ព័ត៌មានអន្តរជាតិ
អ្នកស្រាវជ្រាវសិង្ហបុរីបង្កើតថ្នាំលាបការពារសំណង់ផ្ទះឈើ ឱ្យភ្លើងដុតមិនឆេះ
អ្នកស្រាវជ្រាវនៅសាកលវិទ្យាល័យ Nanyang Technological University (NTU) ក្នុងប្រទេសសិង្ហបុរី (NTU Singapore) បានបង្កើតថ្នាំលាបការពារឈើ ពីការឆាប់ឆេះដោយអគ្គិភ័យ។ ថ្នាំការពារនេះមានកម្រាស់ត្រឹមតែ 0.075 មីលីម៉ែត្រប៉ុណ្ណោះ ហើយគ្មានពណ៌ និងមើលមិនឃើញដោយភ្នែកទទេរ ដូច្នេះឈើនៅតែរក្សាភាពស្អាតដូចដើមក្រោយលាបរួច។ នៅពេលថ្នាំនេះ ប៉ះនឹងភ្លើង ឬអគ្គិភ័យ ថ្នាំស្រទាប់ការនេះនឹងប្រែទៅជាធ្យូងក្រាស់ ដែលដើរតួជាអ៊ីសូឡង់ការពារមិនឱ្យភ្លើងចេះដល់សាច់ឈើ។ ថ្នាំការពារ ក៏បានឆ្លងកាត់ការធ្វើតេស្តស្តង់ដារឧស្សាហកម្មជាមួយនឹងភ្លើងក្ដៅខ្លាំងបំផុតរួចមកហើយដែរ។ លោក Aravind Dasari សាស្ត្រាចារ្យនៃសាកលវិទ្យាល័យ NTU Singapore បាននិយាយថា សំណង់ឈើភាគច្រើន គឺងាយនឹងឆេះ ដែលជាហានិភ័យដ៏ធំបំផុតមួយសម្រាប់ហេដ្ឋារចនាសម្ព័ន្ធធ្វើពីឈើ។ ដូច្នេះការច្នៃប្រឌិតថ្នាំកូតការពារភ្លើង គឺជារបកគំហើញដ៏សំខាន់មួយ ក្នុងការជួយការពារការខូចខាតពីគ្រោះអគ្គិភ័យដែលមិនរំពឹងទុក។ គួរបញ្ជាក់ថា NTU កំពុងធ្វើការជាមួយក្រុមហ៊ុននានា ដើម្បីផ្តល់អាជ្ញាប័ណ្ណផលិតផល និងសាកល្បងប្រសិទ្ធភាពរបកគំហើញនេះបន្ដទៀត។
អានបន្ថែម
ថៃប្រកាសសង់សួនសត្វដ៏ធំ១ តម្លៃជិត៣០០លានដុល្លារ លើដី៤៨ហិកតា
រដ្ឋាភិបាលថៃបានអនុម័តថវិកាចំនួនជិត ៣០០លានដុល្លារ សាងសង់សួនសត្វ មជ្ឈមណ្ឌលអប់រំ និងកន្លែងអភិរក្សនៅភាគខាងជើងនៃទីក្រុងបាងកក។ នេះបើយោងតាមការផ្សាយរបស់ GCR កាលពីចុងខែកក្កដា ២០២២ កន្លង។ អ្នកនាំពាក្យរងរដ្ឋាភិបាល Rachada Dhnadirek បានឱ្យដឹងទៀតថា សួនសត្វដ៏ធំមួយនេះនឹងត្រូវសាងសង់នៅលើផ្ទៃដី ៤៨ហិកតា ដែលបានបរិច្ចាគដោយស្តេចថៃ Maha Vajiralongkorn ក្នុងខេត្ត Pathum Thani។ ប្រភពដដែលបានបញ្ជាក់ថា គម្រោងដ៏ធំនេះនឹងត្រូវចំណាយអស់ប្រមាណជិត ៣០០លានដុល្លារ ហើយការសាងសង់ត្រូវបែងចែកជា២ដំណាក់កាល ដំណាក់កាលទី១ត្រូវបានគេប៉ាន់ស្មានថានឹងចំណាយអស់ប្រមាណជា ១៤៥លានដុល្លារ អនុម័តដោយគណៈរដ្ឋមន្ត្រីកាលពីខែមករា ហើយដំណាក់កាលទី២ នឹងចំណាយអស់ប្រមាណ ១១៧ លានដុល្លារ។ គម្រោងនេះនឹងត្រូវបើកដំណើរមួយផ្នែកនៅឆ្នាំ 2026 បន្ទាប់មកនឹងត្រូវបើកដំណើរការទាំងស្រុងនៅឆ្នាំ 2028។
អានបន្ថែម
ដំណើរឆ្ពោះទៅបច្ចេកវិទ្យាឌីជីថល ដើម្បីភាពធន់នៃហេដ្ឋារចនាសម្ព័ន្ធ!
ឱកាសនេះ គឺជាពេលវេលាដ៍ល្អក្នុងការចាប់ផ្តើមរៀបចំឱ្យមានប្រព័ន្ធឌីជីថល មិនត្រឹមតែនៅក្នុងអង្គភាពរបស់យើងប៉ុណ្ណោះទេ ប៉ុន្តែថែមទាំងឆ្ពោះទៅរក “ព័ស្តុតាងនាពេលអនាគត” ដែល ធនធានរបស់ពិភពលោកយើង វានឹងអាស្រ័យគ្នាទៅវិញទៅមក រវាងសេដ្ឋកិច្ច និងបរិស្ថាន! យើងបានទន្ទឹងរង់ចាំដើមឆ្នាំ 2022 ដោយបានស៊ូទ្រាំនឹងជំងឺ រាតត្បាតសកល និងបានអូសបន្លាយដោយមិនបានរំពឹងទុក យើងគួរតែផ្តល់អាទិភាពដល់ការសិក្សាភាគច្រើនបំផុត ដើម្បីឆ្លើយតបទៅនឹងភាពងាយរងគ្រោះ ដែលយើងមិនបានត្រៀមទុកជាមុន។ ខ្ញុំអាចនិយាយបានថា ជាការគិត “ឆ្ពោះទៅឌីជីថល” ដែល យើងបានគិត និងរៀបចំដើម្បីបង្កើនផលិតភាពសេដ្ឋកិច្ចឱ្យកាន់តែទូលំទូលាយ និងទទួលបានសន្ទុះថ្មី នៅពេលដែលគ្មាននរណាម្នាក់ នៅលើលោកយើងនេះអាចទៅបន្តធ្វើការអស់មួយជីវិត ពីឆ្នាំទៅមួយ ឆ្នាំមិនចេះហត់នឿយបានទេ។ខ្ញុំគិតថាសន្ទុះក្នុងការឈានទៅរកបច្ចេកវិទ្យាឌីជីថល វានឹងប្រែក្លាយវិបត្តិដែលយើងកំពុងជួបប្រទះ ដើម្បីស្វែងរកដំណោះស្រាយ ហើយត្រូវគិតថា ជាការគិតគូរមួយឆ្ពោះទៅរកការពង្រឹងគុណភាពនៃហេដ្ឋារចនាសម្ព័ន្ធ។ ឥឡូវនេះយើងមានឱកាសចងក្រងដំណើរឆ្ពោះទៅរកបច្ចេកវិទ្យាឌីជីថល មិនមែនសម្រាប់តែក្នុងអង្គភាពរបស់យើងប៉ុណ្ណោះទេ ប៉ុន្តែជាទិសដៅឆ្ពោះទៅរក “ព័ស្តុតាងអនាគត” ដែលធនធានពិភពលោកយើង វានឹងអាស្រ័យគ្នាទៅវិញទៅមក រវាង តុល្យភាពសេដ្ឋកិច្ច និងបរិស្ថាន។ ដោយយោងភាពចាំបាច់ក្នុងអំឡុងពេលជំងឺរាតត្បាត ដំណើរឆ្ពោះទៅរកបច្ចេកវិទ្យាឌីជីថល “Going Digital” របស់យើងបានបើកដំណើរការ “និម្មិត” ឬ Virtualizing នៃវិស្វកម្មហេដ្ឋារចនាសម្ព័ន្ធ និងជំនាញវិជ្ជាជីវៈពាក់ព័ន្ធ។ សព្វថ្ងៃនេះ អ្នកប្រើប្រាស់បច្ចេកវិទ្យានេះ មិនថាយើងនៅទីណាទេ […]
