ព័ត៌មានក្នុងស្រុក
កិច្ចព្រមព្រៀងខ្សែរថភ្លើងកម្ពុជា-ថៃគ្រោងនឹងអនុម័តក្នុងពេលឆាប់ៗនេះ
រូបភាពគំរូពី Railway Transportation កាលពីថ្ងៃទី ៦ ខែកក្កដា ឆ្នាំ ២០១៨ ឯកឧត្តមទេសរដ្ឋមន្ត្រី ស៊ុន ចាន់ថុល ព្រមទាំងក្រុមការងារ បានជួបពិភាក្សាជាមួយឯកឧត្តម ArkhomTermpittayapaisith រដ្ឋមន្រ្តីនៃក្រសួងដឹកជញ្ជូនថៃ ដើម្បីពិភាក្សាបញ្ចប់សេចក្តីព្រាងនៃកិច្ចព្រមព្រៀងដឹកជញ្ជូនតាមផ្លូវដែករវាងកម្ពុជា និងថៃ។ ជាលទ្ធផលនៃកិច្ចប្រជុំភាគីទាំងពីរបានឯកភាពគ្នាលើបញ្ហាបីដែលមិនទាន់បានព្រមព្រៀងគ្នាពីមុនមក។ ភាគីថៃនឹងបន្តនីតិវិធីផ្ទៃក្នុងរបស់ខ្លួនឲ្យបានលឿនដើម្បីជំរុញឲ្យយភាគីទាំងពីរអាចកំណត់កាលបរិច្ឆេទនៃការចុះហត្ថលេខាលើកិច្ចព្រមព្រៀងនេះក្នុងពេលឆាប់ៗខាងមុខនេះ។ ទន្ទឹមនឹងនេះដែរ ភាគីទាំងពីរក៏បានបញ្ជូនក្រុមការងាររបស់ខ្លួនដើម្បីបន្តការចរចារបន្ថែមទៀតអំពីនីតិវិធីនៃការដឹកជញ្ជូនតាមផ្លូវដែកក៏ដូចជាបរិមាណទំនិញដែលអាចដឹកចូលប្រទេសនីមួយៗ។ ជាមួយគ្នានេះដែរឯកឧត្តមទេសរដ្ឋមន្ត្រី ស៊ុន ចាន់ថុល ក៏បានស្នើសុំឲ្យភាគីថៃជួយផ្តល់ដែករ៉ៃសម្រាប់សាងសង់ផ្លូវដែកដែលមានប្រវែង ៦០គ.ម ពីសិរីសោភ័ណ្ឌទៅបាត់ដំបង។ ឆ្លើយតបទៅនឹងសំណើខាងលើនេះឯកឧត្តម ArkhomTermpittayapaisith បានឲ្យកម្ពុជាបញ្ជូនលិខិតស្នើសុំជាផ្លូវការទៅភាគីថៃផងដែរ។ កិច្ចព្រមព្រៀងដឹកជញ្ជូនផ្លូវដែកនេះនឹងជួយបង្កើនពាណិជ្ជកម្មទ្វេភាគីរវាងប្រទេសទាំងពីរឲ្យកាន់តែប្រសើរជាងមុន។ យោងតាមទិន្នន័យពីគេហទំព័រ Trade Map របស់មជ្ឈមណ្ឌលពាណិជ្ជកម្មអន្តរជាតិ (ITC) បានឲ្យដឹងថា កាលពីឆ្នាំ ២០១៧ កម្ពុជាបាននាំចូលទំនិញសរុបទឹកប្រាក់ប្រមាណជាង៥ពាន់លានដុល្លារ ចំណែកប្រទេសថៃវិញបាននាំចូលមកកម្ពុជាសរុបទឹកប្រាក់ប្រមាណជា ៩០០ លានដុល្លារក្នុងឆ្នាំដូចគ្នា។
អានបន្ថែម
SUN & MOON សាងសង់សណ្ឋាគារប្រណិតទី២ របស់ខ្លួននៅក្នុងទីក្រុងភ្នំពេញ
