ក្រុមហ៊ុន Bentley Systems នឹងរៀបចំសន្និសីទអ្នកដឹកនាំហេដ្ឋារចនាសម្ព័ន្ធប្រចាំឆ្នាំនៅសិង្ហបុរី
Bentley Systems Incorporated ដែលជាក្រុមហ៊ុនឈានមុខគេក្នុងការផ្ដល់ដំណោះស្រាយ software ដ៏ទូលំទូលាយ និង សេវាកម្មផ្ទុកទិន្នន័យឌីជីថល cloud ក្នុងការជំរុញការរចនា ការសាងសង់ និង ប្រតិបត្តិការហេដ្ឋារចនាសម្ព័ន្ធ នឹងរៀបចំសន្និសីទហេដ្ឋារចនាសម្ព័ន្ធឆ្នាំ២០១៩ និង ពិធីប្រគល់រង្វាន់នៅអគារដ៏លេចធ្លោបំផុតនៅអាស៊ី គឺមជ្ឈមណ្ឌលពិព័រណ៍ និង សន្និបាត Marina Bay Sands នៅប្រទេសសិង្ហបុរី។ ការរីកចម្រើននៃ BIM តាមរយៈ ប្រព័ន្ធឌីជីថលធ្វីន (សេវាកម្ម cloud នៃហេដ្ឋារចនាសម្ព័ន្ធវិស្វករ) គឺជាប្រធានបទនៃសន្និសីទឆ្នាំនេះដែលប្រព្រឹត្តទៅចាប់ពីថ្ងៃទី ២១ ដល់ថ្ងៃទី ២៤ ខែតុលា។ មុនថ្ងៃទី ៣១ ខែសីហា អ្នកចុះឈ្មោះទទួលបានការបញ្ចុះតម្លៃ ៣២០ ដុល្លារសិង្ហបុរី (ប្រហែល ២៣០ ដុល្លារអាមេរិក)។ សន្និសីទហេដ្ឋារចនាសម្ព័ន្ធប្រចាំឆ្នាំគឺជាការប្រជុំលំដាប់ពិភពលោកនៃអ្នកដឹកនាំឈានមុខផ្នែករចនាហេដ្ឋារចនាសម្ព័ន្ធ សំណង់ និង ប្រតិបត្តិការ ដែលផ្ដោតលើការអនុវត្តបច្ចេកវិទ្យាសម្រាប់ដំណើរការឆ្ពោះទៅរកប្រព័ន្ធឌីជីថល ហើយមានវាគ្មិនជិត ១០០នាក់ និង កម្មវិធីផ្សេងៗជាង១៥០។ បណ្ឌិត Ayesha […]
អានបន្ថែម
ក្រុមហ៊ុន២ស្នើសុំបង្កើតតំបន់សេដ្ឋកិច្ចពិសេសលើផ្ទៃដី១.៦០០ហិកតាក្នុងខេត្តព្រះសីហនុ
ក្រុមហ៊ុនចំនួន២បានធ្វើការស្នើសុំអភិវឌ្ឍដីទំហំប្រមាណជា១.៦០០ហិកតាក្នុងខេត្តព្រះសីហនុឲ្យក្លាយជាតំបន់សេដ្ឋកិច្ចពិសេសតាមរយៈការធ្វើអនុបយោគ នេះបើយោងតាមការបញ្ជាក់របស់រដ្ឋបាលខេត្តព្រះសីហនុ។ តាមការចុះផ្សាយខាងលើ កាលពីថ្ងៃទី ៧ ខែ តុលា ឯកឧត្តម គួច ចំរើន អភិបាលនៃគណ:អភិបាលខេត្តព្រះសីហនុ បានបើកកិច្ចប្រជុំពិភាក្សាទៅលើសំណើខាងលើនេះ ដោយមានការចូលរួមពីលោកអភិបាលស្រុកស្ទឹងហាវ អ្នកជំនាញរបស់សាលាខេត្ត ក៏ដូចជាមន្រ្តីនៃមន្ទីរដែលពាក់ពន្ធ័នានា។ ក្នុងនោះ ក្រុមហ៊ុន ធនិន ថារិទ្ធ អ៉ីមផតអិចផត ខូអិលធីឌី និងក្រុមហ៊ុន Central Gain Cambodia Co, Ltd បានសុំអនុញ្ញាតធ្វើអនុបយោគជាដីឯកជនរបស់រដ្ឋស្ថិតនៅភូមិឬទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ ទៅជាដីកម្មសិទ្ធិអចិន្ត្រៃយ៍របស់ខ្លួន ដើម្បីបង្កើតតំបន់សេដ្ឋកិច្ចពិសេសសម្រាប់អភិវឌ្ឍស្របតាមទិសដៅគោលនយោបាយរបស់រាជរដ្ឋាភិបាល។ ឯកឧត្តម គួច ចំរើន បានធ្វើការណែនាំឱ្យមានការបង្កើតក្រុមការងារ ចុះសិក្សាស្រាវជ្រាវទីតាំងដីស្នើសុំធ្វើអនុបយោគខាងលើនេះ។ គួរបញ្ជាក់ថា តំបន់សេដ្ឋកិច្ចពិសេស គឺជាទីតាំងអាជីវកម្មពិសេសដែលរដ្ឋាភិបាល អនុញ្ញាតឲ្យវិនិយោគិនចូលមកធ្វើអាជីវកម្មក្រោមការការលើកទឹកចិត្តពិសេសដូចជា ការលើកលែងពន្ធ ក៏ដូចជាសេវាកម្មច្រកចេញចូលតែមួយសម្រាប់ការនាំចូលនិងនាំចេញ ជាដើម។ ជាក់ស្តែង រដ្ឋាភិបាលកម្ពុជា កាលពីថ្មីៗនេះ បានសម្រេចគាំទ្រឲ្យមានការបង្កើតតំបន់សេដ្ឋកិច្ចពិសេសថ្មីមួយទៀតលើផ្ទៃដីជាង ៥៥ហិកតា នៅខេត្តព្រះសីនុ។ (អានបន្ថែម)
អានបន្ថែម
ការដំឡើងសូឡា PV នៅលើដំបូលអាចកាត់បន្ថយហានិភ័យនៃការប្រែប្រួលអាកាសធាតុ និងបង្កើនវិនិយោគ
សូឡា PV ឬត្រូវបានគេស្គាល់ថាការតំឡើងថាមពលពន្លឺព្រះអាទិត្យ Solar Photovoltaics នៅលើដំបូលត្រូវបានលើកឡើងថា ជាដំណោះស្រាយមួយដើម្បីកាត់បន្ថយហានិភ័យនៃការប្រែប្រួលអាកាសធាតុ និងបង្កើនការវិនិយោគបន្ថែមទៀត នេះបើតាមការលើកឡើងនៅក្នុងរបាយការណ៍ការ កាត់បន្ថយហានិភ័យវិនិយោគក្នុងវិស័យថាមពលកកើតឡើងវិញនៅប្រទេសកម្ពុជា។ កាលពីថ្ងៃទី ០៤ ខែតុលា អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព (ក.ជ. អ.ច.) ទើបតែបានចេញរបាយការណ៍ចំនួនពីរដែលបានលើកឡើងអំពីការប្រែប្រួលអាកាសធាតុអាចប៉ះពាល់ដល់វិស័យសេដ្ឋកិច្ច នៅកម្ពុជា។ របាយការណ៍ទាំងពីរនោះ រួមមានទី១- ដំណោះស្រាយផលប៉ះពាល់ពីការប្រែប្រួលអាកាសធាតុលើកំណើនសេដ្ឋកិច្ចក្នុងប្រទេសកម្ពុជា និងទី២- ការកាត់បន្ថយហានិភ័យវិនិយោគក្នុងវិស័យថាមពលកកើតឡើងវិញនៅប្រទេសកម្ពុជា។ ឯកឧត្តម នេត្រភក្ត្រា អ្នកនាំពាក្យក្រសួងបរិស្ថានបានមានប្រសាសន៍ថា ថាមពលពន្លឺព្រះអាទិត្យដែលដំឡើងនៅលើដំបូលត្រូវបានលើកឡើងនៅក្នុងរបាយការណ៍របស់ DREI ដើម្បីបង្កើនការវិនិយោគធំៗ។ ដំបូលសូឡា PV នៅប្រទេសកម្ពុជា ត្រូវបានគ្រោងនឹងបែងចែកជាផ្នែក ពោលគឺពាណិជ្ជកម្មនិងឧស្សាហកម្ម ដើម្បីបំពេញតាមគោលដៅរបស់អ្នកវិនិយោគ។ របាយការណ៍ដដែលរបស់ DREI បានបង្ហាញថា ឱកាសវិនិយោគជាង ៩០០ លានដុល្លារអាមេរិកមានទៅលើសូឡា PV។ បើនិយាយពីប្រទេសកម្ពុជាវិញ កម្ពុជាមានសក្តានុពលទាក់ទាញការវិនិយោគវិស័យឯកជនលើសូឡា PV មានទឹកប្រាក់ប្រមាណជា ៩០៣ លានដុល្លារអាមេរិក។
អានបន្ថែម
