សែនជ័យខុនដូនឹងបង្កើតជីវិតរស់នៅបែបថ្មីលើទឹកដីក្បែព្រលានយន្តហោះអន្តរជាតិភ្នំពេញ
គម្រោងខុនដូបានរីកដុះដាលដូចផ្សិតនៅទូទាំងរាជធានីភ្នំពេញ ហើយបានបង្កើតផលិតផលជាច្រើនប្រភេទសម្រាប់អតិថិជន។ ស្របពេលដែលវិស័យខុនដូនៅតែបន្តមានសក្កានុពលក្រុមហ៊ុនអភិវឌ្ឍន៍លំនៅដ្ឋានឈានមុខគេមួយនៅកម្ពុជា ចំរើន សម្បត្តិ ខនស្រ្តាក់សិន ខូ អិលធីឌី បានឈានជើងមួយជំហានទៀតក្នុងការអភិវឌ្ឍន៍អចលនទ្រព្យ ជាមួយនឹងការបង្កើតគម្រោងដ៏អស្ចារ្យរបស់ខ្លួនឈ្មោះថា សែនជ័យខុនដូ ដែលមានទីតាំងជិតព្រលានយន្តហោះអន្តរជាតិភ្នំពេញ។ អ្នកសារព័ត៌មានរបស់ទស្សនាវដ្តីសំណង់ និងអចលនទ្រព្យ កញ្ញា ខាត់ លក្ខិណា បានជួបជាមួយនឹងលោកបណ្ឌិត អាឡិចសិនឌើ អ៊ីវិនហ្រ្គូន នាយកប្រតិបត្តិដើម្បីពិភាក្សាអំពីគម្រោងដ៏ប្លែកអស្ចារ្យមួយនេះ។ តើអ្វីទៅគឺជាចំណុចប្លែកអស្ចារ្យរបស់សែនជ័យខុនដូ? សែនជ័យខុនដូគឺមានភាពទាក់ទាញខ្លាំង ជាខុនដូដែលមានម៉ូតទំនើបទាន់សម័យសម្រាប់មនុស្សគ្រប់គ្នា។ យើងមានអាងហែលទឹក កន្លែងក្មេងលេង ក្លឹបកីឡា និងទីធ្លាសួនច្បារនៅជាន់ទីមួយដ៏ស្រស់ស្អាត ដែលមិនធ្លាប់មានពីមុនមកនោះទេ។ ពីអាងហែលទឹកក្នុងជាន់ទីមួយ គឺមានស្ពានប្រវែង ២ម៉ែត្រឆ្លងទៅក្នុងខុនដូ។ យើងមានយូនីតសរុបចំនួន ១១៦ យូនីត ដែល ៩០ យូនីតជាប្រភេទបន្ទប់គេងក្រែ១ ទំហំ ៣៥ ម៉ែត្រការ៉េ យូនីតចំនួន ១៦យូនីត ជាប្រភេទបន្ទប់គេងក្រែ ២ ទំហំ ៥៤ ម៉ែត្រការ៉េ និងយូនីតចំនួន១៦ យូនីតទៀតជាប្រភេទបន្ទប់គេងក្រែ ៣ ទំហំ ៥៧ ម៉ែត្រការ៉េ ។ […]
អានបន្ថែម
រដ្ឋាភិបាលកំណត់ទិសដៅលុបបំបាត់ពលកម្មកុមារនៅតាមសិប្បកម្មផលិតឡឥដ្ឋត្រឹមឆ្នាំ២០២០
រាជរដ្ឋាភិបាលកម្ពុជាបានកំណត់លុបបំបាត់ឲ្យអស់ ការប្រើប្រាស់កម្លាំងពលកម្មកុមារគ្រប់ទម្រង់នៅតាមសិប្បកម្មឡឥដ្ឋ នៅត្រឹមឆ្នាំ២០២០ខាងមុខ ខណៈការអង្គេតតាមដានធ្វើឡើងតាមបណ្តាសិប្បកម្មផលិតឥដ្ឋកន្លងមក បានរកឃើញថាមានវឌ្ឍនភាពគួរកត់សម្គាល់។ លោក វ៉េង ហៀង ប្រធាននាយកដ្ឋានការងារកុមារ នៃក្រសួងការងារ និងបណ្តុះបណ្តាលវិជ្ជាជីវៈ បានកំណត់ទិសដៅលុបបំបាត់ពលកម្មកុមារនៅតាមសិប្បកម្មផលិតឥដ្ឋឱ្យបានត្រឹមឆ្នាំ២០២០ ហើយយុទ្ធនាការខាងលើនេះ គឺជាការចូលរួមជំរុញទិសដៅនេះផងដែរ។ នេះបើយោងតាមការផ្សាយរបស់ទីភ្នាក់ងារសារព័ត៌មានកម្ពុជា AKP។ លោក វ៉េង ហៀង មានប្រសាសន៍ថា យុទ្ធនាការនេះគឺក្រុមអធិការកិច្ចចុះជាច្រើនលើកច្រើនសារមកហើយ លើកទីមួយ នៅឆ្នាំ២០០៨ លើកពីរ នៅក្នុងឆ្នាំ ២០១៦ លើកទីបី នៅឆ្នាំ២០១៩ និងយុទ្ធនាការនេះនឹងបន្ត នៅឆ្នាំ២០២០ទៀត ដើម្បីជំរុញការធានា និងការទប់ស្កាត់ពលកម្មកុមារនេះក្នុងកម្រិតមួយនៅក្នុងគ្រោះថ្នាក់សឹងតែគ្មាន ឬអាចនិយាយបានថា គ្មានពលកម្មកុមារនៅក្នុងសិប្បកម្មផលិតឥដ្ឋនោះឡើយ។ លោកបានបន្តថាការថយចុះ លក្ខខណ្ឌការងារនៅក្នុងសិប្បកម្មឥដ្ឋទាំងនោះមានភាពល្អប្រសើរ ដោយសារការប្រើប្រាស់ម៉ាស៊ីនពាក់កណ្តាលស្វ័យប្រវត្តិ និងស្វ័យប្រវត្តិដែលកាត់បន្ថយគ្រោះថ្នាក់ការងារ ទំហំផលិតកម្មមានការកើនឡើង។ លោក វ៉េង ហៀង បញ្ជាក់ថា ក្រសួងនឹងធ្វើការពិន័យ បើមានករណីណាមួយប្រើប្រាស់ពលកម្មកុមារ។ តាមការអះអាងដដែលរបស់លោក វ៉េង ហៀង ក្រសួងការងារបានខិតខំជួយកុមារដែលមានជីវភាពខ្វះខាតឲ្យបានទទួលការអប់រំនិងបានដកកុមារចេញពីសិប្បកម្មឡឥដ្ឋទាំងនោះសឹងតែគ្មានសល់។ គិតចាប់ពីឆ្នាំ ២០០៨មក កុមារប្រមាណ៣០០០នាក់ត្រូវបានដកហូត និងទប់ស្កាត់ពីការចូលរួមសកម្មភាពសេដ្ឋកិច្ចនៅសិប្បកម្មផលិតឥដ្ឋ៕ (អានបន្ថែម)
អានបន្ថែម
សណ្ឋាគារអវកាសដំបូងបង្អស់លើពិភពលោកគ្រោងនឹងបើកដំណើរការនៅឆ្នាំ ២០២៥
មូលនិធិ The Gateway Foundation កាលពីថ្មីៗនេះ បានប្រកាសពីផែនការរបស់ខ្លួន ក្នុងការបើកឲ្យដំណើរការសណ្ឋាគារអវកាសដំបូងបំផុតនៅលើពិភពលោក នៅឆ្នាំ ២០២៥ ដែលសណ្ឋាគារនេះគឺនឹងអាចផ្ទុកអ្នកទេសចរបានដល់ទៅ ៤០០ នាក់ នៅដំណាក់កាលដំបូង។ នេះបើយោងតាមរបាយការណ៍របស់សារព័ត៌មាន The Sun. យោងតាមប្រភពដដែល គម្រោងនេះគឺមានឈ្មោះថា Von Braun Space Station ដែលប្រើបច្ចេកវិទ្យាដូចគ្នាទៅនឹងបច្ចេកវិទ្យាដែលកំពុងប្រើនៅក្នុងស្ថានីយ៍អវកាសអន្តរជាតិ (ISS) នាពេលបច្ចុប្បន្ន។ ក្រោយពេលបញ្ចប់ការសាងសង់ គម្រោងនេះនឹងក្លាយជាចំណតអវកាសបែបពាណិជ្ជកម្មដំបូងគេបង្អស់ក្នុងប្រវត្តិសាស្ត្រ ដែលនឹងដំណើរការជាសណ្ឋាគារដ៏ប្រណីត ភោជនីយដ្ឋាន បារ សាលប្រគុំតន្រ្តី រោងបញ្ចាំងភាពយន្ត និងបន្ទប់សិក្ខាសាលាអប់រំជាដើម។ សណ្ឋាគារអវកាសនេះ នឹងត្រូវបានសាងសង់ឡើងជារាងរង្វង់កង់ដែលមានអង្កត់ផ្ចិត ១៩០ ម៉ែត្រ។ រង្វង់នេះនឹងវិលហើយបង្កើតជាទំនាញផែនដីសិប្បនិម្មិត ដែលធ្វើឲ្យអ្នកស្នាក់នៅអាចដើរទៅមកបានដូចធម្មតា។ ការស្ថាបនាគម្រោង Von Braun Space Station គឺមានគំនិតផ្ដួចផ្ដើមចេញពីអ្នកវិទ្យាសាស្រ្តរបស់អង្គការណាសា លោក Wernher von Braun ដែលលោកធ្លាប់ជាអ្នកវិទ្យាសាស្ត្ររ៉ុក្កែតកំពូលរបស់ណាស៊ីកាលពីសម័យសង្គ្រាមលោកលើកទី២។ សណ្ឋាគារនេះ មានសរុបចំនួន ២៤ បន្ទប់ ដែលនឹងអាចទទួលភ្ញៀវទេសចរបាន […]
អានបន្ថែម
គម្រោងតម្លៃជាង ១៧លានដុល្លារដែលបានអនុម័តនឹងត្រៀមខ្លួនបំរើឧស្សាហកម្មសំណង់
ក្រុមប្រឹក្សាអភិវឌ្ឍន៍កម្ពុជាឬ CDC កាលពីថ្ងៃទី ២ ខែ កញ្ញា បានអនុម័តគម្រោងរោងចក្រតម្លៃជាង ១៧ លានដុល្លារអាមេរិក ដែលគម្រោងទាំងនេះ នឹងត្រៀមខ្លួនដើម្បីបំរើដល់ឧស្សាហកម្មសំណង់ ស្របពេលដែលសន្ទុះនៃការវិនិយោគនៅតែបន្ត។ តាមការចុះផ្សាយនៅលើទំព័រហ្វ៊េសប៊ុករបស់ CDC គម្រោងវិនិយោគខាងលើ គឺមានចំនួន៥ ស្ថិតក្នុងខេត្តតាកែវ កំពង់ស្ពឺ កំពត ព្រះសីហនុ និងរាជធានីភ្នំពេញ ក្រោមទុនវិនិយោគសរុបចំនួន ១៧,៣ លានដុល្លារអាមេរិក។ ការលេចឡើងនៃគម្រោងវិនិយោគខាងលើនេះ គឺស្របពេលដែលក្រសួងសេដ្ឋកិច្ច និងហិរញ្ញវត្ថុ បានព្យាការណ៍ថា ក្នុងឆ្នាំ ២០១៩ នេះ អនុវិស័យឧស្សាហកម្ម ដូចជាម្ហូបអាហារ និងភេសជ្ជៈ ឧស្សាហកម្មដំឡើងយានយន្ត គ្រឿងបង្ខំអេឡិចត្រូនិក គ្រឿងបន្លាស់ គ្រឿងសង្ហារឹម កង់ និងស៊ីម៉ង់ត៍ជាដើម នឹងមានសន្ទុះកំណើនខ្ពស់ ទាំងការពង្រីក ការវិនិយោគដែលមានស្រាប់ និងការវិនិយោគថ្មី។ ក្នុងនោះ ក្រុមហ៊ុន Meko Lighting (Cambodia) Co.,Ltd នឹងធ្វើការបង្កើតរោងចក្រផ្គុំដំឡើងអំពូលភ្លើង និង សម្ភារៈបរិក្ខាអគ្គិសនីគ្រប់ប្រភេទ ដែលមានទីតាំងវិនិយោគស្ថិតនៅភូមិចមពល ឃុំពពេល […]
អានបន្ថែម
NCS Global Coatings នឹងរៀបចំសិក្ខាសាលាពិសេសស្តីពីស្រទាប់ថ្នាំលាបការពារពីបណ្តាប្រទេសល្បីៗលើពិភពលោក
