កម្មវិធី Benesch Pilots AI/ML រួមបញ្ចូលបច្ចេកវិទ្យាឌីជីថលភ្លោះ បង្កើតប្រសិទ្ធិភាពថែទាំខ្នងផ្លូវអ៊ុតកៅស៊ូ
ការប្រើប្រាស់កម្មវិធី iTwin របស់ Bentley ជួយសម្រួលដល់ការចងក្រងសំណុំទិន្នន័យក្នុងការគ្រប់គ្រង និងទំនើបកម្មឧស្សាហកម្មផ្លូវថ្នល់
- ការគ្រប់គ្រងត្រួតពិនិត្យគុណភាពផ្លូវកៅស៊ូតាមបែបប្រពៃណី ខ្វះប្រសិទ្ធភាព និងផ្តល់ចំណេះដឹង ដែលធ្វើឲ្យតម្លៃផ្លូវថ្នល់ជាទ្រព្យសកម្មក្នុងហេដ្ឋារចនាសម្ព័ន្ធមិនអាចប្រើអស់លទ្ធភាព។
- ក្រុមហ៊ុន Benesch បានផ្តួចផ្តើមគម្រោងស្រាវជ្រាវ និងអភិវឌ្ឍន៍ ដោយស្វែងរកការរួមបញ្ចូលនៃបញ្ញាសិប្បនិមិត្ត (AI) ម៉ាស៊ីនសិក្សា (ML) និងឌីជីថលភ្លោះ (Digital Twin) សម្រាប់វិធីសាស្រ្តផ្តោតលើទិន្នន័យបន្ថែមទៀតដើម្បីដោះលំហូរការងារចាប់យករូបភាពស្នាមប្រេះនៃខ្នងផ្លូវកៅស៊ូ។
- អានុភាព iTwin® ជាមួយនឹងបច្ចេកវិទ្យា AI បូករួមម៉ាស៊ីនសិក្សាស្វ័យប្រវត្តិកម្មឌីជីថល និងការរួមបញ្ចូលនៃទិន្នន័យគំនូសស្នាមប្រេះនៅលើខ្នងផ្លូវជារូបភាពឌីជីថលភ្លោះ គឺជួយសន្សំពេលវេលាច្រើនជាង 75% នៃការងារដោយដៃ។
- ភាពជោគជ័យត្រូវបានព្យាករណ៍លើការប្រើប្រាស់អានុភាពនៃបញ្ញាសិប្បនិម្មិត (AI) និងម៉ាស៊ីនសិក្សា(ML)នៅក្នុងកម្មវិធីឌីជីថលភ្លោះរបស់ Bentley ដើម្បីគ្រប់គ្រងថែទាំ និងការប្រើប្រាស់ផ្លូវថ្នល់ឱ្យអស់ពីលទ្ធភាព។
បច្ចេកវិទ្យាឈានមុខក្នុងការចាប់យករូបភាពស្នាមប្រេះនៅលើផ្លូវកៅស៊ូ
ហេដ្ឋារចនាសម្ព័ន្ធផ្លូវសាធារណៈភាគច្រើន ដូចជាស្ពាន ផ្លូវថ្នល់ជាដើម គឺទាមទារឲ្យមានការចុះសិក្សាប្រមូលយកទិន្នន័យស្នាមប្រេះ និងធ្វើការថែទាំ ដើម្បីធានាការប្រើប្រាស់ឱ្យអស់លទ្ធភាពទៅតាមគម្រោងដែលបានសិក្សា។ ទោះជាយ៉ាងណាក៏ដោយ វិធីសាស្រ្តចាស់សព្វថ្ងៃដែលកំពុងប្រើដើម្បីត្រួតពិនិត្យប្រមូលទិន្នន័យស្នាមប្រេះ គឺប្រើប្រាស់ពេលវេលាច្រើន ដែលបណ្តាលឱ្យធ្លាក់ចុះគុណភាពការងារ និងជះឥទ្ធិពលជាអវិជ្ជមានដល់ម្ចាស់គម្រោងហេដ្ឋារចនាសម្ព័ន្ធ និងអ្នកប្រើប្រាស់ ក៏ដូចជាសាធារណៈជន។ លោក Bret Tremblay អ្នកគ្រប់គ្រងបច្ចេកទេសនៅក្នុងក្រុមហ៊ុន Benesch បាននិយាយថា “ជាធម្មតា ការវិភាគមិនត្រូវបានធ្វើឡើងសម្រាប់គុណភាពផ្លូវទាំងមូលនោះទេ គឺគ្រាន់ផ្អែកលើគំរូដែលទទួលបានដើម្បីស្វែងរកមធ្យមភាគ ហើយព្យាករណ៍គុណភាពផ្លូវនោះដោយមិនបានចុះអង្កេតគ្រប់កន្លែងនោះទេ”។ នៅពេលក្រុមហ៊ុនត្រួតពិនិត្យដែលមានវិជ្ជាជីវៈមួយប្រើប្រាស់វិធីសាស្រ្តនេះ នឹងជំរុញឲ្យមានលម្អៀងបរិមាណច្រើន ដែលនាំឱ្យមានបម្រែបម្រួលការបញ្ជាទិញ ហើយកំណត់ជាស្តង់ដារ Contigentcy ក្នុងឧស្សាហកម្មទៅវិញ។
ដើម្បីដោះស្រាយបញ្ហាខ្វះខាតទាំងនេះ ក្រុមហ៊ុន Benesch បានផ្តួចផ្តើមគម្រោងស្រាវជ្រាវ និងអភិវឌ្ឍន៍ បង្កើតប្រព័ន្ធការងារប្រមូលទិន្នន័យដែលមានប្រសិទ្ធភាពជាងមុន និងដោះស្រាយកង្វល់អតិថិជនអំឡុងពេលត្រូវការការត្រួតពិនិត្យជាប្រចាំ។ លោក Tremblay បាននិយាយថា “ស្ទើរតែគ្រប់ទ្រព្យសកម្មដ៏មានតម្លៃរបស់អង្គភាពសាធារណៈដែលពាក់ព័ន្ធនឹងផ្លូវថ្នល់ គឺជ្រើសរើសការអនុវត្តថែទាំផ្លូវថ្នល់បែបប្រពៃណី នឹងមិនអាចបង្កើនតម្លៃនៃទ្រព្យសកម្មនោះបានទេ”។ ដូចនេះហើយបានជាក្រុមហ៊ុន Benesch មានចក្ខុវិស័យសម្រាប់បច្ចេកវិទ្យាដែលនឹងត្រូវអភិវឌ្ឍដើម្បីបំពេញតម្រូវការរបស់អតិថិជន ដោយយើងបានចាប់ផ្តើមសាកល្បងប្រមូលទិន្នន័យនៅហ្នឹងកន្លែងចំនួនបីគម្រោងផ្សេងៗគ្នាដើម្បីជំរុញសមត្ថភាពបច្ចេកវិទ្យាបច្ចុប្បន្ន បង្កើតប្រសិទ្ធភាពតាមរយៈវិធីសាស្ត្រចាប់យកសញ្ញាស្នាមប្រេះនៅលើខ្នងផ្លូវ។
ដំណោះស្រាយគម្លាតទិន្នន័យឌីជីថល
ដោយសារខ្នងផ្លូវកៅស៊ូដែលមានស្រាប់កាន់តែចេះតែបន្តខូចខាត ដូចជា ផ្លូវ ស្ពាន អាកាសយានដ្ឋាន និងចំណតរថយន្ត ជាដើម។ល។ ដូចនេះតម្រូវការសម្រាប់ការត្រួតពិនិត្យ និងថែទាំចេះតែបន្តកើនឡើង។ លោក Tremblay បាននិយាយថា “ជារឿយៗ ការត្រួតពិនិត្យថែទាំត្រូវបានមើលរំលងហួសពីអាយុកាលជីវិតនៃទ្រព្យសកម្មនោះ ដែលនាំទៅរកការខូចខាតដែលមិនអាចថែទាំ ឬជួសជុលបាន”។
ការមកដល់នៃបច្ចេកវិទ្យាថ្មី ដើម្បីចាប់យករូបភាពពីលើអាកាសដោយប្រើដ្រូនដែលមានរូបភាពគុណភាពខ្ពស់បានអនុញ្ញាតឱ្យយើងអាចតាមដានស្នាមប្រេះដោយផ្ទាល់នៅលើរូបភាព ដែលសន្សំពេលវេលាបានយ៉ាងច្រើនជាមួយការងារឌីជីថលថ្មីនេះ។ ទោះជាយ៉ាងណាក៏ដោយ វិធីសាស្រ្តឌីជីថលនេះនៅតែខ្វះខាតក្នុងការបំពេញតម្រូវការឧស្សាហកម្ម ដោយសារទ្រព្យសកម្មនៅតែត្រូវបានបន្តប្រើប្រាស់លើសពីអាយុកាល ដោយសារការត្រួតពិនិត្យមិនបម្រើទាន់សេចក្តីត្រូវការ។ ខណៈពេលដែលការចាប់យកទិន្នន័យជាឌីជីថលមានប្រសិទ្ធភាពជាងការត្រួតពិនិត្យនៅលើទីវាលផ្ទាល់ក៏ដោយ តែវានៅតែមានគម្លាតទិន្នន័យដោយសាររូបភាពដែលប្រមូលបានមិនត្រូវបានប្រើប្រាស់ និងវិភាគឲ្យអស់សក្តានុពលរបស់វា។
