ព័ត៌មានក្នុងស្រុក
ខេត្តកណ្ដាលចេញវិធានការណ៍ថ្មី ៣ ចំណុច ដោះស្រាយបញ្ហាទឹកជន់លិចគម្រោងព្រលានភ្នំពេញថ្មី
រដ្ឋបាលខេត្តកណ្តាល សម្រេចចេញវិធានការណ៍ថ្មី ៣ ចំណុច ដើម្បីដោះស្រាយបញ្ហាទឹកជន់លិចបរិវេណគម្រោងសាងសង់អាកាសយានដ្ឋានអន្តរជាតិភ្នំពេញថ្មី ពិសេសផ្លូវរត់ទី១ (Runway 1) ដែលជាគម្រោងអាទិភាពត្រូវអនុវត្តឱ្យបានឆាប់តាមផែនការ។ បើយោងតាមសេចក្តីជូនដំណឹង ចុះថ្ងៃទី០៣ ខែកញ្ញា ឆ្នាំ២០២១ របស់រដ្ឋបាលខេត្តកណ្តាល វិធានការណ៍ថ្មីទាំង ៣ រួមមាន៖ ១) បិទលូមុខ៤ ចំណុចកែងប្រឡាយ៩០ និងទំនប់៥៤ ជាបណ្តោះអាសន្ន ២) កាយផ្តាច់ទំនប់៥៤ ចាប់ពីចន្លោះប្រឡាយ៩០ ដល់ប្រឡាយ៩២ ៣) ប្រជាពលរដ្ឋត្រូវធ្វើដំណើរតាមផ្លូវវាង ស្របតាមមាត់ស្ទឹងទន្លេបាទី គួរបញ្ជាក់ផងដែរ គម្រោងអាកាសយានដ្ឋានអន្តរជាតិភ្នំពេញថ្មី ត្រូវបានប្រកាសឡើងកាលពីឆ្នាំ២០១៨ ជាមួយនឹងទុនវិនិយោគ១,៥ពាន់លានដុល្លារ។ តាមការគ្រោងទុក អាកាសយានថ្មីនេះ នឹងសាងសង់ចប់រួចរាល់ និងដាក់ឱ្យដំណើរការនៅឆ្នាំ២០២៣ ៕
អានបន្ថែម
គម្រោងពង្រីកកំពង់ផែទឹកជ្រៅនៅព្រះសីហនុត្រូវបានពន្យារពេលបើកការដ្ឋាន
គម្រោងពង្រីកកំពង់ផែខេត្តព្រះសីហនុជំហានទី១ ដែលគ្រោងនឹងសាងសង់ឡើងក្នុងឆ្នាំ២០២១នេះ នឹងត្រូវពន្យារទៅឆ្នាំ២០២២ វិញ ដោយសារការងារគូសប្លង់នៃគម្រោងមិនទាន់បញ្ចប់។ នេះបើយោងតាមលោក ថៃ រិទ្ធី អគ្គនាយករងនៃកំពង់ផែស្វ័យតក្រុងព្រះសីហនុ។ សម្រាប់ជំហានទី១នេះ ក្រុមការងារនឹងពង្រីកកំពង់ផែទៅជម្រៅ ១៤,៥ម៉ែត្រ និងប្រវែង ៣៥០ម៉ែត្រ ជាមួយនឹងការសាងសង់ស្ថានីយកុងតឺន័រថ្មី។ គម្រោងនេះទៀតសោត នឹងត្រូវសាងសង់ក្រោមកម្ចីជាង ២០០លានដុល្លារ ពីប្រទេសជប៉ុន។ (អានបន្ថែម) បើយោងតាមផែនការឆ្នាំ ២០២០-២០៣០ គម្រោងពង្រីកកំពង់ផែទឹកជ្រៅខេត្តព្រះសីហនុមានសរុប ៥ជំហាន។ ក្រោយជំហានទី ១ (ជម្រៅ ១៤,៥ម៉ែត្រ) នឹងត្រូវសាងសង់ឱ្យរួច នៅឆ្នាំ ២០២៥ ម្យ៉ាងទៀតកំពង់ផែមួយនេះនឹងជួយធានាបានដល់ការចូលចតនាវាកុងតឺន័រខ្នាតធំៗ ដែលមានចំណុះរហូតដល់ទៅ ៦ម៉ឺនតោន ឬ ស្មើនឹង ៩៣% នៃចំនួននាវាប្រចាំតំបន់អាស៊ី-ប៉ាស៊ីហ្វិក។ ដោយឡែក រដ្ឋាភិបាលកំពុងបើកឱ្យដៃគូអភិវឌ្ឍសិក្សាជំហានទី២ និងទី៣ ដែលមានជម្រៅ ១៦ម៉ែត្រ និង ១៧,៥០ម៉ែត្រ។ ហើយបើតាមប្រសាសន៍របស់ឯកឧត្តម ស៊ុន ចាន់ថុល JICA កំពុងសិក្សាលើជំហាននេះ។ (អានបន្ថែម) លើសពីនេះ សម្រាប់រយៈពេលវែង គឺជំហានទី៤ និង […]
អានបន្ថែម
សរុបដំណើរដើមទងរឿងបាត់ប្រេងខ្លីៗ តាមរបាយការណ៍របស់ក្រសួង មានសង្ឈឹមបានប្រេងមកវិញទេ?
