ព័ត៌មានក្នុងស្រុក
ក្រសួងរៀបចំដែនដីនគរូបនីយកម្មនិងសំណង់នឹងបើកវគ្គផ្សព្វផ្សាយច្បាប់សំណង់ម្តងទៀតជាលើកទី៤
ក្រសួងរៀបចំដែនដី នគរូបនីយកម្ម និងសំណង់ នឹងរៀបចំបើកវគ្គផ្សព្វផ្សាយច្បាប់សំណង់ជាលើកទី ៤ ក្នុងគោលបំណងផ្ដល់ចំណេះដឹងដល់សិក្ខាកាមដែលខកខានមិនបានចូលរួមក្នុងការផ្សព្វផ្សាយលើកទី១ ទី ២ និង ទី៣ កន្លងមកនេះ។ វគ្គផ្សព្វផ្សាយនេះនឹងធ្វើឡើងនៅឯសណ្ឋាគារហ្គោឌិន ស៊ីធី ភ្នំពេញ ផ្លូវលីយ៉ុងផាត់ ក្នុងខណ្ឌជ្រោយចង្វារ រាជធានីភ្នំពេញ នៅថ្ងៃទី ០២ ខែមីនា ឆ្នាំ២០២០ ខាងមុខនេះ ចាប់ពីម៉ោង០៨ ព្រឹក ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។ វគ្គផ្សព្វផ្សាយនេះ នឹងធ្វើឡើងដើម្បីលើកកំពស់ផ្នែកច្បាប់ដល់ក្រុមហ៊ុនប្រកបអាជីវកម្មសិក្សាគម្រោងប្លង់ និងសំណង់ និងរាល់រូបវ័ន្តបុគ្គលសិក្សាគម្រោងប្លង់។ គួរបញ្ជាក់ផងដែរថា ក្រសួងរៀបចំដែនដី នគរូបនីយកម្ម និងសំណង់បានបើកធ្វើសិក្ខាសាលាស្តីពី វគ្គផ្សព្វផ្សាយច្បាប់សំណង់ ៣ លើករួចមកហើយ ដោយលើកទី១ ធ្វើឡើងកាលពីថ្ងៃទី ១៤ មករា លើកទី២ កាលពីថ្ងៃទី ១៣ ខែកុម្ភៈ និងលើកទី៣ កាលពីថ្ងៃទី ២១ កុម្ភៈ […]
អានបន្ថែម
រដ្ឋាភិបាលគ្រោងសង់ផ្លូវអាទិភាពតភ្ជាប់ពីក្រុងភ្នំពេញទៅគល់ផ្លូវល្បឿនលឿន
ក្រសួងសាធារណៈការ និងដឹកជញ្ជូន រួមជាមួយនឹងសាលារាជធានីភ្នំពេញ គ្រោងនឹងសាងសង់ផ្លូវអាទិភាពមួយខ្សែ តភ្ជាប់ពីចំណុចស្ថានីយរថភ្លើងក្រុងភ្នំពេញទៅកាន់ចំណុចចាប់ផ្ដើមផ្លូវល្បឿនលឿនភ្នំពេញ-ព្រះសីហនុ ។ នេះបើយោងតាមប្រសាសន៍របស់ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ និងដឹកជញ្ជូន។ ឯកឧត្តម ស៊ុន ចាន់ថុល បានឱ្យដឹងដូច្នេះ កាលពីព្រឹកថ្ងៃទី២១ ខែកុម្ភៈ ឆ្នាំ២០២០ ក្នុងសន្និសីទសារពត៌មានស្តីពី វឌ្ឍនភាព និងទិសដៅការងារបន្តរបស់ក្រសួងសាធារណការ និងដឹកជញ្ជូន នៅទីស្តីការគណៈរដ្ឋមន្ត្រី ដែលរៀបចំដោយអង្គភាពអ្នកនាំពាក្យរបស់រាជរដ្ឋាភិបាល។ ផ្លូវអាទិភាពមួយខ្សែនេះ នឹងសាងសង់ឡើងក្នុងគោលបំណងដើម្បីសម្រួលចរាចរណ៍សម្រាប់នាក់ដែលនឹងធ្វើដំណើរចេញពីទីក្រុងភ្នំពេញទៅខេត្តព្រះសីហនុ ដោយប្រើប្រាស់ផ្លូវល្បឿនលឿន ពោលគឺមិនចាំបាច់ឆ្លងកាត់ការស្ទះចរាចរណ៍នៅក្នុងក្រុងមុនទៅឡើងផ្លូវល្បឿនលឿន នាពេលអនាគត។ ឯកឧត្តមបានបន្ថែមថា៖ «គម្រោងនេះជាការចំណាយរបស់សាលារាជធានីភ្នំពេញដាច់ដោយឡែក។ ក្រសួង និងសាលារាជធានី បានធ្វើការពិភាក្សាឡើងនេះ គឺដើម្បីកុំឱ្យប៉ះពាល់ដល់ការរីកចម្រើនរបស់ផ្លូវដែក។ បើដីចំណែកផ្លូវដែកនៅសល់ យកទៅធ្វើផ្លូវអស់ នោះថ្ងៃក្រោយយើងនឹងមិនអាចពង្រីកផ្លូវដែកមួយខែ្សទៀតបានទេ។ គួរបញ្ជាក់ផងដែរថា ផ្លូវល្បឿនលឿនភ្នំពេញ-ព្រះសីហនុសម្រេចការសាងសង់ជាង ៧ភាគរយ ហើយ គម្រោងផ្លូវល្បឿនលឿនតភ្ជាប់រាជធានីភ្នំពេញទៅកាន់ក្រុងព្រះសីហនុដែលមានតម្លៃប្រមាណជា ២ប៊ីលានដុល្លារអាមេរិក គឺបានសម្រេចការសាងសង់ប្រមាណជា ៧,៣ ភាគរយហើយ បើគិតត្រឹងថ្ងៃទី ៩ ធ្នូ ២០១៩។ (អានបន្ថែម)
អានបន្ថែម
ផ្លូវក្រវ៉ាត់ក្រុងទី៤ កំពុងស្ថិតក្នុងការសិក្សា ឯទីតាំងជាក់លាក់ត្រូវទុកជាអាថ៌កំបាំង
គម្រោងសាងសង់ផ្លូវក្រវាត់ក្រុងទី៤ ជុំវិញរាជធានីភ្នំពេញ បច្ចុប្បន្នកំពុងស្ថិតនៅក្នុងដំណាក់កាលសិក្សា ដែលគម្រោងមួយនេះគឺត្រូវបានបញ្ចូលក្នុងផែនការមេក្នុងការអភិវឌ្ឍន៍ហេដ្ឋារចនាសម្ព័ន្ធក្រុងរួចហើយ។ នេះបើយោងតាមប្រសាសន៍របស់ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ និងដឹកជញ្ជូន។ ឯកឧត្តម ស៊ុន ចាន់ថុល បានឱ្យដឹងដូច្នេះ កាលពីព្រឹកថ្ងៃទី២១ ខែកុម្ភៈ ឆ្នាំ២០២០ ក្នុងសន្និសីទសារពត៌មានស្តីពី វឌ្ឍនភាព និងទិសដៅការងារបន្តរបស់ក្រសួងសាធារណការ និងដឹកជញ្ជូន នៅទីស្តីការគណៈរដ្ឋមន្ត្រី ដែលរៀបចំដោយអង្គភាពអ្នកនាំពាក្យរបស់រាជរដ្ឋាភិបាល។ ឯកឧត្តម ស៊ុន ចាន់ថុល បានមានប្រសាសន័ថា ៖ «ទាក់ទងនឹងផ្លូវ Ring Road ទី៤ [ក្រវាត់ក្រុងទី៤]នេះ ខ្ញុំមិនទាន់ដឹងថាគេសិក្សាដល់ណាហើយទេ តែយើងអនុញ្ញាតឱ្យគេសិក្សាហើយ។ តែបើសិក្សាហើយ ក៏ខ្ងុំមិនប្រាប់ដែរ ព្រោះបើប្រាប់ប្រជាជននាំគ្នាទៅទិញដីអស់រលីង បើនាំគ្នាទៅទិញដីច្រើន តម្លៃដីនឹងឡើងថ្លៃ ដូច្នេះចំណាយសាងសង់ក៏អស់ច្រើនទៀតដែរ ហើយច្នឹងមិនប្រាប់ទេ»។ គួរបញ្ជាក់ផងដែរថា បច្ចុប្បន្នទីក្រុងភ្នំពេញមានផ្លូវក្រវ៉ាត់ក្រុងចំនួន២ ដែលកំពុងប្រើប្រាស់ ហើយផ្លូវក្រវ៉ាត់ក្រុងទី ៣ គឺកំពុងសាងសង់ ដែលបានបើកការដ្ឋានសាង់កាលពី១៤ ខែ មករា ឆ្នាំ ២០១៩ កន្លងមកនេះ។ (អានបន្ថែម)
