ព័ត៌មានក្នុងស្រុក
ក្រសួងបរិស្ថានផ្តល់ភ្លើងខៀវដល់គម្រោងរោងចក្រស៊ីម៉ង់ត៍កម្ពុជាចក្រីទីងក្នុងខេត្តកំពត
ក្រសួងបរិស្ថានកាលពីថ្ងៃទី២៣ ខែកក្កដា បានសម្រេចផ្តល់ភ្លើងខៀវដល់គម្រោងរោងចក្រស៊ីម៉ង់ត៍កម្ពុជាចក្រីទីង ទៅលើការវាយតម្លៃហេតុប៉ះពាល់បរិស្ថាន និងសង្គមពេញលេញ ឬ Environmental and Social Impact Assessment (ESIA)។ រោងចក្រស៊ីម៉ង់ត៍កម្ពុជាចក្រីទីងត្រូវបានផ្តួចផ្តើមឡើងកាលពីឆ្នាំ២០១៤ ក្រោមទុនវិនិយោគប្រមាណជា ១០០ លានដុល្លារអាមេរិក ស្ថិតក្នុងភូមិភ្នំតូច ឃុំកណ្តាល ស្រុកទឹកឈូ ខេត្តកំពត លើផ្ទៃដីប្រមាណជា ៣២ ហិកតា។ រោងចក្រនេះអាចមានសមត្ថភាពផលិតស៊ីម៉ងបានដល់១,២២ លានតោនក្នុងមួយឆ្នាំៗ។ ក្រសួងបរិស្ថាន តាមការចុះផ្សាយនៅលើទំព័រហ្វ៊េសប៊ុករបស់ខ្លួន បានឲ្យដឹងថា ក្រសួងបានសម្រេចគាំទ្រគម្រោងខាងលើនេះបន្ទាប់ពីពិនិត្យលើរបាយការណ៍វាយតម្លៃហេតុប៉ះពាល់បរិស្ថាន និងសង្គមពេញលេញ ពីក្រុមហ៊ុនទីប្រឹក្សា SBK Research and Development Co., Ltd។ តាមការបញ្ជាក់តាមទូរសព្ទរបស់ឯកឧត្តម នេត្រ ភក្រ្តា អ្នកនាំពាក្យក្រសួងបរិស្ថាន ការសិក្សាវាយតម្លៃហេតុប៉ះពាល់បរិស្ថាន និងសង្គមពេញលេញ គឺត្រូវបានធ្វើឡើងជារៀងរាល់ ១០ ឆ្នាំ ម្តង ក៏ប៉ុន្តែ ក៏មានគម្រោងខ្លះមិនទាន់បានសិក្សា គឺតម្រូវឲ្យមានការសិក្សាជាចាំបាច់។ តាមការចុះផ្សាយដដែល កិច្ចប្រជុំស្តីពីរបាយការណ៍ខាងលើនេះបានសម្រេចដូចខាងក្រោម៖ ១) គាំទ្រចំពោះគម្រោងបង្កើតរោងចក្រផលិតស៊ីម៉ងត៍ (ស៊ីម៉ងត៍កម្ពុជាចក្រីទីង) […]
អានបន្ថែម
អនាគតនៃការអភិវឌ្ឍន៍ហេដ្ឋារចនាសម្ព័ន្ធ និងឧស្សាហកម្មសំណង់នៅប្រទេសកម្ពុជា
នៅក្នុងប៉ុន្មានទសវត្សរ៍កន្លងមកនេះ ប្រទេសកម្ពុជាបានចាប់ផ្តើមអនុវត្តការអភិវឌ្ឍន៍ហេដ្ឋារចនាសម្ព័ន្ធប្រកបដោយមហិច្ឆតាខ្ពស់ ដោយឆ្ពោះទៅកាន់ការកសាងអាកាសយានដ្ឋាន ស្ពាន ទំនប់អគ្គិសនី ផ្លូវ និងកំពង់ផែសមុទ្រដែលចាំបាច់នានា។ ទោះជាយ៉ាងនេះក្តី ប្រទេសកម្ពុជានៅតែជាប់ចំណាត់ថ្នាក់លេខ ១១២ ក្នុងចំណោមប្រទេសចំនួន ១៣៧ លើផ្នែកហេដ្ឋារចនាសម្ព័ន្ធ ដែលនេះគឺស្ថិតនៅពីក្រោយប្រទេសជិតខាងក្នុងតំបន់អាស៊ីអាគ្នេយ៍ នេះបើយោងតាមរបាយការណ៍ចុងក្រោយរបស់វេទិកាសេដ្ឋកិច្ចពិភពលោកស្តីអំពីការប្រកួតប្រជែងក្នុងសកល។ របាយការណ៍មួយនេះបានបង្ហាញបន្ថែមទៀតថា ហេដ្ឋារចនាសម្ព័ន្ធនៅកម្ពុជានៅមិនទាន់គ្រប់គ្រាន់នៅឡើយទេ ហើយត្រូវបានចាត់ទុកថា ជាបញ្ហាចម្បងមួយក្នុងចំណោមបញ្ហាសំខាន់បំផុតសម្រាប់ការធ្វើអាជីវកម្មនៅក្នុងប្រទេសកម្ពុជា។ នៅក្នុងប៉ុន្មានឆ្នាំចុងក្រោយនេះ ប្រទេសចិនបានផ្តល់មូលនិធិដល់គម្រោងហេដ្ឋារចនាសម្ព័ន្ធជាច្រើននៅប្រទេសកម្ពុជា ចាប់ពីបណ្តាញផ្លូវហាយវ៉េទៅដល់ផ្លូវដែក និងកំពង់ផែ។ ការវិនិយោគទាំងនេះបានផ្តល់ឱកាសសម្រាប់កម្ពុជាក្នុងការវិនិយោគលើគម្រោងហេដ្ឋារចនាសម្ព័ន្ធក្នុងស្រុក ដែលមិនត្រឹមតែធ្វើឲ្យប្រសើរឡើងនូវប្រសិទ្ធភាពក្នុងស្រុកនោះទេ តែថែមទាំងបង្កើនការតភ្ជាប់ជាមួយប្រទេសជិតខាងដូចជាប្រទេសថៃ និងវៀតណាម។ រហូតមកដល់ពេលនេះ ការដឹកជញ្ជូនតាមផ្លូវគោកគឺមានចំណែកលើសពី ៨០ ភាគរយនៃទំហំដឹកជញ្ជូនសរុបរបស់កម្ពុជា។ សម្រាប់ការអភិវឌ្ឍន៍ផ្លូវដែក ប្រព័ន្ធផ្លូវដែកដែលមានប្រសិទ្ធភាពនឹងមិនត្រឹមតែជួយក្នុងការធ្វើដំណើររបស់អ្នកដំណើរទេ ប៉ុន្តែថែមទាំងជួយជំរុញការដឹកជញ្ជូនទំនិញផងដែរ។ ការកសាងហេដ្ឋារចនាសម្ព័ន្ធក៏បើកផ្លូវយ៉ាងទូលាយលើឱកាសអាជីវកម្ម និងការវិនិយោគសម្រាប់សហគ្រាសក្នុងស្រុក និងសហគ្រាសបរទេសផងដែរ។ ឱកាសពាណិជ្ជកម្ម និងការវិនិយោគនៅកម្ពុជាកំពុងទាក់ទាញចំណាប់អារម្មណ៍វិនិយោគិនបរទេស ដោយប្រទេសនេះ ទទួលបានការវិនិយោគផ្ទាល់ពីបរទេសខ្ពស់ក្នុងឆ្នាំ ២០១៨។ លើសពីនេះ ដើម្បីឱ្យកម្ពុជារក្សាតំណែងរបស់ខ្លួនជាមជ្ឈមណ្ឌលផលិតកម្ម រដ្ឋាភិបាលគួរតែសង្កត់ធ្ងន់លើការដឹកជញ្ជូន និងការអភិវឌ្ឍន៍អគ្គិសនីនៅតំបន់ឧស្សាហកម្ម។ ការវិនិយោគដោយផ្ទាល់នឹងកើនឡើង បើសិនជាវាត្រូវបានសំដៅឆ្ពោះទៅរកអគ្គីសនី សំណង់ ផលិតកម្ម និងសកម្មភាពអចលនទ្រព្យ។ ដោយសារតែឧស្សាហកម្មសំណង់របស់ប្រទេសកម្ពុជាត្រូវបានព្យាករណ៍ថានឹងពង្រីកបន្ថែម វាក៏បានបង្កើតឱ្យមានតម្រូវការយ៉ាងខ្លាំងសម្រាប់គ្រឿងចក្រសំណង់ដូចជា ម៉ាស៊ីនស្ទូច ម៉ាស៊ីនជីក […]
