ក្រសួងរ៉ែត្រៀមបើកឲ្យមានការដេញថ្លៃបង្កើតរោងចក្រផលិតអគ្គិសនីចេញពីសំរាម
ក្រសួងរ៉ែ និងថាមពលបាននិងកំពុងរៀបចំឲ្យមានការដេញថ្លៃសម្រាប់គម្រោងវិនិយោគបង្កើតជារោងចក្រផលិតអគ្គិសនីចេញពីសំរាម ក្នុងគោលបំណងដោះស្រាយបញ្ហាគ្រប់គ្រងសំរាមក៏ដូចជាបង្កើនការផ្គត់ផ្គង់អគ្គិសនីនៅកម្ពុជា នេះបើយោងតាមការបញ្ជាក់របស់អ្នកនាំពាក្យ។ ថ្លែងប្រាប់ទស្សនាវដ្តីសំណង់ និងអចលនទ្រព្យ តាមទូរសព្ទ័ ឯកឧត្តម វ៉ិចទ័រ ហ្សូណា អ្នកនាំពាក្យក្រសួងរ៉ែ និងថាមពល បានបញ្ជាក់ថា ក្រោយពីមានការណែនាំពីសម្តេចតេជោ ហ៊ុន សែន នាយករដ្ឋមន្រ្តីកម្ពុជារួចមក ក្រសួងរ៉ែ និងថាមពលបាននិងកំពុងរៀបចំឯកសារដេញថ្លៃ ដើម្បីឲ្យក្រុមហ៊ុនដែលឈ្នះផលិតអគ្គិសនីលក់ទៅឲ្យអគ្គិសនីកម្ពុជា ឬ EDC។ ការរៀបចំនេះ ធ្វើឡើងបន្ទាប់ពីរដ្ឋាភិបាលសម្រេចដកហូតសិទិ្ធប្រមូលសំរាមពីក្រុមហ៊ុនស៊ីនទ្រី ជាបណ្តោះអាសន្នមុននឹងធ្វើការបើកឲ្យក្រុមហ៊ុនផ្សេងធ្វើការដេញថ្លៃបន្ត។ (អានបន្ថែម) តាមការបញ្ជាក់របស់ឯកឧត្តម ដំណើរការរៀបចំការដេញថ្លៃនិងឈានដល់ការវិនិយោគបង្កើតរោងចក្រផលិតអគ្គិសនីចេញពីសំរាមនេះ គឺនឹងប្រើប្រាស់រយៈពេលវេលពី៤ ទៅ៥ខែ គិតចាប់ពីពេលនេះទៅ។ ទោះបីមិនទាន់អាចបញ្ជាក់ថានឹងមានក្រុមហ៊ុនប៉ុន្មានអាចនឹងចូលរួមក្នុងការដេញថ្លៃក្តី ឯកឧត្តម វ៉ិចទ័រ ហ្សូណា បញ្ជាក់ថា៖ «យើងត្រូវរៀបចំឯកសារដេញថ្លៃចំនួន២ខែ ហើយយើងជ្រើសរើសក្រុមហ៊ុនដែលឈ្នះរយៈពេល៣ខែ បន្ទាប់ពីហ្អឹងទាល់តែយើងរៀបចំឯកសារដេញថ្លៃចប់ បានយើងប្រកាសដេញថ្លៃ»។ តាមការឲ្យដឹងបន្ថែមពីឯកឧត្តម អគ្គិសនីផលិតចេញពីសំរាមនឹងមានតម្លៃខ្ពស់ជាងអគ្គិសនីផលិតចេញពីធ្យូងថ្ម ឬទំនប់វារីប្រមាណជា ១០ សេនបន្ថែមទៀត ព្រោះការផលិតតាមវិធិសាស្រ្តនេះ ត្រូវប្រើបច្ចេកវិទ្យាខ្ពស់ និងតម្លៃច្រើន។ ទោះបីជាតម្លៃអាចនឹងថ្លៃក៏ពិតមែន តែវិធីសាស្រ្តនេះពិតជាចាំបាច់ណាស់សម្រាប់កម្ពុជា។ ឯកឧត្តមបញ្ជាក់ថា៖ «យើងគិតពីថ្លៃអគ្គីសនីមួយវាសំខាន់ហើយ ប៉ុន្តែក្រៅពីផលិតអគ្គិសនី វាបានជួយសម្រួលដល់ការកាត់បន្ថយសំរាម ព្រោះរាល់ថ្ងៃយើងយកសំរាម […]
អានបន្ថែម
កម្ពុជាទទួលបានការអនុម័ត្រលើកិច្ចព្រមព្រៀងតម្លៃដល់ទៅ ៨៩ លានដុល្លារដើម្បីពង្រឹងលើវិស័យសំខាន់ៗពីរ
កិច្ចព្រមព្រៀងចំនួន ២ ដែលមានទឹកប្រាក់ចំនួន ៨៩ លានដុល្លារត្រូវបានចុះហត្ថលេខាដោយធនាគារអភិវឌ្ឍន៍អាស៊ី (ADB) និងក្រសួងសេដ្ឋកិច្ចនិងហិរញ្ញវត្ថុ ដើម្បីជំរុញតំបន់ជនបទឲ្យប្រសើរឡើង ជាពិសេសដើម្បីទទួលបានសេវាផ្គត់ផ្គង់ទឹកស្អាតនិងអនាម័យ ហើយកិច្ចព្រមព្រៀងនេះក៏ជួយលើកកម្ពស់វិស័យហិរញ្ញវត្ថុរបស់ប្រទេសផងដែរ។ កិច្ចព្រមព្រៀងនេះត្រូវបានចុះហត្ថលេខារួមគ្នាដោយនាយកប្រចាំប្រទេសរបស់ធនាគារអភិវឌ្ឍន៍អាស៊ី លោកស្រី Sunniya Durrani-Jamal និង ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ដើម្បីទទួលស្គាល់កិច្ចព្រមព្រៀងនេះដែលនឹងជួយលើកម្មវិធីចំនួន២ ក្នុងការអភិវឌ្ឍន៍វិស័យផ្គត់ផ្គង់ទឹកស្អាតនិងអនាម័យជនបទទី៣ និង កម្មវិធីអភិវឌ្ឍន៍វិស័យហិរញ្ញវត្ថុ។ កិច្ចព្រមព្រៀងនេះត្រូវបានគេជឿជាក់ថានឹងដំណើរការលើកម្មវិធីចំនួនពីរ ដែលមានគោលបំណងគាំទ្រដល់ការអភិវឌ្ឍន៍ធនធានមនុស្ស។ លោកស្រី Sunniya Durrani-Jamal មានប្រសាសន៍ថាវ “ កម្មវិធីទាំងពីរគាំទ្រដល់តំបន់អាទិភាពទាំងបួននៃយុទ្ធសាស្ត្រចតុកោណ ៤ ដែលជាកាអភិវឌ្ឍន៍ធនធានមនុស្សតាមរយៈការកែលំអការថែទាំសុខភាព និងអាហារូបត្ថម្ភ ការជួយសេដ្ឋកិច្ចតាមរយៈការលើកកម្ពស់ការអភិវឌ្ឍន៍វិស័យហិរញ្ញវត្ថុនិងធនាគារ ការអភិវឌ្ឍន៍វិស័យឯកជន និងការងារដោយគាំទ្រសហគ្រាសធុនតូចនិងមធ្យម និងការអភិវឌ្ឍន៍គ្រប់វិស័យនិងចីរភាពតាមរយៈការលើកកម្ពស់កសិកម្ម និងការអភិវឌ្ឍន៍ជនបទ។ នៅតាមតំបន់ជនបទនៃប្រទេសកម្ពុជា ការទទួលបានសេវាផ្គត់ផ្គង់ទឹកស្អាតនិងអនាម័យនៅមានកម្រិតនៅឡើយ បើយោងទៅតាមធនាគារអភិវឌ្ឍន៍អាស៊ី។ លើសពីនេះទៅទៀត ខណៈពេលដែល ៧៣% នៃគ្រួសារនីមួយៗនៅតំបន់ជនបទអាចទទួលបានការផ្គត់ផ្គង់ទឹក មានតែ ១១% ប៉ុណ្ណោះដែលទទួលបានការផ្គត់ផ្គង់ទឹកស្អាត។ បើនិយាយអំពីអនាម័យវិញ មានតែ ៥៦% នៃប្រជាជននៅតាមជនបទប៉ុណ្ណោះដែលកំពុងតែទទួលបាននូវការយល់ដឹងទាំងនេះ។
អានបន្ថែម
គម្រោងធំៗចំនួន៥នៅអាស៊ីអាគ្នេយ៍ឈ្នះពានរង្វាន់កម្មវិធីហេដ្ឋារចនាសម្ព័ន២០១៩របស់ក្រុមហ៊ុន Bentley Systems
គម្រោងហេដ្ឋារចនាសម្ព័ន្ធធំៗ ចំនួន ៥ នៅប្រទេសសិង្ហបុរី ម៉ាឡេស៊ី និងឥណ្ឌូនេស៊ី បានឈ្នះពានរង្វាន់កម្មវិធីហេដ្ឋារចនាសម្ព័ន២០១៩របស់ក្រុមហ៊ុន Bentley Systems ដែលត្រូវបានប្រគល់ក្នុងកម្មវិធីប្រគល់ពាន់រង្វាន់ប្រចាំឆ្នាំដែលបានធ្វើឡើងចាប់ពីថ្ងៃទី ២១ ខែតុលា ដល់ថ្ងៃទី ២៤ ខែ តុលា នៅមជ្ឈមណ្ឌលពិព័រណ៍និងសន្និបាត Marina Bay Sands ប្រទេសសិង្ហបុរី។ ពានរង្វាន់នេះ ត្រូវបានប្រគល់ជូនអ្នកឈ្នះខាងលើ បន្ទាប់ពីអ្នកប្រតិបត្តិគម្រោង បានជ្រើសរើសកម្មវិធីហេដ្ឋារចនាសម្ព័ន្ធពីក្រុមហ៊ុន Bentley Systems Incorporated ដែលជាក្រុមហ៊ុនឈានមុខគេក្នុងការផ្ដល់ដំណោះស្រាយ software ដ៏ទូលំទូលាយ និង សេវាកម្មផ្ទុកទិន្នន័យឌីជីថល cloud ក្នុងការជំរុញការរចនា ការសាងសង់ និង ប្រតិបត្តិការហេដ្ឋារចនាសម្ព័ន្ធដើម្បីប្រើប្រាស់សម្រាប់ការអនុវត្តគម្រោងរបស់ពួកគេ។ ជាលទ្ធផលនៃការប្រើប្រាស់កម្មវិធី ក្រុមហ៊ុន Bentley អ្នកប្រតិបត្តិគម្រោងបានសន្សំថ្លៃការចំណាយ និងបានធ្វើការងារកាន់តែមានប្រសិទ្ធភាព។ ក្នុងចំណោមបេក្ខភាពផ្តាច់ព្រាត់ទាំង ៥៤ បេក្ខភាពក្នុងចំណោមអ្នកប្រកួតទាំង ៥៧១ ដែលបានដាក់ស្នើដោយអង្គភាពជាង ៤៤០ នៅក្នុងប្រទេសជាង ៦០ នោះ គម្រោងហេដ្ឋារចនាសម្ព័ន្ធចំនួន ៥ នៅប្រទេសសិង្ហបុរី […]