អ្នកអភិវឌ្ឍន៍ថៃចាប់ផ្តើមលក់គម្រោងឡើងវិញក្រោយពីអ្នកទិញមិនអាចបង់ប្រាក់បន្ត
ក្រុមហ៊ុនអភិវឌ្ឍន៍ជាច្រើននៅប្រទេសថៃ បាននិងកំពុងចាប់ផ្តើមលក់គម្រោងលំនៅដ្ឋានរបស់ខ្លួនឡើងវិញ បន្ទាប់ពីអតិថិជនរបស់ពួកគេ មិនអាចបន្តបង់ប្រាក់ដែលនៅសេសសល់ដោយសារតែការរឹតត្បិតទៅលើសមាមាត្រនៃដែនកំណត់តម្លៃប្រាក់កម្ចី LTV កំណត់ដោយរដ្ឋាភិបាលថៃ។ យោងតាមការស្ទង់មតិជាតិ ដែលបានរាយការណ៍ដោយសារព័ត៌មាន The Nation កាលពីចុងខែកញ្ញា បានបង្ហាញថា គម្រោងដែលត្រូវបានលក់ទៅឲ្យអតិថិជនដំបូងម្តងរួចទៅហើយ ឥឡូវនេះ គឺត្រូវបានដាក់លក់សារជាថ្មី ពីព្រោះធនាគារបដិសេធមិនផ្តល់ប្រាក់កម្ចីដល់អតិថិជនទាំងនោះ។ តាមការរាយការណ៍ដដែល ក្រុមហ៊ុន Ananda Development Plc គឺស្ថិតក្នុងចំណោមក្រុមហ៊ុនដែលធ្វើការដាក់លក់យូនីតខុនដូរបស់ខ្លួនក្នុងតម្លៃចន្លោះពី ១,២៩ លានបាត (ប្រមាណជា ៤២,១៧៦ ដុល្លារអាមេរិក) និង ២៥,៩ លានបាតក្នុងមួយយូនីត (ប្រមាណជា ៨៤៦,៧៩២ ដុល្លារអាមេរិក) ។ ភាគច្រើននៃយូនីតខុនដូទាំងនេះ គឺត្រូវបានលក់ម្តងរួចទៅហើយ។ ស្រដៀងគ្នានេះដែរ ក្រុមហ៊ុន Park Land Charan-Pinklow ក៏បាននិងកំពុងធ្វើការផ្តល់ជូននូវការលក់យូនីតខុនដូរបស់ខ្លួនក្នុងតម្លៃចាប់ពី ២,២៧ លានបាត (ប្រមាណ ៨៨,២៧៥ ដុល្លារអាមេរិក) ក្នុងមួយយូនីត។ ថ្លែងប្រាប់សារព័ត៌មានខាងលើ លោក Kessara Thanyalakpark នាយកប្រតិបត្តិរងនៃក្រុមហ៊ុន Sena Development […]
អានបន្ថែម
ADB ថាឥណទានវិស័យអចលនទ្រព្យបង្កជាក្តីកង្វល់ដល់កំណើនសេដ្ឋកិច្ចកម្ពុជា
ធនាគារអភិវឌ្ឍន៍អាស៊ីឬ ADB កាលពីពេលថ្មីៗនេះ បានព្យាករណ៍ថា កំណើនសេដ្ឋកិច្ចកម្ពុជានឹងកើនឡើងក្នុងរង្វង់ ៧,០ ភាគរយនៅឆ្នាំ២០១៩ ក៏ប៉ុន្តែ កម្ពុជាគួរតែកាត់បន្ថយហានិភ័យផ្នែកហិរញ្ញវត្ថុដែលកើតចេញពីការផ្តល់ឥណទានទៅលើវិស័យអចលនទ្រព្យ។ យោងតាមសេចក្តីប្រកាសព័ត៌មានចុះផ្សាយកាលពីពេលថ្មីៗនេះស្តីពីរបាយការណ៍សេដ្ឋកិច្ច បានបង្ហាញថា កំណើនសេដ្ឋកិច្ចរបស់កម្ពុជានៅតែត្រូវបានជំរុញដោយវិស័យចំនួន ៤ រួមមាន កាត់ដេរ ទេសចរណ៍ ពាណិជ្ជកម្ម និងសំណង់ ក៏ប៉ុន្តែ ជាមួយនឹងការផ្លាស់ប្តូរបរិយាកាសពាណិជ្ជកម្មសកល កម្ពុជាចាំបាច់ត្រូវផ្តោតលើយុទ្ធសាស្ត្រធ្វើពិពិធកម្ម។ អ្នកនាង Sunniya Durrani-Jamal នាយកប្រចាំកម្ពុជារបស់ ADB បានមានប្រសាសន៍ថា៖ «ការប្រែប្រួលនេះ តម្រូវឱ្យមានការកាត់បន្ថយហានិភ័យដែលបង្កឡើងដោយការផ្តល់ប្រាក់កម្ចីដល់វិស័យអចលនទ្រព្យហួសប្រមាណ ការអភិវឌ្ឍន៍កម្លាំងពលកម្មដែលមានជំនាញនិងផលិតភាពខ្ពស់បន្ថែមទៀត ដើម្បីឲ្យស្របតាមការកើនឡើងនៃប្រាក់ឈ្នួល និងទាក់ទាញការវិនិយោគដែលមានគុណភាពខ្ពស់ ដែលជាលទ្ធផល ត្រូវការអភិបាលកិច្ច និងស្ថាប័នដ៏រឹងមាំ»។ ការព្យាករណ៍នេះ គឺជាផ្នែកមួយនៃ «ទស្សនវិស័យអភិវឌ្ឍន៍អាស៊ី (អេឌីអូ) ឆ្នាំ ២០១៩» ដែលបានបង្ហាញថា ឥណទានដល់វិស័យឯកជនកើនឡើង ២៦,៤ ភាគរយពីមួយឆ្នាំទៅមួយឆ្នាំគិតត្រឹមខែមិថុនា ឆ្នាំ ២០១៩ ខណៈការផ្តល់ប្រាក់កម្ចីសម្រាប់អចលនទ្រព្យកើនឡើង ៣៧,២ ភាគរយ ប្រាក់កម្ចីលំនៅដ្ឋានកើនឡើង ៣៩,៤ ភាគរយ និងកម្ចីសំណង់ ៣២,១ […]
អានបន្ថែម
សម្តេចហ៊ុនសែនស្នើឲ្យពិនិត្យលទ្ធភាពសាងសង់ផ្លូវល្បឿនលឿនភ្នំពេញ-បាវិត
សម្ដេចតេជោហ៊ុន សែននាយករដ្ឋមន្រ្តីកម្ពុជា បានអំពាវនាវឲ្យពិនិត្យលទ្ធភាពជាក់ស្តែងក្នុងការសាងសង់គម្រោងផ្លូវល្បឿនលឿនភ្នំពេញបាវិត ដែលត្រូវបានពន្យារពេលក្រោយសិក្សាចប់តាំងពីឆ្នាំ២០១៧ ដោយសារតែផ្លូវមួយខ្សែនេះ ត្រូវចំណាយទឹកប្រាក់យ៉ាងច្រើនប្រមាណជា ៤ពាន់លានដុល្លារ។ ថ្លែងនៅក្នុងវេទិកា ស្តីពី ការវិនិយោគ និង ពាណិជ្ជកម្មរវាងកម្ពុជា និង វៀតណាមនៅទីក្រុងហាណូយ សម្ដេចបានជំរុញនិងស្នើឱ្យស្ថាប័នពាក់ព័ន្ធនៅកម្ពុជាទាំងអស់ឲ្យពន្លឿនគម្រោងផ្លូវល្បឿនលឿន ភ្នំពេញ-បាវិត និងក្នុងគោលបំណងជំរុញពាណិជ្ជកម្មរវាងប្រទេសទាំងពីរ។ សម្ដេចតេជោ បានសរសេរនៅលើទំព័រហ៊្វេប៊ុកផ្លូវការថា៖«ស្នើឲ្យស្ថាប័នពាក់ព័ន្ធរបស់កម្ពុជាពិនិត្យលទ្ធភាពជាក់ស្ដែង ដើម្បីសម្រួលពាណិជ្ជកម្ម និង ផ្នែកឡូជីស្ទីកនៅតាមជាយដែន និង ការដឹកជញ្ជូនឆ្លងកាត់ព្រំដែន»។ សម្តេចបានបន្តទៀតថា ក្រោយពេល បញ្ចប់គម្រោងផ្លូវល្បឿនលឿនភ្នំពេញ ដែលនឹងឆ្ពោះបន្តទៅដល់ទីក្រុងហូជីមិញវានឹងក្លាយជាចំណុចប្រសព្វគ្នានៅច្រកព្រំដែនអន្តរជាតិបាវិត ដែលជាចំណុចប្រមូលផ្ដុំដ៏សំខាន់មួយនៅក្នុងរបៀងសេដ្ឋកិច្ចភាគខាងត្បូង។ បើយោងតាមការសិក្សារបស់ក្រសួងសាធារណការ និង ដឹកជញ្ជូន និង អង្គការជប៉ុន JICA ផ្លូវល្បឿនលឿនភ្នំពេញបាវិតប្រវែង ១៦០គីឡូម៉ែត្រ ត្រូវចំណាយថវិកាប្រមាណ ៣,៨០០ លានដុល្លារ ច្រើនជាងផ្លូវល្បឿនលឿនទៅកាន់ខេត្តព្រះសីហនុដែលមានប្រវែង ១៩០ គីឡូម៉ែត្រ តែចំណាយអស់តិចជាងនេះដល់ទៅជិតពាក់កណ្តាល។ ផ្លូវល្បឿនលឿនភ្នំពេញបាវិតត្បិតតែមានប្រវែងខ្លី តែត្រូវចំណាយថវិកាច្រើនដោយសារតែ ការសាងសង់ផ្លូវនេះគឺនឹងត្រូវឆ្លងកាត់តំបន់លិចទឹក ហើយតម្រូវឲ្យមានការសាងសង់ផ្លូវកាត់ទឹកប្រមាណ ៨០ គីឡូម៉ែត្រ៕ (អានបន្ថែម) រូបភាពគោលដោយ ទំព័រហ្វ៊េសប៊ុក Samdech […]