អានបន្ថែម
Lumiere Residence នឹងក្លាយជាស្ថាបត្យកម្មកំណត់សម្គាល់ថ្មីសម្រាប់ទីក្រុងភ្នំពេញ
បន្ទាប់ពីទទួលបានជោគជ័យលើគម្រោងទីមួយរបស់ខ្លួនរួចមក ក្រុមហ៊ុនដែលមានមូលដ្ឋាននៅប្រទេសសិង្ហបុរី Lumiere Hospitality (LH) កាលពីថ្ងៃទី ២១ ខែកក្កដា បានបើកសម្ពោធដាក់ឲ្យដំណើរការគម្រោងទី ២ របស់ខ្លួន នៅរាជធានីភ្នំពេញ ដែលនឹងក្លាយជាស្ថាបត្យកម្មកំណត់សម្គាល់ថ្មីសម្រាប់ទីក្រុងភ្នំពេញ។ មានឈ្មោះថា Lumiere Residence អគារកម្ពស់២៥ជាន់នេះ មានបន្ទប់សណ្ឋាគារប្រណីត និងបន្ទប់អាផាតមិន ដែលត្រូវបានរចនាឡើងយ៉ាងស្រស់ស្អាត និងបំពាក់បរិក្ខារក្នុងបន្ទប់យ៉ាងសំបូរបែប។ មានទីតាំងជិតផ្សារទំនើបភ្នំពេញម៉េហ្គាម៉លនៃខណ្ឌ ៧ មករា Lumiere Residence មានបន្ទប់ប្រណីតចំនួន ១៦៦ បន្ទប់ដោយ អាងហែលទឹកលើអាកាស ក្លឹបហាត់ប្រាណលើអាកាស និងប្រព័ន្ធចតរថយន្តដោយស្វ័យប្រវត្តិ។ លោកស្រី Celine Quek នាយកគ្រប់គ្រងនៃក្រុមហ៊ុន Lumiere Hospitality បានមានប្រសាសន៍ថា «យើងចង់បង្កើតគម្រោងមួយដែលមានគុណភាពល្អបំផុត ដែលធ្វើឲ្យមនុស្សគ្រប់គ្នាមានមោទនភាព ហើយក្លាយជាគម្រោងដ៏ទាក់ទាញបំផុតរបស់ប្រទេសកម្ពុជា»។ ជាមួយនឹងគម្រោងត្រូវបានសាងសង់ឡើងដោយក្រុមហ៊ុនសំណង់កម្ពុជា គីម រិទ្ធី អភិបាលរងខេត្តកណ្តាលបានស្វាគមន៍គម្រោងថ្មីនេះ។ លោកថ្លែងក្នុងពិធីសម្ពោធថា៖« ទោះបីនេះជាការវិនិយោគបរទេសក៏ដោយ ក៏ខ្ញុំមានសេចក្តីរីករាយក្នុងការនិយាយថា កម្ពុជាដើរតួយ៉ាងសំខាន់ចំពោះគម្រោងនេះ ដោយការប្រើប្រាស់អ្នកមានទេពកោសល្យក្នុងស្រុកដើម្បីសាងសង់អចលនទ្រព្យដែលទទួលបានពានរង្វាន់នេះ»។ តាមការបញ្ជាក់របស់ក្រុមហ៊ុន គម្រោង Lumiere Residence […]
អានបន្ថែម
ការសាងសង់ផ្លូវជាតិលេខ៥៥ឆ្ពោះទៅខេត្តត្រាតប្រទេសថៃសម្រេចបាន១០០ភាគរយហើយ
