ស្ពានអាកាសរង្វង់មូលចោមចៅនឹងចាប់បើកការដ្ឋាននៅខែមេសានេះ
ស្ពានអាកាសរង្វង់មូលចោមចៅរំពឹងថានឹងចាប់ផ្តើមការសាងសង់នៅខែមេសាខាងមុខនេះ បើយោងតាមការបញ្ជាក់របស់លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ។ កាលពីថ្ងៃទី១៤ ខែកុម្ភៈ ឆ្នាំ២០១៨ រដ្ឋបាលរាជធានីភ្នំពេញបានបើកកិច្ចប្រជុំពិភាក្សាបន្ថែមលើបច្ចេកទេសសាងសង់ស្ពានអាកាសរង្វង់មូលចោមចៅជាមួយមន្ទីរ និងអង្គភាពជំនាញពាក់ព័ន្ធដើម្បីសម្រេចជ្រើសរើសប្លង់សាងសង់មួយដែលមានប្រសិទ្ធភាពបំផុតក្នុងការកាត់បន្ថយការកកស្ទះចរាចរណ៍ ព្រមទាំងផ្ដល់ផលប៉ះពាល់តិចតួចបំផុតក្នុងអំឡុងពេលសាងសង់។ ស្ពានអាកាសថ្មីនេះនឹងជួយសម្រួលដល់ការកកស្ទះចរាចរណ៍នៅលើផ្លូវជាច្រើនដែលឆ្លងកាត់រង្វង់មូលចោមចៅ ដូចជា ផ្លូវជាតិលេខ៣ ផ្លូវជាតិលេខ៤ ផ្លូវវេងស្រេង និងមហាវិថីសហព័ន្ធរុស្ស៊ី។ ដោយឡែក រដ្ឋបាលរាជធានីពុំទាន់បានគូសបញ្ជាក់នៅឡើយទេ ថានឹងប្រើរយៈពេល និងថវិកាចំនួនប៉ុន្មានដើម្បីបញ្ចប់គម្រោងនេះ។
អានបន្ថែម
គម្រោងរថភ្លើងក្រោមដីទីក្រុងហូជីមិញលើសថវិកា ៨០០លានដុល្លារ
គម្រោងខ្សែរថភ្លើងក្រោមដីទី២ ដែលមានបញ្ហានៅទីក្រុងហូជីមិញនោះបានបន្តមានបញ្ហាដោយចំណាយលើសថវិកា និងការពន្យារពេល ហើយពេលនេះអាជ្ញាធរបានស្នើសុំប្រាក់ ៨០០លានដុល្លារ បន្ថែមទៀតពីរដ្ឋាភិបាលដើម្បីបញ្ចប់គម្រោង។ ការងារលើផ្លូវក្រោមដីប្រវែង ១១គីឡូម៉ែត្រ នេះបានចាប់ផ្តើមនៅឆ្នាំ ២០១០ ហើយគ្រោងនឹងបញ្ចប់នៅឆ្នាំ ២០២០ ដោយចំណាយអស់ប្រមាណ ១,២ប៊ីលានដុល្លារ។ ប៉ុន្តែការពន្យារពេល និងបញ្ហាថវិកាពាក់ព័ន្ធនឹងបញ្ហាទូទាត់ និងផលប្រយោជន៍ជាបន្តបន្ទាប់នាពេលនេះមានន័យថាគម្រោងនេះទំនងជានឹងមិនអាចបញ្ចប់រួចរាល់ទេរហូតដល់ឆ្នាំ ២០២៤ ហើយនឹងចំណាយថវិកា ២,៤ប៊ីលានដុល្លារ។ បញ្ហានេះកើតឡើងបន្ទាប់ពីមានបញ្ហាលើផ្លូវហាយវេក្នុងទីក្រុងហាណូយដែលផ្តល់មូលនិធិដោយប្រទេសចិន ហើយអ្នកជំនាញអន្តរជាតិជាច្រើនបានទម្លាក់កំហុសលើកង្វះបទពិសោធន៍របស់ប្រទេសវៀតណាមក្នុងការសាងសង់គម្រោងហេដ្ឋារចនាសម្ព័ន្ធធំៗ ចំពោះការពន្យារពេល និងកំណើនថ្លៃចំណាយនេះ។
