CBRE៖ តម្លៃខុនដូនឹងប្រឈមមុខនឹងការធ្លាក់ថ្លៃ នៅថ្ងៃមុខប្រសិនបើបញ្ហាកូវីដ ១៩នៅតែបន្ត

• 10 ខែ​មេសា 2020
• ព័ត៌មានអចលនទ្រព្យ
• 7 មើល

ភ្នាក់ងារអចលនទ្រព្យ CBRE បានបង្ហាញអំពីសញ្ញាណធ្លាក់ថ្លៃនៃតម្លៃខុនដូនៅក្នុងត្រីមាសទី ១ ឆ្នាំ ២០២០ និង ព្យាករថាតម្លៃខុនដូនឹងប្រឈមការធ្លាក់ថ្លៃជាងនេះទៀត ប្រសិនបើវិបត្តិសេដ្ឋកិច្ចសង្គមដែលបង្កឡើងដោយជំងឺកូវីដ ១៩នៅតែបន្ត។

យោងតាមរបាយការណ៍របស់ប្រភពដដែល ចុះថ្ងៃទី៦ មេសានេះ ជំងឺកូវីដ ១៩ ធ្វើឲ្យមានផលប៉ះពាល់ទៅលើតម្លៃអចលនៈទ្រព្យ ជាពិសេសខុនដូ។ ក្នុងនោះដែរ ប្រភេខុនដូតម្លៃថ្លៃ មានការធ្លាក់ថ្លៃប្រមាណ ១,៥ ភាគរយ ឯខុនដូតម្លៃកណ្ដាលធ្លាក់ថ្លៃប្រមាណ ០,៥ភាគរយ ខណៈប្រភេទខុនដូតម្លៃសមរម្យកើនឡើងប្រមាណ ០,៣% ដែលធ្វើឲ្យតម្លៃលក់នៃប្រភេទខុនដូនេះមានតម្លៃស្មើរ១.៥៤៩ ដុល្លារក្នុងមួយម៉ែត្រការ៉េ។

ទន្ទឹមនឹងនេះដែរ តម្លៃជួលនេះប្រភេទខុនដូទាំងនេះក៏ត្រូវរងផលប៉ះពាល់ពីស្ថានភាពទីផ្សារអចលនៈទ្រព្យបច្ចុប្បន្នដែរ។ ចំពោះតម្លៃជួលប្រភេទខុនដូតម្លៃថ្លៃ ធ្លាក់ចុះប្រមាណ ០,៤ភាគរយ ដែលធ្វើឲ្យថ្លៃជួលជាមធ្យមស្មើរនឹង១៤,២១ ដុល្លារក្នុងមួយម៉ែត្រការ៉េ។ ឯខុនដូតម្លៃកណ្តាល ធ្លាក់ចុះប្រមាណ០,៦ ភាគរយ ដែលធ្វើឲ្យថ្លៃជួលជាមធ្យមស្មើរនឹង ១១,៧៩ ដុល្លារក្នុងមួយម៉ែត្រការ៉េ។

របាយការណ៍នេះបានបញ្ជាក់ថា ជំងឺកូវីដ១៩ បានធ្វើឲ្យប៉ះពាល់ទៅលើទីផ្សារខុនដូជាពិសេសក្នុងរយៈកាលដើមឆ្នាំនេះ ហើយនឹងប្រឈមផលប៉ះពាល់កាន់តែខ្លាំងជាងនេះនៅត្រីមាសទី២ ឆ្នាំ ២០២០ ប្រសិនបើស្ថានភាពជំងឺកូវីដ ១៩នេះនៅតែបន្ត ដែលអាចបង្កឲ្យមានការផ្អាកការសាងសង់ ឬធ្វើឲ្យម្ចាស់គម្រោងវ័ណ្ឌកទៀតផង៕

ទាញយករបាយការណ៍ CBRE report៖

Cambodia_Phnom-Penh_Marketview_2020_Q1

Marketview-Q1-2020-Webinar_Final

• ចំណេះដឹង និង បទពិសោធន៍
• ធុរកិច្ច និងទីផ្សារ
• ចំណេះដឹង និង បទពិសោធន៍
• ធុរកិច្ច និងទីផ្សារ