អ្នកជំនាញក្នុងឧស្សាហកម្មស្រទាប់ថ្នាំលាបការពារ (Coating) មកពីក្រុមហ៊ុនឈានមុខគេជុំវិញពិភពលោកជាច្រើនរូប នឹងមកចែករំលែកចំណេះដឹង និងបទពិសោធន៍ជាច្រើនឆ្នាំរបស់ខ្លួន ក្នុងវេទិកាពិភាក្សាស្ដីពីផលិតផលស្រទាប់ថ្នាំលាបការពារ ដែលនឹងរៀបចំឡើងដោយក្រុមហ៊ុន NCS Global Coatings (Cambodia) Co., Ltd ក្នុងខែ កញ្ញា នេះ។ សិក្ខាសាលានេះនឹងប្រព្រឹត្តិទៅនៅថ្ងៃទី ១៤ ខែកញ្ញា ឆ្នាំ២០១៩ ចាប់ពីម៉ោង ៨.០០ ព្រឹកដល់ម៉ោង ៤.៣០ រសៀលនៅសណ្ឋាគារ The Great Duke Phnom Penh Hotel (អតីត InterContinental)។ ក្នុងវេទិកាពិភាក្សានេះ អ្នកជំនាញនឹងការធ្វើបទបង្ហាញលើប្រធានបទជាច្រើនដូចជា បច្ចេកវិទ្យាស្រទាប់ថ្នាំលាបការពារឧបករណ៍ឧស្សាហកម្មដែលប្រើប្រាស់ក្នុងទឹក (Marine Industry) ថ្នាំលាបការពារកម្ដៅនិងជម្រាបទឹកក្នុងអ៊ីសូឡង់ ថ្នាំលាបចំណាំងផ្លាតកម្ដៅ ផលិតផលការពារជម្រាបទឹកដោយប្រើបច្ចេកវិទ្យាណាណូ ឬ Nanotechnology ដែលទើបនឹងចេញថ្មី ក៏ដូចជាបច្ចេកវិទ្យាម៉ាស៊ីនបាញ់ថ្នាំការពារ EX45 ។ វាគ្មិនដែលនឹងមកពិភាក្សាក្នុងវេទិកានេះ សុទ្ធសឹងតែមានចំណេះដឹងនិងបទពិសោធន៍ជាច្រើនឆ្នាំក្នុងវិស័យនេះ ដែលមកពីប្រទេសថៃនិងសិង្ហបុរី រួមមាន៖ ១) លោក Eric Koh ប្រធានផ្នែកនាំចេញរបស់ក្រុមហ៊ុន Hempel (Singapore) Pte Ltd ២) លោក Michael Goh ដៃគូគ្រប់គ្រង របស់ក្រុមហ៊ុន GCG Consultancy […]
អានបន្ថែម
ក្រសួងសេដ្ឋកិច្ច៖ វិស័យសំណង់និងអចលនទ្រព្យនឹងធ្លាក់ចុះក្នុងរយៈពេល៤ឆ្នាំខាងមុខ
ក្រសួងសេដ្ឋកិច្ច និងហិរញ្ញវត្ថុ បានព្យាករណ៍ថា កំណើនវិស័យសំណង់ និងអចលនទ្រព្យ ដែលជាអនុវិស័យជំរុញកំណើនសេដ្ឋកិច្ចជាតិ គឺនឹងធ្លាក់ចុះនៅឆ្នាំ ២០១៩ ដល់ឆ្នាំ ២០២២ ក៏ប៉ុន្តែ វិស័យទាំងពីរនេះ នៅតែរក្សាភាពរឹងមាំដដែល។ របាយការណ៍ដែលចែកដល់អ្នកសារព័ត៌មានក្នុងកិច្ចប្រជុំពេញអង្គទីស្តីការគណៈរដ្ឋមន្រ្តីកាលពីថ្ងៃទី ៣០ ខែសីហា បានបង្ហាញថា វិស័យសំណង់ត្រូវបានគេរំពឹងថា នឹងកើនឡើងក្នុងល្បឿន ១៧,៣ ភាគរយ ក្នុងឆ្នាំ ២០១៩ ហើយនឹងធ្លាក់ចុះដល់ ១៦,១ភាគរយ នៅឆ្នាំ ២០២០ ខណៈឆ្នាំ ២០២១ និង ២០២២ តួរលេខនេះនឹងបន្តថយចុះដល់ ១៥.