ព័ត៌មានក្នុងស្រុក
បច្ចេកវិទ្យាថែទាំផ្លូវថ្មី Cold In-Place Recycling ត្រូវបានណែនាំដល់កម្ពុជាដល់កម្ពុជា
បច្ចេកវិទ្យាថែទាំផ្លូវថ្មីឈ្មោះថា Cold In-Place Recycling ត្រូវបានណែនាំដល់ប្រទេសកម្ពុជាតាមរយៈសិក្ខាសាលារយៈពេលមួយថ្ងៃដែលធ្វើឡើងនៅឯក្រសួងសាធារណការ និង ដឹកជញ្ជូន កាលពីថ្ងៃទី ០១ ខែសីហា ដែលមានអ្នកចូលរួមជាច្រើននាក់។ ស្របពេលដែលប្រទេសកម្ពុជាកំពុងធ្វើយុទ្ធនាការដើម្បីលើកកម្ពស់គុណភាពផ្លូវរបស់ខ្លួន បច្ចេកវិទ្យាថ្មីនេះ នឹងជួយថែទាំផ្លូវឲ្យល្អប្រសើរជាងមុន និងអាចសន្សំសំចៃថវិកាសម្រាប់ប្រទេសកម្ពុជា។ ថ្លែងបន្ទាប់ពីបញ្ចប់សិក្ខាសាលាដែលត្រូវបានសហការរៀបចំឡើងដោយក្រុមហ៊ុនគ្រឿងចក្រ Wirtgen Group ក្រុមហ៊ុនឯកទេសផ្នែកគ្រឿងចក្រក្នុងតំបន់អាស៊ី Multico និងក្រសួងសាធារណការ និង ដឹកជញ្ជូន លោក សាស្រ្តា ចារ្យ Kim Jenkins មកពីសាកលវិទ្យាល័យ University of Stellenbosch ដែលជាវាគ្មិនក្នុងសិក្ខាសាលាខាងលើ បានពន្យល់ពីរបៀបដែលប្រទេសកម្ពុជាអាចប្រើប្រាស់បច្ចេកវិទ្យានេះដើម្បីធ្វើឱ្យប្រសើរឡើងនូវគុណភាពផ្លូវរបស់ខ្លួន។ យោងតាមការពន្យល់របស់លោក Kim បច្ចេកវិទ្យា Cold In-Place Recycling គឺជាការយកស្រទាប់ផ្លូវចាស់មកប្រើប្រាស់ឡើងវិញ ហើយធ្វើឲ្យប្រសើរឡើងនូវគុណភាពស្រទាប់ទាំងនោះ ដើម្បីអាចឲ្យផ្លូវល្អជាងមុន។ លោក Kim ថ្លែងថា៖ «ការកែច្នៃឡើងវិញមានន័យថា អ្នកមិនយកស្រទាប់ចាស់នៃផ្លូវចេញទេ តែអ្នកជួសជុលស្រទាប់ចាស់ដែលនៅខាងក្នុងផ្លូវ ពោលគឺអ្នកធ្វើវាឲ្យប្រសើរឡើង។ មុនពេលជួសជុល យើងយកគំរូពីផ្លូវចាស់មកធ្វើតេសថាវាមានប្រសិទ្ធភាពប្រើបានក្នុងកម្រិតណា ក្រោយមកគឺយើងនឹងជួសជុលផ្លូវនោះតាមលទ្ធផលនៃការធ្វើតេស»។ លោកបន្តទៀតថា៖ «បន្ទាប់មកគឺយើងត្រូវត្រៀមឧបករណ៍ […]
អានបន្ថែម
ក្រុមហ៊ុន Morgan Group បើកការសាងសង់គម្រោងពហុមុខងារដ៏ធំរបស់ខ្លួនក្នុងខេត្តព្រះសីហនុ
