ព័ត៌មានសំណង់
គម្រោងផ្លូវសំខាន់ៗចំនួន៤នឹងបើកសម្ពោធជាផ្លូវការក្នុងពេលប៉ុន្មានខែខាងមុខ
គម្រោងផ្លូវជាតិសំខាន់ៗចំនួន ៤ រួមមាន គម្រោងផ្លូវក្រវាត់ក្រុងទី៣ ផ្លូវជាតិលេខ ៥ ផ្លូវជាតិលេខ ២ និង ២២ នឹងត្រូវបានបើកសម្ពោធជាផ្លូវការ នៅក្នុងរយៈពេលប៉ុន្មានខែខាងមុខនេះ។ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់អំពីកាលបរិច្ឆេទបើកដំណើរការគម្រោងផ្លូវក្រវាត់ក្រុងទី៣ ថានឹងត្រូវបើកដំណើរការឱ្យប្រើប្រាស់ជាផ្លូវការ នៅក្នុងខែឧសភា ឆ្នាំ ២០២៣ ខាងមុខនេះ។ លោកបានបញ្ជាក់ថា «ផ្លូវក្រវាត់ក្រុងទី៣ ត្រូវបានសន្យាហើយថានឹងបញ្ចប់នៅខែមិថុនា ហើយសម្ពោធនៅខែមិថុនា ប៉ុន្តែខ្ញុំបាននិយាយថា កុំកៀកពេក។ ដាក់សម្ពោធខែឧសភាទៅ»។ គម្រោងនេះមានប្រវែងសរុបជិត ៥៣គីឡូម៉ែត្រ ហើយត្រូវបានបើកសម្ពោធការដ្ឋានសាងសង់ជាផ្លូវការ ក្រោមអធិបតីភាពរបស់សម្តេចតេជោ ហ៊ុនសែន នាយករដ្ឋមន្ត្រីនៃកម្ពុជា កាលពីថ្ងៃទី ១៤ ខែ មករា ឆ្នាំ ២០១៩។ (អានបន្ថែម) ក្រៅពីនេះ លោកទេសរដ្ឋមន្ត្រីក៏កំពុងពិភាក្សាអំពីលទ្ធភាពក្នុងការបើកសម្ពោធផ្លូវជាតិលេខ ៥ ដែលកំពុងសាងសង់ភ្ជាប់ពីព្រែកក្តាមទៅធ្លាម្អម និងពីធ្លាម្អមទៅបាត់ដំបង។ លោកបានបញ្ជាក់ថា ប្រសិនបើអាចធ្វើទៅបាន គម្រោងផ្លូវជាតិដ៏សំខាន់នេះនឹងសម្ពោធដាក់ឱ្យប្រើប្រាស់ជាផ្លូវការ នៅក្នុងឆ្នាំ២០២៣នេះផងដែរ។ (អានបន្ថែម) គម្រោង២ខ្សែទៀតនោះគឺ […]
អានបន្ថែម
ផ្លូវល្បឿនលឿនភ្នំពេញ-បាវិត នឹងបើកការដ្ឋានសាងសងជាផ្លូវការ នៅខែមិថុនា ឆ្នាំ២០២៣
រដ្ឋមន្រ្តីក្រសួងសារធារណការ និង ដឹកជញ្ជូន បានប្រកាសថា គម្រោងផ្លូវល្បឿនលឿនភ្នំពេញ-បាវិត នឹងបើកការដ្ឋានសាងសងនៅខែមិថុនា ឆ្នាំ២០២៣នេះ។ នេះបើតាមសន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួង នៅព្រឹកថ្ងៃទី ១៥ កុម្ភៈ ២០២៣ ។ ឯកឧត្តមទេសរដ្ឋមន្ត្រី ស៊ុន ចាន់ថុល បានឱ្យដឹងថា ជាផ្លូវការគម្រោងផ្លូវល្បឿនលឿនភ្នំពេញ-បាវិត នឹងបើកការដ្ឋានសាងសងនៅខែមិថុនា ឆ្នាំ២០២៣នេះ ខណៈបច្ចុប្បន្នក្រុមអ្នកបច្ចេកទេស និងភាគីពាក់ព័ន្ធ កំពុងពន្លឿនសិក្សាផលប៉ះពាល់ ដើម្បីពន្លឿនទៅសម្រេចបើកការដ្ឋានតាមផែនការកំណត់។ រដ្ឋមន្រ្តីក្រសួងសាធារណការ និងដឹកជញ្ជូន បានបញ្ជាក់ដែរថា គម្រោងហេដ្ឋារចនាសម្ព័ន្ធផ្លូវល្បឿនលឿនភ្នំពេញ-បាវិត ដែលជាផ្លូវល្បឿនលឿនទី២ របស់កម្ពុជា បន្ទាប់ពីផ្លូវល្បឿនលឿនភ្នំពេញ-ព្រះសីហនុ គឺជាខ្សែផ្លូវថ្មីទាំងស្រុង មានប្រវែងសរុបប្រមាណជា១៣៥គ.ម ចេញពីរាជធានីភ្នំពេញត្រង់ចំណុចផ្លូវក្រវាត់ក្រុងទី៣ កាត់តាមខេត្តកណ្តាល ខេត្តព្រៃវែង និងខេត្តស្វាយរៀង ឆ្ពោះទៅក្រុងបាវិត ព្រំដែនកម្ពុជា-វៀតណាម។ គម្រោងនេះ ក៏រួមបញ្ចូលទាំងការសាងសង់ស្ពានផ្លូវឆ្លងកាត់ទន្លេមេគង្គប្រវែងប្រមាណ៥គ.ម គ្រោងនឹងបើកការដ្ឋានសាងសង់នៅឆ្នាំ២០២៣ និងបញ្ចប់គម្រោងឱ្យរួចរាល់នៅបំណាច់ឆ្នាំ២០២៦ ឬដើមឆ្នាំ២០២៧ ដោយត្រូវចំណាយថវិកាសាងសង់សរុបប្រមាណ ១.៦៣៨លានដុល្លារ។ (អានបន្ថែម) ជាងនេះទៀត គម្រោងផ្លូវល្បឿនលឿននេះ ត្រូវបានរដ្ឋាភិបាលចាត់ទុកថា មានសារៈសំខាន់ណាស់ក្នុងការតភ្ជាប់ទាំងប្រទេសចិន មកភូមា មកប្រទេសថៃ មកកម្ពុជា ទៅវៀតណាមថែមទៀត៕
អានបន្ថែម
គម្រោងសង់ទីលានចាក់សំរាមស្តង់ដារនៅកំពង់ធំ នឹងបញ្ចាប់ក្នុងខែកក្កដាឆ្នាំនេះ
រដ្ឋបាលខេត្តកំពង់ធំបានរៀបចំទីលានចាក់សំរាមបែបស្តង់ដារអនាម័យ សាងសង់លើផ្ទៃដីប្រមាណជាង ១៩ហិកតា ដើម្បីរៀបចំចាត់ចែងកាកសំណល់រឹង និងលើកកម្ពស់សោភ័ណភាពខេត្តកំពង់ធំ ព្រមទាំងកំពុងសិក្សាទីតាំងរៀបចំបន្ថែម ក្នុងស្រុកចំនួន ៧ ផ្សេងទៀត ក្រោយបញ្ជប់គម្រោងទីមួយក្នុងខែកក្កដា ខាងមុខនេះ។ នេះបើយោងតាមការបញ្ជាក់របស់ឯកឧត្តម ងួន រតនៈ អភិបាលនៃគណៈអភិបាលខេត្តកំពង់ធំ នៅថ្ងៃទី ១៤ ខែកុម្ភៈ ឆ្នាំ ២០២៣នេះ។ ឯកឧត្តមបញ្ជាក់ថា គម្រោងមួយនេះត្រូវការរយៈពេល៣ឆ្នាំសម្រាប់ការសាងសង់ ដោយចាប់គិតពីពេលអនុវត្តតំាងពីខែកក្កដា ២០២០ ដល់ខែកក្កដា ឆ្នាំ២០២៣នេះ។ គួរបញ្ជាកថា ក្រោយបញ្ចាប់ការសាងសង់ ទីលានមួយនេះនឹងមានសមត្ថភាពផ្ទុកសំរាមបានរហូតដល់ ៤៨.