ក្រុមហ៊ុន Has-architecture ឈ្នះការរចនាប្លង់អគារ MGN កម្ពស់៤៨៥ម៉ែត្រនៅភ្នំពេញ
ក្រុមហ៊ុនស្ថាបត្យកម្ម Has-architecture បានឈ្នះការប្រកួតប្រជែងរចនាប្លង់អគារ MGN Tower កម្ពស់ ៤៨៥ ម៉ែត្រ ដែលមានទីតាំងតាមបណ្តោយមហាវិថីព្រះនរោត្តម រាជធានីភ្នំពេញ។ អគារ MGN Tower គឺនឹងក្លាយជាទីស្នាក់ការកណ្តាលរបស់ធនាគារ MGN ព្រមទាំងជាអគារការិយាល័យ និងសណ្ឋាគារ ដែលនឹងក្លាយជាសំណង់ដែលខ្ពស់លំដាប់លេខទី ២ នៅកម្ពុជាក្រោយពេលបញ្ចប់ការសាងសង់។ យោងតាមសារព័ត៌មានផ្នែកស្ថាបត្យកម្ម aasarchitecture ក្រុមហ៊ុន Has-architecture ព្រមជាមួយនឹងក្រុមហ៊ុនស្ថាបត្យកម្មក្នុងស្រុក R.R Architect បានឈ្នះការរចនាប្លង់អគារ៨៥ជាន់ខាងលើនេះ កាលពីខែ សីហា ២០១៨ ក៏ប៉ុន្តែ ទើបតែនឹងប្រកាសជាសាធារណៈកាលពីថ្ងៃទី ២២ ខែ សីហា ឆ្នាំ ២០១៩កន្លងទៅនេះ។ ចូលរួមរចនាឡើងដោយក្រុមហ៊ុនវិស្វកម្មអាឡឺម៉ង់ Knippers Helbig ការរចនាប្លង់របស់អគារ MGN Tower ត្រូវបានដឹកនាំដោយ Liem Nguyen ដោយឡែក អ្នកប្រកួតក្នុងក្រុមមានចំនួន៦ រូប។ គំនិតរចនានៃអគារខ្ពស់កប់ពពក បំពាក់ដោយកញ្ចក់នេះ គឺផុសចេញពីផ្កាអុកណា (Ochna) និងស្ថាបត្យកម្មបាយ័នខ្មែរ […]
អានបន្ថែម
ក្រុមហ៊ុនចិន-ខ្មែររួមគ្នាបង្កើត “ទីក្រុងនាគ” នៅក្នុងទឹកដី ២៥០០ហិកតា នៃ ING City
ក្រុមហ៊ុនកម្ពុជា និងហុងកុងបានចុះកិច្ចព្រមព្រៀងអភិវឌ្ឍ “ទីក្រុងនាគ” កាលពីថ្ងៃទី ២៧ ខែ សីហា ដោយនឹងប្រែក្លាយផ្ទៃដីទំហំ ៥,៤ ហិកតានៅក្នុងទីក្រុង ING City ឱ្យទៅជាតំបន់ពាណិជ្ជកម្ម នេះបើយោងតាមសេចក្តីប្រកាសព័ត៌មាន។ ប្រារព្ធធ្វើឡើងនៅសណ្ឋាគារសូហ្វីតែល ភូកេត្រា ភ្នំពេញ កិច្ចព្រមព្រៀងនេះ ត្រូវបានចុះហត្ថលេខារវាងក្រុមហ៊ុនអភិវឌ្ឍន៍កម្ពុជា ING Holdings Co., Ltd និងក្រុមហ៊ុនមានមូលដ្ឋាននៅហុងកុង Causeway Bay Group ជាមួយនឹងក្រុមហ៊ុន SINO BAY Construction Investment។ ក្រុមហ៊ុនទាំងបី នឹងរួមគ្នាអភិវឌ្ឍគម្រោង “ទីក្រុងនាគ” ក្នុងតំបន់បឹងជើងឯក និងបឹងទំពុន ដែលគម្រោងនេះជាផ្នែកមួយនៃគម្រោងទីក្រុង ING City ដែលមានទំហំប្រមាណជា ២,៥៧២ ហិកតា។ គម្រោងនេះរំពឹងថា នឹងចាប់ផ្តើមនៅឆ្នាំf ២០២០ ដែលនឹងត្រូវពង្រីកដល់ទៅ ២៥ ហិកតានៅពេលក្រោយ។ ប្រធានក្រុមប្រឹក្សាភិបាល ក្រុមហ៊ុន ING Holdings លោកឧកញ៉ា អ៊ឹង […]