ក្រុមហ៊ុនអភិវឌ្ឍន៍ដែលមានមូលដ្ឋាននៅប្រទេសចិន Morgan Group កាលពីថ្ងៃទី ៣១ ខែកក្កដា បានចាប់ផ្តើមសាងសង់គម្រោងពហុមុខងារដ៏ធំរបស់ខ្លួននៅខេត្តព្រះសីហនុ ស្របពេលដែលខេត្តមួយនេះកំពុងមានការវិនិយោគយ៉ាងគំហុក។ ជាមួយនឹងការមិនបញ្ចេញដើមទុនវិនិយោគ ក្រុមហ៊ុន Ever Asend Development Co.Ltd ដែលជាក្រុមហ៊ុនមួយរបស់ក្រុមហ៊ុនអភិវឌ្ឍន៍ Morgan Group បានចាប់ផ្តើមសាងសង់គម្រោងពហុមុខងាររបស់ខ្លួនដែលមានឈ្មោះថា Morgan The Pure Bay នៅលើផ្ទៃក្រឡាសំណង់ប្រមាណជា ៤៥ម៉ឺនម៉ែត្រការ៉េ។ លាតសន្ធឹងលើផ្ទៃដី ៣,២ ហិកតានៅតាមបណ្តោយឆ្នេរអូត្រេស គម្រោងកម្ពស់ ៣៥ ជាន់នេះ នឹងមានខុនដូទំហំ ២៧ម៉ឺនម៉ែត្រការ៉េបែរទៅមាត់សមុទ្រ បន្ទប់ប្រណីតចំនួន ៣ ម៉ឺនម៉ែត្រការ៉េ ក្លឹបVIP ភោជនីយដ្ឋានលំដាប់ប្រណីត ក៏ដូចជាកន្លែងហាត់ប្រាណលំដាប់អន្តរជាតិ។ ឯកឧត្តម ជា សុផារ៉ា ឧបនាយករដ្ឋមន្រ្តី និងរដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ដែលបានអញ្ជើញជាអធិបតីក្នុងពិធីបើកការដ្ឋានសាងសង់ បានស្វាគមន៍ចំពោះការវិនិយោគនេះ ដោយក្នុងនោះឯកឧត្តមបានលើកឡើងថា គម្រោងដ៏ធំបែបនេះ នឹងផ្តល់អត្ថប្រយោជន៍យ៉ាងច្រើនដល់ការអភិវឌ្ឍវិស័យសំណង់ និងអចលនទ្រព្យ។ ឯកឧត្តមថ្លែងថា៖ «រាជរដ្ឋាភិបាលកម្ពុជាបានបើកច្រកទាំងអស់ ដើម្បីទទួលអ្នកវិនិយោគពីគ្រប់ទិសទីដែលចង់មកបណ្ដាក់ទុននៅប្រទេសកម្ពុជា ប៉ុន្តែ […]
អានបន្ថែម
គម្រោងតម្លៃជាង ២១,២លានដុល្លារអាមេរិកត្រូវបានអនុម័តនៅទូទាំងខេត្តចំនួន ៣
ក្រុមប្រឹក្សាអភិវឌ្ឍន៍កម្ពុជាឬហៅកាត់ថា CDC កាលពីថ្ងៃទី ៣១ ខែកក្កដាបានអនុម័តគម្រោងវិនិយោគចំនួន ៤ នៅទូទាំងខេត្តចំនួន ៣ ដែលមានទឹកប្រាក់វិនិយោគសរុបប្រមាណជាង ២១,២លានដុល្លារអាមេរិក ដែលនឹងបន្ថែមការងារដល់ទៅជាង ១៥០០ កន្លែងទៅក្នុងទីផ្សារ។ ក្រុមហ៊ុនThe Prestige Hospital Co., Ltd. ត្រូវបានអនុញ្ញាតឱ្យសាងសង់មន្ទីរពេទ្យលំដាប់ពិភពលោក ដែលមានគ្រែសម្រាកព្យាបាលចំនួន ១០០គ្រែ ស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ជាមួយនឹងទុនវិនិយោគប្រមាណជា ៧លានដុល្លារអាមេរិក គម្រោងនេះអាចបង្កើតការងារបានរហូតដល់ ៣៤៤ កន្លែង។ ក្រុមហ៊ុន New East Solar Energy (Cambodia) Co., Ltd. ក៏ត្រូវបានផ្តល់ភ្លើងខៀវសម្រាប់គម្រោងបង្កើតរោងចក្រផ្គុំដំឡើងបន្ទះសូឡាដែលមានតម្លៃប្រមាណជា ៦.៥ លានដុល្លារអាមេរិក ស្ថិតក្នុងខណ្ឌពោធិ៍សែនជ័យ រាជធានីភ្នំពេញ ដែលនឹងបង្កើតការងារបានប្រមាណជា ២២០កន្លែង។ ចំណែកក្រុមហ៊ុនទី៣ Cambodia Jingu New Building Materials Co., Ltd. ក៏ត្រូវបានអនុញ្ញាតឱ្យបង្កើតរោងចក្រផលិតឥដ្ឋគ្រប់ប្រភេទ ក្នុងទំហំទឹកប្រាក់ប្រមាណជា ៤ […]
