រដ្ឋបាលខេត្តហ៊ឺណាន, ប្រទេសចិន ប្រកាសចង់វិនិយោគបង្កើតសួនកសិ-ឧស្សាហកម្ម នៅកម្ពុជា
តាមរយៈគណៈប្រតិភូក្រុមហ៊ុន Air Cambodia Co., Ltd. (K6), រដ្ឋបាលខេត្តហ៊ឺណាន បានប្រកាសពីផែនការរបស់ខ្លួន ដោយចង់វិនិយោគបង្កើតសួនកសិ-ឧស្សាហកម្មលើការកែច្នៃផលិតផលកសិកម្មនៅកម្ពុជា ខណៈបច្ចុប្បន្នកំពុងធ្វើការស្នើសុំការគាំទ្រពីក្រុមប្រឹក្សាអភិវឌ្ឍន៍កម្ពុជា (CDC)។ សំណើនេះត្រូវបានធ្វើឡើងក្នុងជំនួបពិភាក្សារវាង ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា(CDC) ជាមួយគណៈប្រតិភូក្រុមហ៊ុន Air Cambodia Co., Ltd. (K6) ដឹកនាំដោយ លោក ZHAN David អនុប្រធានក្រុមហ៊ុន និងជានាយកប្រតិបត្តិ នាថ្ងៃទី២០ ខែកុម្ភៈ ឆ្នាំ២០២៥។ CDC បានឱ្យដឹងថា ជំនួបនេះ ធ្វើឡើងក្នុងគោលបំណងដើម្បីពិនិត្យ និងពិភាក្សាលើការស្នើសុំការគាំទ្រពីក្រុមប្រឹក្សាអភិវឌ្ឍន៍កម្ពុជាពាក់ព័ន្ធនឹងគម្រោងស្នើសុំវិនិយោគលើការបង្កើតសួនកសិ-ឧស្សាហកម្មសម្រាប់កិច្ចសហប្រតិបត្តិការស៊ីជម្រៅលើការកែច្នៃផលិតផលកសិកម្ម នៅកម្ពុជា របស់រដ្ឋបាលខេត្តហ៊ឺណាន ប្រទេសចិន តាមរយៈកិច្ចសម្របសម្រួលរបស់ក្រុមហ៊ុន Air Cambodia Co., Ltd. (K6)។ សួនកសិ-ឧស្សាហកម្មដែលគ្រោងបង្កើតនេះ ត្រូវបានរំពឹងថានឹងវិនិយោគឱ្យក្លាយជាតំបន់ពាណិជ្ជកម្មលើផលិតផលកសិកម្ម, ការច្នៃផលិតផលកសិកម្ម, ការផ្ដល់សេវាកម្មលើបច្ចេកវិទ្យាកសិកម្ម និងជាទីតាំងស្តុកផលិតផលកសិកម្ម តាមរយៈការទាក់ទាញបណ្ដាក្រុមហ៊ុនផ្សេងៗដែលមានមុខសញ្ញាអាជីវកម្មពាក់ព័ន្ធនឹងវិស័យកសិកម្ម។ គួររំលឹកថា ក្រុមហ៊ុន […]
ក្រុមហ៊ុនចំនួន២ បង្ហាញចេតនាចង់វិនិយោគលើវិស័យកសិឧស្សាហកម្មស្វាយចន្ទីនៅកម្ពុជា
នៅក្នុងការអភិវឌ្ឍន៍ដ៏គួរឱ្យចាប់រម្មណ៍មួយក្នុងវិស័យកសិកម្មរបស់ប្រទេសកម្ពុជា ក្រុមហ៊ុន Mountain Hazelnuts និង Kamya បានបង្ហាញពីចេតនារបស់ពួកគេក្នុងការវិនិយោគលើវិស័យកសិ-ឧស្សាហកម្មស្វាយចន្ទីដែលកំពុងរីកចម្រើនរបស់ប្រទេសនេះ។ បច្ចុប្បន្នក្រុមហ៊ុនកំពុងពិភាក្សាជាមួយក្រុមប្រឹក្សាអភិវឌ្ឍន៍កម្ពុជា ដើម្បីស្វែងរកឱកាសវិនិយោគដ៏មានសក្តានុពល។ នេះបើតាមជំនួបរវាងឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ជាមួយលោក Daniel Spitzer ប្រធាន និងជានាយកប្រតិបត្តិក្រុមហ៊ុន Mountain Hazelnuts និងលោក Andreas Groetschel អគ្គនាយកក្រុមហ៊ុន Kamya កាលថ្ងៃទី ១១ កុម្ភៈ ឆ្នាំ ២០២៥។ តំណាងក្រុមហ៊ុនទាំង២ អះអាងថា ជំនួបពិភាក្សាជាមួយក្រុមប្រឹក្សាអភិវឌ្ឍន៍កម្ពុជា គឺក្នុងគោលបំណងពិភាក្សាអំពីកាលានុវត្តភាពវិនិយោគក្នុងវិស័យកសិ-ឧស្សាហកម្ម ជាពិសេសឧស្សាហកម្មស្វាយចន្ទីនៅកម្ពុជា។ ជាការឆ្លើយតប ឯកឧត្តម ជា វុទ្ធី បានស្វាគមន៍ចំពោះចំណាប់អារម្មណ៍បណ្ដាក់ទុនវិនិយោគក្នុងវិស័យស្វាយចន្ទីនៅកម្ពុជា ស្របពេលរាជរដ្ឋាភិបាលកំពុងយកចិត្តទុកដាក់ និងមានគំនិតផ្ដួចផ្ដើម ក្នុងការបង្កើតសួនឧស្សាហកម្មស្វាយចន្ទី ដែលនឹងជួយបង្កើនភាពអំណោយផលនៃបរិយាកាសធុរកិច្ចក្នុងវិស័យអាទិភាពនេះនៅកម្ពុជា។ ឯកឧត្តម ក៏បានបង្ហាញពីខ្សែច្រវាក់តម្លៃនៃឧស្សាហកម្មស្វាយចន្ទីដែលរាប់ចាប់តាំងពីផ្នែកខាងលើ (upstream) ជាពិសេស ពាក់ព័ន្ធនឹងការប្រមូលទិញ ទីលានសម្ងួត និងឃ្លាំងស្តុកទុកគ្រាប់ស្វាយចន្ទី។ ក្នុងន័យនេះ លោកបានស្នើឱ្យក្រុមហ៊ុនពិនិត្យលទ្ធភាពចូលរួមវិនិយោគក្នុងផ្នែកណាមួយនៃខ្សែច្រវាក់តម្លៃ ព្រមទាំងបានលើកទឹកចិត្តឱ្យក្រុមហ៊ុនបន្តសិក្សាសមិទ្ធិលទ្ធភាពនៃការបណ្ដាក់ទុនវិនិយោគនៅកម្ពុជា។ គួរបញ្ជាក់ដែរថា […]
ក្រុមហ៊ុន Nippon និង Inoue Calcium ចង់វិនិយោគកែច្នៃស្វាយចន្ទីកម្ពុជា សម្រាប់នាំចេញ
ក្រុមហ៊ុនបរទេសចំនួនពីរគឺ Nippon Koei Business Partners Co., Ltd និង Inoue Calcium Corporation កំពុងស្វែងរកឱកាសវិនិយោគក្នុងឧស្សាហកម្មកែច្នៃគ្រាប់ស្វាយចន្ទីរបស់កម្ពុជា ដោយផ្តោតលើការលើកកម្ពស់គុណភាពគ្រាប់ស្វាយចន្ទីសម្រាប់ការនាំចេញ ជាពិសេសទៅកាន់ប្រទេសជប៉ុន។ នៅថ្ងៃទី៣០ ខែមករា ឆ្នាំ២០២៥ មានកិច្ចប្រជុំសំខាន់ពីរត្រូវបានរៀបចំឡើង។ កិច្ចប្រជុំលើកទី១ គឺជាជំនួបរវាង លោក Tsutomu Tamura អគ្គនាយករងនៃក្រុមហ៊ុន Nippon Koei Business Partners Co., Ltd និង ឯកឧត្តម ជា វុទ្ធី អគ្គលេខាធិការនៃគណៈកម្មាធិការវិនិយោគកម្ពុជា។ ភាគីទាំងពីរបានពិភាក្សាអំពីសក្តានុពលក្នុងការកែច្នៃគ្រាប់ និងសំបកស្វាយចន្ទី ទៅជាទឹកខ្មេះសម្រាប់នាំចេញទៅទីផ្សារអន្តរជាតិ។ នាឱកាសនោះ លោក Tamura ក៏បានបង្ហាញពីចំណាប់អារម្មណ៍របស់ក្រុមហ៊ុនលោកចំពោះវិស័យស្វាយចន្ទីកម្ពុជា ដោយបានគូសបញ្ជាក់ពីគម្រោងកែច្នៃគ្រាប់ និងសំបកស្វាយចន្ទីទៅជាទឹកខ្មេះ និងប្រេង ខណៈកាកសំណល់របស់វាក៏នឹងត្រូវកែច្នៃទៅចំណីសត្វ (គោ) ផងដែរ។ កិច្ចប្រជុំលើកទី២ គឺជាជំនួបរវាង លោក Akira Sasaki នាយកគ្រប់គ្រងក្រុមហ៊ុន Inoue […]
ត្រឹមឆ្នាំ២០២៤ កម្ពុជាបានបង្កើនលទ្ធភាពស្រោចស្រពផ្ទៃដីកសិកម្មបានជិត ២លានហិកតា
គិតត្រឹមឆ្នាំ២០២៤ កម្ពុជា បានបង្កើនលទ្ធភាពស្រោចស្រពលើផ្ទៃដីកសិកម្មបានចំនួន ១.៩៦៩.៨៤៣ហិកតា ខណៈរដ្ឋាភិបាលកម្ពុជាប្តេជ្ញាជំរុញបន្តការជួសជុល ស្តារឡើងវិញ និងសាងសង់ថ្មីនូវប្រព័ន្ធធារាសាស្ត្រគ្រប់ខ្នាត ដើម្បីបម្រើដល់ការរស់នៅរបស់ប្រជាពលរដ្ឋនៅទូទាំងប្រទេស។ នេះបើតាមក្នុងកិច្ចប្រជុំគណៈប្រតិភូគណៈកម្មការទី៣ នៃព្រឹទ្ធសភា ស្តីអំពីវឌ្ឍនភាពការងាររបស់ក្រសួងធនធានទឹក និងឧតុនិយម កាលថ្ងៃទី២១ ខែមករា ឆ្នាំ២០២៥។ នាឱកាសនោះ ឯកឧត្តមរដ្ឋមន្ត្រី ថោ ជេដ្ឋា រដ្ឋមន្ត្រីក្រសួងធនធានទឹក បានឱ្យដឹងបន្តថា គិតត្រឹមឆ្នាំ២០២៤ ក្រសួងបានបង្កើនលទ្ធភាពស្រោចស្រពលើផ្ទៃដីកសិកម្មចំនួន ១.៩៦៩.៨៤៣ហិកតា ក្នុងនោះស្រូវរដូវវស្សាចំនួន ១.៣៨៧.០៥១ហិកតា និងស្រូវរដូវប្រាំងចំនួន ៥៨២.៧៩២ហិកតា។ លើសពីនេះ ឯកឧត្តមថា ក្រសួងបានបន្តការជួសជុល ស្តារឡើងវិញ និងសាងសង់ថ្មីនូវប្រព័ន្ធធារាសាស្ត្រគ្រប់ខ្នាត ប្រព័ន្ធការពារទឹកជំនន់ និងទំនប់ការពារទឹកប្រៃ ដែលបានជួយកាត់បន្ថយគ្រោះមហន្តរាយធម្មជាតិ និងធានាដល់សន្តិសុខទឹក ព្រមទាំងធ្វើការផ្គត់ផ្គង់ទឹកសម្រាប់ជីវភាពរស់នៅប្រចាំថ្ងៃ និងការងារបង្កបង្កើនផលស្រូវ និងដំណាំគ្រប់ប្រភេទ។ គិតមកដល់ពេលនេះ នៅទូទាំងប្រទេសកម្ពុជា មានរាជធានី-ខេត្តចំនួនពីរមិនមានអាងស្ដុកទឹក និងអាងទឹកនៃប្រព័ន្ធធារាសាស្ត្រគឺរាជធានីភ្នំពេញ និងខេត្តប៉ៃលិន។ ចំណែកខេត្តចំនួន២៣ របស់កម្ពុជា បច្ចុប្បន្នមានអាងស្ដុកទឹក និងអាងទឹកនៃប្រព័ន្ធធារាសាស្ត្រសរុបចំនួន ១.៥៦២ ដែលក្នុងនោះអាងស្តុកទឹក និងអាងទឹកចុះបញ្ជីរួចមានចំនួន១៩៧ ស្មើនឹង ១៣% ។ […]
ចិនប្រកាសនឹងមកធ្វើការវិនិយោគលើដំណាំកសិកម្ម និងចិញ្ចឹមសត្វ នៅខេត្តស្ទឹងត្រែង
រដ្ឋបាលខេត្តស្ទឹងត្រែង និងក្រុមហ៊ុន យ៉ុងអានលី ខូអបភើរេសិន ដែលមូលដ្ឋាននៅប្រទេសចិន បានសម្រេចចុះអនុស្សរណៈនៃការយោគយល់គ្នា (MoU) ដើម្បីដំណើរការគម្រោងវិនិយោគដំណាំកសិកម្ម និងចិញ្ចឹមសត្វក្នុងភូមិសាស្រ្តខេត្តស្ទឹងត្រែងនាពេលខាងមុខ។យោងតាមរដ្ឋបាលខេត្តស្ទឹងត្រែង បានឱ្យដឹងថា បន្ទាប់ពីចុះ MoU កាលរសៀលថ្ងៃទី១៣ ខែមករា ឆ្នាំ២០២៥ ប្រតិភូនៃក្រុមហ៊ុន យ៉ុងអានលី ខូអបភើរេសិន បានអញ្ជើញទៅដល់ ឃុំសាមឃួយ ស្រុកសេសាន ដើម្បីពិនិត្យលើស្ថានភាពដីស្រែមួយកន្លែង និងបានទៅដល់ដីចំការមួយកន្លែងទៀត នៅចំនុចគីឡូ៨ ភូមិរាជានុកូល សង្កាត់ស្ទឹងត្រែង ពិនិត្យលើដីចំការស្វាយ កែវល្មៀត និងស្វាយ ចន្ទី និងជីកដីទាំងនោះដើម្បីយកដីនោះទៅពិនិត្យនៅប្រទេសចិន។ ប្រធានមន្ទីរកសិកម្ម ខេត្តស្ទឹងត្រែង លោកទុំ នីរ៉ូ បានឱ្យដឹងថា ការយកដីទៅពិនិត្យនៅប្រទេសចិននេះ គឺចង់ដឹងថា ដីនេះត្រូវការប្រើប្រាស់សារធាតុចិញ្ចឹម និងជីចាំបាច់ ប្រភេទណាខ្លះ ដើម្បីបំពេញដល់ដំណាំកសិកម្មរបស់សហគមន៍ដាំដំណាំកសិកម្មមានប្រសិទ្ធភាព។ គួរបញ្ជាក់ថា ការសម្រេចវិនិយោគនេះ គឺធ្វើឡើងក្រោយដំណើរទស្សនកិច្ចរបស់ ប្រតិភូរដ្ឋបាលខេត្តស្ទឹងត្រែង ដឹកនាំដោយ លោក សរ សុពុត្រា អភិបាល នៃ គណៈអភិបាលខេត្តស្ទឹងត្រែង ដែលបំពេញទស្សនកិច្ចនៅប្រទេសចិន ដើម្បីទាក់ទាញក្រុមហ៊ុនវិនិយោគមកកាន់ខេត្តស្ទឹងត្រែង […]
