ព័ត៌មានអន្តរជាតិ
ក្រុមហ៊ុនអាមេរិកល្បីផ្នែកសំណងឌីជីថល បើកឱ្យសិស្សកម្ពុជាចូលប្រកួតកម្មវិធីអ្នកច្នៃប្រឌិតសំណង់ឆ្នើម
ក្រុមហ៊ុន Bentley Systems ដែលជាក្រុមហ៊ុនអាមេរិកឈានមុខគេផ្នែក software គ្រប់គ្រងគម្រោងសាងសង់បែបឌីជីថល កាលពីថ្មីៗនេះ បានប្រកាសបើកកម្មវិធីប្រកួតប្រជែងអ្នកច្នៃប្រឌិតហេដ្ឋារចនាសម្ព័ន្ធឆ្នើម ឬ Future Infrastructure Star Challenge 2021 ជាផ្លូវការ ដែលសិស្ស និស្សិតនៅកម្ពុជាក៏មានសិទ្ធចូលរួមប្រកួតផងដែរ។ ការប្រកួតប្រជែងនេះ បើកចំហសម្រាប់និស្សិតមហាវិទ្យាល័យ សិស្សវិទ្យាស្ថានពហុបច្ចេកទេស សិស្សវិទ្យាល័យ ឬអ្នកចាប់អារម្មណ៍ផ្នែកវិស្វកម្ម និងស្ថាបត្យកម្មទាំងអស់ទូទាំងពិភពលោកចូលរួម។ ការប្រកួតបែងចែកជា ២ដំណាក់ គឺដំណាក់កាលបង្ហាញភាពច្នៃប្រឌិតតាមរយៈគម្រោងគំនិតបឋម (Conceptualization) និងដំណាក់កាលរចនាប្លង់ និងបង្កើតជាគំរូសំណង់ (Design and Visualization) ។ នៅក្នុងដំណាក់កាលទី ១ អ្នកចូលរួម អាចដាក់ស្នើចូលរួមប្រកួតនូវគំនិត ឬភាពច្នៃប្រឌិតសម្រាប់គម្រោងសំណង់ប្រភេទអ្វីក៏បាន ដូចជា គម្រោងផ្លូវថ្នល់ ផ្លូវដែក អាគារ ស្ថានីយទឹកកខ្វក់ ផែនទីទីក្រុង ឬថាមពល ជាដើម។ លក្ខខណ្ឌ គឺត្រូវតែប្លែកថ្មី ជួយដោះស្រាយបញ្ហាសង្គម និងបង្កើតប្រយោជន៍ដល់ប្រទេសជាតិ ឬពិភពលោក។ គម្រោងគួរតែផ្ដោតលើបញ្ហាបរិស្ថាន សុខភាព និងសុខុមាលភាពរបស់ពិភពលោក ដោយប្រើប្រាស់បច្ចេកវិទ្យា […]
អានបន្ថែម
ចិនកំពុងសាងសង់មន្ទីរពិសោធន៍សម្ងាត់ក្រោមដីមួយ នៅសមុទ្រខ្សាច់ហ្គូប៊ី
ប្រទេសចិន កាលពីថ្មីៗនេះ បាកបើកការដ្ឋានមន្ទីរពិសោធន៍ស្រាវជ្រាវនុយក្លេអ៊ែរក្រោមដីខ្នាតធំមួយកន្លែង ឈ្មោះថា Beishan Underground Research Laboratory តម្លៃជាង ៤២០លានដុល្លារ នៅខេត្ត Gansu។ នេះបើយោងតាមសារព័ត៌មាន World Nuclear News។ មន្ទីរពិសោធន៍នេះនឹងស្ថិតនៅក្នុងថ្មក្រានីតជម្រៅ ៥៦០ម៉ែត្រក្រោមដី នៃសមុទ្រខ្សាច់ហ្គូប៊ី ហើយនឹងក្លាយជាមន្ទីរពិសោធន៍ក្រោមដីធំជាងគេបំផុតនៅលើពិភពលោកដែលមានមុខងារពេញលេញ ក្រោយបញ្ចប់ការសាងសង់នៅឆ្នាំ ២០២៨ ។ មន្ទីរពិសោធន៍នេះ នឹងប្រើប្រាស់ជាកន្លែងស្រាវជ្រាវរុករុកទីតាំងផ្ទុកកាកសំណល់វិទ្យុសកម្មកម្រិតខ្ពស់ សិក្សាវិធីកំចាត់កាកសំណល់វិទ្យុសកម្មកម្រិតខ្ពស់ដោយមានសុវត្ថិភាព និងរុករុកពីរបៀបប្រើប្រាស់នុយក្លេអ៊ែរឱ្យមាននិរន្តរភាព។ យោងតាមអាជ្ញាធរថាមពលអាតូមិកចិន (CAEA) គម្រោងនេះមានផ្ទៃក្រឡាសរុប ២៤៧ ហិកតា ដោយនឹងមានអគារក្រោមដីនឹងមានទំហំ ៥១៤ ២០០ ម៉ែត្រគូប និងផ្លូវរូងក្រោមដីប្រវែង ១៣,៤ គីឡូម៉ែត្រ។ គម្រោងនេះត្រូវបានអនុម័តកាលពីឆ្នាំ ២០១៩ ហើយរំពឹងថានឹងចំណាយថវិកាអស់ជាង ៤២០លានដុល្លារអាមេរិក និងចំណាយពេល ៧ឆ្នាំក្នុងការសាងសង់។ ប្រសិនបើការស្រាវជ្រាវនៃក្នុងមន្ទីរពិសោធន៍នេះទទួលបានជោគជ័យមែន កាកសំណល់វិទ្យុសកម្មនុយក្លេអ៊ែរកម្រិតខ្ពស់ នឹងអាចផ្ទុះក្រោមដីបានដោយមានសុវត្ថិភាព ដែលជារបកគំហើញដ៏ធំមួយសម្រាប់ពិភពលោក។ ដូច្នេះ បើជោគជ័យពិតមែន ចិនក៏នឹងបន្តសង់ឃ្លាំងផ្ទុកកាកសំណល់នុយក្លេអ៊ែរក្រោមដី នៅក្បែរមន្ទីរពិសោធន៍នោះ នៅឆ្នាំ ២០៥០ […]
អានបន្ថែម
ក្រុមហ៊ុនអាមេរិកបើកឱ្យកម្ពុជារៀនពី Software គ្រប់គ្រងគម្រោងសំណង់បែបឌីជីថល ឥតគិតថ្លៃ
ក្រុមហ៊ុន Bentley Systems ដែលជាក្រុមហ៊ុនអាមេរិកឈានមុខគេផ្នែក software គ្រប់គ្រងគម្រោងសាងសង់បែបឌីជីថល កាលពីថ្មីៗនេះ បានប្រកាសបើកឱ្យសាធារណជន ពិសេសវិស្វករ និងស្ថាបត្យករទូទាំងពិភពលោក អាចចូលទៅសិក្សាស្វែងយល់ពីកម្មវិធីគ្រប់គ្រងសំណង់បែបឌីជីថល ដោយឥតគិតថ្លៃ តាមប្រព័ន្ធអនឡាញ។ ក្នុងគេហទំព័រ Bentley Education Program នឹងមានមេរៀនក្នុងទ្រង់ទ្រយជាសៀវភៅ ជាវីដេអូ និងជាលំហាត់ឧទាហរណ៍ផ្សេងៗ សម្រាប់ឱ្យអ្នកចូលរួមទាំងអស់ស្វែងយល់បានដោយងាយស្រួល។ លើសពីនេះ សិស្សនិស្សិតទាំងអស់ ក៏នឹងមានសិទ្ធិពេញលេញក្នុងការប្រើប្រាស់កម្មវិធីសំខាន់ៗជាង ៤០ កម្មវិធី ទាក់ទិននឹងការសាងសង់ហេដ្ឋារចនាសម្ព័ន្ធ រួមមាន ContextCapture, MicroStation, OpenRoads Designer, STAAD.Pro និង SYNCHRO ផងដែរ។ ជាមួយគ្នានេះដែរ សិស្សនិស្សិត