OCIC សម្រេចជ្រើសក្រុមហ៊ុនលំដាប់ពិភពលោក ឱ្យមកគ្រប់គ្រងសេវាលក់រាយនៅព្រលានថ្មីនៅភ្នំពេញ
ក្រុមហ៊ុន OCIC Group ដែលជាក្រុមហ៊ុនឈានមុខក្នុងការត្រួសត្រាយផ្លូវអភិវឌ្ឍន៍ហេដ្ឋារចនាសម្ព័ន្ធរបស់ប្រទេសកម្ពុជា បានប្រកាសពីកិច្ចសហការដ៏សំខាន់ជាមួយក្រុមហ៊ុន Lagardère Travel Retail និង HSC Group សម្រាប់ការគ្រប់គ្រងសេវាកម្មលក់រាយមិនជាប់ពន្ធ (Duty Free Services) នៅអាកាសយានដ្ឋានអន្តរជាតិតេជោថ្មីនាពេលខាងមុខ។ សម្ព័ន្ធភាពជាយុទ្ធសាស្ត្រ ដែលមានគោលបំណងកំណត់ឡើងវិញនូវបទពិសោធន៍គ្រប់គ្រងហាងលក់រាយនៅតាមព្រលានយន្តហោះ និងការលើកកម្ពស់ការតភ្ជាប់ជាសកលសម្រាប់កម្ពុជានេះ ត្រូវបានបង្ហាញឱ្យដឹងក្នុងអំឡុងពេលដំណើរទស្សនកិច្ចផ្លូវការរបស់នាយករដ្ឋមន្ត្រីកម្ពុជា សម្តេច ហ៊ុន ម៉ាណែត នៅប្រទេសបារាំង នៅថ្ងៃទី១៧ ខែមករា ឆ្នាំ ២០២៤។ (អានបន្ថែម) សម្ព័ន្ធភាពធុរកិច្ចដែលដឹកនាំដោយក្រុមហ៊ុន Lagardère Travel Retail និង HSC Group បានជាប់ការដេញថ្លៃក្នុងពិធីដេញថ្លៃផ្លូវការនៅទីក្រុងប៉ារីស មុនពេលចាប់ផ្តើមនៃការចរចាផ្តាច់មុខ។ ក្នុងពិធីនោះ លោកស្រី លឹម លីណា អនុប្រធានក្រុមហ៊ុន CAIC និង OCIC Group រួមជាមួយនឹងលោកស្រី Dag Rasmussen នាយកប្រតិបត្តិក្រុមហ៊ុន Lagardère Travel Retail លោក […]
អានបន្ថែម
គម្រោងថ្មីចំនួន១០ តម្លៃជាង៦០លានដុល្លារ នឹងបង្កើតក្នុងខេត្តក្រុងចំនួន៤ នៅកម្ពុជា
រយៈពេល១៥ថ្ងៃ ក្នុងខែមករា ឆ្នាំ២០២៤នេះ ក្រុមប្រឹក្សាអភិវឌ្ឍន៍កម្ពុជាបានសម្រេចចេញវិញ្ញាបនបត្រចុះបញ្ជីគម្រោងវិនិយោគចំនួន១០ មានទុនវិនិយោគសរុបប្រមាណជាង ៦០លានដុល្លារ និងអាចបង្កើតការងារបានចំនួន ១២.៦៩៥កន្លែង។ នេះបើយោងតាមសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា នៅថ្ងៃទី១៧ មករា ២០២៤។ អ្វីដែលគួរឱ្យកត់សម្គាល់នោះគឺ ខេត្តកំពង់ស្ពឺទទួលបានគម្រោងវិនិយោគរហូតដល់ទៅ ៥គម្រោងធំៗ ក្នុងនោះរួមមាន៖ គម្រោងបង្កើតរោងចក្រកាត់ដេរសម្លៀកបំពាក់ចំនួន៣, រោងចក្រផលិតគ្រឿងបន្សំសម្លៀកបំពាក់ កាបូប និងស្បែកជើង ចំនូន១, និងរោងចក្រផលិតផលពីប្លាស្ទិក(ធុងទឹកកក, ធុង, ប្រអប់រក្សាកម្តៅ និងទូកកៃយ៉ាក់) ចំនួន១។ គួរបញ្ជាក់ថា រោងចក្រទាំង៥ខាងលើនេះ គ្រោងនឹងបង្កើតនៅក្នុងស្រុកច្បាមន, សំរោងទង, និង គងពិសី នៃខេត្តកំពង់ស្ពឺ។ ទន្ទឹមនឹងនេះដែរ រាជធានីភ្នំពេញក៏ទទួលបានគម្រោងធំៗចំនួន២ ក្នុងនោះរួមមាន៖ រោងចក្រកាត់ដេរសម្លៀកបំពាក់ចំនួន១ ស្ថិតនៅក្នុងខណ្ឌដង្កោ និងរោងចក្រផលិតស្បែកជើងចំនួន១ទៀត ស្ថិតក្នុងខណ្ឌពោធិ៍សែនជ័យ។ ជាមួយគ្នានេះដែរ ខេត្តតាកែវទទួលបានគម្រោងវិនិយោគចំនួន២ដែរ ក្នុងនោះរួមមាន៖ រោងចក្រផលិតគ្រឿងអេឡិចត្រូនិក ស្ថិតក្នុងស្រុកសំរោង និងរោងចក្រផលិតអំពូលភ្លើងគ្រប់ប្រភេទ និងគ្រឿងបន្លាស់ សិ្ថតក្នុងត្រាំកក់។ ដោយឡែកខេត្តកណ្តាលទទួលបានគម្រោងវិនិយោគតែមួយប៉ុណ្ណោះ គឺរោងចក្រកាត់ដេរ និងចាក់សម្លៀកបំពាក់ នៅក្នុងស្រុកស្អាង។
អានបន្ថែម
ស្ងាត់ៗ បុរី ប៉េង ហួត ត្រៀមបើកសម្ពោធគម្រោងថ្មីមួយទៀតស្វាគមន៍ឆ្នាំថ្មី
គ្រាន់តែបើកទំព័រឆ្នាំថ្មីភ្លាម ក្រុមហ៊ុនបុរី ប៉េង ហួត បានប្រកាសបើកលក់សាកល្បង (Pre-Sale) គម្រោងថ្មីមួយទៀតមានឈ្មោះថា ដឹស្តា ផ្លាទីនីម អេកូ ប៉ូលី ដែលនឹងត្រៀមបើកសម្ពោធជាផ្លូវការនៅពេលខាងមុខឆាប់ៗនេះ។ សូមទស្សនាជាវីដេអូនៅទីនេះ គម្រោង ដឹស្តា ផ្លាទីនីម អេកូ ប៉ូលី នេះបានចាប់ផ្ដើមបើកលក់សាកល្បងកាលពីថ្ងៃទី១ ខែមករា ឆ្នាំ២០២៤ ហើយក្នុងរយៈពេលជាងដប់ថ្ងៃមកនេះ គេសង្កេតឃើញថាមានអតិថិជនជាច្រើនបានចាប់អារម្មណ៍ ទៅសាកសួរព័ត៌មានដល់ការិយាល័យលក់របស់ក្រុមហ៊ុនបុរី ប៉េង ហួត។ លោកស្រីទេព កន្និថា ប្រធានផ្នែកលក់ជាន់ខ្ពស់បានមានប្រសាសន៍ថា “គ្រាន់តែដឹងថាក្រុមហ៊ុនមានគម្រោងថ្មី មានអតិថិជនជាច្រើនទាំងអតិថិជនចាស់ ទាំងអតិថិជនថ្មីគាត់មកសួរព័ត៌មាន ហើយមានអតិថិជនមួយចំនួន គាត់ក៏បានកក់យកទីតាំងដែលគាត់ពេញចិត្តរួចទៅហើយ”។ លោកស្រីក៏បានបន្តទៀតថា “មូលហេតុដែលមានការចាប់អារម្មណ៍ច្រើនបែបនេះ ដោយសារតែគម្រោងនេះមានម៉ូដផ្ទះថ្មីស្រឡាង បរិយាកាសផ្សារភ្ជាប់ទៅនឹងធម្មជាតិ និងជួយបង្កើនការរស់នៅកាន់តែទំនើបទាន់សម័យ”។ សូមទស្សនាជាវីដេអូនៅទីនេះ គម្រោង ដឹស្តា ផ្លាទីនីម អេកូ ប៉ូលី មានទីតាំងស្ថិតនៅចំបេះដូងនៃគម្រោងធំៗចំនួន២ គឺគម្រោង ហ្រ្គេនស្ដាផ្លាទីនីម (Grand Star Platinum) ដែលមានវិសាលភាព ២៥០ហិកតា និង គម្រោង […]
អានបន្ថែម
ប្រធាន CBRE ផ្តល់យុទ្ធសាស្ត្រមួយចំនួន ដើម្បីចាប់ឱកាសវិនិយោគក្នុងវិស័យទេសចរណ៍នៅកម្ពុជា
ក្រោយការអូសបន្ថាយនៃវិបត្តិសាកល បច្ចុប្បន្នវិស័យទេសចរណ៍របស់កម្ពុជា បានលេចចេញជាសញ្ញាណនៃការងើបឡើងវិញ ទោះបីជាបញ្ហាប្រឈមនៅតែបន្តមាននៅលើផ្លូវឆ្ពោះទៅរកភាពរីកចម្រើនខ្លាំងដូចកាលពីមុនវិបត្តិសាកលក៏ដោយ។ ក្នុងឆ្នាំ ២០១៩ កម្ពុជាទទួលបានទេសចរអន្តរជាតិចំនួន ៦,៥ លាននាក់ ប៉ុន្តែបានដាំក្បាលចុះមក មកត្រឹមចំនួន ១លាននាក់ នៅឆ្នាំ ២០២០។ ឆ្នាំបន្តបន្ទាប់ ចំនួនទេសចរមានការស្ទុះងើបឡើងវិញគួរឲ្យកត់សម្គាល់ ជាមួយនឹងការកើនឡើងដល់ជាង ២លាននាក់នៅឆ្នាំ ២០២២ និងរហូតមកទល់ខែវិច្ឆិកា ឆ្នាំ ២០២៣ នេះ តួលេខបានកើនឡើងជិតដល់ ៥លាននាក់ ដែលនេះជាការបង្ហាញពីការងើបឡើងវិញដ៏រឹងមាំ។ ទោះជាយ៉ាងណាក៏ដោយ អត្រាកំណើននេះនៅតែមានឱនភាព ២៦% ទាបជាងស្តង់ដារឆ្នាំ ២០១៩។ ការបូកសរុបស្ថិតិទេសចរនេះ ត្រូវបានធ្វើបច្ចុប្បន្នភាពចុងក្រោយ ដោយនាយក CBRE Cambodia កាលពីថ្ងៃទី ១២ ខែមករា ឆ្នាំ២០២៤កន្លងទៅ។ ទេសចរណ៍ពិតជាបានជួយជំរុញកំណើន GDPឡើងវិញ ប៉ុន្តែកំណើនមិនទាន់ដល់កម្រិតស្រង់ដើមនៅឡើយទេ៖ ការកើនឡើងដែលរំពឹងទុកនៃផលិតផលក្នុងស្រុកសរុបរបស់កម្ពុជាដល់ ៦,២% ក្នុងឆ្នាំ ២០២៣ គូសបញ្ជាក់អំពីតួនាទីសំខាន់នៃវិស័យទេសចរណ៍ដែលជាចំណុចស្នូលក្នុងការស្តារសេដ្ឋកិច្ចរបស់ប្រទេសនេះឡើងវិញ។ ជាក់ស្តែង កំណត់ត្រាចំណូលទេសចរណ៍អន្តរជាតិ បង្ហាញពីភាពខុសគ្នាខ្លាំងគួរឱ្យកត់សម្គាល់ដោយមានអត្រាទាបជាងដល់ទៅ ៧១% ពីចំនួន ៥ពាន់លានដុល្លារក្នុងឆ្នាំ២០១៩ មកនៅត្រឹមជាង […]
អានបន្ថែម
រដ្ឋសម្រេចកែប្រែតំបន់រុនតាឯកទៅជា «ទីក្រុងរុនតាឯកតេជោសែន» ជាផ្លូវការហើយ
រាជរដ្ឋាភិបាលកម្ពុជា សម្រេចកែប្រែតំបន់រុនតាឯកឱ្យក្លាយជា«ទីក្រុងរុនតាឯកតេជោសែន» នៃខេត្តសៀមរាប ជាផ្លូវការហើយ។ នេះបើតាមអនុក្រឹត្យលេខ ០៧ អនក្រ.បក ចុះថ្ងៃទី១១ ខែមករា ឆ្នាំ២០២៤។ ក្រុងរុនតាឯកតេជោសែន នៃខេត្តសៀមរាប ត្រូវបានបង្កើតឡើងដោយកាត់យកឃុំរុនតាឯក ពីស្រុកបន្ទាយស្រី និងឃុំបល្ល័ង្ក ពីស្រុកប្រាសាទបាគង។ បន្ថែមពីនេះ ក្រុងរុនតាឯកតេជោសែន មានសង្កាត់ចំនួន០២ គឺសង្កាត់រុនតាឯក និងសង្កាត់បល្ល័ង្ក ដែលមានទីតាំងរដ្ឋបាលរបស់ខ្លួនស្ថិតនៅក្នុងសង្កាត់រុនតាឯកតែម្តង។ គួរបញ្ជាក់ថា តំបន់រុនតាឯកនេះ ត្រូវបានរាជរដ្ឋាភិបាល គ្រោងបង្កើតទៅជាទីក្រុងមួយ ដើម្បីឱ្យក្លាយជាតំបន់ដែលបង្កើតការងារជូនពលរដ្ឋនៅហ្នឹងកន្លែង