ការវិនិយោគចំនួន ៧ប៊ីលានដុល្លារសម្រាប់កម្ពុជា
ក្រុមហ៊ុនអចលនទ្រព្យនិងសំណង់ខ្នាតយក្សពីររបស់ចិន បានសន្យាវិនិយោគចំនួន ៧ប៊ីលានដុល្លារនៅកម្ពុជាក្នុងអំឡុងពេលដំណើរទស្សនកិច្ចរបស់នាយករដ្ឋមន្ត្រី ហ៊ុន សែន ទៅកាន់ទីក្រុងប៉េកាំងកាលពីចុងខែវិច្ឆិកា។ ការប្រកាសនេះធ្វើឡើងបន្ទាប់ពីមានកិច្ចពិភាក្សាការងាររវាងនាយករដ្ឋមន្ត្រីកម្ពុជាសម្តេច ហ៊ុន សែន និងលោក Zhang Yuling ប្រធានក្រុមហ៊ុន Greenland Holding Group និងលោក Cheng Risheng ប្រធានក្រុមហ៊ុន Henan Transport Investment Group។ ក្រុមហ៊ុនទាំងពីរនេះបានជូនដំណឹងភ្ញៀវកម្ពុជារបស់ខ្លួនអំពីគោលបំណងនៃការវិនិយោគរបស់ខ្លួនដែលរួមមាន ការអភិវឌ្ឍគម្រោងធំៗចំនួនបួន។ គម្រោងថ្មីនេះនឹងរួមបញ្ចូលនូវផ្លូវល្បឿនលឿន (Expressway) ពីរាជធានីភ្នំពេញទៅកាន់ទីក្រុងកំពង់ផែសមុទ្រព្រះសីហនុ។ ក្រៅពីនេះក៏មានផងដែរ ការសាងសង់ទីក្រុងរណបមួយផ្សេងទៀតនៅជិតភ្នំពេញ កន្លែងបម្រើឲ្យទេសចរណ៍និងការកម្សាន្ត និងធនាគារពាណិជ្ជខ្នាតធំ។ មន្រ្តីប្រតិបត្តិជាន់ខ្ពស់នៃក្រុមហ៊ុនអភិវឌ្ឍទាំងពីរបានពន្យល់ពីការវិនិយោគរបស់ពួកគេទៅកាន់លោកនាយករដ្ឋមន្រ្តី ហ៊ុន សែន ដែលមានបំណងធ្វើឲ្យប្រសើរឡើងនូវការអភិវឌ្ឍប្រទេសកម្ពុជាក្នុងនាមជាផ្នែកមួយនៃគំនិតផ្តួចផ្តើមខ្សែក្រវ៉ាត់មួយផ្លូវមួយរបស់ប្រធានាធិបតីចិនលោក ស៊ី ជីនភីង។ សេចក្តីថ្លែងការណ៍ដែលបានចេញផ្សាយដោយរាជរដ្ឋាភិបាលបានលើកឡើងថា លោកនាយករដ្ឋមន្រ្តី ហ៊ុន សែន ស្វាគមន៍ការសម្រេចចិត្ត ហើយនិងបន្តដោយកិច្ចព្រមព្រៀងផ្លូវការមួយចំនួនដើម្បីត្រួសត្រាយផ្លូវសម្រាប់ការវិនិយោគនៅពេលនាយករដ្ឋមន្រ្តីចិនលោក Li Keqiung មកទស្សនកិច្ចនៅកម្ពុជានៅខែមករា ឆ្នាំ២០១៨។ យោងតាមសេចក្ដីថ្លែងការណ៍នោះ នាយកប្រតិបត្តិចិនទាំងពីររូបបានប្រាប់នាយករដ្ឋមន្រ្តីកម្ពុជាថា ពួកគេនឹងធ្វើការជាមួយក្រសួងចិនដែលពាក់ព័ន្ធនានាដើម្បីរៀបចំអ្វីៗបន្តដើម្បីពង្រឹងការសន្យានេះមុនពេលនាយករដ្ឋមន្រ្តីចិនមកទស្សនកិច្ចនៅកម្ពុជានៅដើមឆ្នាំក្រោយ។ គម្រោងវិនិយោគដែលរំពឹងថានឹងបង្កើតការងារចំនួន ២០,០០០ នៅពេលការសាងសង់ចាប់ផ្តើមនេះ […]
អានបន្ថែម
ចំណតរថយន្តក្រោមដីទទួលបានភ្លើងបៃតង