ក៏នឹងទទួលបានការចែករំលែកបទពិសោធន៍ពីអ្នកជំនាញផ្នែកស្ថាបត្យកម្ម វិស្វកម្ម និងសំណង់ឈានមុខគេរបស់អាមេរិក ក៏ដូចជាទទួលបានព័ត៌មានទាក់ទិននឹងបច្ចេកវិទ្យាថ្មីៗពីBentley Systems ជាប្រចាំ។ កម្មវិធីបើកទូលាយសម្រាប់សិស្សនិស្សិតគ្រប់ជាន់ថ្នាក់ទាំងអស់ ដែលមានគំនិតច្នៃប្រឌិត និងចង់ទាញយកប្រយោជន៍ពីបច្ចេកវិទ្យាមកប្រើក្នុងវិស័យសំណង់។ សម្រាប់ការចុះឈ្មោះសូមចូលទៅកាន់គេហទំព័រ (ចុចទីនេះ)
អានបន្ថែម
ខ្សែបញ្ជូនអគ្គិសនីក្រោមសមុទ្រប្រវែង៧២០គម វែងជាងគេលើពិភពលោក នឹងបើកដំណើរការសប្ដាហ៍នេះ
គម្រោងស្ថាបនាខ្សែបញ្ជូនអគ្គិសនីក្រោមសមុទ្រដែលវែងជាងគេបំផុតនៅលើពិភពលោកប្រវែង ៧២០គីឡូម៉ែត្រ តភ្ជាប់ពីចក្រភពអង់គ្លេស ទៅប្រទេសន័រវែស បានបញ្ចប់ជាស្ថាពរហើយ ដោយគ្រោងនឹងបើកដំណើរការសាកល្បងក្នុងសប្តាហ៍នេះ។ ការធ្វើតេស្តបញ្ជូនអគ្គិសនីដំបូងនឹងចាប់ផ្តើមពីតង់ស្យុងទាប ហើយនឹងសាកល្បងជាមួយនឹងតង់ស្យុងខ្ពស់ក្នុងសប្តាហ៍បន្ទាប់ៗ។ សាងសង់ឡើងក្រោមការបណ្តាក់ទុនរួមគ្នារវាងអគ្គិសនីជាតិនៃចក្រភពអង់គ្លេស និងក្រុមហ៊ុន Statnett របស់ប្រទេសន័រវេស ខ្សែបញ្ជូនថាមពលដ៏វែងនេះ នឹងអាចផ្ទុកថាមពលបានរហូតដល់ទៅ ១,៤ ជីហ្គាវ៉ាត់ ឬស្មើថាមពលរបស់រោងចក្រនុយក្លេអ៊ែរមួយទាំងមូល។ មុខងារចម្បងនៃខ្សែបញ្ជូនថាមពលគឺដើម្បីជំរុញការផ្លាស់ប្តូរថាមពលកកើតឡើងវិញ (ថាមពលបៃតង) រវាងប្រទេសទាំងពីរ ពោលគឺដើម្បីកាត់បន្ថយការបំភាយឧស្ម័នពុល។ យោងទៅតាមនាយកគ្រប់គ្រង់សំណង់នៃគម្រោងលោក Nigel Williams ទីក្រុង Blyth នៃចក្រភពអង់គ្លេស គឺល្បីរឿងថាមពលដើរដោយខ្យល់ ដូច្នេះនៅថ្ងៃដែលមានខ្យល់ខ្លាំង អង់គ្លេសអាចបញ្ជូនថាមពេលដែលប្រើប្រាស់មិនអស់ទៅប្រទេសន័រវែស។ ដូចគ្នានេះ សម្រាប់ថ្ងៃណាដែលគ្មានខ្យល់ អង់គ្លេសអាចនាំចូលអគ្គិសនីពីទីក្រុង Kvilldal នៃប្រទេសន័រវេស ដែលជាប្រភពរោងចក្រវារីអគ្គិសនីធំៗជាច្រើន ។ លោក Williams ឱ្យបានបន្ថែមថា ខ្សែកាបនេះត្រូវបានកប់នៅក្រោមសមុទ្រដោយមានទូកដាក់ខ្សែកាបឯកទេសដែលអាចផ្ទុកបានខ្សែទម្ងន់ធ្ងន់ដល់ទៅ ១ ម៉ឺនតោន។ លើសពីនេះ ក្រុមការងារ ក៏បានសាងសង់ទូកដ៏ធំ ដើម្បីដាក់ខ្សែកាបឆ្លងកាត់បឹងដ៏ធំនៅប្រទេសន័រវេសផងដែរ ។ ប្រភពដដែលបានឱ្យដឹង ខ្សែបញ្ជូនថាមពលនេះរំពឹងថានឹងអាយុកាលយ៉ាងហោចណាស់ ៥០ ឆ្នាំ។
