កំណត់ហេតុព័ត៌មានរបស់ក្រសួងរៀបចំដែនដី នគរូបនីយកម្ម និងសំណង់ោ៖ ខែកក្កដា-សីហា ២០១៧
គ្រួសារជនជាតិដើមភាគតិចចំនួន ២២២គ្រួសារ ទទួលបានកម្មសិទ្ធិដីធ្លី (០៣ កក្កដា) គ្រួសារជនជាតិគ្រឹងប្រមាណ ២២២ គ្រួសារ មកពីសហគមន៍ចំនួន ៤ ដែលរស់នៅក្នុងស្រុកអូរជុំ ខេត្តរតនគិរី ទទួលបានប័ណ្ណកម្មសិទិ្ធដីធ្លីសរុបចំនួន ៣៩ ដែលមានទំហំដីជាង ៣,៣ ហិកតា។ រហូតមកដល់ពេលនេះ ក្រសួងរៀបចំដែនដី នគរូបនីយកម្ម និងសំណង់ កំពុងធ្វើការចុះបញ្ជីកម្មសិទ្ធដីធ្លីសម្រាប់គ្រួសារជនជាតិភាគតិចនៅក្នុងខេត្តចំនួនបួន រួមមាន ខេត្តមណ្ឌលគិរី រតនគិរី ក្រចេះ និងស្ទឹងត្រែង។ ក្រសួងបានទទួលពាក្យស្នើសុំប័ណ្ណកម្មសិទិ្ធចំនួន ៥០ និងបានបញ្ជាក់ប័ណ្ណកម្មសិទ្ធិដីធ្លីដល់សហគមន៍ចំនួន១៨។ ការវិនិយោគលើវិស័យសំណង់កើនឡើងក្នុងឆមាសទី ១ ឆ្នាំ ២០១៧ (១៤ កក្កដា) ក្រសួងរៀបចំដែនដី នគរូបនីយកម្ម និងសំណង់ បានបង្ហាញថា ការវិនិយោគលើវិស័យសំណង់នៅទូទាំងប្រទេសបានកើនឡើង ២៧,៤៤ ភាគរយ ក្នុងរយៈពេល ៦ខែដំបូងនៃឆ្នាំនេះ ប្រៀបធៀបទៅនឹងរយៈពេលដូចគ្នាកាលពីឆ្នាំមុន។ ក្នុងអំឡុងពេលខែមករា ដល់ខែមិថុនាឆ្នាំ២០១៧ ក្រសួងបានអនុម័តគម្រោងចំនួន ១.៥២៣ ដែលគ្របដណ្ដប់លើផ្ទៃដីប្រមាណ ៧,២ លានម៉ែត្រការ៉េ និងមានតម្លៃប្រមាណជិត […]
អានបន្ថែម
ការទទួលយកអនាគតឌីជីថល ៖ ការសិក្សាស្វែងយល់ពីសក្តានុពលនៃវិស័យសំណង់
ឧស្សាហកម្មសំណង់បានឈានដល់របត់មួយដែលគួរឲ្យចាប់អារម្មណ៍ ដោយបន្សល់ទុកចន្លោះសម្រាប់ការផ្លាស់ប្តូរដ៏ធំធេង ដែលអាចធ្វើឲ្យប្រសើរឡើងនូវស្ថានភាពប្រតិបត្តិ ការដ្ឋានដូចដែលយើងដឹង។ ការផ្លាស់ប្តូរដែលខ្ញុំកំពុងនិយាយនេះគឺជាការផ្លាស់ប្តូរបច្ចេកវិទ្យានៅក្នុងដំណើរការសាងសង់ ដែលនឹងជួយសន្សំសំចៃពេលវេលា និងបង្កើនផលិតភាព។ ខណៈពេលដែលឧស្សាហកម្មដទៃទៀតបានកំពុងតែធ្វើឲ្យមានលក្ខណៈឌីជីថលជាច្រើនទសវត្សមកហើយនោះ ឧស្សាហកម្មសំណង់ហាក់ដូចជាយឺតយ៉ាវក្នុងកិច្ចការនេះ មួយផ្នែកដោយសារតែលក្ខណៈពិសេសនៃវិស័យនេះ។ ការសាងសង់ គឺជាវិស័យដែលមានមូលដ្ឋានលើគម្រោង និងមានបែងចែកជាផ្នែក។ នេះមានន័យថាការអនុម័តស្តង់ដារនិងវិធីសាស្រ្តថ្មីៗ ទទួលនូវបញ្ហាប្រឈមជានិច្ច ដោយសារតែបញ្ហាគម្រោងរយៈពេលខ្លី និងការលំបាកក្នុងការកំណត់ស្តង់ដារឧស្សាហកម្មទាំងមូល។ ដោយសារហេតុផលទាំងនេះ ឧស្សាហកម្មនេះមិនទាន់មានការកើនឡើងខ្លាំងផ្នែកផលិតភាពក្នុងកំឡុងពេលប៉ុន្មានឆ្នាំចុងក្រោយនេះ ហើយវានៅតែជាឧស្សាហកម្មមួយដែលមានលក្ខណៈឌីជីថលតិចតួចបំផុត។ ទោះជាយ៉ាងណាក៏ដោយក្រុមហ៊ុនបច្ចេកវិទ្យាកាន់តែច្រើនឡើងៗ កំពុងទទួលស្គាល់កំណើនតម្រូវការឌីជីថលនៅក្នុងឧស្សាហកម្មសំណង់។ នៅក្នុងតំបន់ដូចជានៅអាមេរិកខាងជើង និងអឺរ៉ុប យើងមើលឃើញក្រុមហ៊ុនចាប់យកបច្ចេកវិទ្យាបានយឺត ប៉ុន្តែនៅបន្តចាប់យកការប្រើបច្ចេកវិទ្យានៅការដ្ឋានសំណង់អស់ជាច្រើនឆ្នាំមកហើយ។ នៅតំបន់អាស៊ីអាគ្នេយ៍ នៅមានចន្លោះច្រើនសម្រាប់ការធ្វើឲ្យមានលក្ខណៈឌីជីថលដោយសារតែកម្មវិធីថ្មីៗទាំងនេះជាច្រើនមិនទាន់ត្រូវបានអភិវឌ្ឍឬនៅថ្មីសម្រាប់ទីផ្សារនៅឡើយ។ នេះក៏ជាចំណុចគួរឲ្យព្រួយបារម្ភ ពីព្រោះថាតំបន់អាស៊ីអាគ្នេយ៍មានទីកន្លែងដែលមានសំណង់កំពុងរីកលូតលាស់ខ្លាំងបំផុត ហើយត្រូវការការអភិវឌ្ឍបែបនេះច្រើនជាងតំបន់ផ្សេងៗទៀតនៅក្នុងពិភពលោក។ ទោះបីជាមានការធ្វើឲ្យប្រសើរឡើងនូវបច្ចេកវិទ្យានៅទូទាំងឧស្សាហកម្មក៏ដោយ ក៏ដំណោះស្រាយភាគច្រើនមានទំនោរផ្តោតតែទៅលើទិដ្ឋភាពមួយ ឬដំណាក់កាលមួយនៃគម្រោង ជាជាងការចូលទៅដោះស្រាយជារួម។ ការងារដូចជាការពិនិត្យផ្ទៀងផ្ទាត់ប្លង់ឥដ្ឋការ៉ូ គឺមានលក្ខណៈសាមញ្ញនៅពេលវាមានលក្ខណៈឌីជីថល ហើយការប្រើប្រាស់គំរូព័ត៌មានសាងសង់ (BIM) កំពុងក្លាយជាស្តង់ដារថ្មីសម្រាប់ឧស្សាហកម្ម។ ប៉ុន្តែហេតុអ្វីធ្វើឲ្យមានលក្ខណៈឌីជីថលចំពោះតែដំណើរការមួយនៃការដ្ឋាន ចុះដំណាក់កាលដែលនៅសល់ផ្សេងទៀត? ហេតុអ្វីបានជាដំណាក់កាលមុនការសាងសង់ត្រូវបានកែសម្រួល និងមានប្រសិទ្ធភាពច្រើន ចំណែកដំណាក់កាលសាងសង់ ដំណាក់កាលប្រគល់ និងថែទាំ មិនទទួលបានការសម្រួល និងប្រសិទ្ធភាពដូចគ្នា? ការមិនទទួលស្គាល់សក្តានុពលនៃការធ្វើឲ្យប្រសើរឡើងនៅក្នុងផ្នែកទាំងនេះ អាចកម្រិតការទទួលបានផលិតភាព។ យើងមើលឃើញពីដំណោះស្រាយដ៏ទូលំទូលាយមួយ ដែលអាចធ្វើឲ្យមានលក្ខណៈឌីជីថលគ្រប់ទិដ្ឋភាពនៃគម្រោង ទាំងនៅក្នុងការិយាល័យ និងនៅការដ្ឋាន […]
អានបន្ថែម
តើ ក្លឹប Lighthouse គឺជាអ្វី?