អានបន្ថែម
កំណាត់ផ្លូវជាតិលេខ៣ ឆ្ពោះទៅខេត្តកំពតនឹងបើកការដ្ឋានពង្រីក នៅខែមេសា
ប្រភព: ក្រសួងសាធារណការ និងដឹកជញ្ជូន គម្រោងពង្រីកផ្លូវជាតិលេខ៣ ក្រោមប្រាក់កម្ចីសម្បទាន ២១៥ លានដុល្លារពីប្រទេសចិននឹងចាប់ផ្តើមការសាងសង់នៅខែមេសានេះដើម្បីសម្រួលដល់ការតភ្ជាប់រវាងប្រទេសទាំងមូលទៅខេត្តកំពត។ គម្រោងនេះត្រូវបានបែងចែកជាពីរកំណាត់ គឺកំណាត់ផ្លូវចោមចៅ-បែកគូស និង កំណាត់ផ្លូវបែកគូស-កំពត ដែលផ្លូវចោមចៅ-បែកគូសនឹងសាងសង់ជាផ្លូវបួនគន្លង (២ទៅ ២មក) ដោយមានទទឹងសរុប ២៤,៥ ម៉ែត្រ។ ចំណែកឯកំណាត់ផ្លូវពីបែកគូស-កំពតនឹងពង្រីកជាផ្លូវទទឹង ១២ ម៉ែត្រ ប៉ុន្តែមានពីរគន្លងដដែល។ ការពង្រីកនេះចាត់ទុកថាជាការពង្រីកមួយដ៏ធំ ព្រោះថាផ្លូវជាតិលេខ៣ បច្ចុប្បន្នមានទំហំត្រឹមតែពី ៩ ទៅ ១១ ម៉ែត្រ តែប៉ុណ្ណោះ។ គម្រោងទាំងមូលរំពឹងថានឹងបញ្ចប់ក្នុងឆ្នាំ២០២១ ដោយប្រើរយៈពេលសាងសង់ចំនួន ៤០ ខែ ។ សម្ដេចនាយករដ្ឋមន្រ្តី ហ៊ុន សែន បានមានប្រសាសន៍ក្នុងពិធីបើកសម្ពោធរោងចក្រស៊ីម៉ង់តិ៍ជីបម៉ុងក្នុងខេត្តកំពតកាលពីថ្ងៃទី ៨ ខែកុម្ភៈកន្លងមកនេះ ថា ៖ “ខេត្តកំពតគឺជាតំបន់ផ្គត់ផ្គង់អំបិលដ៏សំខាន់សម្រាប់ប្រទេសកម្ពុជាទាំងមូល។ កំពតក៏ជាខេត្តដែលសម្បូរថ្មសម្រាប់ធ្វើជាស៊ីម៉ង់តិ៍ ដូច្នេះការលើកកម្រិតផ្លូវជាតិលេខ៣ដែលតភ្ជាប់ពីភ្នំពេញទៅកំពតគឺជាកិច្ចការមួយដ៏ចាំបាច់”។ សម្ដេច ហ៊ុន សែន បានបន្ថែមទៀតថា៖ “បន្ទាប់ពីការពង្រីកផ្លូវជាតិលេខ៣នេះ ប្រព័ន្ធដឹកជញ្ជូនទំនិញរវាងខេត្តកំពត និងខេត្តផ្សេងៗនឹងមានការរីកចំរើនយ៉ាងខ្លាំង ដែលជាផលល្អសម្រាប់សេដ្ឋកិច្ចកម្ពុជាទាំងមូល” ។
អានបន្ថែម
ស្ពានអាកាសថ្មើរជើងនាងគង្ហីងគ្រោងនឹងបញ្ចប់ក្នុងខែមេសានេះ