ខណៈពេលដែលវិស្វករអាចមើលឃើញស្នាមប្រេះនៅក្នុងរូបភាពឌីជីថលដែលថតពីលើអាកាសក៏ដោយ តែការវិភាគ ឬការចាត់ថ្នាក់ស្នាមប្រេះទាំងនោះនៅតែពឹងផ្អែកលើការវាយតម្លៃទៅតាមរូបភាពដែលមើលឃើញ ឬនៅតែទាមទារការចុះពិនិត្យនៅនឹងកន្លែងដដែល។ ការលំបាកទាំងនេះ បានញ៉ាំងឲ្យក្រុមហ៊ុន Benesch ព្យាយាមដោះស្រាយគម្លាតបញ្ហានេះ ដោយសម្រួលការប្រមូលទិន្នន័យ ការវិភាគ និងការប្រើប្រាស់ទិន្នន័យ តាមរយៈសមត្ថភាពពេញលេញនៃទិន្នន័យឌីជីថលដែលទទួលបាន។ យើងបានអនុវត្តវិធីសាស្រ្តចងក្រងសំណុំទិន្នន័យ (data-centric) ដែលទិន្នន័យជារូបភាពឌីជីថលអាចត្រូវបានផ្តល់ជូនទាន់ពេល និងដល់មនុស្សដែលមានជំនាញក្នុងការសម្រេចចិត្តអំពីព័ត៌មានដែលទទួលបាន ដែលនាំទៅរកលទ្ធផលល្អប្រសើរ ធានាបាននូវសុវត្ថិភាពសំណង់សាធារណៈ។ ដើម្បីសម្រេចបាននូវគោលដៅនេះ គេត្រូវដឹងថា ដំណោះស្រាយឌីជីថលភ្លោះដែលមានសមត្ថភាព ជាមួយការភ្ជាប់បណ្តាញអ៊ីនធើណិត (IoT) បូករួមបញ្ញាសិប្បនិម្មិត (AI) និងបច្ចេកវិទ្យាម៉ាស៊ីនសិក្សា (ML) គឺជារឿងចាំបាច់បំផុត។
អានុភាព AI និង Digital Twins
លោក Tremblay បានលើកឡើងថា “យើងឃើញអតិថិជនរបស់យើងជួបការលំបាកក្នុងការវាយតម្លៃលក្ខខណ្ឌស្នាមប្រេះនៅលើខ្នងផ្លូវ ហើយយើងបានសហការជាដៃគូជាមួយ Bentley បានជួយឲ្យយើងបង្កើតរបកគំហើញថ្មីមួយ”។ ដូចនេះហើយ បានជាក្រុមហ៊ុន Benesch ជ្រើសរើស iTwin Capture Modeler របស់ Bentley, AssetWise® និងកម្មវិធី iTwin ដើម្បីសាកល្បងច្នៃប្រឌិតបង្កើតឌីជីថលភ្លោះសម្រាប់ការងារនៅការដ្ឋាន ដោយយើងបានជ្រើសរើសគម្រោងចំនួនបីមកសាកល្បងសមត្ថភាពបច្ចេកវិទ្យាថ្មីនេះ។ តាមរយៈភាពជាដៃគូជាមួយ Bentley យើងបានស្វែងរកការរួមបញ្ចូលគ្នានៃ AI/ML ទៅក្នុងលំហូរការងារប្រមូលទិន្នន័យ ជាពិសេសផ្តោតលើការរកឃើញស្នាមប្រេះនៅលើខ្នងផ្លូវអ៊ុតកៅស៊ូ។ “ដោយប្រើការរួមបញ្ចូលគ្នានៃ iTwin Capture Modeler, AssetWise និង iTwin Experience របស់ Bentley ធ្វើឲ្យយើងមានទំនុកចិត្តថា យើងនឹងអាចបង្កើតលំហូរការងារថ្មីមួយជាមួយនឹងបច្ចេកវិទ្យាឧបករណ៍ចាប់យកស្នាមប្រេះនៅលើខ្នងផ្លូវ ដោយប្រើអានុភាពបច្ចេកវិទ្យា AI/ML ដើម្បីសម្រួលដំណើរការស្វែងរកស្នាមប្រេះទាំងមូលនៅលើខ្នងផ្លូវ។ នេះបើតាមសម្តីលោក Tremblay។