ខណៈទីតាំងនេះមានហេដ្ឋារចនាសម្ព័ន្ធគ្រប់គ្រាន់រួចហើយ។(អានបន្ថែម) ជាមួយគ្នានេះ ក្នុងការងារប្រែក្លាយនេះ សម្តេចធិបតី បានណែនាំឱ្យក្រសួងរៀបចំដែនដី និងស្ថាប័នពាក់ព័ន្ធផ្ដល់សេវាចាំបាច់នានា ដើម្បីប្រែក្លាយតំបន់អភិវឌ្ឍន៍រុនតាឯកនិងពាក់ស្នែង ឱ្យក្លាយជាបុរីជនបទគំរូសម្រាប់ការរៀបចំភូមិឋាន ដោយផ្ដោតសំខាន់លើគោលការណ៍និរន្តរភាពក្នុងការលើកកម្ពស់ជីវភាពរស់នៅឱ្យបានសមរម្យ បរិស្ថាន និងសេវាសាធារណៈ។ (អានបន្ថែម)
អានបន្ថែម
កម្ពុជា-បារាំង សម្រេចចុះអនុស្សរណៈសំខាន់ៗ៦ ដើម្បីជំរុញការអភិវឌ្ឍសេដ្ឋកិច្ចនៅកម្ពុជា
កម្ពុជា និងបារាំង រួមគ្នាចុះអនុស្សរណៈសំខាន់ៗចំនួន៦ ដើម្បីអភិវឌ្ឍវិស័យសំខាន់ៗនៅប្រទេសកម្ពុជា។ អនុស្សរណៈសំខាន់ទាំង៦នេះ ត្រូវបានធ្វើឡើងក្រោមអធិបតីភាពសម្តេច ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជាក្នុងឱកាសនៃដំណើរទស្សនកិច្ចផ្លូវការ ចាប់ពីថ្ងៃទី១៣-១៩ ខែមករា ឆ្នាំ២០២៤ នៅទីក្រុងប៉ារីស ប្រទេសបារាំង។ អនុស្សរណៈសំខាន់ៗទាំងនេះ រួមមាន៖ ១-អនុស្សរណៈយោគយល់រវាង សភាពាណិជ្ជកម្មកម្ពុជា និងសម្ព័ន្ធនិយោជកហ្វ្រង់កូហ្វូន (APF) ២-អនុស្សរណៈយោគយល់រវាង ក្រុមហ៊ុនរ៉ូយ៉ាល់គ្រុប និងក្រុមហ៊ុន Blue Circle ៣-អនុស្សរណៈយោគយល់រវាង អាកាសយានដ្ឋានអន្តរជាតិតេជោ (OCIC) និង ក្រុមហ៊ុន Lagardere Travel Retail ៤-អនុស្សរណៈយោគយល់រវាង ក្រុមហ៊ុន OCIC និង Aloest Productions ៥-អនុស្សរណៈយោគយល់រវាង ក្រុមហ៊ុន OCIC និង Platform Impact (តំណាងដោយក្រុមហ៊ុន Ecole 42) ៦-អនុស្សរណៈយោគយល់រវាង LYP គ្រុប និងក្រុមហ៊ុន SEMMARIS។ ការចុះអនុស្សរណៈយោគយល់នេះ […]
អានបន្ថែម
២០២៣ កម្ពុជានាំចូលសម្ភារសំណង់ជាង ១ពាន់លានដុល្លារ កើន០.៣៣%
ក្នុងឆ្នាំ២០២៣ កន្លងទៅនេះ កម្ពុជាបាននាំចូលសម្ភារសំណង់សរុបតម្លៃ ១.៣៣៣លានដុល្លារ មានការកើនឡើងតិចតួច បើធៀបនឹងឆ្នាំ២០២២។ របាយការណ៍ពីអគ្គនាយកដ្ឋានគយ និងរដ្ឋាករ បង្ហាញថា តម្លៃនៃការនាំចូលសម្ភារទាំងនេះត្រូវបានប្រើប្រាស់ក្នុងការងារសាងសង់មានការកើនឡើង ០.៣៣ភាគរយ នេះបើធៀបនឹងតម្លៃនាំចូលកាលពីឆ្នាំ២០២២ ដែលមានតម្លៃ ១.៣២៥ លានដុល្លារ។ បើតាមរបាយការណ៍ដដែល កម្ពុជាបាននាំចូលស៊ីម៉ង់ដ៍ពីក្រៅប្រទេស មានតម្លៃសរុប ជិត២០លានដុល្លារ ធ្លាក់ចុះ ២១ភាគរយ ខណៈការនាំចូលដែក និងដែកថែប មានតម្លៃសរុប ៣៧២លានដុល្លារ កើនឡើង ៣,៥ភាគរយ។ (អានបន្ថែម)