យោងតាមប្រកាសរបស់សាលារាជធានីភ្នំពេញ ស្ពានអាកាសថ្មើរជើងនៅរង្វង់មូលនាងគង្ហីងដែលភ្ជាប់ទៅកាន់ Olympia City បច្ចុប្បន្នសម្រេចលទ្ឋផលបាន ៥០ ភាគរយហើយៗរំពឹងថានឹងបញ្ចប់នៅក្នុងខែមេសានេះ។ បច្ចុប្បន្ន សសរស្ពានចំនួន ៦កន្លែងនៅជុំវិញរង្វង់មូល បានចាក់បេតុងរួចរាល់។ ជាបន្ត ការដ្ឋានកំពុងស្ថាបនាគ្រឿងបង្គុំសំណង់ផ្នែកខាងលើ និងគ្រឿងបង្គុំសំណង់ជណ្តើរយន្ត ដោយស្ពានថ្មីនេះនឹងត្រូវបានបំពាក់ដោយជណ្តើរយន្តដ៏ទំនើប។ គម្រោងនេះសាងសង់ក្រោមកិច្ចសហប្រតិបត្តិការរវាងសាលារាជធានីភ្នំពេញនិងក្រុមហ៊ុនវិនិយោគទុនអាណិកជនកម្ពុជា (OCIC) ចំណាយថវិកាប្រមាណ ៣លានដុល្លារអាមេរិក។ ក្រោយសាងសង់ស្ពានអាកាសថ្មើរជើងនេះ នឹងជួយកាត់បន្ថយការកកស្ទះចរាចរក៏ដូចជាបង្កើនសុវត្ថិភាពដល់អ្នកថ្មើរជើងផងដែរ។ ស្ពានអាកាសថ្មើរជើងនេះក៏ជាផ្នែកមួយនៃ Olympia City ដែលជាគម្រោង ដ៏ធំសម្បើមមួយកណ្ដាលក្រុង។
អានបន្ថែម
អត្ថប្រយោជន៍នៃការប្រើប្រាស់កិច្ចសន្យា FIDIC សម្រាប់គម្រោងសាងសង់ដែលស្មុគស្មាញក្នុងប
លោក អ៊ឹង សុភាលក្ខណ៍ និងលោក Charles AMAR មេធាវីនៅ Bun & Associates បានផ្តល់ប្រឹក្សាដល់អតិថិជនក្នុងស្រុក និងអតិថិជនបរទេសដែលស្វែងរកដំបូន្មានពីអ្នកជំនាញ និងដំណោះស្រាយប្រកបដោយនវានុវត្តន៍ចំពោះប្រតិបត្តិការសំខាន់ និងស្មុគស្មាញទាក់ទងនឹងអចលនទ្រព្យមិនទាន់អភិវឌ្ឍន៍ និងអចលនទ្រព្យអភិវឌ្ឍន៍ហើយ។ ការងាររបស់អ្នកទាំងពីរួមមានការផ្តល់យោបល់លើបញ្ហាទាំងអស់ដែលទាក់ទងទៅនឹងការវិនិយោគអចលនទ្រព្យ ការអភិវឌ្ឍគម្រោង ការសាងសង់ និងការគ្រប់គ្រងអចលនទ្រព្យ។ ក្រុមការងារអចលនទ្រព្យរបស់យើងក៏មានជំនាញ និងបទពិសោធន៍ក្នុងការផ្តល់ប្រឹក្សាដល់អតិថិជនទាក់ទងនឹងដីសម្បទានសេដ្ឋកិច្ច តំបន់សេដ្ឋកិច្ចពិសេស កសិកម្ម បរិស្ថាន និងរ៉ែផងដែរ។ ថ្មីៗនេះយើងបានចូលរួមក្នុងការធ្វើសេចក្តីព្រាង និងចរចារកិច្ចព្រមព្រៀង FIDIC សម្រាប់ការអភិវឌ្ឍន៍អចលនទ្រព្យដ៏ធំមួយ។ ក្នុងរយៈពេលប្រាំឆ្នាំចុងក្រោយនេះមានការរីកចម្រើនគួរឲ្យកត់សម្គាល់នៅក្នុងវិស័យអចលនទ្រព្យ និងសំណង់នៅក្នុងប្រទេសកម្ពុជា ដោយមានការអភិវឌ្ឍអគារខ្ពស់ៗ និងបណ្តុំអចលនទ្រព្យចំរុះ រួមមាន ខុនដូ ការិយាល័យ សណ្ឋាគារ និងមជ្ឈមណ្ឌលពាណិជ្ជកម្ម។ យោងតាមក្រសួងរៀបចំដែនដី នគរូបនីយកម្ម និងសំណង់ ឆ្នាំនេះគឺមិនខុសគ្នានោះទេដោយចាប់ពីថ្ងៃទី០១ ខែមករា ដល់ថ្ងៃទី៣០ ខែមិថុនា ឆ្នាំ២០១៧ មានគម្រោងចំនួន ១.