សណ្ឋាគារ SUN & MOON, Urban Hotel ក្រុមហ៊ុន SUN & MOON Company Limited កាលពីថ្មីៗនេះ បានបើកការដ្ឋានសាងសង់គម្រោងសណ្ឋាគារដ៏ប្រណីតទី២ របស់ខ្លួនក្នុងរាជធានីភ្នំពេញឈ្មោះថា “SUN & MOON, The Light” បន្ទាប់ពីទទួលបានភាពជោគជ័យនិងការឆ្លើយតបជាវិជ្ជមានពីអតិថិជនទៅលើសណ្ឋាគារ SUN & MOON, Urban Hotel ដែលជាគម្រោងទី ១ របស់ខ្លួន។ មានទីតាំងស្ថិតនៅតាមបណ្តោយមហាវិថីនរោត្តម ក្បែរស្ពានព្រះមុនីវង្ស ក្នុងសង្កាត់ទន្លេបាសាក់ សណ្ឋាគារ “SUN & MOON, The Light” នេះ មានផ្ទៃក្រឡាសរុបចំនួន ១៧០០០ម៉ែត្រការ៉េ ដែលរួមមាន បន្ទប់សំរាប់ភ្ញៀវចំនួន ១២៦បន្ទប់ កន្លែងសន្និសីទបែបពហុមុខងារដែលអាចទទួលភ្ញៀវរហូតដល់ ៤៨០នាក់ សួនច្បារ កន្លែងហាត់ប្រាណ និងស្ប៉ា ភោជនីយដ្ឋាន និងបារ ក៏ដូចជាការិយាល័យសំរាប់ជួលជាដើម។ ក្នុងគោលបំណងសម្រេចនូវបាវចនារបស់ខ្លួន “Stay. Inspired.” […]
អានបន្ថែម
ស្ពានជ្រោយចង្វារចាស់នឹងបើកឲ្យប្រើប្រាស់វិញមុនខែមេសាឆ្នាំ ២០១៩
ក្រុមហ៊ុន Star-up ថៃមួយឈ្មោះថា Builk One Group គ្រោងនឹងពង្រីកសេវាកម្មប្រព័ន្ធគ្រប់គ្រងគម្រោងសំណង់បែបអនឡាញរបស់ខ្លួនទៅក្នុងទីផ្សារអាស៊ាន តាមរយៈទុនមូលនិធិពីក្រុមការងារ AddVentures
អានបន្ថែម
សាលាឧទ្ធរណ៍ថ្មីចំនួន ៣គ្រោងនឹងញ្ចប់ការសាងសង់ឆ្នាំ ២០១៩
ប្លង់រូបភាពសាលាឧទ្ធរណ៍ រដ្ឋាភិបាលកម្ពុជាគ្រោងនឹងសាង់សង់សាលាឧទ្ធរណ៍ខេត្តចំនួន ៧ បន្ថែមទៀតនៅតាមបណ្ដាខេត្ត ដើម្បីជួយសម្រួលដល់ការចំណាយរបស់ប្រជាពលរដ្ឋ នេះបើយោងតាមអ្នកនាំពាក្យរបស់ក្រសួងយុត្តិធម៌លោក ជិន ម៉ាលិន។ ថ្លែងទៅកាន់កាសែត Khmer Times លោកម៉ាលីន បាននិយាយថារដ្ឋាភិបាលបានចាប់ផ្តើមសាងសង់សាលាឧទ្ធរណ៍ចំនួន ៣កន្លែង នេះនៅខេត្តបាត់ដំបង ខេត្តត្បូងឃ្មុំ និងខេត្តព្រះសីហនុដោយគ្រោងនឹងបញ្ចប់ការសាងសង់ក្នុងរយះពេល១ឆ្នាំ។ លើសពីនេះ ក្រសួងយុត្តិធម៌ក៏គ្រោងនឹងសាងសង់សាលាឧទ្ធរណ៍ខេត្តចំនួន ៤កន្លែងបន្ថែមទៀតនាពេលអនាគត។ យ៉ាងណាមិញព័ត៌មានលម្អិតទាក់ទងទៅនឹងទីកន្លែង កាលបរិច្ឆេទនៃការសាងសង់ ព្រមទាំងកញ្ចប់ថវិការបស់គម្រោងទាំងបួនមិនទាន់ត្រូវបានបង្ហាញនៅឡើយទេ។ នៅក្នុងកិច្ចសម្ភាសន៍តាមទូរស័ព្ទជាមួយ ទស្សនាវដ្តីសំណង់ និងអចលនទ្រព្យ អ្នកនាំពាក្យសាលាឧទ្ធរណ៍និងជាអនុរដ្ឋលេខាធិការនៃអគ្គនាយកដ្ឋានរដ្ឋបាល លោកទូចធារិទ្ធ បានឲ្យដឹងថា