អានបន្ថែម
ក្រុមហ៊ុនអន្តរជាតិគ្រោងកែច្នៃសំរាមដើម្បីផលិតជាថាមពលអគ្គិសនីនៅខេត្ដព្រះសីហនុ
ក្រុមហ៊ុនអន្តរជាតិមកពីប្រទេសសិង្ហបុរី និងម៉ាឡេស៊ីបាននិងកំពុងសម្លឹងមើលលើការកែច្នៃសំរាមដើម្បីផលិតជាថាមពលអគ្គិសនីនៅខេត្ដព្រះសីហនុ នេះបើយោងតាមលទ្ធផលនៃកិច្ចប្រជុំរវាងក្រុមហ៊ុន និងអភិបាលខេត្តកាលពីថ្ងៃទី ២៧ ខែ សីហា។ គម្រោងវិនិយោគនេះ ត្រូវបានបង្ហាញក្នុងជំនួបរវាងអភិបាលខេត្តព្រះសីហនុ ឯកឧត្តម គួច ចំរើន និងប្រធានក្រុមហ៊ុន Ric Natural Development Plc លោក Dato Mah Kaseng។ យោងតាមការបញ្ជាក់នៅលើទំព័រហ្វ៊េសប៊ុករបស់រដ្ឋបាលខេត្ត ក្រុមហ៊ុន Ric Natural Development Plc មានបំណងចង់កែច្នៃសំរាមដើម្បីផលិតជាថាមពលអគ្គិសនីនៅខេត្ដព្រះសីហនុ ហើយក្រុមហ៊ុនវិនិយោគម៉ាឡេស៊ី មានគម្រោងវិនិយោគជីវឥន្ធនៈ ខណៈក្រុមហ៊ុនវិនិយោគសិង្ហបុរី មានគម្រោងអភិវឌ្ឍន៍កំពង់ផែទូកទេសចរណ៍ទំនើប។ គម្រោងផ្តួចផ្តើមវិនិយោគនេះ គឺធ្វើឡើងស្របពេលដែលសន្ទុះនៃការវិនិយោគក្នុងខេត្តព្រះសីហនុមានការកើនឡើងខ្លាំងក្នុងប៉ុន្មានឆ្នាំចុងក្រោយនេះ ហើយចំនួនប្រជាជនរស់នៅក្នុងខេត្តបានកើនឡើងដល់ទៅ ៣០០០០០ នាក់ ដែលនេះ បានធ្វើឲ្យសំរាមមានការកើនឡើងផងដែរ។ ឯកឧត្តម គួច ចំរើន បានស្វាគមន៍ចំពោះគម្រោងវិនិយោគខាងលើនេះ ហើយបានបញ្ជាក់ទៀតថា បច្ចុប្បន្ននេះ ខេត្តព្រះសីហនុមានសំរាមប្រមាណជា១.០០០ តោន ក្នុងមួយថ្ងៃ ហើយវានឹងអាចកើនឡើងបន្ថែមទៀត។ ឯកឧត្តម គួច ចំរើន ថ្លែងថា៖ «ក៏ប៉ុន្តែ ក្រុមហ៊ុនត្រូវសិក្សាគម្រោងឱ្យបានស៊ីជម្រៅអំពីទីផ្សារ […]
អានបន្ថែម
គម្រោងសិក្សាវារីអគ្គិសនីទំហំ១៧០មេហ្គាវ៉ាត ត្រូវស្នើឲ្យសិក្សាបន្ថែម
ក្រសួងរ៉ែ និងថាមពល បានស្នើឲ្យក្រុមហ៊ុនចិនសិក្សាបន្ថែម លើលទ្ធផលនៃការសិក្សាសមិទ្ធិលទ្ធភាពរបស់គម្រោងវារីអគ្គិសនី នៅខេត្តកោះកុង។ របាយការណ៍សិក្សាសមិទ្ធិលទ្ធភាពគម្រោងវារីអគ្គិសនីនេះមានទំហំ ១៧០មេហ្គាវ៉ាត ត្រូវបានសិក្សាដោយក្រុមហ៊ុន China Huadian Lower Stung Russei Chrum សម្រាប់គម្រោងវារីអគ្គិសនីស្ទឹងវាលថ្មកំបុត