ព័ត៌មានសំណង់
អាជីវកម្មគ្រឿងសង្ហារឹមនិងសម្ភារសំណង់បានទាក់ទាញវិនិយោគខ្លាំង ទីផ្សារ និងសេដ្ឋកិច្ច ពាណិជ្ជកម្ម និងហិរញ្ញវត្ថុ
ស្របពេលដែលកំណើននៃវិស័យសំណង់លំនៅដ្ឋាននឹងអគារការិយាល័យមានការកើនឡើងយ៉ាងគួរឲ្យកត់សម្គាល់ក្នុងប្រទេសកម្ពុជា ការបណ្តាក់ទុនអាជីវកម្មគ្រឿងសង្ហារឹមនិងសម្ភារសំណង់ផ្សេងៗក៏នឹងកំពុងមានការកើនឡើងផងដែរ។
អានបន្ថែម
ផ្សារទំនើបលំដាប់អន្តរជាតិថ្មីមួយទៀតបានបើកការដ្ឋានសាងសង់នៅតំបន់អភិវឌ្ឍន៍ក្រុង�
កាលពីថ្ងៃទី៣០ ខែសីហា ឆ្នាំ២០១៨ ក្រុមហ៊ុន Chip Mong Retail បានរៀបចំពិធីបញ្ចុះបឋមសីលាបើកការដ្ឋានសាងសង់ផ្សារទំនើបលំដាប់អន្តរជាតិដំបូងបង្អស់របស់ខ្លួនឈ្មោះថា Chip Mong 271 Mega Mall មានទីតាំងស្ថិតនៅតាមបណ្តោយផ្លូវ ២៧១។ ផ្សារទំនើបលំដាប់អន្តរជាតិមួយនេះគឺគ្របដណ្តប់លើផ្ទៃក្រឡាប្រមាណជា ១៦០.០០០ម៉ែត្រការ៉េ (ឬស្មើនឹង ១៦ហិកតា) ដែលនឹងផ្ដល់សេវាកម្មដួចជា ហាងលក់គ្រឿងឧបភោគបរិភោគគ្រប់បែបយ៉ាង ភោជនីយដ្ឋាន កន្លែកម្សាន្តកុមារ ហាងលក់សម្លៀកបំពាក់ទូទៅ សម្លៀកបំពាក់កីឡាម៉ាកល្បីៗ ក្លឹបហាត់ប្រាណ ជាពិសេសរោងភាពយន្តដ៏ទំនើបទាន់សម័យ ដែលទាំងអស់នេះនឹងឆ្លុះបញ្ជាំងពីពាក្យស្លោករបស់ Chip Mong 271 Mega Mall «Everyday discovery» ដែលមានន័យថា “ស្វែងរកអ្វីៗថ្មីជារៀងរាល់ថ្ងៃ”។ បន្ថែមពីនេះទៅទៀត ផ្សារទំនើប 271 Mega Mall មានផ្ទៃក្រឡាសំរាប់ជួលចំនួន ៥៨.០០០ ម៉ែត្រការ៉េ (ឬស្មើនឹង ៥,៨ ហិកតា) ហើយមានច្រកចូលធំទូលាយរួមទាំងចំណតរថយន្តចំនួន ១៩៧០កន្លែង និងចំណតម៉ូតូចំនួន ៥៤០កន្លែង។ ការសាងសង់ផ្សារទំនើបនេះ គឺរំពឹងថានឹងបញ្ចប់នៅត្រឹមឆ្នាំ ២០២០។ […]
អានបន្ថែម
នាយករដ្ឋមន្ត្រីម៉ាឡេស៊ីលុបចោលគម្រោងហេដ្ឋារចនាសម្ព័ន្ធជាមួយប្រទេសចិន
រូបដោយ World Economic Forum នាយករដ្ឋមន្ត្រីម៉ាឡេស៊ីលោក Mahathir Mohamad បានបន្តបង្ហាញពីជំហររបស់ខ្លួនក្នុងការលុបចោលគម្រោងហេដ្ឋារចនាសម្ព័ន្ធដែលឧបត្ថម្ភដោយប្រទេសចិនគម្រោងមួយនេះមានទឹកប្រាក់រហូតដល់ទៅរាប់ពាន់លានដុល្លារហើយផែនការនេះក៏ត្រូវបានទទួលការគាំទ្រដោយអតីតនាយករដ្ឋមន្ត្រីគឺលោក Najib Razak ។ គួរបញ្ជាក់ផងដែរថា លោកនាយករដ្ឋមន្ត្រី Mahathirបានព្យួចោលនូវរគម្រោងសំខាន់ៗរបស់ចិនទាំងអស់សរុបជាទឹកប្រាក់ប្រមាណជិត ២៥ ពាន់លានដុល្លារ ដែលក្នុងនោះរួមមានគម្រោងផ្លូវដែក East Coast Rail Link តម្លៃ២០ពាន់លានដុល្លារ ក៏ដូចជាគម្រោងបំពង់បង្ហូរប្រេងដ៏ធំពីរទៀតផង។ ហេតុផលនៃការព្យួរគម្រោងរបស់ចិនគឺដោយសារតែលោកនាយករដ្ឋមន្ត្រី Mahathir យល់ថាប្រទេសម៉ាឡេស៊ីមិនមានលទ្ធភាពគ្រប់គ្រាន់សម្រាប់រាប់រងការចំណាយលើគម្រោងធំៗទាំងអស់នេះ ហើយក៏ដើម្បីបញ្ជៀសរាល់វិវាទផ្សេងៗដែលអាចនឹងកើតមានឡើងជាមួយចិននាពេលអនាគត ។ ចំពោះកិច្ចសន្យាបំពង់បង្ហូរប្រេងប្រទេសម៉ាឡេស៊ីបានបង់ប្រាក់រាប់ពាន់លានដុល្លាររួចទៅហើយតែដោយឡែកការងារទើបតែបញ្ចប់បាន ១៤ ភាគរយតែប៉ុណ្ណោះ។ ប៉ុន្តែលោក Mahathir នៅតែរក្សារជំហររបស់ខ្លួនក្នុងការលុបចោល ដោយផ្អែកលើមូលហេតុសមហេតុសមផលមួយ គឺថាវាមានការពាក់ព័ន្ធជាមួយនឹងរឿងអាស្រូវនៃអំពើពុករលួយរបស់អតីតនាយករដ្ឋមន្ត្រីលោក Najib Razak។
អានបន្ថែម
វេទិកាពិភាក្សារបស់ EuroCham បង្ហាញទស្សនៈវិស័យដ៏សំខាន់សំរាប់វិស័យថាមពល
សភាពាណិជ្ជកម្មអ៊ឺរ៉ុបនៅកម្ពុជា EuroCham បានរៀបចំកិច្ចពិភាក្សា Breakfast Talk កាលពីព្រឹកថ្ងៃទី៣០ ខែសីហា ឆ្នាំ២០១៨ ដើម្បីជជែកពិភាក្សាទៅលើប្រធានបទ «របាយការណ៍ព្យាករណ៍ថាមពលថ្មីឆ្នាំ២០១៨ របស់ក្រុមហ៊ុន Bloomberg»
អានបន្ថែម
ក្រុមហ៊ុន Maruhanបានចុះកិច្ចព្រមព្រៀងលើគម្រោងសាងសង់អគារធនាគារស្ថាបនា ជាមួយក្រុមហ៊ុន Lotte E & C
កាលពីថ្ងៃទី ២៩ ខែ សីហា ឆ្នាំ ២០១៨ ក្រុមហ៊ុនជប៉ុន Maruhan Investment (Cambodia) Co. , Ltd ដែលជាបុត្រសម្ព័ន្ធរបស់Maruhan Group បានចុះកិច្ចព្រមព្រៀងលើកិច្ចសន្យាសាងសង់អគារការិយាល័យកណ្តាលរបស់ ធនាគារស្ថាបនាជាមួយក្រុមហ៊ុន Lotte Engineering & Construction Co. , Ltd (Lotte E & C) ដែលមានទីតាំងនៅរាជធានីភ្នំពេញនៃព្រះរាជាណាចក្រកម្ពុជា។ អគារការិយាល័យកណ្តាលថ្មីរបស់ធនាគារស្ថាបនាដែលបានចាប់ផ្តើមការសាងសង់ជាផ្លូវការតាំងពីខែឧសភាកន្លងទៅនេះមានទំហំសរុបចំនួន ៣៥.១៣៥ ម៉ែត្រការ៉េ ហើយមានកម្ពស់ ២២ ជាន់ ដែលស្មើរទៅនឹង១០៣ ម៉ែត្រ។លើលពីនេះទៅទៀត អគារថ្មីនេះគឺសាងសង់ ទៅតាមបទដ្ឋានស្តង់ដារអន្តរជាតិកម្រិត A ដែលនឹងត្រូវចំណាយថវិកាប្រមាណជាង ៧០ លានដុល្លារអាមេរិក។អគារថ្មីនេះអាចផ្ទុកបុគ្គលិកយ៉ាងហោចណាស់ចំនួន ១២០០ នាក់ ហើយការសាងសង់នឹងបញ្ចប់ក្នុងឆ្នាំ២០១៩។ ថ្លែងក្នុងពិធីចុះហត្ថលេខា លោក Han Chang Wooប្រធានក្រុមហ៊ុន Maruhan Group បានឱ្យដឹងថាអគារថ្មីនេះនឹងក្លាយជាអគារនិមិត្តរូបមួយដែលបំពាក់ទៅដោយគ្រឿងបរិក្ខារទំនើបៗ។ ទន្ទឹមនឹងនេះដែរ […]