ចំណតរថយន្តក្រោមដីស្ថិតនៅចន្លោះអគារកាណាឌីយ៉ា និងអគារវឌ្ឍនៈក្នុងទីប្រជុំជនរាជធានីភ្នំពេញ ដែលអភិវឌ្ឍន៍និងសាងសង់ដោយក្រុមហ៊ុនវិនិយោគទុនអណិកជនកម្ពុជា(OCIC) និងដែលគេរង់ចាំជាយូរមកហើយនោះ គ្រោងនឹងបើកនៅដើមឆ្នាំក្រោយ។ ក្រុមហ៊ុន OCIC ដែលជាក្រុមហ៊ុនធ្វើការអភិវឌ្ឍជាច្រើនរាប់សិបនិងជាម្ចាស់ធនាគារកាណាឌីយ៉ានោះ នឹងបើកសម្ពោធចំណតរថយន្តក្រោមដីខ្នាតធំទីមួយនៅខែមករា ឆ្នាំ២០១៨ បន្ទាប់ពីការសាងសង់អស់រយៈពេលជិត ២ឆ្នាំ ចាប់តាំងពីចាប់ផ្តើមការងារនៅចុងឆ្នាំ២០១៥ ។ លោក ឈិន ហុក អ្នកគ្រប់គ្រងរបស់ក្រុមហ៊ុន OCIC ដែលទទួលខុសត្រូវគម្រោងនេះបានប្រាប់ទស្សនាវដ្តីសំណង់និងអចលនទ្រព្យនៅចុងខែធ្នូថា “ផ្នែកខាងក្នុងនិងខាងក្រៅនៃសំណង់ចំណតរថយន្តនេះបានបញ្ចប់ទាំងស្រុងហើយ យើងគ្រាន់តែនៅរង់ចាំការសាងសង់ច្រកចូលនៅជិតផ្លូវលេខ៧៧ ប៉ុណ្ណោះ។” លោកបានបន្ថែមថា “ច្រកចូលនេះត្រូវបានរំពឹងថានឹងបញ្ចប់ការសាងសង់នៅសប្តាហ៍ដំបូងនៃខែមករា។” តាមលោក ហុក ទីកន្លែងនេះមានទំហំប្រហែល ៩,០០០ម៉ែត្រការ៉េ និងមានពីរជាន់ ដែលអាចផ្ទុករថយន្តបានរហូតដល់ ៣០៤គ្រឿង។ ក្នុងករណីមានការដាច់អគ្គិសនី ភ្លើងអំពូល LED ស្វ័យប្រវត្តិនឹងដំណើរការ ហើយការគ្រប់គ្រងទឹកជន់លិចគឺប្រើប្រព័ន្ធស្រូបទឹកដោយស្វ័យប្រវត្តិ។ លោក ហុក បានសង្កត់ធ្ងន់ថា ក្រុមហ៊ុនក៏បានបំពាក់នូវវិធីសាស្រ្តទប់ស្កាត់រាល់ហានិភ័យគ្រប់ប្រភេទទាំងអស់។ លោក Samreth Mardi ស្ថាបត្យករក្រុមហ៊ុន OCIC ដែលជាអ្នកបង្កើតប្លង់មេបានប្រាប់ទស្សនាវដ្តីសំណង់និងអចលនទ្រព្យថា នៅពេលកន្លែងនេះរួចរាល់ ម៉ូតូនិងរថយន្តរបស់បុគ្គលិក និងអ្នកជួលដែលធ្វើការនៅធនាគារ ព្រមទាំងភ្ញៀវនឹងអាចចតនៅទីនោះ។ លោកបានមានប្រសាសន៍ថា “ការកកស្ទះចរាចរណ៍និងកំណើនចំនួនយានយន្តរបស់បុគ្គលិកនិងមនុស្សធ្វើការនៅអគារកាណាឌីយ៉ា បានជំរុញឲ្យយើងសាងសង់ចំណតយានយន្តក្រោមដីនេះឡើង ដើម្បីកាត់បន្ថយការកកស្ទះ។” […]
អានបន្ថែម
កំណត់ហេតុព័ត៌មានរបស់សាលារាជធានីភ្នំពេញ ខែវិច្ឆិកា ដល់ខែធ្នូ ឆ្នាំ២០១៧
ស្ពានអាកាសផ្សារដីហ៊ុយកំពុងដំណើរការសាងសង់ ថ្ងៃទី០៧ ខែវិច្ឆិកា: ការសាងសង់ស្ពានអាកាសផ្សារដីហ៊ុយសម្រេចបាន ៧០ភាគរយហើយនៅដើមខែវិច្ឆិកានេះ។ ដោយសារតែផ្លូវតូចនៅពេលកំពុងសាងសង់ស្ពាន សាលារាជធានីភ្នំពេញបានប្រកាសហាមឃាត់រថយន្តដឹកទំនិញធុនធ្ងន់ទាំងអស់មិនឲ្យបត់ឆ្វេងនៅគ្រប់ទិសដៅទាំងអស់នៅត្រង់ចំណុចភ្លើងស្តុបក្បែរការដ្ឋានសាងសង់។ ប្រឡាយស្ទឹងមានជ័យស្ថិតនៅក្រោមការអភិវឌ្ឍ ថ្ងៃទី១០ ខែវិច្ឆិកា: មិនយូរប៉ុន្មានបន្ទាប់ពីកិច្ចប្រជុំស្តីពីគម្រោងស្តារនិងអភិវឌ្ឍន៍ស្ទឹងមានជ័យ អភិបាលរាជធានីភ្នំពេញបានមានចំណាត់ការចំពោះគ្រួសារចំនួន ៥០០គ្រួសារដែលផ្ទះរបស់ពួកគេបានរំលោភបំពាននៅតាមដងប្រឡាយ។ អភិបាលរាជធានីភ្នំពេញបានចាប់ផ្តើមសាងសង់កន្លែងស្នាក់នៅបណ្តោះអាសន្នសម្រាប់គ្រួសារចំនួន ១៣៥គ្រួសារដែលស្ថិតនៅក្នុងដំណាក់កាលដំបូងនៃការផ្លាស់ចេញពីលើប្រឡាយ។ ការតភ្ជាប់ប្រព័ន្ធទឹក អគ្គីសនី និងបង្គន់អនាម័យ ក៏កំពុងត្រូវបានសាងសង់ដើម្បីបម្រើដល់គ្រួសារដែលផ្លាស់ទីលំនៅទំាងនោះដែរ។ ផ្លូវបេតុង២ខ្សែនឹងត្រូវសាងសង់នៅតំបន់ក្រៅក្រុង ថ្ងៃទី១២ ខែវិច្ឆិកា: បន្ទាប់ពីទទួលបានសំណូមពរសាងសង់ផ្លូវបេតុងពីតំបន់លំនៅឋានក្នុងសង្កាត់មានជ័យ សាលារាជធានីភ្នំពេញបានទទួលយកសំណើនិងបានពិនិត្យមើលស្ថានភាពផ្លូវទាំងពីរ ហើយរំពឹងថាចាប់ផ្ដើមសាងសង់ក្នុងពេលឆាប់ៗ។ ការសាងសង់ប្រព័ន្ធលូទឹកដើម្បីការពារទឹកជំនន់ ថ្ងៃទី១៣ ខែវិច្ឆិកា: នៅពេលដែលរដូវវស្សាមកដល់ ទឹកជំនន់តែងបង្កបញ្ហាដល់រាជធានី។ អភិបាលរាជធានីភ្នំពេញបានប្រឹងប្រែងក្នុងរយៈពេលច្រើនឆ្នាំកន្លងមកដើម្បីស្វែងរកដំណោះស្រាយដែលប្រសើរជាងមុន។ ការងារសាងសង់បណ្តាញលូបង្ហូរទឹកនៅតាមបណ្តោយផ្លូវលេខ ១៩៦២ ត្រូវបានចាប់ផ្តើម ហើយរំពឹងថានឹងអាចគ្រប់គ្រងការជន់លិចដោយការបញ្ជូនទឹកទៅកាន់តំបន់ផ្សេងទៀត។ ការជីកដាក់លូបង្ហូរទឹកប្រវែង ៩.៤ម៉ែត្រនិងទទឹង ១.៥ម៉ែត្រនៅតាមបណ្តោយផ្លូវនឹងត្រូវចំណាយពេល ៨ខែដើម្បីបញ្ចប់ការងារនេះ។ ការសាងសង់ផ្លូវក្រវ៉ាត់ទី២បានបញ្ចប់ ថ្ងៃទី២២ ខែវិច្ឆិកា: ដើម្បីបង្វែរចរាចរណ៍របស់រថយន្តដឹកជញ្ជូនគោក្របីចូលទីក្រុងភ្នំពេញ រាជរដ្ឋាភិបាលកម្ពុជាបានខិតខំប្រឹងប្រែងអភិវឌ្ឍន៍ផ្លូវក្រវ៉ាត់ខាងក្រៅក្រុង។ នៅថ្ងៃទី០៨ ខែធ្នូ ដំណាក់កាលទី២ នៃផ្លូវក្រវ៉ាត់ទី២ ត្រូវបានបញ្ចប់។ ទោះបីជាការសាងសង់បេតុងត្រូវបានបញ្ចប់ក៏ដោយ ក៏គេត្រូវការពេលមួយខែទៀតមុនពេលអាចបើកផ្លូវនេះសម្រាប់អ្នកដំណើរ។ ស្ពានអាកាសថ្មីមួយនឹងត្រូវសាងសង់ ថ្ងៃទី២៩ ខែវិច្ឆិកា: ការកកស្ទះចរាចរណ៍បានក្លាយទៅជាបញ្ហាព្រួយបារម្ភមួយក្នុងរាជធានីភ្នំពេញ។ […]
អានបន្ថែម