អានបន្ថែម
ផ្លូវល្បឿនលឿនភ្នំពេញ-ព្រះសីហនុគ្រោងនឹងបញ្ចប់ការសាងសង់ទាំងស្រុងមុនកាលកំណត់
ផ្លូវល្បឿនលឿនតម្លៃ ២ ពាន់លានដុល្លារអាមេរិកតភ្ជាប់ពីភ្នំពេញ-ខេត្តព្រះសីហនុ ដែលបានបើកការដ្ឋានសាងសង់កាលពីខែ មិនា កន្លងទៅនេះ គឺរំពឹងថានឹងអាចបញ្ចប់ការសាងសង់ទាំងស្រុងមុនកាលកំណត់នៃផែនការដើម នេះបើយោងតាមការបញ្ជាក់ពី ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និង ដឹកជញ្ជូន។ ក្រោយពីបញ្ចប់កម្មវិធីបើកយុទ្ធនាការថែទាំផ្លូវកាលពីថ្ងៃទី ០៤ ខែ តុលា ឯកឧត្តម ស៊ុន ចាន់ថុល បានប្រាប់ទស្សនាវដ្តីសំណង់ និងអចលនទ្រព្យ ថា ការសាងសង់ផ្លូវល្បឿនលឿនគឺសម្រេចបានច្រើន ហើយការដោះស្រាយផលប៉ះពាល់ក៏បានច្រើនផងដែរ។ ឯកឧត្តម ស៊ុន ចាន់ថុល ថ្លែងថា៖ «យើងសង្ឃឹមថា ផ្លូវល្បឿនលឿនភ្នំពេញ-ព្រះសីហនុនឹងធ្វើហើយចប់ជាស្ថាពរនៅខែ ០៩ ឆ្នាំ ២០២២ [ព្រោះ] តាមផែនការមុនគាត់ដាក់ ខែ ០៣ ឆ្នាំ ២០២៣ ប៉ុន្តែខ្ញុំសុំឲ្យគាត់រុញមកមុខ»។ ផ្លូវល្បឿនលឿនដំបូងបង្អស់របស់កម្ពុជានេះ គឺជាគម្រោងហេដ្ឋារចនាសម្ព័ន្ធដ៏ធំសម្បើមប្រវែង ១៩០ គីឡូម៉ែត្រ ឆ្លងកាត់ខេត្ត-ក្រុងចំនួន៥។ គម្រោងនេះគឺ ជាការវិនិយោគដោយក្រុមហ៊ុនសាជីវកម្មស្ពាន និងថ្នល់ចិន (CRBC) ក្រោមទម្រង់ «សាងសង់-ធ្វើអាជីវកម្ម-ផ្ទេរឬ BOT»។ (អានបន្ថែម)
អានបន្ថែម
ក្រសួងសាធារណការបើកយុទ្ធនាការជំរុញការប្រើប្រាស់ ROAD CARE Mobile App
ក្រសួងសាធារណការ និងដឹកជញ្ជូន បានរួមសហការជាមួយកម្មវិធីអភិវឌ្ឍន៍សហប្រជាជាតិ ប្រចាំកម្ពុជា (UNDP) ក្នុងការបើកយុទ្ធនាការ «បណ្តុះបណ្តាល និងផ្សព្វផ្សាយ បច្ចេកទេសជួសជុលថែទាំផ្លូវ និងការប្រើប្រាស់កម្មវិធីថែទាំផ្លូវ (ROAD CARE Mobile App) » កាលពីព្រឹកថ្ងៃទី ០៤ ខែ តុលា ឆ្នាំ ២០១៩។ កម្មវិធីថែទាំផ្លូវ (ROAD CARE Mobile App) គឺជាកម្មវិធីទូរសព្ទដៃដែលអនុញ្ញាតឲ្យប្រជាពលរដ្ឋធ្វើការរាយការណ៍ដោយផ្ទាល់ ពីស្ថានភាពគ្រលុកសំបុកមាន់ ដើម្បីធ្វើការជួសជុលបានទាន់ពេលវេលា កាត់បន្ថយគ្រោះថ្នាក់ចរាចរណ៍ ដែលបានដាក់ឲ្យប្រើប្រាស់កាលពីប៉ុន្មានខែកន្លងទៅនេះ។ (អានបន្ថែម) យុទ្ធនាការបណ្តុះបណ្តាលរយៈពេល ៣ ខែនេះ គឺនឹងអាចឲ្យមន្រ្តីបច្ចេកទេសពាក់ព័ន្ធនៅគ្រប់មន្ទីរសាធារណការ និង ដឹកជញ្ជូន បានយល់ដឹងបន្ថែមពីប្រព័ន្ធបច្ចេកទេសក្នុងការប្រើប្រាស់កម្មវិធីថែទាំផ្លូវ (ROAD CARE Mobile App) និងងាយស្រួលក្នុងការឆ្លើយតបទំនាក់ទំនងទៅកាន់ប្រជាពលរដ្ឋ ដែលបានរាយការណ៍ពីបញ្ហាផ្លូវខូច។ ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និង ដឹកជញ្ជូន បានបញ្ជាក់ថា កម្មវិធី ROAD CARE […]
អានបន្ថែម
ជប៉ុនផ្តល់ជំនួយជិត ២៦លានដុល្លារសាងសង់ប្រព័ន្ធបង្ហូរទឹកកខ្វក់នៅភ្នំពេញ
រាជរដ្ឋាភិបាលជប៉ុន តាមរយៈស្ថានទូតជប៉ុនប្រចាំនៅកម្ពុជា បានផ្តល់ជំនួយឥតសំណង់ ២.៧លានយ៉េន ឬប្រមាណជិត២៦លានដុល្លារ សម្រាប់សាងសង់ប្រព័ន្ធបង្ហូរទឹកកខ្វក់នៅរាជធានីភ្នំពេញ។ លិខិតប្តូរសារ ស្តីពីការផ្តល់ហិរញ្ញប្បទានឥតសំណងរបស់ជប៉ុន ត្រូវបានចុះហត្ថលេខា កាលពីព្រឹកថ្ងៃទី៣ ខែតុលា ដោយ ឯកឧត្តម ប្រាក់ សុខុន ឧបនាយករដ្ឋមន្រ្តី និងជារដ្ឋមន្រ្តីនៃក្រសួងការបរទេស និងសហប្រតិបត្តិការអន្តរជាតិ និងលោក Mikami Mashiro អគ្គរាជទូតជប៉ុន ប្រចាំនៅកម្ពុជា នៅទីស្តីការក្រសួង។ ក្រោមគម្រោងជំនួយឥតសំណងនេះ ជប៉ុននឹងសាងសង់ប្រព័ន្ធបង្ហូរទឹកកខ្វក់ចេញពីរាជធានីភ្នំពេញ ទៅភ្ជាប់ជាមួយនឹងសាងសង់ស្ថានីយ៍ប្រព្រឹត្តិកម្មទឹកកខ្វក់មុននឹងបង្ហូរចូល ទៅក្នុងបឹងជើងឯកភាគខាងត្បូង រាជធានីភ្នំពេញ ដើម្បីរួមចំណែកដល់ការធ្វើឱ្យប្រសើរឡើង នូវបរិស្ថានរស់នៅក្នុងប្រទេសកម្ពុជា។ លោក ម៉េត មាសភក្តី អ្នកនាំពាក្យរដ្ឋបាលសាលារាជធានីភ្នំពេញ បានឲ្យដឹងថា គម្រោងប្រព័ន្ធបង្ហូរទឹកកខ្វក់ ដែលគ្រោងសាងសង់នៅភាគខាងត្បូងរាជធានីភ្នំពេញ គឹដើម្បីរំដោះទឹកចេញពីរាជធានីភ្នំពេញ ជាពិសេស នឹងធ្វើឲ្យប្រព័ន្ធបណ្តាញលូក្នុងទីក្រុង មានសោភ័ណភាព ទីក្រុងបៃតង។ លោកបញ្ជាក់ថា គម្រោងនឹងត្រូវចាប់អនុវត្តបន្ទាប់ពីចុះហត្ថលេខារួចហើយ។ គម្រោងកសាងប្រព័ន្ធបង្ហូរទឹកកខ្វក់ ត្រូវបានសិក្សានាពេលកន្លងដោយទីភ្នាក់ងារ JICA៕ រូបភាពគោលដោយ Ministry of Foreign Affairs and […]
អានបន្ថែម
សភាពាណិជ្ជកម្មអឺរ៉ុបពិភាក្សាពីគុណភាពសំណង់ខណៈឧស្សាហកម្មនេះកំពុងរីកចម្រើនខ្លាំង
