ព័ត៌មានក្នុងស្រុក
រថភ្លើងភ្នំពេញ-ព្រលានយន្តហោះបើកដំណើរការហើយនិងជិះដោយឥតគិតថ្លៃដល់ចុងខែកក្កដា
កាលពីព្រឹកថ្ងៃទី១០ ខែមេសា ឆ្នាំ២០១៨ ទេសរដ្ឋមន្រ្តីស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន និងអ្នកឧកញ៉ា គិត ម៉េង ប្រធានក្រុមហ៊ុន Royal Group បានអញ្ជើញជាអធិបតីភាពក្នុងពិធីបើកឲ្យប្រើប្រាស់ជាបណ្តោះអាសន្នរថភ្លើងដឹកអ្នកដំណើរភ្នំពេញ-ព្រលានយន្តហោះអន្តរជាតិភ្នំពេញ ដែលមានបើកអោយជិះដោយឥតគិតថ្លៃចាប់ពីថ្ងៃនេះដល់ ថ្ងៃទី ៣១ ខែកក្កដា។ រថភ្លើងនេះត្រូវបានបំពាក់ម៉ាស៊ីនត្រជាក់និងមានសមត្ថភាពផ្ទុកអ្នកដំណើរបានប្រមាណ ១០០ នាក់ហើយនឹងចំណាយប្រមាណ ២២ ទៅ ៣០ នាទីក្នុងមួយជើង និងចេញដំណើររៀងរាល់ ៣០ នាទីម្ដង។ នៅព្រលានយន្តហោះអន្តរជាតិភ្នំពេញក៏មានបន្ទប់រងចាំឬ Waiting Room សម្រាប់អោយអ្នកដំណើររងចាំជើងរថភ្លើង។ ឯកឧត្ដមទេសរដ្ឋមន្ត្រី ស៊ុន ចាន់ថុលបានថ្លែងអោយដឹងថា៖ “យើងគ្រោងនឹងបើកដំណើរការរថភ្លើងនេះ ២៤ ម៉ោងក្នុងមួយថ្ងៃ និង ៧ ថ្ងៃក្នុងមួយសប្ដាហ៍ ពោលគឺ ២៤/៧។ ចំពោះតម្លៃនៅដំណាក់កាលនេះយើងកំពុងតែពិចារណាប៉ុន្តែខ្ញុំអាចនិយាយបានថាវានឹងមានតំលៃថោកជាងគេបំផុតបើប្រៀបធៀបនឹងមធ្យោបាយដទៃទៀតដូចជា Taxi ជាដើម”។ “ផែនការបន្ទាប់ដែលនឹងធ្វើគឺម៉ាស៊ីនSelf-Check in នៅស្ថានីយ៍ភ្នំពេញដែលអ្នកដំណើរអាច Check In បានដោយខ្លួនឯងដោយមិនចាំទៅតំរង់ជួរចាំនៅព្រលានយន្តហោះនោះទេ ដូចដែលប្រទេសអភិវឌ្ឍន៍ដទៃទៀតមួយចំនួនបានធ្វើរួចមកហើយ” ឯកឧត្ដមបានបន្ត។ ការបើកដំណើរការនេះគ្រាន់តែជាការបើកជាបណ្តោះអាសន្ននៅឡើយទេ […]
អានបន្ថែម
ជប៉ុនផ្តល់កម្ចី ៨៦ លានដុល្លារដើម្បីលើកកំពស់ប្រព័ន្ធអគ្គីសនីនៅរាជធានីភ្នំពេញ
ខ្សែអគ្គិសនីនៅរាជធានីភ្នំពេញ ប្រភព: Michael Coghlan រដ្ឋាភិបាលជប៉ុនបានផ្តល់នូវកម្ចីចំនួន ៨៦ លានដុល្លារបន្ថែមទៀតដល់ប្រទេសកម្ពុជាដើម្បីកែលម្អនិងពង្រីកប្រព័ន្ធខ្សែបញ្ជូននិងចែកចាយអគ្គិសនីរាជធានីភ្នំពេញ ជំហានទី ២ នេះបើយោងតាមលិខិតផ្លូវការរបស់ក្រសួងការបរទេសនិងសហប្រតិបត្តិការអន្តរជាតិ។ គម្រោងនេះរួមមានការសាងសង់ស្ថានីយ៍ថ្មី ការពង្រីកប្រព័ន្ធខ្សែបញ្ជូន