អានបន្ថែម
សិង្ហបុរីនឹងមានកំពង់ដ៏ធំបំផុតលើពិភពលោក តម្លៃជាង ១៤ ពាន់លានដុល្លារ
សិង្ហបុរីកំពុងសម្រុកសង់កំពង់ផែដ៏ធំផុតលើពិភពលោកឈ្មោះ Tuas Port តម្លៃជាង ១៤ពាន់លានដុល្លារអាមេរិក។ នេះបើយោងតាមការចុះផ្សាររបស់ CNA នៅថ្ងៃទី២១ សីហា ២០២២។ កំពង់ផែយក្សនេះ លាតសន្ធឹងលើផ្ទៃសមុទ្រទំហំដល់ទៅ១៣៣៧ហិកតា ដែលមានសរុប ៤ ដំណាក់កាល។ ដំណាក់កាលទី ១ ទើបបញ្ចប់ ខណៈដំណាក់កាលទី ២ ៣ និង ៤ កំពុងសាងសង់បន្ដបន្ទាប់គ្នា។ បើយោងតាមផែនការ គម្រោងទាំងមូលអាចនឹងបញ្ចប់ក្នុងឆ្នាំ ២០៤០។ លោកនាយករដ្ឋមន្រ្តី Lee Hsien Loong បានថ្លែងថា៖ «កំពង់ផែយក្សនេះនឹងក្លាយជាកំពង់ផែស្វ័យប្រវត្តិពេញលេញដ៏ធំបំផុតក្នុងពិភពលោក។ គម្រោងនេះក៏នឹងធ្វើឱ្យប្រទេសសិង្ហបុរីក្លាយជាជើងឯកឈានមុខគេនៅក្នុងលំហសមុទ្រផងដែរ»។
អានបន្ថែម
គម្រោងខ្សែកាបក្រោមសមុទ្រប្រវែងជាង ៤ពាន់គីឡូម៉ែត្រ នឹងបើកដំណើរការឆ្នាំ២០២៤
គម្រោងខ្សែកាបក្រោមសមុទ្ររបស់ក្រុមហ៊ុន Sun Cable គ្រោងនឹងចាប់ផ្តើមដំណើរការនៅឆ្នាំ ២០២៤ ដោយកំណត់គោលដៅប្រតិបត្តិការពេញលេញនៅឆ្នាំ ២០២៩។ នេះបើយោងតាមការចុះផ្សាយរបស់ Nikkei នៅថ្ងៃទី១៨ សីហា ២០២២។ គម្រោងនេះ បង្កើតឡើងដើម្បីបញ្ជូនថាមពលពន្លឺព្រះអាទិត្យពីអូស្រ្តាលីទៅឱ្យសិង្ហបុរី ដែលបានចំណាយអស់ប្រមាណជាង ៣០ពាន់លានដុល្លារអូស្ត្រាលី (២១ពាន់លានដុល្លារ)។ កសិដ្ឋានថាមពលពន្លឺព្រះអាទិត្យដ៏ធំមួយនេះត្រូវបានសាងសង់នៅលើផ្ទៃដីទំហំ១២.០០០ ហិកតា នៅវាលខ្សាច់ភាគខាងជើងនៃប្រទេសអូស្ត្រាលី ដែលត្រូវអូសខ្សែកាបកាត់ក្រោមសមុទ្រប្រវែង ៤.២០០ គីឡូម៉ែត្រ។ (អានបន្ថែម)
អានបន្ថែម
សិង្ហបុរីនឹងមានតាក់ស៊ីដ្រូនដំបូងគេនៅដើមឆ្នាំ២០២៤