Daikin រៀបចំពិធីអបអរសាទរឈ្មួញកណ្តាលឆ្នើមប្រចាំឆ្នាំ
ក្រុមហ៊ុន Daikin Malaysia Sale & Service Sdn ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Daikin, Ltd ដែលជាក្រុមហ៊ុនជប៉ុននិងក្រុមហ៊ុនធ្វើទីផ្សារផលិតផលម៉ាស៊ីនត្រជាក់ម៉ាក Daikin ផលិតនៅប្រទេសម៉ាឡេស៊ី នាពេលថ្មីៗនេះបានប្រារព្ធព្រឹត្តិការណ៍ប្រចាំឆ្នាំរបស់ខ្លួនដើម្បីអបអរដល់ការខិតខំរបស់ឈ្មួញកណ្តាលឆ្នើមរបស់ខ្លួន។ ព្រឹត្តិការណ៍រយៈពេល ៣ថ្ងៃដែលបានរៀបចំឡើងនៅទីក្រុងគូឡាឡាំពួរ ប្រទេសម៉ាឡេស៊ី ពីថ្ងៃទី១៤ ដល់១៧ ខែវិច្ឆិកា ឆ្នាំ២០១៧ បានប្រមូលផ្តុំអ្នកជំនួញមកពីប្រទេសផ្សេងៗដើម្បីអបអរការលក់ប្រចាំឆ្នាំរបស់ឈ្មួញកណ្តាលនិងអ្នកចែកចាយក្នុងតំបន់របស់ខ្លួន។ ក្រុមហ៊ុន Wiki Trade Co., Ltd ជាឈ្មួញកណ្តាលឆ្នើមមួយនៅកម្ពុជាដែលបាននាំចូលនូវផលិតផលម៉ាស៊ីនត្រជាក់ម៉ាក Daikin ដែលមានឈ្មោះល្បីទូទាំងសកលលោក មកក្នុងប្រទេសកម្ពុជាបានរយៈពេល ៣ឆ្នាំ ចាប់តាំងពីឆ្នាំ២០១៤។ បន្ទាប់ពីរយៈពេល៣ឆ្នាំនៃការផ្គត់ផ្គង់នៅក្នុងទីផ្សារកម្ពុជា Daikin ត្រូវបានគេស្គាល់យ៉ាងទូលំទូលាយនៅតាមខេត្តដែលមានវិស័យទេសចរណ៍និងសំណង់ខ្លាំងដូចជា ខេត្តព្រះសីហនុ ខេត្តសៀមរាប ខេត្តបាត់ដំបង ខេត្តបន្ទាយមានជ័យ និងរាជធានីភ្នំពេញ។ ខណៈដែលឧស្សាហកម្មសំណង់និងអចលនទ្រព្យមានកំណើនយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ ឈ្មួញកណ្តាលក្នុងស្រុកនេះបានផ្គត់ផ្គង់ផលិតផលនេះភាគច្រើនឲ្យខុនដូ និងសណ្ឋាគារដែលទើបសាងសង់ថ្មី។ ក្រុមហ៊ុន Wiki Trade ក៏ជាអ្នកចែកចាយផ្តាច់មុខនៃផលិតផលម៉ាស៊ីនត្រជាក់ម៉ាក YORK របស់អាមេរិក និងផលិតផលរបស់ក្រុមហ៊ុន Krock ដូចជា ក្បឿង ដែកសំណាញ់លួស […]
អានបន្ថែម
បេតុង SCHWING អាចបូមចាក់ដល់កម្ពស់ដែលខ្ពស់ជាងមុន
ខណៈពេលដែលឧស្សាហកម្មសំណង់កំពុងរីកចម្រើនយ៉ាងខ្លាំងនៅទូទាំងពិភពលោក ក្រុមហ៊ុន SCHWING Stetter បាននាំមកនូវបរិក្ខាសំណង់បេតុងដែលប្រកបដោយភាពច្នៃប្រឌិត និងបច្ចេកវិទ្យាទំនើបឈានមុខ ដើម្បីដោះស្រាយបញ្ហាបេតុង។ ក្រុមហ៊ុន SCHWING Stetter នៅឥណ្ឌាត្រូវបានបង្កើតឡើងនៅខែមិថុនា ឆ្នាំ១៩៩៨ និងចាប់ផ្តើមប្រតិបត្តិការផលិតនៅឆ្នាំ១៩៩៩ ព្រមទាំងជាក្រុមហ៊ុនបុត្រសម្ព័ន្ធ១០០%របស់ក្រុមហ៊ុន Schwing GMBH