ជាជំហានដំបូងក្នុងការបង្កើតឌីជីថលភ្លោះ លោកបានបង្ហោះដ្រូននៅលើទីវាលទាំងមូល តាមរយៈមុខងារហោះហើរដោយស្វ័យប្រវត្តិ ហើយប្រើប្រាស់រូបភាពដែលថតបានដោយដ្រូន រួមផ្សំជាមួយឧបករណ៍ចាប់សញ្ញា បានរកឃើញស្នាមប្រេះតាមរយៈការវិភាគរបស់ AI ដែលអនុញ្ញាតឱ្យពួកគេទាញយក និងវិភាគទិន្នន័យពីការរកឃើញ។ ឧបករណ៍ចាប់ស្នាមប្រេះលើខ្នងផ្លូវដែលពឹងផ្អែកលើបច្ចេកវិទ្យាបន្ថែមនៃ AI/ML បានធ្វើស្វ័យប្រវត្តិកម្មទិន្នន័យជាឌីជីថលតាមរយៈស្នាមប្រេះដែលចាប់បាន ហើយធ្វើការវិភាគ និងផ្តល់ព័ត៌មានតាមរយៈគំរូឌីជីថលភ្លោះដែលមើលឃើញ ដោយផ្តល់ការវិភាគជាក់ស្តែងប្រៀបដូចជាការគូសគំនូសស្នាមប្រេះនៅលើខ្នងផ្លូវពិតៗ និងគួរឱ្យទុកចិត្តបំផុត។ តាមរយៈកម្មវិធី iTwin របស់ Bentley ក្រុមហ៊ុន Benesch បានប្រើប្រាស់ឌីជីថលភ្លោះ ដើម្បីបង្កើនល្បឿនត្រួតពិនិត្យស្នាមប្រេះដែលបានរកឃើញនៅលើខ្នងផ្លូវ ដោយអាចដាក់កំណត់សម្គាល់ និងលក្ខខណ្ឌដោយផ្ទាល់នៅក្នុងគំរូឌីជីថលភ្លោះ និងអាចវាយតម្លៃស្ថានភាពផ្លូវ(ទ្រព្យសកម្ម)ពីចម្ងាយទៅថ្ងៃអនាគតអំពីតម្រូវការថែទាំនិងជួសជុល។ ការចាប់យករូបភាពស្នាមប្រេះជារូបភាពឌីជីថល តាមរយៈ AI/ML ដើម្បីកំណត់អត្តសញ្ញាណដោយស្វ័យប្រវត្តិ និងចាត់ថ្នាក់នៃកំហូច(ស្នាមប្រេះ)ទាំងនោះនៅលើខ្នងផ្លូវ បានធ្វើឲ្យការងារចុះត្រួតពិនិត្យបន្ថែមក្នុងគោលបំណងកែសម្រួលបញ្ហាត្រូវបានកាត់បន្ថយ ដែលជាលទ្ធផលនឹងអនុញ្ញាតឱ្យក្រុមថែទាំ អ្នកចុះសិក្សាគូសប្លង់ និងអ្នកសាងសង់អាចចុះអនុវត្តការងារបានយ៉ាងរលូន និងលឿនជាងមុន។
សំណុំទិន្នន័យបង្កើតជាលំហូរការងារប្រតិបត្តិក្នុងឧស្សាហកម្ម
