ព័ត៌មានក្នុងស្រុក
ស្ថានីយប្រេងអប្សរាបានបញ្ចេញដំណក់ប្រេងដំបូងបង្អស់របស់កម្ពុជាហើយថ្ងៃនេះ
ស្ថានីយប្រេងអប្សរា បានបញ្ចេញដំណក់ប្រេងដំបូងបង្អស់របស់កម្ពុជាហើយ នៅថ្ងៃទី ២៩ ខែ ធ្នូ ២០២០នេះ ក្រោយបញ្ចប់ការដ្ឋានសាងសង់កាលពីពេលថ្មីៗនេះ។ នេះបើយោងតាមទំព័រហេ្វសប៊ុករបស់ សម្តេចតេជោនាយករដ្ឋមន្ត្រី ហ៊ុន សែន។ អណ្តូងប្រេងទី ១ ឈ្មោះ A-0ID នៃ ផ្លាតហ្វម A នៅក្នុងប្លុកនៃឈូងសមុទ្រកម្ពុជា បានបញ្ចប់ការសាងសង់នៅថ្ងៃទី ២៣ ធ្នូ ២០២០ និងចាប់ផ្តើមផលិតចេញប្រេងដំណក់ដំបូង នៅថ្ងៃទី ២៩ ខែ ធ្នូ ២០២០នេះ។ ក្រៅពីនេះ មានអណ្តូងប្រេងចំនួនពីរទៀតក៏បានខួងជម្រៅដល់ស្រទាប់ជម្រករ៉ែប្រេងរួចហើយដែរ។ តាមប្រភពដដែលនេះ ហេដ្ឋារចនាសម្ព័ន្ធសំខាន់ៗដែលបានរៀបចំរួចរាល់ជាស្ថាពរនៅក្នុងតំបន់ប្លុកA សម្រាប់ដំណើរការផលិតកម្មជារួមមានដូចតទៅ៖ ផ្លាតហ្វមអណ្តូងប្រេង ផលិតនៅកោះបាតាងនៃប្រទេសឥណ្ឌូនេស៊ី ចាប់ផ្តើមសាងសង់នៅអំឡុងខែធ្នូឆ្នាំ ២០១៩ និងបានបញ្ចប់នៅខែសីហា ២០២០។ ផ្លាតហ្វមនេះ បានដឹកចូលមកដល់តំបន់ប្លុក A និងបានបញ្ចប់ការតម្លើងរួចរាល់ជាស្ថាពរនៅថ្ងៃទី៧ កញ្ញា ២០២០។ (អានបន្ថែម) កប៉ាល់ផលិតកម្មប្រេងបានតម្លើង ជួសជុល និងបំពាក់សម្ភារៈ បរិក្ខារួចរាល់នៅខែ កញ្ញា ២០២០ នៅប្រទេសសឹង្ហបុរី […]
អានបន្ថែម
ធនាគារពិភពលោកគ្រោងវិនិយោគអភិវឌ្ឍន៍គម្រោងសេដ្ឋកិច្ចខៀវ (Blue Economy) នៅកោះកុង
ធនាគារពិភពលោក គ្រោងនឹងវិនិយោគអភិវឌ្ឍន៍គម្រោងសេដ្ឋកិច្ចខៀវ ឬ Blue Economy នៅប្រទេសកម្ពុជា ដោយខេត្តកោះកុងអាចនឹងត្រូវជ្រើសរើសជាគោលដៅមួយក្នុងចំណោមគោលដៅដទៃនៃការអនុវត្តគម្រោងនេះ។ នេះបើតាមលទ្ធផលកិច្ចប្រជុំស្តីពីពីវឌ្ឍនភាព យុទ្ធសាស្រ្ត និងផែនការគ្រប់គ្រងធនធានតំបន់ឆ្នេរតាមបែបសមាហរណកម្ម នៅខេត្តកោះកុង កាលពីថ្ងៃទី ២៨ ធ្នូ កន្លងមកនេះ។ លោក អ៊ុក ភ័ក្ត្រា អភិបាលរងខេត្តកោះកុង បានឱ្យដឹងថាបច្ចុប្បន្នអាជ្ញាធរកំពុងពិនិត្យលទ្ធភាពក្នុងការជ្រើសរើសខេត្តកោះកុង ជាខេត្តគោលដៅវិនិយោគសម្រាប់គម្រោងសេដ្ឋកិច្ចខៀវ។ យោងតាមរបាយការណ៍របស់ធនាគាពិភពលោកចុះថ្ងៃទី ២០ ខែមេសាឆ្នាំ ២០២០ ធនាគាពិភពលោក បានស្នើសុំទឹកប្រាក់ប្រមាណ ៤,៤២ លានដុល្លារអាមេរិក សម្រាប់ជាជំនួយដល់គម្រោង«តំបន់បរិស្ថានចម្រុះពិភពលោក» របស់កម្ពុជា។ គួរបញ្ជាក់ផងដែរថា សេដ្ឋកិច្ចខៀវ ឬ Blue Economy គឺជាការធ្វើអាជីវកម្មផង និងថែរក្សាបរិស្ថានសមុទ្រផង។ គម្រោងនេះត្រូវបានអនុម័តដោយក្រសួងបរិស្ថាន និងក្រសួងអភិវឌ្ឍន៍ជនបទ កាលពីថ្ងៃទី ៣០ មេសា ឆ្នាំ ២០១៩ មកម្ល៉េះ ដោយគ្រោងបញ្ចប់គម្រោងនៅថ្ងៃទី ៣១ ធ្នូ ឆ្នាំ ២០២៥។ សូមរម្លឹកថា ខេត្តកោះកុង មានឆ្នេរវែងជាងគេ (២៣៧ […]
អានបន្ថែម
សរុបគម្រោងធំៗ ដែលបើកការដ្ឋានក្នុងឆ្នាំ ២០២០
ទោះបីវិបត្តិកូវីដបានជះឥទ្ធិពលអវិជ្ជមានជាច្រើនដល់សង្គម និងសេដ្ឋកិច្ចក្ដី រដ្ឋាភិបាលកម្ពុជា ក៏នៅតែបន្តបំពេញភារកិច្ចរបស់ខ្លួនឥតឈប់ឈរ ជាពិសេសក្នុងការអភិវឌ្ឍន៍ហេដ្ឋារចនាសម្ព័ន្ធ។ មកទល់បច្ចុប្បន្ន គ្មានគម្រោងហេដ្ឋារចនាសម្ព័ន្ធណាមួយត្រូវបានពន្យាពេលទេ ហើយគម្រោងដែលត្រូវបើកការដ្ឋាននៅឆ្នាំ ២០២០ ក៏បានចាប់ផ្តើមរួចរាល់ហើយដែរ។ ទាំងនេះ គឺជាគម្រោងធំៗ មួយចំនួនដែលបានបើកការដ្ឋានក្នុងឆ្នាំ ២០២០ នេះ៖ ១) គម្រោងស្តារ និងសាងសង់ផ្លូវជាតិលេខ២ និងលេខ២២ គម្រោងស្តារ និងសាងសង់ផ្លូវជាតិលេខ២ និងលេខ២២ ប្រវែងសរុបជាង ៧២ គីឡូម៉ែត្រ ចំណាយថវិការ ប្រមាណ ៥៦ លានដុល្លារ ដែលជាហិរញ្ញប្បទានពីរដ្ឋាភិបាលសាធារណរដ្ឋកូរ៉េ រួមជាមួយថវិកាបដិភាគរបស់រាជរដ្ឋាភិបាលកម្ពុជា។ ពិធីបើកការដ្ឋាននេះ ធ្វើឡើងក្រោមវត្តមានខ្ពង់ខ្ពស់របស់ សម្តេចនាយករដ្ឋមន្ត្រី