និងគម្រោងវារីអគ្គិសនីស្ទឹងឬស្សីជ្រុំកណ្តាល។ របាយការណ៍សិក្សាសមិទ្ធិលទ្ធភាពនៃគម្រោងទាំងពីរនេះ ធ្វើឡើងក្នុងកិច្ចប្រជុំត្រួតពិនិត្យសេចក្តីព្រាងរបាយការណ៍សិក្សា នៅក្រសួងរ៉ែ និងថាមពល ដោយដឹកនាំដោយ ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល កាលពីថ្ងៃទី ២៦ ខែសីហា កន្លងមកនេះ។ លោក យឹម វិសិដ្ឋ ប្រធានអាជ្ញាធរអគ្គិសនីកម្ពុជា ដែលបានចូលរួមនៅក្នុងកិច្ចប្រជុំ បានឲ្យដឹងនៅថ្ងៃទី២៧ ថា ក្រសួងបានពិនិត្យ និងបានស្នើឲ្យក្រុមហ៊ុនធ្វើការកែតម្រូវបន្ថែម ដោយសារមានចំនុចមួយក្នុងរបាយការណ៍សិក្សា មិនទាន់ពេញលេញ។ លោក យឹម វិសិដ្ឋ ថ្លែងថា៖ «ក្រុមហ៊ុនបានដាក់របាយការណ៍សិក្សាសមិទ្ធិលទ្ធភាពជូនមកក្រសួង បន្ទាប់ពីពិនិត្យ ក្រសួងបានស្នើឲ្យមានការសិក្សាបន្ថែម។ ទន្ទឹមនេះ ក្រសួងបានសម្រេចបង្កើតគណៈកម្មការបច្ចេកទេស ដែលមានក្រសួងរ៉ែ និងថាមពល អាជ្ញាធរអគ្គិសនីកម្ពុជា និង EDC […]
អានបន្ថែម
រដ្ឋាភិបាលកំពុងសិក្សារៀបចំតំបន់ជិតកោះត្រល់ឲ្យក្លាយជាគោលដៅទេសចរណ៍ពិសេស
ក្រសួងទេសចរណ៍បាននិងកំពុងសិក្សារៀបចំអភិវឌ្ឍកោះសេះនៃខេត្តកំពត ដែលស្ថិតជិតកោះត្រល់ ឲ្យក្លាយទៅជាគោលដៅទេសចរណ៍ពិសេស ដែលនឹងគ្របដណ្តប់វិសាលភាពជាង ៥០០ហិកតា បន្ទាប់ពីរដ្ឋាភិបាល បានចេញសេចក្តីសម្រេចលើការបង្កើតតំបន់ទេសចរណ៍ពិសុទ្ធិ នេះបើយោងតាមអ្នកនាំពាក្យរបស់ក្រសួង។ លោក ជុក ជំនោរ មន្រ្តីនាំពាក្យក្រសួងទេសចរណ៍ បានប្រាប់ទស្សនាវដ្តីសំណង់ និងអចលនទ្រព្យ យើងខ្ញុំកាលពីថ្ងៃទី ២៧ ខែ សីហាថា កោះសេះក្នុងខេត្តកំពត គឺមានសក្កានុពលច្រើនដូចជាឆ្នេរខ្សាច់ស្អាត ធម្មជាតិបរិសុទ្ធច្រើន ដែលអំណោយផលសម្រាប់ការអភិវឌ្ឍន៍ជាគោលដៅទេសចរណ៍ថ្មី។ លោក ជុក ជំនោរ បានបញ្ជាក់ថា៖«ក្រុមការងារកន្លងមក បានសិក្សាជំហានដំបូងរួចហើយ បន្ទាប់មកទៀត អាចនឹងមានកិច្ចប្រជុំជាមួយនឹងខាងក្រសួង ស្ថាបន័ពាក់ពន្ធ័ ជាពិសេស រដ្ឋបាលថ្នាក់ខេត្ត ដើម្បីយើងសិក្សាលើកឡើងពីលទ្ធភាព ក៏ដូចជាគម្រោងដែលអាចសាងសង់បាននៅទីនោះ»។ តាមការសិក្សាកន្លងមក ការអភិវឌ្ឍន៍នេះ អាចមានទំហំប្រហែលជា ៥០០ ហិកតា ក៏ប៉ុន្តែ ទំហំជាក់ស្តែងអាចមានការប្រែប្រួល នៅពេលការសិក្សាត្រូវបានបញ្ចប់ និងចេញជារូបរាងក្នុងរង្វង់ឆ្នាំ២០១៩នេះ។ ការរៀបចំគោលដៅទេសចរណ៍ថ្មីនេះទៀតសោទ ក៏នឹងជំរុញការវិនិយោគទៅលើផលិតផលផ្សេងៗដើម្បីទាក់ទាញទេសចរណ៍គ្រប់ប្រភេទ ដែលក្នុងនោះ ការអភិវឌ្ឍន៍ទាំងអស់នឹងត្រូវឆ្លើយតប និងគោរពទៅតាមគោលការណ៍និរន្តភាព និងបរិស្ថាន ពោលគឺ ការអភិវឌ្ឍន៍នូវផលិតផលទេសចរណ៍បែបធម្មជាតិ បែបកែច្នៃជាដើម។ លោក ជុក ជំនោរ […]
អានបន្ថែម
ពីឆ្នាំ២០១៦-២០១៩ កម្ពុជាទទួលជំនួយសរុបជាង ៥៥០ លានដុល្លារពីជប៉ុន
យោងតាមរបាយការណ៍របស់ក្រសួងសេដ្ឋកិច្ចនិងហិរញ្ញវត្ថុបានឲ្យដឹងថា ក្នុងរយៈពេល ៣ ឆ្នាំចុងក្រោយនេះ (២០១៦-២០១៩) ប្រទេសកម្ពុជាបានទទួលជំនួយអភិវឌ្ឍន៍ផ្លូវការ សរុបជាងចំនួន ៥៥០ លានដុល្លារអាមេរិក ពីប្រទេសជប៉ុន ដែលភាគច្រើននៃជំនួយនោះ គឺសម្រាប់ការស្ដារនិងអភិវឌ្ឍហេដ្ឋារចនាសម្ព័ន្ធ។ របាយការណ៍បូកសរុបនេះ បានធ្វើឡើងក្នុងជំនួបលាគ្នារវាង ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងឯកអគ្គរដ្ឋទូតជប៉ុនប្រចាំនៅកម្ពុជា ឯកឧត្តម Hidehisa Horinouchi កាលពីថ្ងៃទី ២១ សីហា កន្លងមកនេះ ក្នុងខណៈដែលឯកឧត្តម Hidehisa Horinouchi បញ្ចប់អាណត្តិនៃការបំពេញបេសកកម្មការទូតនៅកម្ពុជា។ របាយការណ៍នេះបានបង្ហាញថា ក្នុងចំណោមជំនួយសរុបទាំងអស់ មានចំនួន ១៥០ លានដុល្លារអាមេរិកដែលជាជំនួយឥតសំណងសម្រាប់ការអភិវឌ្ឍ ផ្លូវថ្នល់ ស្ពាន ការផ្គត់ផ្គង់ទឹកស្អាត និងថាមពលអគ្គិសនី ជាដើម។ ទន្ទឹមនឹងនេះ ទឹកប្រាក់ចំនួនជាង ៤០០ លានដុល្លារ គឺជាឥណទានសម្បទាន ដែលកំពុងចំណាយទៅលើគម្រោងធំៗជាច្រើនដូចជា ការស្តារនិងពង្រីកផ្លូវជាតិលេខ ៥ គម្រោងអភិវឌ្ឍន៍កំពង់ផែស្វយ័តក្រុងព្រះសីហនុ ប្រព័ន្ធធារាសាស្ត្រ បណ្តាញអគ្គិសនី ក៏ដូចជាគម្រោងអភិវឌ្ឍន៍ផ្សេងៗជាច្រើនទៀត។ គួរបញ្ជាក់ផងដែរថា […]
អានបន្ថែម
សំណង់អគារចំនួន ១៤អគារ ក្នុងខេត្តព្រះសីហនុនឹងត្រូវរុះរើក្រោយត្រួតពិនិត្យរួច
