Century 21 ចាប់ដៃគូជាមួយធនាគារ BRED Bank ដើម្បីសម្រួលឱ្យការសុំកម្ចីទិញអចលនទ្រព្យបានងាយ និងលឿនជាងមុន

• ២៨ មករា ២០២១
• ព័ត៌មានក្នុងស្រុក
• 1657 មើល

ក្រុមហ៊ុនអចលនទ្រព្យ Century 21 នៅព្រឹកថ្ងៃទី ២៨ ខែមករានេះ បានចុះហត្ថលេខាលើអនុស្សារណៈយោគយល់គ្នាជាមួយធនាគារ BRED Bank ដើម្បីសម្រួលឱ្យការសុំកម្ចីទិញអចលនទ្រព្យបានងាយស្រួល និងលឿនជាងមុន សម្រាប់អ្នកទិញអចលនទ្រព្យតាមរយៈបណ្តាញក្រុមហ៊ុន Century 21.

អនុស្សរណៈនៃការយោគយល់គ្នានេះ ត្រូវបានចុះហត្ថលេខារវាងលោក Seraj Sutton ប្រធានផ្នែកប្រតិបត្តិការCentury 21 នៅកម្ពុជា លោក Guillaume Perdon នាយកប្រតិបត្តិធនាគារ BRED Bank និងប្រធានប្រព័ន្ធសាខាអ្នកនាង Meas Kunthea។

យោងតាមកិច្ចព្រមព្រៀងនេះ ធនាគារនឹងផ្តល់កម្ចីដល់អតិថិជនទិញអចលនទ្រព្យតាមរយៈបណ្តាញក្រុមហ៊ុន Century 21 ក្នុងលក្ខខណ្ឌងាយស្រួលជាងមុន ពិសេសក្នុងអត្រាការប្រាក់ប្រកួតប្រជែង និងបត់បែនខ្ពស់។

លោក Seraj Sutton បានមានប្រសាសន៍ថា៖ «កិច្ចសហការនេះនឹងដើរតួនាទីយ៉ាងរឹងមាំក្នុងការបង្កើតឱកាសកាន់តែប្រសើរសម្រាប់អតិថិជន និងអ្នកវិនិយោគក្នុងការទិញទ្រព្យសម្បត្តិក្នុងក្តីសុបិនរបស់ពួកគេ»។

គួរបញ្ជាក់ផងដែរថា ក្រុមហ៊ុន Century 21 Cambodia គឺជាក្រុមហ៊ុនអចលនទ្រព្យដែលត្រូវបានតែងតាំងជាភ្នាក់ងារលក់ផ្តាច់មុខសម្រាប់គម្រោងអភិវឌ្ឍន៍ជាច្រើននៅកម្ពុជារួមមាន Forest Harmony, Golf Harmony, Residence Harmony, និង Lagoon Harmony ជាដើម។

• អត្ថបទផ្សព្វផ្សាយ
• ធុរកិច្ច និងទីផ្សារ