និង ចែកចាយអគ្គិសនីនិងលើកកំពស់ហេដ្ឋារចនាសម្ព័ន្ធប្រព័ន្ធអគ្គិសនីទូទៅនៅទីក្រុងភ្នំពេញក្នុងគោលបំណងដើម្បីបង្កើនស្ថេរភាពនៃការផ្គត់ផ្គង់អគ្គិសនីនៅរាជធានីភ្នំពេញក៏ដូចជាប្រទេសកម្ពុជាទាំងមូល។ ពិធីហត្ថលេខាលើលិខិតប្ដូរសារ និងកំណត់ហេតុ នៃការពិភាក្សា ស្ដីពីការផ្ដល់ហិរញ្ញប្បទានរបស់រដ្ឋាភិបាលជប៉ុនមកកាន់រាជរដ្ឋាភិបាលកម្ពុជានេះបានធ្វើឡើងកាលពីថ្ងៃទី ៨ ខែមេសាក្រោមអធិបតីភាពដ៏ខ្ពង់ខ្ពស់របស់សម្តេចនាយករដ្ឋមន្រ្តី ហ៊ុន សែន ដែលកិច្ចព្រមព្រៀងនេះត្រូវបានចុះហត្ថលេខារវាងឯកឧត្តមទេសរដ្ឋមន្រ្តី ប្រាក់ សុខុន និង ឯកឧត្តម តារ៉ូ កូណូ រដ្ឋមន្រ្តីការបរទេសជប៉ុន។ កាចុះហត្ថលេខានេះជាផ្នែកមួយនៃការបំពេញទស្សនកិច្ចផ្លូវការរបស់ឯកឧត្តម តារ៉ូ កូណូ រដ្ឋមន្រ្តីការបរទេសជប៉ុនមកកាន់ព្រះរាជាណាចក្រកម្ពុជាក្នុងគោលបំណងដើម្បីពង្រឹងទំនាក់ទំនងទ្វេភាគីរវាងប្រទេសកម្ពុជា និងជប៉ុន។ ក្រៅពីប្រាក់កម្ចីលើគម្រោងនេះកិច្ចព្រមព្រៀងនេះក៏រួមបញ្ចូលនូវហិរញ្ញប្បទានមួយកញ្ចប់ទៀតដែលមានទឹកប្រាក់ប្រមាណ៤.៦ លានដុល្លារអាមេរិកដើម្បីលើកកំពស់វិស័យសេដ្ឋកិច្ចនិសង្គមនៅក្នុងប្រទេសកម្ពុជា។ កិច្ចព្រមព្រៀងនេះបានបង្ហាញនូវទំនាក់ទំនងទ្វេភាគីដ៏រឹងមាំរវាងជប៉ុននិងកម្ពុជា ក៏ដូចជាដើម្បីអបអរសាទរខួបលើកទី ៦៥នៃការបង្កើតទំនាក់ទំនងការទូតរវាងកម្ពុជានិងជប៉ុនផងដែរ។
អានបន្ថែម
ស្ពានអាកាសផ្សារដីហុយនឹងបើកបណ្តោះអាសន្នក្នុងឱកាសបុណ្យចូលឆ្នាំថ្មី
យោងតាមសេចក្តីប្រកាសរបស់សាលារាជធានីភ្នំពេញ ស្ពានអាកាសថ្មីនៅផ្សារដីហុយតាមបណ្តោយមហាវិថីសហព័ន្ធរុស្ស៊ីនឹងបើកជាបណ្តោះអាសន្នជាសាធារណៈក្នុងឱកាសបុណ្យចូលឆ្នាំខ្មែរនាពេលខាងមុខនេះ ប៉ុន្តែនឹងត្រូវបិទវិញទៀតដើម្បីបញ្ចប់ការសាងសង់ដែលនៅសេសសល់។ “ស្ពានអាកាសនេះនឹងបើកពីថ្ងៃទី ១២ ដល់ ថ្ងៃទី ១៧ ខែមេសា នេះតែប៉ុណ្ណោះ ហើយចាប់ពីថ្ងៃ ១៨ ទៅនឹងបិទពាក់កណ្ដាលបើកពាក់កណ្ដាលផ្លាស់ប្ដូគ្នាទៅវិញទៅមកម្ដងម្ខាង ដើម្បីបញ្ចប់ការសាងសង់ដែលនៅសេសសល់ ដូចជាការចាក់កៅស៊ូជាដើម ។ ការដ្ឋានសាងសង់នឹងបញ្ចប់ ១០០ ភាគរយនៅពាក់កណ្ដាលខែឧសភា។ ក្នុងអំឡុងពេលនេះ មិនអនុញ្ញាតអោយរថយន្តកំពស់លើសពី ៣ ម៉ែត្របើកបរឡើងលើស្ពានអាកាសនេះទេ” នេះបើតាមប្រសាសន៍របស់អ្នកនាំពាក្យសាលារាជធានីភ្នំពេញលោក ម៉េត មាសភក្តី។ “គោលបំណងនៃការបើកស្ពានអាកាសក្នុងអំឡុងពេលចូលឆ្នាំថ្មីខាងមុខនេះគឺដើម្បីជួយសម្រួលដល់ចរាចរនៅរាជធានីភ្នំពេញ ដោយសារតែមានប្រជាពលរដ្ឋជាច្រើនដែលត្រូវធ្វើដំណើរត្រឡប់ទៅស្រុកកំណើតក្នុងអំឡុងពេលនៃពិធីបុណ្យចូលឆ្នាំ ដូច្នេះវាគឺអាចបង្កឱ្យមានការកកស្ទះចរាចរណ៍ធ្ងន់ធ្ងរ” លោកបានបន្ត។ ស្ពានអាកាសនេះមានប្រវែង ៩០៥ ម៉ែត្រនិងទទឹង ១៦៥ម៉ែត្រ ដែលបានចាប់ផ្តើមសាងសង់កាលពីខែសីហាឆ្នាំ ២០១៦ ហើយនឹងក្លាយជាស្ពានទីប្រាំដែលនឹងត្រូវសាងសង់នៅរាជធានីភ្នំពេញ។
អានបន្ថែម
បើកដំណើរការហើយ ! នាវាដឹកអ្នកដំណើរសាធារណៈព្រែកព្នៅ-ភ្នំពេញ-តាខ្មៅ
កាលពីព្រឹកថ្ងៃទី៦ ខែមេសា ឆ្នាំ២០១៨ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតីភាពក្នុងពិធីដាក់ ឱ្យប្រើប្រាស់នាវាដឹកអ្នកដំណើរសាធារណៈព្រែកព្នៅ-ភ្នំពេញ-តាខ្មៅ ព្រមទាំងបើក ដំណើរការអោយប្រជាជនគ្រប់រូបអាចប្រើសេវាកម្មនេះដោយឥតគិតថ្លៃចាប់ពីថ្ងៃនេះរហូតដល់ខែកក្កដា។ នៅក្នុងដំណាក់នេះ មាននាវាចំនួន ០៣គ្រឿង ក្នុងនោះ០២គ្រឿងជានាវាមានបាតទោល អាចផ្ទុកអ្នកដំណើរបានចំនួន៦០នាក់ក្នុងមួយគ្រឿង ចំណែក០១គ្រឿងទៀតជានាវាមានបាតភ្លោះ អាចផ្ទុកអ្នកដំណើរបានចំនួន៥៤នាក់ ដែលនាវាទាំងអស់បំពាក់ដោយម៉ាស៊ីនត្រជាក់ ព្រមទាំងពោងសុវត្ថិភាព។ ការធ្វើដំណើរចាប់ពីព្រែកព្នៅទៅក្រុងតាខ្មៅត្រូវឆ្លងកាត់០៦ចំណតរួមមាន ព្រែកព្នៅ ឫស្សីកែវ ផ្សារចាស់ ចតុមុខ ច្បារអំពៅ និងតាខ្មៅ ដោយចំណាយពេលវេលាពី ៣នាទី ទៅ ១០នាទី ពីចំណតមួយទៅចំណតមួយ និងឈប់ដាក់អ្នកដំណើរចុះឡើងមិនលើសពី១០នាទីឡើយ។ នាវាដឹកអ្នកដំណើរនេះមានល្បឿនប្រមាណ ៤០គីឡូម៉ែត្រក្នុងមួយម៉ោង បើធ្វើដំណើរពីចំណតឫស្សីកែវទៅចំណតតាខ្មៅនឹងចំណាយពេលសរុបមិនលើសពី៤៥នាទី ដែលមានល្បឿនលឿនជាងដំណើរតាមផ្លូវគោក ៣ដង។ សេវាកម្មនាវានេះនឹងដំណើរការជាប្រចាំចាប់ពីម៉ោង៥:៣០នាទីព្រឹក ដល់ម៉ោង ៥:៣០នាទីល្ងាច ដែលថ្លៃឈ្នួលធ្វើដំណើរគឺ ៣២០រៀលក្នុងមួយគីឡូម៉ែត្រ។ ប៉ុន្តែដើម្បីជាចំណងដៃដល់ប្រជាពលរដ្ឋគ្រប់រូបក្នុងឱកាសបុណ្យចូលឆ្នាំខ្មែរ ក៏ដូចជាដើម្បីជំរុញឱ្យប្រជាពលរដ្ឋបានដឹងពីការធ្វើដំណើរតាមធម្យោបាយនេះ ចាប់ពីថ្ងៃនេះរហូតដល់ដំណាច់ខែកក្កដា ឆ្នាំ២០១៨ ប្រជាពលរដ្ឋគ្រប់រូបអាចធ្វើដំណើរដោយឥតគិតថ្លៃ។ ឯកឧត្ដមទេសរដ្ឋមន្ត្រីមានសង្ឃឹមយ៉ាងមុតមាំថា៖ ការដឹកជញ្ជូនអ្នកដំណើរតាមផ្លូវទឹកនេះ នឹងចូលរួមចំណែកយ៉ាងសំខាន់ក្នុងដំណោះស្រាយការកកស្ទះ និងគ្រោះថ្នាក់ចរាចរណ៍ក្នុងភូមិសាស្ត្ររាជធានីភ្នំពេញ ចំណេញពេលវេលា […]
អានបន្ថែម
កូរ៉េផ្តល់កម្ចី ៦៣ លានដុល្លារសាងសង់ប្រព័ន្ធចម្រោះទឹកកខ្វក់នៅតាខ្មៅ
Cambodia-Korea Takmao Sewage Management System កាលពីថ្ងែទី ០៣ ខែមេសា ឆ្នាំ២០១៨ ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងឯកឧត្តម OH Nak-Young ឯកអគ្គរដ្ឋទូតសាធារណរដ្ឋកូរ៉េប្រចាំនៅព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីចុះហត្ថលេខា លើកិច្ចព្រមព្រៀងឥណទានសម្បទាន ៦៣ លានដុល្លារសម្រាប់គម្រោងអភិវឌ្ឍន៍ប្រព័ន្ធចម្រោះទឹកកខ្វក់ ក្នុងក្រុងតាខ្មៅ។ កិច្ចព្រមព្រៀងនេះចុះហត្ថលេខា រវាងឯកឧត្តម វង្សី វិស្សុត រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ ក្នុងនាមរាជរដ្ឋាភិបាលកម្ពុជា ជាមួយលោក CHANG Youn Soo ប្រធានស្ថានតំណាងមូលនិធិសម្រាប់កិច្ចសហប្រតិបត្តិការអភិវឌ្ឍន៍សេដ្ឋកិច្ច (EDCF) ប្រចាំនៅកម្ពុជា។ គម្រោងអភិវឌ្ឍន៍ប្រព័ន្ធចម្រោះទឹកកខ្វក់នេះនឹងមានសមត្ថភាពចម្រោះទឹកបាន ៧.៦០០ ម៉ែត្រគូបក្នុងមួយម៉ោង។ ចំពោះប្រព័ន្ធចម្រោះទឹកកខ្វក់មួយនេះរួមមានអាងចម្រោះទឹកកខ្វក់មួយចំនួន ដែលត្រូវតភ្ជាប់ទៅស្ថានីយ៍បូមទឹកកខ្វក់ផ្សេងទៀតទាំងអស់មានចំនួន ១០ កន្លែង និងឡស្ទាក់កាកសំណល់ដែលភ្ជាប់ដោយបំពង់បង្ហូរកាកសំណល់ប្រវែងសរុប ៥៥,៣៣ គីឡូម៉ែត្រ។ ជាមួយគ្នានេះដែរកញ្ចប់ថវិកានេះក៏នឹងត្រូវប្រើដើម្បីស្ដារព្រែកប្រវែង ១៦,២ គីឡូម៉ែត្រ ដែលក្នុងនោះមានការស្ដារឡើងវិញនូវស្ថានីយ៍បូមទឹកចាស់ និងសាងសង់ទ្វារទឹកថ្មីមួយកន្លែងទៀតទំហំ ៥ […]
អានបន្ថែម
តើប្រទេសថៃនឹងសាងសង់ព្រែកជីកតភ្ជាប់មហាសមុទ្រដូចដែលគេកំពុងតែផ្អើលមែនឬទេ?