អានបន្ថែម
ជប៉ុនគ្រោងផ្ដល់ជំនួយ ១០ពាន់លានដុល្លារ លើគម្រោងកាត់បន្ថយឧស្ម័នពុលនៅអាស៊ាន
ប្រទេសជប៉ុនកំពុងរៀបចំផែនការបោះទុនទឹកប្រាក់ប្រមាណ ១០ពាន់លានដុល្លារ ដើម្បីជួយប្រទេសនានាក្នុងអាស៊ានកាត់បន្ថយការបំភាយឧស្ម័នពុល។ នេះបើយោងតាមសារព័ត៌មានជប៉ុន Nikkei Asia កាលថ្មីៗនេះ។ តាមរយៈគំនិតផ្តួចផ្តើមនេះ ប្រទេសជប៉ុននឹងជាអ្នករៀបចំផែនការមេបង្ហាញផ្លូវ ក៏ដូចជាអ្នកប្រមូលទុកពីវិស័យរដ្ឋនិងឯកជន ដើម្បីត្រៀមផ្ដល់ឱ្យប្រទេសអាស៊ានទាំង១០។ បើយោងតាមប្រភពដដែល ទឹកប្រាក់១០ពាន់លាន់ដុល្លារនេះ នឹងត្រូវប្រើប្រាស់អនុវត្តគម្រោងនានាដូចជា ការរៀបចំផែនការសន្សំសំចៃថាមពល ការសាងសង់រោងចក្រថាមពលកកើតឡើងវិញ ការផ្លាស់ប្តូរពីរោងចក្រថាមពេលធ្យូងថ្មទៅជារោងចក្រឧស្ម័នធម្មជាតិរាវ និងការប្រើប្រាស់អាម៉ូញាក់លាយនឹងធ្បូងថ្មក្នុងការផលិតថាមពលជាដើម។ ក្រៅពីនេះ ជប៉ុនក៏នឹងជួយបណ្តាប្រទេសអាស៊ានលើផ្នែកបច្ចេកវិទ្យា និងការអប់រំធនធានមនុស្សផងដែរ ពិសេសលើបច្ចេកវិទ្យាថ្មីៗ ដូចជាការកប់កាបូនឌីអុកស៊ីតនៅក្រោមដីជាដើម។ គួរបញ្ជាក់ថា គម្រោងទឹកប្រាក់ ១០ ពាន់លានដុល្លារនេះ ធ្វើឡើងបន្ទាប់ពីប្រទេសជប៉ុនបានប្តេជ្ញាថា នឹងជួយពិភពលោកកាត់បន្ថយឧស្ម័នពុល ក៏ដូចជាជួយជំរុញកំណើនសេដ្ឋកិច្ចនៅក្នុងប្រទេសកំពុងអភិវឌ្ឍ។ យោងតាមរបាយការណ៍របស់ Nikkei Asia គម្រោងនេះមិនត្រឹមជួយបរិស្ថានប៉ុណ្ណោះទេ ប៉ុន្តែវាក៏នឹងជួយផ្លាស់ប្តូរបរិយាកាសធុរកិច្ចក្នុងតំបន់ផងដែរ ពោលគឺនឹងទាក់ទាញវិនិយោគិនកាន់តែច្រើន ពិសេសអ្នកវិនិយោគធំៗដែលខ្វល់អំពីបញ្ហាបរិស្ថាន។ ហេតុផលមួយទៀតដែលជប៉ុនផ្ដល់ជំនួយនេះ គឺដើម្បីប្រឆាំងនឹងប្រទេសចិន។ ជប៉ុន យល់ឃើញថា បើជប៉ុនមិនជួយបណ្តាប្រទេសអាស៊ានទេ វានឹងបង្កើតឱកាសឱ្យប្រទេសចិនក្នុងការចូលមកសាងសង់រោងចក្រថាមពលធ្យូងថ្ម និងធ្វើអាជីវកម្មផ្សេងៗទៀតបាន ដែលនាំឱ្យចិនមានឥទ្ធិពលកាន់តែខ្លាំង។ យោងតាមការស្រាវជ្រាវ បច្ចុប្បន្ន ជាង ៨០% ប្រភពអគ្គិសនីនៃអាស៊ាន គឺពីរោងចក្រថាមពលចំហេះឥន្ធនៈផូស៊ីល ដែលប៉ះពាល់ដល់បរិស្ថានខ្លាំង ខណៈថាមពលកកើតឡើងវិញគឺនៅមានកម្រិត។
