ពានរង្វាន់អចលនទ្រព្យកម្ពុជាឆ្នាំ ២០១៨ ចាប់ផ្តើម

ពេលនេះ ការតែងតាំងបេក្ខភាពចូលរួមសម្រាប់ពានរង្វាន់អចលនទ្រព្យកម្ពុជាឆ្នាំ ២០១៨ បានបើកទទួលអ្នកអភិវឌ្ឍន៍ និងសាធារណជនទូទៅ រហូតដល់ថ្ងៃទី ៥ ខែមករា ខណៈដែលការចូលរួមបើកទទួលរហូតដល់ថ្ងៃទី១២ ខែមករា ឆ្នាំ២០១៨ នេះបើយោងតាមសេចក្តីប្រកាសព័ត៌មានចេញផ្សាយនៅថ្ងៃទី២១ ខែមិថុនា របស់កម្មវិធីពានរង្វាន់នេះ។

កម្មវិធីពានរង្វាន់អចលនទ្រព្យកម្ពុជា (Property Guru Cambodia Property Awards) ដែលត្រូវបានរៀបចំដោយក្រុមហ៊ុន Property Guru Group ដែលជាក្រុមហ៊ុនអចលនទ្រព្យអនឡាញដ៏ធំបំផុតរបស់អាស៊ី គឺជាផ្នែកមួយនៃកម្មវិធីពានរង្វាន់អចលនទ្រព្យអាស៊ី ដែលត្រូវបានទទួលស្គាល់តាំងពីឆ្នាំ ២០០៥។ ឥឡូវនេះ កម្មវិធីនេះកំពុងរៀបចំកម្មវិធីលើកទី៣ របស់ខ្លួន ដែលជាកម្មវិធីឧស្សាហកម្មអចលនទ្រព្យធំបំផុត និងផ្តាច់មុខបំផុតនៅក្នុងប្រទេសកម្ពុជា។ ពិធីប្រគល់ពានរង្វាន់គ្រោងនឹងប្រព្រឹត្តទៅនៅថ្ងៃទី ១៦ ខែមីនា ឆ្នាំ២០១៨ នៅសណ្ឋាគារ Sofitel Phnom Penh Phokeethra រាជធានីភ្នំពេញ ។

ថ្លែងនៅក្នុងសន្និសីទសារព័ត៌មាននៅខែមីនា ឆ្នាំ២០១៧ របស់កម្មវិធីពានរង្វាន់ឆ្នាំ២០១៨ អ្នករៀបចំកម្មវិធីនេះបានលើកទឹកចិត្តឲ្យអ្នកអភិវឌ្ឍន៍អចលនទ្រព្យ និងក្រុមហ៊ុនដែលមានការទទួលស្គាល់ជាពិសេសក្រុមហ៊ុននៅភ្នំពេញ ខេត្តសៀមរាប និងខេត្តព្រះសីហនុ ចុះឈ្មោះនិងប្រកួតប្រជែងដណ្តើមពានរង្វាន់។

ប្រភេទពានរង្វាន់ត្រូវបានបែងចែកជាបីក្រុមធំៗគឺ អ្នកអភិវឌ្ឍន៍ ការអភិវឌ្ឍ និងការរចនា។ ការជ្រើសរើសពានរង្វាន់ពិសេស ក៏នឹងត្រូវផ្តល់សម្រាប់ការលើកកម្ពស់ទំនួលខុសត្រូវសង្គមរបស់ក្រុមហ៊ុនសាជីវកម្ម (Corporate Social Responsibility=CSR) និងភាពល្អប្រសើរក្នុងការអភិវឌ្ឍប្រកបដោយនិរន្តរភាព អគារបៃតង និងការរចនាសកល។

ពានរង្វាន់ដែលមានប្រព័ន្ធគ្រប់គ្រងពានរង្វាន់ប្រកបដោយវិជ្ជាជីវៈគ្រប់គ្រងដោយក្រុមហ៊ុន Binder Dijker Otte (BDO) ដែលជាក្រុមហ៊ុនគណនេយ្យ និងសវនកម្មដ៏ធំបំផុតរបស់ពិភពលោក ជាពានរង្វាន់ដែលមានការទទួលស្គាល់យ៉ាងទូលំទូលាយចំពោះភាពយុត្តិធម៌ និងតម្លាភាពរបស់ពានរង្វាន់ និងត្រូវបានវិនិច្ឆ័យដោយក្រុមអ្នកជំនាញឯករាជ្យខាងឧស្សាហកម្មនេះ ។