អានបន្ថែម
IMFប្រាប់កម្ពុជាឱ្យរឹតបន្តឹងវិធានការផ្តល់ប្រាក់កម្ចីអចលនទ្រព្យស្របពេលកំណើនឥណទានខ្ពស់
សេចក្តីថ្លែងការណ៍ចុងក្រោយនៃបេសកកម្មរបស់មន្រ្តីមូលនិធិរូបិយវត្ថុអន្តរជាតិហៅកាត់ថា (IMF) បានបង្ហាញថា កម្ពុជាត្រូវរឹតបន្តឹងវិធានការផ្តល់ប្រាក់កម្ចីទៅលើវិស័យអចលនទ្រព្យស្របពេលដែលឧស្សាហកម្មមួយនេះកំពុងរីកចម្រើន និងកំណើនឥណទានមានការកើនឡើងខ្ពស់។ យោងតាមសេចក្តីប្រកាសព័ត៌មានរបស់ IMF កំណើន GDP របស់កម្ពុជានៅតែមានសន្ទុះយ៉ាងវិជ្ជមានក្នុងរង្វង់ប្រមាណជា ៧ ភាគរយ ក្នុងឆ្នាំ ២០១៩ ប៉ុន្តែកម្ពុជាត្រូវមានគោលនយោបាយបន្ថែមទៀត ដើម្បីដោះស្រាយភាពងាយរងគ្រោះក្នុងវិស័យហិរញ្ញវត្ថុដែលនឹងអាចកើតមានឡើង។ បន្ទាប់បញ្ចប់ដំណើរទស្សនកិច្ចនៅកម្ពុជា ក្រុមមន្រ្តីរបស់ IMF បានឲ្យដឹងថា ការផ្តល់ប្រាក់កម្ចីទៅឲ្យអ្នកអភិវឌ្ឍន៍អចលនទ្រព្យនៅកម្ពុជានៅតែមិនទាន់មានការត្រួតពិនិត្យ និងមិនមានការគ្រប់គ្រងឲ្យបានល្អនៅឡើយ ហើយទិន្នន័យផ្លូវការស្តីពីតម្លៃអចលនទ្រព្យក៏នៅមិនទាន់មានដែរ។ ក្នុងនោះ ឥណទានរបស់វិស័យឯកជន ដែលភាគរយច្រើនផ្តល់ទៅឲ្យវិស័យអចលនទ្រព្យ និងសំណង់បានកើនឡើងយ៉ាងឆាប់រហ័ស ហើយត្រូវបានគេរំពឹងថានឹងកើនឡើងប្រមាណ ២៨ ភាគរយនៅឆ្នាំ ២០១៩ ។ សេចក្តីប្រកាសព័ត៌មានបានលើកឡើងថា៖ «វិធានការណ៍អាទិភាពរួមមាន ការអនុវត្តគោលនយោបាយគោលដៅដូចជា ការថ្លឹងថ្លែងហានិភ័យខ្ពស់ជាងមុន និងការដាក់លក្ខខណ្ឌសម្រាប់ការផ្តល់ប្រាក់កម្ចីអចលនទ្រព្យ ក៏ដូចជាការណែនាំការប្រុងប្រយ័ត្នក្នុងការកំណត់សមាមាត្រនៃដែនកំណត់តម្លៃប្រាក់កម្ចីឬ loan-to-value limit ដើម្បីបញ្ជៀសហានិភ័យពាក់ព័ន្ធនឹងវិស័យអចលនទ្រព្យ»។ ការណែនាំនេះ ធ្វើឡើងខណៈដែលវិស័យសំណង់បានទាក់ទាញគម្រោងវិនិយោគប្រមាណជា ៣.៤៣៣គម្រោង ដែលមានតម្លៃជាង ៦.៤ ពាន់លានដុល្លារអាមេរិក ត្រឹមចន្លោះខែមករា ដល់ ខែកញ្ញា ឆ្នាំ២០១៩។ (អានបន្ថែម) ជាមួយគ្នានេះដែរ របាយការណ៍នេះធ្វើឡើង ស្របពេលដែលក្រសួងសេដ្ឋកិច្ច […]
អានបន្ថែម
ផ្លូវជាតិលេខ ៣ នឹងត្រូវចំណាយថវិកាសរុបប្រមាណជាង ២១៩ លានដុល្លារអាមេរិក