ហ៊ុន សែន និងឯកឧត្តម ផាក ហ៊ឹងឃ្យុង ឯកអគ្គរដ្ឋទូតសាធារណរដ្ឋកូរ៉េ ប្រចាំនៅកម្ពុជា កាលពីព្រឹកថ្ងៃទី ១១ ខែកុម្ភៈ ឆ្នាំ២០២០ នេះ។ ចំពោះ កំណាត់ផ្លូវជាតិលេខ ២ គឺចាប់ពីរង្វង់មូលតាខ្មៅ ដល់អូរចំបក់ មានប្រវែង ៦២,៥៦ គីឡូម៉ែត្រ (ឆ្លងកាត់រាជធានីភ្នំពេញ […]
អានបន្ថែម
តម្លៃ ទីតាំង ប្រវែងផ្លូវល្បឿនលឿនពីភ្នំពេញ-ព្រលានថ្មីបញ្ជាក់ច្បាស់ហើយ នឹងសង់ឆ្នាំក្រោយ
អ្នកឧកញ៉ា ពុង ឃាវសែ ដែលជាប្រធានក្រុមហ៊ុន OCIC កាលពីថ្មីៗនេះ បានបង្ហើបពីព័ត៌មានលម្អិតនៃគម្រោងផ្លូវល្បឿនលឿនពីអាកាសយានដ្ឋានភ្នំពេញថ្មីនៅខេត្តកណ្តាលមករាជធានីភ្នំពេញ ដោយដំណាក់កាលទី១ គឺគ្រោងនឹងចាប់ផ្ដើមសាងសង់នៅឆ្នាំ ២០២១ ខាងមុខនេះ។ អ្នកឧកញ៉ា បានប្រាប់ទស្សនាវដ្ដីសំណង់ និងអចលនទ្រព្យក្នុងកិច្ចសម្ភាសន៍ផ្ដាច់មុខកាលពីថ្ងៃទី ១៩ ខែធ្នូនេះថា៖ «គម្រោងផ្លូវល្បឿនលឿននេះ គឺមិនមែនជាHighway ដូចផ្លូវទៅកំពង់សោមទេ តែសាងសង់ជាស្ពានអាកាសផុតពីដី មានប្រវែងសរុបប្រមាណ ២១,៥ គីឡូម៉ែត្រ និងមាន ២ ដំណាក់កាល»។ «ដំណាក់ទី ១ ប្រវែង ១០ គីឡូម៉ែត្រ សាងសង់តាមផ្លូវសម្ដេចហ៊ុន សែន និងផ្លូវ ២៧១ ហើយចាប់ពីផ្ដុំស្ពានអាកាសក្បាលថ្នល់ឡើងរហូតទៅដល់ផ្លូវជាតិលេខ ២។ ដោយឡែកដំណាក់កាលទី ២ គឺប្រមាណ ១១ គីឡូម៉ែត្រ សាងសង់ចេញពីផ្លូវជាតិលេខ ២ ទៅកាន់អាកាសយានដ្ឋានភ្នំពេញថ្មីផ្ទាល់តែម្ដង»។ គម្រោងនេះ នឹងត្រូវចំណាយទុនសរុបប្រមាណ ៤០០ លានដុល្លារអាមេរិក ដែលដំណាក់កាលទី ១ អាចនឹងចាប់ផ្ដើមនៅឆ្នាំ ២០២១ ហើយគ្រោងនឹងបញ្ចប់ក្រោយព្រលានយន្តហោះ ពោលគឺក្រោយឆ្នាំ២០២៣ […]
អានបន្ថែម
មកទល់បច្ចុប្បន្ន ទំហំវិនិយោគរបស់កូរ៉េនៅកម្ពុជាមានដល់ ៥,៧ពាន់លានដុល្លារ