អ្នកនាំពាក្យរដ្ឋបាលសាលាខេត្តព្រះសីហនុ លោក ឃាង ភារម្យ បានឲ្យដឹងថាសំណង់អគារចំនួន ១៤អគារ ក្នុងខេត្តព្រះសីហនុ នឹងត្រូវរុះរើបន្ទាប់ពីមន្ត្រីរដ្ឋបាលខេត្ត និងក្រុមការងាររបស់គណៈកម្មាធិការត្រួតពិនិត្យសំណង់បានធ្វើការត្រួតពិនិត្យរួចមក។ គណៈកម្មាធិការត្រួតពិនិត្យសំណង់នៅខេត្តព្រះសីហនុ ត្រូវបានបង្កើតឡើងក្រោយពីមានការបាក់រលំអគារកម្ពស់ ៧ជាន់ ដែលបានបណ្តាលឲ្យមនុស្សស្លាប់ និងរបួសជាង ៤០នាក់ នៅខេត្តព្រះសីហនុ កាលពីខែមិថុនា កន្លងមកនេះ។ (អានបន្ថែម) តាមការបញ្ជាក់តាមទូរសព្ទកាលពីថ្ងៃទី ២៦ ខែ សីហា លោក ឃាង ភារម្យ បានឲ្យដឹងថា ក្រុមការងារត្រួតពិនិត្យសំណង់ទាំង ២៣ក្រុម របស់ក្រសួងរៀបចំដែនដី នគរូបនីយកម្ម និងសំណង់កន្លងមក បានត្រួតពិនិត្យសំណង់អគារប្រមាណជាង ៥០០ កន្លែង។ លោកថ្លែងថា៖ «ព័ត៌មានដែលខ្ញុំទទួលបានពីមន្ទីដែនដីខេត្ត គឺលោក [ក្រុមការងារ] បានចុះធ្វើការត្រួតពិនិត្យបានជាង ៥០០សំណង់ ហើយក្នុងនោះ ជំហានទី១ គឺលោក [ក្រុមការងារ] បានសម្រេចរុះរើសំណង់ចំនួន១៤ទីតាំង នៅក្នុងចំណោមសំណង់ដែលបានត្រួតពិនិត្យ»។ ជាងនេះទៀត កន្លងមកក្រុមការងារក៏បានរកឃើញសំណង់ដែលមានបញ្ហាចំនួន២២ ពោលគឺសាងសង់មិនបានត្រឹមត្រូវតាមលក្ខណៈបច្ចេកទេសនៃការសាងសង់អគារនៅកម្ពុជា។ លោក ឃាង ភារម្យ បានបន្ថែមទៀតថា៖ «ដោយឡែក […]
អានបន្ថែម
ខេត្តព្រះសីហនុត្រូវការថវិកា២៥លានដុល្លារអាមេរិកដើម្បីកសាងប្រពន្ធ័លូរំដោះទឹកភ្លៀង
ដើម្បីបញ្ជៀសការលិចលង់នៅពេលមានភ្លៀងធ្លាក់ខ្លាំង ខេត្តព្រះសីហនុ នឹងត្រូវការថវិកាប្រមាណជា ២៥ លានដុល្លារអាមេរិក ដើម្បីកសាងប្រពន្ធ័លូរំដោះទឹកភ្លៀង ពោលគឺប្រឡាយរំដោះទឹក នេះបើយោងតាមលទ្ធផលនៃការសិក្សាផែនការមេ។ លទ្ធផលនេះត្រូវបានបង្ហាញក្នុងសិក្ខាសាលាស្តីពីលទ្ធផលនៃការសិក្សាលទ្ធភាពនៃគម្រោងផែនការមេ សម្រាប់គ្រប់គ្រងប្រព័ន្ធទឹកកខ្វក់នៅខេត្តព្រះសីហនុកាលពីថ្ងៃទី ២៣ ខែ សីហា។ ថ្លែងប្រាប់បណ្តាអ្នកសារព័ត៌មានក្រោយបញ្ចប់សិក្ខាសាលា ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ថា ផែនការអភិវឌ្ឍប្រព្រឹត្តកម្មទឹកកខ្វក់ និងប្រពន្ធ័រំដោះទឹកភ្លៀងដំណាក់កាលទីមួយ (២០១៩ ដល់២០២១) នឹងត្រូវចំណាយថវិការប្រមាណជា ១៧០ លានដុល្លារអាមេរិក។ (អានបន្ថែម) ដោយឡែកចំពោះ ប្រពន្ធ័រំដោះទឹកភ្លៀងវិញ ឯកឧត្តម ស៊ុន ចាន់ថុល បានឲ្យដឹងថា ប្រពន្ធ័លូរំដោះទឹកភ្លៀង រដ្ឋាភិបាលត្រូវសាងសង់លូប្រវែង២០គីឡូម៉ែត្រ ហើយនឹងត្រូវប្រើប្រាស់ថវិកាប្រមាណជា ២៥ លានដុល្លារអាមេរិក។ គួររម្លឹកថា