សភាពាណិជ្ជកម្មអ៊ឺរ៉ុបនៅកម្ពុជាឬ EuroCham កាលពីថ្ងៃទី ០៣ ខែ តុលា បានរៀបចំកិច្ចពិភាក្សាទាក់ទងទៅនឹងគុណភាពសំណង់ ដើម្បីស្វែងយល់ពីរបៀបគ្រប់គ្រងកិច្ចសន្យាដែលនឹងជួយឲ្យគម្រោងសំណង់មានគុណភាពល្អ។ កម្មវិធីនេះ មានការចូលរួមពីធុរកិច្ចជនពាក់ព័ន្ធវិស័យអចលនទ្រព្យ និងសំណង់ប្រមាណជា ៨០ នាក់។ លោក Michel Cassagnes អ្នកសម្របសម្រួលកម្មវិធី និងជានាយកគ្រប់គ្រងក្រុមហ៊ុន Archetype Cambodia បានមានប្រសាសន៍ថា កម្មវិធីនេះ ធ្វើឡើងគឺដើម្បីសិក្សាពីការធ្វើកិច្ចសន្យា ដែលអាចជួយឲ្យអ្នកអភិវឌ្ឍន៍ទទួលបានគុណភាពសំណង់ល្អនៅពេលបញ្ចប់គម្រោង សាងសង់។ លោក Stephane Bigorre វាគ្មិនមួយរូប និងជានាយកគ្រប់គ្រង និងដៃគូក្រុមហ៊ុន LBL International បានផ្តល់ពីនិយមន័យថា គុណភាពសំណង់ គឺជាការអនុលោមទៅនឹងលក្ខខណ្ឌមួយចំនួន ហើយកិច្ចសន្យា គឺជាមូលដ្ឋានគ្រឹះដ៏សំខាន់។ លោកថ្លែងថា៖ «មធ្យោបាយតែមួយគត់ក្នុងការកំណត់គុណភាពនៅក្នុងសំណង់ និងដើម្បីធានាថាយើងឈានដល់ដំណាក់កាលនៃគុណភាព គឺត្រូវប្រាកដថា លក្ខខណ្ឌទាំងនោះត្រូវបានកំណត់យ៉ាងច្បាស់លាស់ ហើយបន្ទាប់មកគឺឯកសារកិច្ចសន្យា»។ បន្ថែមពីនេះ លោក Guillaume Bernard សហស្ថាបនិក និងជាប្រធានសមាគមអាស៊ីសម្រាប់ការគ្រប់គ្រងកិច្ចសន្យា បានមានប្រសាសន៍ថា ការគ្រប់គ្រងកិច្ចសន្យា គឺមានសារៈសំខាន់ ពីព្រោះកិច្ចសន្យាកំណត់នូវច្បាប់នៃកិច្ចការងារសាងសង់ទាំងឡាយណា។ លោកថ្លែងថា៖ […]
អានបន្ថែម
កិច្ចសន្យាសាងសង់ផ្លូវចំនួន៣៤ខ្សែក្នុងខេត្តព្រះសីហនុនឹងចាប់ផ្តើមក្នុងខែវិច្ឆិកា
កិច្ចសន្យាសាងសង់ផ្លូវចំនួន៣៤ខ្សែក្នុងខេត្តព្រះសីហនុនឹងត្រូវចាប់ផ្តើមក្នុងខែវិច្ឆិកា ខណៈការសាងសង់មិនទាន់អាចកំណត់បាននៅឡើយទេ នេះបើយោងតាមការបញ្ជាក់របស់អ្នកនាំពាក្យរដ្ឋបាលសាលាខេត្តព្រះសីហនុ លោក ឃាង ភារម្យ។ ការបញ្ជាក់នេះ គឺធ្វើឡើងបន្ទាប់ពីកិច្ចប្រជុំអន្តរក្រសួងស្តីពីគម្រោងស្ថាបនាផ្លូវក្រុងក្នុងខេត្តព្រះសីហនុបានធ្វើឡើង និងបញ្ចប់កាលពីថ្ងៃទី ០១ ខែ តុលា កន្លងទៅនេះ នៅឯទីស្តីការក្រសួងរៀបចំដែនដី នគរូបនីយកម្ម និងសំណង់ ។ លោក ឃាង ភារម្យ ថ្លែងប្រាប់ទស្សនាវដ្តីសំណង់ និងអចលនទ្រព្យ យើងខ្ញុំតាមសារអេឡិចត្រូនិចតេឡេក្រាមថា៖ «គម្រោងនៃការស្ថាបនាផ្លូវនៅក្នុងខេត្តព្រះសីហនុដែលមានទឹកប្រាក់១០០លានដុល្លារ គ្រោងចុះកិច្ចសន្យាជាមួយក្រុមហ៊ុនទទួលការស្ថាបនានៅដើមខែវិច្ឆិកា»។ ចំណែកឯកាលបរិច្ឆេទនៃការចាប់ផ្តើមសាងសង់វិញ លោក ឃាង ភារម្យ បញ្ជាក់ថា