អានបន្ថែម
សម្តេចតេជោ ហ៊ុន សែនប្រាប់ឲ្យក្រសួងរៀបចំដែនដីពិនិត្យមើលដំណើរការសុំច្បាប់សាងសង់ឡើងវិញ
ជាការឆ្លើយតបទៅនឹងការត្អូញត្អែរអំពីដំណើរការយឺតយ៉ាវក្នុងការទទួលបានលិខិតអនុញ្ញាត សាងសង់ នាយករដ្ឋមន្ត្រី សម្តេចតេជោ ហ៊ុន សែន កាលពីថ្ងៃទី ២៩ ខែកក្កដា បានប្រាប់ឲ្យ ក្រសួងរៀបចំដែនដី នគរូបនីយកម្ម និងសំណង់ ពិនិត្យមើលដំណើរការសុំលិខិតអនុញ្ញាតការសាងសង់នេះឡើងវិញ។ សម្តេចតេជោ ហ៊ុន សែនបានថ្លែងក្នុងកម្មវិធីចុះពិនិត្យការសាងសង់ពហុកីឡដ្ឋានជាតិមរតកតេជោថា៖ «កន្លែងខ្លះ សាងសង់អត់ច្បាប់បណ្តាលមកពីមន្ត្រីមិនព្រមអនុម័ត [លិខិតអនុញ្ញាត្តសាងសង់] ឲ្យគេ អញ្ចឹងត្រូវពិនិត្យផងដែរនៅពេលខាងមុខ»។ ការលើកឡើងរបស់សម្តេចតេជោ ហ៊ុន សែន ខាងលើនេះ គឺធ្វើឡើងបន្ទាប់ពីមន្ត្រីសុរិយោដីចំនួន ៣ រូបក្នុងខេត្តពោធិ៍សាត់ ត្រូវបានចាប់ខ្លួនពីបទពុករលួយពាក់ព័ន្ធនឹងការបដិសេធមិនផ្តល់លិខិតអនុញ្ញាតសាងសង់ដល់ម្ចាស់សំណើ។ ទន្ទឹមជាមួយនឹងការរំលឹកអំពីការដួលរលំអគារនៅខេត្តព្រះសីហនុដែលបានបណ្តាលឲ្យមានមនុស្សស្លាប់និងរបួសជាច្រើននាក់ដោយសារកង្វះបច្ចេកទេសសំណង់ និងគ្មានលិខិតអនុញ្ញាតសាងសង់ សម្តេចតេជោ ហ៊ុន សែន បានឱ្យក្រសួងរៀបចំដែនដី នគរូបនីយកម្ម និងសំណង់ពិនិត្យមើលការងារនេះឡើងវិញ។ សម្តេចថ្លែងថា៖ «កន្លែងដែលអត់ច្បាប់ សួរថាទៅស្រាវជ្រាវមើលកន្លែងដែលអត់ច្បាប់ តើគេមានបានសុំច្បាប់យើងដែរឬអត់» ហើយក៏បានសង្កត់ទៀតថា «សំណង់អត់ច្បាប់ បើគេបានសុំច្បាប់ យើងមិនបានឆ្លើយទេ ហើយគេបែរជាសាងសង់ ហ្នឹងគឺមានចំណែកខុសពីយើង ដែលយើងមិនបានឆ្លើយតបពីគេ[ពេល]សុំច្បាប់។ យោងតាមរបាយការណ៍ធនាគារពិភពលោកស្តីអំពីការធ្វើធុរកិច្ចក្នុងឆ្នាំ២០១៩ ការដោះស្រាយការងារពាក់ពន្ធ័នឹងលិខិតអនុញ្ញាតសាងសង់នៅកម្ពុជា គឺត្រូវឆ្លងកាត់នីតិវិធីចំនួន ២០ នីតិវិធី ហើយចំណាយពេលរហូតដល់ […]
អានបន្ថែម
CDC អនុម័តគម្រោងរោងចក្រសម្ភារសំណង់តម្លៃជាង៣៦លានដុល្លារនៅខេត្តព្រះសីហនុ