បន្ទាប់ពីធ្វើការសាងសង់អស់រយៈពេលចំនួន៤២ខែរួចមក ផ្លូវជាតិលេខ៥៥ដែលតភា្ជប់ចាប់ពីផ្លូវជាតិលេខ ៥ ឆ្ពោះទៅកាន់ខេត្តត្រាតប្រទេសថៃ គឺសម្រេចបាន១០០ភាគរយហើយ នេះបើយោងតាមការបញ្ជាក់របស់ក្រសួងសាធារណការ និងដឹកជញ្ជូនកាលពីថ្ងៃទី ២២ ខែ កក្កដា ឆ្នាំ ២០១៩។ ក្រោមការសាងសង់ដោយក្រុមហ៊ុនសាជីវកម្មស្ពាន និងថ្នល់ចិន (CRBC) ផ្លូវប្រវែង ១៨០ គីឡូម៉ែត្រ និងទទឹង៩ម៉ែត្រនេះ នឹងត្រូវតភ្ជាប់ផ្លូវជាតិលេខ៥ ត្រង់ចំណុចគីឡូម៉ែត្រ ១៩១+១៥០ រហូតដល់ភ្នំក្រវាញ-ទីរួមស្រុកវាលវែង-ថ្មដា ខេត្តពោធិសាត់ (ព្រំដែនកម្ពុជា-ថៃ ខេត្តត្រាត)។ ការសាងសង់ផ្លូវនេះគឺធ្វើឡើងក្រោមហិរញ្ញប្បទានសម្ប ទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយនឹងថវិកាបដិភាគ របស់រាជរដ្ឋាភិបាលកម្ពុជា សរុបប្រមាណជាង ១៣២.៨០ លានដុល្លារអាមេរិក។ យ៉ាងណាមិញ ក្រសួងសាធារណការ និងដឹកជញ្ជូន និងស្ថាបន័ពាក់ពន្ធ័កាលពីថ្ងៃទី ២២ ខែ កក្កដា បានចុះត្រួតពិនិត្យលក្ខណៈបច្ចេកទេសនៃផ្លូវ ហើយបើមានចំណុចខ្វះខាតអ្វីមួយក្រសួង នឹងជំរុញឱ្យក្រុមហ៊ុនម៉ៅការសាងសង់ធ្វើការកែសម្រួលបំពេញបន្ថែមឱ្យបានត្រឹមត្រូវសំដៅធ្វើឱ្យផ្លូវនេះមានគុណភាព រឹងមាំ អាចប្រើប្រាស់ជាប់បានយូរអង្វែង មុនពេលស្នើសុំគោលការណ៍ពីរាជរដ្ឋាភិបាលក្នុងការដាក់ដំណើរការជាផ្លូវការ។ តាមការបញ្ជាក់របស់ក្រសួង ផ្លូវនេះជាសសៃឈាមសេដ្ឋកិច្ចមួយយ៉ាងសំខាន់សម្រាប់ការតភ្ជាប់ទំនាក់ទំនង សមាហរណកម្មផ្ទៃក្នុង ក៏ដូចជាការសម្រួលដល់ការធ្វើដំណើររបស់ប្រជាពលរដ្ឋបានងាយស្រួលនិងឆាប់រហ័ស និងរួមចំណែក ដល់ការប្រែក្លាយតំបន់សក្តានុពលផ្នែកកសិកម្ម ពិសេសតំបន់ដាច់ស្រយាលជាប់ព្រំដែនកម្ពុជាថៃ ដែលអាចតភ្ជាប់មកកាន់ទីប្រជុំជនបានងាយស្រួល។
អានបន្ថែម
ជីប ម៉ុង គ្រុបបោះទុនជាង៣០០លានដុល្លារដើម្បីក្តោបក្តាប់ទីផ្សារលក់រាយនៅកម្ពុជា
ក្រុមហ៊ុន ជីប ម៉ុង រីថែល ដែលជាក្រុមហ៊ុនមួយរបស់ជីប ម៉ុង គ្រុប គ្រោងនឹងវិនិយោគទឹកប្រាក់ជាង ៣០០ លានដុល្លារអាមេរិកលើវិស័យលក់រាយដែលជាប្រភេទទីផ្សារលក់ទំនិញក្នុងហាងទំនើប ដើម្បីក្តោបក្តាប់ទីផ្សារដែលកំពុងរីកចម្រើនយ៉ាងឆាប់រហ័សនេះ ។ នេះបើយោងតាមការប្រកាសរបស់ក្រុមហ៊ុននៅថ្ងៃទី ១៩ ខែកក្កដា នៅឯសណ្ឋាគារសូហ្វីតែលភ្នំពេញ។ ជាមួយនឹងទុនវិនិយោគជាង ៣០០ លានដុល្លារអាមេរិកសម្រាប់ការវិនិយោគរយៈពេលវែង គួបផ្សំជាមួយនឹងការផ្តល់ជូនទីតាំងល្អលើគម្រោងទាំងអស់របស់ខ្លួននៅទូទាំងរាជធានីភ្នំពេញ ក្រុមហ៊ុននឹងបន្តធ្វើការទាក់ទាញអ្នកធ្វើដំណើរកំសាន្តនៅតាមផ្សារទំនើប និងម្ចាស់អាវជីកម្មបន្ថែមទៀត។ លោកឧកញ៉ា លាង ឃុន ប្រធានក្រុមអគ្គនាយកក្រុមហ៊ុន ជីប ម៉ុង បានមានប្រសាសន៍ថា៖ «យើងដឹងថា ការវិនិយោគក្នុងវិស័យលក់រាយ និងផ្សារទំនើបកំពុងតែកើនឡើងយ៉ាងឆាប់រហ័សនៅប្រទេសកម្ពុជា ដែលមានន័យថា អ្នកធ្វើអាជីវកម្មមានជម្រើសកាន់តែទូលំទូលាយជាងមុនក្នុងការជ្រើសរើសដៃគូសម្រាប់អាជីវកម្មរបស់ពួកគេ»។ ជាមួយគ្នានេះដែរ លោក Stephane Pierron ប្រធានក្រុមហ៊ុន ជីប ម៉ុង រីថេល បានឲ្យដឹងថា ក្រុមហ៊ុននឹងភ្ជាប់ជាមួយនឹងការវិនិយោគរយៈពេលវែង ក៏ដូចជាប្រើយុទ្ធសាស្រ្តដើម្បីទាក់ទាញអាជីវករ និងអ្នកមកទស្សនានៅផ្សារទំនើបបន្ថែមទៀត។ លោកថ្លែងថា៖«យើងជឿជាក់យ៉ាងមុតមាំថា ជាមួយនឹងការប្តេជ្ញាចិត្តយ៉ាងរឹងមាំ និងយុទ្ធសាស្រ្តសម្រាប់ផ្សារទំនើប ៦ កន្លែងរបស់យើង និងការគាំទ្ររបស់អ្នកទាំងអស់គ្នា នឹងទទួលបានជោគជ័យ»។ ក្នុងនោះដែរ លោកឧកញ៉ា […]
អានបន្ថែម
ការលក់ផលិតផលអន្តរជាតិម៉ាក IKO គឺជាជម្រើសដ៏រឹងមាំបំផុត
ខ្ញុំបានសង្កេតឃើញមានការវិវត្តន៍ជាវិជ្ជមានលើវិស័យសំណង់នៅក្នុងប្រទេសកម្ពុជា ជាមួយនឹងឱកាសអភិវឌ្ឍន៍អាជីរកម្មសម្រាប់ផលិតផលម៉ាក IKO
អានបន្ថែម
ក្រសួងជំរុញអ្នកអភិវឌ្ឍន៍បុរីប្រកាន់ខ្ជាប់ការបង្កើតលំហរបៃតង
ក្រសួងរៀបចំដែនដី នគររូបនីយកម្ម និងសំណង់ និងក្រសួងបរិស្ថាន បានស្នើជាថ្មីដល់ម្ចាស់គម្រោង និងអ្នកអភិវឌ្ឍន៍គម្រោងបុរី លំនៅដ្ឋាន ត្រូវប្រកាន់ខ្ជាប់នូវគោលការណ៍
អានបន្ថែម
ទីក្រុងថ្មីមួយទៀតនឹងត្រូវបង្កើតឡើងនៅតំបន់ឆ្នេរភាគនិរតីប្រទេសកម្ពុជា