អានបន្ថែម
កម្ពុជាសង្ឃឹមខ្ពស់ថាជប៉ុននឹងផ្តល់ជំនួយសំរាប់គម្រោងស្ពានអាកាសនៅតំបន់ស្ទឹងបត់
រូបគំរូដោយ Wikimedia Commons អ្នកនាំពាក្យរបស់ក្រសួងសាធារណៈការនិងដឹកជញ្ជូន ឯកឧត្តម វ៉ាស៊ីម សូរិយាសង្ឃឹមខ្ពស់ថាជប៉ុននឹងផ្តល់ជំនួយសំរាប់គម្រោងសាងសង់ស្ពានអាកាសនៅតំបន់ស្ទឹងបត់ដែលក្រសួងសាធារណការនិងដឹកជញ្ជូនបានធ្វើការស្នើរសុំកាលពីពេលថ្មីៗនេះ។ ដើម្បីសម្រួលដល់ការធ្វើចរាចរណ៍ក៏ដូចជាបញ្ចៀសការកកស្ទះនៅតំបន់ស្ទឹងបត់ដែលស្ថិតនៅតំបន់ច្រកព្រំដែនអន្តរជាតិថ្មីកម្ពុជា-ថៃ ឯកឧត្តមទេសរដ្ឋមន្ត្រី ស៊ុន ចាន់ថុលបាន ស្នើរសុំរដ្ឋាភិបាលជប៉ុនតាមរយៈទីភ្នាក់ងារសហប្រតិបត្តិការអន្តរជាតិ JICA ផ្តល់ការគាំទ្រសម្រាប់គម្រោងសាងសង់ស្ពានអាកាសនៅតំបន់ស្ទឹងបត់ដើម្បីភ្ជាប់ទៅកាន់ផ្លូវជាតិ លេខ៥។ ជាការឆ្លើយតម លោកបណ្ឌិត Masahiko FURUICHI ទីប្រឹក្សាជាន់ខ្ពស់ផ្នែកដឹកជញ្ជូនរបស់អង្គការ JICA បានកត់សម្គាល់លើសំណើនេះ។ យ៉ាងណាមិញ ឯកឧត្តម វ៉ាស៊ីម សូរិយាបានប្រាប់ ទស្សនាវដ្តីសំណង់និងអចលនទ្រព្យ ថាលោកមានក្តីសង្ឃឹមខ្ពស់ថាជប៉ុននឹងផ្តល់ជំនួយព្រោះថាគម្រោងស្ពានអាកាសនេះឬស្ពានចំណុចប្តូរទិស (Intersection) គឺមានទំនាក់ទំនងជាមួយនឹងគម្រោងសាងសង់ផ្លូវជាតិលេខ៥ (រហូតដល់ច្រកព្រំដែនអន្តរជាតិកម្ពុជា-ថៃស្ទឹងបត់ថ្មី) ដែលបច្ចុប្បន្នស្ថិតក្រោមជំនួយរបស់ប្រទេសជប៉ុន។ការសាងសង់ផ្លូវនេះគឺត្រូវបានបែងចែកជា ៣ កំណាត់ហើយបច្ចុប្បន្នកំពុងស្ថិតក្រោមការសាងសង់នៅឡើយ។ ទាក់ទងទៅនឹងកាលបរិច្ចេទនៃសេចក្តីសម្រេចរបស់ជប៉ុនទៅលើគម្រោងស្នើរខាងលើ ឯកឧត្តម វ៉ាស៊ីម សូរិយាបានគួសបញ្ជាក់ថាជាទូទៅបន្ទាប់ពីមានការស្នើរសុំភាគីជប៉ុនអាចនឹងផ្តល់ចម្លើយក្នុងរយៈពេលពី ១-២ ឆ្នាំបន្ទាប់ពីជប៉ុនធ្វើការសិក្សារអំពីគម្រោងនេះរួចរាល់។ ឯកឧត្តម វ៉ាស៊ីម សូរិយាបានមានប្រសាសន៍បន្ថែមថា៖ «ចំណុចប្តូរទិសនេះនឹងជួយសម្រួលដល់ចរាចរណ៍នៅតំបន់ស្ទឹងបត់នៅពេលដែលច្រកព្រំដែនអន្តរជាតិថ្មីដាក់អោយដំណើរការនៅឆ្នាំ២០១៩»។