ក្រោយពីក្រុមហ៊ុន KrisEnergy ដែលជាប្រតិបត្តិករបូមប្រេងនៅអណ្ដូងអប្សរាប្រកាសក្ស័យធនកាលពីខែ មិថុនា សម្ដេចនាយករដ្ឋមន្រ្តីហ៊ុន សែន បានប្រកាសពីការដួលរលំការបូមប្រេងនៅកម្ពុជា កាលពីថ្ងៃទី ១ សីហា ឆ្នាំ ២០២១ ដោយបានប្រាប់ថាមានការលួចដឹកប្រេងស្ងាត់ៗចេញពីកម្ពុជាជិត៣០ ម៉ឺនបារ៉ែល។ បន្ទាប់មកសម្ដេចប្រកាសដូច្នេះ ក្រសួងរ៉ែ និងថាមពល ក៏បានចាប់ផ្ដើមស្រាវជ្រាវ ហើយចេញប្រកាសពណ៌ក្រហមមួយ ទៅកាន់ប៉ូលីសព្រហ្មទណ្ឌអន្តរជាតិ ស្នើសុំកិច្ចសហការក្នុងការរឹបអូសនាវានោះ។ រហូតមកដល់ថ្ងៃទី ២៥ សីហា ប្រទេសឥណ្ឌូនេស៊ីបានឃាត់ចាប់កប៉ាល់ផ្ទុកប្រេងបរិមាណជិត ៣០ ម៉ឺនប៉ារ៉ែល និងនាវិកជាង១០នាក់ ដែលមានឈ្មោះថា MT Strovolos។ ក្រោយស្រាវជ្រាវ ម្ចាស់នាវា MT Strovolos មិនមែនជាក្រុមហ៊ុន KrisEngery ទេ តែជាក្រុមហ៊ុន World Tankers Management គឺជាក្រុមហ៊ុន ដែលKrisEngery ជួលមកដឹកប្រេងឱ្យ។ បើតាមក្រសួងរ៉ែ ក្រុមហ៊ុន-World Tankers Management បានបញ្ជាឱ្យនាវានេះ ចាកចេញពីដែនទឹកកម្ពុជា នាម៉ោង៨យប់ថ្ងៃទី១៨មិថុនា ឆ្នាំ២០២១ ហើយមូលហេតុអាចមកពីក្រុមហ៊ុន KrisEnergy […]
អានបន្ថែម
មជ្ឈមណ្ឌលស្ដារនីតិសម្បទាថ្មីទំហំជាង ១០ហិកតា នៅខេត្តកណ្ដាល សាងសង់បាន ៤០% ហើយ
គម្រោងសាងសង់មជ្ឈមណ្ឌលព្យាបាល និងស្ដារនីតិសម្បទាអ្នកញៀនគ្រឿងញៀន លើដីទំហំជាង ១០ ហិកតា នៅខេត្តកណ្ដាល សម្រេចបានជាង ៤០% ដោយគម្រោងបញ្ចប់ការសាងសង់ជាស្ថាពរនៅឆ្នាំ២០២២ ខាងមុខ។ នេះបើតាមរដ្ឋបាលខេត្តកណ្តាលកាលពីថ្ងៃទី០៦ ខែកញ្ញា។ មានទីតាំងស្ថិតនៅភូមិទួលសុភី ឃុំព្រែកគយ ស្រុកស្អាង គម្រោងនេះនឹងមានការសាងសង់អាគារសិក្សាពហុជំនាញ អគារការិយាល័យរដ្ឋបាល អគាររោងជាង អគារស្នាក់នៅសម្រាប់បុរស-នារី អគារសម្រាប់បុគ្គលិក មន្ទីរពេទ្យ អាគារអប់រំផ្លូវចិត្ត រោងបាយ និងកន្លែងសម្រាប់ហាត់កីឡាផ្សេងៗទៀត។ ក្រោយសាងសង់រួច មជ្ឈមណ្ឌលនេះ ត្រូវបានរំពឹងទុកថានឹងអាចទទួលព្យាបាលអ្នកញៀនគ្រឿងញៀនបានប្រមាណជាង២ពាន់នាក់។
