CapitaLand កំពុងពង្រីកឥទ្ធិពលរបស់ខ្លួនក្នុងស្រុក

• Proeksa Meas
• 3 ខែ​មីនា 2018
• ព័ត៌មានអចលនទ្រព្យ
• 117 មើល

Capita Land ជាក្រុមហ៊ុនអចលនទ្រព្យឈានមុខគេនៅប្រទេសសិង្ហបុរី បានទិញយកអគារ Pearl Bank Apartments ដែលមានកម្ពស់ ៣៧ ជាន់នៅតំបន់ China Town ក្នុងតម្លៃ ៥៥០លានដុល្លារ តាំងពីខែមករាមកម្ល៉េះ គោលបំណងគឺដើម្បីធ្វើការអភិវឌ្ឍន៍ទីតាំងនេះឡើងវិញ។

អគារមួយនេះមាន ២៨៨ យូនីត ស្ថិតនៅលើផ្ទៃដីទំហំ ៨២.៣៧៦ ហ្វីតការ៉េ (៧.៧៥៣ម២) ទីតាំងមួយនេះគឺជាចំណុចដ៏សំខាន់ក្នុងសួនឧទ្យាន Outram ព្រោះវាឋិតនៅត្រង់ចំនុចកំពូលនៃកូនភ្នំគុជ ឬ ហៅបានថាPearl Hill។

យោងតាមសេចក្តីថ្លែងការណ៍មួយរបស់ក្រុមហ៊ុន CapitaLand បានឲ្យដឹងថា “ការអភិវឌ្ឍន៍ឡើងវិញនេះគឺ ដើម្បីប្រែក្លាយតំបន់មួយនេះឲ្យទៅជាតំបន់លំនៅឋានខ្ពស់ៗ ដែលមានចំនួនយូនីតរហូតដល់ទៅ ៨០០យូនីត សម្រាប់ជួយជំរុញកន្លែងមួយនេះក្លាយទៅជាតំបន់ពិសេសដែលមានតែមួយគត់ក្នុងប្រទេស។

ក្នុងតំបន់មួយនេះគឺមានភាពងាយស្រួលសម្រាប់ការធ្វើដំណើរ ដោយមានស្ថានីយដឹកអ្នកដំណើរមួយចំនួន ដូចជា Outram Park MRT តភ្ជាប់ទៅនឹង ផ្លូវ East-West Line និង North-East Line។ ម្យ៉ាងវិញទៀតវាជាកន្លែងដែលនឹងត្រូវតភ្ជាប់ទៅកាន់ផ្លូវមួយផ្សេងទៀតគឺ Thomson-East Coast Line (TEL) ដែលនឹងចាប់ផ្តើមដំណើរ ការក្នុងឆ្នាំ ២០១៩ ខាងមុខនេះផងដែរ។

ការតភ្ជាប់ផ្លូវ TEL នឹងភ្ជាប់ទៅកាន់សួនឧទ្យាន Outram គឺជាចំនុចដ៏សំខាន់សំរាប់ការស់នៅទីនោះ ហើយវាក៏កន្លែងកម្សាន្តដ៏គួរឱ្យទាក់ទាញផងដែរដូចជា Orchard Road, Marina Bay និង Gardens by the Bay។