អានបន្ថែម
ថៃគ្រោងសហការជាមួយកម្ពុជា ដើម្បីទប់ទល់នឹងបញ្ហាផ្សែងអ័ព្ទនៅតំបន់ឆ្លងដែន
ក្នុងចំណាត់ការដ៏សំខាន់មួយនេះ នាយករដ្ឋមន្ត្រីថៃ លោក ស្រេតថា ថាវីស៊ីន បានប្រកាសពីកិច្ចសហការដែលមិនធ្លាប់មានពីមុនជាមួយប្រទេសកម្ពុជា ដើម្បីប្រយុទ្ធប្រឆាំងនឹងបញ្ហាការបំពុលអ័ព្ទនៅតំបន់ឆ្លងដែន។ គំនិតផ្តួចផ្តើមរួមគ្នានេះ នឹងបង្ហាញឡើងនៅមុនជំនួបដ៏សំខាន់ជាមួយសម្តេច ហ៊ុន ម៉ាណែត នាយករដ្ឋមន្រ្តីកម្ពុជា នៅថ្ងៃទី៧ ខែកុម្ភៈ ដែលនេះជាសញ្ញានៃសម្ព័ន្ធភាពរួមគ្នាប្រឆាំងនឹងផលប៉ះពាល់ដ៏អាក្រក់នៃការបំពុលអ័ព្ទឆ្លងព្រំដែន នេះបើយោងតាមការចុះផ្សាយរបស់សារៈព័ត៌មានថៃ Thaiger កាលពីថ្ងៃទី ១៣ ខែមករា ឆ្នាំ ២០២៤នេះ។ តាមប្រភពដដែលបានឱ្យដឹងថា ថ្នាក់ដឹកនាំនៃគណៈប្រតិភូនៃកិច្ចពិភាក្សាទ្វេភាគីនេះ នឹងធ្វើទស្សនកិច្ចសិក្សាទៅកាន់ខេត្តស្រះកែវ ដែលជាតំបន់រងផលប៉ះពាល់យ៉ាងខ្លាំងពីការបំពុលឆ្លងដែន ដែលបង្កឡើងដោយភ្លើងឆេះព្រៃ។ ទីភ្នាក់ងារអភិវឌ្ឍន៍បច្ចេកវិជ្ជាអវកាស និងព័ត៌មានវិទ្យា (GISTDA) របស់ប្រទេសថៃនឹងរួមចំណែកផ្តល់ជូនរូបភាពពីផ្កាយរណបសំខាន់ៗ ដើម្បីជួយសម្រួលដល់ការធ្វើផែនការឆ្លើយតបរបស់ក្រុមការងារទស្សនកិច្ចសិក្សានេះ ដោយកំណត់ចំណុចក្តៅនៃភ្លើងឆេះព្រៃ និងជួយអន្តរាគមន៍រហ័ស។ “ភាពធ្ងន់ធ្ងរនៃការបំពុលកម្រិត PM2.5 នៅតាមតំបន់នានាដូចជាខេត្តស្រះកែវ ទាមទារឱ្យមានកិច្ចខិតខំប្រឹងប្រែងសម្របសម្រួលជាមួយប្រទេសជិតខាងរបស់យើង។ រួមគ្នាជាមួយកម្ពុជា យើងមានគោលបំណងដោះស្រាយបញ្ហាឫសគល់ និងអនុវត្តយុទ្ធសាស្រ្តគ្រប់គ្រងប្រកបដោយប្រសិទ្ធភាព” នេះជាប្រសាសន៍របស់ នាយករដ្ឋមន្ត្រីស្រេតថា ថាវីស៊ីន។ លោកនាយករដ្ឋមន្ត្រី ស្រេតថា បានគូសបញ្ជាក់ពីការប្តេជ្ញាចិត្តរបស់រដ្ឋាភិបាលថៃចំពោះសិទ្ធិរបស់ប្រជាពលរដ្ឋរបស់ខ្លួនក្នុងការសម្អាតខ្យល់ ដែលជាជំហរពង្រឹងដោយការដាក់ឱ្យប្រើប្រាស់នូវសេចក្តីព្រាងច្បាប់ស្តីពីខ្យល់អាកាសបរិសុទ្ធទៅកាន់សភាថៃ។ សេចក្តីព្រាងច្បាប់នេះ ត្រូវបានចាត់ទុកថាជាបញ្ហាបន្ទាន់មួយ នឹងត្រូវឆ្លងកាត់ការអានលើកដំបូងរបស់ខ្លួននៅក្នុងសភាតំណាងរាស្រ្តនៅសប្តាហ៍ក្រោយ បន្ទាប់ពីមានការពិភាក្សាយ៉ាងទូលំទូលាយកាលពីថ្ងៃព្រហស្បតិ៍ ដែលបាននាំឱ្យមានការបោះឆ្នោតអនុម័តឡើងវិញ។ “សេចក្តីព្រាងច្បាប់ស្តីពីខ្យល់បរិសុទ្ធនេះ ត្រូវបានតាក់តែងឡើងដើម្បីផ្តល់សិទ្ធិអំណាចដល់អង្គការជាតិ […]