ចំណុចផ្លាស់ប្តូរខុសពីឆ្នាំមុនគឺថាអង្គការអន្តរជាតិមិនមែនរដ្ឋាភិបាល Cooperative for Assistance and Relief Everywhere (CARE) ក៏នឹងចូលរួមក្នុងការវិនិច្ឆ័យក្នុងកម្មវិធីពានរង្វាន់នេះដែរ។ ការវិនិច្ឆ័យរបស់ CARE នឹងផ្តោតលើការប្តេជ្ញាចិត្តរបស់អ្នកអភិវឌ្ឍន៍ចំពោះវិស័យសំណង់និងសុខុមាលភាពរបស់កម្មករ។

លោក Sorn Seap ស្ថាបនិក និងជាប្រធានក្រុមហ៊ុន Key Real Estate Co., Ltd. ដែលជាប្រធានគណៈកម្មាការដាក់ពិន្ទុឯករាជ្យ បានប្រាប់ទស្សនាវដ្តីសំណង់ និងអចលនទ្រព្យ ថា ក្រុមគណៈកម្មាការ នឹងធ្វើទស្សនកិច្ចទៅកាន់ទីតាំងគម្រោងទាំងអស់ដែលជាប់ដល់វគ្គជំរុះ ដើម្បីធ្វើការវាយតម្លៃលម្អិតដែលចំណាយពេលប្រហែលមួយទៅពីរសប្តាហ៍សម្រាប់គម្រោងនីមួយៗ។

លោកបានពន្យល់ថា “បន្ទាប់ពីការវាយតម្លៃចុងក្រោយ យើងនឹងធ្វើការប្រជុំវិនិច្ឆ័យពីរដងមុនពេលចេញសេចក្តីសម្រេចជាផ្លូវការថាតើគម្រោងណាមួយដែលគួរត្រូវបានជ្រើសតាំងជាអ្នកឈ្នះ” ។

លោកបានបន្ថែមថា “ពានរង្វាន់នេះបានក្លាយជាការរួមចំណែកដ៏ធំធេងដល់ឧស្សាហកម្មសំណង់ និងអចលនទ្រព្យនៅក្នុងប្រទេសកម្ពុជា ដោយសារវាបានទាក់ទាញវិនិយោគិនបរទេសមកពីជុំវិញពិភពលោកដើម្បីវិនិយោគលើវិស័យអចលនទ្រព្យនៅកម្ពុជា” ។

លោក Terry Blackburn ស្ថាបនិកនិងជាប្រធានគ្រប់គ្រងកម្មវិធីពានរង្វាន់ Property Guru Asia Property Awards បានយល់ដូចគ្នានឹងលោក Sorn Seap ដោយលោកបានលើកឡើងថា ពានរង្វាន់នេះនឹងជំរុញឲ្យមានការសាងសង់ដែលមានគុណភាពកាន់តែប្រសើរ ការរចនាប្រកបដោយភាពច្នៃប្រឌិតកាន់តែច្រើន និងការអភិវឌ្ឍប្រកបដោយនិរន្តរភាព នៅឆ្នាំខាងមុខ។

គម្រោងជាង ៣០ របស់ពីអ្នកអភិវឌ្ឍន៍ជាប់វគ្គជំរុះចំនួន១៣ ដែលស្ថិតនៅក្នុងគោលដៅវិនិយោគសំខាន់ៗនៅទូទាំងរាជធានីភ្នំពេញ ខេត្តសៀមរាប និងក្រុងព្រះសីហនុ បានចូលរួមការប្រកួតឆ្នាំ ២០១៧។ ក្រុមហ៊ុនបុរីប៉េង ហួត គ្រុប ដែលបានតែងតាំងបេក្ខភាពប្រកួតចំនួន ១១នោះ ទទួលបានពានរង្វាន់អ្នកអភិវឌ្ឍន៍ដ៏ល្អបំផុត (កម្ពុជា) សម្រាប់ពេលពីរឆ្នាំជាប់គ្នា។ ភ្ញៀវ VIP ប្រហែល ៣០០ នាក់បានចូលរួមក្នុងពិធីជប់លៀង Black-tie gala កាលពីឆ្នាំមុន នៅសណ្ឋាគារសូហ្វីតែភ្នំពេញភូគីត្រា។