រដ្ឋាភិបាលបានសម្រេចបង្កើតក្រុងបូកគោ ស្ថិតនៅចន្លោះ តំបន់ឧទ្យានជាតិព្រះមុនីវង្ស “បូកគោ” និងដាក់គោលដៅអភិវឌ្ឍក្រុងថ្មីនេះ ទៅជាទីក្រុងទេសចរណ៍ធម្មជាតិ និងប្រវត្តិសាស្រ្ត ដ៏ទាក់ទាញនៅក្នុងប្រទេស។ យោងតាមអនុក្រិត្យចុះហត្ថលេខាដោយសម្តេចតេជោរ ហ៊ុន សែន នាយករដ្ឋមន្រ្តី កាលពីថ្ងៃ២៨ខែ មិថុនា រដ្ឋាភិបាលមានគោលបំណងបង្កើតក្រុងថ្មី ដែលមានឈ្មោះថា ក្រុងបូកគោ។ ក្រុងបូកគោនេះ ភ្ជាប់ជាមួយតំបន់ឆ្នេរដែលស្ថិតនៅក្នុងច្រករបៀងទេសចរណ៍ភាគខាងត្បូង ជាតារារះនាទិសនិរតីនៃប្រទេសកម្ពុជា រួមមាន ខេត្តកំពត កែប ព្រះសីហនុ និងកោះកុង ដែលជាប៉ូលទេសចរណ៍ដ៏មានសារៈសំខាន់។ នៅក្នុងប្លង់គោលប្រើប្រាស់ដីគម្រោងអភិវឌ្ឍន៍ក្រុងបូកគោចក្ខុវិស័យឆ្នាំ២០៣៥ បានបញ្ជាក់ថា៖ «ចក្ខុវិស័យដល់ឆ្នាំ២០៣៥ នៃប្លង់គោលប្រើប្រាស់ដីគម្រោងអភិវឌ្ឍន៍ក្រុងបូកគោ គឺសំដៅរៀបចំ និងអភិវឌ្ឍ “ភ្នំបូកគោ ជាក្រុងវៃឆ្លាត ទេសចរណ៍ប្រវត្តិសាស្រ្ត បៃតង ធម្មជាតិ និងអាកាសធាតុ ភ្នំ-សមុទ្រដ៏ពិសិដ្ឋគ្មានពីរនៃព្រះរាជាណាចក្រកម្ពុជា»។ ផ្អែកលើផែនទីប្លង់គោលប្រើប្រាស់ដីគម្រោងអភិវឌ្ឍន៍ក្រុងបូកគោ ប្រភេទដីអាចសាងសង់បានត្រូវបានកំណត់ជា តំបន់សំខាន់ៗ រួមមាន តំបន់លំនៅឋាន តំបន់ពាណិជ្ជកម្ម តំបន់ចម្រុះ តំបន់ដឹកជញ្ជូន តំបន់ទេសចរណ៍ តំបន់រដ្ឋបាល និងសេវាកម្មសាធារណៈ តំបន់លំហរសាធារណៈ និងបៃតង តំបន់វប្បធម៍ និងសាសនា និងតំបន់ហេដ្ឋារចនាសម្ព័ន្ធបច្ចេកទេស។ […]
អានបន្ថែម
ក្រុមហ៊ុនចិនឈ្នះគម្រោងសាងសង់ផ្នែក២នៃអាកាសយានដ្ឋានអន្តរជាតិសៀមរាបអង្គរ
ក្រុមហ៊ុនសាងសង់ដែលមានមូលដ្ឋាននៅប្រទេសចិន Shanxi Construction Mechanization Group បានឈ្នះការដេញថ្លៃចំនួន ២៩០ លានយ័ន (ប្រមាណជា ៤២.១៦ លានដុល្លារអាមេរិក)
អានបន្ថែម
ព្រលានយន្តហោះកោះកុងចាស់នឹងត្រូវសាងសង់ឡើងវិញដោយក្រុមហ៊ុនថៃក្នុងពេលឆាប់ៗនេះ
ក្រុមហ៊ុនអាកាសចរណ៍ថៃ Bangkok Airways នឹងសាងសង់ឡើងវិញព្រលានយន្តហោះកោះកុងចាស់ដែលមានទីតាំងស្ថិតក្នុងក្រុងខេមរៈភូមិន្ទ ក្នុងពេលឆាប់ៗខាងមុននេះ បន្ទាប់ពីរដ្ឋាភិបាលបានប្រជុំសម្រេចឲ្យមានការសាងសង់
អានបន្ថែម