ព័ត៌មានក្នុងស្រុក
ក្រសួងទូរគមនាគមន៍ជំរុញកម្ពុជាអោយប្រើប្រាស់បច្ចេកវិទ្យាឌីជីថលក្នុងវិស័យអចលនទ្�
ឯកឧត្ដម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ កាលពីថ្មីៗនេះបានជំរុញឲ្យម្ចាស់អាជីវកម្មនៅក្នុងប្រទេសកម្ពុជាទាំងអស់ឲ្យប្រើប្រាស់បច្ចេកវិទ្យាឌីជីថលនៅក្នុងអាជីវកម្មរបស់ខ្លួនឲ្យបានច្រើនជាមុន ដើម្បីសម្របខ្លួនទៅនឹងសាកលលោកដែលកំពុងតែដើរទៅមុខយ៉ាងឆាប់រហ័ស ក្នុងនោះដែលវិស័យអចលនទ្រព្យក៏ជាវិស័យអាទិភាពមួយដែលឯកឧត្ដមបានលើកឡើង។ សេចក្តីថ្លែងការណ៍នេះត្រូវបានលើកឡើងក្នុងសិក្ខាសាលាស្តីពី “ការផ្លាស់ប្តូរទៅកាន់យុគ្គសម័យឌីជីថលជាមួយនឹងបច្ចេកវិទ្យា Internet of Things (IoT), Artificial Intelligence (AI), Big Data, និង Cloud Computing” ដែលរៀបចំឡើងដោយក្រសួងប្រៃសណីយ៍ និងទូរគមនាគមន៍នៅសណ្ឋាគារ Raffles Le Royal កាលពីថ្ងៃទី២២ ខែឧសភា ឆ្នាំ២០១៨ កន្លងមកនេះ។ ឯកឧត្ដម ត្រាំ អ៊ីវតឹក មានប្រសាសន៍ថា បច្ចេកវិទ្យាឌីជីថលដូចជា Internet of Things (IoT), Artificial Intelligence (AI), Big Data, និង Cloud Computing គឺជាចលករដ៏សំខាន់ក្នុងការអភិវឌ្ឍវិស័យសេដ្ឋកិច្ចនិងសង្គមក្នុងប្រទេសកម្ពុជា។ វាគឺជាអ្វីដែលមិនអាចខ្វះបានជាពិសេសក្នុងការប្រកបអាជីវកម្មនាពេលបច្ចុប្បន្នដែលក្នុងនោះវិស័យអចលនទ្រព្យក៏ជាវិស័យអាទិភាពមួយដែលមិនអាចមើលរំលងបាន។ គួរបញ្ជាក់ឲ្យបន្ថែមទៀតថា ក្នុងរយៈពេលប៉ុន្មានឆ្នាំកន្លងមកនេះ វិស័យអចលនទ្រព្យបានដើរតួរយ៉ាងសំខាន់ក្នុងការជំរុញសេដ្ឋកិច្ចឲ្យកាន់តែប្រសើរឡើង។ ដូច្នេះការធ្វើទំនើបកម្មដោយប្រើប្រាស់បច្ចេកវិទ្យាឌីជីថលក្នុងវិស័យអចលនទ្រព្យគឺជារឿងមួយដែលចាំបាច់។ ជាមួយគ្នានេះដែរ […]
អានបន្ថែម
លំនៅដ្ឋានតម្លៃសមរម្យជាង ៣០០០ ខ្នងនឹងបង្ហាញខ្លួនក្នុងតំបន់សេដ្ឋកិច្ចពិសេសភ្នំព�
តំបន់សេដ្ឋកិច្ចពិសេសភ្នំពេញកាលថ្មីៗនេះបានប្រកាសរៀបចំកម្មវិធីប្រកួតប្រជែងរចនាប្លង់គម្រោងលំនៅដ្ឋានតម្លៃសមរម្យចំនួន ៣០០០ ខ្នង របស់ខ្លួន ដើម្បីស្វែងរកប្លង់ស្ថាបត្យកម្មដែលមាននិរន្តរភាពព្រមទាំងឆ្លើយតបទៅនឹងតម្រូវការរបស់អ្នកដែលមានប្រាក់ចំណូលទាប។ ការប្រកួតប្រជែងនេះរៀបចំឡើងក្រោមការសហការណ៍គ្នារវាងកម្មវិធីអភិវឌ្ឍន៍របស់អង្គការសហប្រជាជាតិ ឬ UNPD តំបន់សេដ្ឋកិច្ចពិសេសភ្នំពេញ និងក្រុមហ៊ុន Building Trust International ក្នុងគោលបំណងដើម្បីលើកកម្ពស់សុខុមាលភាពសង្គម បរិស្ថាន និងសេដ្ឋកិច្ចរបស់ប្រទេសកម្ពុជា អោយកាន់តែប្រសើរឡើង និងមាននិរន្តរភាព។ និរន្តរភាពគឺជាប្រធានបទសំខាន់នៃការប្រកួតប្រជែងនេះ ដោយការរចនាប្លង់ត្រូវតែឆ្លើយតបទៅនឹងតម្រូវការមូលដ្ឋានរបស់អ្នករស់នៅដែលមានប្រាក់ចំណូលទាប និងមិនប៉ះពាល់ដល់បរិស្ថាន ឧទាហរណ៍ដូចជាការរចនាប្លង់លំនៅដ្ឋានអោយមានខ្យល់ចេញចូលគ្រប់គ្រាន់ ដើម្បីជួយបញ្ចៀសការប្រើប្រាស់ ម៉ាស៊ីនត្រជាក់ និងកង្ហា ដែលអាចជួយកាត់បន្ថយចំណាយលើអគ្គិសនីរបស់អ្នករស់នៅ ក៏ដូចជារួមចំណែកក្នុងការកាត់បន្ថយការប៉ះពាល់ដល់បរិស្ថានផងដែរ។ ជ័យលាភីលំដាប់ទី១ នឹងទទួលបានប្រាក់រង្វាន់ចំនួន ២ ម៉ឺនដុល្លារអាមេរិក ហើយជ័យលាភីទី ២ ដល់ លេខ ៥ នឹងទទួលបានប្រាក់រង្វាន់ចំនួន ៥០០០ ដុល្លារ។ ការប្រកួតប្រជែងនេះដែលបើកទូលាយសម្រាប់អ្នកជំនាញទាំងក្នុងនិងក្រៅប្រទេសដូចជា វិស្វករ ស្ថាបត្យករ ជាពិសេសនិស្សិតសិស្សានុសិស្សដែលមានជំនាញក្នុងវិស័យនេះទាំងអស់។ បេក្ខជនទាំងអស់អាចដាក់ពាក្យបានចាប់ពីខែឧសភាដល់ខែកក្កដាតាមគេហទំព័ររបស់ Building Trust International ដែលលទ្ធផលនឹងប្រកាសនៅខែសីហា។ បន្ទាប់ពីការរចនាផ្លង់ត្រូវបានបញ្ចប់ គម្រោងនេះត្រូវបានគេរំពឹងថានឹងបើកការដ្ឋានសាងសង់ក្នុងខែវិច្ឆិកា ឆ្នាំនេះ។ គូរបញ្ជាក់ផងដែរថា គម្រោងអភិវឌ្ឍលំនៅដ្ឋានតម្លៃសមរម្យនេះស្ថិតនៅក្នុងតំបន់សេដ្ឋកិច្ចពិសេសភ្នំពេញ ដែលមានលំនៅដ្ឋានសរុបចំនួន ៣០០០ […]
អានបន្ថែម
គម្រោងវីឡាជាប់មាត់ទឹកដ៏ប្រណីតមួយទៀតនឹងផុសឡើងក្នុងតំបន់ច្បារអំពៅ