អានបន្ថែម
ថវិកាប្រមាណ ២០០ លានដុល្លារត្រូវបានចំណាយជួសជុលផ្លូវខូចខាតក្នុងមួយឆ្នាំៗ
ក្នុងមួយឆ្នាំៗ ក្រសួងសាធារណៈការ និងដឹកជញ្ជូន ត្រូវចំណាយថវិកាប្រមាណពី ១៥០ លានដុល្លារ ទៅដល់ ២០០លានដុល្លារ ក្នុងមួយឆ្នាំៗ ក្នុងការយកមកជួសជុលថែទាំផ្លូវដែលខូចខាតទូទាំងប្រទេស។ នេះបើយោងតាមប្រសាសន៍របស់ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ និងដឹកជញ្ជូន។ ឯកឧត្តម ស៊ុន ចាន់ថុល បានឱ្យដឹងដូច្នេះ កាលពីព្រឹកថ្ងៃទី២១ ខែកុម្ភៈ ឆ្នាំ២០២០ ក្នុងសន្និសីទសារពត៌មានស្តីពី វឌ្ឍនភាព និងទិសដៅការងារបន្តរបស់ក្រសួងសាធារណការ និងដឹកជញ្ជូន នៅទីស្តីការគណៈរដ្ឋមន្ត្រី ដែលរៀបចំដោយអង្គភាពអ្នកនាំពាក្យរបស់រាជរដ្ឋាភិបាល។ ឯកឧត្តមបានបន្ថែមថា៖ «បើសិនគ្រប់យាន្តយន្តមិនដឹកទំនិញលើសទម្ងន់ដែលកំណត់ដោយច្បាប់ នោះផ្លូវទាំងអស់នឹងមានសភាពស្ថិតស្ថេរយូរអង្វែង ដែលអាចចំណាយតិចជាង២០០លានដុល្លារ ហើយលុយសល់នេះយកទៅកសាងសាលារៀន មន្ទីរពេទ្យជាដើម។ គួរបញ្ជាក់ផងដែរថា ក្នុងប៉ុន្មានឆ្នាំចុងក្រោយនេះ ហេដ្ឋារចនាសម្ព័ន្ធនៅក្នុងប្រទេសកម្ពុជា មានការអភិវឌ្ឍន៍ឥតឈប់ឈរ ដែលជារឿងធម្មតានៅពេលដែលមានផ្លូវច្រើន ការចំណាយសម្រាប់ការជួសជុលផ្លូវក៏កាន់តែច្រើនដែរ។
អានបន្ថែម
ក្រសួងរៀបចំដែនដី ដាក់ឱ្យដំណើរការប្រព័ន្ធពិនិត្យព័ត៌មានសុរិយោដីតាមប្រព័ន្ធ QR Code
ក្រសួងរៀបចំដែនដី នគររូបនីយកម្ម និងសំណង់ បានដាក់ឱ្យដំណើរការប្រព័ន្ធពិនិត្យព័ត៌មានសុរិយោដីតាមរយៈការស្កេន QR Codeនៅលើវិញ្ញាបណ្ណប័ត្រសំគាល់ម្ចាស់អចលនវត្ថុ ដោយប្រើកម្មវិធីលើទូរស័ព្ទដៃស្មាតហ្វូន ព្រមជាមួយនឹងការចេញផ្សាយនូវវីដេអូបង្ហាញពីរបៀប និងដំណាក់កាលក្នុងការត្រួតពិនិត្យផងដែរ។ វីដេអូដែលមានរយៈពេលជាង២នាទី នេះ បង្ហាញពីដំណាក់កាលនីមួយៗ ក្នុងការស្វែងរកព័ត៌មានអំពីសូរិយោដី។ អ្នកប្រើប្រាស់គ្រាន់តែស្កេន នូវ QR Code នៅលើវិញ្ញាបណ្ណប័ត្រសំគាល់អចលនវត្ថុ រួចបន្តតាមនីតិវិធីណែនាំនៅលើទូរស័ព្ទស្មាតហ្វូន។ តាមរយៈទូរស័ព្ទស្មាតហ្វូន លោកអ្នកនឹងអាចដឹងពីព័ត៌មាននៃដី ដូចជា ថ្ងៃខែឆ្នាំធ្វើបច្ចុប្បន្នភាព វិញ្ញាបនបត្រសម្គាល់អចលនវត្ថុលេខ ទីតាំងក្បាលដី លេខក្បាលដី ទំហំដី រូបភាពប្រើប្រាស់ដី លក្ខណៈនៃការប្រើប្រាស់ដី ប្រភេទទ្រព្យ និងម្ចាស់កម្មសិទ្ធិ។ ដោយឡែកក្នុងទំព័រទី ២ នឹងមានព័ត៌មានទាក់ទងនឹងឯកសិទ្ធិ ដូចជាង សិទ្ធិលើការបញ្ចាំ ហ៊ីប៉ូតែក ហ៊ីប៉ូតែកដើម្បីធានាបំណុលអណ្ដែត សិទ្ធិជួលអចិន្រ្តៃយ៍ ផលុបភោគ សេវភាព ការរឹបអូស និងព័ត៌មានជាច្រើនទៀត។ សម្រាប់អ្នកដែលចូលប្រើប្រាស់សេវាកម្មនឹងនឹងត្រូវបង់ប្រាក់ ២០ ០០០ រៀល ដោយការបង់ពីកម្រៃសេវាព័ត៌មានសុរិយោដីនេះ នឹងធ្វើឡើងតាមប្រព័ន្ធអេឡិចត្រូនិក តាមរយៈគ្រឹះស្ថានធានាគារ និងហិរញ្ញវត្ថុដៃគូរបស់ក្រសួងរៀបចំដែនដី មានដូចជា MasterCard, Visa Card […]
អានបន្ថែម
គម្រោងសាងសង់ស្ពានអាកាសថ្មើរជើងផ្សារដើមគរ សម្រេចបាន៨៥% ហើយ
សំណង់ស្ពានអាកាសថ្មើរជើង ត្រង់ចំណុចផ្សារដើមគរ ត្រូវបានស្ថាបនាសាងសង់ បាន៨៥ភាគរយហើយ នៃគម្រោងទាំងមូល បន្ទាប់ពីបើកការដ្ឋានសាងសង់កាលពីចុងឆ្នាំ២០១៩ កន្លងមកនេះ។ រដ្ឋបាលរាជធានីភ្នំពេញ បានឱ្យដឹងថា តួរស្ពាន ដំឡើងដោយគ្រោងដែក មានប្រវែងបណ្តោយ ២៧ម៉ែត្រ និងទទឺង ៣ម៉ែត្រ ត្រូវបានលើកផ្គុំរួចហើយ គិតត្រឹមថ្ងៃទី២០ កុម្ភៈ។ ការដ្ឋានសាងសង់ស្ពានអាកាសថ្មើរជើងនេះ មានទីតាំងត្រង់ភ្លើងស្តុបផ្សារដើមគរ ចំណុចប្រសព្វរវាងមហាវិថីម៉ៅសេទុង និងផ្លូវលេខ៣៣៦ ក្នុងខណ្ឌទួលគោក ហើយគម្រោងនេះត្រូវបានបើកការដ្ឋានសាងសង់កាលពីចុងខែធ្នូ ឆ្នាំ២០១៩ កន្លងមកនេះ។ បើយោងតាមប្រភពដដែល គម្រោងនេះនឹងចំណាយពេល ៦ខែ ដើម្បីបញ្ចប់ការសាងសង់។ ការស្ថាបនាស្ពានអាកាសថ្មើរជើងផ្សារដើមគរនេះ ត្រូវបានធ្វើព្រមគ្នាជាមួយនឹងការស្ថាបនាស្ពានអាកាសថ្មើរជើងនៅត្រង់ចំណុចភ្លើងស្តុប