រដ្ឋាភិបាលកំពុងសិក្សាបង្កើតតំបន់សេដ្ឋកិច្ចពិសេសនៅភូមិភាគឦសាន
រដ្ឋាភិបាលបាននិងកំពុងសិក្សាបង្កើតតំបន់សេដ្ឋកិច្ចពិសេសនៅភូមិភាគឦសានប្រទេសកម្ពុជា ដើម្បីចូលរួមធ្វើពិពិធកម្មសេដ្ឋកិច្ចនៅក្នុងប្រទេស។ ការបង្កើតតំបន់សេដ្ឋកិច្ចពិសេសនេះ គឹស្របទៅនឹងទិសដៅអភិវឌ្ឍសេដ្ឋកិច្ច និងសង្គមនៅតំបន់ភូមិភាគឦសាន។ ឯកឧត្តម វង្ស៊ី វិសុទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍នៅក្នុងសិក្ខាសាលាស្តីពីក្របខណ្ខគោលនយោបាយម៉ាក្រូសេដ្ឋកិច្ច និងគោលនយោបាយហិរញ្ញវត្ថុសាធារណៈ កាលពីពេលថ្មីនេះ ថា ដើម្បី ជម្រុញមូលដ្ឋានសេដ្ឋកិច្ចផ្អែកលើជំនាញ រដ្ឋាភិបាលកំពុងពិនិត្យ និងអនុញ្ញាតឲ្យមានការបង្កើតតំបន់សេដ្ឋកិច្ចតាមតំបន់នានា។ ឯកឧត្តមថ្លែងថា៖ «ជាមួយនឹងការរៀបចំគោលនយោបាយវិនិយោគថ្មី ឥឡូវនេះ តំបន់សេដ្ឋកិច្ចពិសេស កំពុងផ្តោតទៅដល់ខេត្តមណ្ឌលគីរីទៀត កំពុងរៀបចំ Master Plan [ផែនការមេ]…សុទ្ធតែជាមូលដ្ឋានមួយពង្រីកសេវាកម្ម ផលិតកម្មរបស់ជាតិ ទីមួយបង្កើតទីផ្សារក្នុងស្រុក និងទីពីរ ដើម្បីនាំចេញក្នុងតំលៃថោក និងគុណភាពល្អ»។ ដើម្បីទាក់ទាញការវិនិយោគបបន្ថែមនៅក្នុងតំបន់សេដ្ឋកិច្ចពិសសេស ឆ្លើយតបទៅនឹងស្ថានភាពជាក់ស្តែង រដ្ឋាភិបាលកម្ពុជា តាមរយៈក្រុមប្រឹក្សាអភិវឌ្ឍ៍កម្ពុជា បាននិងកំពុងកែសម្រួលសេចក្តីព្រាងច្បាប់វិនិយោគថ្មី និងសេចក្តីព្រាងច្បាប់តំបន់សេដ្ឋកិច្ចពិសេសថ្មី។ យោងតាមរបាយការណ៍ពីក្រុមប្រឹក្សាអភិវឌ្ឍន៍កម្ពុជា បច្ចុប្បន្ននេះ កម្ពុជាមានតំបន់សេដ្ឋកិច្ចពិសេសចំនួន ២១ទីតាំង កំពុងដំណើរការ និងគម្រោងតំបន់សេដ្ឋកិច្ចពិសេសផ្សេងទៀត កំពុងដាក់ស្នើសុំគោលការណ៍វិនិយោគ។ គួរបញ្ជាក់ថា តំបន់ភូមិភាគឦសាននៃប្រទេស រួមមានខេត្តស្ទឹងត្រែង ក្រចេះ រតនគីរី និងមណ្ឌលគីរី ត្រូវបានរដ្ឋាភិបាលដាក់ទិសដៅប្រែក្លាយតំបន់ប៉ូលសេដ្ឋកិច្ច។ ជាមួយគ្នាក៏មានការកសាងហេដ្ឋារចនាសម្ព័ន្ធរូបវន្ត និងគម្រោងកសាងអាកាសយានដ្ឋានផងដែរ៕
អានបន្ថែម
រដ្ឋាភិបាលបើកភ្លើងខៀវលើគម្រោងបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តព្រះសីហនុ
រដ្ឋាភិបាលកម្ពុជា កាលពីថ្មីៗនេះ បានសម្រេចគាំទ្រឲ្យ ក្រុមហ៊ុន ខេមបូឌាន-ស៊ីណូ មេធលលីក មេធៀរៀល អ៊ិនដាស្ទ្រៀល ផាក បង្កើតតំបន់សេដ្ឋកិច្ចពិសេសថ្មីមួយទៀតលើផ្ទៃដីជាង ៥៥ហិកតា នៅខេត្តព្រះសីនុ នេះបើយោងតាមការប្រកាសរបស់ ក្រសួងបរិស្ថាន។ ការសម្រេចបើកភ្លើងខៀវនេះ ជាលទ្ធផលនៃកិច្ចប្រជុំអន្តរក្រសួងលើកទី២ស្ដីពីរបាយការណ៍វាយតម្លៃហេតុប៉ះពាល់បរិស្ថាន និងសង្គមពេញលេញ (ESIA) លើគម្រោងនេះ ដែលធ្វើឡើង កាលថ្ងៃទី១ ខែសីហា ឆ្នាំ២០១៩ កន្លងមកនេះ ក្រោមអធិបតីភាពរបស់ឯកឧត្តម