ព័ត៌មានសំណង់
ក្រុមហ៊ុន Bentley System ប្រកាសជ្រើសរើសអ្នកចូលរួមប្រកួតពានរង្វាន់ជ័យលាភីហេដ្ឋារចនាសម្ព័ន្ធឌីជីថលសាកល ប្រចាំឆ្នាំ២០២៣
អ្នកឈ្នះដែលត្រូវជ្រើសរើស និងប្រកាសជ័យជំនះ ក្រោមប្រធានបទឆ្នាំនៃហេដ្ឋារចនាសម្ព័ន្ធ និងកម្មវិធីប្រគល់ពានរង្វាន់ឌីជីថលនៅប្រទេសសិង្ហបុរី ក្រុមហ៊ុន Bentley Systems, Incorporated (Nasdaq: BSY) ដែលជាក្រុមហ៊ុនផ្នែកកម្មវិធីសូហ្វវែរពាក់ព័ន្ធការងារសំណង់វិស្វកម្មហេដ្ឋារចនាសម្ព័ន្ធ បានប្រកាសទទួលពាក្យប្រកួតជ្រើសរើសម្ចាស់ជ័យលាភីសម្រាប់ពានរង្វាន់ 2023 Going Digital Awards in Infrastructure ដែលជាពានរង្វាន់សាកលដ៏ធំមួយ ត្រូវបានវិនិច្ឆ័យដោយគណៈវិនិច្ឆ័យឯករាជ្យនៃអ្នកជំនាញក្នុងឧស្សាហកម្មសំណង់ ដើម្បីវាយតម្លៃគម្រោងហេដ្ឋារចនាសម្ព័ន្ធ និងជ្រើសរើសសម្រាប់ការឈានទៅរកភាពជឿនលឿនផ្នែកឌីជីថលនៅក្នុងវិស័យសំណង់វិស្វកម្មហេដ្ឋារចនាសម្ព័ន្ធ។ ថ្ងៃផុតកំណត់សម្រាប់ការទទួលពាក្យ គឺថ្ងៃទី ៨ ខែឧសភា ឆ្នាំ២០២៣ ។ អ្នកប្រើប្រាស់កម្មវិធី Bentley នឹងមានសិទ្ធិចូលរួមជាមួយគម្រោងរបស់ពួកគេនៅក្នុងកម្មវិធី Going Digital Awards in Infrastructure មិនថាគម្រោងស្ថិតក្នុងដំណាក់កាលណានោះទេ – មុនការសាងសង់/ការឌីហ្សាញជាគំនិត ការរចនា ការសាងសង់ ឬក្នុងដំណាក់កាលប្រើប្រាស់នោះទេ អ្នកជាប់ឈ្មោះចុងក្រោយចំនួនបីនាក់ នឹងត្រូវបានជ្រើសរើសសម្រាប់ប្រភេទពានរង្វាន់នីមួយៗ និងឈ្នះការធ្វើដំណើរទៅកាន់ប្រទេសសិង្ហបុរីដើម្បីចូលរួមក្នុងព្រឹត្តិការណ៍ Year in Infrastructure and Going Digital Awards ក្នុងនាមជាភ្ញៀវរបស់ Bentley Systems។ […]
អានបន្ថែម
ក្រុមហ៊ុនចិនវិនិយោគជាង ២០០លានដុល្លារ សង់រោងចក្រសំបកកង់ឡានធំមួយនៅក្រចេះ
ក្រុមហ៊ុនចិន Qingdao Double Star Co. Ltd សហការជាមួយក្រុមហ៊ុនក្នុងស្រុក Ube Development Co. Ltd. គ្រោងបោះទុនវិនិយោគចំនួន ២០០លានដុល្លារ ដើម្បីបង្កើតរោងចក្រផលិតសំបកកង់យានយន្តគ្រប់ប្រភេទ ក្នុងតំបន់សេដ្ឋកិច្ចពិសេសមួយនៃខេត្តក្រចេះ។ ក្រុមហ៊ុន Qingdao Double Star Group បានប្រកាសកាលពីថ្ងៃទី ២០ខែកុម្ភៈ ថា ក្រុមហ៊ុនបុត្រសម្ព័ន្ធរបស់ក្រុមហ៊ុន គឺក្រុមហ៊ុន Double Star Tire បានសហការគ្នាជាមួយក្រុមហ៊ុនUBE DEVELOPMENT ដោយបណ្តាក់ទុនរួមគ្នាចំនួន ១,៤ពាន់លានយ័ន ឬជិត ២១០លានដុល្លារអាមេរិក ក្នុងការបង្កើតក្រុមហ៊ុនឈ្មោះថា Double Star (Cambodia) Tire Co., Ltd. ដើម្បីដំណើរការគម្រោងរោងចក្រផលិតសំបកកង់ឡាន នៅក្នុងតំបន់សេដ្ឋកិច្ចពិសេសនៅខេត្តក្រចេះ។ ក្រុមហ៊ុន Double Star Tire បានបញ្ចាក់ថា ការសាងសង់ត្រូវបានរំពឹងថានឹងបញ្ចប់ក្នុងរយៈពេល ១៥ខែ ហើយនៅពេលដែលដំណើរការពេញលេញ រោងចក្រនេះនឹងអាចផ្តល់ចំណូលប្រចាំឆ្នាំជាមធ្យមចំនួន ២,៨ពាន់លានយ័ន និងប្រាក់ចំណេញសុទ្ធប្រហែល ៥៥០លានយ័ន។ […]
អានបន្ថែម
ឆ្នាំ២០២២ វិស័យឧស្សាហកម្មកម្ពុជាបានកើនឡើង ៨៣% ជាសញ្ញាវិជ្ជមានដ៏ប្រសើរ
វិស័យឧស្សាហកម្ម បានបន្តមានសញ្ញាវិជ្ជមានល្អប្រសើរ ដោយរោងចក្រកំពុងដំណើរការចំនួន ១. ៩៨២ មានទិន្នផលផលិតកម្មសរុប ១៥.៨៣៤ លានដុល្លារអាមេរិក ក្នុងឆ្នាំ២០២២ កើនឡើង ៨៣ភាគរយ ធៀបនឹងឆ្នាំ២០២១។ ឯកឧត្តមកិត្តិសេដ្ឋបណ្ឌិត ឆ្នាំ២០២២ វិស័យឧស្សាហកម្មកម្ពុជាបានកើនឡើង ៨៣% ជាសញ្ញាវិជ្ជមានដ៏ប្រសើរធ ទេសរដ្ឋមន្តី្រ និងរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកនៅក្នុងពិធីបើកសន្និបាតបូកសរុបសកម្មភាពការងារឆ្នាំ២០២២ និងលើកទិសដៅការងារ ឆ្នាំ២០២៣ នៅថ្ងៃទី ២៨ ខែ កុម្ភៈ នេះថា ទិន្នផលផលិតកម្មនៃរោងចក្រឧស្សាហកម្មសម្រាប់បម្រើទីផ្សារក្នុងស្រុក មានចំនួនជាង ៤.៣៥៣ លានដុល្លារអាមេរិក និងសម្រាប់ធ្វើការនាំចេញ មានចំនួនជាង ១១.៤៨១ លានដុល្លារអាមេរិក។ បើតាមឯកឧត្តមកិត្តិសេដ្ឋបណ្ឌិត ចម ប្រសិទ្ធ រោងចក្រឧស្សាហកម្មទាំងអស់ បានផ្តល់ឱកាសការងាមានចំនួន ជាង ១លានកន្លែង មានការកើនឡើងជាង ៤%។ រោងចក្រឧស្សាហកម្ម មានទុនវិនិយោគសរុបជាង ១៦.៦៩០ លានដុល្លារអាមេរិក កើនឡើងជិត ២១ ភាគរយ ។ […]
អានបន្ថែម
ក្រុមហ៊ុនផ្លូវល្បឿនលឿនភ្នំពេញ-ព្រះសីហនុ ប្រកាសបញ្ចុះតម្លៃ ២៥% សម្រាប់រថយន្តប្រភេទ B&C
