨ ក្នុងនោះ មានគម្រោងនាំសាច់គោចូលមកទីផ្សារកម្ពុជា ដែលគម្រោងនេះបានដំណើរការរួចហើយ។ នៅសល់៧គម្រោងទៀត សមាគមបាននិងកំពុងសិក្សា ដោយផ្តោតទៅលើការបណ្តាក់ទុនលើអចលនទ្រព្យ កំពង់ផែ សត្តឃាត និងចិញ្ចឹមសត្វ៕
អានបន្ថែម