បច្ចុប្បន្នដំណើរការការសាងសង់សាលាឧទ្ធរណ៍នៅខេត្តត្បូងឃ្មុំ និងខេត្តព្រះសីហនុគឺសម្រចបានប្រហែលជា ៣០ ទៅ ៤០ ភាគរយទៅហើយ។ គួរបញ្ជាក់ផងដែរថា បច្ចុប្បន្ននេះប្រទេសកម្ពុជាមានសាលាឧទ្ធរណ៍តែមួយប៉ុណ្ណោះដែលស្ថិតនៅក្នុងរាជធានីភ្នំពេញ ដូច្នេះហើយទើបរដ្ឋាភិបាលអនុម័តឲ្យបង្កើតសាលាឧទ្ធរណ៍បន្ថែមទៀត ក្នុងគោលបំណងជួយកាត់បន្ថយការចំណាយរបស់ប្រជាពលរដ្ឋដោយពួកគាត់ពុំចាំបាច់ធ្វើដំណើរមកកាន់រាជធានីភ្នំពេញដើម្បីដាក់ពាក្យបណ្តឹងឧទ្ធរណ៍នោះទេ។ ជាមួយគ្នានេះដែរ ការជ្រើសរើសបីខេត្តខាងលើនេះ គឺដោយសារខេត្តទាំងនោះមានសំណុំរឿងបណ្តឹងឧទ្ធរណ៍ច្រើន។ ប្លង់រូបភាពសាលាឧទ្ធរណ៍
អានបន្ថែម
សាលាឧទ្ធរណ៍ថ្មីចំនួន ៣គ្រោងនឹងញ្ចប់ការសាងសង់ឆ្នាំ ២០១៩
រដ្ឋាភិបាលកម្ពុជាគ្រោងនឹងសាង់សង់សាលាឧទ្ធរណ៍ខេត្តចំនួន ៧ បន្ថែមទៀតនៅតាមបណ្ដាខេត្ត ដើម្បីជួយសម្រួលដល់ការចំណាយរបស់ប្រជាពលរដ្ឋ នេះបើយោងតាមអ្នកនាំពាក្យរបស់ក្រសួងយុត្តិធម៌លោក ជិន ម៉ាលិន។ ថ្លែងទៅកាន់កាសែត Khmer Times លោកម៉ាលីន បាននិយាយថារដ្ឋាភិបាលបានចាប់ផ្តើមសាងសង់សាលាឧទ្ធរណ៍ចំនួន ៣កន្លែង នេះនៅខេត្តបាត់ដំបង ខេត្តត្បូងឃ្មុំ និងខេត្តព្រះសីហនុដោយគ្រោងនឹងបញ្ចប់ការសាងសង់ក្នុងរយះពេល១ឆ្នាំ។ លើសពីនេះ ក្រសួងយុត្តិធម៌ក៏គ្រោងនឹងសាងសង់សាលាឧទ្ធរណ៍ខេត្តចំនួន ៤កន្លែងបន្ថែមទៀតនាពេលអនាគត។ យ៉ាងណាមិញព័ត៌មានលម្អិតទាក់ទងទៅនឹងទីកន្លែង កាលបរិច្ឆេទនៃការសាងសង់ ព្រមទាំងកញ្ចប់ថវិការបស់គម្រោងទាំងបួនមិនទាន់ត្រូវបានបង្ហាញនៅឡើយទេ។ នៅក្នុងកិច្ចសម្ភាសន៍តាមទូរស័ព្ទជាមួយ ទស្សនាវដ្តីសំណង់ និងអចលនទ្រព្យ អ្នកនាំពាក្យសាលាឧទ្ធរណ៍និងជាអនុរដ្ឋលេខាធិការនៃអគ្គនាយកដ្ឋានរដ្ឋបាល លោកទូចធារិទ្ធ បានឲ្យដឹងថា បច្ចុប្បន្នដំណើរការការសាងសង់សាលាឧទ្ធរណ៍នៅខេត្តត្បូងឃ្មុំ និងខេត្តព្រះសីហនុគឺសម្រចបានប្រហែលជា ៣០ ទៅ ៤០ ភាគរយទៅហើយ។ គួរបញ្ជាក់ផងដែរថា បច្ចុប្បន្ននេះប្រទេសកម្ពុជាមានសាលាឧទ្ធរណ៍តែមួយប៉ុណ្ណោះដែលស្ថិតនៅក្នុងរាជធានីភ្នំពេញ ដូច្នេះហើយទើបរដ្ឋាភិបាលអនុម័តឲ្យបង្កើតសាលាឧទ្ធរណ៍បន្ថែមទៀត ក្នុងគោលបំណងជួយកាត់បន្ថយការចំណាយរបស់ប្រជាពលរដ្ឋដោយពួកគាត់ពុំចាំបាច់ធ្វើដំណើរមកកាន់រាជធានីភ្នំពេញដើម្បីដាក់ពាក្យបណ្តឹងឧទ្ធរណ៍នោះទេ។ ជាមួយគ្នានេះដែរ ការជ្រើសរើសបីខេត្តខាងលើនេះ គឺដោយសារខេត្តទាំងនោះមានសំណុំរឿងបណ្តឹងឧទ្ធរណ៍ច្រើន។