ក្រុមហ៊ុនគ្រប់គ្រងផ្លូវល្បឿនលឿនភ្នំពេញ-ក្រុងព្រះសីហនុនឹងផ្តល់ជូនការបញ្ចុះតម្លៃពិសេស ដល់ក្រុមហ៊ុនដឹកជញ្ជូនអ្នកដំណើរទាំងឡាយណា ដែលមានរថយន្តឆ្លងកាត់ចាប់ពី៣០គ្រឿង/ថ្ងៃ ឡើងទៅ ដើម្បីលើកកម្ពស់ការដឹកជញ្ចូនតាមរយៈផ្លូវល្បឿនលឿន។ នេះបើយោងតាមការបញ្ជាក់របស់លោកបណ្ឌិត ឆឹម ចំណាន ប្រធានសមាគមដឹកជញ្ជូនអ្នកដំណើរផ្លូវគោកកម្ពុជា នៅក្នុងពិធីចុះហត្ថលេខាលើអនុស្សរណៈយោគយល់គ្នា រវាងសមាគមដឹកជញ្ជូនអ្នកដំណើរផ្លូវគោកម្ពុជា និងក្រុមហ៊ុនផ្លូវល្បឿនលឿន (Cambodia PPSHV Expressway Co., Ltd) ក្រោមអធិបតីភាពដ៏ខ្ពង់ខ្ពស់ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន នាថ្ងៃទី០២ ខែមីនា ឆ្នាំ២០២៣។ លោកបណ្ឌិតបានបញ្ចាក់ឱ្យដឹងថា ក្រុមហ៊ុននិងសមាគមបានយោគយល់គ្នាលើតម្លៃសេវាកម្មប្រើប្រាស់ផ្លូវល្បឿនលឿន និងការជួសជុលក្នុងករណីរថយន្តខូចខាតលើដងផ្លូវ ដោយរថយន្តដឹកអ្នកដំណើរប្រភេទ B និង C នឹងទទួលបានការបញ្ចុះតម្លៃចំនួន ២៥% សម្រាប់រថយន្តចាប់ពី៣០ ទៅ ១០០ជើងក្នុងមួយថ្ងៃ ហើយចាប់ពី ១០១ជើងឡើងទៅ នឹងបញ្ចុះតម្លៃ ៣០%។ តំណាងក្រុមហ៊ុនផ្លូវល្បឿនលឿនបានមានប្រសាសន៍ថា ការបញ្ចុះតម្លៃនេះ ទទួលបានការបញ្ចុះតម្លៃនេះ លុះត្រាតែក្រុមហ៊ុនដឹកជញ្ចូនត្រូវបំពាក់ប្រព័ន្ធបង់ថ្លៃសេវាផ្លូវល្បឿនលឿនស្វ័យប្រវត្តិ (ETC) ដោយគ្រាន់តែបង់ប្រាក់តំកល់ទុកចំនួន ១០០ដុល្លារក្នុងមួយឡាន នោះក្រុមហ៊ុននឹងបំពាក់ដុំ ETC ដោយឥតគិតថ្លៃ ចាប់ពីរថយន្ត ២០គ្រឿងឡើងទៅ។ […]
អានបន្ថែម
មន្ទីរពេទ្យបង្អែកតឧត្តរមានជ័យតម្លៃជាង ២លានដុល្លារ សម្ពោធដាក់ឱ្យប្រើប្រាស់
អគារមន្ទីរពេទ្យបង្អែកខេត្តឧត្តរមានជ័យថ្មី ដែលតម្លៃជាង ២លានដុល្លារ ត្រូវបានសម្ពោធដាក់ឱ្យប្រើប្រាស់ជាផ្លូវការហើយ។ នេះបើតាមពិធីសម្ពោធក្រោមអធិបតីភាពឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល កាលពីថ្ងៃទី០១ ខែមីនា ឆ្នាំ២០២៣។ អគារមន្ទីរពេទ្យថ្មី១ខ្នងនេះ មានទំហំ ៣២ម៉ែត្រ គុណនឹង ៤២ម៉ែត្រ និងមានចំនួន ១៨បន្ទប់។ បន្ទប់នីមួយៗ នឹងប្រើប្រាស់ជាមធ្យោបាយសម្រាប់ផ្តល់សេវាបង្គ្រប់កម្រិត៣ ដែលមានផ្នែកសម្ភព រោគស្ត្រី វះកាត់តូច-ធំ ជំងឺទូទៅមនុស្សចាស់-កុមារ និងសេវាផ្សេងទៀត។ គួរបញ្ជាក់ថា អគារថ្មីនេះ ត្រូវបានសាងសង់ឡើងដោយប្រើរយៈពេល ១៨ខែ ដោយស្ថិតក្រោមថវិកាគម្រោងលើកកម្ពស់គុណភាព និងសមធម៌សុខាភិបាល (H-EQIP) ដោយចំណាយថវិកាសាងសង់សរុប ២.៣៧៤.២២៧ដុល្លារ ដែលចំណាយលើសំណង់អគារ បំពាក់បរិក្ខារវេជ្ជសាស្ត្រ គ្រឿងសង្ហារឹម និងគ្រឿងបរិក្ខារមន្ទីរពិសោធន៍។