៥២៣ ត្រូវបានអនុម័តជាមួយនិងទឹកប្រាក់វិនិយោគសរុបចំនួន ៤,៩៤ ប៊ីលានដុល្លារអាមេរិក (កើនឡើងពី ១.១៨៣គម្រោងក្នុងទំហំទឹកប្រាក់សរុបចំនួន ៣,៨៧ប៊ីលានដុល្លារអាមេរិក សម្រាប់អំឡុងពេលដូចគ្នាកាលពីឆ្នាំមុន)។ […]
អានបន្ថែម
អគារភ្លោះកណ្ដាលក្រុងកម្ពស់ ៦២ ជាន់រំពឹងនឹងចាប់ផ្តើមសាងសង់ក្រោយបុណ្យចូលឆ្នាំខ្�
យោងតាមអ្នកតំណាងលក់បានឲ្យដឹងថាគម្រោង Royal One របស់ក្រុមហ៊ុន The Royal Group ដែលមានកម្ពស់ ៦២ ជាន់រំពឹងនឹងចាប់ផ្តើមសាងសង់នៅខែមេសា។ យោងតាមប្រភពដដែល ទីតាំងដែលនឹងត្រូវសាងសង់បច្ចុប្បន្ន កំពុងស្ថិតនៅក្រោមការប្រើប្រាស់យានដ្ឋានលក់ឡាន ដោយកិច្ចសន្យានឹងបញ្ចប់នៅខែមេសាឆ្នាំនេះ។ បន្ទាប់ពីកិច្ចសន្យាត្រូវបានបញ្ចប់ ការសាងសង់នឹងចាប់ផ្តើម។ មានទីតាំងនៅលើមហាវិថីមុន្នីវង្សនៅជិតផ្សារធំថ្មី និងអគារកាណាឌីយ៉ា អគារភ្លោះនឹងមានកម្ពស់ ២៣០ ម៉ែត្រហើយសាងសង់លើផ្ទៃដីជាង ៤០០០ ម៉ែត្រការ៉េ។ អគារភ្លោះនឹងសាងសង់ជាខុនដូមួយអគារ និងការិយាល័យមួយអគារ។ អគារទាំងពីរនេះនឹងមានចំណតរថយន្តក្រោមដីជាច្រើនជាន់ និងមានផ្សារទំនើបនៅជាន់ទី ២ និងទី ៣ ដែលចំណុចពិសេសនៃគម្រោងដ៏ធំនេះ។ អគារភ្លោះសាងសង់ក្នុងគោលបំណងដើម្បីលក់មិនមែនសម្រាប់ជួលទេ ដែលខុសពីអគារពាណិជ្ជកម្មដទៃទៀតនៅជិតដូចជាអាគារកាណាឌីយ៉ានិងអគារវឌ្ឍនៈនោះទេ។ ដោយមានកិច្ចសហការជាមួយក្រុមហ៊ុនតៃវ៉ាន់មកដល់បច្ចុប្បន្នគម្រោងនេះត្រូវបានលក់ចេញប្រហែល ២០ ភាគរយទៅហើយ។ ដោយឡែកការិយាល័យបញ្ជរ (Showroom) នឹងសាងសង់ហើយនៅចុងខែនេះ។ រីឯគម្រោងទាំងមូលរំពឹងថានឹងបញ្ចប់នៅចុងឆ្នាំ ២០២១ ឬដើមឆ្នាំ ២០២២ ។
អានបន្ថែម
ស្ពានឆ្លងទន្លេមេគង្គស្ទឹងត្រង់-ក្រូចឆ្មារតម្លៃជិត ៥៧លានដុល្លារ បើកការដ្ឋានសាងស�
នៅព្រឹកថ្ងៃទី៨ ខែកុម្ភៈ ឆ្នាំ២០១៨នេះ សម្តេចនាយករដ្ឋមន្ត្រី ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់ក្នុងការបើកការដ្ឋានសាងសង់ស្ពានឆ្លងកាត់ទន្លេមេគង្គថ្មីមួយទៀតតភ្ជាប់ទឹកដីនៃខេត្តកំពង់ចាម ទៅកាន់ទឹកដីនៃខេត្តត្បូងឃ្មុំ។ គម្រោងសាងសង់ស្ពាននេះ គ្រោងចំណាយថវិកាសរុបជិត ៥៧លានដុល្លារអាមេរិក ដែលជាហិរញ្ញប្បទានសម្បទានពីរដ្ឋាភិបាលចិន រួមជាមួយថវិកាបដិភាគ របស់រាជរដ្ឋាភិបាលកម្ពុជា សម្រាប់ដោះស្រាយផលប៉ះពាល់ និងបោសសំអាតយុទ្ធភ័ណ្ឌមិនទាន់ផ្ទុះ។ ស្ពាននេះមានប្រវែងសរុប ១.១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងអារម៉េ។ គម្រោងសាងសង់ស្ពាននេះនឹងចាប់ផ្តើមពីត្រើយខាងលិចស្ថិតនៅត្រង់ចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ឆ្លងកាត់ទន្លេមេគង្គ ទៅត្រើយខាងកើត ស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ។ ស្ពានដែលមានទទឹង ១៣,៥០ម៉ែត្រនេះ នឹងមានផ្លូវរថយន្តចំនួន២គន្លង ផ្លូវម៉ូតូចំនួន២គន្លង ផ្លូវថ្មើរជើងចំនួន២ ។ ក្រៅពីការសាងសង់ស្ពាន ក៏មានការសាងសង់កំណាត់ផ្លូវតភ្ជាប់សងខាងស្ពានដែលមានប្រវែង ៨.៣២៣ម៉ែត្រ។ គម្រោងទាំងមូលនឹងប្រើរយៈពេលសាងសង់ ចំនួន ៤២ខែ ចាប់ពីខែកុម្ភៈ ឆ្នាំ២០១៨នេះ ហើយគ្រោងបញ្ចប់នានៅដើមឆ្នាំ២០២១។ ស្ពានឆ្លងទន្លេមេគង្គស្ទឹងត្រង់-ក្រូចឆ្មារនេះ គឺស្ពានទី៨ហើយ ដែលសាងសង់ក្រោមហិរញ្ញប្បទានសម្បទានពីរដ្ឋាភិបាលចិន ហើយនេះក៏ជាគម្រោងមួយក្នុងចំណោមគម្រោងធំៗ ចំនួន ១៥ ដែលក្រសួងសាធារណៈការនិងដឹកជញ្ជូនបានប្រកាសកាលពីដើមឆ្នាំនេះ។
អានបន្ថែម
កម្ពុជាកំពុងពិភាក្សាជាមួយវៀតណាមលើគម្រោងផ្លូវដែកភ្នំពេញ-ហូជីមិញ
រដ្ឋាភិបាលកម្ពុជាបានស្នើគម្រោងផ្លូវដែកភ្នំពេញ-ហូជីមិញទៅប្រទេសវៀតណាមដើម្បីពិចារណាក្នុងគោលបំណងបង្កើនការតភ្ជាប់រវាងប្រទេសទាំងពីរ។ សំណើនេះត្រូវបានធ្វើឡើងនៅក្នុងកិច្ចប្រជុំផ្លូវការរវាងឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្រ្តីក្រសួងសាធារណការ និងដឹកជញ្ជូន និងឯកឧត្តម Nguyen Nhat អនុរដ្ឋមន្រ្តីក្រសួងដឹកជញ្ជូន នៃសាធារណរដ្ឋសង្គមនិយមវៀតណាម