៥ ភាគរយ និង ១៤,៩ ភាគរយរៀងៗគ្នា។ នេះជារបាយការណ៍ដែលបង្ហាញថា វិស័យអចលនទ្រព្យនឹងកើនឡើង ៨,៨ភាគរយក្នុងឆ្នាំ ២០១៩ ហើយធ្លាក់ចុះដល់ ៨.៥ ភាគរយនៅឆ្នាំ ២០២០។ តួលេខនេះដែរ នឹងបន្តធ្លាក់ចុះដល់ ៧,៩ភាគរយ នៅឆ្នាំ ២០២១ និងធ្លាក់ចុះដល់ ៧.៥ ភាគរយនៅឆ្នាំ ២០២២។ ការធ្លាក់ចុះនេះ […]
អានបន្ថែម
៥៣% នៃថវិកាជាតិជាង១៤ពាន់លានដុល្លារគឺសម្រាប់វិស័យហេដ្ឋារចនាសម្ព័ន្ធ
ទីស្តីការគណៈរដ្ឋមន្រ្តីកាលពីថ្ងៃទី ៣០ ខែសីហា បានអនុម័តលើផែនការថវិកាចំនួន ១៤,៤ ពាន់លានដុល្លារអាមេរិក សម្រាប់កម្មវិធីវិនិយោគសាធារណៈ ដោយវិស័យហេដ្ឋារចនាសម្ព័ន្ធ ទទួលបានចំណែកប្រមាណជាង ៥០ ភាគរយ សម្រាប់ការអនុវត្តរយៈពេល ៣ ឆ្នាំ។ ផែនការថវិកានេះ ដែលត្រូវបានស្នើដោយក្រសួងផែនការ គឺនឹងត្រូវគ្របដណ្តប់លើគម្រោងវិនិយោគសាធារណៈជាង ៦០៩ គម្រោង ទៅតាមវិស័យផ្សេងៗគ្នាសម្រាប់ ឆ្នាំ ២០២០-២០២២។ (អានបន្ថែម) ក្រោយបញ្ចប់កិច្ចប្រជុំពេញអង្គរួចមក ទីស្តីការគណៈរដ្ឋមន្រ្តីតាមរយៈសេចក្តីប្រកាសព័ត៌កម្រាស់៤ ទំព័រ បានបញ្ជាក់ថា ថវិកានេះ នឹងត្រូវបែងចែក ៥៣,៨ ភាគរយសម្រាប់វិស័យហេដ្ឋារចនាសម្ព័ន្ធ (ប្រមាណ ៧,៧ ពាន់លានដុល្លារ) ៣២,៧ ភាគរយសម្រាប់វិស័យសេដ្ឋកិច្ច (ប្រមាណ ៤,៧ ពាន់លានដុល្លារ) ៧ ភាគរយលើសេវាកម្ម និងកម្មវិធីអន្តរវិស័យ (ប្រមាណ ១ ពាន់លានដុល្លារ) និង ៦,៥ ភាគរយ សម្រាប់វិស័យសង្គមកិច្ច (ប្រមាណ ៩៣៦ លានដុល្លារ)។ ក្នុងចំណោម ៦០៩ គម្រោងខាងលើនេះ […]
អានបន្ថែម
Comin Khmere ដំឡើងផ្ទាំងសូឡាអណ្តែតទឹកនិងសូឡាដំបូលចំនួន៣ម៉ឺនផ្ទាំងនៅខេត្តកំពត
រុមហ៊ុន Comin Khmere ដែលជាក្រុមហ៊ុនមួយរបស់ Comin Asia Group ដែលជាក្រុមហ៊ុនផ្តល់ដំណោះស្រាយវិស្វកម្មនាំមុខគេមួយនៅកម្ពុជា បានដំឡើងផ្ទាំងសូឡាអណ្តែតទឹកលើកដំបូងបង្អស់នៅកម្ពុជា និងផ្ទាំងសូឡាដំបូលរាងកោងនៅខេត្តកំពតដោយជោគជ័យ។ ថ្លែងប្រាប់ទស្សនាវដ្តីសំណង់ និងអចលនទ្រព្យយើងខ្ញុំតាមសារអេឡេចត្រូនិច កាលពីថ្ងៃទី ២៩ ខែ សីហា លោក ហាក់ ផានិត អ្នកសម្របសម្រួលផ្នែកទីផ្សារនិងទំនាក់ទំនងរបស់ក្រុមហ៊ុន Comin