អានបន្ថែម
ឃ្លាំងស្តុកស្រូវចំណុះ ២០ ម៉ឺនតោននៅបាត់ដំបងបញ្ចប់ការសាងសង់និងបើកដំណើរការ
ឃ្លាំងស្តុកស្រូវ ប្រភពរូបថត Chea Chenda កាលពីថ្ងៃទី៣ ខែ កក្កដាធនាគារអភិវឌ្ឍន៍ជនបទបានធ្វើការសម្ពោធឃ្លាំងស្តុកស្រូវនិងឡសម្ងួតដ៏ធំមួយក្នុងខេត្តបាត់ដំបងតម្លៃជាង ១៥ លានដុល្លារ និងមានសមត្ថភាពស្តុកស្រូវចំណុះ ២០ ម៉ឺនតោន។ គម្រោងខាងលើសាងសង់ឡើងស្ថិតក្រោមទម្រង់ជាបំណុលរបស់រាជរដ្ឋាភិបាលកម្ពុជា ជាមួយក្រុមហ៊ុនធនាគារស្រូវ (កម្ពុជា) ភីអិលស៊ី តាមរបៀប «សាងសង់-ប្រតិបត្តិការ-និងទូទាត់សំណង»(B.O..P)នេះបើយោងតាមទំព័រហ្វេសប៊ុករបស់ធនាគារអភិវឌ្ឍន៍ជនបទ។ ឃ្លាំងស្ទុកស្រូវនេះមានសមត្ថភាពផ្ទុកស្រូវប្រមាណជា ២០០០០០ តោន ចំណែកឯឡសម្ងួត អាចផលិតអង្ករបានប្រមាណ៣០០០តោនក្នុង១ថ្ងៃដែលនឹងជួយដោះស្រាយក៏ដូចជាកាត់បន្ថយបញ្ហាដែលប្រជាកសិករជួបប្រទះដូចជាការធ្លាក់ចុះនៃតម្លៃស្រូវក្នុងពេលប្រមូលផល។ យោងតាមប្រសាសន៏របស់ឯកឩត្តម ជូ គឹមឡេង រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានឱ្យដឹងថាឃ្លាំងស្រូវនេះអាចជួយកាត់បន្ថយចំណាយប្រតិបត្តិការរបស់អ្នកប្រមូលទិញស្រូវកាត់បន្ថយតួនាទីរបស់ឈ្មួញកណ្តាល ដែលជួយបង្កើនផលប្រយោជន៍ដល់ប្រជាកសិករ ដោយបង្កើនថ្លៃស្រូវដែលចេញពីវាលស្រែឬកសិដ្ឋានដោយផ្ទាល់។ ថ្លែងក្នុងពិធីសម្ពោធនេះដែរ ឯកឩត្តម កៅ ថាច អគ្គនាយកនៃធនាគារអភិវឌ្ឍន៍ជនបទ បានបញ្ជាក់ថាគម្រោងនេះមានគោងបំណងដើម្បីរក្សាស្ថិរភាពតម្លៃស្រូវក៏ដូចជាធ្វើឱ្យប្រសើរឡើងនូវជីវភាពរស់នៅរបស់កសិករ។ ឯកឩត្តមបានបន្ថែមទៀតថាបន្ទាប់ពីគម្រោងនេះលេចឡើងតម្លៃស្រូវត្រូវបានធានាដោយតម្លៃទីផ្សារហើយមិនថយចុះដូចឆ្នាំមុនៗនោះទេ។ គួរបញ្ជាក់ផងដែរថា ក្រុមហ៊ុនធនាគារស្រូវ (កម្ពុជា)ភីអិលស៊ីបានឈ្នះការដេញថ្លៃសម្រាប់គម្រោងវិនិយោគឃ្លាំងស្រូវនេះនៅដើមឆ្នាំ ២០១៧ ។
អានបន្ថែម
ពិព័រណ៍ស្ថាបត្យកម្ម និងដេគ័រកម្ពុជាលើកទី៣ ឆ្នាំ២០១៨ ឆ្លុះបញ្ចាំងពីការរីកចម្រើនន�
ក្រុមហ៊ុន ICVeX Co Ltd ដែលមានមូលដ្ឋាននៅប្រទេសថៃ និងសមាគមស្ថាបត្យករកម្ពុជា (CSA) ជាថ្មីម្តងទៀតបានបង្ហាញពីការរីកចម្រើននៃទីផ្សារកម្ពុជា តាមរយៈភាពជោគជ័យនៃពិព័រណ៍ស្ថាបត្យកម្ម និងដេគ័រកម្ពុជាលើកទី៣ ឆ្នាំ២០១៨ (3rd Cambodia Architect and Décor Expo 2018) របស់ខ្លួន ដែលធ្វើឡើងជារៀងរាល់ឆ្នាំ។ ព្រឹត្តិការណ៍នេះធ្វើឡើងពីថ្ងៃទី ២៤ ដល់ ២៦ ខែឧសភា នៅមជ្ឈមណ្ឌលសន្និបាត និងពិព័រណ៍កោះពេជ្រ ដោយបានទាក់ទាញអ្នកទស្សនារាប់ពាន់នាក់ ហើយអ្នកដែលចូលរួមដាក់តាំងពិព័រណ៍ភាគច្រើនបានបង្ហាញការឆ្លើយតបជាវិជ្ជមាន ព្រោះពួកគេបានបង្កើតកិច្ចព្រមព្រៀងជាច្រើនក្នុងអំឡុងពេលនៃព្រឹត្តិការណ៍នេះ។ ព្រឹត្តិការណ៍រយៈពេល៣ថ្ងៃនេះ បាននាំមកនូវម៉ាកយីហោនាំមុខគេជាង ១៥០ នៅក្នុងតំបន់និងអន្តរជាតិ ដើម្បីដាក់បង្ហាញនូវផលិតផលនិងការច្នៃប្រឌីតបង្កើតថ្មីដែលថ្មីៗបំផុតដល់អ្នកចូលរួមដែលមកពីវិស័យស្ថាបត្យកម្ម ការរចនាផ្ទៃខាងក្នុង ការអភិវឌ្ឍអចលនទ្រព្យ និងការសាងសង់ ក៏ដូចជាម្ចាស់ផ្ទះ និងអ្នកជំនាញខាងឧស្សាហកម្ម។ ខុសប្លែកពីពិព័រណ៍មុនៗដែលផ្តោតលើស្ថាបត្យកម្ម និងការតុបតែងលំនៅដ្ឋាន ព្រឹត្តិការណ៍ឆ្នាំនេះផ្តោតទៅលើទាំងលំនៅដ្ឋាន និងកន្លែងធ្វើការ ព្រោះថាការិយាល័យធ្វើការក៏ជាកន្លែងដែលយើងចំណាយពេលវេលាច្រើននៅជាមួយផងដែរ។ ក្រៅពីការបង្ហាញផលិតផល ព្រឹត្តិការណ៍នេះក៏មានការពិភាក្សា ការធ្វើបទបង្ហាញ ការប្រកួតរចនា (ឌីហ្សាញ) របស់សិស្សនិស្សិត និងសកម្មភាពដទៃទៀត ដែលមានបំណងផ្តល់ការអប់រំ និងភាពសប្បាយរីករាយដល់អ្នកចូលរួមទាំងអស់។ ក្នុងនោះក៏មានសុន្ទរកថាគន្លឺះរបស់ឯកឧត្តម […]
អានបន្ថែម
(English) Vietnamese Firm Plans for US$500 Million Steel Factory in Sihanoukville
កាលពីថ្ងៃទី២ ខែ កក្កដា ឆ្នាំ ២០១៨ តំណាងក្រុមហ៊ុនផលិតដែកមកពីប្រទេសវៀតណាមមួយឈ្មោះថា Hoa Phat បានចូលជួបប្រជុំ ជាមួយអភិបាលខេត្តព្រះសីហនុឯកឧត្តម យន្ត មីន ដើម្បីភាក្សាអំពីគម្រោងវិនិយោគលើរោងចក្ររដែកដ៏ធំមួយនៅខេត្តព្រះសីហនុ។
អានបន្ថែម
ក្រសួងឧស្សាហកម្មនឹងសាងសង់មជ្ឈមណ្ឌលពិសោធន៍ឧស្សាហកម្មដ៏ធំមួយនៅផ្លូវជាតិលេខ ២