សូត យា អនុរដ្ឋលេខាធិការប្រចាំការ នៃក្រសួងបរិស្ថាន រួមជាមួយនឹងតំណាងក្រសួង-ស្ថាប័នពាក់ព័ន្ធ តំណាងក្រុមប្រឹក្សាអភិវឌ្ឍន៍ដោយចីរភាព អគ្គនាយកដ្ឋានពាក់ព័ន្ធ និងក្រុមហ៊ុនទីប្រឹក្សា សរុបចំនួនជាង ៣០នាក់។ គម្រោងតំបន់សេដ្ឋកិច្ចថ្មីមួយនេះ គ្រោងនឹងសាងសង់លើផ្ទៃដីជាង ៥៥ ហិកតា ដែលមានទីតាំងភូមិសាស្ត្រស្ថិតនៅភូមិឬទ្ធី១ ឃុំកែវផុស ស្រុកស្ទឹងហាវ ខេត្តព្រះសីហនុ ដែលជាគម្រោងរបស់ក្រុមហ៊ុន ខេមបូឌាន-ស៊ីណូ មេធលលីក មេធៀរៀល អ៊ិនដាស្ទ្រៀល ផាក ឯ.ក និងរៀបចំរបាយការណ៍ ESIA ដោយក្រុមហ៊ុនទីប្រឹក្សា E & […]
អានបន្ថែម
អភិបាលខេត្តប្រាប់ពីវិធានការណ៍ដោះស្រាយបញ្ហាការលិចលង់នៅខេត្តព្រះសីហនុ
អភិបាលខេត្តព្រះសីហនុ ឯកឧត្តម គួច ចំរើន កាលពីថ្ងៃទី ៥ ខែ សីហា បានប្រាប់ឲ្យប្រជាពលរដ្ឋបញ្ឈប់ការរំលោភប្រឡាយដើម្បីកុំឲ្យខេត្តព្រះសីហនុមានការលិចទឹកកាន់តែខ្លាំង ក្រោយពីមានការបង្ហោះរូបភាព និងវីដេអូអំពីសកម្មភាពនៃការលិចលង់ទឹកយ៉ាងខ្លាំងនៅតាមតំបន់នានាក្នុងខេត្តមួយនេះ ។ យោងតាមរូបភាព និងវីដេអូបង្ហោះដោយគណនីហ្វ៊េសប៊ុករបស់ប្រជាពលរដ្ឋមួយចំនួនដែលរស់នៅក្នុងខេត្តព្រះសីហនុ កាលពីយប់ថ្ងៃទី ០៤ ខែ សីហា ឆ្នាំ ២០១៩ មានការជន់លិចលង់ទឹកយ៉ាងខ្លាំងចាប់ពីម៉ោង ១០យប់ រហូតដល់ម៉ោង ៧ ព្រឹក ដែលបង្កផលលំបាកជាច្រើន និងប៉ះពាល់ដល់ទ្រព្យសម្បត្តិក្នុងគេហដ្ឋានមួយចំនួន ដូចជាម៉ូតូជាដើម។ ពាក់ពន្ធ័ទៅនឹងបញ្ហាខាងលើ ឯកឧត្តម គួច ចំរើន បានប្រាប់ទស្សនាវដ្តីសំណង់ និងអចលនទ្រព្យយើងខ្ញុំតាមតេឡេក្រាមកាលពីថ្ងៃទី ០៥ ខែ សីហានេះថា រដ្ឋបាលខេត្តបាននិងកំពុងធ្វើការដោះស្រាយបញ្ហានេះ ហើយបានប្រាប់ប្រជាជនឲ្យបញ្ឈប់ការរំលោភប្រឡាយ ដើម្បីឲ្យទឹកអាចរំដោះបានទាន់។ ការរំដោះទឹកក្នុងតំបន់ខ្លះក្នុងខេត្តព្រះសីហនុគឺ រំពឹងទៅលើប្រឡាយឬអូរ ដែលជាផ្លូវសម្រាប់នាំយកទឹកពីទីក្រុងចូលទៅក្នុងសមុទ្រ។ ឯកឧត្តម គួច ចំរើនថ្លែងថា៖ «កុំឲ្យប្រជាពលរដ្ឋមានការរំលោភបំពានយកប្រឡាយតទៅទៀត នាំគ្នាចេះតែយកប្រឡាយអស់ទៅ បានជាអត់មានផ្លូវទឹកហូរ។ ចាប់ពីម្តុំ LV ទៅខាងក្រោមហ្អឹង [យើង] មើលមកប្រឡាយឃើញថាមានការរំលោភច្រើន ប្រឡាយដែលគេកាត់ទុក១០ម៉ែត្រជាង […]
អានបន្ថែម
ក្រសួងឧស្សាហកម្មបញ្ជាឲ្យផ្អាកការផ្គត់ផ្គង់ទឹកដល់ការដ្ឋានសំណង់ខុសច្បាប់ទាំងអស់