អានបន្ថែម
រដ្ឋាភិបាលអនុម័តគម្រោងមជ្ឈមណ្ឌលពាណិជ្ជកម្មចម្រុះរបស់ចិនតម្លៃជាង៥០០លានដុល្លារ
ក្រុមប្រឹក្សាអភិវឌ្ឍន៍កម្ពុជាសម្រេចអនុម័តគម្រោងអភិវឌ្ឍន៍មជ្ឈមណ្ឌលពាណិជ្ជកម្មចម្រុះតម្លៃជាង៥០០លានដុល្លាររបស់ក្រុមហ៊ុនអភិវឌ្ឍន៍អចលនទ្រព្យចិន ចៀន ឈឹង ថៃ គ្រុប (Chean Chhoeng Thai Group)
អានបន្ថែម
គម្រោងប្រព័ន្ធកំពង់ផែ EDI ក្នុងទឺកប្រាក់១៤លានដុល្លារនឹងដាក់ឲ្យដំណើរការនៅឆ្នាំ២០
គម្រោងប្រព័ន្ធកំពង់ផែ Electronic Data Interchange(EDI) ដែលស្ថិតក្រោមជំនួយឥតសំណងរបស់រដ្ឋាភិបាលជប៉ុនតាមរយៈទីភ្នាក់ងារសហប្រតិបត្តិការអន្តរជាតិ JICA ក្នុងទឹកប្រាក់ប្រមាណជា ១៤ លានដុល្លារអាមេរិក នឹងដាក់ឲ្យដំណើរការនៅខែមេសា ឆ្នាំ២០២១ ខាងមុខនេះ។នេះបើយោងតាមការឲ្យដឹងពីលោកបណ្ឌិត Masahiko Furuichi ទីប្រឹក្សាជាន់ខ្ពស់ផ្នែកដឹកជញ្ជូនរបស់ JICA។ ការគូសបញ្ជាក់ខាងលើគឺធ្វើឡើងក្នុងជំនួបពិភាក្សាការងារជាមួយឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនកាលពីថ្ងៃទី ២៧ ខែសីហា ឆ្នាំ២០១៨។ បន្ថែមពីនេះទៅទៀត លោកបណ្ឌិត Masahiko Furuichi ក៏បានឲ្យដឹងថាការសិក្សាលើរបាយការណ៍ចុងក្រោយនៃគម្រោងប្រព័ន្ធកំពង់ផែ EDI នឹងត្រូវរៀបចំឡើងដោយមានធាតុចូលពីក្រសួងសាធារណការនិងដឹកជញ្ជូន អង្គការ JICA និងភាគីពាក់ព័ន្ធនានាផងដែរ។ ទន្ទឹមនឹងនេះផងដែរ ដើម្បីធានាថាគម្រោងនេះនឹងដំណើរការតាមកាលដែលបានកំណត់ ឯកឧត្តមទេសរដ្ឋមន្ត្រី ស៊ុន ចាន់ថុលបានស្នើសុំឲ្យក្រុមការងារបេសកកម្មរបស់អង្គការ JICA សម្របសម្រួលការងាររបស់ខ្លួនជាមួយនាយកដ្ឋានព័ត៌មានវិទ្យា និងទំនាក់ទំនងសាធារណៈរបស់ក្រសួងដើម្បីផ្តល់ធាតុចូល ពោលគឺគំនិតថ្មីៗបន្ថែមទៀត។ យ៉ាងណាមិញ ទាក់ទងទៅនឹងទីតាំងកំពង់ផែដែលនឹងត្រូវដំឡើងប្រព័ន្ធ EDI គឺមិនទាន់ដឹងច្បាស់នៅឡើយទេ។ ក៏ប៉ុន្តែ បើយោងតាមការបញ្ជាក់ពីឯកឧត្តម វ៉ាស៊ីម សូរិយា អ្នកនាំពាក្យរបស់ក្រសួងសាធារណការនិងដឹកជញ្ជូន ប្រព័ន្ធ EDI អាចនឹងដាក់ឲ្យដំណើរការនៅក្នុងកំពង់ផែស្វយ័តក្រុងព្រះសីហនុ។ សូមបញ្ជាក់ផងដែរថា […]
អានបន្ថែម
