រដ្ឋមន្ត្រីក្រសួងសាធារណការសន្យាមិនអោយផ្លូវជាតិលេខ៤លេចទឹកទៀតទេ ការអភិវឌ្ឍន៍គម្រោង និងសំណង់ 20 កក្កដា 2018 MIK រដ្ឋមន្ត្រីក្រសួងសាធារណការសន្យាមិនអោយផ្លូវជាតិលេខ៤លេចទឹកទៀតទេ កាលពីព្រឹកថ្ងៃទី ២០ ខែ កក្កដា ឆ្នាំ២០១៨ ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានប្រកាសថានឹងលើកកម្ពស់ទ្រូងផ្លូវចំនួនពីរកន្លែងបន្ថែមទៀតនៅកំណាត់ផ្លូវជាតិលេខ៤ដើម្បីកុំអោយមានការលិចទឹកនាពេលអនាគត។ ក្នុងដំណើរចុះពិនិត្យស្ថានភាពទឹកលិចនៅកំណាត់ផ្លូវជាតិលេខ៤ ឯកឧត្តម ស៊ុន ចាន់ថុល បានមាន បានមានប្រសាសន៍ទៅកាន់អ្នកសារព័ត៌មានថា«យើងនឹងលើកកម្ពស់ទ្រូងផ្លូវនេះអោយខ្ពស់ជាងមុនដើម្បីកុំអោយវាលិចតទៅទៀត»។ឯកឧត្តម បានបញ្ជាក់បន្ថែមថា គម្រោងលើកកម្ពស់ទ្រូងផ្លូវតាមបណ្តោយផ្លូវជាតិលេខ៤ទាំងអស់សរុបរួមមាន ចំនួន ៧ កន្លែង ដែលផែនការដើមគឺមានត្រឹមតែ ៥ កន្លែងតែប៉ុណ្ណោះ។ សូមបញ្ជាក់ផងដែរថាទីតាំងទ្រូងផ្លូវដែលនឹងត្រូវធ្វើការលើកកម្ពស់បន្ថែមគឺស្ថិតត្រង់ចំណុចគីឡូម៉ែត្រលេខ១១៥-១១៦តាមបណ្តោយផ្លូវជាតិលេខ៤ ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សិលា ខេត្តព្រះសីហនុ។ ក្នុងឱកាសនេះផងដែរឯកឧត្តមបានអោយដឹងថាគម្រោងកែលម្អផ្លូវជាតិលេខ៤ដែលស្ថិតក្រោមថវិកាកម្ចីពីធនាគារពិភពលោកប្រមាណ ១១០ លានដុល្លារ នឹងត្រូវធ្វើការពង្រីកតួផ្លូវនិងចិញ្ចើមផ្លូវបន្ថែមចំនួន ៤ ម៉ែត្រទៀត ដែលនឹងធ្វើអោយផ្លូវមួយនេះមានប្រវែងទទឹងរហូតដល់ទៅ ១១ ម៉ែត្រ។បច្ចុប្យន្នផ្លូវជាតិលេខ៤គឺមានប្រវែងទទឹងត្រឺមតែ ៧ ម៉ែត្រប៉ុណ្ណោះ។ សូមបញ្ជាក់ផងដែរថា គម្រោងកែលម្អផ្លូវជាតិលេខ៤គឺគ្រោងនឹងចាប់ផ្តើមដំណើរការក្នុងដើមឆ្នាំ២០១៩ (អានបន្ថែម) ក៏ប៉ុន្តែដើម្បីធានាឲ្យមាននិរន្តរភាពចរាចរណ៍តាមបណ្តោយផ្លូវជាតិលេខ៤ដែលថ្មីៗនេះបានរងការខូចខាតដោយសារទឹកជំនន់ ក្រសួងនឹងចាប់ផ្តើមជួសជុល និងស្តារការខូចខាតហេដ្ឋារចនាសម្ព័ន្ធ ផ្លូវវថ្នល់ ស្ពាន ឡើងវិញជាបន្ទាន់ បន្ទាប់ពីឥទ្ធិពលសម្ពាធទាប និងឥទ្ធិពលខ្យល់ព្យុះទី៩ ឈ្មោះសុន ទីញ ថយចុះទៅវិញ។ Kie-Fepro Related News ក្រុមហ៊ុន ZHENG HENG