ក្រសួងឧស្សាហកម្ម និងសិប្បកម្មកាលពីថ្ងៃទី ០១ ខែ សីហា បានចេញសេចក្តីណែនាំដល់សមត្ថកិច្ចក្រោមបង្គាប់របស់ខ្លួន ឲ្យផ្អាកការផ្គត់ផ្គង់ទឹកដល់ការដ្ឋានសំណង់ខុសច្បាប់ទាំងអស់ ក្នុងគោលបំណងធានាអាយុជីវិត ទ្រព្យសម្បត្តិ និងសុវត្ថិភាពរបស់ប្រជាពលរដ្ឋ។ សេចក្តីណែនាំនេះ គឺសំដៅដល់គ្រប់មន្ទីឧស្សាហកម្ម និងសិប្បកម្ម គ្រប់អង្គភាពរដ្ឋាករទឹកចម្រុះក្រសួង និងគ្រប់ប្រតិបត្តិករផ្គត់ផ្គង់ទឹកឯកជន ដែលស្ថិតក្រោមសមត្ថកិច្ចរបស់ក្រសួងឧស្សាហកម្ម និងសិប្បកម្ម។ ក្នុងនោះដែរ សមត្ថកិច្ចពាក់ពន្ធ័ខាងលើ ត្រូវសហការជាមួយរដ្ឋបាលក្រសួងដែនដីថ្នាក់មូលដ្ឋានរបស់ខ្លួន មន្ទី និងអង្គភាពជំនាញនានា។ សេចក្តីណែនាំខាងលើបានសរសេរថា៖ «ត្រូវសហការជាមួយរដ្ឋបាលក្រសួងដែនដីថ្នាក់មូលដ្ឋានរបស់ខ្លួន មន្ទី និងអង្គភាពជំនាញ ជាពិសេស ជាមួយមន្ទីក្រសួងរៀបចំដែនដី នគរូបនីយកម្ម និងសំណង់ ក្នុងការផ្អាកការផ្គត់ផ្គង់ទឹកស្អាត ទៅដល់ការរដ្ឋានសំណង់ សណ្ឋាគារ ផ្ទះសំណាក់ អគារស្នាក់នៅរួម សំណង់អគារពាណិជ្ជកម្ម អគាររោងចក្រ សហគ្រាស សិប្បកម្ម អគារសម្រាប់លក់ឬជួលស្នាក់នៅ និងការដ្ឋានសំណង់ដទៃទៀតដែលជាប្រភេទសំណង់ខុសច្បាប់ ឬសាងសង់ខុសបច្ចេកទេស ដែលត្រូវបានកំណត់ដោយស្ថាបន័ ឬអង្គភាពសមត្ថកិច្ចជំនាញ លើកលែងតែប្រភេទសំណង់ផ្ទាល់ខ្លួនរបស់ប្រជាពលរដ្ឋ»។ ការផ្អាកការផ្គត់ផ្អង់ទឹកទៅដល់ការដ្ឋានសំណង់ខុសច្បាប់នេះទៀតសោត គឺនឹងត្រូវលុបចោលលុះត្រាតែមានលិខិតបញ្ជាក់ពីស្ថាបន័ ឬអង្គភាពសមត្ថកិច្ចជំនាញតែប៉ុណ្ណោះ។
អានបន្ថែម
CBRE និង DFDL នឹងរួមគ្នាពិភាក្សាអំពីសក្តានុពលការវិនិយោគលើវិស័យសណ្ឋាគារនិងអចលនទ្រព្យនៅកម្ពុជា
ស្របពេលដែលទីផ្សារអចលនទ្រព្យនៅកម្ពុជាកំពុងរីកចម្រើនយ៉ាងឆាប់រហ័ស ភ្នាក់ងារអចលនទ្រព្យអន្តរជាតិ CBRE Cambodia និងក្រុមហ៊ុនច្បាប់ DFDL នឹងធ្វើការរៀបចំវេទិកាពិភាក្សា នៅថ្ងៃទី ៨ ខែសីហា ដើម្បីពិភាក្សាអំពីសក្តានុពលនៃការវិនិយោគលើវិស័យសណ្ឋាគារ និងអចលនទ្រព្យនៅកម្ពុជា នៅឯសណ្ឋាគារ Rosewood ភ្នំពេញ។ ក្រោមប្រធានបទ “ការវិនិយោគអចលនទ្រព្យនៅកម្ពុជា” កម្មវិធីនេះ នឹងប្រមូលផ្តុំវាគ្មិនជំនាញមកពីក្រុមហ៊ុន DFDL និង CBRE Cambodia ដើម្បីតម្រង់ផ្លូវដល់អ្នកចូលរួមអំពីឱកាស បញ្ហាប្រឈម និងឧបសគ្គដែលមើលមិនឃើញនានា នៅពេលដែលធ្វើការវិនិយោគក្នុងទីផ្សារអចលនទ្រព្យនៅកម្ពុជា។ កម្មវិធីដែលចាប់ផ្តើមពីម៉ោង ៧:៣០ ដល់ម៉ោង ១១:០០ ព្រឹកនេះ គឺនឹងផ្តោតលើប្រធានបទពាក់ពន្ធ័ទៅនឹងការវិនិយោគអចលនទ្រព្យសំខាន់ៗ ដែលវិនិយោគិនត្រូវពិចារណារួមមាន៖ ហេតុអ្វីត្រូវវិនិយោគលើទីផ្សារអចលនទ្រព្យនៅកម្ពុជា និងហេតុអ្វីត្រូវវិនិយោគលើវិស័យសណ្ឋាគារ។ វាគ្មិនសម្រាប់កិច្ចពិភាក្សាខាងលើនេះរួមមាន លោក Marc Townsend ប្រធានក្រុមហ៊ុន CBRE Cambodia លោក Charles Amar ទីប្រឹក្សាជាន់ខ្ពស់ស្តីពីការអនុវត្តអចលនទ្រព្យរបស់ក្រុមហ៊ុន DFDL លោក Clint O’Connell ដៃគូ និងប្រធានផ្នែកពន្ធ និងការអនុវត្តគយកម្ពុជារបស់ក្រុមហ៊ុន DFDL […]
