ព័ត៌មានសំណង់
សម្ដេច ប្រើធម៌ក្ដៅលើអាជីវកម្មកាស៊ីណូ និងព្រមានដកមន្រ្ដីណាដែលមិនអនុវត្តច្បាប់
សម្ដេចនាយករដ្ឋមន្ត្រី ហ៊ុន សែន ចេញវិធានការណ៍ក្ដៅបង្ក្រាបល្បែងស៊ីសងខុសច្បាប់ និងឧក្រិដ្ឋកម្មពាក់ព័ន្ធនានាឱ្យបានទាន់ពេលវេលា ដោយសង្កត់ធ្ងន់ថាកម្ពុជាមិនបណ្ដោយឱ្យ «អំពើអនាធិបតេយ្យ» កើតឡើងនោះទេ។ បើតាមរយៈសារជាសំឡេងនាថ្ងៃទី ១៧ ខែកញ្ញា សម្ដេច បានបញ្ជាដាច់ណាត់ឱ្យអាជ្ញាធរខេត្ត និងតំបន់ ចុះបង្រ្កាបឱ្យបានតឹងរឹង ខណៈព្រមានដកតំណែងអភិបាលរាជធានី ខេត្ត ស្រុក ខណ្ឌ ឬមន្ត្រីនគរបាលណាដែលរកឃើញថាមិនទទួលខុសត្រូវ។ «ខ្ញុំសុំចេញបញ្ជាដោយម៉ឺងម៉ាត់បំផុតថា សុំឱ្យចាត់វិធានការបង្ក្រាបឱ្យបានទាន់ពេលវេលា និងដាច់ណាត់បំផុត។ ខ្ញុំមិនស្ទាក់ស្ទើរជាមួយនឹងការដកចេញពីមុខតំណែងនូវអភិបាលខេត្ត ឬរាជធានី អភិបាលស្រុក ខណ្ឌ ក្រុង ឬមន្ត្រីគរបាលថ្នាក់ណាក៏ដោយ ដែលរកឃើញថាមិនទទួលខុសត្រូវលើមុខងាររបស់ខ្លួន»។ សម្ដេចបន្តថា ខ្ញុំនឹងមិនអាចបណ្ដោយឱ្យសភាពការណ៍បង្កឡើងបែបអនាធិបតេយ្យក្នុងបនល្បែងតទៅទៀតទេ ព្រោះវាមិនមែនជាការជួយជំរុញកំណើនសេដ្ឋកិច្ចនោះទេ ក៏ប៉ុន្តែវាបែរជាបណ្តាលឱ្យមានមនុស្សជាច្រើនត្រូវខូចខាត និងត្រូវលក់គោ ក្របី ដីធ្លីព្រោះតែការ «ចាញ់ល្បែង» ដូចជាការជល់មាន់ បានក្លាយជាប្រភេទល្បែងជល់មាន់តាមអនឡាញ ឬក៏លេងល្បែងតាមអនឡាញនៅតាមហាងកាហ្វេ និងនៅតាមទីកន្លែងនានា។ សម្តេចតេជោ ហ៊ុន សែន បានថ្លែងទៀតថា៖«ខ្ញុំក៏សុំយកឱកាសនេះ បញ្ជាក់ទៅអស់លោកអ្នករកស៊ីទាំងឡាយ ជាម្ចាស់ទីតាំងប្រកបរបរអាជីវកម្មដូចជាលក់គុយទាវ ហាងកាហ្វេ ដែលបង្កប់ដោយល្បែងក្នុងនោះ ដូច្នេះចាំបាច់ត្រូវតែបិទចោល ដោយមិនឱ្យប្រកបរបររកស៊ីតទៅទៀតទេ ត្រូវធ្វើវិធានការនេះឱ្យដាច់ណាត់បំផុត ហើយវាគ្មានការចាំបាច់អីដើម្បីមករំខាននាយករដ្ឋមន្ត្រី ឬរដ្ឋមន្ត្រីមហាផ្ទៃនោះទេ»៕ […]
អានបន្ថែម
រដ្ឋគ្រោងចំណាយជាង ២៤០លានដុល្លារ សាងសង់អាកាសយានដ្ឋានថ្មីចំនួន៣