ទឹកប្រាក់ប្រមាណជាង ២១៩ លានដុល្លារអាមេរិកនឹងត្រូវប្រើប្រាស់សម្រាប់សាងសង់ផ្លូវជាតិលេខ ៣ (ភ្នំពេញ – កំពត)។ ផ្លូវមួយខ្សែនេះ ត្រូវបានគេជឿជាក់ថាមានគុណភាពខ្ពស់និងប្រើប្រាស់បានយូរ។ ថវិកានៃការអនុវត្តគម្រោងនេះ គឺបានមកពីហិរញ្ញប្បទានសម្បទានពីសាធារណរដ្ឋប្រជាមានិតចិនរួមជាមួយរាជរដ្ឋាភិបាលកម្ពុជា នេះបើយោងតាមក្រសួងសាធារណការ និងដឹកជញ្ជូន។ ក្រុមហ៊ុនដែលនឹងសាងសង់ផ្លូវជាតិលេខ ៣ ត្រូវបានគេស្គាល់ថា ជាសាជីវកម្មស្ពានថ្នល់ចិនហើយត្រូវបានត្រួតពិនិត្យបច្ចេកទេសដោយក្រុមហ៊ុនបច្ចេកទេសសំណង់ក្វាងចូវ វ៉ានអាន ដែលមានរយៈពេលសាងសង់ ៤៨ ខែ។ ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានមានប្រសាសន៍ក្នុងពេលចុះត្រួតពិនិត្យស្ថានភាពផ្លូវជាតិលេខ ៣ ថា នៅចុងរដូវវស្សា ផ្លូវជាតិលេខ ៣ នឹងត្រូវបានសាងសង់ជាបេតុងប្រភេទ(AC) ដែលមានគុណភាពអាចប្រើប្រាស់បាន ទៅ ១២ ឆ្នាំ។ ក្នុងនោះ ក៏មានការជួសជុលបណ្តោះអាសន្នដើម្បីសម្រួលចរាចរណ៍។ កំណាត់ផ្លូវជាតិលេខ៣ (ភ្នំពេញ-កំពត) មានប្រវែងសរុប១៣៤,៧៩៦គីឡូម៉ែត្រ ដោយក្នុងនោះ ប្រវែង៦៩គីឡូម៉ែត្រ ចាប់ពីចោមចៅ ដល់បែកគុស ត្រូវសាងសង់ជាផ្លូវ ៤គន្លង និងចាប់ពីបែកគុស ដល់ទីរួមខេត្តកំពត ប្រវែង ៦៥,៧៩៦ គីឡូម៉ែត្រ ត្រូវសាងសង់ជាផ្លូវ ២គន្លង។ […]
អានបន្ថែម
កត្តានៃភាពជោគជ័យក្នុងការរចនាប្លង់ និងសាងសង់ ក្នុងវិស័យឧស្សាហកម្មសំណង់នៃប្រទេសកម្ពុជា
វិស័យសំណង់ក្នុងប្រទេសកម្ពុជាបានរីកលូតលាស់ជាគំហុក និងត្រូវបានប៉ាន់ស្មានថានឹងរីកលូតលាស់កាន់តែខ្លាំងឡើងៗ ដោយសារតែមានដីធ្លីជាច្រើនទាំងនៅជាយក្រុង និងតាមបណ្តាខេត្តមួយចំនួនរង់ចាំការអភិវឌ្ឍន៍។ យោងតាមស្ថិតិរបស់ក្រសួងរៀបចំដែនដី នគរូបនីយកម្ម និងសំណង់ បានបង្ហាញឱ្យឃើញថា នៅត្រីមាសដំបូងក្នុងឆ្នាំ ២០១៩ នេះ ការវិនិយោគលើវិស័យសំណង់មានតម្លៃសរុបច្រើនជាង ២,៧ ពាន់លានដុល្លាអាមេរិកឯណោះ។ ភាគច្រើននៃការវិនិយោគផ្តោតទៅលើ អគារលំនៅដ្ឋានខ្ពស់ៗ រោងចក្រ បុរី សណ្ឋាគារ អគារពាណិជ្ជកម្ម និងអគារការិយាល័យ។ ដោយសង្កេតឃើញនូវតម្រូវការខ្ពស់លើគុណភាពសេវាកម្មសំណង់ពីអ្នកវិនិយោគក្នុងស្រុក និងក្រៅស្រុក ដូច្នេះការផ្តល់នូវសេវាកម្មសំណង់បែបច្រកចេញចូលតែមួយ (one-stop-service) មានតួនាទីដ៏សំខាន់ក្នុងការកាត់បន្ថយចំណាយ និងពេលវេលាដល់អតិថិជន។ លោក Yabe Akira ប្រធានចាត់ការទូទៅក្រុមហ៊ុន CMED Construction មានកិត្តិយសណែនាំលម្អិតទៅលើសេវាកម្មសំណង់បែបច្រកចេញចូលតែមួយ ដែលមានតែមួយគត់នៅប្រទេសកម្ពុជា។ សូមលោកមេត្តាណែនាំខ្លួន ខ្ញុំបាទឈ្មោះ Yabe Akira ជាជនជាតិជប៉ុនដែលបញ្ចប់ការសិក្សាជំនាញវិស្វកម្ម។ ខ្ញុំបាទបាននិងកំពុងប្រឡូកក្នុងវិស័យសំណង់ជាង ៤០ឆ្នាំមកហើយ។ សព្វថ្ងៃនេះ ខ្ញុំមានតួនាទីជាប្រធានចាត់ការទូទៅក្នុងក្រុមហ៊ុន CMED Construction។ តើកត្តាអ្វីដែលជម្រុញលោកមកធ្វើការនៅប្រទេសកម្ពុជា? ដូចដែលអ្នកបានដឹងស្រាប់ហើយ កម្ពុជាគឺជាប្រទេសកំពុងអភិវឌ្ឍ។ ដូច្នេះ វិស័យសំណង់គឺជាវិស័យមួយដែលរីកលូតលាស់បំផុត។ ស្របពេលជាមួយគ្នានេះ កម្ពុជាកំពុងត្រូវការធនធានមនុស្សជាច្រើនដើម្បីអភិវឌ្ឍប្រទេស។ ខ្ញុំជឿជាក់ថា ខ្ញុំអាចប្រើប្រាស់សក្តានុពលដែលខ្ញុំមាន […]