សាលាសន្ធរម៉ុក។ រដ្ឋបាលសាលារាជធានីភ្នំពេញ បញ្ជាក់ថា ការស្ថាបនាស្ពានអាកាសថ្មើរជើងឡើង គឺដើម្បីជួយសម្រួលដល់ប្រជាពលរដ្ឋក្នុងការឆ្លងកាត់ផ្លូវប្រកបដោយសុវត្ថិភាព និងមិនមានការប្រឈមគ្រោះថ្នាក់ណា មួយកើតឡើង។ រដ្ឋបាលរាជធានីភ្នំពេញ ក៏គ្រោងនឹងសាងសង់ស្ពានអាកាសថ្មើរជើងនៅលើផ្លូវផ្សេងៗមួយចំនួនទៀត ជាពិសេសនៅមុខសាលារៀន មន្ទីរពេទ្យ និងផ្សារ ជាដើម ដើម្បីបង្កើនការការពារផ្នែកសុវត្តិភាពជូនប្រជាពលរដ្ឋនៅពេលឆ្លងកាត់ផ្លូវ។ សូមបញ្ជាក់ថា មកដល់ពេលនេះ រាជធានីភ្នំពេញមានស្ពានអាកាសថ្មើរ ជើងចំនួន៣កន្លែងហើយ គឺនៅតំបន់ជម្ពូវ័ន្ត ស្ថិតក្នុងខណ្ឌពោធិសែនជ័យ មានចំនួន២កន្លែង និងនៅចំណុចភ្លើងស្តុបនាងគង្ហីង មានចំនួន១កន្លែង៕
អានបន្ថែម
CDC អនុម័តគម្រោងបង្កើតរោងចក្រសម្ភារសំណង់ ៤ កន្លែងតម្លៃជាង ២៥ លានដុល្លារ
ក្រុមប្រឹក្សាអភិវឌ្ឍន៏កម្ពុជា (CDC) កាលពីពេលថ្មីនេះ បានសម្រេចចេញ វិញ្ញាបនប័ត្រចុះបញ្ជីជាស្ថាពរជូនដល់ក្រុមហ៊ុនចំនួន ៤ ក្នុងការវិនិយោគលើទឹកប្រាក់ជាង ២៥ លានដុល្លារ សាងសង់រោងចក្រសម្ភារសំណង់នៅខេត្តព្រះសីហនុ និងស្វាយរៀង ដែលគម្រោងទាំង៤ នេះ នឹងជួយបង្កើតការងារជាង ១០០០ កន្លែងដល់ប្រជាជនក្នុងតំបន់។ ក្រុមហ៊ុនទាំង ៤ នោះរួមមាន ក្រុមហ៊ុន Kaining Metal Product (Cambodia) Co.,Ltd ក្រុមហ៊ុន Hong Yao Cable & Wire (Cambodia) Co.,Ltd ក្រុមហ៊ុន Run Yang & Run Jie (Cambodia) Logistic Safety Equipment Manufacturing Co.,Ltd និងក្រុមហ៊ុន Cambodian Saiban Wood Co.,Ltd។ សម្រាប់ក្រុមហ៊ុន Kaining Metal Product (Cambodia) […]
អានបន្ថែម
ក្រសួងរ៉ែ៖ គ្មានខ្សាច់សូម្បីមួយគ្រាប់នាំចេញទៅក្រៅប្រទេស ចាប់តាំងពីឆ្នាំ២០១៧