មកទល់បច្ចុប្បន្ន ទំហំវិនិយោគពីសាធារណរដ្ឋកូរ៉េមកកាន់ប្រទេសកម្ពុជាមានដល់ទៅ ៥,៧ ពាន់លានដុល្លារ ពោលគឺស្ថិតនៅខ្ពស់លំដាប់ទី២ ដែលក្នុងនោះទឹកប្រាក់មួយចំនួនធំគឺប្រើក្នុងគម្រោងអភិវឌ្ឍសាងសង់ហេដ្ឋារចនាសម្ព័ន្ធ។ នេះបើយោងតាម ឯកអគ្គរដ្ឋទូតកូរ៉េនៅកម្ពុជា ឯកឧត្តម ប៉ាក ហឺងឃ្យង។ ឯកឧត្តម ប៉ាក ហឺងឃ្យង ឯកអគ្គរដ្ឋទូតវិសាមញ្ញ និងពេញសមត្ថភាពនៃសារធារណរដ្ឋកូរ៉េ បានលើកឡើងដូច្នេះ ក្នុងជំនួបជាមួយសម្តេច សាយ ឈុំ ប្រធានរដ្ឋសភានៅកម្ពុជា កាលពីថ្ងៃទី២៥ ខែធ្នូ កន្លងមកនេះ។ បើយោងតាមទិន្នន័យពីអង្គភាពព័ត៌មាន និងប្រតិកម្មរហ័ស ចាប់ពីឆ្នាំ ២០១៩ ដល់២០២០ ជំនួយកូរ៉េក្នុងវិស័យហេដ្ឋារចនាសម្ព័ន្ធកើនឡើងពី ៣៥០ ទៅ ៧០០លានដុល្លារអាមេរិក ដែលបានរួមចំណែកតភ្ជាប់ស្ពានថ្នល់ពីខេត្តមួយ ទៅខេត្តមួយ ដូចជាផ្លូវជាតិលេខ២២ ផ្លូវជាតិលេខ២ និងផ្លូវជាតិលេខ៤៨ ជាដើម។ (អានបន្ថែម) ដោយឡែកបើរាប់លើគម្រោងអភិវឌ្ឍជារួម គិតត្រឹមខែវិច្ឆិកា ឆ្នាំ២០១៩ កូរ៉េខាងត្បូងបានផ្តល់ហិរញ្ញប្បទានដល់កម្ពុជាប្រមាណដល់ទៅ ៨៨៩លានដុល្លារ សម្រាប់ ២៣គម្រោង តែកម្ពុជាបានបើកប្រើប្រាស់អស់ត្រឹមប្រមាណ ៤៤២លានដុល្លារប៉ុណ្ណោះ។ ហើយសម្រាប់ឆ្នាំ ២០១៩ ដល់ ២០២៣ កូរ៉េកំពុងត្រៀមផ្តល់នូវទឹកប្រាក់ឥណទានប្រមាណ ៧០០លានដុល្លារ […]
អានបន្ថែម
ការជួសជុលផ្លូវជាតិលេខ ២ និង ២២ សម្រេចបានជាង ២០%ហើយ
ការស្ថាបនាផ្លូវជាតិលេខ ២ និង ២២ ចាប់ពីតាខ្មៅ ដល់អង្គតាសោម មកទល់បច្ចុប្បន្នសម្រេចបានប្រមាណ ២០% ហើយ ដោយគ្រោងនឹងបញ្ចប់ជាស្ថាបពរនៅត្រីមាសទី១ ឆ្នាំ២០២២។ នេះបើយោងតាមលោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន។ លោក សុទ្ធាយុត្តិ បានថ្លែងប្រាប់ក្រសួងព័ត៌មានកាលពីថ្មីៗនេះថា ក្រោយបើកការដ្ឋានកាលពីខែកុម្ភៈកន្លងមក ដំណើរការសាងសង់គឺធ្វើឡើងដោយរលូន ទោះបីប្រទេសកំពុងជួបនឹងបញ្ហាកូវីដ ក៏ដូចជាបញ្ហាទឹកជំនន់កាលពីថ្មីៗនេះក្ដី។ គួរបញ្ជាក់ថា