សម្រាប់ជុំឆ្នាំ ២០១៨ អ្នករៀបចំកម្មវិធីរំពឹងថានឹងមានក្រុមហ៊ុនប្រហែល ១០០ ចុះឈ្មោះសម្រាប់ព្រឹត្តិការណ៍អចលនទ្រព្យប្រកបដោយកិត្យានុភាពនេះ គឺកើនឡើង ២០ភាគរយ បើធៀបទៅនឹងរយៈពេលដូចគ្នាកាលពីឆ្នាំមុន។

លោក Blackburn បានបញ្ជាក់ថា “កាលពីឆ្នាំមុន ក្រុមហ៊ុនរចនាស្ថិតនៅជួរមុខគេសម្រាប់ការចុះឈ្មោះ។ ដោយឡែក ឆ្នាំនេះយើងរំពឹងថាគម្រោងខុនដូនឹងមានចំនួនបេក្ខភាពនាំមុខគេ។”

ទស្សនាវដ្ដីសំណង់ និងអចលនទ្រព្យ ដែលជាប្រព័ន្ធផ្សព្វផ្សាយឈានមុខគេក្នុងប្រទេសកម្ពុជាសម្រាប់វិស័យឧស្សាហកម្មសំណង់ និងអចលនទ្រព្យ គឺជាអ្នកឧបត្ថម្ភផ្នែកផ្សព្វផ្សាយសម្រាប់កម្មវិធីពានរង្វាន់ Property Guru Cambodia Property Awards។

- Video Advertisement -

ព័ត៌មានដែលទាក់ទង

គម្រោងសង់អាកាសយានដ្ឋានអន្តរជាតិតេជោ សម្រេចបាន៩៤% ចំណាយអស់ជិត $១៤០០លាន

នៅក្នុងការអភិវឌ្ឍន៍ដ៏គួរឱ្យរំភើបមួយសម្រាប់វិស័យអាកាសចរណ៍របស់កម្ពុជា គម្រោងសាងសង់អាកាសយានដ្ឋានអន្តរជាតិតេជោ ពេលនេះសម្រេចការងារសាងសង់បានជាង ៩៤% ជាមួយនឹងការវិនិយោគសរុបឈានដល់ជិត ១.៤ពាន់លានដុល្លារ។ គម្រោងដ៏មានមហិច្ឆតានេះសន្យាថានឹងប្រែក្លាយផ្លូវអាកាសរបស់ប្រទេស និងលើកកម្ពស់ការតភ្ជាប់ការធ្វើដំណើរក្នុងស្រុក និងអន្តរជាតិ។ គួរបញ្ជាក់ថា ការងារសំណង់សំខាន់ធំៗ​ ដូចជាការងារពាក់ព័ន្ធសំណង់ស្ថានីយអ្នកដំណើរ/ Passenger Terminal Building, ការងារពាក់ព័ន្ធសំណង់មជ្ឈមណ្ឌលផ្គត់ផ្គង់ថាមពល/ Power House និងការងារពាក់ព័ន្ធទៅនឹងសំណង់ទីលានចតយន្តហោះ/ Aircraft Apron – Parking ត្រូវបានបញ្ចប់មួយផ្នែកធំនៅក្នុងបំណាច់ខែធ្នូ ឆ្នាំ២០២៤ និងមួយចំនួនតូចទៀតក្នុងខែមករា ឆ្នាំ២០២៥។ ឯកឧត្តម ស៊ិន ចាន់សេរីវត្ថា រដ្ឋលេខាធិការនៃរដ្ឋលេខាធិការដ្ឋានអាកាសចរណ៍ស៊ីវិល បានបញ្ជាក់នៅថ្ងៃទី២៤ ខែមករា ថា គម្រោងនេះកំពុងដំណើរការ និងស្របតាមពេលវេលាដែលបានកំណត់។ លោកបានមានប្រសាសន៍ថា “ប្រសិនបើអ្វីៗដំណើរការដូចការគ្រោងទុក យើងរំពឹងថានឹងសម្ពោធអាកាសយានដ្ឋានអន្តរជាតិតេជោនៅក្នុងខែកក្កដា ឆ្នាំ២០២៥ ជាផ្លូវការ” ដោយបានគូសបញ្ជាក់ពីសារៈសំខាន់នៃគម្រោងសម្រាប់តំបន់។ អាកាសយានដ្ឋានអន្តរជាតិតេជោ ដែលត្រូវបានអភិវឌ្ឍដោយក្រុមហ៊ុនវិនិយោគអាកាសយានដ្ឋានកម្ពុជា (CAIC) ដែលជាដៃគូរវាងរាជរដ្ឋាភិបាលកម្ពុជា និងក្រុមហ៊ុន OCIC មានផ្ទៃដីទំហំ ២.៦០០ហិកតា។ អាកាសយានដ្ឋានថ្មីនេះ គ្រោងនឹងក្លាយទៅជាមជ្ឈមណ្ឌលដ៏សំខាន់សម្រាប់វិស័យទេសចរណ៍ និងពាណិជ្ជកម្ម ដែលជំរុញកំណើនសេដ្ឋកិច្ច និងការតភ្ជាប់សម្រាប់កម្ពុជា។(អានបន្ថែម) […]