អានបន្ថែម
គម្រោងសាងសង់មន្ទីរពេទ្យព្យាបាលអ្នកជំងឺកូវីដថ្មី នៅខេត្តព្រះសីហនុ បើកការដ្ឋានហើយ
រដ្ឋបាលខេត្តព្រះសីហនុ បានចាប់ផ្តើមសាងសង់មន្ទីរពេទ្យថ្មីមួយខ្នង សម្រាប់ព្យាបាលអ្នកជំងឺកូវីដ១៩ ដែលមានទីតាំងស្ថិតនៅក្នុងបរិវេណនៃមន្ទីរពេទ្យបង្អែកខេត្តព្រះសីហនុផ្ទាល់។ មានឈ្មោះថា «អគារតេជោព្យាបាលជំងឺកូវីដ-១៩» អគារថ្មីនេះកម្ពស់០១ជាន់ ទំហំ ៣៣ម៉ែត្រ x ៩០ម៉ែត្រ ធ្វើពីគ្រឹះសសរបេតុង ដំបូលប្រក់ស័ង្កសី។ អគារព្យាបាលនេះ អាចដាក់គ្រែសម្រាប់ព្យាបាលអ្នកជំងឺកូវីដ-១៩ កម្រិតស្រាលបានចំនួន ៣៥៦ គ្រែ សម្រាប់គ្រែ០១ជាន់ ឬអាចបានចំនួន ៧១២ គ្រែ ប្រសិនប្រើគ្រែ០២ជាន់។ អគារតេជោព្យាបាលជំងឺកូវីដ-១៩ នឹងបញ្ចប់ការសង់រយ:ពេល ៣ខែ ហើយនឹងត្រូវប្រើប្រាស់ដាក់ព្យាបាលអ្នកជំងឺកូវីដ-១៩ កម្រិតស្រាល ប៉ុណ្ណោះ។ ឯកឧត្តម គួច ចំរើន អភិបាលខេត្តព្រះសីហនុ បានឱ្យដឹងក្នុងកិច្ចត្រួតពិនិត្យការដ្ឋានកាលពីថ្ងៃទី៥ ខែកញ្ញា កន្លងមកនេះ ថា ក្រោយពីបញ្ចប់ជំងឺរាតត្បាតនៃកូវីដ-១៩ រដ្ឋបាលខេត្ត អាចកែសម្រួលអគារ ដើម្បីព្យាបាលជំងឺទូទៅបន្ថែមទៀត ទៅតាមស្ថានភាពជាក់ស្តែង៕
អានបន្ថែម
អាជ្ញាធរស្នើឱ្យពលរដ្ឋជិះវាងផ្លូវ ៣៧១ រយៈពេល ២ខែ ដើម្បីពន្លឿនការដ្ឋានស្ថានីយបូមទឹកបឹងទំពុន
ការដ្ឋានស្ថានីយបូមទឹកបឹងទំពុន ជំហានទី២ នៅតែបន្តដោយរលូន បច្ចុប្បន្នក្រុមការងារកំពុងត្រៀមជីកកាត់ទទឹងផ្លូវលេខ ៣៧១ ដើម្បីដាក់បំពង់ខ្នាតធំ ៣ ខ្សែ ខណៈរដ្ឋបាលរាជធានីភ្នំពេញ បានស្នើឱ្យពលរដ្ឋសូមជិះវាងផ្លូវនេះ ចាប់ពីថ្ងៃទី៦ កញ្ញា ដល់ ៥ វិច្ឆិកា ដើម្បីកាត់បន្ថយការកកស្ទះត្រង់ចំណុចការដ្ឋាន។ ក្នុងរយៈពេលសាងសង់នេះ ការដ្ឋាននឹងរៀបចំផ្លូវចរាចរបណ្តោះអាសន្នទៅមកសម្រាប់រថយន្តតូច-ម៉ូតូ សម្រាប់ប្រជាពលរដ្ឋរស់នៅតំបន់នេះតែប៉ុណ្ណោះ។ ស្ថានីយបូមទឹកបន្ថែមជំហានទី២ នេះ នឹងមានការបំពាក់ម៉ូទ័រខ្នាតធំទំហំអង្កត់ផ្ចិត១.៥ម ចំនួន១គ្រឿង និងទំហំអង្កត់ផ្ចិត១.២ម ចំនួន២គ្រឿង មានសមត្ថភាពបូមទឹក១២ម៉ែត្រគូបក្នុង១វិនាទី។ ក្រោយសាងសង់ចប់គ្រប់ដំណាក់កាល ស្ថានីយនេះ នឹងក្លាយជាស្ថានីយបូមទឹកធំជាងគេដែលមានសមត្ថភាពបូមទឹកសរុប ៣៣មែត្រគូបក្នុង១វិនាទី និងជាស្ថានីយបូមទឹកដែលបំពាក់ម៉ូទ័រខ្នាតធំជាងគេក្នុងរាជធានីភ្នំពេញ(អង្កត់ផ្ចិត ១.៥ម)។ ស្ថានីយនេះទៀតសោត នឹងជួយដោះស្រាយបញ្ហាទឹកជំនន់ជន់លិច នៅភូមិសាស្រ្ត ខណ្ឌមានជ័យ ខណ្ឌទួលគោក ខណ្ឌសែនសុខ និងខណ្ឌពោធិ៍សែនជ័យ៕
អានបន្ថែម
មជ្ឈមណ្ឌលធុរកិច្ចថ្មី តម្លៃ២,៧លានដុល្លារ បើកការដ្ឋានសាងសង់ក្រោមជំនួយរបស់កូរ៉េខាត្បូង
អគារមជ្ឈមណ្ឌលជាតិបណ្តុះបណ្តាលធុរកិច្ចថ្មីនៃកម្ពុជា ឬNICC បានការដ្ឋានសាងសង់ជាផ្លូវការហើយ នៅក្នុងបរិវេណនៃសកលវិទ្យាល័យភូមិន្ទភ្នំពេញ កាលពីព្រឹកថ្ងៃទី៣ ខែកញ្ញានេះ ក្រោមជំនួយ ៨ លានដុល្លារ ពីទីភា្នក់ងារសហប្រតិបត្តិការអន្តរជាតិកូរ៉េ KOICA។ ពិធីបើកការដ្ឋាន ត្រូវបានធ្វើឡើងនៅក្រោមវត្តមានរបស់ ឯកឧត្តម ហង្ស ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា ឯកឧត្តម Park Heung-kyoeng អគ្គរដ្ឋទូតសាធារណរដ្ឋកូរ៉េ ឯកឧត្តម Rho Hyunjun នាយកប្រចាំប្រទេសនៃទីភ្នាក់ងារ KOICA និងឯកឧត្តម ជាតិ ជាលី សកលវិទ្យាធិការ។ បើតាមផែនការ មជ្ឈមមណ្ឌលនឹងត្រូវសាងសង់ជាអគារកម្ពស់ ៣ ជាន់ ដោយគ្រោងនឹងបញ្ចប់នៅឆ្នាំ ២០២៣ ខាងមុខ។ ឯកឧត្តម Rho Hyunjun សង្ឃឹមថាគម្រោងនេះ នឹងក្លាយជាការបោះជំហានសំខាន់មួយទៀតដើម្បីគាំទ្រដល់ ប្រព័ន្ធអេកូឡូស៊ីនៃការចាប់ផ្តើមបច្ចេកវិទ្យាឌីជីថល និងបណ្តាញទីផ្សារនៅកម្ពុជា ពិសេសចូលរួមលើកកម្ពស់សមត្ថភាពរបស់មនុស្សជំនាន់ក្រោយឱ្យអាចបង្កើតអាជីវកម្មដោយខ្លួនឯងបានដោយមានប្រសិទ្ធភាព។
អានបន្ថែម
តើគម្រោងផែនការខ្សែក្រវាត់និងផ្លូវរបស់ចិនអាចជួយទប់លំនឹងសេដ្ឋកិច្ចកម្ពុជាពីកូវីដបានទេ?