រាជរដ្ឋាភិបាល គ្រោងចំណាយថវិកាជាង ២៤០លានដុល្លារ សម្រាប់គម្រោងសាងសង់អាកាសយានដ្ឋានថ្មីចំនួន៣ ដែលជាអាកាសយានដ្ឋានបម្រើការហោះហើរក្នុងស្រុក។ យោងតាមរបាយការណ៍របស់រដ្ឋលេខាធិការអាកាសចរណ៍ស៊ីវិល គម្រោងកសាងអាកាសយានដ្ឋានថ្មីចំនួន ៣ នេះ ស្ថិតក្នុងការវិនិយោគលើហេដ្ឋារចនាសម្ព័ន្ធអាកាសចរណ៍ ឆ្នាំ២០១៩-២០២៤។ របាយការណ៍ដដែលបង្ហាញថា រដ្ឋគ្រោងចំណាយថវិកាប៉ាន់ស្មាន ចំនួន ៨០លានដុល្លារ លើការសាងសង់អាកាសយានដ្ឋានកោះកុង (ថ្មី) និង ៦៥លានដុល្លារ សម្រាប់កសាងអាកាសយានដ្ឋានប៉ោយប៉ែត (ថ្មី)។ សម្រាប់គម្រោងសាងសង់អាកាសយានដ្ឋានមណ្ឌលគីរី រដ្ឋគ្រោងចំណាយថវិកាប្រមាណ ១០០ លានដុល្លារ។ គួរបញ្ជាក់ថា ក្រុមហ៊ុនចិនដែលធ្លាប់ចង់វិនិយោគលើអាកាសយានដ្ឋានមណ្ឌលគីរី បានដកខ្លួនចេញពីការវិនិយោគហើយ ព្រោះបញ្ហាថវិកាដែលបង្កពីវិបត្តិកូវីដ ដែលទាមទារឱ្យរដ្ឋត្រូវស្វែងរកវិនិយោគិនថ្មី។ នេះបើតាមសារព័ត៌មានក្នុងស្រុកចេញផ្សាយកាលពីថ្មីៗនេះ។ បច្ចុប្បន្ន កម្ពុជា មានអាកាសយានដ្ឋានអន្តរជាតិ ចំនួន៣ នៅរាជធានីភ្នំពេញ ខេត្តសៀមរាប និងខេត្តព្រះសីហនុដែលស្ថិតក្រោមការវិនិយោគរបស់ក្រុមហ៊ុន Cambodia Airports។ អាកាសយានដ្ឋានអន្តរជាតិថ្មីចំនួន ៣ ទៀត ស្ថិតនៅខេត្តកណ្តាល ខេត្តសៀមរាប និងខេត្តកោះកុង កំពុងស្ថិតក្រោមការសាងសង់។
អានបន្ថែម
វិទ្យាស្ថាន GGGI កំពុងសិក្សាលទ្ធភាពបង្កើតគម្រោងរថយន្តក្រុងអគ្គិសនី ក្នុងក្រុងសៀមរាប
វិទ្យាស្ថានអភិវឌ្ឍន៍បៃតងសកល (GGGI)ប្រចាំនៅកម្ពុជា បានបង្ហាញពីបំណងចង់បង្កើតគម្រោងរថយន្តក្រុងអគ្គិសនី ក្នុងក្រុងសៀមរាបនាពេលខាងមុខ ខណៈបច្ចុប្បន្នវិទ្យាស្ថាននេះ កំពុងសិក្សាលទ្ធភាពគម្រោងជាមួយថ្នាក់ដឹកនាំខេត្ត និងមន្ត្រីពាក់ព័ន្ធ។ នេះបើតាមជំនួបពិភាក្សាការងារ រវាងលោក លី សំរិទ្ធ អភិបាលរងខេត្តសៀមរាប ជាមួយ កញ្ញា ស៊ូ មីគីម នាយិកាវិទ្យាស្ថានបៃតងសាកល GGGI ប្រចាំនៅព្រះរាជាណាចក្រកម្ពុជា កាលថ្ងៃទី ១៤ ខែកញ្ញា ឆ្នាំ ២០២២។ កញ្ញា ស៊ូ មីគីម នាយិកាវិទ្យាស្ថានបៃតងសាកល GGGI ប្រចាំនៅព្រះរាជាណាចក្រកម្ពុជា បានឲ្យដឹងថា គោលបំណងនៃកិច្ចពិភាក្សានេះ គឺចង់បង្ហាញអំពីវឌ្ឍនភាពនៃគម្រោងសិក្សា