ក្រសួងមហាផ្ទៃជម្រុញឲ្យម្ចាស់អគារខ្ពស់ៗ ត្រូវគិតគូរសាងសង់ទុកច្រកសុវត្ថិភាពធំទូលាយ
ក្រសួងមហាផ្ទៃ បានជំរុញដល់អ្នកជំនាញឯកទេសស្ថាបត្យកកម្ម និងអ្នកសាងសង់ទាំងអស់ ត្រូវយកចិត្តទុកដាក់លើការបង្ការ និងទប់ស្កាត់គ្រោះអគ្គីភ័យទុកជាមុន នូវរាល់ពេលចេញគម្រោងប្លង់របស់ខ្លួន ដើម្បីបង្ការនៅពេលមានគ្រោះអគ្គិភ័យកើតឡើង ដោយការសិក្សាកន្លែងសម្រាប់ជម្លៀសខ្លួន និងសម្រាប់ក្រុមការងារពន្លត់អគ្កីភ័យធ្វើអន្តរាគមន៍។ ការស្នើរបស់ក្រសួងនេះ ធ្វើឡើងបន្ទាប់ពីមានរបាយការណ៍សិក្សា រកឃើញថា សំណង់អគារខ្ពស់ៗមួយចំនួន ដែលកំពុងសាងសង់ និងដំណើរការនៅកម្ពុជា មិនមានច្រកសុវត្ថិភាព សម្រាប់គេចខ្លួន នៅពេលមានគ្រោះថ្នាក់អគ្គីភ័យកើតឡើង។ ក្រសួងបានអំពាវនាវឲ្យការសាងសង់អគារខ្ពស់ត្រូវគិតគូរដល់ច្រកសុវត្ថិភាពនេះ។ នេះបើយោងតាមហ្វេសប៊ុករបស់ក្រសួងមហាផ្ទៃ។ ឯកឧត្តម អ៊ុក គឹមលេខ រដ្ឋលេខាធិការក្រសួងមហាផ្ទៃ មានប្រសាសន៍ថា ដោយសន្ទុះនៃល្បឿនអភិវឌ្ឍន៍លើគ្រប់វិស័យ ក្នុងនោះ វឌ្ឍនភាពលើវិស័យហេដ្ឋារចនាសម្ព័ន្ធ សំណង់ ស្ថាបត្យកម្ម អគារមានកម្ពស់ច្រើនជាន់ ជាន់ក្រោមដី បុរី ភូមិគ្រឹះ ផ្សារទំនើប សណ្ឋាគារ ភោជនីយដ្ឋាន ក្លឹបកម្សាន្ត រោងចក្រ សហគ្រាស ក្រុមហ៊ុនប្រេងឥន្ធនៈ គ្រឹះស្ថាន គេហដ្ឋានទំនើប បានរីកដុះដាលតាំងពីទីក្រុង ទីប្រជុំជន ដល់ជនបទ។ ថ្លែងនៅក្នុងសិក្ខាសិលាស្តីពី សុវត្ថិអគ្គីភ័យក្នុងព្រះរាជាណាចក្រកម្ពុជា នៅព្រឹកថ្ងៃទី១២នេះ ឯកឧត្តម អ៊ុក គឹមលេខ បានមានប្រសាសន៍ថា៖ «បន្ទាប់ពីការស្រាវជ្រាវ និងសិក្សា […]
អានបន្ថែម
ពលរដ្ឋដែលមានប្រាក់ចំណូលមធ្យមសម្រុកទិញដីឡូតិ៍បើទោះបីជាមានបញ្ហាប្រឈមក្នុងការវិនិយោគក្តី
ភាពរុងរឿងផ្នែកសេដ្ឋកិច្ចរួមជាមួយនឹងការកើនឡើងនៃប្រជាជនកម្ពុជាដែលមានប្រាក់ចំណូលមធ្យមកម្រិតទាប បាននិងកំពុងជំរុញការអភិវឌ្ឍន៍ ឧស្សាហកម្មអចលនទ្រព្យរបស់កម្ពុជា។ ក្នុងរយៈពេលមួយទសវត្សរ៍កន្លងមកនេះ វិស័យអចលនទ្រព្យរបស់កម្ពុជាទទួលបានកំណើនយ៉ាងខ្លាំង ជារៀងរាល់ឆ្នាំ ជាពិសេស នៅរាជធានីភ្នំពេញ និងនៅតំបន់ជាយក្រុងនានា។ ជាមួយនឹងការអភិវឌ្ឍន៍ដ៏ឆាប់រហ័សនេះ បានធ្វើឲ្យមានការកើនឡើងនៃតម្លៃដីធ្លីដោយសារប្រជាជនកម្ពុជាដែលមានប្រាក់ចំណូលមធ្យមកម្រិតទាប មានសេចក្តីប្រាថ្នាចង់បានផ្ទះឬដីក្នុងតម្លៃមួយដែលសមរម្យ។ ជាឆ្លើយតបទៅនឹងតម្រូវការសង្គមដ៏ខ្ពស់មួយនេះ អ្នកអភិវឌ្ឍន៍អចលនទ្រព្យ ក្នុងរយៈពេលប៉ុន្មានឆ្នាំចុងក្រោយនេះ បានបំបែកដីជាច្រើនហិកតាទៅជាដីឡូតិ៍តូចៗ ក្នុងតម្លៃសមរម្យនៅជាយក្រុងភ្នំពេញ និងនៅតាមខេត្តជាប់ទីក្រុ ងដូចជាតាកែវ កណ្តាល និងកំពង់ស្ពឺ ។ល។ តម្លៃសមរម្យ «ដោយសារតែតម្លៃចន្លោះពី ៣០០០ ដុល្លារទៅ ៥០០០ដុល្លារក្នុងមួយឡូតិ៍ វាសក្ក័សមនឹងប្រជាជនកម្ពុជាច្រើន