បើប្រៀបធៀបទៅនឹងដំណើរការត្រួតពិនិត្យដោយដៃ លំហូរការងារ AI សន្សំពេលវេលា និងផ្តល់គុណភាពទិន្នន័យខ្ពស់ជាង។ រួមផ្សំជាមួយកម្មវិធី iTwin របស់ Bentley ដំណោះស្រាយការចាប់យករូបភាពប្រេះស្នាមតាមវិធីសាស្រ្តថ្មី និងធ្វើស្វ័យប្រវត្តិទិន្នន័យឌីជីថល គឺអាចសន្សំពេលវេលាច្រើនជាង 75% ក្នុងការចុះទៅប្រមូលដោយផ្ទាល់នៅការដ្ឋាន។ គេអាចព្យាករថាវានឹងសន្សំប្រាក់បានច្រើននេះនៅពេលសាកល្បងត្រួតពិនិត្យលើខ្នងផ្លូវហោះហើរចំនួន 100 អាកាសយានដ្ឋាន ខណៈពេលដែលវាកាត់បន្ថយផលប៉ះពាល់បានច្រើនដល់ពេលវេលាចរាចរណ៍ ឬការរាំងស្ទះប្រតិបត្តិការព្រលានយន្តហោះ។
បច្ចេកវិទ្យាចាប់យកស្នាមប្រេះតាមរយៈឌីជីថលភ្លោះ បានអនុញ្ញាតឱ្យក្រុមការងារអាចធ្វើអ្វីច្រើនជាងការទាញយកស្នាមប្រេះផ្លូវពីរូបថតតែមួយ។ វាផ្តល់ជូននូវទិដ្ឋភាពរួម ផ្តល់នូវប្រសិទ្ធភាព សុវត្ថិភាព ភាពត្រឹមត្រូវ និងលុបបំបាត់ការងារដោយដៃដែលមានគ្រោះថ្នាក់ ងាយបង្កបញ្ហា និងកាត់បន្ថយការផ្អាកប្រតិបត្តិការរបស់អតិថិជន ដោយសារតម្រូវការត្រួតពិនិត្យ និងការជួសជុលនៅនឹងកន្លែង។ “សម្រាប់ក្រុមហ៊ុន Benesch មានការរំភើបចំពោះរបៀបការងារថ្មីដែលយើងអាចប្រើប្រាស់បច្ចេកវិទ្យា និងលំហូរការងារនេះដើម្បីត្រួតពិនិត្យ និងប្រៀបធៀបលទ្ធផលការងារនៅក្នុងវដ្តជីវិតរបស់ទ្រព្យសកម្មបានប្រសើរជាង ដែលការវាយតម្លៃស្នាមប្រេះអាចកំណត់ទៅតាមដំណាក់កាល និងធ្វើឱ្យវដ្តជីវិតនៃទ្រព្យសកម្មរបស់អ្នកវិនិយោគកាន់តែប្រើប្រាស់បានយូរ និងមានភាពធន់។ នេះនឹងអនុញ្ញាតឱ្យយើងអាចផ្តល់ជូនដល់អតិថិជនរបស់យើងនូវការសម្រេចចិត្តដែលជំរុញដោយទិន្នន័យស្តីពីវិធីថែទាំ” នេះបើតាមសម្តីរបស់លោក Tremblay។
ការធ្វើការនៅក្នុងបរិដ្ឋានឌីជីថលភ្លោះជាមួយអានុភាព AI/ML បានជួយសម្រួលដល់លំហូរការងារដែលផ្តោតលើទិន្នន័យឌីជីថល និងបានផ្លាស់ប្តូរទស្សនៈនៃការគ្រប់គ្រងទ្រព្យសម្បត្តិពីវិធីសាស្រ្តបែងចែកការងារជាផ្នែកតូចៗទៅជាការងារដែលមានប្រភពនៃការពិតតែមួយ ដែលផ្តល់នូវការយល់ដឹងអំពីហេដ្ឋារចនាសម្ព័ន្ធទាំងមូលសម្រាប់ការសម្រេចចិត្តកាន់តែប្រសើរឡើងៗ។ យូរៗទៅ នៅពេលដែល Benesch អនុវត្តបច្ចេកវិទ្យានេះសម្រាប់អតិថិជនរបស់ខ្លួន គេរំពឹងថានឹងឃើញការថែទាំប្រកបដោយប្រសិទ្ធភាពជាមួយហេដ្ឋារចនាសម្ព័ន្ធដឹកជញ្ជូនសំខាន់ៗ ដែលនាំទៅដល់បរិយាកាសសុវត្ថិភាពសម្រាប់មនុស្សគ្រប់គ្នា។