The Mekong Harmony. ប្រភព: Property Focus ខណ្ឌច្បារអំពៅគ្រោងនឹងស្វាគមន៍គម្រោងវីឡាជាប់មាត់ទឹកដ៏ប្រណីតមួយទៀតឈ្មោះថា The Mekong Harmony ដែលទីតាំងស្ថិតនៅតាមបណ្តោយផ្លូវជាតិលេខ ១ ក្បែរនឹងបុរីប៉េងហួតនិងគម្រោង The Palm នេះបើយោងតាមសេចក្តីប្រកាសរបស់ក្រុមហ៊ុន The Century 21 ដែលជាភ្នាក់ងារលក់ផ្ដាច់មុខរបស់គម្រោងនេះ។ គម្រោងនេះនឹងសាងសង់លើផ្ទៃដី ៧០០០ ម៉ែត្រការ៉េ នៅតាមបណ្តោយទន្លេមេគង្គ ដែលនឹងមានវីឡាសរុបចំនួន ១៧ ខ្នង ដោយវីឡានីមួយៗនឹងមានអាងហែលទឹកផ្ទាល់ខ្លួន។ វីឡានីមួយៗនឹងរចនាជាស្ថាបត្យកម្មបែបអឺរ៉ុប ព្រមទាំងបំពាក់ដោយប្រព័ន្ធសូឡាដើម្បីជួយកាត់បន្ថយការប្រើប្រាស់ថាមពលអគ្គិសនី។ បច្ចុប្បន្នគម្រោងនេះស្ថិតក្រោមការសាងសង់ច្រាំងទប់ទឹក និងហេដ្ឋារចនាសម្ព័ន្ធដូចជាផ្លូវថ្នល់ជាដើម។ ចំពោះ វីឡានឹងចាប់ផ្តើមសាងសង់ក្រោមកម្មវិធីបើកលក់ជាផ្លូវការរបស់គម្រោងនៅថ្ងៃទី ២៦ ខែឧសភាខាងមុខនេះ ដោយវីឡានីមួយៗនឹងប្រើរយៈពេលសាងសង់ត្រឹមតែ ១ឆ្នាំតែប៉ុណ្ណោះ។ នេះសបញ្ចាក់ឲ្យឃើញថា ខណ្ឌច្បារអំពៅកំពុងតែមានសក្ដានុពលទាក់ទាញអ្នកវិនិយោគលើគម្រោងធំៗជាច្រើនដូចជា បុរីប៉េងហួត គម្រោង The Palm ដែលទើបនឹងបើកការដ្ឋានសាងសង់កាលពីថ្មីនេះ និងគម្រោងដ៏ទៀតជាច្រើនទៀត។
អានបន្ថែម
Phnom Penh City Center នឹងក្លាយជាបណ្តុំនៃការិយាល័យកណ្តាលនៃក្រុមហ៊ុនអន្តរជាតិធំៗជាច្រើននាពេលអនាគត
ក្រុមហ៊ុនអន្តរជាតិមួយឈ្មោះថា The Funding Partners (TFP) កាលពីថ្មីៗនេះបានសម្រេចចិត្តជ្រើសរើសមជ្ឈមណ្ឌលរាជធានីភ្នំពេញ (Phnom Penh City Center)ក្នុងតំបន់បឹងកក់ ជាទីតាំងគោលសម្រាប់ការិយាល័យកណ្តាលធំៗសំខាន់ៗជាច្រើនរបស់ខ្លួន នេះបើយោងតាមរបាយការណ៍មួយរបស់សារព័ត៌មានNewswire។ ការជ្រើសរើសយកមជ្ឈមណ្ឌលទីក្រុងភ្នំពេញគឺដោយផ្អែកទៅលើកត្តាមួយចំនួនដូចជាកត្តាភូមិសាស្ត្រកត្តាសេដ្ឋកិច្ចនិងកត្តាការកើនឡើងនៃតម្រូវការ Office Space នេះបើយោងតាមប្រភពដដែល។ មជ្ឈមណ្ឌលរាជធានីភ្នំពេញ (PPCC) ត្រូវបានគេហៅថាគុជនៃព្រះរាជាណាចក្រកម្ពុជាគឺជាគម្រោងអភិវឌ្ឍន៍ដែលស្ថិតនៅក្នុងតំបន់ពាណិជ្ជកម្មចំកណ្តាលនៃរាជធានីភ្នំពេញហើយមានទំហំ ១១១,៦ហិកតា។ គម្រោងនេះគឺជាគម្រោងអភិវឌ្ឍន៍ដ៏ធំមួយក្នុងរាជធានីភ្នំពេញ និងជាកាតាលីករជំរុញការអភិវឌ្ឍន៍លើវិស័យជាច្រើនដូចជា អចលនទ្រព្យ ពាណិជ្ជកម្មវប្បធម៍សិល្បៈនិងកីឡានៅក្នុងតំបន់។ ជាមួយគ្នានេះដែរដើម្បីឆ្លើយតបទៅនឹងការមកដល់នៃក្រុមហ៊ុនអន្តរជាតិទាំងនោះ នឹងមានអគារស្ថាបត្យកម្ម និងហេដ្ឋារចនាសម្ព័ន្ធទំនើបៗជាច្រើនទៀត គ្រោងនឹងផុសឡើងក្នុងមជ្ឈមណ្ឌលរាជធានីភ្នំពេញ (PPCC)នាពេលអនាគត ។ ក្នុងឆ្នាំ ២០២៥ មជ្ឈមណ្ឌលទីក្រុងភ្នំពេញនឹងក្លាយជាបណ្តុំនៃការិយល័យកណ្តាលនៃក្រុមហ៊ុនអន្តរជាតិធំៗជាច្រើន ក៏ដូចជាលំនៅដ្ឋានរបស់ប្រជាជនប្រមាណជាង ៥៦ ០០០នាក់ ដែលនឹងមានចំនួនមនុស្សចេញចូលជាង១៩០ ០០០នាក់ជារៀងរាល់ថ្ងៃ។
អានបន្ថែម
ជប៉ុនផ្ដល់ជំនួយជាង ២៦០លានដុល្លារពង្រីកផ្លូវជាតិលេខ៥ព្រែកក្តាម-ពោធិ៍សាត់ ជា៤គន្លង
កាលពីព្រឹក ថ្ងៃទី២១ ខែឧសភា ឆ្នាំ២០១៨ សម្តេចនាយករដ្ឋមន្ត្រី ហ៊ុន សែន បានអញ្ជើញជាអធិបតីដ៏ខ្ពង់ខ្ពស់នៅក្នុងពិធីបើកការដ្ឋានសាងសង់ពង្រីកកំណាត់ផ្លូវជាតិលេខ៥ ពីព្រែកក្តាម ឆ្ពោះទៅកាន់ធ្លាម្អម ស្ថិតនៅស្រុកក្រគរ ខេត្តពោធិ៍សាត់ដែលមានប្រវែងសរុប ១៣៥,២៤គីឡូម៉ែត្រ។ កំណាត់ផ្លូវនេះនឹងពង្រីក៤គន្លង(២គន្លងទៅ ២គន្លងមក)ទទឹង២៣ម ចាក់បេតុងកៅស៊ូ ប្រភេទACនិងបំពាក់ដោយរនាំងដែកសុវត្ថិភាពចំកណ្តាលសួន។ ផ្លូវនេះនឹងឆ្លងកាត់ខេត្តចំនួន០៣ រួមមានខេត្តកណ្តាល ប្រវែង ៤,២៥គីឡូម៉ែត្រ ខេត្តកំពង់ឆ្នាំងប្រវែង ៩៣,៥៤គីឡូម៉ែត្រ និងខេត្តពោធិ៍សាត់ប្រវែង ៣៧,៤៥គីឡូម៉ែត្រ។ គម្រោងពង្រីកផ្លូវមួយខ្សែរនេះនឹងចំណាយថវិកាសរុបប្រមាណ ២៦១លានដុល្លារអាមេរិក ដែលជាហិរញ្ញប្បទានសម្បទានពីរដ្ឋាភិបាលជប៉ុន រួមជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតមីន យុទ្ធភ័ណ្ឌមិនទាន់ផ្ទុះ និងពន្ធអាករ ហើយនិងត្រូវប្រើរយៈពេលសាងសង់ចំនួន៤៨ខែ គិតចាប់ពីខែមេសា ឆ្នាំ២០១៨ រហូតដល់ខែមីនា ឆ្នាំ២០២២។ ជាមួយគ្នានេះដែរ កំណាត់ផ្លូវនេះត្រូវបានសាងសង់ដោយក្រុមហ៊ុន Sumitoto Mitsui Construction Co., Ltd ក្រុមហ៊ុន World Kaihatsu Kogyo Joint Venture និងក្រុមហ៊ុន Hanshin Engineering & […]
អានបន្ថែម
ផ្សារទំនើបអ៊ីអន២សែនសុខ នឹងបើកដំណើរការនៅថ្ងៃទី៣០ ឧសភា ខាងមុខនេះហើយ
ផ្សារទំនើបអ៊ីអន២ ផ្សារទំនើបអ៊ីអន២ គ្រោងនឹងបើកអោយដំណើរការជាសាធារណៈនៅថ្ងៃទី ៣០ ខែឧសភា ខាងមុខនេះ នៅក្នុងតំបន់សែនសុខ ដើម្បីឆ្លើយតបនឹងតម្រូវការរបស់ប្រជាពលរដ្ឋក្នុងរាជធានីភ្នំពេញ ជាពិសេសក្នុងតំបន់សែនសុខនេះបើតាមទំព័រហ្វេសប៊ុក AEON Mall Sen Sok City។ ហើយបើយោងតាមប្រភពដដែលនេះ ក៏នឹងមានកម្មវិធីសម្ពោធ Soft Opening នៅថ្ងៃទី ២៩ ខែឧសភា ផងដែរ។ ផ្សារទំនើបថ្មីមួយនេះជាការវិនិយោគរបស់ក្រុមហ៊ុនជប៉ុនក្នុងទំហំទឹកប្រាក់ជាង ១២០លានដុល្លារអាមេរិក បន្ទាប់ពីក្រុមហ៊ុនទទួលភាពជោគជ័យនៅឯសាខាទីមួយក្នុងតំបន់ទន្លេបាសាក់ ដែលបានបើកកាលពីឆ្នាំ ២០១៤ កន្លងមកនេះ។ ចំពោះផ្សារអ៊ីអនសាខាទី២នេះ គឺមានទំហំធំជាងសាខាទី១ ទៅទៀត ដោយសាងសង់លើផ្ទៃដីប្រមាណ ១០ ហិចតា និងមានផ្ទៃក្រឡា (floor area)សរុបជាង ១៥១០០០ ម៉ែត្រការ៉េ ព្រមជាមួយនឹងចំណតដ៏ធំទូលាយដែលអាចចតរថយន្តបានរហូតដល់ ២៥០០ គ្រឿងនិងម៉ូតូចំនួន ២០០០ គ្រឿង។ គួរបញ្ជាក់ផងដែរថា ក្រៅពីផ្សារទំនើបអ៊ីអន២ ដែលនឹងបើកដំណើរការក្នុងឆ្នាំ ២០១៨ នេះ នឹងមានផ្សារទំនើបចំនួន ៧ ទៀតរំពឹងថានឹងបើកដំណើរការនៅទីតាំងផ្សេងៗគ្នាជុំវិញរាជធានីភ្នំពេញក្នុងឆ្នាំនេះផងដែរនេះបើយោងតាមការរបាយការណ៍របស់ CBRE Cambodia(អានបន្ថែម)។
អានបន្ថែម
ក្រុមហ៊ុន 7NG គ្រោងនឹងបង្កើតទីក្រុងរណបឆ្លាតវៃលើផ្ទៃដីជាង ៧៧៧ហិកតា ក្នុងភូមិសាស្រ្តខេត្តកណ្តាល