កាលពីដើមសប្តាហ៍កន្លងទៅនេះ ដើម្បីពិភាក្សាអំពីកិច្ចសហប្រតិបត្តិការជាយុទ្ធសាស្ត្រនៅក្នុងវិស័យដឹកជញ្ជូន។ ផ្លូវដែកនឹងភ្ជាប់ទីក្រុងភ្នំពេញទៅបាវិតនិងទៅកាន់ទីក្រុងហូជីមិញ។ នៅដំណាក់កាលនេះគម្រោងនេះនៅតែជាផែនការអភិវឌ្ឍន៍ដែលបានស្នើសុំ ហើយនឹងត្រូវសិក្សាបន្ថែមទៀតអំពីរបៀបទាក់ទាញវិនិយោគិនមកវិនិយោគបន្ថែមទៀតនៅក្នុងគម្រោងនេះ។ យោងតាមអ្នកនាំពាក្យរបស់ក្រសួងសាធារណការ និងដឹកជញ្ជូន លោក វ៉ា ស៊ឹមសុរិយា គម្រោងនេះគឺជាផ្នែកមួយនៃអនុស្សរណៈយោគយល់ស្តីពី៖ “យុទ្ធសាស្រ្តកិច្ចសហប្រតិបត្តិការក្នុងវិស័យដឹកជញ្ជូន (២០១៨-២០២៥)” ដែលត្រូវបានបញ្ចប់ ហើយនឹងត្រូវចុះហត្ថលេខាដោយថ្នាក់ដឹកនាំនៃក្រសួងទាំងពីរ។ លើសពីនេះទៀត ផ្លូវល្បឿនលឿន (Express Way) ពីរាជធានីភ្នំពេញ-អ្នកលឿង-បាវិត ក៏កំពុងស្ថិតនៅក្រោមការសិក្សាផងដែរ ដែលក្នុងនោះនឹងមានការចូលរួមពីទីភ្នាក់ងារសហប្រតិបត្តិការអន្តរជាតិជប៉ុនហៅកាត់ថា JICA ។
អានបន្ថែម
រោងចក្រស៊ីម៉ងត៍ទំនើបជាងគេមួយក្នុងតំបន់បើកដំណើរការថ្ងៃនេះនៅខេត្តកំពត
នៅព្រឹកថ្ងៃទី៨ ខែកុម្ភៈ ឆ្នាំ២០១៨នេះ សម្តេចនាយករដ្ឋមន្ត្រី ហ៊ុន សែនបានអញ្ជើញជាអធិបតីភាពដ៏ខ្ពង់ខ្ពស់ក្នុងការសម្ពោធដាក់ឲ្យប្រើប្រាស់រោងចក្រផលិតស៊ីម៉ង់ត៍របស់ក្រុមហ៊ុន ជីបម៉ុង អ៊ីនស៊ី ស៊ីមេន ខបភើរេសិន (Chip Mong Insee-CMIC) ដែលមានទីតាំងនៅតាមបណ្តោយផ្លូវជាតិលេខ៣១ ក្នុងភូមិព្រៃតាព្រិត ឃុំស្តេចគង់ខាងលិច ស្រុកបន្ទាយមាស ខេត្តកំពត ចម្ងាយប្រមាណ ១២៥គីឡូម៉ែត្រពីទីក្រុងភ្នំពេញ។ រោងចក្រផលិតស៊ីម៉ង់ត៍ដ៏ធំមួយនេះ បានវិនិយោគក្នុងទឹកប្រាក់ប្រមាណ ២៦២លានដុល្លារអាមេរិក ដែលជាការវិនិយោគរួមគ្នារវាងក្រុមហ៊ុន ជីបម៉ុងគ្រុប របស់ប្រទេសកម្ពុជា និងក្រុមហ៊ុនស៉្យាមស៊ីធីស៊ីមេន របស់ប្រទេសថៃ ។ រោងចក្រនេះ មានសមត្ថភាពផលិតស៊ីម៉ងត៍បាន ៥,០០០តោនក្នុងមួយថ្ងៃ ឬ ១.