អានបន្ថែម
ផែនការមេអភិវឌ្ឍខេត្តព្រះសីហនុជាតំបន់សេដ្ឋកិច្ចពិសេសពហុបំណង សម្រេចបាន៥០ភាគរយ
ផែនការមេអភិវឌ្ឍន៍ខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង បានឈានមកសម្រេចបានប្រមាណ ៥០ភាគរយហើយ។ នេះបើតាមការបញ្ជាក់របស់ឯកឧត្តម ឡុង ឌីម៉ង់ អភិបាលរងនៃគណៈអភិបាលខេត្តព្រះសីហនុ នៅលើបណ្តាញសង្គមនៅថ្ងៃទី២៧ ខែកុម្ភៈ។ ឯកឧត្តមបានបញ្ជាក់ឱ្យដឹងថា “កិច្ចដំណើរការរៀបចំផែនការមេ ដើម្បីអភិវឌ្ឍន៍ខេត្តព្រះសីហនុទៅជាតំបន់សេដ្ឋកិច្ចពិសេស គំរូពហុបំណង បានឈានចូលដល់ដំណាក់កាលនៃការពិនិត្យ និងផ្ដល់អនុសាសន៍ក្នុងកម្រិតបច្ចេកទេស លើសេចក្តីព្រាងរបាយការណ៍ផែនការមេ និងរបាយការណ៍ផ្នែកពាក់ព័ន្ធទាំង ១២ លើកចុងក្រោយហើយ”។ យោងតាមរដ្ឋបាលខេត្តព្រះសីហនុ កាលពីថ្ងៃទី២៧ ខែកុម្ភៈ រដ្ឋបាលខេត្ត និង វិទ្យាស្ថាន UPDIS, វិទ្យាស្ថាន CDI និងក្រុមហ៊ុន C&W បានរៀបចំកិច្ចប្រជុំលើកទី៥ ដើម្បីពិនិត្យ និងផ្តល់អនុសាសន៍ លើសេចក្តីព្រាងរបាយការណ៍ផែនការមេ ដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង។ ឯកឧត្តមអភិបាលរង គូសបញ្ជាក់ថា នៅសល់ដំណាក់កាលធំៗចំនួន៣ទៀត រហូតដល់ការអនុម័តជាផ្លូវការ។ គណៈកម្មាធិការអន្តរក្រសួង នឹងឈានទៅកាន់កិច្ចប្រជុំជាថ្មី នៅថ្ងៃទី១៤ ខែមីនា ឆ្នាំ២០២៣ ដែលនឹងបន្តពិភាក្សាលើសេចក្តីព្រាងរបាយការណ៍ផ្នែកពាក់ព័ន្ធទាំង ១២ (12 Thematic Reports) បន្ថែមទៀត។ គួរបញ្ជាក់ថា ខេត្តព្រះសីហនុបានសម្រេចការរៀបចំគម្រោងសាងសង់ផ្លូវថ្មីចំនួន៣៤ខ្សែ ហើយ និងកំពុងសាងសង់កំពង់ផែសមុទ្រទឹកជ្រៅ និងពង្រីកព្រលានយន្តហោះអន្តរជាតិ […]
អានបន្ថែម
ស្ថានីយស្តុកទំនិញកុងតឺន័រក្រោមជំនួយឥតសំណងរបស់ជប៉ុនត្រូវបានដាក់សម្ពោធឱ្យដំណើរការ