ផ្លូវជាតិលេខ ២ និង ២២ ដែលត្រូវស្តារឡើងវិញ គឺមានប្រវែងសរុបជាង ៧២គីឡូម៉ែត្រ។ គម្រោងនេះកំពុងសាងសង់ដោយប្រើប្រាស់ថវិការប្រមាណ ៥៦លានដុល្លារ ដែលជាហិរញ្ញប្បទានពីរដ្ឋាភិបាលសាធារណរដ្ឋកូរ៉េ រួមជាមួយថវិកាបដិភាគរបស់រដ្ឋាភិបាលកម្ពុជាផងដែរ។ ផ្លូវទាំង ២ខ្សែនេះ នឹងសាងសង់ជាប្រភេទផ្លូវបេតុងកៅស៊ូអាស្វាល់ (Asphalt Concrete) ហើយបែកចែកជា ៣កំណាត់ផ្លូវធំៗ គឺកំណាត់ទី១ ពីរង្វង់មូលតាខ្មៅ ដល់រង្វង់មូលស្ត្រីបីកួរស្រូវ កំណាត់ទី២ ពីរង្វង់មូលស្រ្តីបីកួរស្រូវ ដល់រង្វង់មូលអូរចំបក់ និងកំណាត់ទី៣ ពីរង្វង់មូលអូរចំបក់ ដល់ផ្សារអង្គតាសោម។ (អានបន្ថែម)
អានបន្ថែម
ក្រុមហ៊ុនអន្តរជាតិឈានមុខផ្នែកទីផ្សារ Bluebell Trading នឹងមកគ្រប់គ្រងគម្រោងផ្សារទំនើប The Peak
ក្រុមហ៊ុនអន្តរជាតិឈានមុខគេផ្នែកទីផ្សារនៅទ្វីបអាស៊ី Bluebell Trading Pte. Ltd បានចុះអនុស្សារណៈនៃការយោគយល់គ្នាជាមួយក្រុមហ៊ុន Oxley Gem ដើម្បីមកគ្រប់គ្រងលើគម្រោងអភិវឌ្ឍន៍ផ្សារទំនើប The Peak។ នេះបើយោងតាមសេចក្ដីប្រកាសព័ត៌មានរបស់ក្រុមហ៊ុន កាលពីថ្ងៃទី ២៤ ធ្នូ នេះ។ នាយកប្រតិបត្តិរបស់ក្រុមហ៊ុនសម្ព័ន្ធ Bluebell Group លោក Ashley Micklewright បានឱ្យដឹងថា៖ «ក្រុមហ៊ុនយើងខ្ញុំមានក្តីសប្បាយរីករាយក្នុងការសហការជាមួយក្រុមហ៊ុន Oxley-Worldbridge នៅកម្ពុជា ហើយរំពឹងថានឹងធ្វើឱ្យ The Peak ក្លាយជាផ្សារទំនើបលេចធ្លោមួយនៅអាស៊ី»។ លោកបានឱ្យដឹងទៀតថា៖ «អាជីវកម្មស្នូលរបស់ក្រុមហ៊ុន គឺការយកចិត្តទុកដាក់លើតម្រូវការរបស់អតិថិជន។ ជាមួយគ្នានេះ ក្រុមហ៊ុនក៏មានបទពិសោធន៍ធ្វើការជាមួយផ្សារទំនើបធំៗចំនួន ១០ កន្លែង និងប្រេនល្បីៗជាច្រើនទៀត នៅក្នុងទ្វីបអាស៊ីអស់ពេលជិត ៦ ទសវត្សរ៍មកហើយ»។ ក្រុមហ៊ុនសម្ព័ន្ធ Bluebell Group គឺជាក្រុមហ៊ុនឈានមុខគេផ្នែកទីផ្សារបង្កើតម៉ាកផលិតផល (Branding) នៅទ្វីបអាស៊ីចាប់តាំងពីឆ្នាំ ១៩៥៤ មក។ បច្ចុប្បន្នក្រុមហ៊ុននេះ មានវត្តមាននៅប្រទេសជប៉ុន កូរ៉េខាងត្បូង ចិន ហុងកុង តៃវ៉ាន់ […]