ក្រុមប្រឹក្សាអភិវឌ្ឍន៍កម្ពុជា ឬហៅកាត់ថា CDCកាលពីថ្ងៃទី ២៩ ខែកក្កដា បានអនុម័តគម្រោងវិនិយោគលើការបង្កើតរោងចក្រផលិតសម្ភារសំណង់ចំនួន ៦ កន្លែងនៅខេត្តព្រះសីហនុ ដែលមានទឹកប្រាក់វិនិយោគសរុបប្រមាណជាង ៣៦ លានដុល្លារអាមេរិក។ ដោយមានទីតាំងស្ថិតក្នុងតំបន់សេដ្ឋកិច្ចពិសេសក្រុងព្រះសីហនុ គម្រោងសរុបចំនួន ៦ខាងលើនេះ រំពឹងថានឹងបង្កើតការងារបានចំនួន ១,៨៣៨ កន្លែងដោយប្រើប្រាស់ទុនវិនិយោគសរុបចំនួន ៣៦,២ លានដុល្លារអាមេរិក។ ក្នុងនោះ ក្រុមហ៊ុន TB Flooring (Cambodia) Co.,Ltd បានទទួលការអនុញ្ញាតលើគម្រោងបង្កើតរោងចក្រផលិតក្តារប៉ាកេ និងក្តារបន្ទះ ក្រោមទុនវិនិយោគប្រមាណជា ១៥លាន ដុល្លារអាមេរិក និងអាចបង្កើតការងារបានចំនួន ៤០៣ កន្លែង។ ក្រុមហ៊ុន Ecotrend (Cambodia) New Building Materials Development Co.,Ltd, ឯណោះវិញ ក៏ត្រូវបានផ្តល់សិទ្ធិឱ្យសាងសង់រោងចក្រផលិតគ្រឿងបង្គុំសាងសង់ផ្ទះ និងសម្ភារសំណង់ក្រោមទុនវិនិយោគប្រមាណជា៦លានដុល្លារអាមេរិក និងអាចបង្កើតការងារបានចំនួន ៥០ កន្លែង។ ចំណែកឯក្រុមហ៊ុន Cambodia Golden Coast Wood Products Co.,Ltd ក៏បានទទួលការអនុញ្ញាតឲ្យបង្កើតរោងចក្រផលិតទូដាក់ឥវ៉ាន់ […]
អានបន្ថែម
តម្រូវការសម្រាប់ការអភិវឌ្ឍន៍ឧស្សាហកម្មកើនឡើងស្របពេលក្រុមហ៊ុនផលិតរបស់ចិនធ្វើការផ្លាស់ប្តូរផលិតកម្មទៅក្រៅប្រទេស
តំបន់ឧស្សាហកម្មជាច្រើនបានរាយការណ៍ថា តម្រូវការបានកើនឡើងពីក្រុមហ៊ុនផលិតរបស់ចិន ដែលកំពុងសម្លឹងរកការប្តូរទីលំនៅមកកម្ពុជា ដោយសារសង្គ្រាមពាណិជ្ជកម្មរវាងសហរដ្ឋអាមេរិក និងចិនដែលបានធ្វើឱ្យផលិតផលដែលផលិតនៅក្នុងប្រទេសចិនមានតម្លៃពន្ធខ្ពស់។ ជាលទ្ធផល ក្រុមហ៊ុនអភិវឌ្ឍន៍ឧស្សាហកម្មកំពុងស្វែងរកព័ត៌មានពីក្រុមហ៊ុនចិនដែលចង់ប្តូរមូលដ្ឋានផលិតកម្មរបស់ខ្លួនពីប្រទេសចិនទៅកាន់អាស៊ីអាគ្នេយ៍និងប្រទេសកម្ពុជា បានក្លាយទៅជាគោលដៅមួយសម្រាប់ផែនការតាំងទីតាំងថ្មីរបស់ពួកគេ។ ក្នុងចំណោមបណ្តាប្រទេសអាស៊ីអាគ្នេយ៍ វៀតណាមគឺជាប្រទេសដែលទទួលបានអត្ថប្រយោជន៍ធំបំផុតពីការផ្លាស់ប្តូរទីតាំងរបស់ក្រុមហ៊ុនផលិតរបស់ប្រទេសចិនប៉ុន្តែ ប្រទេសកម្ពុជាក៏ទទួលផលប្រយោជន៍ផងដែរ។ ជាមួយនឹងការកើនឡើងនៃតម្លៃពលកម្ម និងការបង្កើនបទបញ្ជានៅក្នុងប្រទេសចិន បណ្តាប្រទេសនៅអាស៊ីអាគ្នេយ៍កំពុងក្លាយជាមជ្ឈមណ្ឌលផលិតកម្ម និងប្រុងប្រៀបត្រៀមខ្លួនដើម្បីបន្តធ្វើការងារនេះ ដូច្នេះប្រទេសភាគច្រើន រួមទាំងប្រទេសកម្ពុជា មានគុណសម្បត្តិក្នុងការក្លាយជាទីតាំងភូមិសាស្រ្តដែលនៅជិតប្រទេសចិន និងមានកំរៃផលិតកម្ម (រួមទាំងប្រាក់ឈ្នួលទាប និងប្រជាជនវ័យក្មេង) ។ នេះបានទាក់ទាញក្រុមហ៊ុនពហុជាតិក៏ដូចជាក្រុមហ៊ុនផលិតរបស់ចិនដើម្បីប្តូរទីតាំងរោងចក្រផលិតទៅតំបន់អាស៊ីអាគ្នេយ៍ ដែលអាចឱ្យពួកគេបម្រើទីផ្សារចិនក្នុងស្រុកដ៏ធំសម្បើម និងកាត់បន្ថយការចំណាយថ្លៃផលិត។ ក្នុងរយៈពេលប៉ុន្មានឆ្នាំកន្លងមកនេះ ប្រទេសចិនគឺជាប្រភពវិនិយោគផ្ទាល់ពីបរទេសដ៏ធំបំផុតនៅក្នុងវិស័យផលិតកម្មនៅក្នុងប្រទេសកម្ពុជា និងអចលនទ្រព្យឧស្សាហកម្មមួយចំនួន។ ការវិនិយោគដោយផ្ទាល់ពីបរទេសក្នុងវិស័យផលិតកម្មរបស់កម្ពុជាកំពុងកើនឡើងមុនពេលសង្រ្គាមពាណិជ្ជកម្មបានកើតឡើង ហើយឥឡូវនេះ កំពុងឃើញមានការចូលរួមកាន់តែច្រើនពីប្រទេសចិន។ លើសពីនេះទៀត តម្រូវការអាចនឹងកើនឡើងបន្ថែមទៀត ប្រសិនបើពន្ធគយរបស់សហរដ្ឋអាមេរិកជំរុញឲ្យក្រុមហ៊ុនផលិតចេញពីប្រទេសចិនបន្ថែមទៀត។ នេះអាចនឹងជាមូលដ្ឋានសម្រាប់កំណើនកាន់តែច្រើន និងជួយប្រទេសកម្ពុជាឱ្យក្លាយជាគោលដៅវិនិយោគដ៏ទាក់ទាញមួយសម្រាប់ឧស្សាហកម្មផលិតកម្ម។ ទោះបីជាសង្រ្គាមពាណិជ្ជកម្មកំពុងជួយជំរុញឲ្យមានការវិនិយោគនៅក្នុងតំបន់អាស៊ីអាគ្នេយ៍ក្តី ក៏កត្តាជាច្រើនដូចជាកំណើនតម្លៃពលកម្មនៅក្នុងប្រទេសចិន និងការធ្វើពិពិធកម្មយ៉ាងទូលំទូលាយនៃការផលិតរបស់ចិន ដើម្បីកាត់បន្ថយហានិភ័យនាពេលអនាគតជាដើម នឹងក្លាយជាគន្លឹះក្នុងការកំណត់កំណើននៃការវិនិយោគលើអចលនទ្រព្យឧស្សាហកម្ម។ ជាមួយនឹងគុណសម្បត្តិដែលបង្កើតឡើងដោយការអភិវឌ្ឍន៍ សេដ្ឋកិច្ច និងសង្គម និងគោលនយោបាយដោយរាជរដ្ឋាភិបាលកម្ពុជា ទីផ្សារអចលនទ្រព្យឧស្សាហកម្មកំពុងទទួលបានឱកាសកាន់តែច្រើនក្នុងការអភិវឌ្ឍន៍។ ដើម្បីលើកកម្ពស់បន្ថែមទៀតនូវភាពទាក់ទាញនៃតំបន់ឧស្សាហកម្ម គ្រប់តំបន់ឧស្សាហកម្មនានានៅកម្ពុជាគួរតែផ្សារភ្ជាប់ជាមួយនឹងការអភិវឌ្ឍន៍ហេដ្ឋារចនាសម្ព័ន្ធដឹកជញ្ជូន