ព័ត៌មានក្នុងស្រុក
ការដ្ឋានលើកកម្ពស់ផ្លូវជាតិលេខ៣សម្រេចបាន៩០%គ្រោងបញ្ចប់មុនផែនការ
គម្រោងស្ថាបនាផ្លូវជាតិលេខ៣ ពីរង្វង់មូលចោមចៅ ទៅក្រុងកំពត សម្រេចបាន៩០%ហើយ ដោយគម្រោងបញ្ចប់មុនផែនការ ពោលគឺនៅខែកញ្ញា ឆ្នាំ២០២១ នេះ។ នេះបើតាមប្រសាសន៍របស់ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។ ក្នុងកិច្ចសម្ភាសន៍ជាមួយអ្នកសារព័ត៌មាននាព្រឹកថ្ងៃទី៤ ខែមករា ឆ្នាំ២០២១ នេះ ឯកឧត្តមស៊ុន ចាន់ថុល បានបញ្ជាក់ថា៖ «ការសាងសង់ផ្លូវនឹងចប់មុនកាលកំណត់នេះ គឺដោយសារតែក្រុមហ៊ុនចិនគាត់លួចបច្ចេកទេសសាងសង់មិនមានលួចគុណភាពនោះទេ ពោលគឺគុណភាពនៅល្អដូចដែលបានព្រមព្រៀងគ្នា»។ ឯកឧត្តមបានបន្តទៀតថា តាមប្លង់ដំបូងគឺមិនមានចំណុច U-turn (ចំណុចបើកទ្រូងផ្លូវសម្រាប់បត់រថយន្ត) ទេ តែឥឡូវ ក្រុមការងារនឹងរចនាចំណុច U-turn ផងដែរ ដោយផ្លូវនៅចំណុចនោះនឹងធំជាងធម្មតា ដើម្បីទុកកន្លែងឱ្យបត់ឡានដោយមានសុវត្ថិភាព។ លើសពីនេះ ក្រសួងក៏នឹងសាងសង់ផ្លូវអាកាសថ្មើរជើង ២កន្លែង ជញ្ជីងក្រោមដី ២កន្លែង និងបំពាក់កាមេរ៉ាចាប់ល្បឿន ១១កន្លែងផងដែរ (អានបន្ថែម និងបន្ថែម)។ គួរបញ្ជាក់ថា កំណាត់ផ្លូវជាតិលេខ៣ (ភ្នំពេញ-កំពត) មានប្រវែងសរុប ១៣៤គីឡូម៉ែត្រ ដោយក្នុងនោះ ប្រវែង ៦៩គីឡូម៉ែត្រ ចាប់ពីចោមចៅ ដល់បែកគុស នឹងត្រូវសាងសង់ជាផ្លូវ ៤គន្លង […]
អានបន្ថែម
សម្ដេច ហ៊ុន សែន សម្រេចឱ្យសង់ស្ពានអាកាសឆ្លងផ្លូវជាតិលេខ ៣ ជាក់លាក់ហើយ ទោះមានការតវ៉ាជាច្រើនក្ដី
សម្ដេចនាយករដ្ឋមន្រ្តី ហ៊ុន សែន បានសម្រេចឱ្យសាងសង់ស្ពានអាកាសថ្មើរជើងឆ្លងកាត់ផ្លូវជាតិលេខ ៣ ជាក់លាក់ហើយ ទោះមានការតវ៉ាពីប្រជាជនក្នុងតំបន់ជាច្រើនលើកច្រើនសារក្ដី។ នេះបើយោងតាម ឯកឧត្តម ស៊ុន ចាន់ថុល ក្នុងឱកាសចុះត្រួតពិនិត្យការដ្ឋានសាងសង់ផ្លូវជាតិលេខ៣ កាលពីថ្ងៃទី ៤ មករា នេះ។ រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល បានឱ្យដឹងថា៖ «ស្ពានអាកាសនេះ មិនមែនស្ពានអាកាសសម្រាប់ឡានទេ គឺស្ពានថ្មើរជើង ឆ្លងកាត់មុខផ្សារត្រាំខ្នាថ្មី