០០០ម៉ែត្រគីប ដែលសំរាមទាំងនោះនឹងត្រូវប្រមូលមកពីទូទាំងក្នុងខេត្តកំពង់ធំ ជាពិសេស ក្នុងទីក្រុងស្ទឹងសែន និងស្រុកកំពង់ស្វាយ។ ឯកឧត្តមបានបន្តថា ជាមួយគ្នានេះ រដ្ឋបាលខេត្តកំពង់ធំកំពុងពិនិត្យលទ្ធភាពក្នុងការរៀបចំទីតាំងបន្ថែមដើម្បីកសាង ទីលានចាក់សំរាម ឲ្យត្រូវតាមស្តង់ដារក្នុងស្រុកចំនួន ៧ ផ្សេងទៀត។ ឯកឧត្តមបានដាក់ទិសដៅក្នុងការពង្រីក ការគ្រប់គ្រងបរិស្ថាន ជាពិសេស ផ្សព្វផ្សាយអប់រំឲ្យប្រជាពលរដ្ឋចូលរួម និងពង្រឹងលទ្ធភាពក្នុងការគ្រប់គ្រងសំរាម ដោយកំណត់ការគ្រប់គ្រងសំរាមឲ្យបានត្រឹមត្រូវ។
អានបន្ថែម
កម្ពុជា-ឡាវ កំពុងពិភាក្សាការតភ្ជាប់ផ្លូវដែក និងសហការគ្នាលើវិស័យសំខាន់ៗមួយចំនួន
កម្ពុជា និងឡាវ បានពិភាក្សាលើការតភ្ជាប់ប្រព័ន្ធផ្លូវដែករវាងប្រទេសទាំងពីរ ខណៈរថភ្លើងល្បឿនលឿនរវាងចិន និងឡាវ បានភ្ជាប់រួចរាល់។ នេះបើតាមជំនួបរវាងសម្តេចតេជោ ហ៊ុន សែន និងឯកឧត្តម សន សៃ ស៊ីផាន់ដន នាយករដ្ឋមន្ត្រីឡាវ កាលពីថ្ងៃទី១៣ ខែកុម្ភៈ ឆ្នាំ២០២៣ ក្នុងដំណើរទស្សនកិច្ចផ្លូវការនៅប្រទេសឡាវ។ ភាគីទាំងពីរ បានបង្ហាញពីគោលបំណងក្នុងតភ្ជាប់ផ្លូវដែករវាងកម្ពុជា និងឡាវ ក៏ដូចជាប្រទេសដទៃទៀតផងដែរ។ ខណៈដែលប្រទេសឡាវពេលនេះ មានផ្លូវដែកថ្មីដែលទើបតែសាងសង់រួចប្រវែងជាង ១០០០ គីឡូម៉ែត្រ ក្នុងល្បឿនអតិបរមា ១៦០ គីឡូម៉ែត្រក្នុងមួយម៉ោង ដែលផ្លូវរថភ្លើងល្បឿនលឿន ១ខ្សែនេះ បានតភ្ជាប់តភ្ជាប់ប្រទេសចិននិងឡាវ។ (អានបន្ថែម) កន្លងមក ដើម្បីងាយស្រួលក្នុងការដឹកជញ្ជូន ប្រទេសឡាវធ្លាប់បានប្រកាសពីផែនការចង់តភ្ជាប់ផ្លូវដែកជាមួយកម្ពុជា ក្នុងទិសដៅ ដើម្បីពង្រីកពាណិជ្ជកម្ម និងប្រព័ន្ធដឹកជញ្ជូនទ្វេភាគី ក៏ដូចជាបង្កើតជាខ្សែសង្វាក់ដឹកជញ្ជូនពេញលេញមួយរវាងកម្ពុជា ឡាវ និងចិន។ (អានបន្ថែម) ក្រៅពីបំណងតភ្ជាប់ផ្លូវដែក កម្ពុជា និងឡាវ ក៏បានពិភាក្សាលើការតភ្ជាប់វិស័យទេសចរណ៍តាមផ្លូវគោក និងវិស័យទេសចរណ៍តាមផ្លូវអាកាស ដែលអាចតភ្ជាប់បណ្តាទីក្រុងជាពិសេសហ្លួងព្រះបាង ទៅសៀមរាប និងភ្នំពេញ ដែលផ្តល់ឱកាសសម្រាប់អ្នកទេសចរបង្វែរគោលដៅពីកម្ពុជា មកឡាវ និងពីឡាវមកកម្ពុជាផងដែរ។ ទន្ទឹមនឹងនេះ […]
អានបន្ថែម