សិង្ហបុរីនឹងប្រើមធ្យាបាយធ្វើដំណើរបែបទំនើប និងថ្មីមួយដើម្បីទាក់ទាញភ្ញៀវទេសចរណ៍ឱ្យទទួលបាននូវបទពិសោធន៍ថ្មី និងអារម្មណ៍រំភើបដែលមិនធ្លាប់មាន ដោយប្រើតាក់ស៊ីដ្រូនហោះលើអាកាស ដែលអាចហោះបានចម្ងាយ ១២គីឡូម៉ែត្រ និងអាចផ្ទុកបានអ្នកដំណើរ២នាក់។ នេះបើយោងតាម The Straits Time ចុះផ្សាយកាលពីថ្ងៃទី១២ កក្កដា នេះ។ កូនយន្តហោះដ្រូនប្រភេទនេះត្រូវបានបង្កើតឡើងដោយក្រុមហ៊ុនអាល្លឺម៉ង់ Volocopter ដែលរំពឹងថានឹងអាចចាប់ផ្តើមដាក់ឱ្យប្រើប្រាស់ជាសាធារណៈក្នុងប្រទេសសិង្ហបុរីនៅដើម ឬពាក់កណ្តាលឆ្នំា២០២៤។ តាក់ស៊ីដ្រូននេះនឹងអាចហោះបានចម្ងាយ ១២គីឡូម៉ែត្រ សម្រាប់ជំហ៊ានដំបូង។ បើតាមប្រសាសន៍របស់លោក គ្រីស្ទីន បោវអឺ ជាប្រធានផ្នែកពាណិជ្ជកម្មរបស់ក្រុមហ៊ុន Volocopter បានបញ្ជាក់ថា អនាគតក្រុមហ៊ុននឹងបង្កើនសមត្ថភាពហោះរបស់វាឱ្យអាចហោះបានរហូតដល់ ៣៥ គីឡូម៉ែត្រ រយៈកម្ពស់ ១០០ ទៅ ១៥០ម៉ែត្រ និងល្បឿន ៩០ គីឡូម៉ែត្រ/ម៉ោង។ លោក បោវអឺ បានសង្កត់ធ្ងន់ថា តម្លៃនៃការជិះតាស៊ីអាកាសមួយនេះគឺរិតតែពិសេសទៅទៀត ព្រោះវាថោកជាងតម្លៃនៃការជិះឧទ្ធម្ភាគចក្រប្រហែលជា ៧០ ទៅ ៧៥ ភាគរយ នៅក្នុងប្រទេសសិង្ហបុរី ។ បច្ចុប្បន្ន ក្រុមហ៊ុន Volocopter នៅរង់ចាំតែការអនុម័តចុងក្រោយមួយទៀតប៉ុណ្ណោះរបស់រដ្ឋាភិបាលសិង្ហបុរី ព្រោះហេដ្ឋារចនាសម្ព័នផ្លូវអាកាសត្រូវបានរៀបចំរួចស្រេចទៅហើយ។
អានបន្ថែម
ថៃប្តេជ្ញានឹងបញ្ចប់ការសាងសង់ផ្លូវរថភ្លើងល្បឿនលឿនតម្លៃ ១២ពាន់លានដុល្លារ ត្រឹមឆ្នាំ២០២៨
ថៃប្តេជ្ញានឹងបញ្ចប់ការសាងសង់ផ្លូវរថភ្លើងល្បឿនលឿនភ្ជាប់ទៅនឹងខេត្តយូណានប្រទេសចិន ដែលបានពន្យារការសាងសង់អស់រយៈពេលជាយូរមកហើយនោះ ឱ្យរួចត្រឹមឆ្នាំ២០២៨។ នេះបើតាមការចុះផ្សាយរបស់សារពត៌មាន Bloomberg កាលពីថ្ងៃទី០៦ ខែកក្កដា