និង Cushman & Wakefield ក្លាយដៃគូយុទ្ធសាស្�… 05 04 2019 ស្ពានជ្រោយចង្វារចាស់តម្លៃ៣៣លានដុល្លារដាក់�… 03 04 2019 ព្រលានយន្តហោះភ្នំពេញថ្មីនឹងចាប់ផ្តើមសាងសង�… 17 03 2019 សារព័ត៌មានបរទេស៖ តើគម្រោងតារាសាគរនៅកោះកុងប�… 05 03 2019 ផ្លូវល្បឿនលឿន ភ្នំពេញ-ខេត្តព្រះសីហនុ នឹងបើក�… 05 03 2019
កាលពីព្រឹកថ្ងៃទី ២០ ខែ កក្កដា ឆ្នាំ២០១៨ ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានប្រកាសថានឹងលើកកម្ពស់ទ្រូងផ្លូវចំនួនពីរកន្លែងបន្ថែមទៀតនៅកំណាត់ផ្លូវជាតិលេខ៤
អានបន្ថែម
ចិននឹងជួយជួសជុលព្រះបរមរាជវាំងអង្គរ ស្ថាបត្យកម្មបុរាណ ហេដ្ឋារចនាសម្ព័ន្ធ និងសាលា�
សាធារណរដ្ឋចិន កាលពីថ្មីៗនេះបានចុះកិច្ចព្រមព្រៀងជាមួយរដ្ឋាភិបាលកម្ពុជាផ្តល់ជំនួយឥតសំណងរាប់លានដុល្លារក្នុងការជួយជួសជុលព្រះបរមរាជវាំងអង្គរ ស្ថាបត្យកម្មបុរាណនៅខេត្តសៀមរាប ដើម្បីរៀបចំផែនការមេសម្រាប់ប្រព័ន្ធដឹកជញ្ជូននៅកម្ពុជា និងសាងសង់អគារវិទ្យាល័យចំនួន ២៦ នៅទូទាំងប្រទេសកម្ពុជា។ កិច្ចព្រមព្រៀងទាំងនេះត្រូវបានធ្វើឡើងក្នុង ពិធីចុះហត្ថលេខាលើកិច្ចព្រមព្រៀងនៃកិច្ចសហប្រតិបត្តិការហិរញ្ញប្បទានមួយចំនួន និងពិធីប្រកាសជាផ្លូវការនូវគម្រោងហិរញ្ញប្បទានឥតសំណង សម្រាប់ការកែលម្អបរិស្ថានសាលារៀន និងការផ្គត់ផ្គង់សម្ភារ:បរិក្ខារអប់រំនៅទីស្តីការក្រសួងសេដ្ឋកិច្ច និងហិរញ្ញវត្ថុរវាងឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងអនុរដ្ឋមន្ត្រីក្រសួងពាណិជ្ជកម្ម នៃសាធារណរដ្ឋប្រជាមានិតចិនGao Yan កាលពីថ្ងៃទី ១៩ ខែមិថុនាកន្លងមកនេះ។ យោងតាមសេចក្តីប្រកាសព័ត៌មានរបស់ក្រសួងសេដ្ឋកិច្ចបានឱ្យដឹងថាមានការចុះហត្ថលេខាលើកិច្ចព្រមព្រៀងចំនួន ៣ សំខាន់ៗ រួមមាន ៖ ១) ជំនួយឥតសំណង ២,៥ លានដុល្លារសម្រាប់ការអនុវត្តគម្រោងកាត់បន្ថយយុទ្ធភណ្ឌមិនទាន់ផ្ទុះនៅកម្ពុជា ២)កិច្ចព្រមព្រៀងដើម្បីរៀបចំផែនការមេស្តីពីប្រព័ន្ធដឹកជញ្ជូននៅកម្ពុជារួមមានហេដ្ឋារចនាសម្ព័ន្ធ ទាំងផ្លូវគោក ផ្លូវដែក ផ្លូវទឹក ផ្លូវអាកាស និង ៣)កិច្ចព្រមព្រៀងក្នុងការជួយជួសជុលព្រះបរមរាជវាំងនៅអង្គរ ព្រមទាំងស្ថាបត្យកម្មបុរាណដទៃទៀតនៅក្នុងខេត្តសៀមរាប។ ក្រៅពីកិច្ចព្រមព្រៀងសំខាន់ចំនួន ៣ រដ្ឋាភិបាលចិនក៏បានប្រកាសបើកជាផ្លូវការនូវគម្រោងហិរញ្ញប្បទានឥតសំណងសម្រាប់គម្រោងកែលម្អបរិស្ថានសាលារៀន និងការផ្គត់ផ្គង់សម្ភារៈបរិក្ខារអប់រំផងដែរ។ គម្រោងនេះរួមមាន ជំនួយសាងសង់អាគារវិទ្យាល័យចំនួន ២៦ ខ្នងនិងមជ្ឈមណ្ឌលបណ្តុះបណ្តាលគ្រូចំនួន ៣ ខ្នង នៅរាជធានីភ្នំពេញ ១ ខ្នងខេត្តកំពង់ចាម ១ […]
អានបន្ថែម
កម្មវិធីទូរស័ព្ទ ‘សំណង់កម្ពុជា’ របស់ក្រសួងដែនដីមាននៅក្នុង App Store និង PlayStore ហើយ
ដើម្បីឆ្លើយតបទៅនឹងកំណើនយ៉ាងឆាប់រហ័សនៃវិស័យសំណង់នៅក្នុងប្រទេសកម្ពុជា ឯកឧត្តមបណ្ឌិត ឆាន់សូរ្យផល អគ្គនាយកនៃអគ្គនាយកដ្ឋានសំណង់នៃក្រសួងរៀបចំដែនដីនគរូបនីយកម្មនិងសំណង់បានបង្កើតកម្មវិធីទូរស័ព្ទមួយឈ្មោះថា "សំណង់កម្ពុជា"
អានបន្ថែម
សភាពាណិជ្ជកម្មអឺរ៉ុបនៅកម្ពុជានឹងរៀបសិក្ខាសាលាស្ដីពីអគារខ្ពស់ដំបូងបង្អស់នៅកម្ពុជា
សភាពាណិជ្ជកម្មអឺរ៉ុបប្រចាំប្រទេសកម្ពុជា(EuroCham) រួមសហការជាមួយនឹងក្រុមប្រឹក្សានៃអគារខ្ពស់ៗ និងលំនៅដ្ឋានក្នុងទីក្រុង ឬ Council on Tall Buildings and Urban Habitatនឹងរៀបចំវេទិកាសិក្ខាសាលាមួយស្ដីពីអគារខ្ពស់ ឬ Tall Buildings Forum
អានបន្ថែម
ព្រលានយន្តហោះភ្នំពេញគ្រោងនឹងសាងសង់ស្ថានីយដឹកទំនិញបន្ថែម
ក្រុមហ៊ុនអាកាសយានដ្ឋានកម្ពុជា (Cambodia Airports) គ្រោងនឹងសាងសង់ស្ថានីយដឹកទំនិញបន្ថែមនៅក្នុងអាកាសយានដ្ឋានអន្តរជាតិភ្នំពេញដើម្បីបង្កើនការផ្គត់ផ្គង់សេវាដឹកជញ្ជូនទំនិញតាមផ្លូវអាកាសឲ្យកាន់តែមានប្រសិទ្ធភាព។ លោក ខែក នរិន្ធដា ដែលជាប្រធានផ្នែកទំនាក់ទំនងនិងជាអ្នកនាំពាក្យរបស់ក្រុមហ៊ុនអាកាសយានដ្ឋានកម្ពុជាបានប្រាប់ទស្សនាវដ្តីសំណង់និងអចលនទ្រព្យថា ៖ «ស្ថានីយដឹកទំនិញបច្ចុប្បន្នមានសមត្ថភាពអាចទទួលបន្ទុកចរាចរណ៍នៃការដឹកជញ្ជូនក្នុងរយៈពេលខ្លីតែប៉ុណ្ណោះ» ដូចនេះហើយទើបក្រុមហ៊ុនមានគម្រោងអភិវឌ្ឍកន្លែងបន្ថែមទៀតដើម្បីធានាបាននូវប្រសិទ្ធភាពក្នុងរយៈពេលវែង។ ដោយឡែក ទាក់ទងទៅនឹងព័ត៌មានលំអិតដូចជា