ក្រសួងរ៉ែ និងថាមពល បានអះអាងថា ប្រទេសកម្ពុជាពុំបាននាំចេញខ្សាច់ទៅក្រៅប្រទេសទេ សូម្បីតែមួយម៉ែត្រគូប ចាប់ដឹងពីឆ្នាំ២០១៧ មកម៉្លេះ ដោយការបូមខ្សាច់ទាំងអស់ គឺប្រើសម្រាប់តែការសាងសង់នៅក្នុងស្រុកតែប៉ុណ្ណោះ។ នេះបើយោងតាមការឆ្លើយតបរបស់ក្រសួងទៅនឹងរបាយការណ៍របស់ The Science Times ស្ដីពីការបូមខ្សាច់លើសកំណត់ដែលអាចបង្កឲ្យមានការបាក់ច្រាំងតាមដងទន្លេមេគង្គ។ លោក អ៊ឹង ឌីប៉ូឡា អគ្គនាយករងនៃអគ្គនាយកដ្ឋានធនធានរ៉ែ បញ្ជាក់ជាមួយទស្សនាវដ្ដីសំណង់ និងអចលនទ្រព្យថា សកម្មភាពបូមខ្សាច់នៅកម្ពុជា គឺនៅមានកម្រិតទាបនៅឡើយ ហើយស្ថិតក្រោមការគ្រប់គ្រងតាមបទដ្ឋានបច្ចេកទេសយ៉ាងហ្មត់ចត់ និងត្រឹមត្រូវ។ (អានបន្ថែម) លោកបានបន្ថែមទៀតថា៖ «ប្រហែលជា៤ ទៅ៥ ឆ្នាំ មុន ប្រទេសកម្ពុជាបាននាំចេញខ្សាច់ទៅក្រៅប្រទេស តែពេលនេះបានបិទដំណើរការមិនឱ្យនាំចេញអស់ហើយ។ ការបិទអាជ្ញាប័ណ្ណអាជីវកម្មទាំងអស់នេះ គឺដោយសារការបូមខ្សាច់តាមដងស្ទឹងនៅក្នុងខេត្តកោះកុងដែលប៉ះពាល់យ៉ាងខ្លាំងដល់ជីវៈចំរុះ ក៏ដូចជាបង្កឱ្យមានការបាក់ច្រាំងដងស្ទឹងកាន់តែធំផងដែរ »។ «ដូច្នេះទើប ក្រសួងបានសម្រេចបិទអាជ្ញាបណ្ណធ្វើអាជីវកម្មនាំចេញខ្សាច់ទៅក្រៅប្រទេសទាំងអស់នោះ។» លោក បានបញ្ជាក់ទៀតថា បច្ចុប្បន្នខ្សាច់ដែរបូមប្រើសម្រាប់តែការសាងសង់នៅក្នុងស្រុកតែប៉ុណ្ណោះ ជាពិសេសសម្រាប់វិស័យសំណង់ដែលកំពុងតែមានសន្ទុះឥតឈប់ឈរ។ លោក អ៊ឹង ឌីប៉ូឡា៖ «ខ្សាច់គឺជាធនធានដែលប្រើប្រាស់ច្រើនបំផុតទី២ នៅលើពិភពលោក បន្ទាប់ពីទឹក វាគឺមានសារៈសំខាន់ណាស់សម្រាប់ការអភិវឌ្ឍប្រទេសជាតិ ជាពិសេសហេដ្ឋារចនាសម្ព័ន្ធដូចជាផ្លូវ ស្ពាន លំនៅដ្ឋាន រួមបញ្ចូលទៅដល់អគារខ្ពស់ៗនៅទីក្រុងភ្នំពេញសព្ធថ្ងៃ បើមិនមានខ្សាច់ទេ យើងក៏មិនមានហេដ្ឋារចនាសម្ព័ន្ធទាំងនោះដែរ»។ […]
អានបន្ថែម
អូស្ត្រាលីនឹងជួយពង្រឹងវិស័យសុវត្ថិភាពសំណង់នៅកម្ពុជា
រដ្ឋាភិបាលអូស្ត្រាលី បេជ្ញានឹងជួយពង្រឹងវិស័យសុវត្ថិភាពសំណង់នៅកម្ពុជា ដោយនឹងបញ្ជូនមន្ត្រីពាក់ព័ន្ធចំនួន ២១ នាក់ ទៅសិក្សាបន្ថែមទាក់ទងនឹងស្តង់ដាសុវត្ថិភាពសំណង់ នៅប្រទេសប្រទេសអូស្ត្រាលី នៅខែមីនាខាងមុខនេះ។ រដ្ឋាភិបាលអូស្ត្រាលី បានឱ្យដឹងដូច្នេះក្នុងជំនួបសម្តែងការគួរសមរវាង ឯកឧត្ដម Pablo Kang ឯកអគ្គរដ្ឋទូតអូស្ត្រាលី ប្រចាំនៅព្រះរាជាណាចក្រកម្ពុជា និង