អានបន្ថែម
អាមេរិក និង G7 គ្រោងចាក់លុយ ៤០ទ្រីលានដុល្លារលើហេដ្ឋារចនាសម្ព័ន្ធក្នុងប្រទសកំពុងអភិវឌ្ឍដើម្បីទប់ឥទ្ធិពលចិន
សហរដ្ឋអាមេរិក និងសមាជិកប្រទេសមហាអំណាចឧស្សហកម្ម G7 កាលពីថ្មីៗនេះ បានបង្ហាញពីផែនការចង់ផ្ដល់ជំនួញហិរញ្ញវត្ថុសរុបជាង ៤០ទ្រីលានដុល្លារ ក្នុងវិស័យហេដ្ឋារចនាសម្ព័ន្ធនៅប្រទសកំពុងអភិវឌ្ឍ ដើម្បីប្រឆាំងទប់នឹងអំណាចគម្រោងផ្ដួចផ្ដើមផ្លូវនិងខ្សែក្រវាត់របស់ចិន។ នេះបើយោងសារព័ត៌មានរ៉យទ័កាលពីម្សិលមិញនេះ។ ប្រទេសទាំង ៧ បានពិភាក្សាគ្នាអំពីបញ្ហានេះក្នុងជំនួបកំពូលនៅប្រទេសអង់គ្លេសកាលពីសប្តាហ៍មុនដែលក្នុងនោះ របៀបវារៈមួយនៃកិច្ចប្រជុំ គឺត្រូវស្វែងរកដំណោះស្រាយទប់ទល់នឹងការកើនឡើងនៃឥទ្ធិពលរបស់ចិននៅលើពិភពលោក ទាំងសេដ្ឋកិច្ច និងយោធា ក្នុងរយៈពេល ៤០ ឆ្នាំកន្លងមកនេះ។ គម្រោងតម្លៃជាង ៤០ទ្រីលានដុល្លារ មានឈ្មោះថា Build Back Better World (B3W) ឬប្រែសម្រួលជាភាសាខ្មែរថា «កសាងឡើងវិញ ពិភពលោកឱ្យល្អជាងមុន» ដែលជាគម្រោងរបស់ប្រធានាធិបតីអាមេរិក Joe Biden។ បើយោងតាមមន្ត្រីជាន់ខ្ពស់របស់ប្រទេសអាមេរិក គម្រោងដ៏ធំនេះមិនមែនគ្រាន់តែជាការទប់ទល់នឹងអំណាចចិនទេ តែវាជាការផ្ដល់ជំនួយយ៉ាងស្អាតស្អំសម្រាប់ប្រទេសកំពុងអភិវឌ្ឍ ក៏ដូចជាការឆ្លុះបញ្ចាំងពីគុណតម្លៃ ស្តង់ដារ និងវិធីនៃការធ្វើជំនួញដែលមានតម្លាភាពរបស់ប្រទេសG7 ផងដែរ។ គម្រោងនេះ នឹងធ្វើការគៀងគរទុនពីវិស័យឯកជន ហើយយកទៅវិនិយោគលើច្រើនវិស័យជាច្រើនក្នុងប្រទេសកំពុងអភិវឌ្ឍ ដូចជាហេដ្ឋារចនាសម្ព័ន្ធ អាកាសធាតុ សុខភាព បច្ចេកវិទ្យាឌីជីថល និងសមភាពយេនឌ័រជាដើម។ ទោះយ៉ាងណាក្ដី កិច្ចប្រជុំនៅមិនទាន់បង្ហាញពីផែនការច្បាស់លាស់នៅឡើយទេ ថានឹងប្រមូលទុនយ៉ាងណា ហើយនឹងត្រូវផ្ដល់ជូនទៅប្រទេសកំពុងអភិវឌ្ឍយ៉ាងដូចម្ដេច? គួរបញ្ជាក់ផងដែរ គម្រោងនេះមានបំណងចង់ប្រជែងជាមួយនឹងគម្រោងផ្លូវនិងខ្សែក្រវាត់របស់ចិន ដែលចាប់ផ្ដើមកាលពីឆ្នាំ២០១៣។ […]
អានបន្ថែម
វៀតណាមចង់ជំរុញកោះត្រល់ឱ្យក្លាយតំបន់ទេសចរណ៍ល្បី ឈ្នះកោះភូកេតនិងកោះបាលី
រដ្ឋាភិបាល និងក្រុមហ៊ុនឯកជនវៀតណាម កាលពីថ្មីៗនេះ បានបង្ហាញមហិច្ឆតាថា នឹងអភិវឌ្ឍកោះត្រល់បន្ថែមទៀតរហូតអាចយកឈ្នះតំបន់ទេសចរណ៍បែបឆ្នេរសមុទ្រល្បីៗក្នុងតំបន់ ដូចជាកោះភូកេតនៃប្រទេសថៃ និងកោះបាលីនៃប្រទេសឥណ្ដូនេស៊ីឱ្យបាននាពេលអនាគតដ៏ខ្លីខាងមុខ។ នេះបើយោងតាមសារព័ត៌មាន Nikkei Asia របស់ប្រទេសជប៉ុន។ កោះត្រល់គ្រាន់តែជាកោះតូចមួយល្បីរឿងការផលិតទឹកត្រីមុនឆ្នាំ ២០១៣ ប៉ុន្តែដោយមើលឃើញសក្ដានុពល រដ្ឋាភិបាលវៀតណាមបានសម្រេចឱ្យឯកជនចូលមកប្ដូរមុខមាត់កោះនេះឱ្យទៅជាឋានសួគ៌នៃប្រទេស។ ចាប់ពីពេលនោះ មកទល់បច្ចុប្បន្ន ទឹកប្រាក់យ៉ាងហោច ១៦ ពាន់លានដុល្លារត្រូវបានវិនិយោគដើម្បីសាងសង់គម្រោងនានាទាក់ទិននឹងវិស័យទេសចរណ៍ និងបដិសណ្ឋារកិច្ច។ ជាក់ស្ដែង បើគិតតែការវិនិយោគរបស់ក្រុមហ៊ុនយក្ស Vingroup ទឹកប្រាក់ជាង ២,៨ ពាន់លានដុល្លារ ត្រូវបានប្រើដើម្បីសាងសង់ជា រីសត សួនកម្សាន្តខ្នាតយក្ស ទីលានកូនហ្គោល និងសណ្ឋាគាររាប់ម៉ឺនបន្ទប់។ (អានបន្ថែម និងបន្ថែម) មិនត្រឹមតែប៉ុណ្ណោះ គម្រោងជាច្រើនទៀតក៏កំពុងស្ថិតក្នុងការសាងសង់ ហើយមួយចំនួនទៀតក៏កំពុងនៅក្នុងផែនការ។ លោក Le Khac Hiep អនុប្រធានក្រុមហ៊ុនឯកជនធំបំផុតរបស់វៀតណាម Vingroup បានឱ្យដឹង កាលពីខែមេសាកន្លងមកនេះថា ក្រុមហ៊ុនមានបំណងចង់វិនិយោគបន្ថែមទៀត ដើម្បីធ្វើឱ្យកោះនេះ ក្លាយទិសដៅទេសចរណ៍នាំមុខគេនៅក្នុងតំបន់។ ដូចគ្នានេះ ខាងរដ្ឋាភិបាលតាមរយៈលោក Doan Van Tien អនុប្រធានគណៈកម្មការអភិវឌ្ឍកោះត្រល់ ( […]
អានបន្ថែម
អាមេរិកចង់បង្ហោះបន្ទះសូឡាចូលក្នុងអវកាស ប្រមូលថាមពលគ្មានដែនកំណត់ពីព្រះអាទិត្យ មកប្រើក្នុងលោក