រូបភាពគំរូរបស់ Smart City ប្រភព: Industry Tap កាលពីព្រឹកថ្ងៃទី ១៧ ខែឧសភា ឆ្នាំ ២០១៨ ក្រុមហ៊ុន 7NG (Cambodia) Co., Ltd. បានរៀបចំសន្និសីទសារព័ត៌មានបង្ហាញនូវផែនការសាងសង់ទីក្រុងឆ្លាតវៃ និងទំនើបថ្មីដ៏ធំមួយលើផ្ទៃដីជាង ៧៧៧ហិកតា ក្នុងខេត្តកណ្តាល។ ទីក្រុងឆ្លាតវៃ និងទំនើបថ្មី (Intelligent & Innovation City) នេះនឹងមានជា ២ ផ្នែកសំខាន់ គឺទីក្រុងឆ្លាតវៃ និងរាជធានីបុរាណនគរបុរី។ នៅក្នុងទីក្រុងឆ្លាតវៃ នឹងមានជាអគារលំនៅដ្ឋាន សណ្ឋាគារ ខុនដូ ផ្សារទំនើប មជ្ឈមណ្ឌលពិព័រណ៍ខ្នាតអន្ដរជាតិ សាលសន្និសីទទំនើប សារមន្ទីរ កន្លែងវាយកូនគោល ឧទ្យានផ្កាប៉ូតានិក និងប្រព័ន្ធហេដ្ឋារចនាសម្ព័ន្ធផ្សេងៗទៀតជាច្រើន។ ដោយឡែករាជធានីបុរាណនគរបុរី គឺជាទីក្រុងដែលនឹងបង្កើតឡើងដើម្បីលើកស្ទួយវប្បធម៌បុរាណខ្មែរ ដោយនឹងច្របាច់បញ្ចូលនូវស្ថាបត្យកម្មសម័យបុរាណដូចជាសម័យអង្គរជាដើម។ បច្ចុប្បន្នក្រុមហ៊ុន 7NG (Cambodia) Co., Ltd. កំពុងសិក្សាលំអិត និងរៀបចំឯកសារកតិយុទ្ធផ្លូវច្បាប់ជាមួយនឹងគ្រប់ក្រសួងពាក់ព័ន្ធដើម្បីជំរុញគម្រោងនេះឲ្យដំណើរការក្នុងពេលឆាប់ៗនេះ។ ទោះជាយ៉ាងណាក្ដី ក្រុមហ៊ុន 7NG […]
អានបន្ថែម
ផ្សារព្រំដែនកម្ពុជា-វៀតណាមគ្រោងនឹងបើកដំណើរការក្នុងពេលឆាប់ៗនេះ
ខេត្តត្បូងឃ្មុំ ក្រោយពីបើកការដ្ឋានសាងសង់អស់រយៈពេល ៦ ខែកន្លងមក គម្រោងផ្សារពាណិជ្ជកម្មនៅព្រំដែនកម្ពុជា-វៀតណាម នៅខេត្តត្បូងឃ្មុំជិតឈានដល់ការបញ្ចប់ការសាងសង់ហើយ ពេលនេះគ្រោងនឹងបើកអោយដំណើរការនៅចុងឆ្នាំ ២០១៨ នេះ។ ផ្សារនេះមានឈ្មោះថាផ្សារដា មានទីតាំងនៅក្នុងឃុំដារស្រុកមេមត់ខេត្តត្បូងឃ្មុំដែលមានព្រំប្រទល់ជាប់នឹង ឃុំតាំងឡឹប ខេត្តតៃនិញរបស់ប្រទេសវៀតណាម។ គម្រោងផ្សារដា ត្រូវបានសាងសង់ក្រោមជំនួយចំនួន ២លានដុល្លារ ពីរដ្ឋាភិបាលវៀតណាមក្នុងគោលបំណងដើម្បីជាការផ្តល់ទីផ្សារសំរាប់ប្រជាជនខ្មែរនិងប្រជាជនវៀតណាមក្នុងការលក់ដូរទំនិញទៅវិញទៅមក ក៏ដូចជាជួយបង្កើតការងារសម្រាប់ប្រជាពលរដ្ឋទាំងពីរប្រទេសផងដែរ។ ឯកអគ្គរដ្ឋទូតវៀតណាមប្រចាំកម្ពុជាលោក វ៉ូហ្គុងមិញ បានមានប្រសាសន៍ក្នុងពិធីបើកការដ្ឋានសាងសង់ផ្សារកាលពីថ្ងៃទី១៦ ខែមករា នេះថាវាក៏ជាការអបអរខួបលើកទី៥០នៃថ្ងៃបង្កើតទំនាក់ទំនងការទូតរវាងកម្ពុជា-វៀតណាមហើយវានឹងជួយពង្រឹងនូវវប្បធម៍និងកិច្ចសហប្រតិបត្តិការគ្រប់វិស័យរវាងប្រទេសទាំងពីរនេះផងដែរ បើយោងតាមរបាយការណ៏របស់ Fresh News។ ក្នុងពិធីបើកការដ្ឋានសាងសង់ ឯកឧត្តម ប៉ានសូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជាក៏បានមានប្រសាសន៏ផងដែរថា ការបើកការសាងសង់ផ្សារនេះ គឺជាការបើកទំព័រថ្មីមួយទៀតសម្រាប់ការពង្រឹងនូវកិច្ចសហប្រតិបត្តិការនិងពាណិជ្ចកម្មតាមតំបន់ព្រំដែនខ្មែរ-វៀតណាមដែលនឹងអាចសម្រេចបាននូវគម្រោងវិនិយោគចំនួន ៥,០០០ លានដុល្លារទៅតាមគម្រោងមេ។ គួរបញ្ចាក់ផងដែរថាបើផ្សារមួយនេះមានដំណើរការល្អនៅថ្ងៃអនាគតនឹងមានផ្សារបែបនេះជាច្រើនទៀតតាមតំបន់ព្រំដែនខ្មែរ-វៀតណាម។ គម្រោងសាងសង់ផ្សារគំរូព្រំដែនកម្ពុជា
អានបន្ថែម
ក្រុមហ៊ុនចិនម៉ៅទិញដី៥កន្លែងក្នុងតំបន់ជ្រោយចង្វារតម្លៃជាង៣៥លានដុល្លារ
កាលពីថ្ងៃទី ១០ ឧសភា កន្លងមកនេះក្រុមហ៊ុនចិនមួយឈ្មោះថាJiayuan International Group បានចុះកិច្ចព្រមព្រៀងលើការទិញដី៥កន្លែងក្នុងខណ្ឌជ្រោយចង្វារក្នុងតម្លៃ៣៥,៦លានដុល្លារអាមេរិក ដើម្បីអភិវឌ្ឍន៍ជាគម្រោងអគារលំនៅដ្ឋាននិងពាណិជ្ជកម្ម។ដី៥កន្លែងនេះស្ថិតនៅតាមបណ្តោយផ្លូវជាតិលេខ៦ក្នុងសង្កាត់បាក់ខែង ខណ្ឌជ្រោយចង្វារ ដែលមានផ្ទៃក្រឡាសរុបប្រមាណជាង ៦០ ហិកតា (៦០៨,១៤០ម៉ែត្រការ៉េ)ដែលអាចនឹងពង្រីកបានរហូតដល់ទៅ៣៥០ហិកតា។ការទិញដីនេះជាយុទ្ធសាស្ត្រមួយរបស់ Jiayuan International Group ក្នុងការពង្រីកវិសាលភាពរបស់របស់ខ្លួនតាមប្រទេសនិងតំបន់ទាំងឡាយដែលស្ថិតនៅក្នុងគម្រោង “One Belt One Road”។គួរបញ្ជាក់ផងដែរថា ការទិញដីទាំង៥កន្លែងនេះបានធ្វើឡើងតាមរយៈក្រុមហ៊ុន Gang Yuan Development ដែលជាបុត្រសម្ព័ន្ធរបស់ Jiayuan International Group។តំបន់ជ្រោយចង្វារថ្មីៗនេះមានគម្រោងអភិវឌ្ឍន៍ធំៗជាច្រើនដូចជាគម្រោងបូរីលំនៅដ្ឋាននិងពាណិជ្ចកម្មផ្សេងៗពីអ្នកវិនិយោគពីក្នុងនិងក្រៅប្រទេសជាច្រើនដែលធ្វើអោយតំបន់នេះនឹងក្លាយជាទីក្រុងរណបមួយនាពេលអនាគត។