ហើយពេលខ្លះ អ្នកអភិវឌ្ឍន៍ មិនគិតការប្រាក់ទេ ដូច្នេះពួកគាត់ [អ្នកទិញ] ត្រូវបង់ប្រាក់ជាមុន ចាប់ពី៥០០ ទៅ ១០០០ ដុល្លារ បន្ទាប់មកពួកគាត់ [អ្នកទិញ] អាចបង់ប្រាក់រំលស់ជាមួយនឹងការប្រាក់ទាប ឬមិនមានការប្រាក់» នេះគឺជាការលើកឡើងរបស់ អ្នក អាន សុធីតា អ្នកជំនាញផ្នែកអចលនទ្រព្យ និងជានាយិកាទីភ្នាក់ងារអចលនទ្រព្យអន្ដរជាតិ CBRE Cambodia ដោយក្នុងនោះ អ្នកនាងក៏បានសង្កត់ទៀតថា តម្លៃទាប គឺជាចំណុចទាក់ទាញ សម្រាប់អាជីវកម្មអចលនទ្រព្យដែលកំពុងពេញនិយមមួយនេះ។ […]
អានបន្ថែម
រដ្ឋាភិបាលចេញប្រកាសអន្តរក្រសួងថ្មីដើម្បីរឹតបន្តឹងស្តង់ដារសំណង់គ្រប់ប្រភេទ
ក្រសួងរៀបចំដែនដី នគរូបនីយកម្ម និងសំណង់ រួមជាមួយនឹង ក្រសួងយុត្តិធម៌ កាលពីថ្មីៗនេះ បានចេញប្រកាសអន្តរក្រសួងស្ដីពីនីតិវិធី និងបែបបទនៃការធ្វើអធិការកិច្ចសំណង់ ក្នុងគោលបំណងដើម្បីរឹតបន្តឹងស្តង់ដារសំណង់គ្រប់ប្រភេទទាំងអស់នៅកម្ពុជា។ ចុះថ្ងៃទី២ ខែសីហា ប្រកាសមួយនេះ មានគោលបំណង គឺដើម្បីគ្រប់គ្រងការអភិវឌ្ឍន៍អចលនវត្ថុឱ្យមានប្រសិទ្ធភាព គុណភាព សុវត្ថិភាព សណ្តាប់ធ្នាប់សង្គម និងបរិស្ថានសម្រាប់ការរស់នៅតាមរយៈការបង្ការ និងទប់ស្កាត់អំពើល្មើស និងបទប្បញ្ញត្តិស្តីពីនគរូបនីយកម្មនិងសំណង់។ ជាមួយគ្នានេះដែរ ប្រកាសថ្មីមួយច្បាប់នេះ ក៏ដើម្បីឆ្លើយតបទៅនឹងភាពធូររលង់នៃគុណភាពនិងស្តង់ដារនៃការសាងសង់អគារ ដែលជាហេតុបង្កឲ្យកើតមានជាឧប្បត្តិហេតុជាច្រើនករណី មានជាអាទិ៍ដូចជា ការបាក់រលំអគារកម្ពស់៧ជាន់ ដែលបានបណ្តាលឲ្យមនុស្សស្លាប់និងរបួសជាង ៤០នាក់ នៅខេត្តព្រះសីហនុ កាលពីខែមិថុនាកន្លងមកនេះ។ (អានបន្ថែម) ប្រកាសថ្មីនេះ ផ្ដល់សិទ្ធិឲ្យអាជ្ញាធរទាំងថ្នាក់ជាតិនិងក្រោមជាតិក្នុងការធ្វើអធិការកិច្ច ពោលគឺ ការតាមដាន ស្រាវជ្រាវ និងត្រួតពិនិត្យ សំណង់ ដែលអាជ្ញាធរមានសមត្ថកិច្ចទាំងនោះមាន ដូចខាងក្រោម ៖ ១-រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ចំពោះការអភិវឌ្ឍន៍អចលនវត្ថុ គ្រប់ប្រភេទនិងទំហំ។ ២- អភិបាលនៃគណៈអភិបាលរាជធានី ខេត្ត ចំពោះការអភិវឌ្ឍន៍អចលនវត្ថុដែលស្ថិតក្រោម សមត្ថកិច្ចរបស់រដ្ឋបាលរាជធានី ខេត្ត។ ៣- អភិបាលនៃគណៈអភិបាលក្រុង ស្រុក ខណ្ឌ ចំពោះការអភិវឌ្ឍន៍អចលនវត្ថុដែល ស្ថិតក្រោមសមត្ថកិច្ចរបស់រដ្ឋបាលក្រុង ស្រុក ខណ្ឌ។ មានតែប្រធានអង្គភាពមានសមត្ថកិច្ចប៉ុណ្ណោះ ដែលអាចលើកសំណើធ្វើអធិការកិច្ចសំណង់ទៅ អាជ្ញាធរមានសមត្ថកិច្ច។ លើសពីនេះ ក្នុងករណីពិនិត្យឃើញថា ការអភិវឌ្ឍន៍អចលនវត្ថុកំពុងដំណើរការដោយមិនអនុលោមតាម លិខិតអនុញ្ញាត បទដ្ឋានបច្ចេកទេស និងបទដ្ឋានគតិយុត្តជាធរមាន របាយការណ៍ស្តីពីលទ្ធផលនៃការ ចុះធ្វើអធិការកិច្ចសំណង់ ត្រូវលើកសំណើចាត់វិធានការនិង/ ឬដាក់ទណ្ឌកម្មមួយឬច្រើនដូចខាងក្រោម៖ – […]