មន្ទីរពិសោធន៍ស្រាវជ្រាវកងទ័ពអាកាសអាមេរិក ឬ Air Force Research Laboratory (AFRL) កំពុងសិក្សាផែនការបង្ហោះបន្ទះសូឡាចូលក្នុងអវកាស ដើម្បីស្រូបយកថាមពលគ្មានដែនកំណត់ពីព្រះអាទិត្យ ហើយបំឡែងជាកាំរស្មី បាញ់ចូលមកភពផែនដីប្រើប្រាស់ជាថាមពលអគ្គិសនី។ យោងតាមវីដេអូដែលបានចេញផ្សាយដោយ AFRL កាលពីខែមុន ថាមពលអគ្គិសនីសូឡា កំពុងតែមានការពេញនិយម ព្រោះជាថាមពលបៃតង និងមិនប៉ះពាល់ដល់បរិស្ថាន។ ប៉ុន្តែ ការដាក់បន្ទះសូឡា ភាគច្រើនគឺត្រូវការទីធ្លាធំ ហើយត្រូវការទីតាំងណាដែលមានកំដៅថ្ងៃច្រើន។ ដោយឃើញពីផលលំបាកនេះ កងទ័ពអាកាសអាមេរិកកំពុងសិក្សាថា ការបង្ហោះបន្ទះសូឡាចូលទៅក្នុងអវកាស គឺជាដំណោះស្រាយថ្មី ព្រោះអវកាសមានទីធ្លាធំធេងណាស់ ហើយបន្ទះសូឡាអាចស្រូបយកកម្តៅ និងពន្លឺទីព្រះអាទិត្យទាំងយប់ទាំងថ្ងៃគ្មានដែនកំណត់ទៀតផង។ ការសិក្សាបង្ហាញថា បន្ទះសូឡានឹងត្រូវបាញ់ឡើងទៅក្នុងអវកាស ហើយភ្ជាប់នឹងផ្កាយរណប។ ក្រោយស្រូបយកពន្លឺពីព្រះអាទិត្យហើយ បច្ចេកវិទ្យានឹងបំឡែងថាមពលជាកាំរស្មី រួចបាញ់ចូលមកអង់តែនដែលដំឡើងនៅលើផែនដី មុននឹងបំឡែងម្ដងទៀតទៅជាថាមពលអគ្គិសនី។ យ៉ាងណាមិញ គម្រោងនេះគឺស្ថិតនៅក្នុងដំណាក់កាលសិក្សានៅឡើយ ហើយការសាកល្បងលើកទី ១ អាចនឹងធ្វើឡើងនៅឆ្នាំ ២០២៤។ ប៉ុន្តែបើបច្ចេកវិទ្យានេះសម្រេចពិតមែន វានឹងក្លាយជារបបគំហើញមួយដ៏ធំមួយសម្រាប់ពិភពលោក ក្នុងការរកប្រភពថាមពលបៃតង ដែលគ្មានដែនកំណត់។ (វីដេអូ) គួរបញ្ជាក់ផងដែរថា ផែនការចង់ប្រមូលថាមពលសូឡាពីអវកាសនេះ ក៏ធ្លាប់សិក្សាដោយប្រទេសចិនផងដែរ ប៉ុន្តែក៏នៅមានឧបសគ្គមួយចំនួន។ ទាក់ទិននឹងបន្ទះសូឡា ប្រទេសមួយចំនួនក៏កំពុងសិក្សា និងដំណើរការបង្កើតរោងចក្រសូឡានៅសមុទ្រខ្សាច់សាហារ៉ាដែរ។ អ្នកស្រាវជ្រាវ […]
អានបន្ថែម
ក្រុមហ៊ុនស្ថាបត្យករល្បី ត្រៀមសាងសង់ស្ពានកោងគ្មានគ្រោងឆ្អឹងចេញពីម៉ាស៊ីនព្រីន3D ដំបូងបង្អស់លើលោក
ក្រុមហ៊ុនស្ថាបត្យករល្បី Zaha Hadid Architects បានសហការជាមួយក្រុមស្រាវជ្រាវនៅមហាវិទ្យាល័យ ETH Zürich និងក្រុមហ៊ុនស៊ីម៉ង់តិ៍ស្វីស Holcim រួមគ្នាសាងសង់ស្ពានបេតុងចេញពីម៉ាស៊ីនព្រីន 3D ដំបូងគេលើលោក ដើម្បីដាក់បង្ហាញក្នុងពិព័រណ៍ស្ថាបត្យកម្ម Venice Biennale ឆ្នាំ ២០២១។ ស្ពាននេះមានឈ្មោះថា Striatus 3D ដែលកំពុងត្រូវបានសាងសង់សម្រាប់ការតាំងពិព័រណ៍ Time Space Existence ដែលរៀបចំឡើងដោយមជ្ឈមណ្ឌលវប្បធម៌អឺរ៉ុប (ECC) ចាប់ផ្តើមពីថ្ងៃទី ២២ ខែឧសភាដល់ខែវិច្ឆិកាឆ្នាំ ២០២១ នេះ។ Striatus គឺជាស្ពានបេតុងលាយឥដ្ឋ ដែលគ្មានគ្រោងឆ្អឹង ហើយសាងសង់ដោយព្រីនធ័របេតុង 3D។ ការសាងសង់ស្ពាននេះ គឺជាការច្របាច់បញ្ចូលគ្នានៃរបៀបសង់ស្ពានបែបបុរាណ និងបច្ចេកវិទ្យាថ្មី។ ដូច្នេះ ទោះគ្មានគ្រោងឆ្អឹងក៏ពិតមែន ស្ពាននេះក៏នៅមានភាពមាំ និងរងនឹងកម្លាំងសង្កត់បានខ្លាំងផងដែរ។ ការប្រើបច្ចេកវិទ្យានេះនឹងជួយកាត់បន្ថយការប្រើប្រាស់សម្ភារៈសំណង់ដែរមិនចាំបាច់ ការបន្ថយកម្លាំងពលកម្មមនុស្ស និងពិសេសគឺរបបគំហើញថ្មីមួយក្នុងវិស័យស្ថាបត្យកម្ម និងវិស្វកម្មសំណង់។
អានបន្ថែម
ការដ្ឋានផ្លូវ Highway ថ្មីតម្លៃ ៦៣លានដុល្លារតភ្ជាប់មកទល់ដែនកម្ពុជា-ថៃស្ទឹងបត់សម្រេច ៧០%ហើយ
ការដ្ឋានផ្លូវល្បឿនលឿន (Highway) ថ្មីមួយខ្សែរបស់ថៃ ដែលតភ្ជាប់ពី បានណង់អៀន នៃស្រុកអារញ្ញប្រាថេតរបស់ខេត្តស្រះកែវ មកទល់ស្ពានមិត្តភាពថៃ-កម្ពុជាស្ទឹងបត់នៃខេត្តបន្ទាយមានជ័យ បច្ចុប្បន្នសម្រេចបានប្រមាណ ៧០%ហើយ។ នេះបើយោងតាមសារព័ត៌មាន Bangkok Post របស់ប្រទេសថៃ កាលពីថ្ងៃទី២០ ឧសភា។ ប្រភពដដែលបានឱ្យដឹងថា ផ្លូវហាយវ៉េថ្មីនេះ មានឈ្មោះថា ផ្លូវ ៣៦៤៦ ជាផ្លូវ ៤ គន្លង មានប្រវែងសរុប ២៥ គីឡូម៉ែត្រ និងលាតសន្ធឹងឆ្លងកាត់ ផ្លូវហាយវេលេខ ៣៣ និងផ្លូវហាយវេ ៣៣៦៦ នៃប្រទេសថៃ មុនតភ្ជាប់មកដល់ទល់ដែនកម្ពុជា។ ផ្លូវនេះ កំពុងសាងសង់ក្រោមទុនជាង ២ពាន់លានបាត ឬស្មើនឹងប្រមាណ ៦៣,៧ លានដុល្លារ ហើយគ្រោងនឹងបញ្ចប់ជាស្ថាពរនៅខែកុម្ភៈ ឆ្នាំក្រោយ។ ក្រោយស្ថាបនារួច ផ្លូវមួយខ្សែនេះនឹងជួយសម្រួលដល់ការធ្វើចរាចរណ៍ និងការដឹកជញ្ជូនទំនិញរវាងប្រទេសទាំង ២ ឱ្យកាន់តែប្រសើរជាងមុន។ គួរបញ្ជាក់ផងដែរ ទាក់ទិននឹងការភ្ជាប់រវាងប្រទេសទាំង ២ កម្ពុជាក៏កំពុងស្ថាបនាច្រកទ្វារព្រំដែនស្ទឹងបត់-បានណងអៀន ផងដែរ។ គម្រោងទាំងមូលរួមមាន អគារច្រកត្រួតពិនិត្យព្រំដែន សំណង់អគារអន្តេវាសិកដ្ឋាន ចំណតសម្រាប់ផ្ទេរទំនិញឆ្លងកាត់ឃ្លាំង […]
អានបន្ថែម