Lighthouse Club ត្រូវបានបង្កើតឡើងដើម្បីលើកកម្ពស់មិត្តភាពល្អក្នុងចំណោមសមាជិករបស់ខ្លួន ដែលធ្វើការនៅក្នុង ឬទាក់ទងជាមួយនិងឧស្សាហកម្មសំណង់។ ក្លឹបនេះក៏ផ្តល់ជំនួយសប្បុរសធម៌ដល់អ្នកនៅក្នុងឧស្សាហកម្ម និងអ្នកនៅក្នុងបន្ទុករបស់ពួកគេ នៅពេលមានការស្លាប់ ឬរបួសធ្ងន់ធ្ងរកើតឡើងចំពោះពួកគេ។ ក្លឹបនេះមានដើមកំណើតនៅចក្រភពអង់គ្លេសក្នុងឆ្នាំ 1956 ហើយបច្ចុប្បន្នក្លឹប Lighthouse មានសាខានៅទូទាំងតំបន់អាស៊ីប៉ាស៊ីហ្វិក រួមទាំងទីក្រុងបាងកក គួឡាឡំពួរ និងភ្នំពេញ។ សាខាទាំងនេះអនុញ្ញាតឲ្យសមាជិកក្លឹប Lighthouse ទាំងអស់ជួបជុំគ្នាក្នុងតំបន់របស់ពួកគេ ដើម្បីរៀបចំកម្មវិធីសង្គម សកម្មភាពរៃអង្គាសប្រាក់ និងការចែកចាយមូលនិធិពីក្លិប Lighthouse ដល់អ្នកដែលត្រូវការ។ ហេតុអ្វីគួរក្លាយជាសមាជិកក្លឹប Lighthouse? សមាជិកភាពក្នុងក្លឹប Lighthouse ផ្តល់នូវឱកាសសម្រាប់ក្រុមហ៊ុន និងបុគ្គលឲ្យទទួលបានការការទទួលស្គាល់ថាជាអ្នកគាំទ្របុរេសកម្មចំពោះសុវត្ថិភាពនៅក្នុងឧស្សាហកម្មសំណង់ និងផ្តល់ជំនួយហិរញ្ញវត្ថុដល់អ្នកដែលក្រខ្សត់ ដែលធ្វើការពាក់ព័ន្ធនឹងឧស្សាហកម្មសំណង់ហើយទទួលរងការប៉ះពាល់ដោយផ្ទាល់នូវគ្រោះថ្នាក់ និងជំងឺ។ ក្លឹប Lighthouse បានបង្កើតសកម្មភាពសប្បុរសធម៌ដើម្បីជួយដល់អ្នកដែលត្រូវការជំនួយ ដោយផ្តល់ជំនួយហិរញ្ញវត្ថុដល់គ្រួសារដែលមានគ្រោះថ្នាក់នៅក្នុងឧស្សាហកម្មសំណង់ និងជំនួយដល់ការអប់រំកូនៗរបស់ពួកគេ។ ក្លឹបនេះក៏ជំរុញយ៉ាងសកម្មនូវសុវត្ថិភាពនៅការដ្ឋានសាងសង់តាមរយៈការផ្តល់ជូននូវពានរង្វាន់សុវត្ថិភាពដល់បុគ្គល និងអង្គភាព ដែលបានរួមចំណែកយ៉ាងសំខាន់ក្នុងការធ្វើឲ្យប្រសើរឡើងនូវសុវត្ថិភាពលើគម្រោងសាងសង់របស់ពួកគេ។ សមាជិកភាពក្លឹបក៏ផ្តល់ឱកាសសម្រាប់ការបង្កើតបណ្តាញសង្គម ឬអាជីវកម្ម តាមរយៈការចូលរួមនៅក្នុងមុខងារជាច្រើន មានសិក្ខាសាលា និងវេទិកាដែលត្រូវបានធ្វើឡើងពេញមួយឆ្នាំទាំងក្នុងស្រុក និងក្នុងតំបន់។ ក្លឹប Lighthouse កម្ពុជា ក្លឹបនេះមានការជួបជុំគ្នាម្តងក្នុងមួយខែនៅកន្លែងដែលបានជ្រើសរើសនៅរាជធានីភ្នំពេញ ដែលចំណូលប្រមូលបានពីការចូលរួមនេះ ត្រូវបានប្រើសម្រាប់ផ្តល់អាហារូបករណ៍ដល់និស្សិតកម្ពុជាដែលសិក្សានៅតាមសាកលវិទ្យាល័យបច្ចេកទេសជាច្រើន ដោយរួមគ្នាជាមួយនិងជំនួយពីមូលនិធិ […]
អានបន្ថែម
ប្រទេសថៃ 2200CR ការជួសជុលផ្លូវជាមួយនិងស៊ីម៉ង់ត៍