និងវិទ្យាល័យមួយ ដោយយើងបានសម្រេចឱ្យសាងសង់ហើយ»។ «កន្លងមកក៏មានការ តវ៉ាថាមិនគួរមានស្ពានទេ ព្រោះអាចធ្វើឱ្យខូចគុណភាពផ្សារ ហើយក៏មានការស្នើសុំពីសាលាថាឱ្យយើងបើកទ្រូងផ្លូវជំនួសវិញ» ឯកឧត្តមបានបន្ត។ ទាក់ទិននឹងបញ្ហានេះ ឯកឧត្តមបានធ្វើលិខិតស្ដីពីលក្ខខណ្ឌបច្ចេកទេសជូនទៅ សម្ដេច ស ខេង និងសម្ដេច ហ៊ុន សែន ថាគួរ ឬមិនគួរសង់ស្ពាននេះ។ ក្រោយពិចារណាសម្ដេចទាំង ២ បានឯកភាពឱ្យសង់ ហើយក្រើនឱ្យប្រជាជនក្នុងតំបន់ឱ្យចូលរួមសហការ។ ឯកឧត្តម ស៊ុន ចាន់ថុល បានឱ្យទៀតដឹងថា៖ «គោលបំណងចំបងនៃការធ្វើស្ពាននេះ គឺដើម្បីសុវត្ថិភាពរបស់អ្នកដើរផ្សារ និងសិស្សសាលា។ ផ្លូវដល់ទៅ […]
អានបន្ថែម
រដ្ឋាភិបាលអនុម័តឱ្យក្រុមហ៊ុនចិនសាងសង់គម្រោងអាកាសយានដ្ឋាននៅមណ្ឌលគិរី
រដ្ឋាភិបាល សម្រេចជាផ្លូវការឱ្យសាងសង់គម្រោងអាកាសយានដ្ឋាននៅមណ្ឌលគិរី ដោយក្រុមហ៊ុនចិនត្រូវបានជ្រើសរើសជាក្រុមហ៊ុនអភិវឌ្ឍន៍គម្រោងនេះ។ នេះបើតាមឱ្យដឹងពី សេចក្ដីប្រកាសរបស់ទីស្ដីការគណរដ្ឋមន្ត្រី ចុះថ្ងៃទី ៣១ ខែធ្នូ ឆ្នាំ ២០២០នេះ។ យោងតាមប្រភពដដែល រដ្ឋាភិបាលសម្រេចជ្រើសរើសក្រុមហ៊ុន Powerchina International Group ឱ្យសិក្សា និងអភិវឌ្ឍន៍លើគម្រោងសាងសង់អាកាសយានដ្ឋានថ្មីខ្នាតតំបន់ នៅខេត្តមណ្ឌលគិរី និងអនុញ្ញាត្តឱ្យរដ្ឋលេខាធិការដ្ឋានអាកាចរស៊ីវិល ដឹកនាំរៀបចំកិច្ចព្រមព្រៀងក្របខ័ណ្ឌជាមួយក្រុមហ៊ុនអភិវឌ្ឍន៍។ គួរបញ្ជាក់ផងដែរថា គម្រោងសាងសង់ព្រលានយន្តហោះនេះ មានទីតាំងស្ថិតនៅក្នុង ឃុំសែនមនោរម្យ ស្រុកអូររាំង ខេត្តមណ្ឌលគិរី ត្រូវបានសិក្សាតាំងពីឆ្នាំ ២០១៩ បច្ចុប្បន្នកំពុងស្ថិតក្នុងដំណាក់កាលសិក្សាលទ្ធភាព ហើយគ្រោងនឹងបញ្ចប់នៅដើមឆ្នាំក្រោយ។ សម្រាប់ជំហានដំបូង គម្រោងនេះនឹងត្រូវសាងសង់លើដី ៣០០ ហិកតា ហើយពង្រីកជា ៦០០ហិកតាវិញ។ (អានបន្ថែម និងបន្ថែម) កាលពីព្រឹកថ្ងៃទី ៣១ កក្កដា ឯកឧត្តម ស្វាយ សំអ៊ាង អភិបាលខេត្តមណ្ឌលគិរី បានចុះបើកការដ្ឋានសាងសង់ផ្លូវចូលទីតាំងគម្រោងព្រលានយន្តហោះថ្មី ប្រវែង ៣ គ.ម ទទឹង ៦០ ម ដែលនឹងត្រូវឈូសបើកទ្រូងផ្លូវ ៦០ម ហើយលើកជាតួផ្លូវតែ១២មសិន […]
អានបន្ថែម
ធនាគារជាតិ៖ ឆ្នាំ២០២១ វិស័យហិរញ្ញវត្ថុរឹងមាំ សេដ្ឋកិច្ចកើន ៤% វិស័យសំណង់នឹងងើបសន្សឹមៗ
ធនាគារជាតិព្យាករថា នៅឆ្នាំ ២០២១ វិស័យហិរញ្ញវត្ថុនៅកម្ពុជានៅតែបន្តមានវឌ្ឍនភាព ដោយឡែកសេដ្ឋកិច្ចកម្ពុជានឹងកើនប្រមាណ ៤% ខណៈវិស័យសំណង់ និងអចលនទ្រព្យនឹងបន្តងើបឡើងវិញជាសន្សឹមៗ។ សេចក្ដីប្រកាសរបស់ធនាគារជាតិនៃកម្ពុជា ស្ដីអំពីវឌ្ឍនភាពម៉ាក្រូសេដ្ឋកិច្ចនិងវិស័យធនាគារឆ្នាំ២០២០ និងទស្សនវិស័យឆ្នាំ២០២១ ចុះថ្ងៃទី៣១ ធ្នូ ២០២០ បានឱ្យដឹងថា សម្រាប់វិស័យហិរញ្ញវត្ថុ ទ្រព្យសកម្មប្រមាណ ៩០% ជាទ្រព្យសកម្មវិស័យធនាគារ ដែលបន្តភាពវឌ្ឍនភាព និងភាពធន់ បើទោះជាទទួលរងសម្ពាធពីការធ្លាក់ចុះនៃវិស័យរូបវន្តក៏ដោយ។ យ៉ាងណាមិញ ក្នុងអំឡុងពេលមានវិបត្តិកូវីដ ១៩ វិស័យដែលទទួលរងការប៉ះពាល់ខ្លាំងជាងគេគឺ វិស័យទេសចរណ៍ និងវិស័យនាំចេញសម្លៀកបំពាក់ និងស្បែកជើង។ ហើយវិស័យដែលរងផលប៉ះពាល់ធ្ងន់បន្ទាប់គឺ វិស័យសំណង់ និងអចលនទ្រព្យ។ ទោះជាយ៉ាងណាក្ដី ធនាគារជាតិជឿជាក់ថា វិស័យសំណង់ និងអចលនទ្រព្យ នឹងងើបឡើងសន្សឹមៗ ស្របពេលជាមួយនឹងកំណើនការវិនិយោគផ្ទាល់បរទេស ការងើបឡើងវិញនៃចំណូល និងការរីកចម្រើននៃសេដ្ឋកិច្ចជារួមពេលអនាគត។ ជាមួយគ្នានេះ វិស័យសណ្ឋាគារ និងភោជនីយដ្ឋាន ក៏ដូចជាវិស័យដឹកជញ្ជូន ក៏នឹងអាចបន្តកើនវិញតែក្នុងល្បឿនយឺត ដោយសារការធ្លាក់ចុះនៃភ្ញៀវទេសចរអន្តរជាតិ។ លើសពីនេះ ធនាគារជាតិក៏បានព្យាករថា ឆមាសទី ១ ឆ្នាំ ២០២១ សេដ្ឋកិច្ចកម្ពុជារំពឹងថា នឹងអាចងើបឡើងវិញក្នុងរង្វង់ ៤% […]
អានបន្ថែម
វិវឌ្ឍនភាពលម្អិតនៃដំណើរការសាងសង់ព្រលានយន្តហោះសៀមរាបថ្មីតម្លៃជាង ៩០០លានដុល្លារ