និងនគរូបនីយកម្មឆ្ពោះទៅរកការអភិវឌ្ឍន៍ប្រកបដោយនិរន្តរភាព ជាមួយនឹងការរៀបចំផែនការ ការតភ្ជាប់ និងការធ្វើសមកាលកម្មដែលមានលក្ខណៈជាប្រព័ន្ធដើម្បីធានានិរន្តរភាពនៃការអភិវឌ្ឍន៍ និងការប្រកួតប្រជែងនៃតំបន់ឧស្សាហកម្មនាពេលអនាគត។ លើសពីនេះទៀត បទបញ្ជាសម្រាប់ការវិនិយោគ […]
អានបន្ថែម
ក្រសួងនឹងផ្តោតលើការងារសំណង់និងអចលនទ្រព្យតាមរយៈកម្មវិធីអង្គការសហប្រជាជាតិ
ក្រសួងការងារ និងបណ្ដុះបណ្ដាលវិជ្ជាជីវៈ នឹងជំរុញការផ្តោតការយកចិត្តទុកដាក់ទៅលើការនាំយកឱកាសការងារសមរម្យ និងការងារប្រកបដោយផលិតភាពជាងមុនដល់យុវជនកម្ពុជា ក្នុងវិស័យសំណង់ និងអចលនទ្រព្យ តាមរយៈកម្មវិធីរួមគ្នាថ្មីមួយជាមួយនឹងអង្គការសហប្រជាជាតិ។ ក្រសួងការងារ និងអង្គការសហប្រជាជាតិកាលពីថ្ងៃទី ២៥ ខែកក្កដា បានព្រមព្រៀងបន្តអនុវត្តគម្រោង «រួមគ្នាដើម្បីមុខរបរ និងការងាររបស់យុវជននៅកម្ពុជា» សម្រាប់រយៈពេល ៥ ឆ្នាំ ចាប់ពីឆ្នាំ ២០២០ ដល់ឆ្នាំ ២០២៤ បន្ទាប់ពីកម្មវិធីនេះ ត្រូវបានដាក់ឱ្យដំណើរការនៅឆ្នាំ ២០១៧ ។ កម្មវិធីនេះមានគោលបំណងអនុញ្ញាតឱ្យយុវជនកាន់តែទទួលបានឱកាសការងារសមរម្យ និងប្រកបដោយផលិតភាពជាងមុន ដែលជាការឆ្លើយតបទៅនឹងតម្រូវការទីផ្សារ។ ជាមួយនឹងកម្មវិធីការងាររួមគ្នានេះដែរ ឯកឧត្តមបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈបានអំពាវនាវឱ្យមានការផ្តោតការយកចិត្តទុកដាក់ទៅលើវិស័យសំខាន់ៗដែលកំពុងជំរុញទីផ្សារការងារនៅកម្ពុជា។ ឯកឧត្តមបានថ្លែងនៅលើទំព័រហ្វ៊េសប៊ុកក្រសួងការងារថា៖ «បច្ចុប្បន្ន កម្ពុជាបានលេចឡើងនូវកំណើនការងារលើវិស័យមួយចំនួន ដូចជា សំណង់ ទេសចរណ៍ សហគ្រិនភាព អចលនទ្រព្យ កសិឧស្សាហកម្ម ដែលទាមទារឱ្យការអនុវត្តគម្រោងថ្មីនេះ ត្រូវផ្ដោតយ៉ាងសំខាន់ទៅលើវិស័យទាំងនេះសម្រាប់យុវជន»។ ជាមួយនឹងកំណើនវិនិយោគយ៉ាងសន្ធឹកសន្ធាប់ជារៀងរាល់ឆ្នាំ ទិន្នន័យពីក្រសួងរៀបចំដែនដី នគរូបនីយកម្ម និងសំណង់បានបង្ហាញថា វិស័យសំណង់តែមួយបានផ្តល់ការងារដល់កម្មករពីចន្លោះ ៦៩ ៤០០ ទៅ ៦៩ ៥០០ […]
អានបន្ថែម
ក្រសួងសាធារណការកំពុងសិក្សារកទីតាំងសាងសង់ស្ពានតភ្ជាប់ខេត្តក្រចេះ-កំពង់ធំ