អានបន្ថែម
សាលាក្រុងនឹងចាត់វិធានការលើអ្នកលប់ប្រឡាយយកដីធ្វើផ្ទះខុសច្បាប់ ឆាប់ៗនេះ ពិសេសនៅភាគខាងលិចនៃក្រុងភ្នំពេញ
រដ្ឋបាលរាជធានីភ្នំពេញ គ្រោងចាត់វិធានការដោះស្រាយបញ្ហាអ្នកលប់ប្រឡាយយកដីធ្វើផ្ទះដោយខុសច្បាប់ ក្នុងពេលឆាប់ៗនេះ ជាពិសេសនៅភាគខាងលិចនៃក្រុងភ្នំពេញ ក្រោយសម្រេចដាក់ចេញផែនការស្តារប្រឡាយចំនួន ១២ខ្សែ ឡើងវិញដើម្បីរំដោះទឹក និងបង្កាទឹកជំនន់នៅរដូវវស្សាឆ្នាំក្រោយ។ ការប្រកាសគម្រោងស្តារប្រឡាយទឹកនេះ ធ្វើឡើងនៅក្នុងកិច្ចប្រជុំវិសាមញ្ញលើកទី២ របស់ក្រុមប្រឹក្សារាជធានី ភ្នំពេញអាណត្តិទី៣ នៅថ្ងៃទី២៤ ខែធ្នូ កន្លងមកនេះ។ អភិបាលរាជធានីភ្នំពេញ ឯកឧត្ដម ឃួង ស្រេង បានមានប្រសាសន៍ថា៖ ប្រឡាយ១២ខ្សែក្នុងចំណោមប្រឡាយសរុប៣៧ខ្សែនៅភ្នំពេញ គឺត្រូវតែស្តារឡើងវិញ ទោះរដ្ឋកំពុងជួបការលំបាកលើថវិកាដោយសារបញ្ហាកូវីដ១៩ក្ដី។ ដោយឡែក ឯកឧត្ដម មិនបានបញ្ជាក់ពីទំហំទឹកប្រាក់សម្រាប់អនុវត្តគម្រោងនេះនៅឡើយទេ។ ឯកឧត្ដម បានឱ្យដឹងទៀតថា៖ «ប្រឡាយប្រមាណ១២ខ្សែនៅប៉ែកខាងលិចរាជធានីភ្នំពេញ ត្រូវបានគេរំលោភបំពាន។ កាលពីជំនន់ទឹកភ្លៀងនាពេលកន្លងមក ពេលអាជ្ញាធរចុះទៅកាយស្តារប្រឡាយរំដោះទឹក គឺសុទ្ធតែដីមានកម្មសិទ្ធរបស់គេទៅហើយ នោះហើយជាបញ្ហា។ ប៉ុន្តែរដ្ឋបាលរាជធានីភ្នំពេញនឹងខិតខំដោះស្រាយឱ្យអស់លទ្ធភាពដែលមាន»។ នារដូវវស្សាកន្លងទៅនេះ នៅរាជធានីភ្នំពេញ មានតំបន់មួយចំនួនរងផលប៉ះពាល់យ៉ាងខ្លាំង ដោយសារជំនន់ទឹកភ្លៀង ពិសេសក្នុងខណ្ឌពោធិ៍សែនជ័យ និងខណ្ឌកំបូល។ គួរបញ្ជាក់ផងដែរថា ជារួមជំនន់ទឹកភ្លៀងកាលពីតុលាកន្លងមកនេះ បានធ្វើឱ្យខូចខាតហេដ្ឋារចនាសម្ព័ន្ធនានាសរុបប្រមាណជាង ៣០០០ គីឡូម៉ែត្រទូទាំងប្រទេស ហើយរដ្ឋាភិបាលកម្ពុជាក៏បានប៉ាន់ប្រមាណថា នឹងត្រូវការថវិកាប្រមាណ ៩១ លានដុល្លារអាមេរិក ដើម្បីជួសជុលផ្លូវទាំងនេះ។ (អានបន្ថែម)