អស់រយៈពេលជាង ១០ឆ្នាំ មកហើយ ដែលដំណើរការកែច្នៃនៅនឹងកន្លែងជារបៀប Cold In-Place Recycling (CIR) ជាមួយនិងស៊ីម៉ង់តិ៍ ត្រូវបានទទួលស្គាល់យ៉ាងទូលំទូលាយ ក្នុងការជួសជុលផ្លូវនៅក្នុងប្រទេសថៃ ហើយសម្រេចបាននូវកម្រិតជោគជ័យខ្ពស់។ ដំណើរការនេះត្រូវបានបង្កើតឡើងសម្រាប់ការជួសជុលស្តារឡើងវិញនូវផ្លូវក្រាលថ្មដែលមានការខូចខាតខ្លាំង (asphalt និង asphalt / base) ជាមួយនឹងម៉ាស៊ីនកែច្នៃ Wirtgen 2200 CR ដោយប្រើស៊ីម៉ង់តិ៍ជាភ្នាក់ងារតភ្ជាប់រវាងស៊ីម៉ង់តិ៍និងកៅស៊ូថ្នល់។ អត្រាប្រើប្រាស់ស៊ីម៉ង់តិ៍ពិតប្រាកដត្រូវបានសម្រេចដោយប្រើបច្ចេកវិទ្យាចុងក្រោយបំផុតនោះគឺម៉ាស៊ីនលាយ Wirtgen WM 1000 ឬម៉ាស៊ីនបាចស៊ីម៉ង់ត៍ Streumaster។ ការពិនិត្យអង្កេតលើ រូបមន្តលាយ និងការអ៊ុត ត្រូវធ្វើឡើងដោយមន្ទីរពិសោធន៍ក្នុងស្រុក។ ម៉ាស៊ីនលាយ WM 1000 ត្រូវបានតភ្ជាប់ទៅនឹង 2200 CR ក្លាយជាខ្សែរចង្វាក់មេមួយ ហើយត្រូវបានរុញច្រានចេញពី CR។ ម៉ាស៊ីន WM 1000 pre-mixes គឺទាមនូវស៊ីម៉ង់តិ៍ និងទឹក ដើម្បីបង្កើតជាល្បាយមួយ បន្ទាប់មកបាញ់រុញផ្ទាល់ចូលទៅក្នុងម៉ាស៊ីនលាយ 2200CR ដោយប្រើបំពង់បាញ់មួយដែលត្រូវបានភ្ជាប់ទៅនឹងម៉ាស៊ីនលាយនោះ។ បរិមាណជាក់លាក់នៃល្បាយ ត្រូវបានវាស់ស្ទង់ដោយយោងទៅតាមល្បឿនការងារ។ ម៉ាស៊ីនបាចស៊ីម៉ង់តិ៍ […]
អានបន្ថែម
ឥទ្ធិពលនៃការមកដល់របស់ភ្ញៀវទេសចរណ៍នៅលើទីផ្សារសណ្ឋាគារនៅរាជធានីភ្នំពេញ
រាជធានីភ្នំពេញគឺជាកន្លែងដែលពេញនិយមសម្រាប់ការស្នាក់នៅលើសពីមួយយប់របស់ភ្ញៀវទេសចរណ៍អន្ដរជាតិដែលត្រូវឆ្លងកាត់ ដែលចំនួនភ្ញៀវមានការកើនឡើងជារៀងរាល់ឆ្នាំ។ យោងតាមនាយកដ្ឋានស្ថិតិនិងព័ត៌មានទេសចរណ៍របស់ក្រសួងទេសចរណ៍ បានឱ្យដឹងថា ការមកដល់របស់ភ្ញៀវទេសចរណ៍នៅក្នុងប្រទេសកម្ពុជាបានកើនឡើង ៥% ក្នុងឆ្នាំ២០១៦ ធៀបនឹងឆ្នាំ ២០១៥។ ស្ថិតិបង្ហាញថាប្រទេសកម្ពុជាបានស្វាគមន៍អ្នកដំណើរអន្តរជាតិចំនួន ៥.០១១.៧១២ នាក់ ធៀបទៅនឹងឆ្នាំ ២០១៥ ដែលមានចំនួន ៤.៧៧៥.២៣១។ ប្រទេសវៀតណាមបាននាំមុខគេក្នុងចំនួននេះ ដោយក្នុងនោះឆ្នាំ ២០១៦ មានចំនួន ៩៥៩.៦៦៣ ធៀបនឹងឆ្នាំ ២០១៥ ដែលមានចំនួន ៩៨៧.៧៩២។ ទីផ្សារធំៗចំនួនប្រាំផ្សេងទៀត គឺប្រទេសចិន (មានចំនួន ៨៣០.០០៣នាក់ កើនឡើង១៩,៥%) ប្រទេសថៃ (មានចំនួន ៣៩៨.០៨១នាក់ កើនឡើង ១៣,៨%) ប្រទេសឡាវ (មានចំនួន ៣៦៩,៣៣៥ នាក់ ថយចុះ ៨,៩%) និងកូរ៉េខាងត្បូង (ចំនួន ៣៥៧,១៩៤នាក់ ថយចុះ ៩,៦%)។ ក្នុងចំណោមភ្ញៀវទេសចរណ៍អន្ដរជាតិទាំងអស់ដែលមកដល់តាមផ្លូវអាកាស អាកាសយានដ្ឋានភ្នំពេញ ទទួលបានចំនួន ១,១៦៤,២៤០នាក់។ ការកើនឡើងនៃចំនួនមកដល់នៃអ្នកទេសចរណ៍ មានន័យថាក្នុងឆ្នាំ ២០១៦ អត្រាស្នាក់នៅក្នុងសណ្ឋាគារនៅរាជធានីភ្នំពេញបានកើនឡើងដល់ ៧០%។ […]
អានបន្ថែម
បំពង់ទឹកគុណភាពម៉ាក PEX ឥឡូវនេះមាននៅក្នុងប្រទេសកម្ពុជាហើយ