អានបន្ថែម
អគារចក្ខុរោគនៅមន្ទីរពេទ្យបង្អែកខេត្តមណ្ឌលគិរី សម្ពោធឱ្យប្រើប្រាស់ផ្លូវការហើយ
អគារចក្ខុរោគនៅមន្ទីរពេទ្យបង្អែកខេត្តមណ្ឌលគិរី ដែលមានតម្លៃជិត ៩ម៉ឺនដុល្លារអាមេរិក ត្រូវបានសម្ពោធដាក់ឲ្យប្រើប្រាស់ជាផ្លូវការ។ នេះបើតាមពិធីសម្ពោធ ក្រោមអធិបតីភាព ឯកឧត្តមវេជ្ជបណ្ឌិត លី ឈួង រដ្ឋលេខាធិការនៃក្រសួងសុខាភិបាល កាលពីថ្ងៃទី១៥ ខែមករា ឆ្នាំ២០២៤។ បើតាមលោកវេជ្ជបណ្ឌិត ទុយ ស្រស់ ប្រធានមន្ទីរពេទ្យបង្អែកខេត្តមណ្ឌលគិរី បានឲ្យដឹងថា អគារចក្ខុរោគនៃមន្ទីរពេទ្យបង្អែកខេត្តមណ្ឌលគិរី ចាប់ផ្ដើមជួសជុលកែលម្អចាប់ពីថ្ងៃទី២ ខែសីហា ឆ្នាំ២០២៣ និងសាងសង់រួចជាស្ថាពរនៅថ្ងៃទី២៤ ខែវិច្ឆិកា ឆ្នាំ២០២៤ ក្រោមការគាំទ្រថវិកាពីអង្គការមូលនិធិថែទាំ សុខភាពភ្នែក ចំណាយទឹកប្រាក់ចំនួន ៨៤.៩៧៣ដុល្លារ។ ក្នុងនោះ ចំនួនទឹកប្រាក់ជួសជុលអគារសរុបចំនួន ៣១.២៥៨ដុល្លារ និងបំពាក់សម្ភារចក្ខុសាស្ត្រសរុបទឹកប្រាក់ចំនួន ៥៣.៥១៥ដុល្លារ ព្រមទាំងថវិកាបដិភាគមន្ទីរពេទ្យបង្អែកខេត្តមណ្ឌលគិរីចំនួន ១.០០០ដុល្លារ។ គួរបញ្ជាក់ថា អគារចក្ខុរោគនេះ មានបន្ទប់សម្រាក ១បន្ទប់ មាន៤គ្រែ បន្ទប់វាស់ និងកាត់ វ៉ែនតា១បន្ទប់ បន្ទប់ពិគ្រោះជំងឺ ១បន្ទប់ បន្ទប់ត្រៀមវះកាត់ ១បន្ទប់ បន្ទប់វះកាត់១បន្ទប់ និងលាងចំហុយសម្ភារ ១បន្ទប់៕ ថ្លែងក្នុងពិធីសម្ពោធនេះដែរ ឯកឧត្តមវេជ្ជបណ្ឌិត លី ឈួង […]
អានបន្ថែម
អឺរ៉ុបគ្រោងផ្តល់ជំនួយជិត ៩៤លានដុល្លារដល់កម្ពុជា សម្រាប់អភិវឌ្ឍកម្មវិធីសំខាន់ ៤
សហភាពអឺរ៉ុប (EU) តាមរយៈក្របខណ្ឌ Global Gateway គ្រោងនឹងផ្តល់ហិរញ្ញប្បទានឥតសំណងចំនួន ៨៦លានអឺរ៉ូ ស្មើនឹងជិត ៩៤លានដុល្លារអាមេរិក ជូនកម្ពុជាសម្រាប់អភិវឌ្ឍកម្មវិធីសំខាន់ៗចំនួន៤។ នេះបើតាមសេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ ចុះថ្ងៃទី១៥ ខែមករា ឆ្នាំ២០២៤។ សេចក្តីប្រកាសព័ត៌មាននេះ បានឱ្យដឹងថា នៅក្នុងជំនួបជាមួយឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឯកឧត្តម