អ្នកវិភាគសេដ្ឋកិច្ច រដ្ឋមន្រ្តី និងអ្នកនាំពាក្យរដ្ឋាភិបាល ជាច្រើនរូប បានយល់ឃើញដូចគ្នាថា គម្រោងសាងសង់ហេដ្ឋារចនាសម្ព័ន្ធនានា ដែលមានប្រភពទុនចេញពីគំនិតផ្តួចផ្តើមខ្សែក្រវាត់និងផ្លូវរបស់ចិន បាននិងកំពុងជួយជំរុញសេដ្ឋកិច្ចកម្ពុជាយ៉ាងសន្ធឹកសន្ធាប់ ហើយក៏ជាចលករសំខាន់ ជួយទប់លំនឹងសេដ្ឋកិច្ចក្នុងអំឡុងវិបត្តកូវីដ១៩ នេះ។ សាស្ត្រាចារ្យ នាក់ ចិន្តារិទ្ធ នៃសាកលវិទ្យាល័យភូមិន្ទភ្នំពេញ បានឱ្យដឹងថាក្នុងសារព័ត៌មាន Xinhua ចេញផ្សាយកាលពីថ្ងៃទី ១ កញ្ញា នេះថា គម្រោងគំនិតផ្តួចផ្តើមខ្សែក្រវាត់និងផ្លូវរបស់ចិន បានដើរតួរយ៉ាងសំខាន់ក្នុងការអភិវឌ្ឍសេដ្ឋកិច្ចនៅកម្ពុជា និងបង្កើតស្ថេរភាពក្នុងកំឡុងកូវីដ១៩។ លោកបន្តថា គម្រោងទាំងនេះ នឹងចំណែកយ៉ាងសំខាន់ដល់ការអភិវឌ្ឍន៍សេដ្ឋកិច្ចរបស់កម្ពុជាក្នុងការស្តារឡើងវិញក្រោយកូវីដ-១៩ ក៏ដូចជាការធ្វើសមាហរណកម្មសេដ្ឋកិច្ចកម្ពុជាជាមួយសេដ្ឋកិច្ចដទៃទៀតនៃពិភពលោក។ ដូចគ្នានេះ ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម បានឱ្យដឹងកាលពីថ្ងៃទី ០១ ខែកញ្ញា កន្លងទៅថា កម្ពុជា បាននិងកំពុងទទួលបានផលប្រយោជន៍ជាច្រើនចេញពីគំនិតផ្តួចផ្តើមនេះ សឱ្យឃើញតាមរយៈសមិទ្ធិផលហេដ្ឋរចនាសម្ព័ន្ធជាច្រើន រួមមានស្ពាន ទំនប់វារីអគ្គិសនី អាកាសយានដ្ឋាន កំពង់ផែសមុទ្រ និងទន្លេ ជាដើម។ «ការអភិវឌ្ឍទាំងនេះនឹងឈានទៅដល់ ការលើកកម្ពស់ កិច្ចសម្រួលពាណិជ្ជកម្ម និងភាពប្រកួតប្រជែងរបស់កម្ពុជា ដែលនឹងនាំមកនូវការអភិវឌ្ឍ កំណើនសេដ្ឋកិច្ច និងការលុបបំបាត់ភាពក្រីក្រ» ឯកឧត្តមបានបន្ត។ យោងតាមក្រសួងសាធារណការ […]
អានបន្ថែម
រដ្ឋនឹងចាត់វិធានការណ៍ក្ដៅលើអ្នករំលោភចំណីផ្លូវជាតិលេខ ១ ក្នុងទីតាំងខេត្តកណ្ដាល
មន្ទីរសាធារណៈការ និងដឹកជញ្ជូនខេត្តកណ្តាល នឹងចុះរៀបចំសណ្តាប់ធ្នាប់ និងរុះរើសំណង់រំលោភដីរដ្ឋ នៅតាមបណ្តោយផ្លូវជាតិលេខ១ ស្ថិតក្នុងស្រុកកៀនស្វាយ និងស្រុកលើកដែក នៅថ្ងៃទី១៧ ខែកញ្ញា ឆ្នាំ២០២១។ នេះតាមសេចក្តីជូនដឹណឹងលេខ១០៣១ ចុះថ្ងៃទី៣១ ខែសីហា។ ក្នុងសេចក្ដីជូនដំណឹង មន្ទីរក៏បានប្រកាសឱ្យប្រជាពលរដ្ឋដែលមានសំណង់ដែលរំលោភលើដីចំណីផ្លូវជាតិលេខ១ ត្រូវប្រញាប់រួសរាន់រុះរើចេញ ឬរំកិលថយក្រោយឱ្យផុតពីដីចំណីផ្លូវ ឱ្យបានមុនថ្ងៃទី១៧ ខែកញ្ញានេះ។ បើនៅថ្ងៃកំណត់ មន្ទីរឃើញថានៅតែមានការរំលោភផ្លូវ មន្ទីរនឹងចុះរុះរើសំណង់ទាំងនោះចេញ ដោយមិនទទួលខុសត្រូវចំពោះការខូចខាតអ្វីឡើយ ខណៈម្ចាស់សំណង់អាចនឹងត្រូវមានទោសតាមផ្លូវច្បាប់។
អានបន្ថែម
សំណង់គ្មានលិខិតអនុញ្ញាត ខុសច្បាប់សំណង់ តើម្ចាស់សំណង់គួរធ្វើបែបណាទើបស្របច្បាប់វិញ?