ក្រុមហ៊ុនចិនប្តេជ្ញាសង់ស្ថានីយថាមពលខ្យល់នៅមណ្ឌលគិរី ឱ្យចប់នៅឆ្នាំ២០២៦ ក្រោយបានការអនុម័ត

នៅក្នុងការប្តេជ្ញាចិត្តដ៏សំខាន់ចំពោះថាមពលកកើតឡើងវិញនៅក្នុងប្រទេសកម្ពុជា ក្រុមហ៊ុន HK OASIS Power Energy Development Co., Ltd. បានប្តេជ្ញាថានឹងបញ្ចប់ការសាងសង់ស្ថានីយ៍ថាមពលខ្យល់ អនុភាព ១៥០មេហ្គាវ៉ាត់ នៅក្នុងខេត្តមណ្ឌលគិរីនៅឆ្នាំ២០២៦។ ការសន្យានេះធ្វើឡើងដោយលោក Wang Junwei តំណាងក្រុមហ៊ុនក្នុងជំនួបជាមួយឯកឧត្តម ជា វុទ្ធី អគ្គលេខាធិការនៃគណៈកម្មាធិការវិនិយោគកម្ពុជា នៅថ្ងៃទី ១៧ ខែ មករា ឆ្នាំ ២០២៥។ ក្នុងជំនួបនោះ លោក Wang បានលើកឡើងពីសារៈសំខាន់នៃការស្វែងយល់ដឹងអំពីនីតិវិធីចុះបញ្ជីវិនិយោគនៅក្រុមប្រឹក្សាអភិវឌ្ឍន៍កម្ពុជា។ លោកបានបង្ហាញពីចេតនារបស់ក្រុមហ៊ុនក្នុងការធានាថាគម្រោងនេះត្រូវបានទទួលស្គាល់ថាមានលក្ខណៈសម្បត្តិគ្រប់គ្រាន់ និងជោគជ័យ ដោយប្រកាន់ខ្ជាប់នូវច្បាប់ និងបទប្បញ្ញត្តិទាំងអស់ជាធរមាន។ លើសពីនេះ លោកបានបញ្ជាក់ពីការប្តេជ្ញាចិត្តរបស់ក្រុមហ៊ុនក្នុងការបំពេញតាមកាលកំណត់នៃការបញ្ចប់គម្រោងនៅឆ្នាំ២០២៦ សម្រាប់ស្ថានីយថាមពលខ្យល់មួយនេះ។ ឆ្លើយតបនឹងការប្តេជ្ញាចិត្ត ឯកឧត្តម ជា វុទ្ធី បានទទួលស្គាល់នូវការកើនឡើងនៃការវិនិយោគក្នុងវិស័យឧស្សាហកម្មនៅកម្ពុជា ដែលនាំឱ្យតម្រូវការអគ្គិសនីមានការកើនឡើងផងដែរ ជាពិសេសពីប្រភពថាមពលស្អាត។ លោក​បាន​ជំរុញ​ឲ្យ​ក្រុមហ៊ុនខិតខំ​អនុវត្ត​គម្រោង​វិនិយោគ​របស់​ខ្លួន​ឲ្យ​មាន​ប្រសិទ្ធភាពបំផុត​ដើម្បី​បំពេញ​តម្រូវការ​ដែល​កំពុង​កើនឡើង​នេះ។ ឯកឧត្តម ជា វុទ្ធី ក៏បានធានាសាជាថ្មីដល់ក្រុមហ៊ុនថា មន្ត្រីនៅក្រុមប្រឹក្សាអភិវឌ្ឍន៍កម្ពុជា បានត្រៀមខ្លួនរួចជាស្រេច ដើម្បីជួយសម្រួលដល់ដំណើរការចុះបញ្ជីវិនិយោគរបស់ក្រុមហ៊ុន។ នៅពេលដែលប្រទេសកម្ពុជាខិតខំពង្រឹងហេដ្ឋារចនាសម្ព័ន្ធថាមពលរបស់ខ្លួន គម្រោងនេះតំណាងឱ្យជំហានឆ្ពោះទៅមុខក្នុងការពង្រីកសមត្ថភាពថាមពលស្អាតរបស់ប្រទេស ស្របតាមការផ្លាស់ប្តូរជាសកលឆ្ពោះទៅរកដំណោះស្រាយថាមពលប្រកបដោយនិរន្តរភាព។ […]