គម្រោងអាកាសយានដ្ឋានអន្តរជាតិសៀមរាបអង្គរថ្មី (AIAI) ចាប់ផ្ដើមសាងសង់ ចាប់តាំងពីថ្ងៃទី១៥ ខែមីនា ឆ្នាំ២០២០ មកម្ល៉េះ ដោយគ្រោងនឹងបញ្ចប់ក្នុងរយៈពេល ៣៦ ខែ ពោលគឺនៅឆ្នាំ ២០២៣។ គម្រោងនេះ នឹងចំណាយទុនវិនិយោគប្រមាណ ៩០០ លានដុល្លារ ដែលនឹងសាងសង់លើផ្ទៃដីប្រមាណ ៧០០ ហិកតា រួមជាមួយនឹងផ្ទៃដីនៃតំបន់សេដ្ឋកិច្ចពិសេសចំនួន ១០០០ ហិកតា ទៀតផង។ គិតមកត្រឹមខែធ្នូ នេះ គម្រោងទាំងមូលសម្រេចបានប្រមាណ ៣៥% ហើយ។ បើយោងតាមរបាយការណ៍របស់ក្រុមហ៊ុនទទួលខុសត្រូវសាងសង់ ខាងក្រោមនេះ គឺជាទិន្នន័យលម្អិតផ្នែកនីមួយៗ នៃគម្រោងទាំងមូល៖ ក. ការងារសាងសង់ស្ថានីយអ្នកដំណើរ សម្រេចបាន ១២% ក្នុងនោះ បញ្ចប់ការងាររៀបចំគ្រឹះ និងចាក់ប្លង់សេដល់ជាន់ទី ២ និងបន្តចាក់ប្លង់សេនៅជាន់ទី ៣ បាន ២៥%។ ខ. ការងារសាងសង់ទីធ្លាចតយន្តហោះ សម្រេចបានប្រមាណ ៥% ក្នុងនោះការងារឈូសឆាយដី និងពង្រាបដី សម្រេចបាន ៦០% ហើយការងារចាក់បំពេញដី បានប្រមាណ ១០%។ […]
អានបន្ថែម
តើការវាស់វែង និងការផលិតផែនទីដែលអាចយកជាការបានតម្រូវឱ្យមានលក្ខណៈសម្បត្តិអ្វីខ្លះ?
ប្រាកដណាស់ ការវាស់វែង និងការផលិតផែនទីមួយទាមទារឱ្យមានការយកចិត្តទុកដាក់ ដើម្បីជៀសវាងបញ្ហាដែលអាចកើតឡើងនាពេលអនាគត ជាពិសេសការវាស់វែងព្រំប្រទល់ប្រទេស ជាសមត្ថកិច្ចរបស់អាជ្ញាធរជាតិទទួលបន្ទុកកិច្ចការព្រំដែនតែប៉ុណ្ណោះ។ ជាក់ស្តែង ការវាស់វែងទូទៅ ឬការផលិតផែនទីជំនាញ ត្រូវប្រើប្រាស់ទិន្នន័យវាស់វែងគោល ឬផែនទីគោល។ តួយ៉ាង អ្នកផលិតផែនទី ចាំបាច់ត្រូវសហការ និងប្រើប្រាស់ទិន្នន័យផែនទីគោលរបស់អគ្គនាយដ្ឋានសុរិយោដី និងភូមិសាស្ត្រ នៃក្រសួងរៀបចំដែនដី នគរូបនីយកម្ម និងសំណង់។ រាល់អាជីវកម្មនេះ ក៏តម្រូវឱ្យមានអាជ្ញាបណ្ណ ឬវិញ្ញាបនបត្រវាស់វែង ដែលចេញដោយក្រសួងរៀបចំដែនដី នគរូបនីយកម្ម និងសំណង់ ផងដែរ។ បុគ្គលទូទៅដែលមានបំណងស្នើវិញ្ញាបនបត្រវាស់វែង ត្រូវមានសញ្ញាបត្រ ឬវិញ្ញាបនបត្រជំនាញវាស់វែងថ្នាក់ឧត្តម ឬថ្នាក់មធ្យម ឬថ្នាក់បឋមនៃគ្រឹះស្ថានសិក្សាណាមួយ។ បុគ្គលរូបនោះ ក៏ត្រូវមានបទពិសោធន៍វាស់វែងយ៉ាងតិច ០២ឆ្នាំ។ វិញ្ញាបនបត្រវាស់វែង មានសុពលភាព៥ឆ្នាំ និងអាចសុំបន្តបាន។ ចំណែកឯ ក្រុមហ៊ុនវិញ គឺត្រូវស្នើសុំអាជ្ញាបណ្ណវាស់វែងពីក្រសួងរៀបចំដែនដី នគរូបនីយកម្ម