កាលពីពេលថ្មីៗនេះ ខេត្តព្រះសីហនុបានទទួលរងការលិចលង់ទឹកយ៉ាងខ្លាំងនៅតាមតំបន់នានា ដោយសារបញ្ហាមួយចំនួនដូចជា ការរំលោភបំពានប្រឡាយអូរ កំណើនបរិមាណទឹកភ្លៀង និងបញ្ហាមួយចំនួនទៀត ដែលបានរារាំងការរំដោះទឹកក្នុងក្រុង (អានបន្ថែម) អភិបាលខេត្តព្រះសីហនុ ឯកឧត្តម គួច ចំរើន ក៏បានបញ្ជាក់ដែរថា ក្រុមការងាររដ្ឋបាលខេត្តកំពុងធ្វើការកាប់កាយស្តារឡើងវិញ […]
អានបន្ថែម
ទីតាំងម្ដុំផ្សារកុងតឺន័រចាស់នឹងប្ដូរមុខមាត់ជាផ្សារទំនើប The One Mall នៅចុងឆ្នាំនេះ
ទីតាំងម្ដុំផ្សារកុងតឺន័រចាស់ នៅទីក្រុងភ្នំពេញ នឹងផ្លាស់ប្ដូរមុខមាត់ទៅជាផ្សារទំនើបបែបសហគមន៍ថ្មីមួយឈ្មោះថា The One Mall នៅខែ ធ្នូ ឆ្នាំ ២០១៩ ខាងមុខនេះ។ នេះបើយោងតាមការប្រកាសរបស់ម្ចាស់គម្រោងកាលពីថ្ងៃទី ២២ សីហាកន្លងមកនេះ។ មានទីតាំងស្ថិតនៅលើអតីតផ្សាររាត្រីកុងតឺន័រក្បែរចំហៀងស្ថានទូតរុស្ស៊ី ក្នុងសង្កាត់ទន្លេបាសាក់ ខណ្ឌចំការមន ផ្សារទំនើប The One Mall នេះ នឹងមានកម្ពស់ ៣ ជាន់ ហើយនឹងសាងសង់លើផ្ទៃដី ១២ ០០០ ម៉ែត្រការ៉េ។ ផ្សារទំនើបមួយនេះ នឹងរួមមានហាងសរុបចំនួន ១៥០ កន្លែង ដែលក្នុងនោះ មានជាហាងលក់ទំនិញ ហាងលក់សម្លៀកបំពាក់ ភោជនីយដ្ឋាន កន្លែងក្មេងលេង និង កន្លែងហាត់ប្រាណ ជាដើម។ គម្រោងនេះ បានបើកការដ្ឋានសាងសង់ កាលពីខែមិថុនា កន្លងមកនេះ ដែលបច្ចុប្បន្នបានបញ្ចប់ការសាងសង់មួយជាន់ហើយ ។ បើយោងតាមការប្រកាសរបស់ម្ចាស់គម្រោង ផ្សារទំនើបថ្មីមួយនេះ គ្រោងនឹងបញ្ចប់ការសាងសង់នៅខែតុលា ហើយនឹងបើកដំណើរការជាផ្លូវការនៅ ខែធ្នូ ឆ្នាំ២០១៩ ខាងមុខនេះ។ គូរបញ្ជាក់ផងដែរថា គម្រោងនេះ គឺជាការវិនិយោគរបស់ក្រុមហ៊ុន The One Mall Management (Cambodia) Co., Ltd ដែលជាបុត្រសម្ព័ន្ធរបស់ក្រុមហ៊ុនចិន Ming Sheung International Investment Co., Ltd។
អានបន្ថែម
ខុនដូស្កាយវីឡាដ៏ប្រណីតបំផុតនៅភ្នំពេញនឹងបញ្ចប់ការសាងសង់ក្នុងឆ្នាំ ២០២០