លោក Tremblay បាននិយាយថា “យើងមើលឃើញថាផលិតផលនេះមិនត្រឹមតែផ្តល់អត្ថប្រយោជន៍ដល់ក្រុមហ៊ុន Benesch ប៉ុណ្ណោះទេ ប៉ុន្តែវានឹងក្លាយជាលំហូរការងារមិនអាចខ្វះបាននៅក្នុងឧស្សាហកម្ម រចនា-វិស្វកម្ម-សាងសង់ (AEC) ទាំងមូល”។ តាមរយៈការទទួលយកបច្ចេកវិទ្យាទំនើបទាំងនេះដោយប្រើប្រាស់ AI/ML ឧស្សាហកម្ម AEC នឹងអាចកាត់បន្ថយហានិភ័យនៃកំហុសដែលកើតចេញពីការប្រើបញ្ញាស្មារតីរបស់មនុស្ស ហើយវាមានសារៈសំខាន់បំផុតជាមួយទិន្នន័យសម្រាប់ហេដ្ឋារចនាសម្ព័ន្ធ។ លំហូរការងារប្រមូលទិន្នន័យចាប់យកស្នាមប្រេះខ្នងផ្លូវដោយស្វ័យប្រវត្តិរបស់ Benesch នឹងផ្លាស់ប្តូរការអនុវត្តឧស្សាហកម្មក្នុងការគ្រប់គ្រងថែទាំផ្លូវថ្នល់។ “បច្ចេកវិទ្យាមួយនេះ សូម្បីតែនៅក្នុងដំណាក់កាលសាកល្បងដំបូងរបស់វា គឺជាបច្ចេកវិទ្យាដំបូងដែលយើងជឿជាក់១០០%ថាអាចទៅរួចជាមួយកម្មវិធីរបស់ Bentley បូកផ្សំបច្ចេកវិទ្យាផ្សេងទៀត។ យើងព្យាករថា នេះជាល្បែងនៃការផ្លាស់ប្តូរវិធីសាស្រ្តក្នុងការប្រមូលទិន្នន័យ សម្រាប់កិច្ចការអធិការកិច្ចក្នុងឧស្សាហកម្ម AEC» នេះបើតាមសម្តីលោក Tremblay បានសង្កត់ធ្ងន់ដោយភាពជឿជាក់។
រូបថតរបស់ Benesch បង្ហាញពីកម្មវិធី iTwin Capture Modeler, AssetWise និង iTwin របស់ Bentley ដើម្បីច្នៃប្រឌិតបង្កើតឌីជីថលភ្លោះដែលបានជ្រើសរើសគម្រោងចំនួនបីដើម្បីសាកល្បង។
អ្នកនិពន្ធ៖ លោកស្រី Aude Camus គឺជាអ្នកគ្រប់គ្រងទីផ្សារផលិតផលជាន់ខ្ពស់សម្រាប់គំរូនៃការពិតក្នុងកិច្ចការ ផ្លូវ និងស្ពានជាមួយ Bentley Systems ។ នាងបានបញ្ចប់ការសិក្សាពីសាលា SKEMA Business School ក្នុងប្រទេសបារាំង និងមានបទពិសោធន៍ជិត 15 ឆ្នាំក្នុងផ្នែកលក់ និងទីផ្សារវិស្វកម្ម និងកម្មវិធីភូមិសាស្ត្រ។ ព័ត៌មានបន្ថែមសូមទាក់ទង តាមរយៈ aude.camus@bentley.com
2023 Going Digital Awards Nominee
© 2023 Bentley Systems, Incorporated. Bentley, the Bentley logo, AssetWise, ContextCapture, iTwin, iTwin Capture Modeler, and iTwin Experience are either registered or unregistered trademarks or service marks of Bentley Systems, Incorporated or one of its direct or indirect wholly owned subsidiaries. All other brands and product names are trademarks of their respective owners.
- Video Advertisement -