អានបន្ថែម
អនាម័យក្នុងកន្លែងស្នាក់នៅរបស់កម្មករក្នុងការដ្ឋានទាបជាងស្តង់ដាកំណត់របស់រដ្ឋ
អនាម័យក្នុងកន្លែងស្នាក់នៅរបស់កម្មករក្នុងការដ្ឋានសំណង់ក្នុងរាជធានី-ខេត្តចំនួនបី គឺមានកម្រិតទាបជាងស្តង់ដាដែលបានកំណត់ដោយរដ្ឋាភិបាលកម្ពុជា នេះបើយោងតាមរបាយការណ៍របស់សហព័ន្ធសហជីពកម្មករសំណង់ និង ព្រៃឈើកម្ពុជា ហៅកាត់ថា BWTUC។ ការរកឃើញខាងលើ គឺត្រូវបានផ្សព្វផ្សាយដល់មន្ត្រីរដ្ឋាភិបាល តំណាងក្រុមហ៊ុនសំណង់ តំណាងសហជីព និងកម្មករសំណង់កាលពីថ្ងៃទី ០៨ ខែ សីហា នៅឯភោជនីដ្ឋានទន្លេបាសាក់ ២។ ក្រោមចំណងជើងថា៖ «ការប៉ាន់ប្រមាណវាយតម្លៃអំពីទឹកស្អាត និងអនាម័យក្នុងកន្លែងស្នាក់នៅបណ្តោះអាសន្នក្នុងការដ្ឋានសំណង់» របាយការណ៍នេះ បានរកឃើញថា ស្ថានភាពទឹកស្អាត និងអនាម័យនៅតាមការដ្ឋានសំណង់នៅតែមិនទាន់ឈានដល់កម្រិតស្តង់ដាអនាម័យអប្បរមា ឬមិនឆ្លើយតបនឹងតម្រូវការរបស់កម្មករ និងសាច់ញាតិពួកគាត់ដែលរស់នៅតាមការដ្ឋាននៅឡើយ។ របាយការណ៍នេះ បានស្ទង់មតិ និងត្រួតពិនិត្យនៅតាមការដ្ឋានចំនួន១៧ ការដ្ឋានក្នុងរាជធានីភ្នំពេញ ខេត្តព្រះសីហនុ និងខេត្តសៀមរាប ដែលក្នុងនោះ កន្លែងស្នាក់នៅបណ្តោះអាសន្នសម្រាប់កម្មករក្នុងការដ្ឋានទាំងអស់នេះ គឺសុទ្ធតែមិនត្រូវតាមស្តង់ដា។ របាយការណ៍បានសរសេរថា៖ «កន្លែងស្នាក់នៅបណ្តោះអាសន្នក្នុងការដ្ឋានសំណង់ មានលក្ខខណ្ឌទឹកស្អាត និងអនាម័យមិនល្អ ហើយមិនត្រូវនឹងស្តង់ដា ឬស្របតាមការកំណត់ដោយច្បាប់នៃប្រទេសកម្ពុជា និងប្រកាសឡើយ។ បរិក្ខាអនាម័យ មិនគ្រប់គ្រាន់ គ្មានការថែទាំ និងសាងសង់គ្មានគុណភាពល្អ គ្មានគន្លឹះចាក់សោរទ្វារ ថែមទាំងមានប្រហោងលើជញ្ជាំង»។ តួលេខរបស់ ក្រសួងរៀបចំដែនដី នគរូបនីយកម្ម និងសំណង់ បានបង្ហាញថា ការវិនិយោគក្នុងវិស័យសំណង់កើនឡើងជាង ៥៧ […]
អានបន្ថែម
រដ្ឋាភិបាលគ្រោងបង្កើតក្រុងព្រះសីហនុជាមជ្ឈមណ្ឌលភស្តុភារកម្ម
រដ្ឋាភិបាលកម្ពុជាគ្រោងប្រែក្លាយក្រុងព្រះសីហនុ ទៅជាមជ្ឈមណ្ឌលភស្តុភារកម្មដ៏ធំមួយនៅក្នុងប្រទេស ខណៈដែលក្រុងព្រះសីហនុជាច្រកចេញ-ចូលនៃទំនិញ ដ៏សំខាន់តាមរយៈកំពង់ផែទឹកជ្រៅរបស់ខ្លួន។ ការអភិវឌ្ឍន៍ក្រុងព្រះសីហនុ ទៅជាមជ្ឈមណ្ឌលភស្តុភារកម្មនេះគឺមានគោលបំណងធានាដល់ការអភិវឌ្ឍន៍ សេដ្ឋកិច្ច សង្គម និងបរិស្ថានប្រកបដោយចីរភាព ធានាឱ្យមានការគាំទ្រផ្នែកហេដ្ឋារចនាសម្ព័ន្ធចាំបាច់ ដើម្បីជំរុញការប្រកួតប្រជែងក្នុងការដឹកជញ្ជូន ដែលនឹងត្រូវអនុវត្តតាមរយៈភាពជាដៃគូរដ្ឋ និងឯកជនផងដែរ។ ស្ថាប័នសាជីវកម្មហិរញ្ញវត្ថុ IFC របស់ធនាគារពិភពលោក ជាអ្នកទទួលធ្វើការសិក្សាបុរេសមទ្ធិលទ្ធភាព គម្រោងអភិវឌ្ឍមជ្ឈមណ្ឌលភស្តុភារកម្មនេះ។ នេះបើយោងតាមក្រសួងសាធារណការ និងដឹកជញ្ជូន។ នៅក្នុងកិច្ចប្រជុំស្តីពីអំពីការសិក្សាបុរេសមទ្ធិលទ្ធភាពលើគម្រោងអភិវឌ្ឍន៍មជ្ឈមណ្ឌលភស្តុភារកម្មក្រុងព្រះសីហនុ ជាមួយតំណាង IFC កាលថ្ងៃទី០៨ ខែសីហា ឆ្នាំ២០១៩ លោកជំទាវ កុយ សុដានី រដ្ឋលេខធិការក្រសួងសាធារណៈការ និងដឹកជញ្ជូន បានជំរុញឱ្យគណៈកម្មាធិការជាតិភស្តុភារកម្ម និងភាគី ពាក់ព័ន្ធផ្តល់ធាតុចូលសំខាន់ៗដើម្បី ឱ្យគម្រោងសិក្សានេះទទួលបានលទ្ធផលល្អ និងដាក់ជូនថ្នាក់ដឹកនាំ ក្រសួងធ្វើការពិនិត្យ ឈានទៅបង្កើត មជ្ឈមណ្ឌលភស្តុភារកម្មក្រុងព្រះសីហនុប្រកបដោយជោគជ័យ។ រាជរដ្ឋាភិបាលកម្ពុជាបច្ចុប្បន្ននេះ កំពុងពិនិត្យលទ្ធភាពអភិវឌ្ឍមជ្ឈមណ្ឌលភស្តុភារកម្មចំនួនបួន កន្លែង រួមមាន មជ្ឈមណ្ឌលភស្តុភារកម្មភ្នំពេញ មជ្ឈមណ្ឌលភស្តុភារកម្មក្រុងព្រះសីហនុ មជ្ឈមណ្ឌលភស្តុភារកម្មប៉ោយប៉ែត និងមជ្ឈមណ្ឌលភស្តុភារកម្មបាវិត ដើម្បីជំរុញការប្រកួតប្រជែង និងកាត់បន្ថយថ្លៃដើមដឹកជញ្ជូន។ គួរបញ្ជាក់ជូនថា សម្រាប់គម្រោងបង្កើតមជ្ឈមណ្ឌលភស្តុភារកម្ម នៅរាជធានីភ្នំពេញ ក្រសួងសាធារណៈការបានបញ្ចប់ការសិក្សារួចហើយ ដែលគ្រោងបង្កើតនៅក្បែរកំពង់ផែស្វ័យតភ្នំពេញ៕
អានបន្ថែម
CDC អនុម័តគម្រោងសណ្ឋាគារ និង រោងចក្រសម្ភារសំណង់តម្លៃសរុបជាង ១៦៥ លានដុល្លារ
ក្រុមប្រឹក្សាអភិវឌ្ឍន៍កម្ពុជា ឬហៅកាត់ថា CDC កាលពីថ្ងៃ ៧ ខែសីហា បានអនុម័តគម្រោងវិនិយោគលើសណ្ឋាគារ និង រោងចក្រសម្ភារសំណង់តម្លៃសរុបជាង ១៦៥ លានដុល្លារក្នុងរាជធានីភ្នំពេញនិងខេត្តកំពត។ បើយោងតាមការប្រកាសរបស់ CDC ចំពោះគម្រោងសណ្ឋាគារគឺស្នើសុំដោយក្រុមហ៊ុន Royal Field Development Company Co., Ltd (ក្រុមហ៊ុនបុត្រសម្ព័ន្ធរបស់ Chip Mong Group) ដែលមានទីតាំងនៅមហាវិថីសហព័ន្ធរុស្សី ភូមិ១០ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។ គម្រោងនេះរួមមានសណ្ឋាគារថ្នាក់ផ្កាយ៣ ចំនួន៣០០បន្ទប់ និងមជ្ឈមណ្ឌលពាណិជ្ជកម្ម ដែលប្រើប្រាស់ទុនវិនិយោគប្រមាណ ១៣៤លានដុល្លារអាមេរិក។ គួរបញ្ជាក់ផងដែរថា គម្រោងសណ្ឋាគារមួយនេះមានឈ្មោះថា Fairfield by Marriott ដែលជាសណ្ឋាគារប្រេន Marriott ដំបូងគេនៅកម្ពុជា។ ជាក់ស្ដែងគម្រោងនេះ បានបើកការដ្ឋានសាងសង់រួចមកហើយ កាលពីខែមករា កន្លងមកនេះ ហើយគ្រោងនឹងបញ្ចប់ការសាងសង់និងបើកឲ្យដំណើរការក្នុងឆ្នាំ២០២២ខាងមុខនេះ។ (អានបន្ថែម) ដោយឡែក គម្រោងទី ២ គឺជាគម្រោងបង្កើតរោងចក្រផលិតសម្ភារៈតុបតែងពិដាននិងជញ្ជាំង ដែលគម្រោងនេះគឺស្នើសុំដោយក្រុមហ៊ុន Cambodian Decorative […]
អានបន្ថែម
សមាគមមីក្រូហិរញ្ញវត្ថុ៖ របាយការណ៍គុណវិបត្តិនៃបំណុលគឺផ្ទុយស្រឡះពីស្ថានភាពជាក់ស្ដែង
