ក្រុមហ៊ុន bp ជ្រើសយកកម្មវិធី AssetWise Lifecycle Information Management និង AssetWise Reliability ជាឧបករណ៍ស្ដង់ដារសម្រាប់ការគ្រប់គ្រង

• ១៩ វិច្ឆិកា ២០២៣
• ព័ត៌មានសំណង់
• 1496 មើល

កម្មវិធីនេះសម្រាប់ប្រើជាវិធីសាស្រ្តគ្រប់គ្រងព័ត៌មានទ្រព្យសកម្មក្នុងសហគ្រាសជាគូគ្នា ជាមួយនឹងកម្មវិធីគ្រប់គ្រងភាពត្រឹមត្រូវនៃរចនាសម្ព័ន្ធ និងការគ្រប់គ្រងភាពជឿជាក់ (Structural Integrity and Reliability Management)

ក្រុមហ៊ុន Bentley Systems ដែលជា ក្រុមហ៊ុនផលិតកម្មវិធីសូហ្វវ៊ែរសម្រាប់ហេដ្ឋារចនាសម្ព័ន្ធផ្នែកវិស្វកម្ម បានចេញសេចក្តីប្រកាសថា ក្រុមហ៊ុន bp បានជ្រើសយកកម្មវិធីសូហ្វវ៊ែរឈ្មោះ AssetWise Asset Lifecycle Information Management (ALIM) និងកម្មវិធី AssetWise Reliability (AR) ដែលជាផ្នែកមួយនៃ Bentley Infrastructure Cloud របស់ក្រុមហ៊ុន Bentley យកមកប្រើប្រាស់ដើម្បីគ្រប់គ្រងព័ត៌មាន និងប្រតិបត្តិការសម្រាប់គម្រោងវិស្វកម្មរបស់ខ្លួន នេះបើយោងតាមការចុះផ្សាយរបស់ក្រុមហ៊ុនកាលថ្ងៃទី ២ ខែវិច្ឆិកា ឆ្នាំ ២០២៣ នៅអ៊ិចតុន សហរដ្ឋអាមេរិក។

នៅឆ្នាំ ២០១៩ ក្រុមហ៊ុន bp បានជ្រើសរើសប្រើដំណោះស្រាយ AssetWise ALIM របស់ក្រុមហ៊ុន Bentley ជាឃ្លាំងព័ត៌មានកណ្តាល (CIS) ដើម្បីគ្រប់គ្រងការផ្លាស់ប្តូរ និងដើម្បីរក្សាព័ត៌មានសម្រាប់គម្រោង និងប្រតិបត្តិការសកល រួមទាំងការតភ្ជាប់ទិន្នន័យជីថលជា metadata និងរូបភាព 3D របស់ខ្លួន។

តែឥឡូវនេះ ក្រុមហ៊ុន bp នឹងធ្វើស្តង់ដារថ្មីដោយយកកម្មវិធី AssetWise ALIM មកប្រើនៅគ្រប់គម្រោង ផលិតកម្ម និងទ្រព្យសម្បត្តិផលិតកម្មទាំងអស់របស់ក្រុមហ៊ុន។ កម្មវិធី AssetWise ALIM អនុញ្ញាតឱ្យមានការផ្ទេរព័ត៌មានសំខាន់ៗទាំងអស់ដោយរលូន ពេញមួយវដ្តអាយុកាលរបស់គម្រោង ដោយគាំទ្រដល់ដំណើរការគម្រោង រាប់ចាប់តាំងពីដំណាក់កាលប្រភពដើមទុនគម្រោង រហូតដល់ដំណាក់កាលប្រតិបត្តិការ ប្រកបដោយប្រសិទ្ធភាព និងសុវត្ថិភាពជាងមុន ជាមួយភាពអាចជឿជាក់បាន។