អានបន្ថែម
ធនាគារពិភពលោក៖ កម្ពុជាធ្លាក់ ៦លេខលើការធ្វើធុរកិច្ច ប៉ុន្តែកិច្ចការសំណង់បែរជាប្រសើរទៅវិញ
ប្រទេសកម្ពុជាបានធ្លាក់៦លេខក្នុងរបាយការណ៍វាស់វែងភាពងាយស្រួលក្នុងការធ្វើធុរកិច្ចសម្រាប់ឆ្នាំ ២០២០ ក៏ប៉ុន្តែកម្ពុជាបានធ្វើឱ្យប្រសើរឡើងក្នុងការសុំលិខិតអនុញ្ញាតសាងសង់ការទទួលបានអគ្គិសនី និងការដោះស្រាយការក្ស័យធន ក្នុងចំណោមប្រធានបទទាំង ១០ ដែលបានយកមកសិក្សា។ ចុះផ្សាយកាលពីពេលថ្មីៗនេះ ចំណាត់ថ្នាក់លើភាពងាយស្រួលនៃ «ការធ្វើធុរកិច្ចឆ្នាំ ២០២០ ឬ Doing Business 2020» របស់ធនាគារពិភពលោកបានបង្ហាញថា កម្ពុជាជាប់ចំណាត់ថ្នាក់ទី ១៤៤ ក្នុងចំណោម ១៩០ប្រទេស ដែលនេះ បានបង្ហាញពីការធ្លាក់ចុះចំនួន ៦ លេខ បើប្រៀបធៀបទៅនឹងចំណាត់ថ្នាក់ទី១៣៨ ក្នុងឆ្នាំ ២០១៩ ដែលកម្ពុជាទទួលបាន។ (អានបន្ត) បើទោះបីចំណាត់ថ្នាក់ជារួមមានការធ្លាក់ក្តី របាយការណ៍នេះ បានកត់សម្គាល់ថា កម្ពុជាបានធ្វើឱ្យប្រសើរឡើងនូវកិច្ចការពាក់ព័ន្ធទៅនឹងការសុំលិខិតអនុញ្ញាតសាងសង់ ដែលកម្ពុជាបានធ្វើឲ្យមានការចំណាយតិចជាងមុន តាមរយៈការកាត់បន្ថយថ្លៃដើមក្នុងការទទួលបានលិខិតអនុញ្ញាតសាងសង់។ នៅឆ្នាំ ២០២០ កម្ពុជាទទួលបានពិន្ទុ ៤៤,៦ សម្រាប់ការសុំលិខិតអនុញ្ញាតសាងសង់ ដែលនេះគឺកើនឡើង ០,៤ (បម្រែបម្រួលជាភាគរយ) បើប្រៀបធៀបទៅនឹង ៤៤,២ ពិន្ទុដែលខ្លួនទទួលបានក្នុងឆ្នាំ ២០១៩ ។ ទិដ្ឋភាពមួយទៀតដែលកម្ពុជាបានរីកចម្រើន គឺការទទួលបានអគ្គិសនី ដែលក្នុងនោះ កម្ពុជាទទួលបាន ៥៧,៥ ពិន្ទុ។ នេះ […]
អានបន្ថែម
ឧបនាយករដ្ឋមន្ត្រីប្រាប់ឲ្យស្ថាបនាផ្លូវក្នុងខេត្តព្រះសីហនុឲ្យបានតាមស្តង់ដាកំណត់
ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានណែនាំឲ្យក្រុមហ៊ុនទទួលម៉ៅការស្ថាបនាផ្លូវថ្នល់ក្នុងខេត្តព្រះសីហនុ ធ្វើការសាងសង់ផ្លូវ ឲ្យបានស្របទៅតាមស្តង់ដាបច្ចេកទេសសំណង់ដែលបានកំណត់ នេះបើយោងតាមលទ្ធផលនៃកិច្ចប្រជុំកាលពីថ្ងៃទី ២៥ ខែ តុលា។ កិច្ចប្រជុំនេះ ធ្វើឡើងស្របពេលដែលកិច្ចសន្យាសាងសង់ផ្លូវចំនួន៣៤ខ្សែក្នុងខេត្តព្រះសីហនុនឹងត្រូវចាប់ផ្តើមក្នុងខែវិច្ឆិកា ក្រោមទឹកប្រាក់ប្រមាណជា១០០លានដុល្លារអាមេរិក ហើយការសាងសង់ក៏នឹងត្រូវចាប់ផ្តើមនាពេលខាងមុខផងដែរ។ (អានបន្ថែម) ក្នុងកិច្ចប្រជុំពិនិត្យគម្រោងស្ថាបនាផ្លូវក្រុងក្នុងខេត្តព្រះសីហនុ ឯកឧត្តម ជា សុផារ៉ា បានលើកឡើងពីចំនុចសំខាន់ៗពាក់ពន្ធ័មួយចំនួនដូចជា ថវិកាដែលត្រូវប្រើប្រាស់ក្នុងការស្ថាបនាផ្លូវ ប្រភេទផ្លូវដែលត្រូវស្ថាបនា ការដាក់ប្រពន្ធ័លូបង្ហូរទឹកកាត់ទទឹងថ្នល់ និងបណ្តោយថ្នល់ និងការធ្វើគំរូស្តង់ដាដើម្បីធានាដល់គុណភាពរឹងមាំរបស់ផ្លូវថ្នល់។ ឯកឧត្តម ក៏បានណែនាំដល់ក្រុមហ៊ុនដែលទទួលម៉ៅការស្ថាបនាផ្លូវ ត្រូវរៀបចំកន្លែងស្នាក់នៅសំរាប់កម្មករ រឺរៀបចំការដ្ឋានឲ្យបានត្រឹមត្រូវដើម្បីងាយស្រួលក្នុងការបំពេញការងារស្ថាបនាផ្លូវឲ្យបានល្អប្រសើរ។ ក្នុងនោះ ការសាងសង់ផ្លូវនឹងត្រូវចែកចេញជា៣ប្រភេទគឺ ផ្លូវថ្មី ផ្លូវមានស្រាប់ និងផ្លូវខ្នងភ្នំដែលក្រុមហ៊ុនស្ថាបនាផ្លូវត្រូវរៀបចំស្ថាបនាដោយអនុលោមតាមស្តង់ដាបច្ចេកទេសស្របតាមលក្ខណះនៃប្រភេទផ្លូវនីមួយៗ។ ឯកឧត្តមក៏បានស្នើដល់ក្រុមហ៊ុនស្ថាបនាផ្លូវថា ប្រសិនបើការឈូសឆាយស្ថាបនាពង្រីកផ្លូវមានការប៉ះពាល់ដល់ដើមឈើដែលដុះនៅលើផ្លូវនោះ គឺចាំបាច់ត្រូវតែឈូសឆាយរឺគាស់ដើមឈើនោះចេញសិន និងរក្សាទុកដើម្បីដាំដុះជាថ្មីទៀតនៅតាមសងខាងផ្លូវក្រោយពេលផ្លូវនោះបានស្ថាបនារួចរាល់ជាស្ថាពរ។ ចំណែកឯដើមឈើដែលដុះនៅតាមចិញ្ចើមថ្នល់មិនមានផលប៉ះពាល់ដល់ការស្ថាបនាផ្លូវទេនោះ គឺមិនចាំបាច់គាស់ចេញនោះទេ។ ចំពោះការស្ថាបនាផ្លូវថ្មីនោះ គឺត្រូវស្ថាបនាគ្រិះថ្មីដែលមានស្តង់ដាបច្ចេកទេសត្រឹមត្រូវ មានគ្រឹះថ្មីដែលធានាយ៉ាងច្បាស់លាស់ថាផ្លូវមានគុណភាពរឹងមាំពិតប្រាកដអាចធានាដល់ការប្រើប្រាស់បានយូរអង្វែង។ គួរបញ្ជាក់ថា គម្រោងកសាងផ្លូវទាំងនេះ គឺនឹងផ្តោតលើវិធានការបច្ចេកទេស ដូចជា គុណភាពសំណង់ ទំហំផ្លូវ ការបំពាក់ខ្សែកាប បណ្តាញទូរគមនាគមន៍ […]
អានបន្ថែម
ធនាគារពិភព៖ កម្ពុជាត្រូវដោះស្រាយប្រឈមបញ្ហាខ្លះៗដើម្បីទទួលបានអត្ថប្រយោជន៍ពីសេដ្ឋកិច្ចឌីជីថល
ជាមួយនឹងការរីកចម្រើនយ៉ាងឆាប់រហ័សនៃប្រព័ន្ធឌីជីថល ប្រទេសកម្ពុជាត្រូវដោះស្រាយបញ្ហាប្រឈមមួយចំនួនសិន មុននឹងទទួលបានអត្ថប្រយោជន៍ពីសេដ្ឋកិច្ចឌីជីថល។ របាយការណ៍របស់ធនាគារពិភពលោកកម្ពុជាបានបង្ហាញថា មានបញ្ហាប្រឈមចំនួនបួនដែលត្រូវតែធ្វើឲ្យប្រសើរឡើងសិន ទើបអាចទទួលបានអត្ថប្រយោជន៍ពីសេដ្ឋកិច្ចឌីជីថល។ យោងតាមរបាយការណ៍របស់ធនាគារពិភពលោកបានបង្ហាញថា កត្តាទី១ គឺ សេវាអ៊ិនធឺណេតនៅប្រទេសកម្ពុជានៅមានកម្រិត ទី២ ១ភាគ៤នៃម្ចាស់អាជីវកម្មនៅកម្ពុជា មានគេហទំព័រអាជីវកម្មនៅឆ្នាំ ២០១៧ ដែលបង្ហាញពីកង្វះជំនាញព័ត៌មានវិទ្យា ទី ៣ កម្ពុជាមិនមានក្របខ័ណ្ឌណែនាំច្បាស់លាស់ និងកត្តាចុងក្រោយ គឺការអភិវឌ្ឍន៍ហេដ្ឋារចនាសម្ព័ន្ធ បទប្បញ្ញត្តិ និងជំនាញ។ ទាំងនេះ គឺជាបញ្ហាប្រឈមដែលចាំបាច់ត្រូវដោះស្រាយ។ នៅថ្ងៃទី ២៦ ខែមីនា សម្តេចតេជោ ហ៊ុនសែន នាយករដ្ឋមន្រ្តី បានមានប្រសាសន៍ថា ការជំរុញការវិនិយោគលើហេដ្ឋារចនាសម្ព័ន្ធ គឺនឹងជួយគាំទ្រដល់វិស័យឌីជីថល ដែលការលើកឡើងនេះ គឺក្នុងសន្និសីទស្តីពី «ការប្រែក្លាយផ្នែកឌីជីថលឆ្ពោះទៅកាន់ឧស្សាហកម្ម ៤.