រូបភាពឧទាហរណ៍អ្នកជំនាញថៃកាលពីថ្មីៗនេះក្រុមបានជំរុញឱ្យរដ្ឋាភិបាលបង្កើតគណកម្មាធិការដើម្បីសិក្សាពីលទ្ធភាពនៃគម្រោងព្រែកជីកតភ្ជាប់មហាសមុទ្រឬ Kra Canal នៅភាគខាងត្បូងនៃប្រទេសថៃ។ ទោះជាយ៉ាងណាក៏ដោយ រដ្ឋាភិបាលថៃបានបញ្ជាក់ថាគម្រោងនេះមិនទាន់មាននៅក្នុងផែនការរបស់រដ្ឋាភិបាលថៃនៅឡើយទេ នេះបើយោងតាមសារព័ត៌មានThe Nation និង Channel News Asia ។Kra Canal នេះគឺជាគម្រោងព្រែកជីកសិប្បនិម្មិតតម្លៃរាប់ពាន់លានដុល្លារនៅភាគខាងត្បូងនៃប្រទេសថៃ ប្រវែងជាង ១០០ គីឡូម៉ែត្រ ដែលជាផ្លូវកាត់តភ្ជាប់សមុទ្រឥណ្ឌា និង សមុទ្រចិន។ ដោយប្រើប្រាស់ព្រែកជីកសិប្បនិម្មិតនេះ នាវាទាំងឡាយអាចធ្វើដំណើរទៅវិញទៅមកឆ្លងកាត់មហាសមុទ្រទាំងពីរបានងាយស្រួលជាងមុន ដោយនឹងកាត់បន្ថយចម្ងាយនៃការធ្វើដំណើរយ៉ាងហោច ១.០០០ គីឡូម៉ែត្រ ព្រោះថាមិនចាំបាច់ធ្វើដំណើរវាងទៅកាន់ចុងជ្រោយឧបទ្វីបម៉ាឡេដូចសព្វថ្ងៃទៀតទេ។គម្រោងមួយដែលបានស្នើឡើងជាយូរមកហើយ ប៉ុន្តែពុំទាន់មានព័ត៌មានលំអិតជាក់លាក់ពិតប្រាកដថានឹងសាង់សង់ពិតមែន ឬ សាងសង់នៅពេលណានោះទេ គឺមានត្រឹមតែការនិយាយនិងផ្អើលតៗគ្នាតែប៉ុណ្ណោះ។ប៉ុន្តែកាលពីថ្មីៗនេះ អ្នកនាំពាក្យរបស់រដ្ឋាភិបាលលោកឧត្តមសេនីយ៍ឯក SansernKaewkamnerdបានអោយដឹងថា រដ្ឋាភិបាលថៃពុំទាន់មានផែនការនិងការអនុវត្តអ្វីទៅលើគម្រោងនេះនៅឡើយទេ នេះបើយោងតាមរបាយការណ៍របស់សារព័ត៌មានChannel News Asia ដែលចេញផ្សាយកាលពីចុងខែ កុម្ភៈ។ បច្ចុប្បន្នរដ្ឋាភិបាលកំពុងពិចារណាលើផលប៉ះពាល់វិជ្ជមាននិងអវិជ្ជមាននៃព្រែកជីកដែលបានស្នើឡើងនេះ។ក្នុងកំពុងពេលនេះ លោកក៏បានស្នើផងដែរថា ប្រជាពលរដ្ឋគួរតែប្រុងប្រយ័ត្នទៅលើព័ត៌មានទាក់ទងទៅនឹងគម្រោងនេះព្រោះវាអាចបណ្ដាលអោយមានការយល់ច្រឡំ។ទោះជាយ៉ាងណាក្ដី បញ្ហានេះត្រូវបានលើកមកពិភាក្សាជាថ្មីម្តងទៀតនៅក្នុងវេទិកាពិភាក្សាដែលធ្វើឡើងនៅថ្ងៃទី ២៤ ខែមីនាដោយសាកលវិទ្យាល័យRangsitឈ្មោះថា Stakeholders in Kra Canal @ Klong Thaiដែលអ្នកជំនាញបានមកជួបជុំគ្នាដើម្បីវែកញែកពីផលប៉ះពាល់នែគម្រោងនេះ។ក្រុមអ្នកជំនាញបានសម្តែងការផ្តល់យោបល់របស់ពួកគេ ទាំងយល់ស្របនិងប្រឆាំងចំពោះគម្រោងមួយនេះ ព្រមទាំងជំរុញឱ្យរដ្ឋាភិបាលបង្កើតនូវគណៈកម្មាធិការដើម្បីសិក្សាអំពីគម្រោងនេះផងដែរ ក្នុងគោលបំណងដើម្បីធ្វើអោយរឿងនេះមានភាពច្បាស់លាស់ជាងមុន។ […]
អានបន្ថែម
រថភ្លើងប៉ោយប៉ែត-សេរីសោភ័ណ្ឌបើកអោយដំណើរការហើយ
ស្ថានីយ៍ប៉ោយប៉ែតរថភ្លើងពីប៉ោយប៉ែតទៅសេរីសោភ័ណ្ឌបានបើកដំណើរការសាកល្បងដោយជោគជ័យកាលពីម្សិលមិញ ហើយគ្រោងនឹងដាក់អោយដំណើរការជាបណ្ដោះអាសន្នចាប់ពីនៅថ្ងៃស្អែកនេះ ដែលត្រូវនឹង ០៤ មេសា ២០១៨ ជាមួយនឹងកាដូពិសេស ជិះដោយឥតគិតថ្លៃរហូតដល់ថ្ងៃទី៣១ កក្កដា ២០១៨។ការធ្វើដំណើរតាមផ្លូវដែកនេះ នឹងអាចផ្ទុកនាក់ដំណើរបានចំនួន ១០០នាក់ ទាំងឈរ និងអង្គុយ ដែលនឹងផ្តល់សេវា មួយថ្ងៃ ០៣ជុំ ស្មើនឹង០៦ ជើងទៅមក។ជាមួយនឹង មធ្យោបាយធ្វើដំណើរបែបនេះ នឹងជួយសម្រួលដល់ការកាត់បន្ថយនៃការកកស្ទះ កាត់បន្ថយគ្រោះថ្នាក់ចរាចរណ៍ កាត់បន្ថយភាពក្រីក្រ តាមគោលនយោបាយ របស់រាជរដ្ឋាភិបាល។កំណាត់ផ្លូវដែកនេះ គឺជាផ្នែកមួយនៃគម្រោងផ្លូវដែកទាំងមូលដែលត្រូវតភ្ជាប់ពីរាជធានីភ្នំពេញទៅកាន់ទីក្រុងបាងកកផងដែរ នេះជាផែនការមួយរបស់ក្រសួងសាធារណការនិងដឹកជញ្ជូន ក្នុងការជម្រុញវិស័យដឹកជញ្ជូនកម្ពុជាឲ្យកាន់តែប្រសើរឡើង។ជាមួយគ្នានេះដែរ រថភ្លើងពីភ្នំពេញទៅកាន់អាកាសយានដ្ឋានអន្តរជាតិភ្នំពេញក៏បានសាកល្បងបើកអោយដំណើរការកាលពីថ្ងៃទី ០១ មេសា កន្លងមកនេះផងដែរ ហើយគ្រោងនឹងបើកជាផ្លូវការក្នុងពេលឆាប់នេះ។
អានបន្ថែម
កំណាត់ផ្លូវរតនៈមណ្ឌល-សំឡូតទល់ដែនថៃបើកអោយប្រើប្រាស់ជាផ្លូវការ