និងសំណង់ផងដែរ។ លក្ខខណ្ឌគឺ ក្រុមហ៊ុននោះត្រូវតែមាននាយកបច្ចេកទេសមួយរូប ដែលជាអ្នកវាស់វែងកម្រិតឧត្តម និងមានបទពិសោធន៍យ៉ាងតិច ០៣ឆ្នាំ។ លើសពីនេះ ក្រុមហ៊ុនត្រូវតម្កល់ប្រាក់ធានាចំនួនពី១០ ទៅ ១០០ លានរៀល ទៅតាមប្រភេទអាជីវកម្មវាស់វែង និង/ឬផលិតផែនទីនោះ។ យោងតាមអនុក្រឹត្យលេខ១៧ […]
អានបន្ថែម
អ្នកឧកញ៉ាពុង ឃាវសែ៖ វិស័យសំណង់នឹងស្ទុះឡើងវិញក្នុង២០២១ ព្រោះសេដ្ឋកិច្ចអាចកើនពី៣,៥%-៥%
អ្នកឧកញ៉ា ពុង ឃាវសែ ប្រធានក្រុមហ៊ុនអ្នកអភិវឌ្ឍខ្នាតធំ និងឈានមុខគេមួយនៅកម្ពុជា OCIC បានសម្ដែងសុទិដ្ឋិនិយមថា សេដ្ឋកិច្ចប្រទេសកម្ពុជា ជាពិសេសវិស័យសំណង់ អាចនឹងមានសន្ទុះឡើងវិញលឿននៅឆ្នាំ ២០២១ ក្រោយស្ងប់ស្ងាត់មួយរយៈដោយសារិបត្តិកូវីដ។ ថ្លែងប្រាប់ទស្សនាវដ្តី សំណង់ និង អចលនទ្រព្យ កាលពីថ្ងៃទី១៩ ខែធ្នូ នេះ អ្នកឧកញ៉ាបានឱ្យដឹងថា៖ « ខ្ញុំយល់ស្របតាមការព្យាករណ៍របស់ World Bank និង ADB ថាសេដ្ឋកិច្ចនៅកម្ពុជាអាចនឹងស្ទុះពី៣,៥% ទៅ ៥% ក្នុងឆ្នាំ២០២១»។ «ដោយសេដ្ឋកិច្ចកើនឡើងបែបនេះ ខ្ញុំជឿថាវិស័យសាងសង់ក៏នឹងកើនឡើងតាមនោះដែរ ព្រោះវិស័យនេះដើរតួរយ៉ាងសំខាន់ក្នុងការជម្រុញកំណើនសេដ្ឋកិច្ច»។ ធនាគារពិភពលោក កាលពីថ្មីៗនេះបានព្យាករណ៍ថា សេដ្ឋកិច្ចកម្ពុជានឹងកើនឡើងដល់ ៤% នៅឆ្នាំ ២០២១ ខណៈធនាគារអភិវឌ្ឍន៍អាស៊ីក៏ព្យាករណ៍ស្រដៀងគ្នាថាកំណើនសេដ្ឋកិច្ចអាចនឹងស្ទុះដល់វិញ ៥,៤% ដែលជាកត្តាធ្វើឱ្យអ្នកឧកញ៉ាមានសុុទិដ្ឋិនិយម។ (អានបន្ថែម និងបន្ថែម) លើសពីនេះ ទោះស្ថិតក្នុងវិបត្តិកូវីដក្ដី ក្នុងរយៈពេល១០ខែ នៃឆ្នាំ២០២០ រដ្ឋាភិបាលកម្ពុជាបានអនុម័តសំណើសុំការសាងសង់សរុបជាង ៤ ពាន់គម្រោង ឬស្មើនឹងមានទំហំវិនិយោគប្រមាណជាង ៦ ៤០០ លានដុល្លារអាមេរិក។ […]
អានបន្ថែម
គម្រោងធំៗជាច្រើនក្នុងឆ្នាំ ២០២០ ដែលកំពុងលើកមុខមាត់ខេត្តសៀមរាប