សមាគមមីក្រូហិរញ្ញវត្ថុកម្ពុជា បានច្រានចោលពីលទ្ធផលនៃរបាយការណ៍របស់លីកាដូទាក់ទងទៅនឹងបញ្ហានៃមីក្រូហិរញ្ញវត្ថុនៅកម្ពុជា ដោយលើកឡើងថារបាយការណ៍នេះពឹងផ្អែកលើវិធីសាស្រ្តដោយមានការរស្ទង់មតិដែលមិនទាន់មានព័ត៌មានគ្រប់គ្រប់ជ្រុងជ្រោយ ដូច្នេះនេះគឺមិនតំណាងឱ្យស្ថានភាពមីក្រូហិរញ្ញវត្ថុជារួមនៅកម្ពុជានោះទេ ក៏ដូចជាបង្កើតឲ្យមានរូបភាពអវិជ្ជមានដែលគ្មានភាពប្រាកដនិយមដល់ គ្រឹះស្ថានមីក្រូហិរញ្ញវត្ថុនៅកម្ពុជាទាំងមូលផងដែរ។ ការលើកឡើងនេះ គឺតាមរយៈសេចក្ដីប្រកាសព័ត៌មានរបស់សមាគមមីក្រូហិរញ្ញវត្ថុកម្ពុជាកាលពីថ្ងៃទី ៧ ខែសីហាកន្លងមកនេះ ដែលជាថ្ងៃដូចគ្នាដែលអង្គការលីកាដូនិងអង្គការធាងត្នោតបានចេញលទ្ធផលការស្រាវជ្រាវមួយថាការកើនឡើងនៃបំណុលមីក្រូហិរញ្ញវត្ថុនៅកម្ពុជា ដែលភាគច្រើនប្រើប្លង់ដីជាទ្រព្យបញ្ចាំ អាចបង្ករឲ្យមានហានិភ័យយ៉ាងធ្ងន់ធ្ងរដល់កូនបំណុលរាប់លាននាក់នៅកម្ពុជា ដែលក្នុងនោះការបាត់បង់ដីធ្លីតាមរយៈការរឹបអូសក៏ដូចជាការរំលោភសិទ្ធិមនុស្សគឺជាបញ្ហាចំបង។ (អានបន្ថែម) សមាគមមីក្រូហិរញ្ញវត្ថុកម្ពុជាបានកត់សម្គាល់ថា របាយការណ៍របស់លីកាដូ បានជ្រើសរើសគំរូនៃការស្ទង់មតិត្រឹមតែ ២៨ ករណីប៉ុណ្ណោះ ក្នុងចំណោមអ្នកខ្ចីប្រាក់ជាង ២ លាន នាក់ដែលមាននៅក្នុងបញ្ជីរបស់សមាគម ហើយផ្ដោតទៅលើតែគុណវិបត្តិនៃប្រាក់កម្ចីពីមីក្រូហិរញ្ញវត្ថុ ដោយរំលងតួនាទីដ៏សំខាន់របស់គ្រឹះសា្ថនហិរញ្ញវត្ថុក្នុងការកាត់បន្ថយភាពក្រីក្រនិងបរិយាប័ណ្ណហិរញ្ញវត្ថុ ។ ដូច្នេះរបាយការណ៍នេះ គឺមិនបានឆ្លុះបញ្ចាំងពីស្ថានភាពពិតនៃការផ្តល់ប្រាក់កម្ចីរបស់គ្រឹះស្ថានមីក្រូហិរញ្ញវត្ថុនោះទេ។ដែលបានផ្តល់អត្ថប្រយោជន៍ដល់ប្រជាជនកម្ពុជារាប់ពាន់នាក់។ លោក គា បូរាណ ប្រធានសមាគមមីក្រូហិរញ្ញវត្ថុកម្ពុជាបានមានប្រសាសន៍ថា “សមាគមមីក្រូហិរញ្ញវត្ថុកម្ពុជាមានការយកចិត្តទុកដាក់យ៉ាងខ្លាំងលើរាល់របាយការណ៍ណាមួយដែលមិនមានភាពពិតប្រាកដនិងមួលបង្កាច់ទៅលើការអនុវត្តន៍ការផ្ដល់ប្រាក់កម្ចី ហើយសមាគមនិងធ្វើការជាមួយសមាជិករបស់យើងដើម្បីស៊ើបអង្កេតលើកការសិក្សាផ្សេងៗលើករណី ដែលបានបង្ហាញនៅក្នុងរបាយការណ៍នេះ។” សមាគមបានបញ្ជាក់ទៀតថាសមាជិករបស់ពួកគេ តែងតែអនុវត្តគោលការណ៍ណែនាំក្នុងការផ្តល់ប្រាក់កម្ចី (Lending Guideline) យ៉ាងតឹងរឹងទាក់ទងនឹងការទប់ស្កាត់បំណុលវណ្ឌករ ពោលគឺអាចនឹងតឹងរឹងជាងបទប្បញ្ញត្តិរបស់គ្រឹះស្ថានមីក្រូហិរញ្ញវត្ថុជាច្រើនទៀតនៅលើពិភពលោកទៀតផង។ លើសពីនេះទៀតដើម្បីឆ្លើយតបទៅនឹងការចោទប្រកាន់អំពីការបាត់បង់ដីធ្លីរបស់ប្រជាជនដោយសារបំណុល សមាគមបានអះអាងថាប្រាក់កម្ចីបុគ្គលឯកជនម្នាក់ៗជាមធ្យម គឺក្រោម ១០០០ដុល្លារអាមេរិក ដែលមិនតម្រូវឱ្យមានទ្រព្យបញ្ចាំនោះទេ។ នេះអាចមានន័យថាឱកាសនៃការលក់ដីដោយបង្ខំដើម្បីសងបំណុល អាចមិនមែនជាបញ្ហាប្រឈមដែលកើតឡើងដោយការកម្ចីមីក្រូហិរញ្ញវត្ថុនោះទេ។ ទន្ទឹមនឹងនេះ សេចក្តីប្រកាសព័ត៌មានរបស់សមាគមក៏បានលើកឡើងថារហូតមកដល់ពេលនេះគ្រឹះស្ថានមីក្រូហិរញ្ញវត្ថុបានចូលរួមចំណែកយ៉ាងច្រើនដល់កំណើនសេដ្ឋកិច្ចរបស់ប្រទេសកម្ពុជា។ មីក្រូហិរញ្ញវត្ថុបានចូលរួមចំណែកកាត់បន្ថយភាពក្រីក្រពី ៤៧% នៃប្រជាជនក្នុងឆ្នាំ ២០០៧ […]