ព្រលានយន្តហោះអរន្តជាតិថ្មីខេត្តសៀមរាបសម្រេចបាន ៧៥ភាគរយហើយ
គិតត្រឹមថ្ងៃទី១៣ ខែកុម្ភៈនេះ ការដ្ឋានសាងសង់អាកាសយានដ្ឋានអន្តរជាតិសៀមរាបអង្គរ សម្រេចបានប្រមាណ ៧៥ភាគរយហើយ ហើយគ្រោងនឹងបញ្ចប់ការសាងសង់ ជាមួយនឹងការហោះហើរសាកល្បងតេស្តឧបករណ៍នៅខែមីនា ឆ្នាំ២០២៣ខាងមុខនេះ។ នេះបើយោងតាមលោក ZOU YUHUI ប្រធានក្រុមហ៊ុន YUNAN AIR INVESTMENT Co., Ltd ថ្លែងនៅក្នុងដំណើរទស្សនៈកិច្ច ដើម្បីស្វែងយល់លក្ខណៈបច្ចេកទេសសាងសង់អាកាសយានដ្ឋានអន្តរជាតិសៀមរាបអង្គរនៅថ្ងៃទី១៣ ខែកុម្ភៈនេះ។ លោកបានបញ្ជាក់ថា ការសាងសង់បានចំណាយទឹកប្រាក់ សរុបអស់ចំនួន ៦២០លានដុល្លារហើយ។ នេះបើយោងតាមការចុះផ្សាយរបស់ វិទ្យុមិត្តភាពកម្ពុជាចិន ចេញផ្សាយនៅថ្ងៃទី ១៣ ខែកុម្ភៈ។ ឯកឧត្តម ជា អូន រដ្ឋលេខាធិការអាកាសចរណ៍ស៊ីវិល បានចាត់ទុកថា នេះជាការវិវត្តន៍ដ៏ល្អមួយ ប៉ុន្តែលោកបានជំរុញឲ្យក្រុមហ៊ុនត្រូវខិតខំពន្លឿនការសាងសង់បន្ថែមទៀត ដើម្បីឲ្យទាន់តាមការកំណត់បើកទទួលការចុះចត ដែលនឹងត្រូវធ្វើឡើងនៅខែតុលា ឆ្នាំ ២០២៣ ខាងមុខ។ ឯកឧត្តមបានលើកឡើងទៀតថា ព្រលានយន្តហោះសៀមរាបអង្គរនេះ ជាហេដ្ឋារចនាសម្ព័ន្ធដ៏ថ្មីស្រឡាងមួយដែលជួយពន្លឿនចក្ខុវិស័យ និងទស្សនៈទានក្នុងការពង្រឹង និងពង្រីកសេវាកម្មដឹកជញ្ជូនអ្នកដំណើរ និងទំនិញតាមផ្លូវអាកាស ក៏ដូចជាបង្កការងាយស្រួល ដល់អ្នកទេសចរអន្តរជាតិតាមរយៈការព្យាយាមធ្វើឲ្យបាន នូវការតភ្ជាប់ការហោះហើរក្នុងតំបន់ និងការហោះហើរត្រង់បន្ថែមទៀត ទៅកាន់ទីផ្សារនៅតាមតំបន់នានាក្នុងពិភពលោកផងដែរ។ ឯកឧត្តមបានបញ្ជាក់យ៉ាងច្បាស់ថា អាកាសយានដ្ឋានថ្មីនេះ ក៏បានបង្ហាញនូវសញ្ញាណវិជ្ជមានថ្មីមួយសម្រាប់ជំរុញឱ្យមានកំណើន […]
អានបន្ថែម
រដ្ឋកំពុងសិក្សាសង់ផ្លូវថ្មីមួយខ្សែអមតាមបណ្តោយផ្លូវរថភ្លើងក្នុងខណ្ឌទួលគោក
រដ្ឋបាលរាជធានីភ្នំពេញ និងក្រសួងសាធារណការ និងដឹកជញ្ជូន កំពុងសិក្សាសាងសង់ផ្លូវថ្មីមួយខ្សែទៀត នៅតាមបណ្តោយផ្លូវរថភ្លើងចាប់ពីអាកាសយានដ្ឋានអន្តរជាតិភ្នំពេញ មកក្រោយសាលាតិចណូ ក្នុងខណ្ឌទួលគោក។ នេះបើតាមជំនួបរវាង ឯកឧត្ដម ឃួង ស្រេង អភិបាលរាជធានីភ្នំពេញ និងលោក Cyril Girot នាយកប្រតិបត្តិក្រុមហ៊ុនអាកាសយានដ្ឋានកម្ពុជា កាលពីថ្ងៃទី១៣ ខែកុម្ភៈ ឆ្នាំ២០២៣។ ក្នុងជំនួបនេះ ឯកឧត្តមអភិបាល បានលើកឡើងពីបញ្ហាប្រឈមមួយចំនួនរបស់រាជធានីភ្នំពេញ ពិសេសបញ្ហាកកស្ទះចរាចរណ៍ និងបញ្ហាសំរាមជាដើម។ ឯកឧត្តមបានបញ្ជាក់ថា ចំពោះបញ្ហាកកស្ទះចរាចរណ៍ រដ្ឋបាលរាជធានីភ្នំពេញ និងក្រសួងសាធារណការ និងដឹកជញ្ជូន កំពុងសិក្សាសាងសង់ផ្លូវមួយខ្សែទៀត នៅតាមបណ្តោយផ្លូវរថភ្លើងចាប់ពីអាកាសយានដ្ឋានអន្តរជាតិភ្នំពេញ មកក្រោយសាលាតិចណូ ក្នុងខណ្ឌទួលគោក ដើម្បីដោះស្រាយការកកស្ទះចរាចរណ៍ នៅតាមបណ្ដោយផ្លូវសហព័ន្ធរុស្ស៊ី។ ឯកឧត្តមបានបន្ថែមទៀតថា គម្រោងនេះបានទទួលការឯកភាពពីក្រសួងសាធារណការ និងដឹកជញ្ជូនម្តងរួចមកហើយ តែត្រូវផ្អាកវិញដោយសារវិបត្តិជំងឺកូវីដ ១៩។ ទើបតែពេលនេះ អាជ្ញាធរបាននិងកំពុងសិក្សាដើម្បីស្ថាបនាផ្លូវមួយខ្សែនេះឡើងវិញ។ ដោយឡែក ភាគីក្រុមហ៊ុន បានស្នើឱ្យមានការសហការគ្នារវាងរាជធានីភ្នំពេញជុំវិញការកែសម្រួលនូវស្លាកសញ្ញា ភ្លើងសញ្ញាសារាចរណ៍មួយចំនួននៅមុខអាកាសយានដ្ឋានអន្តរជាតិភ្នំពេញ។ ជាការឆ្លើយតប ឯកឧត្តម ឃួង ស្រេង ក៏បានឯកភាពដោយបង្កើតក្រុមការងារក្រុមហ៊ុន សហការជាមួយនឹងក្រុមការងាររបស់រដ្ឋបាលរាជធានីភ្នំពេញ ដើម្បីសម្រួលភ្លើងចរាចរណ៍នៅមុខអាកាសយានដ្ឋានអន្តរជាតិភ្នំពេញនេះឱ្យកាន់តែមានភាពប្រសើរឡើង កាត់បន្ថយបានការកកស្ទះ ក៏ដូចជាគ្រោះថ្នាក់ចរាចរណ៍ […]
អានបន្ថែម
ឥណ្ឌាកំពុងសង់ផ្លូវល្បឿនលឿនវែងបំផុតតម្លៃ១៣ពាន់លានដុល្លារ ដើម្បីភ្ជាប់ក្រុងញូដេលី និងបុមបៃ
ប្រទេសឥណ្ឌាបានបើកការដ្ឋានសាងសង់ផ្លូវល្បឿនលឿនវែងបំផុតរបស់ខ្លួន ក្នុងដំណាក់កាលដំបូង ដែលជាផ្លូវតភ្ជាប់ទីក្រុងដេលី និងទីក្រុងបុមបៃ ដើម្បីជំរុញប្រព័ន្ធហេដ្ឋារចនាសម្ព័ន្ធ ក្នុងគោលបំណងតាមឱ្យទាន់គូប្រជែងរបស់ខ្លួន នោះគឺប្រទេសចិន។ គម្រោងផ្លូវល្បឿនលឿននេះជាផ្លូវថ្មីមានប្រវែង ១.