សំណង់អគារជាច្រើននៅកម្ពុជាត្រូវបានសាងសង់ឡើងដោយគ្មានការអនុញ្ញាតត្រឹមត្រូវ គ្មានលិខិតអនុញ្ញាតសាងសង់ ឬផ្ទុយពីចំណុចណាមួយនៃច្បាប់សំណង់ ។ ដូច្នេះហើយទើប ក្រោយពេលច្បាប់សំណង់ដាក់ចេញកាលពីឆ្នាំ ២០១៩ រដ្ឋាភិបាលបានទុកពេល ២ឆ្នាំ ឱ្យម្ចាស់សំណង់ប្រភេទនេះ សម្របខ្លួន ហើយអនុវត្តតាមច្បាប់ដែលបានកំណត់វិញ។ ប៉ុន្តែ រយៈពេល ២ ឆ្នាំ នឹងត្រូវបញ្ចប់ ក្នុងពេល២ ខែខាងមុខនេះហើយ។ ជាក់ស្ដែង មុនមានច្បាប់សំណង់ អនុក្រឹត្យលេខ ៨៦ ចុះថ្ងៃទី ១៩ ខែធ្នូឆ្នាំ ១៩៩៧ បានចែងយ៉ាងច្បាស់ថា ការសាងសង់អគារនានាគឺតម្រូវឱ្យសុំលិខិតអនុញ្ញាតសាងសង់។ អនុក្រឹត្យលេខ ៨៦ នេះ ក៏បញ្ជាក់នូវប្រភេពសំណង់ដែលត្រូវសុំ និងប្រភពសំណង់ត្រូវបានលើកលែងផងដែរ។ ប៉ុន្តែទោះជាមានអនុក្រឹត្យក្ដី ក្នុងសង្គមជាក់ស្ដែង ក៏នៅតែមានសំណង់ភាគច្រើននៅតែត្រូវសាងសង់ដោយគ្មានការអនុញ្ញាត ឬមិនអនុលោមតាមលក្ខខណ្ឌនៃលិខិតអនុញ្ញាតិសាងសង់។ ដោយឃើញថា សំណង់ដែលគ្មានលិខិតអនុញ្ញាតសាងសង់ ឬសង់មិនត្រូវតាមច្បាប់នេះ មានច្រើនលើសលុប ហើយភាគច្រើនត្រូវបានកាន់កាប់ដោយអ្នកប្រើប្រាស់រួចទៅហើយ ហើយក៏មិនបង្កគ្រោះថ្នាក់ដល់ពួកគេដែរ ដូច្នេះហើយទើប ច្បាប់សំណង់ ដែលបានដាក់ឱ្យប្រើប្រាស់កាលពីថ្ងៃទី ២ ខែវិច្ឆិកាឆ្នាំ ២០១៩ បានបន្ធូរបន្ថយដល់ម្ចាស់សំណង់ទាំងនោះ ដោយមិនចាំបាច់អនុវត្តច្បាប់បកថយក្រោយទេ តែគ្រាន់តែត្រូវដាក់ពាក្យសុំវិញ្ញាបនបត្រប្រើប្រាស់សំណង់តែប៉ុណ្ណោះ។ មាត្រា ១០៦ […]
អានបន្ថែម