ឆ្នាំ២០២២។ ចំពោះការសន្យានេះ ថៃនឹងសាងសង់ឱ្យចប់ដំណាក់កាលទី១ និងដាក់ឱ្យសាកល្បងក្នុងឆ្នាំ២០២៦ និងសម្ពោធប្រើប្រាស់ជាផ្លូវការក្នុងឆ្នាំបន្ទាប់។ គម្រោងដ៏ធំនេះត្រូវបានចំណាយថវិកាប្រមាណ ១២ពាន់លានដុល្លារអាមេរិក ។ ប្រភពដដែលនេះបានបន្តថា ក្នុងដំណាក់កាលទី១ មានប្រវែងសរុបប្រមាណ ៦០៩គីឡូម៉ែត ដែលភ្ជាប់ទៅភាគខាងជើងព្រំដែនខេត្តណងខៃ ហើយត្រូវសាងសង់ស្ពានមួយទៀតកាត់ទន្លេមេគង្គ ដើម្បីអាចភ្ជាប់ទៅនឹងខ្សែរថភ្លើងចិន-ឡាវបានថែមទៀតផថ។ គិតមកទល់ពេលបច្ចុប្បន្ននេះ ផ្លូវរថភ្លើងដំណាក់កាលទី១ សម្រេចការសាងសង់បាន ១២ភាគរយ ហើយ ដែលគម្រោងទាំងមូលត្រូវបានចែកការសាងសង់ជាពីរដំណាក់កាល _ទី១ សាងសង់ពីរាជធានីបាងកក ភ្ជាប់ទៅខេត្តណាខនរ៉ាត់ឆាសីម៉ា និង_ទី២ បន្តសាងសង់ភ្ជាប់ទៅភាគខាងជើងព្រំដែនឡាវ។ នៅក្នុងជំនួបរវាងនាយករដ្ឋមន្ត្រី លោកប្រាយុទ្ធ ចាន់អូចារ និងលោក វ៉ាង យ៉ី រដ្ឋមន្ត្រីការបរទេសចិន កាលពីថ្ងៃ០៥ ខែកក្កដា បានឱ្យដឹងថា ច្រករបៀងសេដ្ឋកិច្ចមួយនេះ បានភ្ជាប់ចិន ឡាវ និងថៃ ដែលនឹងជួយអភិវឌ្ឍ និងលើកកម្ពស់វិស័យភស្តុភាកម្ម ជំនួញ និងសេដ្ឋកិច្ច របស់ប្រទេសទាំងបីបានយ៉ាងល្អ។ ខ្សែរថភ្លើងថៃ និងឡាវមួយនេះ ត្រូវបានគេមើលថាជាការចាប់ផ្តើមដំបូងនៃហេដ្ឋារចនាសម្ព័ន្ធ […]
អានបន្ថែម
អឺរ៉ុបបោះទុន ៨ពាន់លានដុល្លារសង់ទំនប់អគ្គិសនីខ្ពស់ជាងគេលើពិភពលោក ដើម្បីបង្អាក់ឥទ្ធិពលថាមពលរបស់រុស្ស៊ី
សហភាពអឺរ៉ុបគ្រោងសង់ទំនប់វារីអគ្គិសនីដ៏ធំនិងខ្ពស់ជាងគេបំផុតលើពិភពលោកនៅក្នុងប្រទេសតាជីគីស្ថាន នេះបើយោងតាមសារព័ត៌មានរ៉យទ័រ កាលពីថ្ងៃទី០៦ កក្កដា ២០២២។ សហភាពអឺរ៉ុបធ្វើបែបនេះគឺចង់ជួយអាស៊ីកណ្តាលឱ្យកាត់បន្ថយការពឹងផ្អែកលើថាមពលរបស់រុស្ស៊ី