និងធ្វើបច្ចុប្បន្នភាពរបស់គម្រោងសិក្សាសមិទ្ធិលទ្ធភាពពេញលេញរថយន្តក្រុងអគ្គិសនីក្រុងសៀមរាបរបស់ GGGI ដើម្បីនឹងរៀបចំផែនការបន្ទាប់។ គួរបញ្ជាក់ដែរថា ទាក់ទង់នឹងគម្រោងលើកកម្ពស់ការប្រើប្រាស់ថាមពលអគ្គីសនីនេះដែរ កាលពីថ្ងៃទី១៤ ខែកញ្ញា ឆ្នាំ២០២២ ក្រសួងសាធារណការ និងដឹកជញ្ជូន ទើបតែបានដាក់ឱ្យប្រើប្រាស់ស្ថានីយបញ្ចូលថាមពលយានយន្តអគ្គិសនី (EV Charging Station) ក្នុងក្រុងសៀមរាប ខេត្តសៀមរាបផងដែរ។ ទន្ទឹមនឹងនេះដែរ ឯកឧត្តម ស៊ុន ចាន់ថុល ក៏បានជំរុញឲ្យដៃគូរពាក់ព័ន្ធ និងវិស័យឯកជន […]
អានបន្ថែម
រដ្ឋបានប្រែក្លាយលូទឹកស្អុយខេត្តសៀមរាបជារមរណីយដ្ឋានថ្មី “កោងកាងសាងស្នេហ៍”
រដ្ឋាភិបាលកម្ពជាបានបង្កើតសមិទ្ធិផលថ្មីមួយទៀតក្នុងទឹកដីអង្គរអច្ឆរិយៈ គឺគម្រោងកោងកាងសាងស្នេហ៍ ដែលថ្មីៗនេះឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានចុះពិនិត្យពីវឌ្ឍនភាពរបស់គម្រោង នៅថ្ងៃទី១៥ កញ្ញា ២០២២ នេះផងដែរ។ គម្រោងកោងកាងសាងស្នេហ៍ ត្រូវបានប្រែក្លាយចេញពីលូទឹកកខ្វក់ ដែលមានក្លិនមិនល្អ ព្រមទាំងធ្វើឱ្យប៉ះពាល់ដល់បរិស្ថានផងនោះ ឱ្យទៅជាផ្លូវដែលលម្អដោយអាងទឹក ដើមឈើ ដើមផ្កាចម្រុះព័ណ៌ និងគោលដៅទេសចរណ៍ថ្មីមួយទៀតសម្រាប់ភ្ញៀវទេសចរណ៍ជាតិ និងអន្តរជាតិ ដើរកម្សាន្ត គួរជាទីមនោរម្យ។ គម្រោងនេះ ស្ថិតនៅចំកណ្តាលក្រុងសៀមរាប ក្នុងសង្កាត់ស្វាយដង្គុំ ក្រុងសៀមរាប ខេត្តសៀមរាប។ កន្លងមករដ្ឋាភិបាលបានដាក់ចេញនូវគោលការណ៍ យុទ្ធនាការជាច្រើន ដើម្បីអភិវឌ្ឍខេត្តសៀមរាប តួយ៉ាងមានដូចជា គម្រោងផ្លូវ៣៨ខ្សែ និងស្តារប្រព័ន្ធលូ គម្រោង smart city និងជាពិសេស ថ្មីៗនេះ សម្តេចតេជោមានបំណងចង់ប្រែក្លាយភូមិអភិវឌ្ឍធម្មជាតិរុនតាឯកឱ្យក្លាយទៅជាកូនក្រុងថ្មីមួយទៀតក្នុងស្រុកបន្ទាយស្រីថែមទៀតផង។ (អានបន្ថែម និងបន្ថែម)
អានបន្ថែម
ឡាវគ្រោងភ្ជាប់ផ្លូវដែកមកកម្ពុជា ដើម្បីបង្រួញរយៈពេលដឹកជញ្ជូនរវាង កម្ពុជា- ឡាវ- ចិន