សេវាកម្មផ្គូផ្គងជាងសំណង់របស់ក្រុមហ៊ុន SCG បង្កើនភាពស្រួលក្នុងការស្វែងរកអ្នកម៉ៅកា
ដើម្បីជួយជំរុញវិស័យសំណង់អោយកាន់តែប្រសើរឡើងក្រុមហ៊ុនផលិតស៊ីម៉ងនិងផ្គត់ផ្គង់សម្ភារៈសំណង់របស់ថៃ Siam Cement Group (SCG) បានបង្កើតសេវាកម្មផ្គូផ្គងជាងសំណង់ដោយឥតគិតថ្លៃជូនដល់ម្ចាស់លំនៅឋាន
អានបន្ថែម
កម្ពុជា-រុស្ស៊ីគ្រោងនឹងសាងសង់មជ្ឈមណ្ឌលនុយក្លេអ៊ែរ
រូបគំរូមជ្ឈមណ្ឌលនុយក្លេអ៊ែរដោយ Wikipedia រាជរដ្ឋាភិបាលកម្ពុជានិងរដ្ឋាភិបាលសហព័ន្ធរុស្ស៊ីគ្រោងនឹងបញ្ចប់សេចក្តីព្រាងនៃកិច្ចព្រមព្រាងក្នុងការសាងសង់មជ្ឈមណ្ឌលស្រាវជ្រាវវិទ្យាសាស្រ្តនិងបច្ចេកទេសនុយក្លេអែរនៅក្នុងវិទ្យាស្ថានបច្ចេកវិទ្យាកម្ពុជា (សាលាតិចណូ)។ នេះបើយោងតាមសេចក្តីប្រកាសព័ត៌មានរបស់រាជបណ្ឌិត្យសភាកម្ពុជាកាលពីថ្ងៃទី២៣ ខែសីហា ឆ្នាំ២០១៨។ នៅថ្ងៃទី ២៨ ខែសីហា ឆ្នាំ២០១៨ ខាងមុននេះ អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព នឹងរៀបចំកិច្ចប្រជុំជាមួយក្រុមការងារនៃប្រទេសរុស្ស៊ី Rosatom ដើម្បីពិនិត្យ និងពិភាក្សាបញ្ចប់លើសេចក្តីព្រាងខាងលើនេះ ដែលកិច្ចពិភាក្សានេះនឹងធ្វើឡើងនៅទីស្តីការក្រសួងបរិស្ថាន។ យោងតាមសេចក្តីប្រកាសព័ត៌មានដដែលបានអោយដឹងថា កាលពីថ្ងៃទី២៣ ខែសីហា កន្លងមកនាយកដ្ឋានវិទ្យាសាស្រ្ត និងបច្ចេកវិទ្យានៃក្រុមប្រឹក្សាជាតិអភិវឌ្ឍន៍ដោយចីរភាពនៃក្រសួងបរិស្ថានបានរៀបចំកិច្ចប្រជុំមួយស្តីអំពីការពិនិត្យឡើងវិញលើខ្លឹមសារសេចក្តីព្រាងនៃកិច្ចព្រមព្រៀងទៅលើមាត្រានានាដែលពាក់ព័ន្ធនឹងការដឹកជញ្ជូនគ្រឿងសម្ភារបរិក្ខារនុយក្លេអ៊ែរសម្រាប់ការសាងសង់មជ្ឈមណ្ឌល និងការលើកលែងពន្ធនានាដល់ការនាំចូលសម្ភារ និងការសាងសង់ជាដើម។ គួរបញ្ជាក់ផងដែរថា កាលពីខែកញ្ញា ឆ្នាំ២០១៧ ប្រទេសកម្ពុជាបានចុះកិច្ចព្រមព្រៀងជាមួយសហព័ន្ធរុស្ស៊ីលើកិច្ចសហប្រតិបត្តិការក្នុងវិស័យថាមពលនុយក្លេអ៊ែរសម្រាប់គោលបំណងសន្តិភាព។ កិច្ចព្រមព្រៀងនេះដែរគឺផ្តោតសំខាន់ទៅលើការអភិវឌ្ឍបន្ថែមទៀតនៃកិច្ចសហប្រតិបត្តិការទ្វេភាគីរវាងរុស្ស៊ីនិងកម្ពុជាក្នុងវិស័យអប់រំនិងការបណ្តុះបណ្តាលស្រាវជ្រាវនុយក្លេអ៊ែរ មូលដ្ឋានគ្រឺះនិងការអនុវត្តន៍ ការប្រើបច្ចេកវិទ្យាវិទ្យុសកម្មក្នុងវិស័យផលិតថ្នាំពេទ្យ កសិកម្ម និងការការពារបរិស្ថាន។
អានបន្ថែម