០» នៅឯសណ្ឋាគារ The Great Duke។ សេចក្តីព្រាងច្បាប់ពាណិជ្ជកម្មតាមប្រព័ន្ធអេឡិចត្រូនិករបស់កម្ពុជាត្រូវបានអនុម័តបន្ទាប់ពីការអភិវឌ្ឍន៍របស់ក្រសួងពាណិជ្ជកម្មដោយមានជំនួយពីធនាគារអភិវឌ្ឍន៍អាស៊ី។ ច្បាប់ពាណិជ្ជកម្មតាមប្រព័ន្ធអេឡិចត្រូនិចនេះ នឹងដើរតួនាទីយ៉ាងសំខាន់ក្នុងការគាំទ្រដល់ការអភិវឌ្ឍន៍យុទ្ធសាស្ត្រឌីជីថលរបស់ប្រទេសកម្ពុជា។ រដ្ឋាភិបាលកម្ពុជាបានបង្កើតគណៈកម្មាធិការដើម្បីគាំទ្រដល់យុទ្ធសាស្ត្រឌីជីថល ដែលមានការចូលរួមដោយក្រសួងសេដ្ឋកិច្ច និងហិរញ្ញវត្ថុ ក្រសួងប្រៃសណីយ៍ និងទូរគមនាគមន៍ ក្រសួងពាណិជ្ជកម្ម ក្រសួងព័ត៌មាន និងក្រុមប្រឹក្សាអភិវឌ្ឍន៍កម្ពុជា នេះបើយោងតាមរបាយការណ៍របស់ធនាគារពិភពលោក។
អានបន្ថែម
សមាគមអ្នកសាងសង់កម្ពុជាចូលរួមកិច្ចប្រជុំក្រុមប្រឹក្សាសមាគមអ្នកសាងសង់សហព័ន្ធអន្តរជាតិ អាស៊ី និងប៉ាស៊ីហិ្វក (IFAWPCA) លើកទី ៤១
សមាគមអ្នកសាងសង់កម្ពុជា បានចូលរួមក្នុងកិច្ចប្រជុំកំពូលពិសេសមួយរបស់សមាគមអ្នកសាងសង់សហព័ន្ធអន្តរជាតិ អាស៊ី និងប៉ាស៊ីហិ្វក (IFAWPCA) នៅទីក្រុង ធីមភូ ប្រទេសប៊ូតង់សម្រាប់កិច្ចប្រជុំក្រុមប្រឹក្សាពាក់កណ្តាលអាណត្តិ លើកទី ៤១ ។ ធ្វើឡើងនៅថ្ងៃទី ៣០-៣១ ខែកក្កដាឆ្នាំ ២០១៩ នៅឯរមណីយដ្ឋាន Terma Linca Resorts & Spa កិច្ចប្រជុំពិភាក្សាអំពីការតែងតាំងអ្នករាយការណ៍សម្រាប់អាណត្តិ ២០១៩-២០២០ ។ នេះរួមបញ្ចូលការពិភាក្សាលើបទប្បញ្ញត្តិពាក់ព័ន្ធនៅក្នុងរដ្ឋធម្មនុញ្ញ / ច្បាប់ទាក់ទងនឹងទម្រង់អ្នករាយការណ៍ IFAWPCA អ្នកដាក់ពាក្យតែងតាំងអ្នករាយការណ៍ និងការទទួលយកសម្បថរបស់អ្នករាយការណ៍សម្រាប់អាណត្តិ ២០១៩ ដល់ ២០២០ ។ លោកបណ្ឌិត តាន់មុនីវណ្ណ តំណាងសមាគមអ្នកសាងសង់កម្ពុជា ដែលដឹកនាំដោយ អ្នកឧកញ៉ា ពុង ឃាវ សែ បានមានប្រសាសន៍ថា លោករីករាយដែលបានចូលរួមកិច្ចប្រជុំ និងអាចផ្លាស់ប្តូរបទពិសោធន៍ទាក់ទងនឹងឧស្សាហកម្មសំណង់ជាមួយសមាជិកដទៃទៀតនៃ IFAWPCA ។ ក្រៅពីការតែងតាំង អង្គប្រជុំក៏បានពិភាក្សាអំពីបញ្ហាដែលកើតឡើងពីកិច្ចប្រជុំមុនដូចជាការចុះឈ្មោះ IFAWPCA ការស្នើលើការផ្តល់រង្វាន់ PCA ការស្នើសុំកម្មវិធី IFAWPCA និងកម្មសិទ្ធិគេហទំព័ររបស់ […]
អានបន្ថែម
ទីផ្សារអចលនទ្រព្យតាមអនឡាញនឹងមានសន្ទុះខ្លាំងស្របពេលដែលសេចក្តីព្រាងច្បាប់អនឡាញនៅកម្ពុជាបានអនុម័ត