គម្រោងខុនដូស្កាយវីឡា (Sky Villa) ដ៏ប្រណីតបំផុត ដែលមានទីតាំងស្ថិតនៅតាមបណ្តោយមហាវិថីសាធារណរដ្ឋប៉ូឡូញ នៃ ខណ្ឌ ៧ មករា គ្រោងនឹងបញ្ចប់ការសាងសង់ក្នុងឆ្នាំ ២០២០ ដែលគម្រោងនេះនឹងបន្ថែមខុនដូចំនួនប្រមាណជាង ២៥០ យូនីត ទៀតចូលទៅក្នុងទីផ្សារខុនដូក្នុងរាជធានីភ្នំពេញ នេះបើយោងតាមការប្រកាសក្នុងសន្និសីទសារព័ត៌មានកាលពីថ្ងៃទី ២៣ ខែ សីហា កន្លងមកនេះ។ មានទីតាំងជិតពហុកីឡាដ្ឋានអូឡាំពិច ខុនដូកម្ពស់ ៣៥ជាន់នេះ មានចំនួនពីរអគារ មានយូនីតសរុបចំនួន ២៥៦ យូនីត (១២៨ យូនីតក្នុងមួយអគារ) និងចំណតរថយន្តជាន់ក្រោមដីចំនួន ៤ ជាន់។ គម្រោងនេះ ត្រូវបានអភិវឌ្ឍនិងគ្រប់គ្រងដោយក្រុមហ៊ុនអភិវឌ្ឍន៍ចិន GreatView Investment Pte Ltd និងក្រុមហ៊ុនអភិវឌ្ឍន៍សិង្ហបុរី MCC Singapore។ ខុនដូស្កាយវីឡា ត្រូវបានរចនាប្លង់ដោយក្រុមហ៊ុនស្ថាបត្យកម្ម Chu-Yuan Lee ដែលជាអ្នករចនាអគារដ៏ល្បីល្បាញនៅទីក្រុង តៃប៉ិ ឈ្មោះថា Taipei 101។ លោក Tan Zhiyong នាយកប្រតិបត្តិក្រុមហ៊ុន MCC Singapore បានមានប្រសាសន៍ថា គម្រោងខុនដូស្កាយវីឡា គឺជាតំណាងឲ្យទំនាក់ទំនងដ៏ល្អរវាងប្រទេសចិន សិង្ហបុរី និងកម្ពុជា។ លោកថ្លែងថា៖ […]
អានបន្ថែម
អគារបៃតង៖ ដំណោះស្រាយចំពោះវិស័យសំណង់ប្រកបដោយចីរភាព
ដោយសារតម្លៃដីធ្លីនៅក្នុងទីក្រុងធំៗ បាននិងកំពុងតែកើនឡើងជាបន្តបន្ទាប់ ដែលជាហេតុធ្វើឲ្យអ្នកអភិវឌ្ឍន៍គម្រោងនានា ត្រូវតែបង្ខំចិត្តសាងសង់សំណង់ឲ្យពេញលើផ្ទៃដីនិងបានច្រើន តាមតែអាចធ្វើទៅបាន ក្នុងគោលបំណងដើម្បីយកបានផលចំណេញឲ្យបានច្រើនបំផុត។ ទង្វើនេះ បានក្លាយជាបញ្ហាចោទមួយដ៏សំខាន់ ដែលធ្វើឲ្យទីក្រុងពោរពេញទៅដោយអគារនិងផ្ទៃបេតុង ដោយឡែកបៃតងត្រូវបានកាត់បន្ថយបន្តបន្ទាប់។ បើយោងតាមធនាគារអភិវឌ្ឍន៍អាស៊ី (ADB) ទីក្រុងធំ ៗនៅតំបន់អាស៊ីនាពេលបច្ចុប្បន្ន កំពុងជួបប្រទះបញ្ហាប្រឈមដូចជា ចរាចរណ៍កកស្ទះ ការបំពុលបរិយាកាស និងជាពិសេសកង្វះសួនច្បារនិងទីធ្លាបៃតង។ ទីក្រុងភ្នំពេញត្រូវបានគេវាយតម្លៃថាជាទីក្រុងមួយក្នុងចំណោមទីក្រុងដែលមានតំបន់បៃតងទាបជាងគេបំផុតសម្រាប់មនុស្សម្នាក់ៗក្នុងតំបន់អាស៊ាន ពោលគឺមានត្រឹមតែ ១,១ ម៉ែត្រការ៉េប៉ុណ្ណោះសម្រាប់មនុស្សម្នាក់តែប៉ុណ្ណោះ។ ទាក់ទងនឹងបញ្ហានេះ អ្នកយកព័ត៌មានទស្សនាវដ្ដីសំណង់និងអចលនទ្រព្យ បានជួបសម្ភាសន៍ជាមួយនឹង លោកស៊ឹន សុជាតិ ប្រធានសមាគមស្ថាបត្យករកម្ពុជា និងជាប្រធានក្រុមហ៊ុនគ្រុបហ្វរ ស្ថាបត្យករ និង វិស្វករ ដើម្បីពិភាក្សាពីតុល្យភាពរវាងកំណើននៃអគារខ្ពស់និងផ្ទៃបៃតងនៅទីក្រុងភ្នំពេញ។ តើអគារបៃតងគឺជាអ្វី? និយមន័យនៃពាក្យ ‘Green ‘ គឺធំទូលាយណាស់ ។ ការដាំដើមឈើឬមានសួនច្បារតូចមួយនៅក្នុងផ្ទះ គឺជាការចាប់ផ្តើមមួយដ៏ល្អ ប៉ុន្តែនេះគ្រាន់តែជាផ្នែកតូចមួយប៉ុណ្ណោះនៃពាក្យថា Green។ ក្នុងនាមជាស្ថាបត្យករ “អគារបៃតង” មានន័យថាជាអគារទាំងឡាយណាដែល ទាំងការរចនា ការសាងសង់ និងការប្រតិបត្តិការរបស់អគារនោះ អាចជួយកាត់បន្ថយផលប៉ះពាល់អវិជ្ជមាន ឬបង្កើតផលវិជ្ជមានទៅលើអាកាសធាតុនិងបរិស្ថានរបស់យើង។ និយាយម៉្យាងទៀត គឺអគារដែលមានផលល្អដល់ធនធានធម្មជាតិក៏ដូចជាធ្វើឲ្យគុណភាពជីវិតប្រសើរឡើង។ អគារបៃតងត្រូវតែគោរពតាមលក្ខខណ្ឌដូចជា ការប្រើប្រាស់ថាមពលប្រកបដោយប្រសិទ្ធភាព […]
អានបន្ថែម
ផែនការមេគ្រប់គ្រងទឹកកខ្វក់នៅខេត្តព្រះសីហនុតម្លៃជាង១៤០លានដុល្លារនឹងចាប់ផ្ដើមឆាប់ៗនេះ
កាលពីព្រឹកនៅថ្ងៃទី ២៣ សីហា កន្លងមកនេះ ក្រសួងសាធារណការនិងដឹកជញ្ជូន បានបើកកិច្ចប្រជុំអន្តរក្រសួង ដើម្បីធ្វើការពិភាក្សាលើកចុងក្រោយស្តីពីលទ្ធផលនៃការសិក្សាលទ្ធភាពនៃគម្រោងផែនការមេ សម្រាប់គ្រប់គ្រងប្រព័ន្ធទឹកកខ្វក់នៅខេត្តព្រះសីហនុ តម្លៃជាង១៤០លានដុល្លារ។ ក្រោមអធិបតីភាពរបស់រដ្ឋមន្រ្តីក្រសួងសាធារណការនិងដឹកជញ្ជូន ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួងសាធារណការ និងដឹកជញ្ជូន កិច្ចប្រជុំនេះត្រូវបានចូលរួមដោយក្រុមហ៊ុន BUCG ដែលជាក្រុមហ៊ុនដែលទទួលខុសត្រូវលើគម្រោងនេះ ក៏ដូចជាមន្រ្តីពាក់ព័ន្ធជាច្រើនរូបទៀត។ យោងតាមការសិក្សា ផែនការមេនេះរួមមាន ការសាងសង់រោងចក្រប្រព្រឹត្តកម្មចំនួន ៤ កន្លែង ការសាងសង់លូមេប្រវែង ១៥៧ គីឡូម៉ែត្រ លូរងប្រវែង ៦៥ គីឡូម៉ែត្រ និងលូភ្ជាប់ពីលំនៅដ្ឋានប្រវែង ២១០ គីឡូម៉ែត្រ។ ប្រព័ន្ធគ្រប់គ្រងទឹកកខ្វក់ថ្មីនេះនឹងមានសមត្ថភាពធ្វើប្រព្រឹត្តកម្មទឹកកខ្វក់រហូតដល់ ៤០.០០០ ម៉ែត្រគូបក្នុងមួយថ្ងៃ នៅឆ្នាំ ២០២១ និងពង្រីកឲ្យមានសមត្ថភាពរហូតដល់ ៦០.០០០ ម៉ែត្រគូបក្នុងមួយថ្ងៃ នៅឆ្នាំ ២០៣០ ។ ផែនការមេនេះនឹងត្រូវអនុវត្តជា៣ ដំណាក់កាល គឺ ដំណាក់កាលទី១ ពីឆ្នាំ២០១៩ ដល់២០២១ ដំណាក់កាលទី២ ពីឆ្នាំ ២០២១ ដល់ ២០២៣ […]
អានបន្ថែម