ក្រសួងសាធារណការ និងដឹកជញ្ជូនកាលពីថ្ងៃទី ២៣ ខែកក្កដា បានចុះសិក្សាស្វែងរកទីតាំងដើម្បីសាងសង់ស្ពានតភ្ជាប់ពីខេត្តក្រចេះទៅកាន់ខេត្តកំពង់ធំដែលនឹងជួយចូលរួមចំណែកយ៉ាងខ្លាំងដល់វិស័យដឹកជញ្ជូននៅកម្ពុជា។ ថ្លែងក្នុងកិច្ចសម្ភាសន៍បន្ទាប់ពីចុះត្រួតពិនិត្យពីស្ថានភាពផ្លូវលេខ៧ ខេត្តស្ទឹងត្រែង-ក្រចេះ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូនបានមានប្រសាសន៍ថា ក្រសួងកំពុងស្វែងរកទីតាំងអំណោយផលណាមួយសម្រាប់សាងសង់ស្ពានឆ្លងកាត់ទន្លេមេគង្គដោយតភ្ជាប់ខេត្តក្រចេះទៅកាន់ខេត្តកំពង់ធំ។ តាមការបញ្ជាក់របស់ ឯកឧត្តម ស៊ុន ចាន់ថុល ស្ពានមួយខ្សែនេះមានប្រវែង ១,៧៦១ ម៉ែត្រដែលនឹងត្រូវសាងសង់ឡើងក្រោមថវិកាកម្ចីសម្បទានពីសាធារណរដ្ឋប្រជាមានិតចិនដោយប្រើប្រាស់រយៈពេលចន្លោះពី ២ ទៅ ៣ ឆ្នាំ ក្នុងការសាងសង់។ គម្រោងនេះ គឺស្ថិតក្រោមគម្រោងអភិវឌ្ឍន៍សម្រាប់ឆ្នាំ ២០២០ ដោយឡែក ចំពោះការចាប់ផ្តើមសាងសង់វិញ ឯកឧត្តម ស៊ុន ចាន់ថុល បញ្ជាក់ថា គម្រោងនេះនឹងមិនអាចបើកការដ្ឋានសាសង់មុនឆ្នាំ២០២១នោះទេ។ ចំពោះទីតាំងជាក់លាក់ ក្រសួងកំពុងសិក្សានៅឡើយ ក៏ប៉ុន្តែ ស្ពានមួយខ្សែនេះ អាចនឹងត្រូវសាងសង់ឆ្ងាយពីទីក្រុងបន្តិច ដើម្បីអាចឲ្យខេត្តក្រចេះមានឱកាសពង្រីកខ្លួនបន្ថែមទៀតនាពេលអនាគត នេះបើតាមប្រសាសន៍ដដែលរបស់ឯកឧត្តម ស៊ុន ចាន់ថុល ។ ក្រៅពីការសាងសង់ស្ពាននេះ ក្រសួងក៏បាននិងកំពុងសិក្សាលទ្ធភាពសាងសង់ស្ពានឆ្លងកាត់ទន្លេមេគង្គនៅតាមបណ្តាខេត្តមួយចំនួនទៀតផងដែរ។ ជាក់ស្តែង ថ្មីៗនេះក្រសួងក៏កំពុងសិក្សាលទ្ធភាពសាងសង់ស្ពានថ្មីស្រឡាងនិងវែងជាងគេនៅកម្ពុជាដែលតភ្ជាប់ពីខេត្តកំពង់ឆ្នាំងទៅកាន់ខេត្តកំពង់ធំ។ អានបន្ថែម
អានបន្ថែម
គម្រោងណាហ្គា៣តម្លៃ៤ពាន់លានដុល្លារអាមេរិកនឹងចាប់ផ្តើមសាងសង់ក្នុងខែកញ្ញា
ក្រុមហ៊ុន NagaCorp Ltd ដែលបានចុះបញ្ជីនៅផ្សារហ៊ុនហុងកុង បានប្រកាសគម្រោងចាប់ផ្តើមសាងសង់គម្រោងទី៣របស់ខ្លួននៅលើទឹកដីអតីតអគារប៊ូលឌីងចាស់ក្នុងរាជធានីភ្នំពេញនៅខែកញ្ញាខាងមុខនេះ ដោយអះអាងថា គម្រោងនេះនឹងទាក់ទាញការវិនិយោគបន្ថែមទៀតចូលទៅក្នុងទីក្រុង។ ថ្លែងនៅក្នុងបទសម្ភាសន៍មួយជាមួយទូរទស្សន៍ Bloomberg នៅថ្ងៃទី ២៣ ខែកក្កដា លោក Timothy