នៅប្រទេសអាល្លឺម៉ង់។ ក្រុមហ៊ុន SCHWING Stetter គឺជាអ្នកត្រួសត្រាយផ្លូវក្នុងការផលិតបរិក្ខាសម្រាប់ការរៀបចំបេតុង ការដាក់បេតុង ការដឹកជញ្ជូន និងការកែច្នៃឡើងវិញ។ ទីស្នាក់ការកណ្តាលរបស់ក្រុមហ៊ុននេះមានទីតាំងនៅទីក្រុង Herne ប្រទេសអាល្លឺម៉ង់។ ក្រុមហ៊ុននេះគឺជាអ្នកត្រួសត្រាយរបស់ពិភពលោកក្នុងការផលិតបរិក្ខាសំណង់បេតុងដូចជា ម៉ាស៊ីនផលិតបេតុង រថយន្តចាក់បេតុង ឧបករណ៍សណ្តោងផ្ទុកបេតុង និងរថយន្តលាយបេតុង។ ក្រុមហ៊ុននេះមានមូលដ្ឋានផលិតកម្មនៅក្នុងប្រទេសចំនួន១១នៅជុំវិញពិភពលោក។ ក្រុមហ៊ុនបុត្រសម្ព័ន្ធនៅឥណ្ឌាមានកន្លែងផលិតលំដាប់ថ្នាក់ពិភពលោកចំនួន៤ នៅជិតទីក្រុង Chennai ប្រទេសឥណ្ឌា និងមានវត្តមាននៅតាមបណ្តាប្រទេសជាច្រើនរួមទាំងនៅក្នុងទីផ្សារអាស៊ីអាគ្នេយ៍ផងដែរ។ ក្រុមហ៊ុន SCHWING Stetter នៅឥណ្ឌាក៏មានមជ្ឈមណ្ឌលបណ្តុះបណ្តាលលំដាប់ថ្នាក់ពិភពលោកដែលមានទំហំ ១២,០០០ហ្វូតការ៉េ សម្រាប់ផ្តល់នូវការបណ្តុះបណ្តាលទាក់ទងនឹងប្រតិបត្តិការនិងការថែទាំ ព្រមទាំងបណ្តុះបណ្តាលដល់ប្រតិបត្តិករក្នុងកម្មវិធីអភិវឌ្ឍន៍ជំនាញផងដែរ។ ដោយសារតែកំណើនដែលមិនធ្លាប់មានពីមុនមក ក្រុមហ៊ុនដែលមានមូលដ្ឋាននៅប្រទេសឥណ្ឌានេះបានបង្កើតនូវមូលដ្ឋានផលិតកម្មសម្រាប់ផលិតផលសំខាន់ៗចំនួន៣របស់ខ្លួនគឺ ម៉ាស៊ីនផលិតបេតុង ឧបករណ៍បូមចាក់បេតុង និងឧបករណ៍លាយបេតុង។ ឧបករណ៍សណ្តោងផ្ទុកបេតុងសម្រាប់ចាក់របស់ SCHWING ត្រូវបានប្រើប្រាស់ដោយជោគជ័យនៅទូទាំងពិភពលោក នៅពេលគេត្រូវការចាក់បេតុងក្នុងបរិមាណដ៏ច្រើនក្នុងចម្ងាយផ្ដេកនិងបញ្ឈរឆ្ងាយ។ ឧបករណ៍នេះធ្វើការបានលឿន […]
អានបន្ថែម
វៀតណាមនឹងអស់ខ្សាច់ខណៈកំពុងមានការរីកចម្រើន
ប្រទេសវៀតណាមកំពុងពិចារណាប្រើប្រាស់ខ្សាច់សិប្បនិម្មិតបន្ទាប់ពីវិទ្យាស្ថានវិទ្យាសាស្រ្តដឹកជញ្ជូន និងបច្ចេកវិទ្យាបានព្រមានដល់រដ្ឋាភិបាលថា ប្រទេសអាចនឹងអស់ខ្សាច់ធម្មជាតិក្នុងរយៈពេលប្រាំឆ្នាំទៀត។ របាយការណ៍ដែលបានដាក់ទៅនាយកដ្ឋានដឹកជញ្ជូនក្រុងហូជីមិញក៏បានកត់សម្គាល់ផងដែរថា ខ្សាច់សិប្បនិម្មិតអាចត្រូវបានផលិតឡើងក្នុងតម្លៃថោកជាងការជីកយកខ្សាច់ធម្មជាតិ ១៥% ហើយវាធ្វើឲ្យបេតុងមានគុណភាពល្អប្រសើរជាងមុន។ ជារៀងរាល់ឆ្នាំ ប្រទេសវៀតណាមប្រើប្រាស់ខ្សាច់ប្រហែល ១០០លានម៉ែត្រគូប ដើម្បីស្របនឹងកំណើនក្នុងវិស័យសំណង់ដែលកំពុងរីកលូតលាស់ខ្លាំង។ គម្រោងធំៗជាច្រើនទទួលរងសម្ពាធពីការបង្រ្កាបលើការបូមខ្សាច់ខុសច្បាប់ដែលបានបណ្តាលឲ្យតម្លៃខ្សាច់កើនឡើងរហូតដល់ ២០០ភាគរយ។