Khmere បានឲ្យដឹងថា ក្រុមហ៊ុនបានបញ្ចប់ការដំឡើងផ្ទាំងកញ្ចក់សូឡាអណ្តែតទឹក និងសូឡាដំបូលរាងកោងចំនួន ៣ម៉ឺនផ្ទាំង កាលពីខែ មេសា កន្លងទៅនេះ។ ដំឡើងនៅឯរោងចក្រផលិតស៊ីម៉ងត៍ ជីប ម៉ុង អ៊ីនស៊ី ក្នុងខេត្តកំពត ក្រុមហ៊ុន Comin Khmere គឺជាក្រុមហ៊ុនដំបូងគេបង្អស់ដែលដំឡើងប្រពន្ធ័សូឡាអណ្តែតទឹកនៅកម្ពុជា ជាមួយនឹងការដំឡើងផ្ទាំងកញ្ចក់សូឡាដំបូលរាងកោងផងដែរ។ ផ្ទាំងកញ្ចក់ដែលទើបនឹងដំឡើងថ្មីនេះ ដែលការដំឡើងបានចាប់ផ្តើមកាលពីខែ កញ្ញា ឆ្នាំ ២០១៨ គឺមានសមត្ថភាពអាចផលិតថាមពលដល់ទៅ ១៣ លានគីឡូវ៉ាត់ម៉ោង ក្នុងមួយឆ្នាំ ដែលនេះ គឺស្មើនឹង ៧ ភាគរយនៃថាមពលដែលត្រូវការសរុប។ បើទោះបីជាជួបការលំបាក់ក្នុងការដំឡើងក្តី ដោយសារនេះ គឺជាការអនុវត្តការដំឡើងប្រពន្ធ័សូឡាអណ្តែតទឹកដំបូងរបស់ខ្លួន […]
អានបន្ថែម
គណៈរដ្ឋមន្រ្តីសម្រេចអនុម័តច្បាប់ស្តីពីសំណង់
ច្បាប់ស្តីពីសំណង់ ត្រូវបានអនុម័តទាំងស្រុង នៅក្នុងកិច្ចប្រជុំគណៈរដ្ឋមន្រ្តី កាលថ្ងៃទី៣០ សីហានេះ ក្រោយសេចក្តីព្រៀងច្បាប់ស្តីពីសំណង់ ត្រូវបានតាក់តែង និងពិភាក្សាដើម្បីរកធាតុចូល ចាប់តាំងពីឆ្នាំ២០១៧។ យោងតាមឯកឧត្តម ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានឲ្យដឹងថា គណៈរដ្ឋមន្រ្តីបានសម្រេចអនុម័តច្បាប់នេះ នៅក្នុងកិច្ចប្រជុំពេញអង្គគណៈរដ្ឋមន្រ្តី ក្រោមវត្តមានសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដោយមានកែសម្រួលពាក្យពេចន៍មួយចំនួនក្នុងមាត្រា៣។ ឯកឧត្តម ផៃ ស៊ីផាន បានគូសបញ្ជាក់ ច្បាប់ស្តីពីសំណង់ គឺឆ្លើយតបទៅនឹងសន្ទុះនៃការរីកចម្រើនរបស់វិស័យសំណង់ តម្រូវការនៃការពង្រឹងការគ្រប់គ្រងរាល់ដំណើរការ និងប្រតិបត្តិការក្នុងវិស័យសំណង់ និងអ្នកពាក់ព័ន្ធនឹងការងារសំណង់កាន់តែមានភាពចាំបាច់ជាសារវ័ន្ត។ ឯកឧត្តម ផៃ ស៊ីផាន ថ្លែងថា៖ «សំណង់កាន់តែធំ កាន់តែខ្ពស់ និងកាន់តែស្មុគស្មាញ កាន់តែទាមទារឱ្យការអនុវត្តបានត្រឹមត្រូវតាមបទដ្ឋានគតិយុត្ត បច្ចេកវិទ្យា ស្ដង់ដារ និងបទប្បញ្ញត្តិបច្ចេកទេស ដើម្បីធានាភាពរឹងមាំ គុណភាព សោភណភាព និងចីរភាពនៃសំណង់»។ សេចក្ដីព្រាងច្បាប់ស្ដីពីសំណង់នេះ ត្រូវបានតាក់តែងឡើងជាលើកដំបូងនៅឆ្នាំ២០១៧ ដោយមន្ត្រីជំនាញនៃក្រសួងរៀបចំដែនដី នគរូបនីយកម្ម និងសំណង់ និងមានការចូលរួមផ្ដល់មតិយោបល់ និងធាតុចូលពីអ្នកជំនាញនៃក្រសួងដីធ្លី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍នៃប្រទេសជប៉ុន។ […]
អានបន្ថែម
វិនិយោគិនបោះទុនជាង២៩៥លានដុល្លារសាងសង់សណ្ឋាគារ និងរោងចក្រសូឡា
ក្រុមហ៊ុនចំនួន៣ នឹងបោះទុនវិនិយោគសរុបប្រមាណជាង ២៩៥លានដុល្លារអាមេរិក ដើម្បីសាងសង់សណ្ឋាគារលំដាប់ផ្កាយ និងរោងចក្រសូឡានៅខេត្តព្រះសីហនុ ខេត្តពោធិ៍សាត់ និងខេត្តកំពង់ឆ្នាំង។ កាលពីថ្ងៃទី ២៩ ខែ សីហា ក្រុមប្រឹក្សាអភិវឌ្ឍន៍កម្ពុជា ឬ ហៅកាត់ថា CDC បានអនុញ្ញាតឲ្យក្រុមហ៊ុន Hai Gang Grand Hotel Co.,Ltd សាងសង់ និងធ្វើអាជីវកម្មសណ្ឋាគារថ្នាក់ផ្កាយ ៥ ដែលមានបន្ទប់ចំនួន៩០០បន្ទប់ ស្ថិតក្នុង ភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ ក្រោមទុនវិនិយោគចំនួនប្រមាណជា ១៥៣លានដុល្លារអាមេរិក និងអាចបង្កើតការងារបានចំនួន ៩៨១ កន្លែង។ ក្នុងនោះដែរ ក្រុមហ៊ុន Xigang V-Continent International Investment Co.,Ltd ក៏ទទួលបានការអនុញ្ញាតឲ្យសាងសង់ និងធ្វើអាជីវកម្មសណ្ឋាគារថ្នាក់ផ្កាយ៥ ដែលមានបន្ទប់ ចំនួន១១១១បន្ទប់ ស្ថិតនៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ក្រោមទុនវិនិយោគប្រមាណជា ២២៦លានដុល្លារអាមេរិក និងអាចបង្កើតការងារបានចំនួន ១៦៦៨កន្លែង។ ដោយឡែក […]
អានបន្ថែម
ភ្នំបូកគោនឹងក្លាយជាតំបន់ទេសចរណ៍ឆ្លាតវៃគ្មានពីរនៅកម្ពុជាក្នុងឆ្នាំ២០៣៥
រដ្ឋាភិបាលនឹងអភវិឌ្ឍភ្នំបូកគោនៃខេត្តកំពត ឲ្យក្លាយទៅជាតំបន់ទេសចរណ៍ឆ្លាតវៃគ្មានពីរនៅកម្ពុជាក្នុងឆ្នាំ ២០៣៥ តាមរយៈការដាក់ចេញប្លង់គោលប្រើប្រាស់ដីគម្រោងអភិវឌ្ឍន៍ក្រុងបូកគោ និងអភិវឌ្ឍវិស័យទេសចរណ៍ ដែលចេញផ្សាយក្នុងសិក្ខាសាលាកាលពីថ្ងៃទី ២៩ ខែ សីហា។ ឯកឧត្តម ជា សុផារ៉ា ឧបនាយករដ្ឋមន្រ្តី និងជារដ្ឋមន្រ្តីក្រសួងរៀបចំដែនដី នគររូបនីយកម្ម និងសំណង់ បានមានប្រសាសន៍ថា ការប្រកាសជាសាធារណនៃគម្រោងទីក្រុងបូកគោនេះ គឺដើម្បីឲ្យប្រជាពលរដ្ឋខ្មែរ ចូលរួមអភិវឌ្ឍទីក្រុងបូកគោ ដែលនឹងក្លាយជាទិសដៅទេសចរណដ៏ទាក់ទាញមួយនាពេលខាងមុខ។ គម្រោងអភិវឌ្ឍន៍ក្រុងបូកគោ បានកំណត់ចក្ខុវិស័យដល់ឆ្នាំ២០៣៥ គឺសំដៅរៀបចំ និងអភិវឌ្ឍ ភ្នំបូកគោ ជាក្រុងឆ្លាតវៃ ទេសចរណ៍ប្រវត្តិសាស្រ្ត បៃតង ធម្មជាតិ និងអាកាសធាតុ ភ្នំ-សមុទ្រដ៏ពិសិដ្ឋគ្មានពីរនៃប្រទេសកម្ពុជា។ ចែកចេញជា៨តំបន់ផ្សេងគ្នា មានដូចតំបន់លំនៅដ្ឋាន ទេសចរណ៍ និងហេដ្ឋារចនាសម្ព័ន្ធ ។ល។ ទីក្រុងបូកគោគ្រប់ដណ្តប់លើផ្ទៃក្រឡា ជិត៩ពាន់ ឬប្រមាណ ៥ភាគរយ នៃទំហំឧទ្យានជាតិបូកគោ ១៥៤ ៤៥៨ មែត្រក្រឡា។ ក្នុងនោះដែរ ដើម្បីឲ្យភ្នំបូកគោក្លាយជាតំបន់ទេសចរណ៍ឆ្លាតវៃ រដ្ឋាភិបាលបានដាក់ចេញយុទ្ធសាស្ត្រចំនួន ៧ ចំណុច ដែលរួមមានយុទ្ធសាស្ត្រអភិវឌ្ឍន៍ទេសចរណ៍។ តាមការបញ្ជាក់របស់ ឯកឧត្តម ជា សុផារ៉ា […]
អានបន្ថែម
ក្រុមហ៊ុនសំណង់និងសិក្សាគម្រោងប្លង់បានកើនឡើងជាង២០ភាគរយក្នុងរយៈ១ខែ
ចំនួនក្រុមហ៊ុនប្រកបអាជីវកម្មសិក្សាគម្រោងប្លង់ និងសាងសង់នៅកម្ពុជាទាំងក្នុង និងក្រៅស្រុក បានកើនឡើងជាង២០ភាគរយក្នុងខែកក្កដា ឆ្នាំ២០១៩ បើធៀបទៅនឹងរយៈពេលដូចគ្នានៃឆ្នាំ ២០១៨។ យោងតាមរបាយការណ៍បូកសរុបលទ្ធផលការងារប្រចាំខែ របស់ក្រសួងរៀបចំដែនដី នគរូបនីយកម្ម និងសំណង់ ដែលទស្សនាវដ្តីសំណង់ និងអចលនទ្រព្យ យើងខ្ញុំទទួលបានកាលពីថ្ងៃទី ២៩ ខែ សីហា បានឲ្យដឹងថា ក្នុងខែកក្កដា ឆ្នាំ ២០១៩ ក្រសួងបានចុះបញ្ជីក្រុមហ៊ុនប្រកបអាជីវកម្មសិក្សាគម្រោងប្លង់ និងសាងសង់ចំនួន ៥៣ ក្រុមហ៊ុន ដែលនេះ គឺកើនឡើងចំនួន២០,៤៥ ភាគរយ បើធៀបទៅនឹងខែកក្កដា ឆ្នាំ ២០១៨ ដែលមានចំនួនត្រឹម ៤៤ ក្រុមហ៊ុន។ តាមតួរលេខខាងលើដដែល ក្រុមហ៊ុនសាងសង់ក្នុងស្រុក បានកើនឡើងចំនួន ២៥ ក្រុមហ៊ុន ចំណែកឯ ក្រុមហ៊ុនសាងសង់អន្តរជាតិវិញ គឺមានការកើនឡើងប្រមាណជា ២៧ ក្រុមហ៊ុន និងក្រុមហ៊ុនសិក្សាគម្រោងប្លង់អន្តរជាតិបានកើនឡើងចំនួន ១ ក្រុមហ៊ុន។ ក្រៅពីក្រុមហ៊ុនខាងលើ ក្រសួងក៏បានចុះបញ្ជីរូបវន្តបុគ្គលសិក្សាគម្រោងប្លង់ចំនួន ៣ រូបផងដែរ ដែលក្នុងនោះស្ថាបត្យករមានចំនួន ២ រូប រីឯវិស្វករមានចំនួន ១ […]
អានបន្ថែម