រដ្ឋសម្ពោធបើកដំណើរការទីលានទុកសំរាមទំហំ ១១ហិកតា នៅក្រុងសិរីសោភ័ណ ខេត្តបន្ទាយមានជ័យ​

នៅក្នុងការអភិវឌ្ឍន៍ដ៏សំខាន់មួយ ដើម្បីបង្កើនការគ្រប់គ្រងបរិស្ថានទីក្រុងជុំវិញបឹងទន្លេសាប រដ្ឋាភិបាលកម្ពុជាបានសម្ពោធដាក់ឱ្យប្រើប្រាស់ជាផ្លូវការនូវកន្លែងចាក់សំរាមទំហំជាង ១១ហិកតា នៅថ្ងៃទី១៧ ខែមករា ឆ្នាំ២០២៥។ គម្រោងនេះជាផ្នែកមួយនៃគំនិតផ្តួចផ្តើមដំណាក់កាលទី២ ដែលបានទទួលការគាំទ្រក្រោមកម្ចីសម្បទានពីធនាគារអភិវឌ្ឍន៍អាស៊ី (ADB) ។ ទីលានទុកដាក់​សំរាមនេះមានទីតាំងស្ថិត​នៅ​ភូមិ​កង្វា ​សង្កាត់​កំពង់ស្វាយ ក្រុងសេរីសោភ័ណ ខេត្តបន្ទាយមានជ័យ​ និង​បាន​សាងសង់​ដោយ​ក្រុមហ៊ុន ហេង សម្បត្តិ អាហរ័ណ ដឹក​ជញ្ជូន និង​សំណង់ ហើយ​ប្រើរយៈពេល​ពេល ១០ខែសម្រាប់ការសាងសង់។ គម្រោងនេះដែរ នឹងបម្រើជាកន្លែងដ៏សំខាន់សម្រាប់ប្រជាពលរដ្ឋប្រមាណជា ១២៨.២០៨នាក់ នៅក្នុងតំបន់ ក្នុងនោះរួមមានសង្កាត់ម៉ាកាក កំពង់ស្វាយ ព្រះពន្លា ទឹកថ្លា អូរអំបិល ភ្នាក និងកោះពង់សាត។ ទីលានទុកដាក់​សំរាម​នេះ​ ត្រូវ​បាន​គេ​រំពឹង​ថា​នឹង​អាច​ដំណើរការបាន​រហូត​ដល់​ឆ្នាំ ២០៤០។ ឯកឧត្តម រស់ វណ្ណា រដ្ឋលេខាធិការក្រសួងសាធារណការ បានជំរុញឱ្យសហគមន៍ប្រើប្រាស់ទីលានចាក់សំរាមប្រកបដោយប្រសិទ្ធភាព តាមរយៈការលើកកម្ពស់ការធ្វើជីកំប៉ុស និងធានាឱ្យមានស្តង់ដារបច្ចេកទេសគ្រប់គ្រងកាកសំណល់។ ឯកឧត្តម​ក៏បាន​លើក​ឡើង​ពី​សក្តានុពល​នៃ​គម្រោង​នេះ​ក្នុង​ការ​ជំរុញ​សេដ្ឋកិច្ចជាតិ​ដោយ​ការ​ទាក់ទាញ​ទេសចរណ៍ បង្កើត​ឱកាស​ការងារ និង​លើក​កម្ពស់​ជីវភាព​រស់នៅ​របស់​ប្រជាពលរដ្ឋ​ក្នុង​មូលដ្ឋានផងដែរ។ ទន្ទឹមគ្នានេះដែរ ក្រសួងសាធារណការ ក៏បានបង្ហាញនូវការប្តេជ្ញាចិត្តរបស់ខ្លួនចំពោះនិរន្តរភាព ដែលកន្លងមកបានបង្កើតទីលានទុកដាក់សំរាមក្នុងខេត្តមួយចំនួនផ្សេងទៀត រួមមាន ខេត្តព្រះសីហនុ បាត់ដំបង ពោធិ៍សាត់ […]

ចិន​អនុម័ត​សង់ទំនប់​វារីអគ្គិសនីធំនិងខ្ពស់បំផុតលើពិភពលោកតម្លៃ $១២៧ពាន់​លាន ​នៅ​ទីបេ

រដ្ឋាភិបាលចិន បើកភ្លើងខៀវលើគម្រោងសាងសង់ទំនប់វារីអគ្គីសនីដ៏ធំបំផុតរបស់ពិភពលោកនៅផ្នែកខាងក្រោមនៃទន្លេយ៉ាឡុង (Yarlung Tsangpo) ក្នុងទឹកដីទីបេ ជាមួយនឹងទំហំចំណាយប៉ាន់ស្មានចំនួន ១២៧ពាន់លានដុល្លារ។ ជាមួយនឹងមហិច្ឆតាក្នុងការផ្គត់ផ្គង់ថាមពលបានយ៉ាងច្រើនមហាសាល គម្រោងនេះ ក៏ប្រឈមនឹងភាពចម្រូងចម្រាសយ៉ាងច្រើនពាក់ព័ន្ធនឹងការបង្កឱ្យមានការព្រួយបារម្ភយ៉ាងខ្លាំងអំពីផលប៉ះពាល់បរិស្ថាន ការផ្លាស់ទីលំនៅរបស់សហគមន៍មូលដ្ឋាន និងផលប៉ះពាល់ភូមិសាស្ត្រនយោបាយផងដែរ នេះបើយោងតាមសារៈព័ត៌មាន BBC នៅថ្ងៃទី ២៧ ខែធ្នូ ឆ្នាំ ២០២៤។ ដោយត្រូវបានរចនាឡើងដើម្បីបង្កើតថាមពលច្រើនជាងរហូតដល់ទៅ០៣ដង លើទំនប់វារីអគ្គិសនីឈ្មោះ Three Gorges ដែលបច្ចុប្បន្នជារោងចក្រវារីអគ្គិសនីធំជាងគេនៅទូទាំងពិភពលោក គឺជាស្ថានីយ៍វារីអគ្គីសនីដ៏ធំបំផុតរបស់ពិភពលោក ដែលមានទីតាំងនៅទន្លេយ៉ងសេ Yangtze ក្នុងខេត្តហឺប៉ី Hubei ប្រទេសចិន  ទំនប់វារីថ្មីឈ្មោះ យ៉ាឡុង ដ៏ធំមានតែមួយលើលោកនេះ នឹងត្រូវសាងសង់តាមបណ្ដោយជ្រលងភ្នំ Yarlung Tsangpo Grand Canyon ដែលជាអន្លង់ជ្រៅបំផុតរបស់ពិភពលោក និងត្រូវការផ្លូវរូងក្រោមដីយ៉ាងតិចចំនួនបួន ដែលផ្លូវរូងក្រោមដីនីមួយៗមានប្រវែង ២០គីឡូម៉ែត្រ ដើម្បីបង្វែរលំហូរនៃទឹកទន្លេ យកមកបង្វិលទួរប៊ីនអគ្គិសនី។ សណ្ឋានដីដ៏អស្ចារ្យរបស់ទីតាំងគម្រោងនេះ មានលក្ខណៈជាជ្រោះជ្រៅជាមួយនឹងរយៈកម្ពស់ចុះក្រោមប្រមាណ ២០០០ម៉ែត្រលាតសន្ធឹងលើផ្ទៃដីជាង ៥០គីឡូម៉ែត្រ និងមានសមត្ថភាពផ្តល់នូវសក្តានុពលវារីអគ្គីសនីដែលមិនអាចប្រៀបផ្ទឹមបាន ប៉ុន្តែក៏បង្ហាញពីបញ្ហាប្រឈមផ្នែកបច្ចេកទេសវិស្វកម្មយ៉ាងច្រើនផងដែរ។ ស្ថិតនៅលើព្រំប្រទល់នៃតំបន់ដីដែលងាយនឹងរញ្ជួយដី ទីតាំងនេះងាយរងគ្រោះដោយសារការបាក់ដី និងសកម្មភាពរញ្ជួយ ដែលបង្កើនការព្រួយបារម្ភអំពីសុវត្ថិភាពក្នុងចំណោមវិស្វករ និងភូគព្ភវិទូ។ […]