អ្នកលក់អចលនទ្រព្យនឹងប្រើប្រាស់សេវាកម្មអនឡាញដើម្បីលើកកម្ពស់ចំនួននៃការលក់ខណៈពេលដែលសេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិចត្រូវបានអនុម័តដោយរដ្ឋសភាជាតិរួចហើយ។ ថ្លែងនៅក្នុងកម្មវិធី Property Market Update ដែលរៀបចំឡើងដោយក្រុមហ៊ុនវាយតម្លៃអចលនទ្រព្យ Vtrust Appraisal នៅថ្ងៃទី ២៥ ខែតុលា លោក គុយ វ៉ាត អគ្គនាយកក្រុមហ៊ុនបានចាត់ទុកការធ្វើទីផ្សារតាមអ៊ិនធឺណេតជាចក្ខុវិស័យមួយសម្រាប់ការរីកចម្រើននិងលើកកម្ពស់ការលក់អចលនទ្រព្យនៅកម្ពុជា។ លោកបានមានប្រសាសន៍ថា៖ «ដើម្បីសម្រួលដល់អ្នកវិនិយោគ ការទិញនិងលក់តាមរយៈអនឡាញនឹងជួយឱ្យមានភាពងាយស្រួល…ហើយការទិញលក់កាន់តែមានការកើនឡើង»។ ការមានផែនទី ជាមួយនឹងតម្លៃលើតំបន់នៃអចលនទ្រព្យគឺជាអាទិភាពដំបូងគេដែលត្រូវបានអនុវត្តដើម្បីឱ្យប្រជាជនមានភាពងាយស្រួលក្នុងការទទួលបានព័ត៌មានអំពីអចលនទ្រព្យ ជាពិសេស គឺតម្លៃ។ សេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិករបស់ប្រទេសកម្ពុជាត្រូវបានអនុម័តបន្ទាប់ពីការរៀបចំពីក្រសួងពាណិជ្ជកម្មដោយមានជំនួយពីធនាគារអភិវឌ្ឍន៍អាស៊ី។ ច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិចនេះ នឹងដើរតួយ៉ាងសំខាន់ដើម្បីជួយដល់ការអភិវឌ្ឍន៍យុទ្ធសាស្ត្រឌីជីថលរបស់ប្រទេសកម្ពុជា។
អានបន្ថែម
កម្មករសំណង់កម្ពុជាថយចុះ ខណៈបង់ក្លាដេសគ្រោងនឹងបញ្ជូនកម្មករមកប្រទេសកម្ពុជា
វិស័យសំណង់បានបង្កើតការងារដល់កម្មករកម្ពុជាគិតជាមធ្យមពី ២០០ ០០០ នាក់ ទៅ ២២០ ០០០ នាក់ក្នុង១ថ្ងៃ ប៉ុន្តែចំនួននេះ បានធ្លាក់ចុះរហូតដល់ ៣១,៨១ ភាគរយ បើធៀបនឹងរយៈពេល៩ខែកាលពីឆ្នាំទៅ។ នេះបើតាមរបាយការណ៍ចេញដោយក្រសួងរៀបចំដែនដី នគរូបនីយកម្ម និងសំណង់ កាលពីខែតុលា ឆ្នាំ២០១៩។ ដោយឡែកសារព័ត៌មាន New Age របស់បង់ក្លាដេសបានចុះផ្សាយថាលោក Salim Reza លេខាធិការក្រសួងសុខុមាលភាពជនបរទេស និងក្រៅប្រទេសបានមានប្រសាសន៍ថា ពួកគេកំពុងរៀបចំបញ្ជូនកម្មករសំណង់របស់ខ្លួនមកប្រទេសកម្ពុជា។ លោកបន្តថា មន្រ្តីស្ថានទូតបង់ក្លាដេសប្រចាំទីក្រុងបាងកក កាលពីពេលថ្មីៗនេះ បានមកធ្វើទស្សនកិច្ចនៅកម្ពុជា ដើម្បីពិនិត្យមើលពីតម្រូវការជាក់ស្ដែងរបស់កម្មករសំណង់សម្រាប់បង់ក្លាដេស។ លោកបន្ថែមថា បង់ក្លាដេស និង កម្ពុជាបានចុះហត្ថលេខា ស្តីពី ការផ្លាស់ប្តូរជំនាញ និង ការជ្រើសរើសពលករពីប្រទេសបង់ក្លាដេសកាលពីឆ្នាំ ២០១៧។ បើតាមរបាយការណ៍ក្រសួងរៀបចំដែនដី នគរូបនីយកម្ម និងសំណង់ តម្លៃពលកម្មសម្រាប់កម្មករគ្មានជំនាញអាចទទួលបានពី ៣០ ០០០រៀល ទៅ ៤០ ០០០រៀលក្នុង១ថ្ងៃ កម្មករមានជំនាញ និង មេជាងអាចទទួលបានពី ៤០ ០០០រៀល […]
អានបន្ថែម