ទ្រីសម៉ាន់ ពីរហ្គាវ័ (Driesmans Igor) ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានជម្រាបឱ្យដឹងនូវយុទ្ធសាស្រ្ត Global Gateway ដែលជាយុទ្ធសាស្រ្តថ្មីរបស់ EU ដែលមានគោលបំណងកៀរគរការវិនិយោគបន្ថែមសម្រាប់ប្រទេសជាដៃគូ។ ក្នុងនោះ នៅក្រោមក្របខណ្ឌ Global Gateway សហភាពអឺរ៉ុប គ្រោងផ្តល់ជំនួយចំនួនសរុបប្រមាណ ៨៦ លានអឺរ៉ូ ជូនកម្ពុជាសម្រាប់កម្មវិធីថ្មីចំនួន ៤ រួមមាន៖ (១) កម្មវិធីភាពជាដៃគូរបស់កម្ពុជាសម្រាប់ប្រព័ន្ធកសិកម្ម និងអាហារប្រកបដោយចីរភាព (២) កម្មវិធីភាពជាដៃគូសហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងឧស្សាហកម្មវិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ, (៣) […]
អានបន្ថែម
អ្នកជំនាញជំរុញអ្នកអភិវឌ្ឍន៍គួរផ្តោតលើការកែលម្អទ្រព្យមានស្រាប់ ដើម្បីបំពេញតម្រូវការទីផ្សារក្នុងបរិបទថ្មី ជាជាងបន្តធ្វើរឿង១នេះ
“អ្នកអភិវឌ្ឍន៍អចលនទ្រព្យ បន្តផ្តោតលើការប្រឹងលក់គម្រោងចាស់ៗដែលមិនទាន់លក់ចេញ ដែលនិន្នាការនេះហាក់នៅមិនទាន់មានការផ្លាស់ប្តូរនៅឡើយទេ គិតមកទល់បំណាច់ឆ្នាំ ២០២៣នេះ។ ជាជាងចំណាយលើការវិនិយោគថ្មី អ្នកអភិវឌ្ឍន៍អចលនទ្រព្យគួរងាកមកផ្តោតលើការរៀបចំឡើងវិញជាយុទ្ធសាស្រ្តនៃផលិតផល និងសេវាកម្មក្នុងស្តុករបស់ខ្លួន ដើម្បីបំពេញបាននូវតម្រូវការទីផ្សារក្នុងបរិបទថ្មី” នេះជាសារលើកឡើងរបស់លោក Marc Townsend នាយកក្រុមហ៊ុន CBRE Cambodia និងជាអ្នកជំនាញក្នុងវិស័យអចលនទ្រព្យ ក្នុងសិក្ខាសាលាមួយរៀបចំឡើងនៅសណ្ឋាគារ Oakwood Premier ក្នុងរាជធានីភ្នំពេញភ្នំពេញ កាលថ្ងៃទី ១២ ខែមករា ឆ្នាំ ២០២៤។ សិក្ខាសាលាស្តីអំពី “ការព្យាករណ៍គ្មានការភ័យខ្លាច ២០២៤” ដ៏សំខាន់សម្រាប់វិស័យអចលនទ្រព្យនេះ ប្រារព្ធឡើងដើម្បីបង្ហាញនិងចែករំលែកការយល់ដឹង និងបច្ចុប្បន្នភាពសំខាន់ៗ ដែលមិនត្រឹមតែផ្តល់នូវទិដ្ឋភាពទូទៅនៃទិដ្ឋភាពសេដ្ឋកិច្ចកម្ពុជាប៉ុណ្ណោះទេ ប៉ុន្តែថែមទាំងផ្តល់នូវការវិភាគលម្អិតអំពីទីផ្សារអចលនទ្រព្យផងដែរ។ សិក្ខាសាលា នេះបានទាក់ទាញអ្នកចូលរួមចំនួនជាង ១០០ នាក់មកពីស្ថាប័នចម្រុះពាក់ព័ន្ធនឹងវិស័យអចលនទ្រព្យនៅកម្ពុជា។ នាឱកាសនោះដែរ លោក Townsend បានសង្កត់ធ្ងន់អំពីសក្តានុពលនៃការផ្លាស់ប្តូរយុទ្ធសាស្រ្ត ដោយអះអាងថា “សម្រាប់អ្នកអភិវឌ្ឍន៍អចលនទ្រព្យ គួរតែផ្តល់អាទិភាពលើការរៀបចំទ្រព្យក្នុងស្តុករបស់ខ្លួនឡើងវិញ និងសំឡឹងមើលការរៀបចំសេវានិងផលិតផលដែលមានស្រាប់របស់ខ្លួន ដើម្បីបំពេញតម្រូវការទីផ្សារ ជាជាងណែនាំគម្រោងថ្មីសម្រាប់ឆ្នាំ ២០២៤នេះ។ យុទ្ធសាស្ត្រនេះ នឹងជួយឱ្យគេសម្របខ្លួនទៅនឹងសក្ដានុពលដែលកំពុងវិវត្តនៃវិស័យអចលនទ្រព្យ និងបន្ស៊ីខ្លួនជាមួយនឹងតម្រូវការទីផ្សារបច្ចុប្បន្ន។” ទិដ្ឋភាពទីផ្សារអចលនទ្រព្យ ដែលបានធ្វើបច្ចុប្បន្នភាពដោយ CBRE រំលេចឱ្យឃើញពីនិន្នាការផ្គត់ផ្គង់លើសតម្រូវការ […]
អានបន្ថែម
រដ្ឋបន្ថែមមុខងារថ្មីចំនួន៥ទៀត ក្នុងប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន
រាជរដ្ឋាភិបាល សម្រេចដាក់ដំណើរការនូវមុខងារចុះបញ្ជីកែប្រែព័ត៌មានក្រុមហ៊ុន/សហគ្រាសចំនួន ៥លើប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន ដើម្បីសម្រួលដល់ការងារចុះបញ្ជីក្រុមហ៊ុនតាមអនឡាញឱ្យកាន់តែមានប្រសិទ្ធភាព។ នេះបើតាមសេចក្តីប្រកាសព័ត៌មានរួមមួយ ចុះថ្ងៃទី១៥ ខែមករា ឆ្នាំ២០២៤។ មុខងារថ្មីទាំង ៥នេះ នឹងដាក់ឱ្យដំណើរការជាផ្លូវការ ចាប់ពីថ្ងៃទី១៥ ខែមករា ឆ្នាំ២០២៤ តទៅ លើប្រព័ន្ធបញ្ជីអាជីវកម្ម តាមថ្នាលបច្ចេកវិទ្យាព័ត៌មាន រួមមាន៖ ១.កែប្រែព័ត៌មានលម្អិតអាសយដ្ឋាន ទីស្នាក់ការចុះបញ្ជី ២.កែប្រែលក្ខន្តិកៈក្រុមហ៊ុន ៣.កែប្រែសកម្មភាពអាជីវកម្ម ៤.តម្កល់ប្រតិវេទន៍ប្រចាំឆ្នាំ និង៥. កែប្រែព័ត៌មានគណនីធនាគារ។ ដំណើរការនេះ នឹងត្រូវធ្វើឡើងតាមប្រព័ន្ធអនឡាញទាំងស្រុង ដោយមិនតម្រូវឱ្យមានវត្តមានទៅដល់ទីកន្លែងផ្ទាល់ទៀតទេ។ លើសពីនេះ ក្រុមការងារអន្តរក្រសួង នឹងរៀបចំដាក់ដំណើរការជាបន្តបន្ទាប់ នូវមុខងារចុះបញ្ជីកែប្រែព័ត៌មានក្រុមហ៊ុន/សហគ្រាសថ្មីៗបន្ថែមទៀត នៅក្នុងប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន។ គួររម្លឹកដែរថា ការប្រែក្លាយការងារចុះបញ្ជីក្រុមហ៊ុនទៅតាមប្រព័ន្ធបច្ចេកវិទ្យានេះ គឺផ្អែកលើគោលការណ៍ចំនួន ៣ រួម មាន ៖ (១) ការកាត់បន្ថយចំណាយ (២) ការកាត់បន្ថយថិរវេលា និង (៣) ការកាត់បន្ថយនីតិវិធីស្មុគស្មាញ។ ក្នុងនោះ ប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន ត្រូវបានពង្រីកវិសាលភាពរហូតដល់ដំណាក់កាល ទី ៣ […]
អានបន្ថែម