ខែដំបូងនៃឆ្នាំ២០២៥ កម្ពុជាទទួលបានការវិនិយោគថ្មីៗចំនួន ១៧គម្រោង មានទុន ១៥០លានដុល្លារ

នៅក្នុងដំណាក់កាលនៃការចាប់ផ្តើមដ៏គួរឱ្យរំភើបនៃឆ្នាំ២០២៥នេះ ទិដ្ឋភាពនៃការវិនិយោគរបស់ប្រទេសកម្ពុជាត្រូវបានត្រៀមខ្លួនរួចជាស្រេចសម្រាប់កំណើននៃការវិនិយោគថ្មីៗ ខណៈដែលគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បាននិងកំពុងពិនិត្យពិភាក្សាយ៉ាងយកចិត្តទុកដាក់លើសំណើសុំចុះបញ្ជីគម្រោងវិនិយោគថ្មីចំនួន ១៧គម្រោង ក្រោមទុនវិនិយោគ ១៥០លានដុល្លារ។ នេះបើយោងតាម “កិច្ចប្រជុំច្រកចេញចូលតែមួយ” លើកទី១ ក្នុងឆ្នាំ២០២៥ ក្រោមអធិបតីភាពឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៅថ្ងៃទី១៥ ខែមករា ឆ្នាំ២០២៥។ តាមគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានឱ្យដឹងថា កិច្ចប្រជុំច្រកចេញចូលតែមួយនេះ ត្រូវបានរៀបចំដើម្បីពិនិត្យពិភាក្សាលើសំណើសុំចុះបញ្ជីគម្រោងវិនិយោគចំនួន ១៧គម្រោង មានទុនវិនិយោគសរុបប្រមាណ ១៥០លានដុល្លារ, អាចបង្កើតការងារបានចំនួនប្រមាណ ៩ពាន់កន្លែង។ គម្រោងទាំងអស់ខាងលើនេះ មានមុខសញ្ញាវិនិយោគក្នុងវិស័យកសិកម្ម និងកសិ-ឧស្សាហកម្មចំនួន ១គម្រោង (បង្កើតរោងចក្រកែច្នៃជ័រកៅស៊ូ) និងក្នុងវិស័យឧស្សាហកម្មចំនួន ១៦គម្រោង (បង្កើតរោងចក្រកែច្នៃលោហធាតុ, ផ្គុំដំឡើងគ្រឿងអេឡិចត្រូនិក, ផលិតអំពូលភ្លើងនិងបរិក្ខារអគ្គិសនី, ផលិតគ្រឿងសង្ហារិម, ផលិតផ្កានិងផ្លែឈើសិប្បនិម្មិត, ផលិតឧបករណ៍ជាងនិងឧបករណ៍ប្រើប្រាស់ក្នុងយានដ្ឋាន, ផលិតចង្ក្រាននិងឡចម្អិន, ផលិតសម្ភារៈវេចខ្ចប់, ផលិតសម្ភារៈសម្រាប់បោះជំរុំ, ខារអំបោះ, បោកគក់និងជ្រលក់ពណ៌)។ បើតាមសំណើខាងលើ បានបញ្ជាក់ថា គម្រោងទាំងនេះ គ្រោងនឹងបោះទីតាំងវិនិយោគនៅរាជធានីភ្នំពេញ, ខេត្តកំពង់ស្ពឺ, ខេត្តតាកែវ, ខេត្តត្បូងឃ្មុំ, ខេត្តស្វាយរៀង, ខេត្តកំពង់ឆ្នាំង និងខេត្តបន្ទាយមានជ័យ។ […]