នៅព្រឹក ថ្ងៃទី០២ ខែមេសា ឆ្នាំ២០១៨ សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីសម្ពោធដាក់ឲ្យប្រើប្រាស់ជាផ្លូវការនូវផ្លូវលេខ ១៥៧៧ ដែលតភ្ជាប់ពីឃុំត្រែង ស្រុករតនៈមណ្ឌល ដល់ ឃុំសំឡូត ស្រុកសំឡូត ខេត្តបាត់ដំបង។ កំណាត់ផ្លូវនេះមានប្រវែង ៥១,៨ គីឡូម៉ែត្រ ទទឹង ៩ម៉ែត្រ និងចាក់កៅស៊ូប្រភេទ DBST។ កំណាត់ផ្លូវនេះត្រូវសាងសង់និងស្ដារឡើងវិញចាប់តាំងពីឆ្នាំ ២០១៥ ហើយទើបតែបញ្ចប់កាលចុងឆ្នាំ ២០១៧ នេះ។ គម្រោងផ្លូវនេះចំណាយថវិកាសរុបប្រមាណ ៣៨លានដុល្លារសហរដ្ឋអាមេរិច ដែលជាហិរញ្ញប្បទានសម្បទានពីសាធារណរដ្ឋប្រជាមានិតចិន រួមជាមួយថវិការបដិភាគ របស់រាជរដ្ឋាភិបាលកម្ពុជា សម្រាប់ដោះស្រាយផលប៉ះពាល់ ការបោសសម្អាតមីន និងយុទ្ធភ័ណ្ឌមិនទានផ្ទុះ។ គួរគត់សម្គាល់ថា ផ្លូវលេខ១៥៧៧នេះ ជាផ្លូវយុទ្ធសាស្ត្រមួយយ៉ាងសំខាន់ សម្រាប់បម្រើដល់កិច្ចការពារជាតិ និងការអភិវឌ្ឍន៍សេដ្ឋកិច្ច តភ្ជាប់តំបន់ភូមិភាគកណ្តាល ទៅកាន់វាលទំនាបខាងលើនិងភូមិភាគខាងលិច ទៅច្រកទ្វារព្រំដែន៤០០ ព្រំប្រទល់កម្ពុជា-ថៃ។
អានបន្ថែម
HLH Group លក់សណ្ឋាគារក្នុងគម្រោង D’Seaview នៅខេត្តព្រះសីហនុតម្លៃ ១៥,៧ លានដុល្លារ
D’Seaview ក្រុមហ៊ុនអចលនទ្រព្យនិងជាអ្នកភិវឌ្ឍដ៏ធំមួយរបស់ប្រទេសសិង្ហបុរី HLH Group កាលពីពេលថ្មីៗនេះបានប្រកាសដាក់លក់សណ្ឋាគារនៅក្នុងគម្រោង D’Seaview របស់ខ្លួននៅខេត្តព្រះសីហនុក្នុងតម្លៃ ១៥,៧ លានដុល្លារ នេះបើយោងតាមរបាយការណ៍របស់សារព័ត៌មានThe Straits Times សណ្ឋាគារនេះមានទីតាំងប្រមាណមួយគីឡូម៉ែត្រពីឆ្នេរសុខា មានសរុបចំនួន ៩៨ បន្ទប់ សណ្ឋាគានេះគឺជាផ្នែកមួយនៃគម្រោង D’Seaview ដែលជាគម្រោងប្រភេទ Freehold ជាលើកដំបូងរបស់ក្រុមហ៊ុនHLH Group នៅកម្ពុជា។ គម្រោងមានជាប្រភេទលំនៅដ្ឋានចំនួន ៧៣៧ យូនិត និងប្រភេទអគារពាណិជ្ជកម្មចំនួន ៦៧ យូនិតដែលមានផ្ទៃក្រឡា Freehold សរុប ២២.