នឹងត្រូវកំណត់នៅពេលចុះកិច្ចសន្យា ហើយគម្រោងទាំងអស់នេះ គឺត្រូវដាក់ឆ្លងទៅថ្នាក់ដឹកនាំកំពូលបន្តទៀត។ នៅពេលសួរថាតើការសាងសង់នឹងត្រូវប្រើរយៈពេលប៉ុន្មាន លោក ឃាង ភារម្យ បញ្ជាក់ថា៖ «តាមខ្លឹមសារនៃកិច្ចប្រជុំ គឺប្រើរយៈពេល៨ខែ ហើយវាអាចប្រែប្រួលលើសហ្នឹង ខ្លះទៀតទៅតាមស្ថានភាពអាកាសធាតុនៅក្នុងខេត្តព្រះសីហនុហ្នឹងដែរ»។ យោងតាមសេចក្តីសម្រេចស្តីពីការបញ្ចេញកញ្ចប់ថវិកាសម្រាប់គម្រោងកសាងផ្លូវទាំងនេះ បានបញ្ជាក់ថា ការស្ថាបនាផ្លូវនេះ គឺនឹងផ្តោតលើវិធានការបច្ចេកទេស ដូចជា គុណភាពសំណង់ ទំហំផ្លូវ ការបំពាក់ខ្សែកាប បណ្តាញទូរគមនាគមន៍ បំពង់ទឹកស្អាត និងប្រព័ន្ធទឹកកង្វក់និងទឹកភ្លៀង។ (អានបន្ថែម) លោក […]
អានបន្ថែម
រដ្ឋាភិបាលយកចំណូលពីវិស័យប្រេងកាតសម្រាប់កសាងហេដ្ឋារចនាសម្ព័ន្ធ
ប្រមុខរដ្ឋាភិបាលកម្ពុជា ប្រកាសថា ចំណូលទាំងអស់ បានពីវិស័យប្រេងកាត នឹងត្រូវយកទៅប្រើប្រាស់លើការកសាង និងស្ថាបនាហេដ្ឋារចនាសម្ព័ន្ធ ស្ពាន ថ្នល់ អាកាសយានដ្ឋានជាដើម។ ការប្រកាសពីចក្ខុវិស័យប្រើប្រាស់ចំណូលបានពីវិស័យប្រេងកាតនេះ ធ្វើឡើង ស្របពេលដែលដំណក់ប្រេងលើកដំបូង គ្រោងជីកយកចេញពីដែនសមុទ្រកម្ពុជា នៅចុងឆ្នាំនេះ ឬដើមឆ្នាំក្រោយ។ ថ្លែងនៅក្នុងពិធីប្រគល់សញ្ញាបត្រនិស្សិតនៃសកលវិទ្យាល័យ ប៊ែលធី នៅសាលសន្និសីទកោះពេជ្រ កាលព្រឹកថ្ងៃពុធ សម្តេចតេជោ ហ៊ុន សែន នាយករដ្ឋមន្រ្តីកម្ពុជា ថ្លែងថា៖ «ថវិកាដែលបានមកពីធនធានធម្មជាតិនៅពេលខាងមុខ ជាពិសេសប្រេង យើងមិនយកមកប្រើប្រាស់ក្នុងគណនីចរន្តទេ ក្នុងចំណាយចរន្ត ដូចចំណាយរាល់ថ្ងៃទេ។ គោលដៅនៃការចំណាយនៃថវិកាដែលបានមកពីធនធានធម្មជាតិគឺប្រើប្រាស់ក្នុងវិស័យហេដ្ឋារចនាសម្ព័ន្ធ»។ លោកនាយករដ្ឋមន្រ្តីពន្យល់ថា៖ «យើងពិតជាមានសុទិដ្ឋិនិយមលើបញ្ហានេះ ដោយសារអី? ឥឡូវយើងមិនទាន់ប្រើធនធានធម្មជាតិផង មិនទាន់ប្រើប្រេងមួយដំណក់ផង ប៉ុន្តែយើងអាចរស់បានទៅហើយ។ ចឹងនៅពេលដែលប្រាក់ចំណូលពីធនធានធម្មជាតិ ពិសេសពីវិស័យប្រេងបានមកដល់ ត្រូវប្រមូលផ្តុំខិតខំវិនិយោគទៅលើហេដ្ឋរចនាសម្ព័ន្ធ»។ តាមការបញ្ជាក់របស់ សម្តេចតេជោរ ហ៊ុន សែន វិស័យហេដ្ឋារចនាសម្ព័ន្ធរួមមាន ផ្លូវថ្នល់ ស្ពាន កំពង់ផែ អាកាសយានដ្ឋាន សាលារៀន មន្ទីរពេទ្យ។ គួរបញ្ជាក់ថា ក្រុមហ៊ុន KrisEnergy មកពីប្រទេសសឹង្ហបុរី ជាអ្នកទទួលសិទ្ធិវិនិយោគប្លុកប្រេងកាត់ […]
អានបន្ថែម