អានបន្ថែម
អាគារខ្ពស់ជាងគេរបស់វៀតណាមឈ្នះពានរង្វាន់
រមួយដែលនឹងក្លាយជាអាគារខ្ពស់បំផុតនៅប្រទេសវៀតណាម ដែលនឹងបញ្ចប់ការសាងសង់នៅឆ្នាំ ២០១៩ បានឈ្នះពានរង្វាន់ស្ថាបត្យកម្មអន្តរជាតិ។ អគារ Landmark 81 ដែលមានកម្ពស់ ៤៦០ម៉ែត្រ នៅទីក្រុងហូជីមិញ ប្រទេសវៀតណាម និងដែលត្រូវបានរចនាដោយក្រុមហ៊ុន Atkins ដែលមានមូលដ្ឋាននៅទីក្រុងឡុងដ៏នេះ បានឈ្នះពានរង្វាន់ “ស្ថាបត្យកម្មល្អបំផុតនៅលើពិភពលោក (World’s Best Architecture)” នៅក្នុងកម្មវិធីពានរង្វាន់អចលនទ្រព្យអន្តរជាតិ ២០១៧ (International Property Awards 2017) ដែលបានរៀបចំឡើងនៅទីក្រុងឡុងដ៍កាលពីខែធ្នូ។ អគារនេះក៏ទទួលបានពានរង្វាន់ “ស្ថាបត្យកម្មអគារលំនៅឋានកម្ពស់ខ្ពស់អន្ដរជាតិល្អបំផុត” និង “ស្ថាបត្យកម្មអគារលំនៅឋានកម្ពស់ខ្ពស់ល្អបំផុតនៅអាស៊ីប៉ាស៊ីហ្វិក”។ លោក Ian Milne ប្រធានរចនាប្លង់នៅក្រុមហ៊ុន Atkins សម្រាប់អគារ Landmark 81 បានមានប្រសាសន៍ថា “ខណៈដែលនគរូបនីយកម្មនៅអាស៊ីបន្តកើនឡើងយ៉ាងឆាប់រហ័ស ហើយប្រជាជននៅទីក្រុងកើនឡើងនោះ Landmark 81 គឺជាឧទាហរណ៍ដ៏ល្អមួយក្នុងការបង្ហាញពីសក្តានុពលសម្រាប់ការរស់នៅក្នុងអគារខ្ពស់។ ការបង្កើតកន្លែងរស់នៅឆ្ពោះរកអគារខ្ពស់ៗដែលមានគុណភាព និងងាយស្រួលលើទីតាំងដែលមានកំណត់ អាចជាដំណោះស្រាយប្រកបដោយនិរន្តភាព និងភាពទាក់ទាញសម្រាប់តំបន់។”
អានបន្ថែម
ផ្លូវដែកចិន – ឡាវចោះផ្លូវរូងក្រោមដីដំបូង
ផ្លូវរូងក្រោមដីដំបូងនៅលើផ្លូវដែកប្រវែង ៤១៤គីឡូម៉ែត្រ រវាងប្រទេសចិន និងឡាវ ត្រូវបានចោះរូងកាលពីខែធ្នូ ដែលនេះបញ្ជាក់នូវភាពជោគជ័យដំបូងនៃគម្រោងដែលមានទឹកប្រាក់ ៥.៨ប៊ីលានដុល្លារ។ ផ្លូវដែកក្រោមដីលេខ ២ Ban Somsanook ដែលមានប្រវែង ៣០១ម៉ែត្រ នេះ មាននូវបញ្ហាប្រឈមនឹងគ្រោះថ្នាក់មួយចំនួនដោយសារតែដីភ្នំ និងភូគព្ភសាស្ដ្រ ប៉ុន្តែក្រុមហ៊ុនម៉ៅការសាងសង់ Sino Corporation Engineering Bureau 15 Co. បានបញ្ចប់ដោយជោគជ័យនូវគម្រោងដំបូងនៃគម្រោងប្រភេទនេះដែលមានជាច្រើនទៀត។ ប្រទេសឡាវជាប្រទេសភ្នំមួយ ដូច្នេះជាង ៦២ភាគរយ នៃគម្រោងផ្លូវដែកឆ្លងកាត់ប្រទេសនេះ ដែលបានចាប់ផ្តើមដំបូងនៅឆ្នាំ២០១៦ នឹងត្រូវឆ្លងកាត់ស្ពាន ឬផ្លូវរូងក្រោមដី។ ក្នុងនាមជាផ្នែកមួយនៃគំនិតផ្តួចផ្តើមខ្សែក្រវ៉ាត់មួយផ្លូវមួយ ខ្សែផ្លូវដែកនេះនឹងបន្លាយផ្លូវរហូតទៅដល់ប្រទេសសិង្ហបុរី។