អានបន្ថែម
អឺរ៉ុបផ្ដល់ហិរញ្ញប្បទាន ១១៥លានដុល្លារដល់កម្ពុជាដើម្បីអភិវឌ្ឍន៍ហេដ្ឋារចនាសម្ព័ន្ធជនបទ
ធនាគារអភិវឌ្ឍន៍អាឡឺម៉ង់ ទីភ្នាក់ងារអភិវឌ្ឍន៍បារាំង (AFD) និងសហភាពអឺរ៉ុប កាលពីថ្មីៗនេះ រួមគ្នាផ្តល់ហិរញ្ញប្បទានសរុប ១១៥លានដុល្លារ ដល់កម្ពុជាដើម្បីអភិវឌ្ឍន៍ហេដ្ឋារចនាសម្ព័ន្ធជនបទតាមបណ្ដាខេត្តនានា នៅភាគកណ្តាលនៃប្រទេស។ កិច្ចព្រមព្រៀងហិរញ្ញប្បទាននេះ ត្រូវបានចុះហត្ថលេខាដោយតំណាងរាជរដ្ឋាភិបាលកម្ពុជា ធនាគារអភិវឌ្ឍន៍អាឡឺម៉ង់ AFD និងសហភាពអឺរ៉ុប។ នេះបើយោងតាមសេចក្តីប្រកាសព័ត៌មានរបស់សហភាពអឺរ៉ុប ចេញផ្សាយកាលពីដើមសប្តាហ៍នេះ។ គម្រោងហិរញ្ញប្បទាននេះ មានឈ្មោះថា RID4CAM ដែលមានគោលបំណងលើកកម្ពស់បណ្តាញផ្លូវនៅខេត្តភាគកណ្តាលនៃប្រទេសកម្ពុជា និងលើកស្ទួយវិស័យទឹកស្អាត អនាម័យ កសិកម្ម សុខាភិបាល និងវិស័យអប់រំ ផងដែរ។ សេចក្តីប្រកាសព័ត៌មានក៏បានបញ្ជាក់ទៀតថា ហិរញ្ញប្បទាននេះ ក៏រួមបញ្ជូលហិរញ្ញប្បទានឥតសំណងផងដែរ។ អគ្គរដ្ឋទូតអាឡឺម៉ង់ប្រចាំនៅកម្ពុជា Christian Berger លើកឡើងថា ហិរញ្ញប្បទាននេះនឹងចូលរួមលើកកម្ពស់ និងសម្រួលដល់ការធ្វើដំណើររបស់ប្រជាពលរដ្ឋ តាមរយៈការស្តារ ឡើងវិញនូវផ្លូវដែលរងការខូចខាតពីទឹកជំនន់។ លោកថ្លែងថា៖ «ទឹកជំនន់នាពេលថ្មីៗនេះបានបង្ហាញថា វាពិតជាមានសារៈសំខាន់ណាស់ ក្នុងការកសាងផ្លូវថ្នល់មានភាពធន់នឹងការប្រែប្រួលអាកាសធាតុធ្ងន់ធ្ងរ។ ផ្លូវជនបទគឺជាអាយុជីវិតសេដ្ឋកិច្ចដ៏សំខាន់សម្រាប់ប្រជាជនប្រមាណ ៧០%នៅកម្ពុជា។ ខ្ញុំមានមោទនភាពណាស់ ដែលប្រទេសអាល្លឺម៉ង់ចូលរួមជាមួយប្រទេសបារាំង