អានបន្ថែម
រដ្ឋាភិបាលសហការនឹងបារាំងជ្រើសរើសខេត្ត៣ ជាគោលដៅទេសចរណ៍ទី២
ក្រសួងទេសចរណ៍ កាលពីថ្មីៗនេះសហការជាមួយនិងទីភ្នាក់ងារអភិវឌ្ឍន៍បារាំង (AFD) សម្រេចជ្រើសយក ទីក្រុងកំពត បាត់ដំបង ក្រចេះ ដើម្បីអភិវឌ្ឍឲ្យក្លាយជាគោលដៅទេសចរណ៍ទាក់ទាញទី២ ឬ secondary urban tourism destination។ នេះបើយោងតាមការប្រកាសលើទំព័រ Facebook របស់ ក្រសួងទេសចរណ៍។ ការប្ដេជ្ញាជំរុញការអភិវឌ្ឍន៍ខេត្តទាំង៣នេះ ត្រូវបានធ្វើឡើងក្នុងកិច្ចប្រជុំរវាងភាគីទាំង២ កាលពីថ្ងៃទី៣១ ខែកក្កដា ឆ្នាំ២០១៩ នៅទីស្ដីការក្រសួងទេសចរណ៍ ក្រោមការចូលរួមជាអធិបតីភាពរបស់ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងលោក Philippe Sternmetz នាយកទីភ្នាក់ងារអភិវឌ្ឍន៍បារាំងប្រចាំកម្ពុជា។ គម្រោងនេះ ជាផ្នែកមួយនៃការអនុវត្តន៍គម្រោង «ទីក្រុងប្រកបដោយបរិយាប័ន្ន» របស់ភាគីទាំង២ ក្នុងបំណងដើម្បីធ្វើឲ្យខេត្តទាំង៣ ក្លាយជាតំបន់ទាក់ទាញទី២ បន្ទាប់ពីគោលដៅទេសចរណ៍ធំៗរបស់កម្ពុជាដូចជា សៀមរាប-អង្គរ រាជធានីភ្នំពេញ និងតំបន់ឆ្នេរសមុទ្រដូចជាខេត្តព្រះសីហនុជាដើម។ ឯកឧត្តមរដ្ឋមន្ត្រី ថោង ខុន បានផ្តល់ការគាំទ្រលើគម្រោងខាងលើ ដែលកន្លងមកក្រសួងទេសចរណ៍ ក្រសួងវប្បធម៌ និងវិចិត្រសិល្បៈ អង្គការ UNESCO បានសហការគ្នារៀបចំអភិវឌ្ឍទីក្រងទាំង ៣ ខាងលើ ជាទីក្រុងទេសចរណ៍ វប្បធម៌បេតិកភណ្ឌ […]
អានបន្ថែម
បច្ចេកវិទ្យាថែទាំផ្លូវថ្មី Cold In-Place Recycling ត្រូវបានណែនាំដល់កម្ពុជាដល់កម្ពុជា
បច្ចេកវិទ្យាថែទាំផ្លូវថ្មីឈ្មោះថា Cold In-Place Recycling ត្រូវបានណែនាំដល់ប្រទេសកម្ពុជាតាមរយៈសិក្ខាសាលារយៈពេលមួយថ្ងៃដែលធ្វើឡើងនៅឯក្រសួងសាធារណការ និង ដឹកជញ្ជូន កាលពីថ្ងៃទី ០១ ខែសីហា ដែលមានអ្នកចូលរួមជាច្រើននាក់។ ស្របពេលដែលប្រទេសកម្ពុជាកំពុងធ្វើយុទ្ធនាការដើម្បីលើកកម្ពស់គុណភាពផ្លូវរបស់ខ្លួន បច្ចេកវិទ្យាថ្មីនេះ នឹងជួយថែទាំផ្លូវឲ្យល្អប្រសើរជាងមុន និងអាចសន្សំសំចៃថវិកាសម្រាប់ប្រទេសកម្ពុជា។ ថ្លែងបន្ទាប់ពីបញ្ចប់សិក្ខាសាលាដែលត្រូវបានសហការរៀបចំឡើងដោយក្រុមហ៊ុនគ្រឿងចក្រ Wirtgen Group ក្រុមហ៊ុនឯកទេសផ្នែកគ្រឿងចក្រក្នុងតំបន់អាស៊ី Multico និងក្រសួងសាធារណការ និង ដឹកជញ្ជូន លោក សាស្រ្តា ចារ្យ Kim Jenkins មកពីសាកលវិទ្យាល័យ University of Stellenbosch ដែលជាវាគ្មិនក្នុងសិក្ខាសាលាខាងលើ បានពន្យល់ពីរបៀបដែលប្រទេសកម្ពុជាអាចប្រើប្រាស់បច្ចេកវិទ្យានេះដើម្បីធ្វើឱ្យប្រសើរឡើងនូវគុណភាពផ្លូវរបស់ខ្លួន។ យោងតាមការពន្យល់របស់លោក Kim បច្ចេកវិទ្យា Cold In-Place Recycling គឺជាការយកស្រទាប់ផ្លូវចាស់មកប្រើប្រាស់ឡើងវិញ ហើយធ្វើឲ្យប្រសើរឡើងនូវគុណភាពស្រទាប់ទាំងនោះ ដើម្បីអាចឲ្យផ្លូវល្អជាងមុន។ លោក Kim ថ្លែងថា៖ «ការកែច្នៃឡើងវិញមានន័យថា អ្នកមិនយកស្រទាប់ចាស់នៃផ្លូវចេញទេ តែអ្នកជួសជុលស្រទាប់ចាស់ដែលនៅខាងក្នុងផ្លូវ ពោលគឺអ្នកធ្វើវាឲ្យប្រសើរឡើង។ មុនពេលជួសជុល យើងយកគំរូពីផ្លូវចាស់មកធ្វើតេសថាវាមានប្រសិទ្ធភាពប្រើបានក្នុងកម្រិតណា ក្រោយមកគឺយើងនឹងជួសជុលផ្លូវនោះតាមលទ្ធផលនៃការធ្វើតេស»។ លោកបន្តទៀតថា៖ «បន្ទាប់មកគឺយើងត្រូវត្រៀមឧបករណ៍ […]
អានបន្ថែម
គន្លឹះនៃការធ្វើទីផ្សារលើបណ្ដាញផ្សព្វផ្សាយសង្គមឲ្យបានជោគជ័យ
សព្វថ្ងៃនេះ វាជាការលំបាកណាស់ក្នុងការទាក់ទាញអ្នកទស្សនា ឲ្យបាននិងឲ្យចំគោលដៅក្នុងបណ្ដាញផ្សព្វផ្សាយសង្គម។ ទោះបីយើងចំណាយថវិការជាច្រើនលើការ (Boost) ទាក់ទាញអ្នកទស្សនាក្ដី ក៏នូវតែពុំសូវមានអ្នកការចុចប៊ូតុង “ចូលចិត្ត” ឬ“ ចែករំលែក” នោះឡើយ។ មានមនុស្សតិចណាស់ដែលមានពេលវេលាដើម្បីអានអត្ថបទវែងៗ។ តាមការស្រាវជ្រាវ យើងបានកត់សម្គាល់ឃើញថា ចំនួនអ្នកប្រើប្រាស់បណ្ដាញសង្គមសព្វថ្ងៃនេះ មានអ្នកដែលចូលមកអានអត្តបទចាប់ពីចំនុចចាប់ផ្ដើមដល់ពាក់កណ្ដាល គឺបានធ្លាក់ចុះដល់ទៅ ៨៦ភាគរយ ក្នុងរយៈពេល៣ឆ្នាំកន្លងមកនេះ ជាទូទៅគឺពួកគេចូលមកអានក្នុងរយៈខ្លីតែប៉ុណ្ណោះ។ ដូច្នេះហើយ ដើម្បីធ្វើឲ្យអ្នកអានចាប់អារម្មណ៍និងចងចាំប្រេនរបស់យើង គឺត្រូវប្រើបច្ចេកទេសបណ្តាញទំនាក់ទំនងដែលមានប្រសិទ្ធភាពបំផុត! បណ្តាញទំនាក់ទំនងដែលមានប្រសិទ្ធភាពបំផុតនោះគឺ…អារម្មណ៍! វីដេអូគឺជាដំណោះស្រាយលើបញ្ហានេះ យើង សង្កេតឃើញថា ក្រោយការប្រើប្រាស់វីដេអូ ក្រុមហ៊ុនភាគច្រើនទទួលបានអតិថិជនច្រើនជាងមុនដែលចាប់អារម្មណ៍ចង់សាកសួរព័ត៌មាននិងមានចំណាប់អារម្មណ៍ចង់ទិញផលិតផល។ ទោះបីជាពួកគេពុំទាន់ទិញក៏ដោយ តែការសាកសួរគឺជាជំហានដំបូង ដោយធ្វើការសម្រេចចិត្តតាមការមើលវីដេអូ។ លើសពីនេះ ការមើលវីដេអូគឺជួយបង្កើត Brand Recall ឬការចំណាំម៉ាក របស់យើងផងដែរ។ យើងឃើញថានាពេលបច្ចុប្បន្នមានមនុស្សជាច្រើននាក់ដែលធ្វើឲ្យខ្លួនឯងនិងអាជីវកម្មរបស់ពួកគេល្បីល្បាញនិងមានកេរ្តិ៍ឈ្មោះដោយប្រើប្រាស់វីដេអូ តើពួកគើធ្វើយ៉ាងដូចម្ដេច? បើទោះបីជាអ្នកបានព្យាយាមប្រើទូរស័ព្ទ iPhone ឬ Huawei របស់អ្នកដើម្បីថតវីឌីអូ Selfie តែគុណភាពក៏ចេញមកមិនមានបច្ចេកទេសដែរ។ ការធ្វើបែបនេះគឺផ្តល់ភាពអវិជ្ជមានជាជាងវិជ្ជមាន។ ដូច្នេះយើងត្រូវយល់ដឹងពីបច្ចេកទេស លោក Saleem Hadi អ្នកជំនាញក្នុងការថតនិងកាត់តវីដេអូនិងខ្សែភាពយន្តដ៏ល្បីល្បាញ និងជាអ្នកឈ្នះកម្មវិធីប្រកួតអន្តរជាតិ Reel […]
អានបន្ថែម
តើការក្ស័យធនរបស់ក្រុមហ៊ុនចិននឹងជះឥទ្ធិពលយ៉ាងណាដល់វិស័យសំណង់នៅកម្ពុជា?
ដោយសារការរឹតបន្តឹងលើប្រាក់កម្ចីក៏ដូចជាការធ្លាក់ចុះនៃសេដ្ឋកិច្ចនៅក្នុងប្រទេសចិន បានធ្វើឲ្យក្រុមហ៊ុនអ្នកអភិវឌ្ឍន៍ចំនូន ២៧៤ ក្រុមហ៊ុន កាលពីថ្មីៗនេះ បានដាក់ពាក្យស្នើសុំក្ស័យធន ដែលនេះចាត់ទុកថាជាការកើនឡើងជាង ៥០ ភាគរយបើប្រៀបធៀបទៅនឹងឆ្នាំមុន។ នេះបើយោងតាមរបាយការណ៍របស់សារពត័មាន South China Morning Post របស់ប្រទេសចិន។ ប្រភពដដែលក៏បានរាយការណ៍ផងដែរថា ការក្ស័យធននឹងនៅតែបន្តកើនឡើងប្រសិនជាសេដ្ឋកិច្ចនៅក្នុងប្រទេសចិននៅតែបន្តធ្លាក់ចុះ។ នៅរយៈពេលបីខែ ចាប់ពីខែមីនា ដល់ ខែមិថុនានេះ សេដ្ឋកិច្ចរបស់ប្រទេសចិនបានកើនឡើងត្រឹមតែ ៦,២ ភាគរយ តែប៉ុណ្ណោះ ដែលជាអត្រាប្រចាំត្រីមាសទាបបំផុតចាប់តាំងពីឆ្នាំ ១៩៩២ មក ។ ដោយហេតុថាការវិនិយោគភាគច្រើននៅក្នុងវិស័យសំណង់នៅកម្ពុជានាពេលបច្ចុប្បន្នគឺជាការវិនិយោគពីប្រទេសចិន ព្រឹត្តិការណ៍នេះបានបង្កឱ្យមានអ្នកវិនិយោគក្នុងទីផ្សារអចលនទ្រព្យនៅកម្ពុជាជាច្រើនព្រួយបារម្ភថា តើវានឹងប៉ះពាល់ដល់វិស័យសំណង់នៅកម្ពុជាដែរឬទេ? បើយោងតាមរបាយការណ៍បច្ចុប្បន្នភាពសេដ្ឋកិច្ចរបស់ធនាគារពិភពលោកដែលបានចេញផ្សាយនៅដើមខែឧសភានេះ ការធ្លាក់ចុះសេដ្ឋកិច្ចរបស់ចិន អាចនឹងធ្វើឱ្យវិស័យរបស់ប្រទេសកម្ពុជាប្រឈមមុខនឹងហានិភ័យ ជាពិសេសប្រសិនបើស្ថានភាពនេះអូសបន្លាយរយៈពេលវែង។ ទោះបីជាសេដ្ឋកិច្ចកម្ពុជានឹងមានកំណើនក្នុងរង្វង់ ៧ ភាគរយក្នុងឆ្នាំ ២០១៩នេះក៏ដោយ ធនាគារពិភពលោកបានក្រើនរំលឹកថា ការថយចុះរបស់ចិន អាចនឹងធ្វើឲ្យកំណើននេះធ្លាក់ចុះ ។ របាយការណ៍នេះបានសរសេរថា៖ «ដោយសារតែកម្ពុជាពឹងផ្អែកយ៉ាងខ្លាំងលើលំហូរទុនវិនិយោគ និងភ្ញៀវទេសចរមកពីប្រទេសចិន ការធ្លាក់ចុះយ៉ាងគំហុកនៃសេដ្ឋកិច្ចចិន អាចបន្ថយក្តីរំពឹងទុកនៃកំណើនសេដ្ឋកិច្ចកម្ពុជា»។ ផ្ទុយទៅវិញ បើវិភាគតាមទិន្នន័យ យើងឃើញថាវិស័យសំណង់នៅកម្ពុជាគឺនៅតែរឹងមាំ។ យោងតាមទិន្នន័យពីក្រសួងរៀបចំដែនដី នគរូបនីយកម្ម និងសំណង់ […]
អានបន្ថែម
បច្ចេកវិទ្យាថែទាំផ្លូវថ្មី Cold In-Place Recycling ត្រូវបានណែនាំដល់កម្ពុជាដល់កម្ពុជា
បច្ចេកវិទ្យាថែទាំផ្លូវថ្មីឈ្មោះថា Cold In-Place Recycling ត្រូវបានណែនាំដល់ប្រទេសកម្ពុជាតាមរយៈសិក្ខាសាលារយៈពេលមួយថ្ងៃដែលធ្វើឡើងនៅឯក្រសួងសាធារណការ និង ដឹកជញ្ជូន កាលពីថ្ងៃទី ០១ ខែសីហា ដែលមានអ្នកចូលរួមជាច្រើននាក់។ ស្របពេលដែលប្រទេសកម្ពុជាកំពុងធ្វើយុទ្ធនាការដើម្បីលើកកម្ពស់គុណភាពផ្លូវរបស់ខ្លួន បច្ចេកវិទ្យាថ្មីនេះ នឹងជួយថែទាំផ្លូវឲ្យល្អប្រសើរជាងមុន និងអាចសន្សំសំចៃថវិកាសម្រាប់ប្រទេសកម្ពុជា។ ថ្លែងបន្ទាប់ពីបញ្ចប់សិក្ខាសាលាដែលត្រូវបានសហការរៀបចំឡើងដោយក្រុមហ៊ុនគ្រឿងចក្រ Wirtgen Group ក្រុមហ៊ុនឯកទេសផ្នែកគ្រឿងចក្រក្នុងតំបន់អាស៊ី Multico