ទំហំទឺកប្រាក់នៃការវិនិយោគ កាលបរិច្ឆេទនៃការសាងសង់ ទំហំក៏ដូចជាសមត្ថភាពនៃស្ថានីយដឹកទំនិញថ្មីនេះ ក្រុមហ៊ុនមិនទាន់មានទិន្នន័យនៅឡើយ ហើយលោក ខែក នរិន្ធដា បានអះអាងថា ៖ «យើងកំពុងស្ថិតនៅដំណាក់កាលដំបូងនៃគម្រោង ដែលបច្ចុប្បន្នក្រុមហ៊ុនកំពុងតែធ្វើការយកចិត្តទុកដាក់ទៅលើការរចនាប្លង់ជារួមនៃគម្រោងនេះ»។ ជាការពិតណាស់ ការបន្ថែមស្ថានីយដឹកទំនិញនេះគឺដើម្បីឆ្លើយតបទៅនឹងកំណើនសេដ្ឋកិច្ចជាតិដែលកំពុងមានការរីកចំរើនគួរឲ្យកត់សម្គាល់ក្នុងអត្រា ៧ ភាគរយជារៀងរាល់ឆ្នាំ។ ជាក់ស្ដែង ដោយទំហំពាណិជ្ជកម្មនៅកម្ពុជាមានការកើនឡើងជាបន្តបន្ទាប់ ជាកត្តាធ្វើៀឲ្យតម្រូវការសេវាដឹកជញ្ជូនតាមផ្លូវអាកាសមានការកើនឡើងផងដែរ។ លោក ស៊ីន ចាន់សេរី វុត្ថា ដែលជាអ្នកនាំពាក្យរបស់ រដ្ឋលេខាធិការដ្ឋានអាកាសចរស៊ីវិល (SSCA) បានមានប្រសាសន៍ថា ៖«ការបន្ថែមស្ថានីយដឹកទំនិញគឺជារឿងល្អដែលនឹងជួយជំរុញទំហំពាណិជ្ជកម្មឲ្យកាន់តែកើនឡើង»។ សូមបញ្ជាក់ផងដែរថា ក្នុងរយៈពេល ៦ ខែដំបូងក្នុងឆ្នាំ ២០១៨ អគ្គនាយកដ្ឋានគយនិងរដ្ឋាករកម្ពុជាបានប្រមូលចំណូលពន្ធ និងអាករគយចំនួនជាង ១ ពាន់លានដុល្លារអាមេរិក។
អានបន្ថែម
ការសាងសង់ពហុកីឡាដ្ឋានជាតិមរតកតេជោគ្រោងនឹងបញ្ចប់មុនកាលកំណត់
ការសាងសង់ពហុកីឡាដ្ឋានជាតិមរតកតេជោដែលនឹងចំណាយទឹកប្រាក់អស់រាប់លានដុល្លារក្រោមជំនួយរបស់ចិន គ្រោងនឹងបញ្ចប់មុនឆ្នាំ២០២០ នេះបើយោងតាមភ្នាក់ងារសារព័ត៌មានចិន Xinhua Net។
អានបន្ថែម
គម្រោងកែលម្អផ្លូវជាតិលេខ៤ គ្រោងចាប់ផ្តើមសាងសង់ឆ្នាំក្រោយ
គម្រោងកែលម្អផ្លូវជាតិលេខ៤ ដែលថ្មីៗនេះទើបនឹងបានទទួលកម្ចីឥណទានសម្បទានពីធនាគារពិភពលោកចំនួន១១០លានដុល្លារ នឹងអាចដំណើរការសាងសង់នាដើមឆ្នាំ ២០១៩
អានបន្ថែម
វិស័យសំណង់រួមចំណែក ១១,៥ ភាគរយ នៃកំណើនសេដ្ឋកិច្ចឆ្នាំ ២០១៨
វិស័យសំណង់បានរួមចំណែកយ៉ាងខ្លាំងក្នុងកំណើនសេដ្ឋកិច្ចជាតិឆ្នាំ២០១៨ នេះបើយោងតាមរបាយការណ៍ប្រចាំឆមាសទី១ របស់ធនាគារជាតិនៃកម្ពុជាចេញផ្សាយនាពេលថ្មីៗនេះ។
អានបន្ថែម
ក្រសួងការងារបង្កើតក្រុមប្រឹក្សាលើកកម្ពស់ស្តង់ដារសុខភាព និងសុវត្ថិភាពក្នុងវិស័យ