អគារមជ្ឈមណ្ឌលមន្ទីរពិសោធន៍ឧស្សាហកម្មកម្ពុជា កាលពីថ្ងៃទី ៣ ខែកក្កដាឆ្នាំ ២០១៨ ក្រសួងឧស្សាហកម្ម និងសិប្បកម្មបានប្រារព្ធពិធីសែនព្រេន សុំម្ចាស់ទឹកម្ចាស់ដីរុះរើសំណង់អគារចាស់នៃអតីតរោងចក្រស័ង្កសីបូពា៌ដើម្បីយកទីតាំងសម្រាប់សាងសង់អគារមជ្ឈមណ្ឌលមន្ទីរពិសោធន៍ឧស្សាហកម្មកម្ពុជា នេះបើយោងតាមទំព័រហ្វេសប៊ុករបស់ក្រសួង។ ក្រោមអធិបតិភាពរបស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រីរដ្ឋមន្ត្រីក្រសួងឧស្សាហកម្ម និងសិប្បកម្មបានឲ្យដឹងថា ការសាងសង់មជ្ឈមណ្ឌលមន្ទីរពិសោធន៍ឧស្សាហកម្មនេះនឹងចាប់ផ្តើមនៅខែក្រោយបន្ទាប់ពីការឈូសឆាយអគារចាស់រួចរាល់។ អគារថ្មីនេះនឹងមានកម្ពស់ ៧ ជាន់ដែលមានទីតាំងស្ថិតនៅតំបន់ចក្រអង្រែលើ តាមបណ្តោយផ្លូវជាតិលេខ ២ ហើយគ្រោងនឹងបញ្ចប់ការសាងសង់នៅចុងឆ្នាំ ២០១៩ ។ ក្នុងឱកាសនេះផងដែរ ឯកឧត្តម ចម ប្រសិទ្ធ បានមានប្រសាសន៏ថា ការបង្កើតមជ្ឈមណ្ឌលពិសោធន៍មួយនេះគឺនឹងផ្តល់ភាពងាយស្រួលក្នុងការស្នើសុំជំនួយបច្ចេកទេស ឬជំនួយជាឧបករណ៍ សម្ភារពិសោធន៍ ពីប្រទេសជាដៃគូ ដូចជាប្រទេសចិន ជប៉ុន កូរ៉េ និងសហភាពអឺរ៉ុបជាដើម ព្រោះបច្ចុប្យន្ននេះយើងពុំទាន់មានកន្លែងសំរាប់ដាក់ឧបករណ៍ទាំងនោះទេ។ មជ្ឈមណ្ឌលពិសោធន៍មួយនេះនឹងជួយលើកកម្ពស់និងជួយអភិវឌ្ឍគុណភាពសមត្ថភាពរបស់ហគ្រាសធុនតូច និងមធ្យមក្នុងវិស័យឧស្សាហកម្ម ឲ្យមានភាពរីកចម្រើនជាងមុន ជាពិសេសនោះគឺបង្កើនទំនុកចិត្តដល់អតិថិជនទាំងអស់នៅកម្ពុជា។ ក្នុងរយៈពេល ៥ ឆ្នាំកន្លងមកនេះ ចំនួនផលិតផលស្តង់ដារដែលបានអនុម័តដាក់ឲ្យអនុវត្តបានកើនឡើងយ៉ាងគួរឲ្យកត់សម្គាល់។ បើគិតចំពោះក្នុងតែឆ្នាំ ២០១៧ គឺមានរហូតដល់ ៨៦៨ ដែលកើនឡើងស ២៣ដង បើប្រៀបធៀបនឹងទិន្ន័យក្នុងឆ្នាំ ២០១៣។
អានបន្ថែម
ផ្លូវដែកភ្នំពេញ-ប៉ោយប៉ែតសម្រច ១០០ ភាគរយ ដោយប្រើថវិកាសរុបជាង ៩៦ លានដុល្លារ
កាលពីព្រឹកថ្ងៃទី ០៤ កក្កដា នេះ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញជាអធិបតីភាព ដាក់ឲ្យប្រើប្រាស់ជាបណ្តោះអាសន្ននូវកំណាត់ផ្លូវដែកពីពោធិ៍សាត់មកភ្នំពេញ ដែលជាការបញ្ចប់នូវកំណាត់ចុងក្រោយ
អានបន្ថែម