ឯកឧត្ដម ជា សុផារ៉ា ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ កាលពីថ្ងៃទី៧ កុម្ភៈ កន្លងទៅនេះ។ ក្នុងជំនួបនេះ ឯកឧត្ដម Pablo Kang ឯកអគ្គរដ្ឋទូតអូស្ត្រាលី បានលើកឡើងថា រដ្ឋាភិបាលអូស្រ្តាលីតែងតែគាំទ្រលើវិស័យសំណង់ ជាពិសេសទាក់ទងនឹងសុវត្ថិភាព ជានិច្ចកន្លងមក ឧទាហរណ៍ដូចជាការបញ្ជូនសិក្ខាកាមទៅកាន់ប្រទេសអូស្ត្រាលី ដើម្បីទទួលការបណ្តុះបណ្តាលដើម្បីទទួលបានការយល់ដឹងបន្ថែមពាក់ព័ន្ធនឹងវិស័យសុវត្ថិភាពសំណង់នេះ ជាដើម។ សម្រាប់សិក្ខាកាមដែលនឹងត្រូវបានទៅសិក្សាបន្ថែមនៅប្រទេសអូស្ត្រាលីនៅខែមីនា ខាងមុខនេះ រួមមាន មន្ត្រីរាជការពីក្រសួងរៀបចំដែនដី ចំនួន ១១នាក់ ព្រមទាំងសិក្ខាកាមពីស្ថាប័ន ដែលជាប់ពាក់ព័ន្ធមួយចំនួន ដូចជាក្រសួងបរិស្ថាន ក៏ដូចជាមន្រ្តីអង្គការក្រៅរដ្ឋាភិបាល សរុប ២១នាក់។ សិក្ខាកាមនឹងទៅសិក្សានៅឯសាកលវិទ្យាល័យ The University of Queensland ប្រទេសអូស្ត្រាលី […]
អានបន្ថែម
ឆ្នេររាមនឹងក្លាយជាតំបន់អភិវឌ្ឍន៍ទេសចរណ៍ដ៏ធំមហិមាតម្លៃ ១៦ ពាន់លានដុល្លារ
ឃុំរាម ឬ ស្គាល់ជាទូទៅថាឆ្នេរសមុទ្ររាម នៃខេត្តព្រះសីហុនគ្រោងនឹងផ្លាស់ប្ដូរមុខមាត់ថ្មីទៅជា តំបន់អភិវឌ្ឍន៍ទេសចរណ៍ដ៏ធំមហិមាមួយ លាតសន្ធឹងលើផ្ទៃដីជាង ៨០០ ហិកតា ក្រោមទុនវិនិយោគប្រមាណ ១៦ ពាន់លានដុល្លារ។ នេះបើយោងតាមក្រសួងរៀបចំដែនដី នគរូបនីយកម្ម និងសំណង់។ ការប្រកាសឱ្យដឹងពីគម្រោងនេះធ្វើឡើងក្នុងកិច្ចប្រជុំរវាង ក្រសួងរៀបចំដែនដី នគរូបនីយកម្ម និងសំណង់ និងអន្តរក្រសួង ក្រោមអធិបតីភាពរបស់ ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី ១៤ កុម្ភៈ កន្លងមកនេះ។ គម្រោងនេះ មានឈ្មោះថា ‘ទីក្រុងរាម’ ដែលស្នើដោយក្រុមហ៊ុន ខានូពីស៊ែន ឌីវេឡុបមិន ឯ.ក (Canopy Sands Development Co., Ltd)។ ក្រុមហ៊ុននឹងអភិវឌ្ឍផ្ទៃដីកម្មសិទ្ធរបស់ខ្លួនទំហំ ៨៣៤ ហិកតា ទៅជា សណ្ឋាគារ ភោជនីយដ្ឋាន រមណីយដ្ឋាន អគារស្នាក់នៅ សាលប្រជុំ សាលសន្និសិទ មជ្ឈមណ្ឌលពាណិជ្ជកម្មនិងហិរញ្ញវត្ថុ មជ្ឈមណ្ឌលកីឡា […]
អានបន្ថែម