និងសហភាពអឺរ៉ុបដើម្បីចូលរួមចំណែកអភិវឌ្ឍហេដ្ឋារចនាសម្ព័ន្ធជនបទដែលធន់នឹងអាកាសធាតុ។ ផ្លូវទាំងនេះនឹងធានាដល់ការធ្វើដំណើរទៅកាន់ទីផ្សារ សាលារៀន និងមណ្ឌលសុខភាព ក្នុងអំឡុងពេលជួបគ្រោះធម្មជាតិម្តងៗ»។ គួរបញ្ជាក់ផងដែរថា ជំនន់ទឹកភ្លៀងកាលពីតុលាកន្លងមកនេះ បានធ្វើឱ្យខូចខាតហេដ្ឋារចនាសម្ព័ន្ធនានាសរុបប្រមាណជាង ៣០០០ គីឡូម៉ែត្រទូទាំងប្រទេស […]
អានបន្ថែម
ស្ថានីយសូឡានៅបាត់ដំបងទទួលបានទុនបន្ថែម ៤៥លានដុល្លារ ខណៈការសាងសង់សម្រេចបាន៩០% ហើយ
ក្រុមហ៊ុនចិន Risen Energy កាលពីពេលថ្មីៗនេះ បានបោះទុនប្រមាណ ៤៥ លានដុល្លារ បន្ថែមទៀតទៅក្នុងគម្រោងរោងចក្រថាមពលពន្លឺព្រះអាទិត្យអានុភា ព៧៣ មេហ្គាវ៉ាត់ថ្មីមួយទៀតនៅខេត្តបាត់ដំបង ខណៈដែលការសាងសង់រោងចក្រនេះបានបញ្ចប់ជាង ៩០% ហើយ។ បើយោងតាមរបាយការណ៍របស់ក្រុមហ៊ុន ថវិកាបន្ថែមនេះគឺទទួលបានជាទម្រង់ឥណទានពីស្ថាប័នហិរញ្ញវត្ថុអឺរ៉ុប DEG និង ICCF ដែលនេះជាលើដំបូងដែលក្រុមហ៊ុនចិនទទួលបានហិរញ្ញប្បទានពីអឺរ៉ុប។ ក្រុមហ៊ុនបញ្ជាក់ទៀតថា ឥណទាននេះនឹងជួយឱ្យក្រុមហ៊ុនមានដើមទុនគ្រប់គ្រាន់សម្រាប់វិនិយោគថាមពលសូឡានៅកម្ពុជា និងបង្ហាញពីការបោះជំហានថ្មីក្នុងទីផ្សារកម្ពុជា ព្រមទាំងអាចពង្រីកខ្លួនទៅកាន់ទីផ្សារខាងក្រៅទៀតផង។ គួរបញ្ជាក់ផងដែរថា គម្រោងថាមពលសូឡារបស់ Risen Energy គឺជាគម្រោងមួយនៃគម្រោងថាមពលសូឡាចំនួន៤ ដែលរាជរដ្ឋាភិបាលកម្ពុជាបានអនុម័តកាលពីឆ្នាំ២០១៩កន្លងទៅនេះ។ ឯកឧត្តម វ៉ិចទ័រ ហ្សូណា អគ្គនាយកថាមពលនៃក្រសួងរ៉ែ និងថាមពល បានឱ្យដឹងកាលពីពេលថ្មីៗនេះថា ស្ថានីយថាមពលនេះ នឹងចាប់ផ្តើមបញ្ចេញថាមពល នៅដើមឆ្នាំក្រោយ ភ្ជាប់ចូលបណ្តាញជាតិ នៅក្រោមកិច្ចសន្យាទិញលក់ថាមពលជាមួយអគ្គិសនីកម្ពុជា ក្នុងតម្លៃ ៧,៦សេន (US$) ក្នុងមួយគីឡូវ៉ាតម៉ោង។
អានបន្ថែម