Bechtel បង្ហាញការចាប់អារម្មណ៍លើអាកាសយានដ្ឋាន ឡុង ថាញ់

• Me Wathana
• 1 ខែ​កុម្ភៈ 2017
• ព័ត៌មានអចលនទ្រព្យ
• 142 មើល

បន្ទាប់ពីការអនុម័តដោយរដ្ឋសភាជាតិវៀតណាមសម្រាប់ការសាងសង់អាកាសយានដ្ឋានថ្មីដ៏ធំមួយដែលមានតម្លៃ ១៦ ប៊ីលានដុល្លារអាមេរិច នៅឡុងថាញ់ ក្រៅទីក្រុង ហូជីមិញ នៅឆ្នាំ ២០១៥ រួចមក ក្រុមហ៊ុនវិស្វកម្មអាមេរិច Bechtel បានធ្វើការទស្សនកិច្ចនៅវៀតណាមក្នុងខែធ្នូ ដើម្បីទទួលយកព័ត៌មានបន្ថែមអំពីគម្រោងនេះ។

ដំណើរទស្សនកិច្ចនេះធ្វើឲ្យមានការរំពឹងទុកថា Bechtel កំពុងពិចារណាដាក់ភាគហ៊ុនស្មើគ្នានៅក្នុងគម្រោងនេះ ព្រមទាំងដើរតួជាអ្នកគ្រប់គ្រងគម្រោងនេះដោយផ្ទាល់ទៀតផង។

ការងារនៅលើព្រលានទំហំ ៥ គីឡូម៉ែត្រការ៉េ នឹងចាប់ផ្តើមនៅឆ្នាំ ២០១៩ ខាងមុខនេះ ជាមួយដំណាក់កាលទី ១ ដោយបញ្ចប់ផ្លូវរត់តែមួយ អាចទទួលអ្នកដំណើរបាន ២៥លាននាក់ នៅឆ្នាំ ២០២៥។ ដំណាក់កាលទី ២ នឹងបង្កើនសមត្ថភាពផ្ទុកអ្នកដំណើរទ្វេដងដល់ទៅ ៥០លាននាក់ ហើយដំណាក់កាលទី ៣ នឹងបង្កើនទ្វេដងទៀត ដល់ ១០០លាននាក់ នៅឆ្នាំ២០៥០៕