ស្ថានីយស្តុកទំនិញកុងតឺន័រ (CFS) នៅក្នុងតំបន់សេដ្ឋកិច្ចពិសេសកំពង់ផែស្វយ័តក្រុងព្រះសីហនុ (SPSEZ) ក្រោមជំនួយហិរញ្ញប្បទានឥតសំណងពីប្រទេសជប៉ុន បានប្រកាសដាក់ឱ្យប្រើប្រាស់ជាផ្លូវការ នៅព្រឹកថ្ងៃទី០១ ខែមីនា ឆ្នាំ២០២៣។ គម្រោងនេះត្រូវបានសាងសង់ឡើង ក្នុងកម្មវិធីអភិវឌ្ឍសេដ្ឋកិច្ច និងសង្គម (ឆ្នាំ២០១៨) រាជរដ្ឋាភិបាលជប៉ុន ដែលបានផ្តល់ថវិកាចំនួន ៤,៦លានដុល្លារអាមេរិកដល់ប្រទេសកម្ពុជា។ ឯកឧត្តម អ៊ូអិណុ អាត់ស៊ូស៊ី (UENO Atsushi) ឯកអគ្គរដ្ឋទូតជប៉ុនប្រចាំកម្ពុជា បានថ្លែងថា យោងតាមស្នើសុំពីរាជរដ្ឋាភិបាលកម្ពុជាឆ្នាំ២០១៩ រដ្ឋាភិបាលជប៉ុនសម្រេចផ្តល់ថវិកាដល់កំពង់ផែស្វយ័តក្រុងព្រះសីហនុ សាងសង់ស្ថានីយស្តុបទំនិញកុងតឺន័រ ដើម្បីលើកកម្ពស់គុណភាពបន្ថែម នៃតំបន់សេដ្ឋកិច្ចពិសេសកំពង់ផែស្វយ័តក្រុងព្រះសីហនុ ដែលមានសារៈសំខាន់សម្រាប់ក្រុមហ៊ុន ភស្តុភាពកម្មអន្តរជាតិផ្សេងៗ និងកែប្រែកំពង់ផែស្វយ័តព្រះសីហនុ ឱ្យមានមុខងារជាកំពង់ផែស្នូល មិនត្រឹមតែនៅក្នុងប្រទេសកម្ពុជា ប៉ុន្តែនៅក្នុងតំបន់មេគង្គទាំងមូល។ ឯកឧត្តមឯកអគ្គរដ្ឋទូតបន្តថា ការចាប់បើកឱ្យប្រើប្រាស់ឃ្លាំងនេះ បូកផ្សំនឹងគម្រោងឃ្លំាងផ្ទុកទំនិញរបស់ ក្រុមហ៊ុន AEON នឹងរួមចំណែកទាក់ទាញ ឱ្យក្រុមហ៊ុនជប៉ុនកាន់តែច្រើនបន្ថែមទៀត មកបណ្តាក់ទុននៅខេត្តព្រះសីហនុ បន្ទាប់ពីផ្សារទំនើប AEON។ ឯកឧត្តម គួច ចំរើន អភិបាលខេត្តបញ្ជាក់ថា កំពង់ផែអន្តរជាតិសមុទ្រទឹកជ្រៅក្រុងព្រះសីហនុ បានទទួលជំនួយផ្នែកទន់ តាមរយៈការផ្លាស់ប្តូរបទពិសោធន៍រវាងជប៉ុន កម្ពុជា មានការបញ្ជូនអ្នកបច្ចេកទេសមកកំពង់ផែ និងការបញ្ជូនបុគ្គលិកទៅផ្លាស់ប្តូរបទពិសោធន៍នៅជប៉ុន ការបណ្តុះបណ្តាលទាំងក្នុងនិងក្រៅប្រទេស […]
អានបន្ថែម
អន្តរក្រសួងគ្រោងជីកស្តារព្រែកភ្ជាប់កំពង់ផែទេសចរណ៍កំពត ដើម្បីឱ្យនាវាធំៗអាចចូលចតបាន
ទោះបីកំពង់ផែទេសចរណ៍កំពតបានបញ្ចប់ការសាងសង់រួចរាល់ហើយក្តី ប៉ុន្តែគម្រោងនេះនៅមិនទាន់អាចដាក់ដំណើរការបានទេ ដោយសារតែបញ្ហាជម្រៅទឹក។ បច្ចុប្បន្ន អន្តរក្រសួងកំពុងធ្វើការចរចាស្វែងរកកញ្ចប់ថវិកា ក្នុងការវិនិយោគជិកស្តារព្រែកភ្ជាប់កំពង់ផែ ដើម្បីឱ្យនាវាធំៗអាចចូលចតបាន។ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍នៅថ្ងៃទី១៥ ខែកុម្ភៈថា ក្រសួងសេដ្ឋកិច្ច និងហិរញ្ញវត្ថុ ក្រសួងទេសចរណ៍ និងក្រសួងសាធារណការនិងដឹកជញ្ជូន កំពុងរៀបចំឯកសារជ្រើសរើសក្រុមហ៊ុនឯកជនឱ្យដាក់ដំណើរការ គ្រប់គ្រង និងថែទាំកំពង់ផែ ឱ្យក្លាយជាកំពង់ផែទេសចរណ៍អន្តរជាតិ។ ឯកឧត្តមបានបញ្ជាក់ថា ក្រសួងបានបញ្ចប់ការសាងសង់កំពង់ផែទេសចរណ៍ខេត្តកំពតរួចរាល់ហើយ ប៉ុន្តែមិនទាន់អាចដំណើរការប្រើប្រាស់បាននៅឡើយទេ ដោយសារមូលហេតុជំរៅទឹកខ្លងចូលមកកាន់កំពង់ផែរាក់ មិនទាន់បានស្តារនៅឡើយ។ ឯកឧត្តមបានបន្តថា កាលពីថ្ងៃទី១៩ ខែមករា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានចារលើលិខិតរបស់ក្រុមហ៊ុនឯកជនក្នុងស្រុកមួយ ដែលមានបំណងចង់ធ្វើប្រតិបត្តិការលើកំពង់ផែនេះ។ ឯកឧត្តមបានជំរុញឲ្យមានការចរចាត្រង់ជាមួយធនាគារអភិវឌ្ឍន៍អាស៊ី ក្នុងកាត់បន្ថយនិតិវិធី ដើម្បីអាចខ្ចីថវិកាមកស្ដារប្រលាយភ្ជាប់មកកាន់កំពង់ផែនេះបាន។ ឯកឧត្តមបានបន្ថែម “យើងកំពុងរកនិតិវិធី ដើម្បីស្តារប្រលាយចូលនាវា ដើម្បីកុំឱ្យវាកឿង។ យើងត្រូវរកថវិកាបោះពោងសញ្ញានាវាចរឲ្យបានត្រឹមត្រូវ តាមលក្ខណៈរបស់ IMO ទើបអាចអនុញ្ញាតឱ្យទេសចរអន្តរជាតិចូលមកកំពង់ផែបាន”។ លោក ម៉ៅ ធនិន អភិបាលខេត្តកំពត បានមានប្រសាសន៍នៅថ្ងៃទី១៦ ខែកុម្ភៈ ថា កំពង់ផែទេសចរណ៍កំពតមិនទាន់អាចដំណើរការបាន […]
អានបន្ថែម
អគារសិក្សាថ្មី២ខ្នងនៅសាលាតិចណូ ត្រូវបានបើកសម្ពោធជាផ្លូវការហើយ
អគារសិក្សា២ខ្នងនៅសាលាតិចណូ ដែលបានសាងសង់ក្រោមកម្ចីរបស់ ADB ត្រូវបានបើកសម្ពោធដាក់ឱ្យប្រើប្រាស់ជាផ្លូវការហើយ។ ពិធីនេះត្រូវបានអញ្ជើញចូលរួមជាអធិបតីភាពដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី០១ ខែមីនា ឆ្នាំ២០២៣។ អគារសិក្សាថ្មីនៃវិទ្យាស្ថានបច្ចេកវិទ្យាកម្ពុជា ទាំងពីរខ្នងនេះ មានឈ្មោះថា «អគារមជ្ឈមណ្ឌលសហគមន៍ចំណេះដឹង និងអគារមហាវិទ្យាល័យវិស្វកម្មសំណង់»។ អគារទាំងពីរនេះ ត្រូវបានសាងសង់ឡើង ក្រោមក្របខ័ណ្ឌនៃកិច្ចព្រមព្រៀងហិរញ្ញប្បទានរវាងរាជរដ្ឋាភិបាលកម្ពុជា និងធនាគារអភិវឌ្ឍន៍អាស៊ី។ អគារមជ្ឈមណ្ឌលសហគមន៍ចំណេះដឹង មានកម្ពស់ ៧ជាន់ មានបណ្តោយ ៤៨ម៉ែត្រ និងទទឹង ២១ម៉ែត្រ និងមាន៧៣ បន្ទប់ គិតជាផ្ទៃក្រឡាសរុបជាង ៧ពាន់ម៉ែត្រការ៉េ។ រីឯអគារមហាវិទ្យាល័យវិស្វកម្មសំណង់មានកម្ពស់ ៣ជាន់មានបណ្តោយ ២៨ម៉ែត្រ និងទទឹង ១៤ម៉ែត្រ និងមាន២០បន្ទប់ គិតជាផ្ទៃក្រឡាសរុប ១,៧៣៨ម៉ែត្រការ៉េ។ សម្តេចតេជោប្រសាសន៍ថា ការចំណាយថវិកាដើម្បីអភិវឌ្ឍន៍ទៅលើការបណ្តុះបណ្តាលធនធានមនុស្ស ជាការចូលរួមការអភិវឌ្ឍប្រទេស។ សម្ដេចតេជោបន្ត៖ «ការចំណាយលើការកសាងអគារសិក្សា ជាពិសេសក្នុងវិស័យអប់រំ យើងនឹងទទួលបានផលចំណេញច្រើនណាស់សម្រាប់ការអភិវឌ្ឍជាតិរបស់យើង”។
អានបន្ថែម
កម្ពុជាមិនខ្ចីលុយគេសង់ផ្លូវដែកល្បឿនលឿនភ្នំពេញ-ប៉ោយប៉ែត តម្លៃ ៤ពាន់លានដុល្លារនោះទេ
គម្រោងអភិវឌ្ឍន៍ផ្លូវដែកល្បឿនលឿនភ្នំពេញ- ប៉ោយប៉ែតដែលគ្រោងចំណាយថវិកាសាងសង់ប្រមាណ ៤ពាន់លានដុល្លារអាមេរិក កំពុងស្វែងរកដៃគូវិនិយោគមកបណ្ដាក់ទុនជាលក្ខណៈ BOT ដោយរដ្ឋាភិបាលនឹងមិនខ្ចីប្រាក់ពីបរទេសមកសង់នោះទេ។ នេះបើយោងតាមឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងក្រុមការងារ អមជាមួយតំណាងក្រុមហ៊ុនសាងសង់ ចុះត្រួតពិនិត្យ វឌ្ឍនភាពនៃការសាងផ្លូវក្រវាត់ក្រុងខ្សែទី៣ នៅថ្ងៃទី២៨ ខែកុម្ភៈ ឆ្នាំ២០២៣។ ឯកឧត្តមមានប្រសាសន៍ថា គម្រោងនេះមានការឯកភាពពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងទទួលបានការគាំទ្រពីសំណាក់នាយករដ្ឋមន្រ្តីចិន និង ប្រធានាធិបតីចិនផងដែរ ដើម្បីតភ្ជាប់ប្រទេសកម្ពុជា ទៅកាន់ប្រទេសចិន ដោយឆ្លងកាត់តាមប្រទេសថៃ និងឡាវ។ កាលពីពេលថ្មីៗនេះ លោក ស៊ី ជិនពិន ក៏បានគាំទ្រសម្រាប់ការងារដំណាក់កាលដំបូងទាក់ទងនឹងគម្រោងផ្លូវដែករបស់កម្ពុជា ដោយបានផ្តល់ជាទឹកប្រាក់ចំនួន ៣០០លានយ័នផងដែរ។ (អានបន្ថែម ) ឯកឧត្តមបញ្ជាក់ថា “ផ្លូវដែលល្បឿនលឿនភ្នំពេញ- ប៉ោយប៉ែត យើងកំពុងសិក្សា និងស្វែងរកដៃគូ មកលើកកម្រិតសាងសង់ផ្លូវដែក ពីភ្នំពេញទៅប៉ោយប៉ែត ដើម្បីតបភ្ជាប់ជាមួយនឹងប្រទេសថៃ ហើយពីប្រទេសថៃទៅកាន់ប្រទេសឡាវ និងពីឡាវទៅកាន់ប្រទេសចិនតែម្តង”។ ឯកឧត្តមសង្កត់ធ្ងន់ថា “រាជរដ្ឋាភិបាលកម្ពុជា អត់មានគោលបំណង នឹងខ្ចីលុយពីគេ ជាងបី ឬបួនពាន់លាន […]
អានបន្ថែម