ចំណែកឯកម្មវិធីសូហ្វវ៊ែរ AssetWise Reliability នឹងអនុញ្ញាតឱ្យក្រុមហ៊ុន bp បង្កើនប្រសិទ្ធភាពអធិការកិច្ច កាត់បន្ថយការចំណាយលើការថែទាំ បង្កើនភាពងាយប្រើប្រាស់ តាមរយៈការកែលម្អសុវត្ថិភាព និងការគ្រប់គ្រងហានិភ័យបានល្អ។ ដំបូងឡើយ ក្រុមហ៊ុន bp បានអនុវត្តកម្មវិធី AssetWise Reliability សម្រាប់ទ្រព្យសកម្មទាំងអស់នៅការដ្ឋានបូមប្រេង Clair ដែលបានប្រើប្រាស់នៅតាមបណ្តាប្រទេសជាប់ប៉ូលខាងជើង ហើយឥឡូវនេះកំពុងដំណើរការការដាក់ពង្រាយជាសកលនៅ ទូទាំងតំបន់ចំនួនប្រាំបីផ្សេងទៀត។

លោក Alan Kiraly នាយករងជាន់ខ្ពស់នៃផ្នែកដំណោះស្រាយឧស្សាហកម្ម (SVP of Industry Solutions) របស់ក្រុមហ៊ុន Bentley Systems បាននិយាយថា “ក្រុមហ៊ុនBentley មានទំនាក់ទំនងយូរអង្វែងជាមួយក្រុមហ៊ុន bp ដោយផ្តល់ដំណោះស្រាយកម្មវិធី AssetWise ALIM ជាកន្លែងរក្សាទុកព័ត៌មានកណ្តាល (Central  Information Store – CIS) របស់ ក្រុមហ៊ុន bp ដើម្បីគ្រប់គ្រង និងរក្សាព័ត៌មានដែលត្រូវការសម្រាប់គម្រោង និងប្រតិបត្តិការនៅទូទាំងពិភពលោក។ ការធ្វើសមាហរណកម្មនៃកម្មវិធី AssetWise Reliability ជាមួយ ប្រព័ន្ធ CIS នៅក្នុងរបៀបច្នៃប្រតិដ្ឋថ្មីមួយដែលមានមូលដ្ឋានលើកម្មវិធី clouds សម្រាប់ផ្ទុកទិន្នន័យ  ដើម្បីគាំទ្រដល់ដំណើរការ Asset Integrity របស់ក្រុមហ៊ុន bp ដែលអនុញ្ញាតឱ្យក្រុមហ៊ុន Bentley ផ្តល់នូវលំហូរការងារឌីជីថលតាមស្តង់ដារ និងផ្តល់អត្ថប្រយោជន៍សំខាន់ៗដល់ក្រុមហ៊ុន bp ថែមទៀតផងដែរ។ ”

រីឯលោក Rob Kelly អនុប្រធានផ្នែកគ្រប់គ្រងទ្រព្យសកម្មឌីជីថល របស់ក្រុមហ៊ុន bp បាននិយាយថា “ខ្ញុំរីករាយក្នុងការពង្រីកការប្រើប្រាស់តាមរយៈដំណោះស្រាយ AssetWise របស់ក្រុមហ៊ុន Bentley ជាពិសេសការពង្រីកកម្មវិធី ALIM នៅនូវគ្រប់គម្រោងជាសកលរួមមាន ការគ្រប់គ្រងគម្រោង ការគ្រប់គ្រងទ្រព្យសម្បត្តិ ការគ្រប់គ្រងផលិតកម្ម និងកម្មន្តសាល ជាមួយការរួមបញ្ចូលនៃ Asset Reliability របស់ក្រុមហ៊ុន bp ទាំងមូលតែម្តង។ ការប្រើប្រាស់កម្មវិធីថ្មីនេះ ផ្តល់ឱ្យក្រុមហ៊ុន bp នូវការធានា និងអត្ថប្រយោជន៍នៃភាពត្រឹមត្រូវនៃព័ត៌មានរបស់យើង តាមរយៈការត្រួតពិនិត្យការផ្លាស់ប្តូរ ប្រកបដោយប្រសិទ្ធភាព ដែលអនុញ្ញាតឱ្យយើងទទួលបានការសម្រេចចិត្តមួយ ដែលអាចទុកចិត្តបាន មិនថាតែនៅក្នុងការគ្រប់គ្រងគម្រោងទាំងមូល  ឬនៅក្នុងដំណាក់កាលនៃប្រតិបត្តិការការងារណាមួយនោះឡើយ។”