និងក្រសួងសាធារណការ និង ដឹកជញ្ជូន លោក សាស្រ្តា ចារ្យ Kim Jenkins មកពីសាកលវិទ្យាល័យ University of Stellenbosch ដែលជាវាគ្មិនក្នុងសិក្ខាសាលាខាងលើ បានពន្យល់ពីរបៀបដែលប្រទេសកម្ពុជាអាចប្រើប្រាស់បច្ចេកវិទ្យានេះដើម្បីធ្វើឱ្យប្រសើរឡើងនូវគុណភាពផ្លូវរបស់ខ្លួន។ យោងតាមការពន្យល់របស់លោក Kim បច្ចេកវិទ្យា Cold In-Place Recycling គឺជាការយកស្រទាប់ផ្លូវចាស់មកប្រើប្រាស់ឡើងវិញ ហើយធ្វើឲ្យប្រសើរឡើងនូវគុណភាពស្រទាប់ទាំងនោះ ដើម្បីអាចឲ្យផ្លូវល្អជាងមុន។ លោក Kim ថ្លែងថា៖ «ការកែច្នៃឡើងវិញមានន័យថា អ្នកមិនយកស្រទាប់ចាស់នៃផ្លូវចេញទេ តែអ្នកជួសជុលស្រទាប់ចាស់ដែលនៅខាងក្នុងផ្លូវ ពោលគឺអ្នកធ្វើវាឲ្យប្រសើរឡើង។ មុនពេលជួសជុល យើងយកគំរូពីផ្លូវចាស់មកធ្វើតេសថាវាមានប្រសិទ្ធភាពប្រើបានក្នុងកម្រិតណា ក្រោយមកគឺយើងនឹងជួសជុលផ្លូវនោះតាមលទ្ធផលនៃការធ្វើតេស»។ លោកបន្តទៀតថា៖ «បន្ទាប់មកគឺយើងត្រូវត្រៀមឧបករណ៍ […]
អានបន្ថែម
តម្លៃជួលនឹងកើនឡើងក្នុងទីផ្សារការិយាល័យនៅរាជធានីភ្នំពេញដោយសារការផ្គត់ផ្គង់ថ្មីត្រូវបានបញ្ចូលក្នុងទីផ្សារ
ទីផ្សារអចលនទ្រព្យនៅរាជធានីភ្នំពេញនឹងបន្តកើនឡើង ស្របពេលដែលតម្លៃជួលការិយាល័យបានកើនឡើងជាលំដាប់ ក្នុងអំឡុងពេលប្រាំឆ្នាំកន្លងមកនេះ បើទោះបីជាមានការកើនឡើងនូវចំនួនការិយាល័យនៅរាជធានីភ្នំពេញក៏ដោយ។ ទីផ្សារសព្វថ្ងៃនេះនៅតែមានការកើនឡើង។ រហូតមកដល់ពេលនេះ មិនមានកត្តាហានិភ័យសម្រាប់ការមកដល់បន្ទាប់នោះទេ។ បច្ចុប្បន្ននេះ កម្រិតទាបនៃការជួលផ្ទៃក្រឡាទំនេររបស់ការិយាល័យថ្នាក់B និងថ្នាក់ C បាននាំឱ្យមានការរីកចម្រើននៃកំណើនការជួល ភ្ជាប់គ្នាជាមួយនឹងការកើនឡើងនៃចំនួនវិនិយោគរបស់ចិននៅក្នុងប្រទេសកម្ពុជា គឺបាននិងកំពុងបង្កើតទីផ្សារដែលមានតុល្យភាពកាន់តែខ្លាំងឡើងសម្រាប់ម្ចាស់អគារ។ រហូតមកដល់ពេលនេះ តម្រូវការត្រូវបានគាំទ្រដោយក្រុមហ៊ុននានាមកពីវិស័យធនាគារ ឧស្សាហកម្ម ធានារ៉ាប់រង អចលនទ្រព្យ និងសេវាកម្ម។ ក្រុមហ៊ុនទាំងនេះកំពុងផ្តល់អាទិភាពដល់គុណភាព និងទីតាំងនៃការិយាល័យរបស់ពួកគេ បើទោះបីជាពួកគេត្រូវចំណាយតិចលើការជួលក៏ដោយ។ ពួកគេផ្តល់តម្លៃដល់បរិក្ខារ និងស្តង់ដារនៃការរចនា និងការលើកកម្ពស់ជីវភាពរស់នៅដែលមានសុខភាពល្អ និងជំរុញឱ្យមានបរិយាកាសការងាររួមគ្នាសម្រាប់បុគ្គលិករបស់ពួកគេ។ ជាទូទៅ ក្រុមហ៊ុនចិនគឺជាប្រភពនៃតម្រូវការការិយាល័យដែលកំពុងកើនឡើងនៅក្នុងរាជធានីភ្នំពេញដោយកិច្ចព្រមព្រៀងជួលដ៏ធំបំផុតមួយចំនួនមកពីក្រុមហ៊ុនចិនមកពីគ្រប់ផ្នែកនៃអាជីវកម្មផ្សេងៗគ្នា។ ការវិនិយោគរបស់ចិនក្នុងការអភិវឌ្ឍន៍ការិយាល័យក៏នៅតែមានលក្ខណៈរឹងមាំ។ ដោយសារជនជាតិចិនឥឡូវនេះមានចំនួនច្រើនបំផុតក្នុងចំណោមជនជាតិបរទេសដែលមានលិខិតអនុញ្ញាតការងារនៅកម្ពុជា