អានបន្ថែម
រដ្ឋាភិបាលគ្រោងផលិតថាមពលពន្លឺព្រះអាទិត្យឲ្យបាន១៥ភាគរយក្នុងបណ្តាញជាតិ
រដ្ឋាភិបាលបានប្រកាសថា ឆ្នាំក្រោយនេះថាមពលដែលផលិតចេញពីថាមពលពន្លឺព្រះអាទិត្យ ឬសូឡា នឹងរួមចំណែក ប្រមាណ១៥ភាគរយ នៅក្នុងបណ្តាញជាតិ។ ការរួមចំណែកថាមពលពន្លឺព្រះអាទិត្យនៅក្នុងបណ្តាញជាតិនេះ គឺជាការចូលរួមក្នុងការកាត់បន្ថយការប្រែប្រួលអាកាសធាតុ។ លោក កែវ រតនៈ អគ្គនាយអគ្គិសនីកម្ពុជា EDC ថ្លែងនៅក្នុងសន្និសីទសារព័ត៌មានកាលពីព្រឹកថ្ងៃព្រហស្បតិ៍នេះថា ការបញ្ចេញថាមពលពីរោងចក្រសូឡា តំណាងឲ្យ ១៥ភាគរយនៃថាមពលក្នុងបណ្តាញជាតិ នឹងចូលរួមជាមួយថាមពលផលិតចេញពីវារីអគ្គិសនី ដែលបច្ចុប្បន្នតំណាងប្រមាណជា ៥០ភាគរយនៃការប្រើប្រាស់ថាមពលអគ្គិសនីសរុប។ លោកបញ្ជាក់ថា ១៥ភាគរយនៃថាមពលពីសូឡានេះ នឹងធ្វើឲ្យប្រទេសកម្ពុជា ឈានមុខគេក្នុងតំបន់ ដែលមានថាមពលអគ្គិសនីចេញពីថាមពលសូឡា។ លោក កែវ រតនៈ ថ្លែងថា៖ «១៥ភាគរយនេះ គឺជាមោទនភាពរបស់កម្ពុជាមួយ ហើយក៏ជាការចូលរួមកាត់បន្ថយការប្រែប្រួលអាកាសធាតុដែលប្រទេសកម្ពុជា ជាប្រទេសហត្ថលេខានៃកិច្ចព្រមព្រៀងក្រុងប៉ារីស ស្តីពីការប្រែប្រួលអាកាសធាតុ»។ បច្ចុប្បន្ននេះ សូឡាហ្វាម ចំនួនពីរទីតាំង បានបញ្ចេញថាមពលចូលបណ្តាញជាតិ ក្នុងនោះ រោងចក្រសូឡា នៅក្រុងបាវិត អនុភាព១០មេហ្គាវ៉ាត និងរោងចក្រសូឡានៅស្រុកឧត្តុង្គ ខេត្តកំពង់ស្ពឺ អនុភាព៦០មេហ្គាវ៉ាត។ លោក វ៉ិចទ័រ ហ្សូណា អគ្គនាយកថាមពលនៃក្រសួងរ៉ែ និងថាមពល ធ្លាប់បានលើកឡើងថា រដ្ឋាភិបាលផ្តោតលើការផលិតថាមពលពីសូឡា ដោយសារវាមានរយៈពេលខ្លីនៃការវិនិយោគសម្រាប់បញ្ចេញថាមពល ជាថាមពលបៃតង និងជាការរួមចំណែកនៃចម្រុះភាពថាមពល។ […]
អានបន្ថែម
ក្រសួងសាធារណការនឹងបង្កើតក្រុមការងារពិសេសដើម្បីត្រួតពិនិត្យការសាងសង់ផ្លូវ
ក្រសួងសាធារណការ និងដឹកជញ្ជូន នឹងបង្កើតក្រុមការងារពិសេសមួយ ដើម្បីត្រួតពិនិត្យការងារសាងសង់ផ្លូវនៅកម្ពុជា ក្រោយពីមានក្រុមហ៊ុនត្រួតពិនិត្យ និងមន្ត្រីរដ្ឋាភិបាលមួយចំនួន ធ្វេសប្រហែសក្នុងការត្រួតពិនិត្យគុណភាពផ្លូវឲ្យស្របតាមស្តង់ដារបច្ចេកទេស នេះបើយោងតាមការបញ្ជាក់របស់ ឯកឧត្តម ទេសរដ្ឋមន្ត្រី ស៊ុន ចាន់ថុល។ ក្រោយពីបញ្ចប់កិច្ចប្រជុំជាមួយក្រុមហ៊ុនម៉ៅការសាងសង់ផ្លូវ និងក្រុមហ៊ុនត្រួតពិនិត្យរួចមកឯកឧត្តម ស៊ុន ចាន់ថុល កាលពីថ្ងៃទី ០៧ ខែ សីហា បានប្រាប់អ្នកសារព័ត៌មាន ថា ក្រសួង នឹងបង្កើតក្រុមការងារពិសេសមួយ។ ឯកឧត្តម ស៊ុន ចាន់ថុលថ្លែងថា៖ «ក្រសួងសាធារណការ និងដឹកជញ្ជូន នឹងបង្កើតក្រុមត្រួតពិនិត្យពិសេស