គម្រោងសង់សំណង់ស្ទាក់ទឹក ដែលអាចស្តុកទឹក ៣០០លានម៉ែត្រគូប  នៅកំពង់ធំ សង់បាន ២៥%

គិតមកដល់ពេលនេះ គម្រោងសង់សំណង់ស្ទាក់ទឹកកំពង់គោ ក្នុងខេត្តកំពង់ធំ សាងសង់បានប្រមាណ ២៥% ហើយ។ នេះបើយោងតាម ឯកឧត្តម ចាន់ ស៊ីណាត រដ្ឋលេខាធិការ ក្នុងឱកាសចុះពិនិត្យវឌ្ឍនភាពការងារគម្រោងផ្ទាល់ នៅថ្ងៃទី១២ ខែមករា ឆ្នាំ២០២៥។ ឯកឧត្តម ចាន់ ស៊ីណាត បានឱ្យដឹងថា វឌ្ឍនភាពការងារជារួម បច្ចុប្បន្នសម្រេចបានប្រមាណ ២៥% ក្នុងនោះ៖ ការងារសំណង់ស្ទាក់ទឹកកំពង់គោសម្រេចបានប្រមាណ ១០% ការងារការដ្ឋានក្បាលហុងស្ទឹងស្លាប់សម្រេចបានប្រមាណ ៦៥% និងការងារប្រឡាយពង្វាងទឹកស្ទឹងស្លាប់សម្រេចបានប្រមាណ ៤៥%។ គម្រោងអភិវឌ្ឍន៍សំណង់ស្ទាក់ទឹកកំពង់គោនេះ មានទីតាំងស្ថិតក្នុងភូមិកំពង់គោលើ ឃុំកំពង់គោ ស្រុកកំពង់ស្វាយ ខេត្តកំពង់ធំ ត្រូវបានរដ្ឋាភិបាលកម្ពុជា ចាប់ផ្តើមអនុវត្តការងារសាងសង់តាំងពីខែឧសភា ឆ្នាំ២០២៤។ គួរបញ្ជាក់ថា គម្រោងអភិវឌ្ឍន៍សំណង់ស្ទាក់ទឹកកំពង់គោនេះ  មានសមត្ថភាពស្ដុកទឹកបានប្រមាណ ៣០០លានម៉ែត្រគូប មានវិសាលភាពគ្របដណ្ដប់លើក្រុងស្ទឹងសែន ស្រុកកំពង់ស្វាយ ស្រុកសន្ទុក ស្រុកប្រាសាទបល្ល័ង្គ និងស្រុកសណ្តាន់ និងមានសក្តានុពលស្រោចស្រពលើផ្ទៃដីបង្កបង្កើនផល ប្រមាណ ៣០ម៉ឺនហិកតា។ វឌ្ឍនភាពនៃគម្រោងសង់សំណង់ស្ទាក់ទឹក​កំពង់​គរ គឺជា​សក្ខីភាព​បញ្ជាក់​ពី​ការ​ប្តេជ្ញាចិត្ត​របស់​រដ្ឋាភិបាល​កម្ពុជា​ក្នុង​ការ​អភិវឌ្ឍ​ហេដ្ឋារចនាសម្ព័ន្ធ និង​កសិកម្ម​ប្រកបដោយ​ចីរភាព។ ការអាប់ដេតបន្ថែមនឹងត្រូវបានផ្តល់ជូន នៅពេលដែលគម្រោងនេះបន្តដំណើរការទៅមុខ។ - […]