ដែលនេះក៏ជាការឆ្លើយតបទៅនឹងគំនិតផ្តួចផ្តើមខ្សែក្រវ៉ាត់ និងផ្លូវរបស់ចិន។ គម្រោងដ៏ធំនេះ ត្រូវបានគេរំពឹងថានឹងចំណាយទុនប្រមាណជា ៨០០០លានដុល្លារអាមេរិក ដែលក្នុងនោះ ៣០០០លានដុល្លារ ត្រូវបានចំណាយរួចហើយ នេះបើតាមការឱ្យដឹងរបស់រដ្ឋមន្ត្រីថាមពល Tajik លោក Dalyor Juma។ ក្នុងនោះដែរ មានមន្ត្រីសហភាពអឺរ៉ុបម្នាក់សុំមិនបញ្ចេញឈ្មោះដោយសារតែមិនត្រូវបានអនុញ្ញាតឱ្យនិយាយទៅកាន់ប្រព័ន្ធផ្សព្វផ្សាយបាននិយាយថា ហេតុផលសំខាន់ដែល EU ចង់ក្លាយជាអ្នកវិនិយោគកំពូលនៅក្នុងទំនប់វារីអគ្គីសនីគឺដើម្បីធ្វើឱ្យតាជីគីស្ថាន និងប្រទេសជិតខាងទទួលបានឯករាជ្យពីថាមពលរុស្ស៊ី។ ប្រភពពី Reuters
អានបន្ថែម
ផែនការធំ! ចិនគ្រោងចាយ ១,៥ ទ្រីលានដុល្លារ សង់ហេដ្ឋារចនាសម្ព័ន្ធឆ្លាតវៃ ១៣០០គម្រោង
សហគ្រាសគ្រប់គ្រងរដ្ឋរបស់ចិន បានបង្ហាញផែនការចង់វិនិយោគប្រមាណ ១,៥ ទ្រីលានដុល្លារ (១៥០០ពាន់លានដុល្លារ) សាងសង់ហេដ្ឋារចនាសម្ព័ន្ធឆ្លាតវៃជាង ១៣០០ គម្រោង ទូទាំងប្រទេសពីឆ្នាំ ២០២១ ដល់ឆ្នាំ ២០២៥ ទិសដៅជំរុញកំណើនសេដ្ឋកិច្ចប្រកបដោយចីរភាព។ យោងតាមរបាយការណ៍របស់ China Daily ចេញផ្សាយកាលពីខែមិថុនា គម្រោងទាំងនោះមិនមែនធម្មតាដូចជាផ្លូវដែក ផ្លូវថ្នល់ និងផ្លូវទឹកទេ ប៉ុន្តែជាគម្រោងហេដ្ឋារចនាសម្ព័ន្ធដែល ផ្អែកលើបច្ចេកវិទ្យាព័ត៌មានដូចជា 5G បញ្ញាសិប្បនិម្មិត (AI) អ៊ីនធឺណិតឧស្សាហកម្ម និងIoT ជាដើម។ គម្រោងហេដ្ឋារចនាសម្ព័ន្ធ សំដៅដល់ការប្រើអត្ថប្រយោជន៍នៃ AI និងBig Data ទៅដោះស្រាយបញ្ហាស្មុគស្មាញនានា ក្នុងវិស័យសំណង់ហេដ្ឋារចនាសម្ព័ន្ធ ដើម្បីធ្វើឱ្យសំណង់មានគុណភាពរឹងមាំជាងមុន ប៉ុន្តែចំណាយទាបជាងមុន។ លើសពីនេះ វាក៏ជួយគ្រប់គ្រងហេដ្ឋារចនាសម្ព័ន្ធទាំងនោះ ដោយឆ្លាតវៃ ដោយប្រាប់ពីរយៈពេលកំណត់ក្នុងការជួសជុល និងថៃទាំ ក៏ដូចជាការបើកបរលើសទំងន់ជាដើម។ លើសពីនេះ វាក៏ផ្ដល់ឱកាសឱ្យក្រុមហ៊ុនបច្ចេកវិទ្យាតូចៗ មានសិទ្ធិចូលរួម ក្នុងការផ្ដល់ជាសេវាកម្ម និងផលិតផលក្នុងការកសាងគម្រោងផងដែរ។ ដើម្បីអនុវត្តគម្រោងនេះ ចិនក៏នឹងបង្កើតប្រព័ន្ធគ្រប់គ្រងទិន្នន័យរួមមួយដោយមាន អនុស្ថានីយស្ដុកទិន្នន័យ ១៨ កន្លែង។ គម្រោងនេះនឹងត្រូវបានអនុវត្តដោយសហគ្រាសសាធារណៈជាង ៧០ […]
អានបន្ថែម
ក្រុមហ៊ុនយក្សអាមេរិកឈ្នះការដេញថ្លៃ ខ្សែរថភ្លើងដ៏ធំនិងវែងបំផុតរបស់សិង្ហបុរី
ក្រុមហ៊ុនវិស្វកម្មដ៏ធំរបស់អាមេរិក Jacobs បានឈ្នះការដេញថ្លៃដើម្បីដើរតួយ៉ាងសំខាន់ គឺជាអ្នកប្រឹក្សាលើការរចនាប្លង់ការសាងសង់ស្ថានីយ៍ Tavistock និងផ្លូវរូងក្រោមដីក្នុងដំណាក់កាលដំបូងនៃខ្សែរថភ្លើងឆ្លងកាត់កោះធំ (MRT) របស់ប្រទេសសិង្ហបុរី។ កិច្ចសន្យាតម្លៃ ៣០២លានដុល្លារអាមេរិក នេះគឺជាផ្នែកដ៏សំខាន់មួយនៃខ្សែរថភ្លើងក្រោមដី ២៩គីឡូម៉ែត្រ ដែលនឹងក្លាយជាផ្លូវធំបំផុត និងវែងបំផុតរបស់ប្រទេសសិង្ហបុរី ដែលតភ្ជាប់គ្រប់ផ្នែកទាំងអស់នៃទីក្រុង។ កិច្ចសន្យានេះពាក់ព័ន្ធនឹងការរចនា និងការសាងសង់ស្ថានីយ៍ក្រោមដី ផ្លូវរូងក្រោមដី ការដាក់ឱ្យប្រើប្រាស់ម៉ាស៊ីនសម្រាប់ជីករូងក្រោមដី និងសេវាកម្មសាងសង់ដែលពាក់ព័ន្ធទាំងអស់។ ដំណាក់កាលទី 1 រួមមានស្ថានីយចំនួន 12 រួមទាំង Tavistock ហើយនឹងបម្រើដល់តំបន់លំនៅដ្ឋាន និងឧស្សាហកម្មនៅ Loyang, Tampines, Pasir Ris និងផ្នែកផ្សេងៗទៀតក្នុងទីក្រុង។ ការសាងសង់ស្ថានីយ៍ Tavistock បានចាប់ផ្តើមរួចហើយនៅក្នុងខែឧសភា ឆ្នាំ២០២២ ខណៈពេលដែល Cross Island ដំណាក់កាលទី 1 ត្រូវបានគេរំពឹងថានឹងចាប់ផ្តើមនៅឆ្នាំ ២០៣០ ។
អានបន្ថែម