ដោយគ្មានប្រាប់មុនទេ ក្រុមហ៊ុនត្រួតពិនិត្យនេះនឹងទៅឆ្មក់ ពីលើអ្នកត្រួតពិនិត្យបច្ចេកទេសបរទេស និងអ្នកត្រួតពិនិត្យរបស់ក្រសួងថែមទៀត ឆ្មក់អត់ប្រាប់មុនទេ»។ តាមការបញ្ជាក់របស់ឯកឧត្តម ការបង្កើតក្រុមការងារពិសេសមួយនេះ គឺដោយសារកន្លងមក មានការសាងសង់ផ្លូវ និងផ្លូវខ្លះសាងសង់រួចរាល់ហើយ តែខុសលក្ខណៈបច្ចេកទេស ដោយក្រុមការងាររបស់ក្រុមហ៊ុនត្រួតពិនិត្យ និងមន្ត្រីមួយចំនួន មិនបានរាយការណ៍អំពីកង្វះលក្ខណៈបច្ចេកទេសទាំងនោះទេ ដែលបានបណ្តាលឲ្យ ខូចខាតថវិកាជាតិ ខាតបង់ពេលវេលា និងបង្កឲ្យមានគ្រោះថ្នាក់ចរាចរណ៍។ ឯកឧត្តមថ្លែងថា៖ «គាត់ [អ្នកត្រួតពិនិត្យ] ត្រូវតែធ្វើឲ្យអ្នកម៉ៅការសាងសង់ខ្លាចគាត់ ព្រោះគាត់គឺជាអ្នកត្រួតពិនិត្យ ប៉ុន្តែបែរជាគាត់ខ្លាចអ្នកសាងសង់ទៅវិញ…ល្អូកល្អិន ភ្លេចតួនាទីខ្លួនឯង […]
អានបន្ថែម
ក្រុមសម្ព័ន្ធសណ្ឋាគារអន្តជាតិ Avani បើកសណ្ឋាគារដំបូងរបស់ខ្លួននៅខេត្តសៀមរាប
បន្ទាប់ពីការកែលម្អអស់រយៈពេលពេល ៦ ខែ ដោយក្រុមសម្ព័ន្ធសណ្ឋាគារអន្តរជាតិរបស់ប្រទេសថៃឈ្មោះថា Avani Hotels & Resorts សណ្ឋាគារស្ថាបត្យកម្មមរតកខ្មែរ-បារាំង ត្រូវបានបើកជាផ្លូវការឡើងវិញក្រោមឈ្មោះថ្មីថា «FCC Angkor – Managed by Avani» ។នេះបើយោងតាមរបាយការណ៍របស់ TTG។ សណ្ឋាគារថ្មីនេះ មានសរុប ៨០ បន្ទប់ ដែលបន្ទប់ទាំងអស់ត្រូវបានតុបតែងបែបបុរាណតាមបែបស្ថាបត្យកម្មខ្មែរ-បារាំង។ លើសពីនេះ ការរចនាតុបតែង គឺរក្សានូវអារម្មណ៍នៃបន្ទប់សារព័ត៌មានប្រវត្តិសាស្ត្រ ដោយមានដាក់តាំងម៉ាស៊ីនអង្គុលីលេខ ក៏ដូចជាទំព័រមុខនៃកាសែតចាស់ៗ ផងដែរ។ យោងតាមប្រភពដដែល បានឱ្យដឹងថាសណ្ឋាគារថ្មីមួយនេះ ក៏រួមមាន ភោជនីយដ្ឋាននិងបារ៍ដែលទើបនឹងសាងសង់ថ្មី ស្ប៉ា អាងហែលទឹក និងសួនច្បារជុំវិញផងដែរ។ ថ្លែងក្នុងឱកាសបើកការដ្ឋានកែលម្អ លោក Dillip Rajakarier អគ្គនាយកក្រុមហ៊ុន Minor Hotels ដែលជាក្រុមហ៊ុនមេរបស់ក្រុមហ៊ុន Avani Hotels & Resorts បានបង្ហាញសុទិដ្ឋិនិយមថា៖ « ការមកដល់របស់ក្រុមហ៊ុន Avani Hotels & Resorts […]
អានបន្ថែម
លីកាដូ៖ កំណើនបំណុលមីក្រូហិរញ្ញវត្ថុជាហានិភ័យនៃការបាត់បង់ដីធ្លី
ការកើនឡើងនៃបំណុលមីក្រូហិរញ្ញវត្ថុនៅកម្ពុជា ដែលភាគច្រើនប្រើប្លង់ដីជាទ្រព្យបញ្ចាំ អាចបង្ករឲ្យមានហានិភ័យយ៉ាងធ្ងន់ធ្ងរដល់កូនបំណុលរាប់លាននាក់កម្ពុជា ដែលក្នុងនោះការបាត់បង់ដីធ្លីតាមរយៈការរឹបអូសក៏ដូចជាការរំលោភសិទ្ធិមនុស្សគឺជាបញ្ហាចំបង នេះបើតាមរបាយការណ៍ការស្រាវជ្រាវរួមគ្នារបស់សម្ព័ន្ធខ្មែរជំរឿននិងការពារសិទ្ធិមនុស្ស (លីកាដូ) និងសមាគមធាងត្នោត។ ចេញផ្សាយកាលពីនៅថ្ងៃទី ៧ ខែសីហា របាយការណ៍នេះបានបង្ហាញថា គិតត្រឹមដើមឆ្នាំ ២០១៩ មានប្រជាជនកម្ពុជាជាង ២ លាននាក់ជាប់បំណុលជាមួយស្ថាប័នមីក្រូហិរញ្ញវត្ថុ ក្នុងទឹកប្រាក់យ៉ាងហោចជាង ៨ ពាន់លានដុល្លារ។ ចំនួននេះគឺស្មើនឹងប្រមាណ ១/៣ នៃផលិតផលក្នុងស្រុកសរុប (GDP) របស់ព្រះរាជាណាចក្រកម្ពុជា។ បើគិតជាមធ្យម បុគ្គលម្នាក់ៗ មានបំណុលប្រមាណ ៣៣៧០ ដុល្លារ ដែលនេះជាតួរលេខបំណុលខ្ពស់បំផុតនៅលើពិភពលោក។ លើសពីនេះទៅទៀត របាយការណ៍ដដែលនេះ ក៏បានឲ្យដឹងថា កូនបំណុលជាង ៥០ ភាគរយ (នៅគ្រប់ខេត្តទាំងអស់លើកលែងតែរាជធានីភ្នំពេញ) ប្រើប្លង់ដីជាទ្រព្យបញ្ចាំ។ សរុបមកដល់បច្ចុប្បន្នគឺមានប្រមាណជាង១លានប្លង់ដី ដែលត្រូវបានដាក់ជាទ្រព្យបញ្ចាំ។ គួរបញ្ជាក់ផងដែរថា ស្ថាប័នមីក្រូហិរញ្ញវត្ថុបានឈានជើងចូលមកប្រទេសកម្ពុជាក្នុងទសវត្សឆ្នាំ ១៩៩០ ក្នុងគោលបំណងជួយផ្តល់ភាពងាយស្រួលក្នុងការទទួលបានឥណទានសម្រាប់ប្រជាពលរដ្ឋក្រីក្រជាពិសេសកសិករ ដូចជាការយកទៅទិញសម្ភារកសិកម្មឬពង្រីកអាជីវកម្មជាដើម។ ក្រោយមក បន្ទាប់ពីរដ្ឋាភិបាលបានចេញនិងអនុវត្តគោលនយោបាយមីក្រូហិរញ្ញវត្ថុបន្ថែមទៀតក្នុងឆ្នាំ ២០០៧ តុល្យភាណកម្ចីមីក្រូហិរញ្ញវត្ថុបានកើនឡើងជាង ៤ ដង គឺចាប់ពីប្រមាណ ៣០០ លានដុល្លារក្នុងឆ្នាំ ២០០៩ […]
អានបន្ថែម
ផ្សារស៊ីនជូរីផ្លាហ្សានៅពោធិ៍ចិនតុងនឹងត្រូវអភិវឌ្ឍឡើងវិញទៅជាផ្សារទំនើប
ផ្សារដែលមានអាយុកាលយូរអង្វែងមួយនៅរាជធានីភ្នំពេញ ដែលមានទីតាំងនៅតាមបណ្តោយផ្លូវសហពន្ធ័រុស្សី ឈ្មោះថា ផ្សារស៊ីនជូរីផ្លាហ្សា នឹងត្រូវអភិវឌ្ឍឡើងវិញទៅជាផ្សារទំនើប ក្រោយពីមានការប្រជុំពិភាក្សាជាមួយម្ចាស់អភិវឌ្ឍន៍ សាលាក្រុងភ្នំពេញ និងអាជីរករក្នុងផ្សារ។ កាលពីថ្ងៃទី ៤ ខែ សីហា កិច្ចប្រជុំពាក់ព័ន្ធទៅនឹងគម្រោងអភិឌ្ឍន៍ផ្សារស៊ីនជូរីផ្លាហ្សា ត្រូវបានធ្វើឡើងដោយមានការចូលរួមដោយ លោក នួន ផារ័ត្ន អភិបាលរងរាជធានីភ្នំពេញ ម្ចាស់អភិវឌ្ឍន៍គម្រោង និងអាជីរករក្នុងផ្សារស៊ីនជូរីផ្លាហ្សាចំនួនប្រមាណជា ៣០០ នាក់។ កិច្ចពិភាក្សានេះ បានបញ្ចប់ដោយរលូន។ លោក ម៉េត មាសភក្តី អ្នកនាំពាក្យសាលាក្រុងភ្នំពេញ បានបញ្ជាក់ប្រាប់ទស្សនាវដ្តីសំណង់ និងអចលនទ្រព្យ យើងខ្ញុំកាលពីថ្ងៃទី ០៦ ខែសីហា ថា ពិតជាមានគម្រោងរៀបចំសាងសង់ផ្សារទំនើបខាងលើនេះមែន តែលោក មិនអាចបញ្ជាក់ព័ត៌មានលម្អិតអំពីគម្រោងនេះបាននៅឡើយទេ។ លោកថ្លែងថា៖ «មានគម្រោងរៀបចំសាងសង់ វិនិយោគផ្សារស៊ីនជូរីផ្លាហ្សា។ នេះគឺជារឿងឯកជន គ្រាន់ថា ក្នុងនាមជាអាជ្ញាធរ យើងដឹងថាយើងមានការរៀបចំផ្សារស៊ីនជូរីផ្លាហ្សាទៅជាផ្សារទំនើប [ដូចជា] អ៊ីអនម៉ល ដូចស៊ីធីម៉ល ដូចផ្សារសូរិយាអញ្ចឹង»។ សម្រាប់ព័ត៌មានលម្អិតអំពីគម្រោងខាងលើ យើងខ្ញុំនឹងធ្វើការផ្សាយបន្តនាពេលដ៏ខ្លីខាងមុខ។ គួររម្លឹកថា យោងតាមរបាយការណ៍ទីផ្សារអចលនទ្រព្យក្នុងរាជធានីភ្នំពេញ ដោយភ្នាក់ងារអចលទ្រព្យអន្តរជាតិ CBRE Cambodia […]
អានបន្ថែម