បើទោះជាវិស័យទេសចរណ៍នៅខេត្តសៀមរាប ទទួលរងផលប៉ះពាល់ដោយសារវិបត្តិកូវីដយ៉ាងណាក្ដី ខេត្តសៀមរាបក៏នៅតែបន្តសកម្មភាពរបស់ខ្លួនយ៉ាងសកម្មក្នុងកិច្ចអភិវឌ្ឍន៍ហេដ្ឋារចនាសម្ព័ន្ធ ក៏ដូចជាទទួលស្វាគមន៍គម្រោងវិនិយោគនានា ក្នុងគោលបំណងដើម្បីត្រៀមទទួលភ្ញៀវទេសចរណ៍ ក្រោយវិបត្តិកូវីដបញ្ចប់ទៅ។ គម្រោងខាងក្រោមសុទ្ធសឹងតែជាគម្រោង ដែលនឹងផ្លាស់ប្ដូរមុខមាត់ខេត្តមួយនេះឱ្យកាន់តែទំនើបជាងមុន៖ គម្រោងហេដ្ឋារចនាសម្ព័ន្ធផ្លូវ ៣៨ ខ្សែ គម្រោងស្ថាបនាហេដ្ឋារចនាសម្ព័ន្ធផ្លូវ ៣៨ ខ្សែនៅសៀមរាប ដែលប្រវែងសរុប ១០៨,៧៤ គីឡូម៉ែត្រ កំពុងដំណើរការសាងសង់ ដោយប្រើប្រាស់ថវិកាជាតិសរុបប្រមាណ ១៤០ លានដុល្លារអាមេរិក។ គម្រោងនេះនឹងសាងសង់រយៈ ១៣ ខែ ដោយគ្រោងនឹងបញ្ចប់ការដ្ឋាននៅចុងឆ្នាំ ២០២១ ខាងមុខនេះ។ គម្រោងនេះ បានបើកការដ្ឋានសាងសង់ ក្រោមអធីបតីភាពរបស់សម្ដេចនាយករដ្ឋមន្ត្រី ហ៊ុន សែន កាលពី ព្រឹកថ្ងៃទី ៣០ វិច្ឆិកាកន្លងមកនេះ។ (អានបន្ថែម) ជាមួយគ្នានេះ រដ្ឋបាលខេត្តសៀមរាប ក៏កំពុងរៀបចំបង្កប់ខ្សែកាប្លិ៍អុបទិករញ៉េរញ៉ៃតាមដងផ្លូវនានា ទៅក្រោមដីវិញ ក្នុងអំឡុងពេលសាងសង់ផ្លូវ ៣៨ ខ្សែ នេះដែរ ដើម្បីបង្កើនសោភ័ណភាពទូទាំងខេត្ត និងជាផ្នែកមួយនៃការអភិវឌ្ឍន៍ទីក្រុងឆ្លាតវៃ។ (អានបន្ថែម) គម្រោងអាកាសយានដ្ឋានសៀមរាបថ្មី ការសាងសង់ព្រលានយន្តហោះអន្តរជាតិសៀមរាបថ្មី AIAI នឹងចំណាយទុនវិនិយោគប្រមាណ ៩០០ លានដុល្លារ ដែលកំពុងសាងសង់លើផ្ទៃដីប្រមាណ […]
អានបន្ថែម
ដីប្រមាណ ៩០ លានម៉ែត្រគូប នឹងប្រើដើម្បីចាក់បំពេញកោះនរា និងព្រលានយន្តហោះភ្នំពេញថ្មី
ដីយ៉ាងហោចប្រមាណ ៩០ លានម៉ែត្រគូបទៀត នឹងត្រូវប្រើប្រាស់ដើម្បីចាក់បំពេញគម្រោងសាងសង់កោះនរា និងព្រលានយន្តហោះភ្នំពេញថ្មី។ នេះបើយោងតាមប្រធានក្រុមហ៊ុន OCIC អ្នកឧកញ៉ា ពុង ឃាវសែ កាលពីថ្មីៗនេះ។ អ្នកឧកញ៉ា ពុង ឃាវសែ ប្រធានក្រុមហ៊ុន OCIC បានឱ្យដឹងថា ជាក់ស្ដែងក្រុមហ៊ុនកំពុងត្រូវការចាក់ដីបំពេញគម្រោងធំៗ ២ គឺគម្រោងព្រលានយន្តហោះភ្នំពេញថ្មី និងគម្រោងកោះនរា។ សម្រាប់គម្រោងអភិវឌ្ឍន៍កោះនរា កំពុងត្រូវការដីដើម្បីចាក់បំពេញប្រមាណ ៦០ លានម៉ែត្រគីប។ ដោយឡែក សម្រាប់គម្រោងព្រលានយន្តហោះអន្តរជាតិភ្នំពេញថ្មី