ប្រទេសឡាវកាលពីថ្មីៗ បានប្រកាសពីផែនការចង់តភ្ជាប់ផ្លូវដែកជាមួយកម្ពុជា ទិសដៅដើម្បីពង្រីកពាណិជ្ជកម្ម និងប្រព័ន្ធដឹកជញ្ជូនទ្វេភាគី ក៏ដូចជាបង្កើតជាខ្សែសង្វាក់ដឹកជញ្ជូនពេញលេញមួយរវាងកម្ពុជា ឡាវ និងចិន។ ផែនការនេះ ត្រូវបានឡើងដោយភាគីឡាវក្នុងការធ្វើទស្សនកិច្ចរបស់ លោកជំទាវឧបនាយករដ្ឋមន្រ្តី ម៉ែន សំអន នៅកំពង់ផែស្ងួត Vientiane Logistice Park ក្នុងប្រទេស នៅថ្ងៃទី១៥ ខែកញ្ញា ឆ្នាំ២០២២ កន្លងមកនេះ។ ក្នុងកិច្ចប្រជុំ លោកអគ្គនាយកក្រុមហ៊ុនផែស្ងួត Vientiane Logsitric Park ថា ថ្ងៃអនាគតក្រុមហ៊ុនមានគម្រោងតភ្ជាប់ផ្លូវដែកពីឡាវមកកម្ពុជា។ ការតភ្ជាប់ផ្លូវដែកកម្ពុជាឡាវ នឹងក្លាយជាមធ្យោបាយដឹកជញ្ជូនមួយដ៏សំខាន់ ក្នុងការដឹកទំនិញ ពិសេសកសិផលពីកម្ពុជា ទៅប្រទេសចិន ពោលគឺនឹងធ្វើឱ្យការចំណាយពេលវេលាខ្លីជាងបច្ចុប្បន្ននេះ និងនីតិវិធីងាយស្រួលថែមទៀតផង។ លោកជំទាវ ម៉ែន សំអន ថាគម្រោងនេះជាចក្ខុវិស័យវែងឆ្ងាយមួយ របស់ថ្នាក់ដឹកនាំប្រទេសឡាវ ខណៈលោកជំទាវពាំនាំគម្រោងនេះជូនថ្នាក់ដឹកនាំកម្ពុជា។ លើសពីនេះ កម្ពុជាត្រៀមស្វាគមន៍ជានិច្ច នៅពេលក្រុមហ៊ុនចុះទៅសិក្សាគម្រោងនេះនៅកម្ពុជា។ គួរបញ្ជាក់ថា កំពង់ផែស្ងួត Vientiane Logistice Park ជាផែស្ងួតខ្នាតយក្សក្នុងប្រទេសឡាវ ដែល វិនិយោគដោយទុននៅក្នុងស្រុក ប្រមាណជាង៧០០លានដុល្លារ។ គម្រោងនេះ តភ្ជាប់ផ្លូវដែកពីប្រទេសឡាវទៅប្រទេសចិន […]
អានបន្ថែម
គម្រោងដំឡើងអំពូលសូឡា តម្លៃជាង១០ម៊ឺនដុល្លារ ក្នុងខេត្តកណ្តាលសម្ពោធឱ្យប្រើប្រាស់ជាផ្លូវការ
គម្រោងដំឡើងអំពូលសូឡាចំនួន ៥៣៨បង្គោល តម្លៃជាង១០ម៊ឺនដុល្លារក្នុងខេត្ត កណ្តាលត្រូវបានសម្ពោធដាក់ឱ្យប្រើប្រាស់ជាផ្លូវការនៅថ្ងៃទី ១៥ កញ្ញា ២០២២។ គម្រោងនេះស្ថិតក្នុងឃុំតាឯក ស្រុកខ្សាច់កណ្តាល ខេត្តកណ្តាល សាងសង់ឡើងដោយក្រុមហ៊ុនសរណន់គ្រុប ដែលបានបើកការដ្ឋានសាងសង់កាលពីថ្ងៃទី១៥ មិថុនា ២០២១ និងបញ្ជប់ជាស្ថាពរនៅថ្ងៃទី១៥ កញ្ញា ២០២២។ គួររម្លឹកដែរថា គម្រោងមួយនេះត្រូវបានចំណាយថវិកាអស់ជាង១០ម៊ឺនដុល្លារ ក្រោមមូលនិធិរ៉ែទ្រទ្រង់កិច្ចអភិវឌ្ឍន៍សហគមន៍មូលដ្ឋាន។ ឯកឧត្តម ឌិត ទីណា រដ្ឋលេខាធិការក្រសួងរ៉ែ និងថាមពល បានបញ្ជាក់ថា ការបំពាក់អំពូលភ្លើងសូឡានេះ មិនត្រឹមតែជួយបំភ្លឺដល់អ្នកធ្វើដំណើរក្នុងពេលរាត្រីប៉ុណ្ណោះទេ ប៉ុន្តែវាថែមទាំងជួយទប់ស្កាត់បញ្ហាអសន្តិសុខនៅក្នុងមូលដ្ឋានផងដែរ ពិសេសជួយកាត់បន្ថយគ្រោះថ្នាក់ចរាចរណ៍ផ្លូវគោក និងបង្កើនសុវត្ថិភាពភូមិឃុំនៅពេលយប់។ ជាចុងក្រោយ ឯកឧត្តមបានផ្តាំផ្ញើដល់ពលរដ្ឋឱ្យជួយចូលរួមថែរក្សា អំពូលសូឡាទាំង៥៣៨បង្គោលនេះឱ្យបានល្អ ដើម្បីធានាដល់ការប្រើប្រាស់បានយូរអង្វែង បើពិនិត្យឃើញថាមានអំពូលណាមួយមិនដំណើរការត្រូវរាយការណ៍មកអាជ្ញាធរភូមិ ឃុំ ដើម្បីធ្វើការដោះស្រាយជូនបានទាន់ពេលវេលា។ ដោយឡែក ឯកឧត្តម ប៊ុន ផេន អភិបាលរងខេត្តកណ្តាល ក៏បានបន្ថែមដែរថា ការដាក់អំពូលសូឡានេះគឺជាផ្នែកមួយដ៏សំខាន់នៃការចូលរួមប្រឡងប្រណាំងភូមិ-ឃុំមានសុវត្ថិភាព របស់រដ្ឋបាលស្រុកផងដែរ។
អានបន្ថែម
ថាមពលកកើតឡើងវិញ រួមចំណែក ៤០% នៃល្បាយថាមពលសរុបរបស់កម្ពុជា
ថាមពលកកើតឡើងវិញ រួមមានវារីអគ្គិសនី ថាមពលដើរដោយពន្លឺព្រះអាទិត្យ និងថាមពលជីវម៉ាស់ បានកើនឡើងដល់ ៤០% នៃថាមពលសរុបនៅកម្ពុជាក្នុងឆ្នាំ ២០២១។ នៅក្នុងសុន្ទរកថាថ្លែងក្នុងពិធីបើកកិច្ចប្រជុំរដ្ឋមន្រ្តីថាមពលអាស៊ានលើកទី៤០ កិច្ចប្រជុំពាក់ព័ន្ទ និងវេទិកាធុរកិច្ចថាមពលអាស៊ានឆ្នាំ២០២២ សម្តេចតេជោ ហ៊ុន សែន កម្ពុជា បាននិងកំពុងខិតខំប្រឹងប្រែងយ៉ាងសកម្ម ក្នុងការបញ្ចូលប្រភពថាមពលកកើតឡើងវិញក្នុងល្បាយនៃប្រភពថាមពលរបស់ខ្លួន។ សម្តេចតេជោ បញ្ជាក់ថា កម្ពុជានឹងបន្តជំរុញការយកចិត្តទុកដាក់លើការអភិវឌ្ឍប្រសិទ្ធភាពថាមពល និងថាមពលកកើតឡើងវិញឱ្យបានអតិបរមា និងជាបន្តបន្ទាប់ ទៅតាមលទ្ធភាពទទួលបានរបស់ប្រព័ន្ធផ្គត់ផ្គង់ថាមពលកម្ពុជា ជាមួយនឹងការកាត់បន្ថយការអភិវឌ្ឍគម្រោងប្រភពថាមពលដែលប្រើប្រាស់ឥន្ទនៈហ្វូស៊ីល ដែលមានធ្យូងថ្ម និងប្រេងជាដើម។ គួរបញ្ជាក់ថា ថ្មីៗនេះ រដ្ឋាភិបាលកម្ពុជាបានប្ដេជាថានឹងកាត់បន្ថយការបញ្ចេញឧស្ម័នផ្ទះកញ្ចក់ ៤២% ត្រឹមឆ្នំា២០៣០។ កម្ពុជាក៏នឹងមិនអនុម័ត ឬសាងសង់រោងចក្រថាមពលធ្យូងថ្ម ក៏ដូចជាទំនប់វារីអគ្គិសនីនៅតាមដងទន្លេមេគង្គ ទៀតទេ ដោយនឹងងាកមករកថាមពលកកើតឡើងវិញដូចជាសូឡាជាដើម។ (អានបន្ថែម) ត្រឹមឆ្នាំ ២០២៣ គម្រោងថាមពលសូឡាចំនួន ៧គម្រោងបន្ថែមទៀត អនុភាពសរុប ៤៩៥មេហ្គាវ៉ាត នឹងត្រូវដាក់ដំណើរការ ដោយនឹងរួមចំណែកប្រមាណ២០% នៃការផ្គត់ផ្គង់ថាមពលសរុបនៅកម្ពុជា។