៣៨៦ គីឡូម៉ែត្រ មានចំនួនបួនគន្លង ដោយគ្រោងចំណាយថវិកាសរុបប្រមាណ ១៣ពាន់លានដុល្លារ ដែលនឹងជួយកាត់បន្ថយពេលវេលាធ្វើដំណើរ រវាងទីក្រុងធំៗទាំងពីរ ពី ២៤ ម៉ោងមកនៅត្រឹម ១២ ម៉ោងតែប៉ុណ្ណោះ។ ផ្លូវល្បឿនលឿននេះនឹងឆ្លងកាត់ទីក្រុង Delhi, Haryana, Rajasthan, Madhya Pradesh, Gujarat និង Maharashtra ។ គម្រោងនេះរំពឹងថានឹងអាចបញ្ចប់ការសាងសង់ ហើយបើកដំណើរការនៅឆ្នាំ ២០២៤។ នាយករដ្ឋមន្ត្រី Narendra Modi មានប្រសាសន៍ក្នុងពិធីបើកការដ្ឋានផ្លូវល្បឿនលឿននេះថា គម្រោងនេះគឺជា “សញ្ញានៃការអភិវឌ្ឍនៃប្រទេសឥណ្ឌា” ដោយបន្ថែមថា “ការវិនិយោគលើគម្រោងផ្លូវដែក ផ្លូវហាយវេយ ខ្សែរថភ្លើងក្រោមដី និងអាកាសយានដ្ឋាន គឺជាគន្លឹះក្នុងការជំរុញអត្រាកំណើនសេដ្ឋកិច្ចរបស់ឥណ្ឌា ហើយអាចទាក់ទាញការវិនិយោគកាន់តែច្រើន និងបង្កើតការងារថ្មីៗបាន”។ រដ្ឋាភិបាលឥណ្ឌាបានពន្លឿនគម្រោងអភិវឌ្ឍន៍សំខាន់ៗជាច្រើន ហើយក្នុងខែនេះ រដ្ឋាភិបាលបានប្រកាសពីការបង្កើនការចំណាយចំនួន ៣៣% ដែលមិនធ្លាប់មានពីមុនមក ទៅលើការកសាងហេដ្ឋារចនាសម្ព័ន្ធ។ នាយករដ្ឋមន្ត្រីឥណ្ឌាបានអះអាងថា ផ្លូវដែក […]
អានបន្ថែម
កម្ពុជាកំពុងព្រាងអនុក្រឹត្យគ្រប់គ្រងថាមពល ខណៈវិនិយោគិនកូរ៉េកំពុងចាប់អារម្មណ៍ខ្លាំងលើវិស័យនេះ
ក្រសួងរ៉ែ និងថាមពល កំពុងព្រាងអនុក្រឹត្យមួយ ដើម្បីគ្រប់គ្រង និងលើកកម្ពស់ប្រសិទ្ធភាពថាមពលនៃបរិក្ខារប្រើប្រាស់អគ្គិសនី ខណៈនេះដែរក៏មានក្រុមហ៊ុនកូរ៉េចង់មកធ្វើការវិនិយោគលើវិស័យថាមពលនៅកម្ពុជាផងដែរ។ នេះបើតាមកិច្ចប្រជុំកាលពីថ្ងៃទី០៩ ខែកុម្ភៈ ឆ្នាំ២០២៣។ សេចក្តីព្រាងអនុក្រឹត្យ មានគោលបំណងក្នុងការកំណត់បទប្បញ្ញត្តិសម្រាប់គ្រប់គ្រង និងលើកកម្ពស់ប្រសិទ្ធភាពថាមពលនៃបរិក្ខារប្រើប្រាស់អគ្គិសនីក្នុងព្រះរាជាណាចក្រកម្ពុជា។ ការគ្រប់គ្រងនេះ នឹងអនុវត្តតាមបទដ្ឋាននិងការបិទស្លាកសញ្ញាប្រសិទ្ធភាពថាមពលស្របតាមគោលនយោបាយជាតិស្តីពីប្រសិទ្ធភាពថាមពល។ បើតាមកិច្ចប្រជុំ អនុក្រឹត្យនេះ ត្រូវបានពិនិត្យ និងផ្តល់យោបល់ចុងក្រោយពីក្រុមការងារអន្តរក្រសួង មុននឹងបញ្ជូនសេចក្តីព្រាងនេះទៅ គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុដើម្បីធ្វើការពិនិត្យបន្ត និងស្នើសុំការអនុម័តពីរាជរដ្ឋាភិបាល។ ពាក់ព័ន្ធជាមួយនឹងការងារថាមពលនេះដែរ ក្រុមហ៊ុនរដ្ឋ Oasis Engery របស់ប្រទេសកូរ៉េ ចង់ជំរុញការវិនិយោគក្នុងវិស័យថាមពលរវាងប្រទេសកម្ពុជា និងប្រទេសកូរ៉េ។ ក្រុមហ៊ុននេះ កំពុងស្វែងរកឱកាសមួយ ដើម្បីពង្រឹងកិច្ចសហប្រតិបត្តិការរួមគ្នាជាមួយកម្ពុជា រួមមានការរៀបចំប្រព័ន្ធគ្រប់គ្រងអគ្គិសនី ស្តង់ដារបណ្តាញផ្គត់ផ្គង់អគ្គិសនី និងការផ្តាស់ប្តូរបទពិសោធន៍។
អានបន្ថែម
តើ Digital Twins មានសារៈសំខាន់យ៉ាងណា ចំពោះព្រលានយន្តហោះថ្ងៃអនាគត?
ដោយ Steve Cockerell នាយកទីផ្សារឧស្សាហកម្មស្តីទី ទីក្រុង និងសាខា Bentley Systems គាំទ្រជាង 87 លានការងារ នៅទូទាំងពិភពលោក ឧស្សាហកម្មអាកាសចរណ៍បានរួមចំណែកជាង 4% នៃផលិតផលក្នុងស្រុកសរុបរបស់ពិភពលោក និងធ្វើការ 24/7 365 ថ្ងៃក្នុងមួយឆ្នាំ អាកាសយានដ្ឋានគឺជាតំណភ្ជាប់ដ៏សំខាន់នៅក្នុងប្រព័ន្ធដឹកជញ្ជូនសកលដែលតភ្ជាប់ប្រទេស សហគមន៍ និងអាជីវកម្មពីប្រទេសមួយទៅប្រទេសមួយ។ ឆ្លើយតបនឹងការផ្លាស់ប្តូរតម្រូវការ លក្ខខណ្ឌប្រតិបត្តិការផ្សេងៗគ្នា និងការចំណាយកើនឡើង គុណភាពនៃសេវាកម្មដែលម្ចាស់ព្រលានយន្តហោះ និងបណ្តាញផ្គត់ផ្គង់របស់ពួកគេផ្តល់គឺជាកត្តាសំខាន់សម្រាប់បទពិសោធន៍អ្នកដំណើរ។ ដោយសារការរឹតបន្តឹងការធ្វើដំណើរត្រូវបានដកចេញ ហើយការព្រួយបារម្ភរបស់ប្រជាជនអំពីការហោះហើរយឺតៗ អាកាសយានដ្ឋានជាច្រើនមានការកកស្ទះ ខណៈពេលដែលមានអាកាសយានដ្ឋានតិចតួចប៉ុណ្ណោះដែលបានសាងសង់ធំលើសពីតម្រូវការ ឬមានកន្លែងទំនេរបម្រុងទុកសម្រាប់កំណើននាថ្ងៃខាងមុខ។ បើយើងប្រៀបធៀបម្ចាស់-ប្រតិបត្តិករដឹកជញ្ជូនផ្សេងទៀត អាកាសយានដ្ឋានកំពុងឆ្ពោះទៅរកគ្រប់គ្រងមួយដែល “ត្រួសត្រាយដោយទិន្នន័យ” ដែលជាកន្លែងទទួលបានព័ត៌មានដែលអាចទុកចិត្តបាន ហើយការយល់ដឹងច្បាស់លាស់អំពីទិន្នន័យដែលគ្រប់គ្រងបាន និងផលប៉ះពាល់នៃការផ្លាស់ប្តូរចំពោះវាគឺមានសារៈសំខាន់ណាស់ចំពោះការសម្រេចចិត្តត្រឹមត្រូវនៅពេលអនាគត់ នៅពេលធ្វើការដើម្បីផ្តល់ប្រតិបត្តិការឬសេវាកម្មប្រកបដោយប្រសិទ្ធភាព ការពង្រីកទាន់ពេលវេលានៃកន្លែងដែលមានស្រាប់ ឬព្រលានយន្តហោះថ្មី។ ជាមួយនឹងការប្រកួតប្រជែងដ៏ស្មុគស្មាញនេះ ម្ចាស់ និងខ្សែសង្វាក់ផ្គត់ផ្គង់របស់ពួកគេត្រូវតែមានភាពរហ័សរហួន និងឆ្លើយតបទាន់ពេលវេលា។ នៅក្នុងបរិយាកាសដ៏ស្វាហាប់នេះ បច្ចេកវិទ្យាដែលត្រៀមនាពេលអនាគត រួមទាំងដំណោះស្រាយឌីជីថលភ្លោះ ដែលគាំទ្រដល់ដំណើរការសហការកម្រិតខ្ពស់ គឺមានសារៈសំខាន់ខ្លាំងណាស់ចំពោះម្ចាស់ប្រតិបត្តិករក្នុងការរក្សាតុល្យភាពរបស់គេ ដើម្បីបំពេញតម្រូវការអ្នកដំណើរ ការប្រែប្រួលសមត្ថភាពដែលប៉ះពាល់ដល់ការសម្រេចចិត្ត និងប្រាក់ចំណេញទៅថ្ងៃអនាគត – វាគឺជាគន្លឹះដ៏សំខាន់សម្រាប់ស្ថាប័នគេ។ […]
អានបន្ថែម
មកស្វែងយល់សារៈសំខាន់កម្មវិធី iTwin Experience, iTwin Capture និង iTwin IoT នៅក្នុងវិស័យសំណង់ហេដ្ឋារចនាសម្ព័ន្ធ
កម្មវិធី iTwin បង្កើតឡើងដោយក្រុមហ៊ុន Bentley Systems បានប្រកាសពីសមត្ថភាពថ្មីនៃ iTwin Platform របស់ខ្លួន ដោយបានពង្រីកនូវវិសាលភាព និងអន្តរប្រតិបត្តិការទិន្នន័យសំណង់ហេដ្ឋារចនាសម្ព័ន្ធ ដែលក្រុមហ៊ុនវិស្វកម្ម និងអ្នកប្រើប្រាស់ អាចប្រើប្រាស់ដើម្បីបង្កើត និងប្រើប្រាស់ Digital Twin ជាលំហូរការងារក្នុងការឌីហ្សាញ សាងសង់ និងប្រតិបត្តិការ ។ សមត្ថភាព iTwin Platform ថ្មី វានឹងជួយដល់ Bentley Infrastructure Cloud ដែលជាសំណុំនៃដំណោះស្រាយដែលគ្របដណ្តប់គ្រប់ដំណាក់កាលនៃហេដ្ឋារចនាសម្ព័ន្ធ និងខ្សែសង្វាក់ផលិតពីដើមដល់ចប់ ដោយវាបានរួមបញ្ចូលគ្នាប្រើនៅក្នុងកម្មវិធី ProjectWise, SYNCHRO និង AssetWise តែមួយ និងប្រើប្រាស់នៅក្នុង Bentley’s Infrastructure Schemas តែមួយ។ កម្មវិធី iTwin Experience គឺជាផលិតផលថ្មីមួយនៅក្នុង Cloud ដើម្បីផ្តល់អំណាចដល់អ្នកប្រើប្រាស់ យល់ដឹងអំពីធាតុផ្សំនៅក្នុងគ្រឿងបង្គុំហេដ្ឋារចនាសម្ព័ន្ធសំខាន់ៗ ដោយអាចមើលឃើញ និងស្វែងយល់តាមរយៈ Digital Twin។ សារៈសំខាន់កម្មវិធី iTwin […]
អានបន្ថែម