ក្រុមហ៊ុន PEX Pipes ជាក្រុមហ៊ុនដំបូងគេដែលនាំបំពង់ទឹកគុណភាពខ្ពស់ដោយផ្ទាល់ពីប្រទេសបារំាងមកកាន់ប្រទេសកម្ពុជា។ លោក Pak Serge នាយកប្រតិបត្តិក្រុមហ៊ុន PEX Pipes Co., LTD. បានពន្យល់ទស្សនាវដ្តីសំណង់និងអចលនទ្រព្យបន្ថែមអំពីក្រុមហ៊ុនរបស់លោក និងបច្ចេកវិទ្យានៅពីក្រោយក្រុមហ៊ុន។ សូមលោកប្រាប់យើងបន្ថែមអំពីក្រុមហ៊ុនរបស់លោក ក្រុមហ៊ុន PEX Pipes Co., Ltd. គឺជាអ្នកចែកចាយផ្តាច់មុខនូវបំពង់ COMAP សម្រាប់តំបន់អាស៊ាន។ ក្រុមហ៊ុន COMAP គឺជាក្រុមហ៊ុនបារាំងដែលជាកម្មសិទ្ធិរបស់ក្រុមហ៊ុន Aalbert Industries Group ដែលត្រូវបានចុះបញ្ជីនៅផ្សារហ៊ុនទីក្រុង Amsterdam ។ ក្រុមហ៊ុនCOMAP ផលិតបំពង់ទឹក ៦០លានម៉ែត្រ ជារៀងរាល់ឆ្នាំ។ រោងចក្ររបស់ក្រុមហ៊ុន គឺនៅអឺរ៉ុបទាំងអស់និងមានការបញ្ជាក់ ISO 9001។ គោលដៅរបស់ក្រុមហ៊ុនរបស់យើងគឺនាំយកបច្ចេកវិទ្យាបំពង់ទុយោ PEX (polyethylene cross linked) ទៅតំបន់អាស៊ីអាគ្នេយ៍នៅក្នុងបណ្តាប្រទេសដែលនៅប្រើប្រាស់បំពង់ទុយោ PVC ភាគច្រើនសម្រាប់ទឹកស្អាត។ គោលដៅរបស់យើងគឺធ្វើឲ្យបច្ចេកវិទ្យាដែលមានតំលៃសមរម្យនេះកាន់តែមានប្រជាប្រិយភាពថែមទៀតតាមរយៈការការពារបញ្ហាលេចជ្រាបទឹក។ ហេតុអ្វីលោកនាំយកបច្ចេកវិទ្យានេះមកកាន់ប្រទេសកម្ពុជា? ការលេចជ្រាបទឹកគឺជាបញ្ហាពិតប្រាកដមួយនៅក្នុងប្រទេសកម្ពុជា។ ម្ចាស់ផ្ទះល្វែង ផ្ទះ ផ្ទះវីឡាសណ្ឋាគារ និងការិយាល័យទាំងអស់ […]
អានបន្ថែម
កំណត់ហេតុព័ត៌មានប្រចាំថ្ងៃពីសាលារាជធានីភ្នំពេញ ៖ ខែកក្កដា – សីហា ឆ្នាំ២០១៧
បច្ចេកវិទ្យាទំនើបចុងក្រោយនៃម៉ាស៊ីនខួងត្រូវបានណែនាំ (ថ្ងៃទី ០៦ ខែកក្កដា) បច្ចេកវិទ្យាម៉ាស៊ីនខួងទំនើបចុងក្រោយរបស់ប្រទេសជប៉ុន ត្រូវបានផ្សព្វផ្សាយជាលើកដំបូងនៅក្នុងព្រះរាជាណាចក្រកម្ពុជា។ ការមកដល់នៃម៉ាស៊ីនខួងទំនើបនេះ គឺស្របពេលដែលឧស្សាហកម្មសំណង់នៅក្នុងប្រទេសកម្ពុជាមានការរីកចម្រើនយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ។ ម៉ាស៊ីនខួងមានសមត្ថភាពខួងដើម្បីដាក់ខ្សែកាប ខ្សែកាបអុបទិច និងការបង្កប់បំពង់បង្ហូរទឹក ដោយមិនប៉ះពាល់ដល់ផ្ទៃខាងលើ ឬត្រូវចំណាយការជីកដើម្បីបង្កប់បំពង់ ឬរត់ខ្សែកាប-ខ្សែកាបអុបទិចក្រោមដីនោះទេ។ ប្រឡាយជញ្ជាំងបេតុង កំពុងស្ថិតនៅក្នុងដំណើរការពិភាក្សា (១០ កក្កដា) ការអភិវឌ្ឍន៍គម្រោងប្រឡាយជញ្ជាំងបេតុងនៅស្ទឹងមានជ័យ កំពុងត្រូវបានពិភាក្សា ហើយរំពឹងថាវានឹងត្រូវបានសាងសង់ក្នុងពេលឆាប់ៗខាងមុខនេះ។ ប្រឡាយជញ្ជាំងបេតុងនេះមានទីតាំងស្ថិតនៅក្រោមស្ពានអាកាសស្ទឹងមានជ័យ ដែលហូរទៅកាន់ផ្លូវ ៣៧១។ ប្រឡាយនេះដើរតួនាទីយ៉ាងសំខាន់ក្នុងការនាំទឹកពីតំបន់ភាគខាងត្បូងនិងខាងកើតនៃព្រលានយន្តហោះ និងតំបន់អាងទឹកបម្រុងស្ទឹងមានជ័យ ដោយហូរកាត់ប្រឡាយស្ទឹងមានជ័យធំ ទៅកាន់ស្ថានីយបូមទឹកបឹងទំពុន។ ស្ថានីយបូមដែលខូចខាតនឹងត្រូវជួសជុល (១៥ កក្កដា) មិនយូរប៉ុន្មានបន្ទាប់ពីការត្រួតពិនិត្យដោយសាលារាជធានីភ្នំពេញបានឲ្យដឹងថា ស្ថានភាពចាស់ទ្រុឌទ្រោមនៃស្ថានីយបូមទឹកបុរី១០០ខ្នង ធ្វើឱ្យការបូមទឹកមានលក្ខណៈយឺត។ ស្ថានីយនេះត្រូវការការជួសជុលជាបន្ទាន់ដើម្បីដោះស្រាយបញ្ហាទឹកជំនន់ដែលកើតឡើងនៅភាគខាងជើងមហាវិថីរុស្ស៊ី និងជាពិសេសនៅតាមបណ្តោយផ្លូវដែកក្នុងខណ្ឌសែនសុខ។ ការងារជួសជុលនេះនឹងចំណាយពេល៤ខែ ហើយម៉ាស៊ីនរបស់ស្ថានីយបូមទឹកនៅទួលគោកមួយ នឹងដំណើរការបូមទឹកក្នុងអំឡុងពេលជួសជុលនេះ។ ស្ថានីយរថយន្តក្រុងសាធារណៈថ្មីត្រូវបានប្រកាស (១៨ កក្កដា) សាលារាជធានីភ្នំពេញ បានកំណត់គោលដៅតំបន់ជាយក្រុង សង្កាត់ក្រាំងថ្នុង ខណ្ឌសែនសុខ រាជធានីភ្នំពេញ ជាទីតាំងសាងសង់ចំណតរថយន្តក្រុងដែលមានផ្ទៃដីទំហំ ៤ហិកតា ជាមួយនិងសមត្ថភាពផ្ទុករថយន្តក្រុងបានជាងមួយរយគ្រឿង។ ចំណតនេះគឺគ្រោងសម្រាប់ចតរថយន្តក្រុងចំនួន ១៤០គ្រឿងដែលផ្តល់ដោយរដ្ឋាភិបាលជប៉ុននៅពេលខាងមុខ។ រថយន្ដជំនួយនេះនឹងត្រូវបានផលិតនៅខែកញ្ញា ហើយរំពឹងថានឹងមកដល់ប្រទេសកម្ពុជានៅខែមិថុនា ឆ្នាំ២០១៨។ […]
អានបន្ថែម
Bentley ប្រកាសអ្នកចូលរួមប្រកួតផ្តាច់ព្រ័តក្នុងកម្មវិធីពានរង្វាន់ ២០១៧ Be Inspired Awards
អ្នកឈ្នះនឹងត្រូវបានជ្រើសរើសនិងប្រកាសនៅសន្និសីទ The Year in Infrastructure 2017 Conference ចាប់ពីថ្ងៃទី ១០ ដល់ថ្ងៃទី ១២ ខែតុលា នៅប្រទេសសិង្ហបុរី។ ក្រុមហ៊ុន Bentley Systems Incorporated ដែលជាក្រុមហ៊ុនឈានមុខគេជាសកលក្នុងការផ្តល់ជូននូវដំណោះស្រាយ Software យ៉ាងទូលំទូលាយសម្រាប់ការអភិវឌ្ឍហេដ្ឋារចនាសម្ព័ន្ធ នៅថ្ងៃនេះបានប្រកាសអ្នកចូលរួមប្រកួតផ្តាច់ព្រ័ត្រនៅក្នុងកម្មវិធីពានរង្វាន់ 2017 Be Inspired Awards។ ពានរង្វាន់សម្រាប់ការងារជាពិសេសប្រចាំឆ្នាំត្រូវបានផ្តល់ដល់អ្នកប្រើប្រាស់ប្រព័ន្ធប្រតិបត្តិការឈានមុខ សម្រាប់គម្រោងហេដ្ឋារចនាសម្ព័ន្ធ គម្រោងសាងសង់ និងគម្រោងប្រតិបត្តិការនៅទូទាំងពិភពលោក របស់ Bentley។ គណៈក្រុមប្រឹក្សាឯករាជ្យចំនួនដប់រូបដែលមានអ្នកជំនាញផ្នែកឧស្សាហកម្ម បានជ្រើសរើសអ្នកចូលរួមប្រកួតចុងក្រោយចំនួន ៥១ រូប ពីបេក្ខភាពជាង ៤០០នាក់ ដែលបញ្ជូនមកពីស្ថាប័ននៅក្នុងប្រទេសជាង ៥០។ អ្នកចូលរួមវគ្គផ្តាច់ព្រ័ត្រនឹងបង្ហាញគម្រោងថ្មីៗរបស់ពួកគេ ដល់អ្នកចូលរួមក្នុងក្រុម ក្រុមប្រឹក្សា អ្នកដឹកនាំក្នុងគំនិតឧស្សាហកម្ម និងសមាជិក ១២០ក្រុម នៃប្រព័ន្ធផ្សព្វផ្សាយ ដែលជាផ្នែកមួយនៃវេទិការហេដ្ឋារចនាសម្ព័ន្ធនៅសន្និសីទ The Year in Infrastructure 2017 Conference នៅថ្ងៃទី ១០ […]
អានបន្ថែម
ក្រុមហ៊ុនបីរួមគ្នាវិនិយោគទំនប់វារីអគ្គិសនីសេសានក្រោម២ តម្លៃជាង ៧០០លានដុល្លារ
ខេត្តស្ទឹងត្រែង៖ ទំនប់វារីអគ្គិសនីសេសានក្រោម២ ស្ថិតនៅក្នុងឃុំភ្លុក ស្រុកសេសាន ខេត្តស្ទឹងត្រែង ជាទំនប់វារីអគ្គីសនីដែលធំជាងគេមួយនៅក្នុងប្រទេសកម្ពុជា បានបិទទ្វារទឹកកាលពីថ្ងៃទី ២៥ កញ្ញា នេះ ហើយនឹងគ្រោងបើកឲ្យដំណើរការនៅឆ្នាំ២០១៨ខាងមុខ។ ទំនប់វារីអគ្គិសនីដ៏ធំមួយនេះមានតម្លៃ ៧៨១.៥២លានដុល្លារ ដោយមានការបណ្តាក់ទុនរួមគ្នារវាងក្រុមហ៊ុន Hydrolancang International Energy កាន់កាប់ភាគហ៊ុន ៥១ ភាគរយ ក្រុមហ៊ុន Royal Group របស់អ្នកឧកញ៉ាគិត ម៉េង មានភាគហ៊ុន ៣៩ ភាគរយ និងក្រុមហ៊ុន EVN មកពីប្រទេសវៀតណាម មានភាគហ៊ុន ១០ ភាគរយ។ ទំនប់វារីអគ្គិសនីសេសានក្រោម២ មានសមត្ថភាពខ្លាំងជាងគេក្នុងការផលិតផលថាមពលអគ្គិសនី រហូតដល់ ១.៩១២លានគីឡូវ៉ាត់ម៉ោង ជាមួយកម្លាំងថាមពល ៤០០មេហ្គាវ៉ាត់។ សម្តេចតេជា ហ៊ុន សែន បានអញ្ជើញជាអធិបតីក្នុងពិធីបិទទ្វារទឹកទំនប់វារីអគ្គិសនីសេសានក្រោម២ កាលពីថ្ងៃទី ២៥ កញ្ញា នេះ បានមានប្រសាសន៍ថា ទន្ទឹមនឹងការផលិតអគ្គីសនីនៅទីនេះ គឺទាមទារការតបណ្តាញពីស្ទឹងត្រែងទៅក្រចេះ ពីក្រចេះទៅកំពង់ចាម និងពីកំពង់ចាមទៅភ្នំពេញ គឺត្រូវតភ្ជាប់បណ្តាញមេទាំងអស់ដែលនឹងធ្វើឲ្យតម្លៃអគ្គីសនីធ្លាក់ចុះថោកជាបន្តបន្ទាប់។
អានបន្ថែម
Construction Firms Urged With Register
Robust growth over recent years has seen the construction industry become one of the pillars of the Cambodian economy with more than 1,000 companies operating in the sector. To ensure legal compliance as well as guaranteeing construction quality and standards, the Ministry of Land and Management, Urban Planning and Construction (MLUPC) has urged all construction […]
អានបន្ថែម
ស្ពានឆ្លងកាត់កម្ពុជា-ថៃប្រកាសកាលបរិច្ឆេទសាងសង់ជាផ្លូវការ
រដ្ឋាភិបាលកម្ពុជា និងថៃបានសម្រេចសាងសង់ស្ពានថ្មីមួយឆ្លងកាត់ព្រំដែនប្រទេសទាំងពីរ ហើយការដ្ឋានសាងសង់ស្ពានស្ទឹងបត់-ណងនេះ នឹងចាប់ផ្តើមនៅខែមករា ឆ្នាំ២០១៨ ខាងមុខ។ ស្ពាននេះនឹងតភ្ជាប់ពីខេត្តបន្ទាមានជ័យ ឆ្ពោះទៅខេត្តសាកែវ ប្រទេសថៃ។ ការសាងសង់ស្ពានថ្មីនេះ បានប្រកាសឡើងក្នុងជំនួបកិច្ចប្រជុំការងារមួយ រវាងទេសរដ្ឋមន្រ្តីសាធារណការ និងដឹកជញ្ជូន ឯកឧត្តម ស៊ុន ចាន់ថុល និងឯកឧត្តម Arkhom Termpittayapaisith រដ្ឋមន្រ្តីដឹកជញ្ជូនរបស់ប្រទេសថៃ។ កាលពីថ្ងៃទី១៦ ខែធ្នូ ឆ្នាំ២០១៦ ភាគីទាំងពីរបានចុះហត្ថលេខាលើកិច្ចព្រមព្រៀង និងសេចក្តីបន្ថែមនៃអនុស្សរណៈយោគយល់គ្នាស្តីពីការសាងសង់ស្ពានឆ្លងកាត់ព្រំដែន ស្ទឹងបត់ និងការផ្លាស់ប្តូរសិទ្ធធ្វើចរាចរឆ្លងកាត់ព្រំដែនកម្ពុជា-ថៃ។ រដ្ឋាភិបាលថៃ បានផ្តល់ជំនួយឥតសំណងសម្រាប់សាងសង់ស្ពាន ផ្នែកស្ថិតនៅលើទឹកដីកម្ពុជា និងកម្ចីសម្បទានសម្រាប់សាងសង់ហេដ្ឋារចនាសម្ព័ន្ធ និងបរិក្ខារនៅច្រកទ្វារព្រំដែនថ្មី។ បើយោងតាមក្រសួងសាធារណការ និងដឹកជញ្ជូន ផ្លូវតភ្ជាប់ពីច្រកព្រំដែនថ្មីនេះទៅផ្លូវជាតិលេខ ៥ ក៏ជាផ្នែកមួយនៃផ្លូវអាស៊ានហាយវ៉េលេខ១ ផងដែរ។ ការសែត Khmer Times បានដកស្រង់សម្តីអ្នកនាំពាក្យក្រសួងសាធារណការ និងជញ្ជូន លោក វ៉ា ស៊ឹមសុរិយា ដោយលោកថ្លែងថា កម្ចីសម្បទានសម្រាប់ការសាងសង់ហេដ្ឋារចនាសម្ព័ន្ធ និងបរិក្ខារនៅច្រកព្រំដែន គឺប្រមាណ ៥៨លានដុល្លារអាមរិក ហើយក្នុងដំណាក់កាលដំបូង ភាគីថៃផ្តល់ឲ្យប្រមាណ ៣០លានដុល្លារអាមរិក ។ […]
អានបន្ថែម
ការស្ថាបនាផ្លូវជាតិលេខ៥៨ សម្រេចបាន ៦៣ភាគរយហើយ
ការអភិវឌ្ឍន៍ផ្លូវជាតិលេខជាតិលេខ៥៨ កំពុងប្រព្រឹត្តិទៅយ៉ាងរលូន ហើយគ្រោងនឹងបើកឲ្យធ្វើចរាចរនៅខែធ្នូ ឆ្នាំ២០១៨ ខាងមុខ។ ផ្លូវថ្មីដែលកំពុងសាងសង់នេះ នឹងជមុ្រញកំណើនសេដ្ឋកិច្ចនៅទីជនបទជិតព្រំដែនជាមួយប្រទេសថៃ ដោយតភ្ជាប់ចេញពីខេត្តបន្ទាយជ័យ ទៅខេត្តឧត្តរមានជ័យ ដែលជាប់នឹងព្រំដែនប្រទេសថៃ។ គម្រោងនេះ ត្រូវបានសាងសង់ដោយក្រុមហ៊ុនចិន Shanghai Construction Group Co., Ltd. ហើយគ្រោងនឹងចំណាយ ១២២លានដុល្លារអាមេរិក ដើម្បីបញ្ចប់ការសាងសង់។ ផ្លូវជាតិលេខ៥៨ បានបើកការដ្ឋានសាងសង់ក្រោមអធិបតីភាពសម្តេចនាយករដ្ឋមន្រ្តី ហ៊ុន សែន កាលពីខែមិថុនា ឆ្នាំ២០១៥ មានប្រវែងសរុប ១៧៤,៤៧៨គម និងទទឹង ១២ម ហើយបើតាមឲ្យដឹងពីក្រសួងសាធារណការ និងដឹកជញ្ជូន បច្ចុប្បន្នការងារស្ថាបនាផ្លូវនេះសម្រេចបាន ៦៣ភាគរយហើយ។ “ផ្លូវនេះជាសសៃឈាមសេដ្ឋកិច្ចមួយយ៉ាងសំខាន់សម្រាប់ការភ្ជាប់ទំនាក់ទំនងរវាងប្រទេសកម្ពុជា និងថៃ ក្នុងន័យជម្រុញការវិនិយោគលើវិស័យពាណិជ្ជកម្ម មិនតែប៉ុណ្ណោះវាថែមទាំងផ្តល់ភាពងាយស្រួលដល់ប្រជាជនក្នុងស្រុកចំពោះការធ្វើដំណើរ និងដឹកជញ្ជូនប្រកបដោយភាពងាយស្រួល និងឆាប់រហ័សផងដែរ។” នេះបើតាមប្រសាសន៍របស់រដ្ឋមន្រ្តីក្រសួងសាធារណការ និងដឹកជញ្ចូន ឯកឧត្តម ស៊ុន ចាន់ថុល ក្នុងការចុះត្រួតពិនិត្យការដ្ឋានសាងសង់នាសប្តាហ៍ដំបូងនៃខែកញ្ញានេះ។ កាលពីថ្ងៃទី៦ ខែកញ្ញា កន្លងនេះ ក្រសួងដឹកជញ្ជូនក៏បានប្រកាសផងដែរថាការសាងសង់ស្ពានស្ទឹងបត់-ណង អាច នឹងចាប់ផ្តើមនៅខែមករា ឆ្នាំ២០១៨ ខាងមុខ ហើយស្ពានថ្មីនេះនឹងតភ្ជាប់ពីខេត្តបន្ទាយមានជ័យ […]
អានបន្ថែម