វិស័យកសិកម្មនៅកម្ពុជាកំពុងទាក់ទាញចំណាប់អារម្មណ៍វិនិយោគិនចិន, ពិសេសមកពីខេត្តហឺណាន
ថ្មីៗនេះ ក្រុមហ៊ុនវិនិយោគ Hernan Agriculture Investment Group បានមកបង្ហាញពីចេតនាក្នុងការវិនិយោគលើវិស័យកែច្នៃ និងផលិតជីកសិកម្មនៅប្រទេសកម្ពុជា បន្ទាប់ពីកិច្ចប្រជុំប្រកបដោយផលិតភាពជាមួយតំណាងក្រសួងកសិកម្មកាលពីថ្ងៃទី១៥ ខែមករា ឆ្នាំ២០២៥។ ក្នុងជំនួបនោះ គណៈប្រតិភូចិនបានថ្លែងអំណរគុណចំពោះក្រសួងដែលបានផ្តល់ការយល់ដឹងដ៏មានតម្លៃអំពីទិដ្ឋភាពកសិកម្មរបស់កម្ពុជា។ ពួកគេបានសង្កត់ធ្ងន់លើការប្តេជ្ញាចិត្តរបស់ពួកគេក្នុងការស្រាវជ្រាវបន្ថែម ដើម្បីសម្រួលដល់ការចូលទៅក្នុងវិស័យកសិកម្មដោយរលូន ដោយផ្តោតលើការកែច្នៃផលិតផល និងការផលិតជី។ ជាការឆ្លើយតប ឯកឧត្តម គង់ ចាន់វាសនា រដ្ឋលេខាធិការក្រសួងកសិកម្ម បានបញ្ជាក់សារជាថ្មីអំពីគោលនយោបាយបើកចំហររបស់រាជរដ្ឋាភិបាលកម្ពុជាចំពោះអ្នកវិនិយោគបរទេស ជាពិសេសលើវិស័យកសិកម្មតែម្តង។ ឯកឧត្តមបានលើកឡើងពីសក្ដានុពលនៃកំណើនដ៏ធំធេងនៃវិស័យមួយនេះ និងសារៈសំខាន់សម្រាប់ដំណើរការនាំចេញ ដោយកត់សម្គាល់ពីការលើកទឹកចិត្តដ៏ខ្លាំងខ្លារបស់រដ្ឋាភិបាលកម្ពុជាសម្រាប់ការវិនិយោគ។ លើសពីនេះ ឯកឧត្តម ចាន់ វាសនា បានជំរុញឱ្យក្រុមហ៊ុនចិន ពិចារណាលើការអភិវឌ្ឍន៍សួនកសិឧស្សាហកម្មនៅកម្ពុជា ដែលជាគម្រោងដែលរាជរដ្ឋាភិបាលគ្រោងនឹងប្រកាសនាពេលឆាប់ៗខាងមុខនេះ។ សួនកសិឧស្សាហកម្មទាំងនេះត្រូវបានគេរំពឹងថានឹងផ្តល់នូវការលើកទឹកចិត្តរិតតែខ្លាំងសម្រាប់ការបង្កើតកន្លែងកែច្នៃទំនិញកសិកម្មសម្រាប់ការនាំចេញ។ គួររំលឹកថា ក្នុងឆ្នាំ២០២៤កន្លងទៅនេះ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគចំនួន ៤១៤ មានការកើនឡើងគួរឱ្យកត់សម្គាល់ចំនួន ១៤៦គម្រោង ឬ ៥៤% ។ គម្រោងទាំងនេះបាននាំមកនូវទុនវិនិយោគដ៏គួរឱ្យចាប់អារម្មណ៍ចំនួន ៦,៩ពាន់លានដុល្លារ កើនឡើង ១.៩៧៣ពាន់លានដុល្លារ ឬ ៤០% បើធៀបនឹងឆ្នាំ២០២៣។ ជាការកត់សម្គាល់ ឃើញថាក្នុងចំណោមគម្រោងទាំងអស់នេះមាន ៨គម្រោង ស្ថិតក្នុងវិស័យកសិកម្ម […]