សារៈសំខាន់របស់ចិនដែលជាប្រភពនៃតម្រូវការ និងការវិនិយោគសម្រាប់ទីផ្សារការិយាល័យនៅកម្ពុជានឹងបន្តកើនឡើង។ ម៉្យាងទៀត ការកើនឡើងនៃការផ្គត់ផ្គង់ផ្ទៃក្រឡាការិយាល័យ និងការកើនឡើងនូវអត្រាការិយាល័យត្រូវបានជួល បានបញ្ជាក់ពីគុណសម្បត្តិមួយចំនួនសម្រាប់អ្នកដែលចង់ជួលការិយាល័យ។ ចំពេលមានការកើនឡើងនៃការប្រកួតប្រជែងសម្រាប់ម្ចាស់អគារ តម្លៃផ្ទៃក្រឡាការិយាល័យត្រូវបានគេរំពឹងថានឹងកើនឡើងបន្តិច ខណៈដែលកិច្ចព្រមព្រៀងជួលការិយាល័យអាចមានភាពបត់បែនបន្ថែមទៀតដើម្បីទាក់ទាញអ្នកជួល។ តម្លៃជួលនឹងនៅតែកើនឡើងព្រោះតម្រូវការសម្រាប់ផ្ទៃក្រឡាការិយាល័យថ្មីដែលត្រូវបញ្ចូលក្នុងទីផ្សារគឺមានអត្រាខ្ពស់។ អត្រាការិយាល័យមានអ្នកជួលនឹងបន្តមានស្ថេរភាពក្នុងរយៈពេលខ្លី។ និន្នាការនេះ ត្រូវបានគេរំពឹងថានឹងបន្តក្នុងរយៈពេលវែងដោយសារតែតម្រូវការនៅតែបន្ត។ យ៉ាងហោចណាស់ គម្រោងចំនួនពីរត្រូវបានគេរំពឹងថានឹងបញ្ចប់នៅឆ្នាំនេះនៅក្នុងរាជធានីភ្នំពេញរួមមានអគារ Fortune Tower និងអគារការិយាល័យ Star City Office Tower។ ទន្ទឹមនឹងនេះដែរ ផ្ទៃក្រឡាការិយាល័យដែលទើបនឹងបញ្ចប់រួមមានមជ្ឈមណ្ឌលពាណិជ្ជកម្ម […]
អានបន្ថែម
ក្រុមហ៊ុន Morgan Group បើកការសាងសង់គម្រោងពហុមុខងារដ៏ធំរបស់ខ្លួនក្នុងខេត្តព្រះសីហនុ
ក្រុមហ៊ុនអភិវឌ្ឍន៍ដែលមានមូលដ្ឋាននៅប្រទេសចិន Morgan Group កាលពីថ្ងៃទី ៣១ ខែកក្កដា បានចាប់ផ្តើមសាងសង់គម្រោងពហុមុខងារដ៏ធំរបស់ខ្លួននៅខេត្តព្រះសីហនុ ស្របពេលដែលខេត្តមួយនេះកំពុងមានការវិនិយោគយ៉ាងគំហុក។ ជាមួយនឹងការមិនបញ្ចេញដើមទុនវិនិយោគ ក្រុមហ៊ុន Ever Asend Development Co.Ltd ដែលជាក្រុមហ៊ុនមួយរបស់ក្រុមហ៊ុនអភិវឌ្ឍន៍ Morgan Group បានចាប់ផ្តើមសាងសង់គម្រោងពហុមុខងាររបស់ខ្លួនដែលមានឈ្មោះថា Morgan The Pure Bay នៅលើផ្ទៃក្រឡាសំណង់ប្រមាណជា ៤៥ម៉ឺនម៉ែត្រការ៉េ។ លាតសន្ធឹងលើផ្ទៃដី ៣,២ ហិកតានៅតាមបណ្តោយឆ្នេរអូត្រេស គម្រោងកម្ពស់ ៣៥ ជាន់នេះ នឹងមានខុនដូទំហំ ២៧ម៉ឺនម៉ែត្រការ៉េបែរទៅមាត់សមុទ្រ បន្ទប់ប្រណីតចំនួន ៣ ម៉ឺនម៉ែត្រការ៉េ ក្លឹបVIP ភោជនីយដ្ឋានលំដាប់ប្រណីត ក៏ដូចជាកន្លែងហាត់ប្រាណលំដាប់អន្តរជាតិ។ ឯកឧត្តម ជា សុផារ៉ា ឧបនាយករដ្ឋមន្រ្តី និងរដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ដែលបានអញ្ជើញជាអធិបតីក្នុងពិធីបើកការដ្ឋានសាងសង់ បានស្វាគមន៍ចំពោះការវិនិយោគនេះ ដោយក្នុងនោះឯកឧត្តមបានលើកឡើងថា គម្រោងដ៏ធំបែបនេះ នឹងផ្តល់អត្ថប្រយោជន៍យ៉ាងច្រើនដល់ការអភិវឌ្ឍវិស័យសំណង់ និងអចលនទ្រព្យ។ ឯកឧត្តមថ្លែងថា៖ «រាជរដ្ឋាភិបាលកម្ពុជាបានបើកច្រកទាំងអស់ ដើម្បីទទួលអ្នកវិនិយោគពីគ្រប់ទិសទីដែលចង់មកបណ្ដាក់ទុននៅប្រទេសកម្ពុជា ប៉ុន្តែ […]
អានបន្ថែម