អានបន្ថែម
ឧស្សាហកម្មដែកត្រៀមខ្លួនសម្រាប់វិស័យសំណង់នៅកម្ពុជា
ធុរជនល្បីៗមួយក្រុម និងមានជំនាញក្នុងឧស្សាហកម្មដែក បានពិភាក្សា និងលើកឡើងនូវ ប្រធានបទផ្សេងៗដែលទាក់ទងនឹងការអភិវឌ្ឍឧស្សាហកម្មដែកនៅកម្ពុជា ក្នុងគោលដៅដើម្បីទាក់ទាញអ្នកផលិតដែកមកពីក្រៅប្រទេសចូលមកវិនិយោគនៅក្នុងប្រទេស។កិច្ចពិភាក្សាធុរកិច្ចនេះរៀបចំដោយក្រុមហ៊ុន ISI Group ជាក្រុមហ៊ុនផ្គត់ផ្គង់សម្ភារសំណង់ក្នុងស្រុកដ៏ល្បីមួយ ដែលមានខ្សែចង្វាក់ផលិតកម្មចម្បង គឺផ្គត់ផ្គង់ដែក និងលោហៈធាតុច្រើនប្រភេទ។លោក កាំង ឡេង នាយកប្រតិបត្តិនិងជាប្រធានក្រុមហ៊ុន ISI Group បានទាញអារម្មណ៍នៅក្នុងកិច្ចពិភាក្សាថា “តាមពិតទៅឧស្សាហកម្មដែកគឺបានចូលរួមជាគ្រឹះមួយដ៏សំខាន់សម្រាប់នៃការរីកចម្រើនឧស្សាហកម្ម និងការអភិវឌ្ឍសេដ្ឋកិច្ចកម្ពុជា។ គួរកត់សម្គាល់ថា តម្រូវការប្រើប្រាស់ដែកនៅក្នុងទីផ្សារគឺមានការកើនឡើងជារៀងរាល់ឆ្នាំ។”តាមទិន្នន័យមួយចំនួន លោក កាំង ឡេង បានបង្ហាញអំពីតម្លៃដែកដែលបាននាំចូលមកកម្ពុជា គឺមានតម្លៃប្រមាណ ១ប៊ីលានដុល្លារ ក្នុងរយៈពេល ៥ឆ្នាំចុងក្រោយ។ ចិន និងវៀតណាម គឺប្រភពផ្គត់ផ្គង់វត្ថុធាតុដើមយ៉ាងសំខាន់សម្រាប់ក្រុមហ៊ុន ISI Group។លោក កាំង ឡេង បានពន្យល់ថា “កម្ពុជានៅមានតម្រូវការប្រើប្រាស់ដែកទាប បើប្រៀបធៀបទៅនឹងបណ្តាប្រទេសក្នុងតំបន់អាស៊ានដទៃទៀត” លោក កាំង ឡេង ក៏បានគូសបញ្ជាក់ផងដែរ “មានឱកាសជាច្រើនសម្រាប់ការរីកចម្រើន ដូចនេះតទៅមុខ ឱកាសបន្ថែមគឺការអភិវឌ្ឍអនាគតឧស្សាហកម្មដែកក្នុងប្រទេសជាលក្ខណៈឧស្សហកម្មជាតិ”។វិស័យសំណង់កាលពីឆ្នាំកន្លងទៅ គឺមានសន្ទុះខ្លាំង ដែលគម្រោងសាងសង់បានអនុម័តរួមបញ្ចូលគ្នាមានតម្លៃរហូតដល់ទៅ ៦ប៊ីលានដុល្លារ កើនឡើង ២២ភាគរយ។ឯកឧត្តមបណ្ឌិត សុខ ស៊ីផាន់ណា ទីប្រឹក្សារាជរដ្ឋាភិបាលកម្ពុជា […]
អានបន្ថែម