០៦៤ ម៉ែត្រការ៉េ។ យោងតាមរបាយការណ៍ The Straits Times បានឱ្យដឹងថា ៨០ ភាគរយនៃប្រភេទអគារពាណិជ្ជកម្ម និង ៦០ ភាគរយនៃប្រភេទលំនៅដ្ឋាននឹងលក់ដាច់អស់បន្ទាប់ពីការបញ្ចប់កិច្ចព្រមព្រៀងការលក់សណ្ឋាគារ។ ជាមួយគ្នានេះដែរ ការសាងសង់អគារពាណិជ្ជកម្មរំពឹងថានឹងបញ្ចប់ចុងឆ្នាំនេះ ចំណែកឯអគារប្រភេទលំនៅដ្ឋានគ្រោងនឹងបញ្ចប់នៅពាក់កណ្ដាលឆ្នាំក្រោយ។ ប៉ុន្មានឆ្នាំកន្លងមកនេះ ខេត្តព្រះសីហនុបាននិងកំពុងមានសន្ទុះយ៉ាងខ្លាំងក្នុងវិស័យអចលនទ្រព្យដែលមានគម្រោងជាច្រើនដូចជាខុនដូសណ្ឋាគារផ្ទះល្វែងនិងកាស៊ីណូ បានបង្ហាញខ្លួន។ D’Seaview
អានបន្ថែម
បើកការដ្ឋានពង្រីកផ្លូវបាត់ដំបង-សិរិសោភ័ណជា៤គន្លង
កាលពីព្រឹក ថ្ងៃទី២៦ ខែមីនា ឆ្នាំ២០១៨ សម្តេចនាយករដ្ឋមន្ត្រី ហ៊ុន សែន បានអញ្ជើញជាអធិបតីដ៏ខ្ពង់ខ្ពស់នៅក្នុងពិធីបើកការដ្ឋានសាងសង់និងធ្វើអោយប្រសើរឡើងនូវកំណាត់ផ្លូវជាតិលេខ៥ ពីខេត្តបាត់ដំបងឆ្ពោះទៅកាន់ក្រុងសិរីសោភ័ណខេត្តបន្ទាយមានជ័យដែលមានប្រវែងប្រមាណ ៨៥គីឡូម៉ែត្រ។ ការដ្ឋានសាងសង់នេះគិតចាប់ពីគីឡូម៉ែត្រលេខ ២៨២+០០០ ទៅគីឡូម៉ែត្រលេខ ៣៦៧+៨០៤ ដោយពង្រីកផ្លូវទៅជា៤គន្លងទទឹង២៣ម និងចាក់បេតុងកៅស៊ូ (AC) កម្រាស់១៥សម។ ក្រៅពីការស្តារ និងពង្រីកកំណាត់ផ្លូវនេះ ក៏មានការសាងសង់ផ្លូវវាងក្រុង០២ខ្សែផងដែរ ក្នុងនោះគឺមានផ្លូវវាង ក្រុងបាត់ដំបងប្រវែង ២៣,៩២គីឡូម៉ែត្រ និងក្រុងសិរីសោភ័ណប្រវែង ៩,៣៤គីឡូម៉ែត្រ។ គម្រោងនេះនឹងប្រើរយៈពេល ៣៦ខែ ដោយចាប់ផ្ដើមសាងសង់ពីខែកុម្ភៈ ឆ្នាំ២០១៧ និងគ្រោងបញ្ចប់នៅខែមីនា ឆ្នាំ២០២០ ក្រោមថវិកាសរុបប្រមាណ ១៨៥ លានដុល្លារអាមេរិក ក្រោមគម្រោងឥន្ទទានជំនួយឥតសំណងរបស់រាជរដ្ឋាភិបាលជប៉ុនសាងសង់ដោយក្រុមហ៊ុន Tekken Taiyu Joint Venture និងក្រុមហ៊ុន Daiho Asanuma Joint Venture និងត្រូវបានត្រួតពិនិត្យបច្ចេកទេសដោយក្រុមហ៊ុន Katahira& Engineers International។ គម្រោងនេះជាដំណាក់កាលទី១នៃគម្រោងធ្វើអោយប្រសើរឡើងនូវផ្លូវជាតិលេខ៥ទាំងមូល។ រីឯដំណាក់កាលបន្ទាប់ គឺពីព្រែកក្ដាមទៅខេត្តពោធិសាត់ ពោធិសាត់ទៅបាត់ដំបង និងចុងក្រោយពីខេត្តបន្ទាយមានជ័យ ទៅប៉ោយប៉ែត។ […]
អានបន្ថែម