ក្រសួងការងារ និងបណ្តុះបណ្តាលវិជ្ជាជីវៈកាលពីថ្ងៃទី ១៦ កក្កដាបានសម្រេចអនុម័តបង្កើតក្រុមប្រឹក្សាពិគ្រោះយោបល់គម្រោងលើកកម្ពស់ស្តង់ដារសុខភាព និងសុវត្ថិភាពការងារក្នុងវិស័យសំណង់នៅកម្ពុជា។
អានបន្ថែម
គម្រោងផ្លូវល្បឿនលឿន ភ្នំពេញ-កំពង់សោម ត្រូវបានអនុម័តដោយក្រុមប្រឹក្សាអភិវឌ្ឍន៍កម�
ក្រុមប្រឹក្សាអភិវឌ្ឍន៍កម្ពុជា ឬ CDC កាលពីថ្មីៗនេះបានប្រកាសសម្រចចេញ“វិញ្ញាបនប័ត្រចុះបញ្ជីជាស្ថាពរ ” លើក្រុមហ៊ុនដែលទទួលបានសិទិ្ធទទួលខុសត្រូវលើគម្រោង ផ្លូវល្បឿនលឿន ភ្នំពេញ-ខេត្តព្រះសីហនុ
អានបន្ថែម
ព្រលានយន្តហោះសៀមរាបថ្មីគ្រោងនឹងបើកការដ្ឋានសាងសង់នៅខែសីហា
ការដ្ឋានសាងសង់អាកាសយានដ្ឋានអន្តរជាតិសៀមរាបថ្មីនឹងចាប់ផ្តើមជាផ្លូវការនៅខែសីហាបន្ទាប់ពីការបោះឆ្នោតជ្រើសតាំងតំណាងរាស្រ្ដ នីតិកាលទី៦ បានចប់រួចរាល់ នេះបើយោងតាមភ្នាក់ងារសារព័ត៌មានកម្ពុជា AKP។ សេចក្ដីបញ្ជាក់អំពីកាលបរិច្ឆេទនៃការសាងសង់នេះត្រូវបានលើកឡើងក្នុងជំនួប រវាងឯកឧត្ដម ឃឹម ប៊ុនសុង អភិបាលខេត្តសៀមរាប និងលោក Zou Yuhui អគ្គនាយករងក្រុមហ៊ុនអាកាសចរណ៍អង្គរអ៊ិនធឺរណែសសឺណលអ៊ែរអេនជីនអ៊ិនវេសមែន (ខេមបូឌា) ឬ Angkor International Airport Investment (Cambodia) Co., Ltd. កាលពីថ្ងៃទី១៣ ខែកក្កដា ឆ្នាំ២០១៨ កន្លងមកនេះ ដើម្បីពិភាក្សាបន្ថែមទៀតទៅលើគម្រោង។ លោក Zou Yuhui បានឲ្យដឹងទៀតថា បច្ចុប្បន្នក្រុមហ៊ុនបានធ្វើប្រឡាយកំណត់ព្រំដី និងធ្វើផ្លូវចូលទៅក្នុងការដ្ឋានរួចរាល់ហើយ។ ក្រៅពីសាងសង់ព្រលាន ក្រុមហ៊ុនក៏នឹងទទួលខុសត្រូវទៅលើប្រព័ន្ធទឹក ប្រព័ន្ធការពារទឹកជំនន់ ក៏ដូចជាប្រព័ន្ធផ្គត់ផ្គង់ទឹកស្អាតសម្រាប់ប្រើប្រាស់ក្នុងអាកាសយានដ្ឋានផងដែរ។ ដើម្បីធានាសុវត្ថិភាពនៃព្រលានយន្តហោះថ្មីនេះលោក Zou Yuhui ក៏បានស្នើសុំអាជ្ញាធរខេត្តសៀមរាបមិនឲ្យមានការសាងសង់អាគារខ្ពស់ក៏ដូចជាបង្គោលភ្លើងខ្ពស់ៗ នៅជិតតំបន់ព្រលានយន្តហោះនោះទេ។ លើសពីនេះទៅទៀតលោកក៏បានស្នើសុំគម្រោងប្លង់មេលើការអភិវឌ្ឍន៍របស់ខេត្តសៀមរាបពី ឯកឧត្ដម ឃឹម ប៊ុនសុង ផងដែរដើម្បីសិក្សាបន្ថែម។ គួរបញ្ជាក់ផងដែរថា ការសាងសង់ព្រលានយន្តហោះអន្តរជាតិសៀមរាបថ្មីនេះនឹងចំណាយទុនវិនិយោគប្រមាណ ៩០០ លានដុល្លារ ដែលនឹងសាងសង់លើផ្ទៃដីប្រមាណ ៧០០ ហិកតា […]