៧លានតោនក្នុងមួយឆ្នាំ ។ មិនតែប៉ុណ្ណោះ រោងចក្រវិនិយោគរួមគ្នារវាងក្រុមហ៊ុនកម្ពុជា-ថៃមួយនេះ ជារោងចក្រទំនើបមួយនៅក្នុងតំបន់អាស៊ានដែលនាំមកនូវបច្ចេកវិទ្យាចុងក្រោយ ពីប្រទេសចិនស៊ុយអែត អាឡឺម៉ង់ និងប្រទេសអ៊ីតាលី ដោយអាចនឹងជួយកាត់បន្ថយបរិមាណឧស្ម័នកាបូនឌីអុកស៊ីតទៅឱ្យបរិស្ថាន។ នាយករដ្ឋមន្ត្រី ហ៊ុន សែន បានមានប្រសាសន៍បញ្ចាក់ថា ស៊ីម៉ង់ត៍ គឺជាតម្រូវការដ៏ចាំបាច់នៅលើពិភពលោក ពីព្រោះបច្ចុប្បន្ននេះ គ្រប់សំណង់ទាំងអស់សុទ្ធតែត្រូវ ការប្រើប្រាស់ស៊ីម៉ង់ត៍ ដូចជាអគារបុរីលំនៅដ្ឋាន សាលារៀន វត្តអារាម និងផ្លូវបេតុងជាដើម។ […]
អានបន្ថែម
កម្ពុជាគ្រោងស្នើរសុំកម្ចី 110 លានដុល្លារពីWBដើម្បីលើកកម្ពស់ផ្លូវជាតិលេខ 4
ក្រសួងសាធារណការនិងដឹកជញ្ជូនកំពុងរៀបចំដាក់ពាក្យស្នើសុំប្រាក់កម្ចីពីធនាគារពិភព(World Bank) លោកចំនួន 110 លានដុល្លារដើម្បីកែលម្អផ្លូវជាតិលេខ 4 ។
អានបន្ថែម
គម្រោងស្ថាបនាផ្លូវជាតិពីរខ្សែក្នុងថវិការជាង៦០ លានដុល្លារ នឹងចាប់ផ្តើមនៅខែមេសា
នៅថ្ងៃទី ០៥ ខែកុម្ភៈ ឆ្នាំ ២០១៨ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួងសាធារណការនិងដឹកជញ្ជូនបានចុះហត្ថលេខាលើកិច្ចសន្យាជាមួយក្រុមហ៊ុនចិន Sichuan Road and Bridge (Group) Corporation Ltd ដើម្បីលើកកម្រិតនិងថែទាំផ្លូវជាតិលេខ 3 និង 7 ក្នុងទំហំទឹកប្រាក់ ១៦,៩ លានដុល្លារអាមេរិក ក្រោមគម្រោងគ្រប់គ្រង់សម្បត្តិផ្លូវថ្នល់2 ដែលគេហៅថា Road Asset Management Project II (RAMP II). ។ ក្រោមប្រាក់កម្ចីសម្បទានពីធនាគារពិភពលោក (Word Bank) RAMP II មានទឹកប្រាក់សរុប 60 លានដុល្លារអាមេរិក ហើយគម្រោងទាំងមូលនឹងលើកកម្រិត និងថែទាំផ្លូវជាតិចំនួន 218 គីឡូម៉ែត្រលើកំណាត់ផ្លូវជាតិលេខ 3 និង 7។ RAMP II មានកញ្ចប់ចំនួន 4 ដែលនឹងលើកកម្រិតផ្លូវ […]
អានបន្ថែម
៥ ទៅ១០ ឆ្នាំទៀត សក្តានុពលអចលទ្រព្យភ្នំពេញនឹងបែរទៅទិសខាងកើត
សក្តានុពលនៃទីផ្សារអចលនទ្រព្យនៅរាជធានីភ្នំពេញត្រូវបានគេរំពឹងថានឹងមានការពង្រីកទៅភាគខាងកើតនៃរាជធានីក្នុងរយៈពេល 5 ទៅ 10 ឆ្នាំខាងមុខនេះ បើតាមការលើកឡើងរបស់អ្នកជំនាញវាយតម្លៃអចលនទ្រព្យ។
អានបន្ថែម