អំពីក្រុមហ៊ុន Bentley Systems

ក្រុមហ៊ុន Bentley Systems (Nasdaq: BSY) គឺជា ក្រុមហ៊ុន សូហ្វវែរវិស្វកម្មផ្នែកហេដ្ឋារចនាសម្ព័ន្ធ ។ យើងផ្តល់កម្មវិធីច្នៃប្រតិដ្ឋថ្មី ដើម្បីជំរុញហេដ្ឋារចនាសម្ព័ន្ធរបស់ពិភពលោក  ក្នុងគោលដៅទ្រទ្រង់ទាំងសេដ្ឋកិច្ចពិភពលោក និងបរិស្ថាន។ ដំណោះស្រាយផ្នែកកម្មវិធីសូហ្វវ៊ែរ ឈានមុខគេ របស់យើង ត្រូវបានប្រើប្រាស់ដោយអ្នកជំនាញ និងអង្គការគ្រប់ទំហំ សម្រាប់ការរចនា ការសាងសង់ និងប្រតិបត្តិការផ្លូវ និងស្ពាន ផ្លូវដែក និងការដឹកជញ្ជូន គម្រោងហេដ្ឋារចនាសម្ព័ន្ធទឹក និងសំណល់រាវ ការងារសាធារណៈ និងឧបករណ៍ប្រើប្រាស់សម្រាប់ អគារ និងបរិវេណសាលា ការជីកយករ៉ែ និង គ្រឿងបរិក្ខារឧស្សាហកម្ម។ ក្រុមហ៊ុនយើងមានផ្តល់ជូនកម្មវិធីដូចជា iTwin Platform សម្រាប់ ហេដ្ឋារចនាសម្ព័ន្ធឌីជីថលភ្លោះ រួមមាន កម្មវិធី MicroStation និង Bentley Open សម្រាប់ការបង្កើតគំរូ និងការធ្វើតេស្តសាក កម្មវិធី Seequent សម្រាប់ អ្នកជំនាញភូមិសាស្ត្រ និងកម្មវិធី Bentley Infrastructure Cloud គ្របដណ្តប់លើប្រព័ន្ធ ProjectWise សម្រាប់ការចែកចាយគម្រោង SYNCHRO សម្រាប់ការគ្រប់គ្រងសំណង់ និងកម្មវិធី AssetWise សម្រាប់ប្រតិបត្តិការទ្រព្យសកម្ម។ សហសេវិក ចំនួន ៥០០០នាក់របស់ក្រុមហ៊ុន Bentley Systems បង្កើតប្រាក់ចំណូលប្រចាំឆ្នាំជាង ១ ពាន់លានដុល្លារ មកពី ១៩៤ ប្រទេស។ www.bentley.com

អំពី bp

គោលបំណងរបស់ក្រុមហ៊ុន bp គឺកែប្រែការប្រើប្រាស់ថាមពលឡើងវិញសម្រាប់មនុស្ស និងភពផែនដី។ ក្រុមហ៊ុននេះ បានកំណត់នូវមហិច្ឆតាក្នុងការក្លាយជាក្រុមហ៊ុនគ្មានការបំភាយកាបូន នៅឆ្នាំ ២០៥០ ឬឆាប់ជាងនេះ ហើយជួយពិភពលោកឱ្យឈានដល់ការសម្រេចបាននូវគោលដៅគ្មានការបំភាយកាបូន និងផ្តល់ជាយុទ្ធសាស្ត្រដើម្បីឈានទៅសម្រេចបាននូវមហិច្ឆតានេះ។ សម្រាប់ព័ត៌មានបន្ថែម សូមចូលទៅកាន់គេហទំព័រ៖ bp.com ។

© 2023 Bentley Systems, Incorporated. Bentley, the Bentley logo, Bentley Infrastructure Cloud, Bentley Open, AssetWise, Cohesive, iTwin, MicroStation, ProjectWise, Seequent, and SYNCHRO are either registered or unregistered trademarks or service marks of Bentley Systems, Incorporated or one of its direct or indirect wholly owned subsidiaries. All other brands and product names are trademarks of their respective owners.

• ធុរកិច្ច និងទីផ្សារ
• បច្ចេកវិទ្យា និងវិស្វកម្ម
• Bentley
• Digital Twin
• AssetWise