អានបន្ថែម
កូរ៉េឈ្នះបានគម្រោងព្រលានយន្តហោះតម្លៃ ១១ពាន់លានដុលារ នៅហ្វីលីពីន
ក្រុមហ៊ុនបុត្រសម្ព័ន្ធរបស់ Sumsung Group និងអឺរ៉ុប បានឈ្នះការដេញថ្លៃគម្រោងសាងសង់ព្រលានយន្តហោះតម្លៃ ១១ពាន់លានដុល្លារអាមេរិក នៅប្រទេសហ្វីលីពី ដែលកន្លងមកចិនធ្លាប់ដេញថ្លៃបាន ត្រឹមតម្លៃ ១០ពាន់លានដុល្លារប៉ុណ្ណោះ ។ នេះយោងតាមការចុះផ្សាយរបស់សារព័ត៌មាន Nikkei នៅថ្ងៃទី១៥ កញ្ញា ២០២២។ អាកាសយានដ្ឋានដ៏ធំមួយនេះមានឈ្មោះថា Sangley Point ស្ថិតភាគខាងត្បូងនៃទីក្រុងម៉ានីល ខេត្ត Cavite ក្នុងប្រទេសហ្វីលីពីន ដែលនឹងត្រូវសាងសង់ឡើងដោយក្រុមហ៊ុន SPIA Development Consortium ជាបុត្រសម្ព័ន្ធរបស់ក្រុមហ៊ុន Samsung Group របស់កូរ៉េខាងត្បូង។ គេរំពឹងថា អនាគតព្រលាន Sangley នឹងក្លាយជាគូរប្រជែងជាមួយនឹងអាកាសយានដ្ឋាន San Miguel ដែលមានតម្លៃ 12.97 ពាន់លានដុល្លារ ដែលកំពុងដំណើរការនៅទីក្រុង Bulacan ភាគពាយព្យនៃទីក្រុងម៉ានីល ព្រោះក្រោយបញ្ជប់ការសាសង់ វានឹងមានសមត្ថភាពផ្ទុកអ្នកដំណើរបានរហូតដល់ 130 លាននាក់ក្នុងមួយឆ្នាំ។ គួរម្លឹកដែរថា កន្លងមកក្រុមហ៊ុនចិន China Communications Construction ដែល ជាដៃគូជាមួយ MarcoAsia […]
អានបន្ថែម
កម្ពុជា សម្ពោធដាក់ដំណើរការស្ថានីយបញ្ចូលថាមពលយានយន្តអគ្គិសនីនៅសៀមរាបជាផ្លូវការហើយ
ស្ថានីយបញ្ចូលថាមពលយានយន្តអគ្គិសនី (EV Charging Station) ក្នុងក្រុងសៀមរាប បានដាក់ឱ្យប្រើប្រាស់ជាផ្លូវការហើយ កាលថ្ងៃទី១៤ ខែកញ្ញា ឆ្នាំ២០២២ ក្រោមវត្តមានឯកឧត្តម មន្ត្រី ស៊ុន ចាន់ថុល និងលោក Butchaiah Gadde តំណាងកម្មវិធីអភិវឌ្ឍន៍សហប្រជាជាតិ(UNDP)។ នាឱកាសនោះ ឯកឧត្តម ស៊ុន ចាន់ថុល បានឲ្យដឹងថា ស្ថានីយនេះ មានទីតាំងឋិតនៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប។ ឯកឧត្តមក៏បានថ្លែងអំណរគុណ UNDP ដែលបានផ្ដល់ស្ថានីយបញ្ចូលថាមពលយានយន្តអគ្គិសនីទីបី នៅខេត្តសៀមរាប និងស្ថានីយបញ្ចូលថាមពលយានយន្តអគ្គិសនីទី៤ នៅខេត្តបាត់ដំបង។ ជាមួយគ្នានេះ ឯកឧត្តមបានឲ្យដឹងថា ការប្រើប្រាស់រថយន្តអគ្គិសនីនៅកម្ពុជា ក្នុងរយៈពេល៧ខែ ក្នុងឆ្នាំ២០២២នេះ មានរថយន្តអគ្គិសនីសរុបចំនួន ៣០៥គ្រឿង បានចុះបញ្ជី ធៀបនឹងរយៈពេលដូចគ្នាក្នុងឆ្នាំ២០២១ មានការកើនឡើងប្រមាណ១៨០៦%។ ឯកឧត្តមថា ការកើនឡើងនេះ គឺជាការឆ្លុះបញ្ចាំងឱ្យឃើញនូវការយល់ដឹង និងការគាំទ្ររបស់ពលរដ្ឋលើការប្រើប្រាស់រថយន្តអគ្គិសនីនៅកម្ពុជា។ គួរបញ្ជាក់ដែរថា គិតត្រឹមថ្ងៃទី១៤ ខែកញ្ញា ឆ្នាំ២០២២ ក្រសួងបានដាក់ឱ្យដំណើរការនូវស្ថានីយបញ្ចូលថាមពលយានយន្តអគ្គីសនីបានចំនួន ៣ទីតាំងហើយ ក្នុងនោះ៖ ទីតាំងទី១ស្ថិតនៅក្នុងទីស្ដីការក្រសួងសាធារណការ […]
អានបន្ថែម
កម្ពុជាប្រើ Robots ជំនួសមនុស្ស ដើម្បីត្រួតពិនិត្យប្រព័ន្ធលូ
ក្រសួងសាធារណការ និងដឹកជញ្ជូន បានប្រើប្រាស់បច្ចេកវិទ្យាទំនើបនិងថ្មីបំផុតគឺ ឧបករណ៍ Robots ជំនួសឱ្យមនុស្ស ក្នុងការត្រួតពិនិត្យប្រព័ន្ធលូ ដែលជាការបោះជំហ៊ានមួយទៀត នៃទំនើបកម្មក្នុងវិស័យសាធារណការ។ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានដឹកនាំក្រុមការងារបច្ចេកទេស ចុះត្រួតពិនិត្យហេដ្ឋារចនាសម្ព័ន្ធផ្លូវថ្នល់ និងប្រព័ន្ធលូ នៅក្នុងក្រុងសៀមរាប ខេត្តសៀមរាប កាលពីថ្ងៃទី១៣ ខែកញ្ញា។ តាមការបញ្ជាក់របស់ក្រសួង ការប្រើប្រាស់នូវ Robot ត្រួតពិនិត្យប្រព័ន្ធលូនេះ ជាបច្ចេកវិទ្យាទំនើប ដែលមានភ្ជាប់ជាមួយនិងកាមេរ៉ា អាចឱ្យគេមើលឃើញស្ថានភាពជាក់ស្ដែង ប្រព័ន្ធលូផ្ទៃខាងក្នុង ដូចជាការកកស្ទះ ឬការខូចខាត ដើម្បីចាត់វិធានការដោះស្រាយ បានទាន់ពេលវេលា។ ការចុះពិនិត្យនេះ មានគោលបំណងចាត់វិធានការដោះស្រាយ និងស្វែងរកមូលហេតុ នៃការបង្កឱ្យមានជំនន់ទឹកភ្លៀង ជន់លិចបណ្តាផ្លូវមួយចំនួន ក្នុងក្រុងសៀមរាប ដែលបង្កឱ្យមានការបាក់ច្រាំងដងស្ទឹងសៀមរាប និងខូចខាតដល់ហេដ្ឋារចនាសម្ព័ន្ធមួយចំនួន។
អានបន្ថែម