អានបន្ថែម
ការសាងសង់តម្លៃ ១.១ប៊ីលាន ដុល្លារសម្រាប់ទីក្រុង Yangon
សម្រាប់កិច្ចការដើម្បីបំពេញចន្លោះទីផ្សារសម្រាប់កន្លែងប្រើប្រាស់ចម្រុះលំដាប់ខ្ពស់ក្នុងប្រទេសមីយ៉ាន់ម៉ា មានក្រុមហ៊ុនអន្តរជាតិចំនួនបីបានប្រកាសពីគម្រោងដែលមានតម្លៃជាងមួយប៊ីលានដុល្លារ នៅទីក្រុង Yangon។ គម្រោងចំនួនពីរដែលមានតម្លៃអភិវឌ្ឍន៍រួមបញ្ចូលគ្នា ចំនួន ៧០០លានដុល្លារ នឹងត្រូវសាងសង់ឡើងដោយក្រុមហ៊ុន Bouygues របស់បារាំង និងក្រុមហ៊ុន Taisei Corporation របស់ជប៉ុន សម្រាប់ក្រុមហ៊ុនអភិវឌ្ឍន៍សិង្ហបុរី Yoma Strategic Holdings។ គម្រោងមួយគឺ Yoma Central ដែលនឹងមានអគារការិយាល័យលំដាប់ A ចំនួនពីរ សណ្ឋាគារពាណិជ្ជកម្ម អាផាតមិន និងហាងលក់រាយ ចំណែកគម្រោងមួយទៀតគឺជាសណ្ឋាគារប្រណិត។ ការងារសាងសង់នេះត្រូវបានរំពឹងថានឹងបញ្ចប់នៅឆ្នាំ២០២១។ ក្រុមហ៊ុនម៉ៅការសាងសង់ជប៉ុន Kajima នឹងសាងសង់គម្រោងអគារបីតម្លៃ ៤០០លានដុល្លារដែលក្នុងនោះមានសណ្ឋាគារ និងការិយាល័យនៅលើអគារទាំងបីដែលមានកម្ពស់ ២៧ជាន់ ២១ជាន់ និង ២០ជាន់ និងមានផ្ទៃក្រឡាសរុប ១៧០,០០០ម៉ែត្រការ៉េ។ ការអភិវឌ្ឍនេះគឺជាផ្នែកមួយនៃកិច្ចព្រមព្រៀងរវាងប្រទេសមីយ៉ាន់ម៉ា និងជប៉ុនក្នុងឆ្នាំ ២០១៥ ដើម្បីអភិវឌ្ឍន៍លើដីសាធារណៈដោយឈរលើមូលដ្ឋានភាពជាដៃគូរវាងសាធារណៈ និងឯកជន។
អានបន្ថែម
ជប៉ុន និងហ្វីលីពីនចុះហត្ថលេខាលើកិច្ចព្រមព្រៀងបណ្តុះបណ្តាល
ប្រទេសជប៉ុននិងប្រទេសហ្វីលីពីនបានផ្តួចផ្តើមគម្រោងបណ្តុះបណ្តាលមួយសម្រាប់កម្មករសំណង់ហ្វីលីពីនដើម្បីដោះស្រាយបញ្ហាកង្វះជំនាញដែលប្រទេសទាំងពីរកំពុងប្រឈម។ កម្មវិធីបណ្តុះបណ្តាលនេះមានគោលបំណង “បង្កើតគោលការណ៍វិន័យជប៉ុន” ដើម្បីជួយហ្វីលីពីនក្នុងកម្មវិធីហេដ្ឋារចនាសម្ព័ន្ធ “Build, Build, Build” និងបើកទីផ្សារពលកម្មជប៉ុនសម្រាប់កម្មករហ្វីលីពីនជាលើកដំបូងផងដែរ។ ប្រទេសជប៉ុនកំពុងប្រឈមនឹងការពន្យារពេលលើគម្រោងរបស់ខ្លួនដែលកំពុងដំណើរការសម្រាប់ការត្រៀមរៀបចំធ្វើជាម្ចាស់ផ្ទះកីឡាអូឡាំពិកនៅទីក្រុងតូក្យូឆ្នាំ២០២០។ នេះគឺដោយសារតែប្រជាជនវ័យចំណាស់របស់ជប៉ុនដែលក្នុងនោះ ៣០ភាគរយនៃកម្មករសំណង់មានអាយុលើសពី ៥៥ឆ្នាំ។ ក្រោមកិច្ចព្រមព្រៀងបណ្ដុះបណ្ដាលជាមួយហ្វីលីពីន ក្រុមហ៊ុនជប៉ុននឹងជួយ ៣០ភាគរយនៃសិក្ខាកាមថ្មីទាំងអស់ ឲ្យធ្វើការនៅក្នុងប្រទេសជប៉ុនរយៈពេល ៣ឆ្នាំ មុនពេលចូលធ្វើការវិញនៅក្នុងឧស្សាហកម្មហ្វីលីពីន។ ប្រទេសហ្វីលីពីនប៉ាន់ប្រមាណថាខ្លួនក៏ត្រូវការកម្មករសំណង់ចំនួន ២លាននាក់បន្ថែមទៀតក្នុងពេលប៉ុន្មានឆ្នាំខាងមុខដើម្បីឆ្លើយតបនឹងគោលដៅហេដ្ឋារចនាសម្ព័ន្ធរបស់ខ្លួន។
អានបន្ថែម
ឥណ្ឌូនេស៊ីដាក់ដេញថ្លៃសាងសង់កំពង់ផែ Patimban ដែលមានតម្លៃ ១ប៊ីលានដុល្លារ
រដ្ឋាភិបាលឥណ្ឌូនេស៊ីបានបើកការដេញថ្លៃសាងសង់កំពង់ផែ Patimban ដែលមានតម្លៃ ១ប៊ីលានដុល្លារ នៅ Subang ខេត្ត West Java កោះ Java កាលពីខែតុលា
អានបន្ថែម
ការងារសាងសង់ចាប់ផ្តើមលើផ្លូវដែកល្បឿនលឿនចិន – ថៃ
បន្ទាប់ពីច្រើនឆ្នាំនៃកិច្ចចរចាដ៏លំបាក ការងារសាងសង់លើផ្លូវដែកល្បឿនលឿនដំបូងរបស់ប្រទេសថៃដែលផ្តល់ហិរញ្ញប្បទានដោយប្រទេសចិននោះ បានចាប់ផ្តើមហើយនៅថ្ងៃទី២១ ខែធ្នូ។ គម្រោងទាំងមូលនឹងមានចម្ងាយផ្លូវ ២៥៣គីឡូម៉ែត្រ ពីទីក្រុងបាងកកទៅនគររាជសីមានៅភាគឦសានប្រទេសថៃ ហើយគម្រោងនេះជាផ្នែកមួយនៃផែនការរយៈពេលវែងរបស់ប្រទេសចិនដើម្បីតភ្ជាប់ព្រំដែនភាគខាងត្បូងរបស់ខ្លួនទៅនឹងប្រទេសសិង្ហបុរីតាមរយៈផ្លូវដែក។ គ្រាន់តែដំណាក់កាលសម្រាប់ប្រទេសថៃ គម្រោងនេះត្រូវបានរំពឹងថានឹងត្រូវចំណាយអស់ជាង ៥ប៊ីលានដុល្លារ ហើយពិធីដែលបានធ្វើឡើងនៅចុងខែធ្នូនោះបានសម្ពោធផ្លូវរថភ្លើងត្រឹមតែ ៣.៥គីឡូម៉ែត្រ រវាងស្ថានីយពីរក្នុងទីក្រុងបាងកកប៉ុណ្ណោះគឺស្ថានីយ Klang Dong និងស្ថានីយ Pang Asok។ គម្រោងនេះត្រូវបានយល់ស្របគ្នាដំបូងក្នុងអនុស្សារណនៃការយោគយល់កាលពីឆ្នាំ២០១៤ ដោយមានការគាំទ្រផ្នែកហិរញ្ញវត្ថុពីប្រទេសចិន និងស្ថិតនៅក្នុងគំនិតផ្តួចផ្តើមខ្សែក្រវ៉ាត់មួយផ្លូវមួយ។ ទោះជាយ៉ាងណា កិច្ចសហប្រតិបត្តិការមានភាពសៅហ្មងដោយសារតែការខ្វែងគំនិតគ្នាលើការចំណាយ សិទ្ធិប្រតិបត្តិការ និងកាលវិភាគទូទាត់សងជាមួយរដ្ឋាភិបាលថៃ ដែលការណ៍នេះបានដកចេញនូវកិច្ចព្រមព្រៀងកាលពីឆ្នាំ២០១៦ មុនពេលដែលភាគីទាំងពីរបានឈានដល់កិច្ចព្រមព្រៀងចុងក្រោយនៅដើមឆ្នាំ២០១៧។
អានបន្ថែម