គឺត្រូវដីចាក់បំពេញប្រមាណ ៣០ លានម៉ែត្រគីប ពោលគឺនឹងត្រូវចាក់បំពេញប្រមាណ ២០ មុឺនម៉ែត្រគីបក្នុងមួយថ្ងៃ។ កាលពីខែ មិថុនា កន្លងទៅនេះ សម្តេចតេជោ ហ៊ុន សែន បានស្នើឱ្យម្ចាស់ក្រុមហ៊ុន OCIC ជួយស្តារបឹងជើងលោងទំហំប្រមាណ ១៤០០ ហិកតា ដើម្បីយកដីចាក់បំពេញព្រលានយន្តហោះថ្មីនេះ។ (អានបន្ថែម) គួរបញ្ជាក់ផងដែរថា គម្រោងអភិវឌ្ឍកោះនរា សាងសង់ឡើងលើទំហំដីប្រមាណ ១២៥ហិកតា។ ចាប់តាំងពីខែមករា ឆ្នាំ ២០២០ នេះមក ក្រុមហ៊ុន […]
អានបន្ថែម
សរុបគម្រោងធំៗដែលបើកសម្ពោធជាផ្លូវការក្នុងឆ្នាំ២០២០
សំណង់ហេដ្ឋារចនាសម្ព័ន្ធ ក៏ដូចជាគម្រោងវិនិយោគធំៗក្នុងវិស័យអចលនទ្រព្យ បានដើរតួរយ៉ាងសំខាន់ និងជាឆ្អឹងខ្នងមួយជំរុញការអភិវឌ្ឍប្រទេសជាតិ។ ទោះរងនូវវិបត្តិកូវីដក្ដីជិត១ឆ្នាំក្ដី សម្រាប់ប្រទេសកម្ពុជា គម្រោងសាងសង់ធំៗជាច្រើនបានបញ្ចប់តាមការកំណត់ ហើយបើកសម្ពោធជាផ្លូវការ។ ទាំងនេះ គឺជាគម្រោងធំៗ មួយចំនួនដែលបានបើកសម្ពោធក្នុងឆ្នាំ ២០២០ នេះ៖ ផ្លូវជាតិលេខ ៥៨ ពីឧត្តរមានជ័យទៅប៉ោយប៉ែត ផ្លូវជាតិលេខ ៥៨ ជាផ្លូវក្រវ៉ាត់ព្រំដែនកម្ពុជា និងថៃ មានប្រវែងជាង ១៧៤គីឡូម៉ែត្រ តភ្ជាប់ពីក្រុងប៉ោយប៉ែត ខេត្តបន្ទាយមានជ័យ ទៅដល់ក្រុងសំរោង ខេត្តឧត្តរមានជ័យ។ ផ្លូវនេះបានចំណាយថវិកាសាងសង់ ១២២,៩៨ លានដុល្លារអាមេរិក ដែលជាហិរញ្ញប្បទានពីរដ្ឋាភិបាលចិន រួមជាមួយថវិកាបដិភាគរបស់រាជរដ្ឋាភិបាលកម្ពុជា។ ផ្លូវមួយខ្សែនេះ ត្រូវបានដាក់សម្ពោធដាក់ឱ្យប្រើប្រាស់ជាផ្លូវការកាលពីព្រឹកថ្ងៃទី ២៦ ខែកុម្ភៈ កន្លងមកនេះ ក្រោមអធិបតីភាពរបស់សម្តេចនាយករដ្ឋមន្រ្តី ហ៊ុន សែន និងឯកអគ្គរដ្ឋទូតចិនប្រចាំកម្ពុជាឯកឧត្តម Wang Wentian។ គម្រោងនេះ គឺជាផ្លូវមេមានប្រវែង ១៦៥,១៨គីឡូម៉ែត្រ ដែលឆ្លងកាត់ខេត្តបន្ទាយមានជ័យប្រវែង ៩២គីឡូម៉ែត្រ និងខេត្តឧត្តរមានជ័យប្រវែង ៧៣,១៨គីឡូម៉ែត្រ និងផ្លូវខ្នែងចំនួន ០៤ខ្សែ មានប្រវែងសរុប ៨,៩៨គីឡូម៉ែត្រ បំបែកចេញពីផ្លូវជាតិលេខ៥៨ ចូលទៅច្រកទ្វារព្រំដែនកម្ពុជា-ថៃ […]
អានបន្ថែម