McNally ប្រធានក្រុមហ៊ុន NagaCorp Ltd បានឱ្យដឹងថា ការសាងសង់អគារកម្សាន្តចម្រុះណាហ្គា ៣ នៅភូមិ ១ សង្កាត់ទន្លេបាសាក់ ខ័ណ្ឌចំការមន រាជធានីភ្នំពេញនឹងត្រូវចាប់ផ្តើមក្នុងពេលឆាប់ៗខាងមុខនេះ។ លោកថ្លែងថា៖ « យើងមានកិច្ចប្រជុំEGM[extraordinary general meeting ឬកិច្ចប្រជុំវិសាមញ្ញ] នៅថ្ងៃទី ៨ ខែសីហាដើម្បីសង្ខេប និងទទួលបានការយល់ស្របពីម្ចាស់ភាគហ៊ុន…បន្ទាប់ពីនោះមក យើងសង្ឃឹមថានឹងចាប់ផ្តើមការសាងសង់នៅចុងខែកញ្ញា ឬដើមខែតុលា»។ គម្រោងណាហ្គា ៣ គឺជាអគារកំសាន្តចម្រុះដែលរួមបញ្ចូល អគារកម្ពស់ ៦៥ ជាន់ចំនួន២អគារ អគារកម្ពស់ ៤៥ ជាន់ចំនួន២អគារ ខុនដូបែបសណ្ឋាគារ សួនកំសាន្តឌីជីថល កន្លែងស្ប៉ា ក្លឹបរាត្រី ផ្សារទំនើប បន្ទប់សណ្ឋាគារចំនួន និងកន្លែងជាច្រើនទៀតដោយប្រើប្រាស់ទុនវិនិយោគប្រមាណជា ៣ […]
អានបន្ថែម
ខ្សាច់ពីកម្ពុជារួមចំណែកដល់កំណើនដីនៅសិង្ហបុរី
របាយការណ៍របស់អង្គការសហប្រជាជាតិបានរៀបរាប់លម្អិតអំពីរបៀបដែលការកើនឡើងនៃតម្រូវការខ្សាច់ និងក្រួសរបស់ពិភពលោក បាននិងកំពុងជះឥទ្ធិពលយ៉ាងអវិជ្ជមានទៅលើប្រទេសកំពុងអភិវឌ្ឍន៍ ដោយក្នុងនោះ ប្រទេសសិង្ហបុរីបានក្លាយជាគំរូមួយ ដោយសារតម្រូវការខ្សាច់ និងក្រួសរបស់ពួកគេ។ របាយការណ៍របស់អង្គការសហប្រជាជាតិបានរៀបរាប់លម្អិតអំពីការអន់ថយនៃបរិស្ថានដែលបណ្តាលមកពីការបូមដោយឥតឈប់ឈរ ថ្វីបើមានការរីកចម្រើននៃជីវភាពរស់នៅដោយសារការអភិវឌ្ឍន៍ហេដ្ឋារចនាសម្ព័ន្ធក៏ដោយ។ របាយការណ៍នេះ ធ្វើឡើងស្របពេលដែលតម្រូវការពិភពលោកខ្សាច់ និងក្រួសកើនឡើងបីដងក្នុងរយៈពេល ២០ឆ្នាំចុងក្រោយនេះ ហើយបច្ចុប្បន្ន តម្រូវការមានចំនួនដល់ទៅ ៥០ ពាន់លានតោនក្នុងមួយឆ្នាំ និងត្រូវបានព្យាករណ៍ថានឹងកើនឡើង ៥,៥ ភាគរយក្នុងមួយឆ្នាំៗ។ ប្រទេសសិង្ហបុរីគឺជាប្រទេសនាំខ្សាច់ធំបំផុតរបស់ពិភពលោក និងបានបង្កើនផ្ទៃដីរបស់ខ្លួនបានច្រើនជាង ២០ ភាគរយក្នុងរយៈពេល ៤០ ឆ្នាំចុងក្រោយនេះ ដោយការចាក់ខ្សាច់ និងក្រួសចូលទៅក្នុងសមុទ្រ។ យោងតាមរបាយការណ៍របស់អង្គការសហប្រជាជាតិបានឱ្យដឹងថា ការសឹករិចរិលឆាប់រហ័សនៃដីនៅក្នុងតំបន់គឺបណ្តាលមកពីខ្សាច់ដែលបានមកពីការបូមចេញពីប្រទេសកម្ពុជា និងវៀតណាម។
អានបន្ថែម