អានបន្ថែម
សមាគមអ្នកសាងសង់កម្ពុជាបង្ហាញពីសក្តានុពលកម្ពុជាក្នុងវេទិកាសហប្រតិបត្តិការចិន-អ�
សមាគមអ្នកសាងសង់កម្ពុជាក្នុងនាមជាតំណាងពីប្រទេសកម្ពុជាកាលពីថ្មីៗនេះបានចូលរួមក្នុងវេទិកាកិច្ចសហប្រតិបត្តិការឧស្សាហកម្មគ្រឿងសង្ហារឹម និងក្បាច់រចនាចិន-អាស៊ាន ឬ China-ASEAN Decoration & Upholster Industry Cooperation Forum ដើម្បីពិភាក្សាពីស្ថានភាពបច្ចុប្បន្នក្នុងវិស័យស្ថាបត្យកម្មនិងសំណង់ក្នុងតំបន់ក៏ដូចជាការពង្រឹងកិច្ចសហប្រតិបត្តិរវាងប្រទេសចិននិងបណ្តាប្រទេសអាស៊ានក្នុងវិស័យនេះនាពេលអនាគត។ វេទិកានេះរៀបចំដោយក្រុមប្រឹក្សាធុរកិច្ចចិន – អាស៊ាន ឬ China-ASEAN Business Councilដែលធ្វើឡើងកាលពីថ្ងៃទី ១១ ខែឧសភានៅឯទីក្រុងShenzhenប្រទេសចិន ដែលមានតំណាងមកពីវិស័យពាណិជ្ជកម្មឧស្សាហកម្មស្ថាបត្យកម្មវិស្វកម្មនិងសហគ្រាសតុបតែងធំៗជាច្រើនរូបទាំងក្នុងប្រទេសចិននិងមកពីបណ្តាប្រទេសអាស៊ានបានមកចូលរួម។ កម្មវិធីពិភាក្សាយោបល់នេះ ក៏បានរៀបចំឡើងស្របជាមួយនឹងពិព័រណ៍ឧស្សាហកម្មវប្បធម៌អន្តរជាតិ ឬ International Cultural Industry Expo (ICIF) Grandland Branchដែលជាពិព័រណ៍ឧស្សាហកម្មដ៏សំខាន់មួយរបស់ប្រទេសចិន។ ចំពោះចំណុចសំខាន់នៃកិច្ចប្រជុំក្នុងឆ្នាំនេះគឺការប្រកាសជាផ្លូវការនៃ “ការឯកភាពលើកិច្ចព្រមព្រៀងក្រុង Shenzhen ស្តីពីការពង្រឹងកិច្ចសហប្រតិបត្តិការស្ថាបត្យកម្មចិន – អាស៊ាននិងកិច្ចសហប្រតិបត្តិការឈ្នះឈ្នះ” ឬShenzhen Consensus on Strengthening China − ASEAN Architectural Decoration Industry Win-win Cooperatiនិងការការបង្កើតគណៈកម្មាធិការសហប្រតិបត្តិការឧស្សាហកម្មស្ថាបត្យកម្មចិន – អាស៊ាន។ លើសពីនេះក្រុមការងារក៏បានពិភាក្សាផងដែរអំពីរបៀបនៃការពង្រឹងកិច្ចសហប្រតិបត្តិការឧស្សាហកម្មការតុបតែងនិងស្ថាបត្យកម្មរវាងប្រទេសចិននិងបណ្តាប្រទេសអាស៊ានដើម្បីសម្រេចបាននូវគោលនយោបាយឈ្នះ – ឈ្នះ។ ជាមួយគ្នានេះដែរ […]
អានបន្ថែម