ព័ត៌មានសំណង់
ក្រសួងការពារជាតិបើកការដ្ឋានសាងសង់អគាររដ្ឋបាលថ្មីធំជាងមុន ១០ ដង
ក្រសួងការពារជាតិបើកការដ្ឋានសាងសង់អគាររដ្ឋបាលថ្មីធំជាងមុន ១០ ដង កាលថ្ងៃទី៣០ ខែ មិថុនា ឆ្នាំ២០១៨ ក្រសួងការពារជាតិបានប្រារព្ធពិធីបញ្ចុះបឋមសិលាបើកការដ្ឋានសាងសង់ អគាររដ្ឋបាល សាលប្រជុំទីស្តីការ ដែលមានទំហំធំជាង ១០ដងនៃអគាចាស់ នេះបើយោងទៅតាមទំព័រហ្វេសប៊ុករបស់អ្នកនាំពាក្យក្រសួងការពារជាតិ នាយឧត្តមសេនីយ៍ ឈុំ សុជាត។ អគារនេះនឹងមានកំពស់ ៧ ជាន់ (ប្រហែល ៣២ ម៉ែត្រ) ទទឹង ២៨ ម៉ែត្រ និងបណ្តោយ ១៩១ ម៉ែត្រ ព្រមទាំងមានចំណតរថយន្តក្រោមដីចំនួន ១ ជាន់ ដែលមានផ្ទៃក្រឡាសរុប ៣០,៩៧៩ ម៉ែត្រការ៉េ។ អគារនេះនឹងសាងសង់ក្នុងបរិវេណក្រសួងការពារជាតិនាពេលបច្ចុប្បន្ន ដែលគ្រោងនឹងប្រើរយៈពេលសាងសង់ ៣៦ ខែ។ បើយោងតាមប្រភពដដែលនេះ បានឲ្យដឹងថា អគាររដ្ឋបាល សាលប្រជុំទីស្តីការក្រសួងការពារជាតិថ្មីនេះ នឹងចែកជា៣ផ្នែក រួមមាន៖ ១. ផ្នែកខាងកើត ឬ (ស្លាបឆ្វេង) រៀបចំជាតំបន់ធានាឲ្យការត្រួតពល ក្នុងអគារ (ពេលមានភ្លៀង) រៀបចំធ្វើបន្ទប់ប្រជុំតូច-ធំ បន្ទប់សវនាការតូច-ធំ ទីធ្លាសន្និសីទកាសែត និងសាលប្រជុំធំ […]
អានបន្ថែម
ដីទំនេរជិតសួនទឹកភ្នំពេញវ៉តធើផាកចាស់ប្រែក្លាយជាមជ្ឈមណ្ឌលពាណិជ្ជកម្មដ៏ប្រណីត
ព្រីនស៍ អ៊ីនធើណាសិនណល ផ្លាហ្សា។ ប្រភព: ក្រុមហ៊ុនព្រីនស៍រៀលអ៊ីស្តេត (ខេមបូឌា) គ្រុប កាលពីថ្ងៃទី២៩ ខែមិថុនា ឆ្នាំ២០១៨ កន្លងមកនេះ ក្រុមហ៊ុនព្រីនស៍រៀលអ៊ីស្តេត (ខេមបូឌា) គ្រុប បានប្រារព្ធពិធីបញ្ចុះបឋមសិលាគម្រោងអភិវឌ្ឍន៍ចម្រុះមួយទៀតឈ្មោះថា ព្រីនស៍ អ៊ីនធើណាសិនណល ផ្លាហ្សា (Prince International Plaza) ដែលជាការផ្លាស់ប្ដូរមុខមាត់ថ្មីនៃដីទំនេរជិតអតីតសួនទឹកភ្នំពេញវ៉តធើផាក។ ស្ថិតនៅតាមបណ្ដោយមហាវិថីសហព័ន្ធរុស្ស៊ី គម្រោងនេះកំពុងតែដំណើរការសាងសង់លើផ្ទៃដីទំហំ ២០០,០០០ម៉ែត្រការ៉េ ដែលនឹងសាង់សង់ជាមជ្ឈមណ្ឌលរស់នៅបែបច្រកចេញចូលតែមួយ រួមមាន ការិយាល័យ លំនៅដ្ឋានប្រណីត និងមជ្ឈមណ្ឌលពាណិជ្ជកម្មផងដែរ។ ចំណុចពិសេសនៃគម្រោងនេះ គឺទីតាំងដែលស្ថិតនៅក្នុងចំណុចប្រសព្វនៃខណ្ឌទួលគោក ខណ្ឌមានជ័យ និងខណ្ឌសែនសុខ ដែលជាខណ្ឌដែលកំពុងតែមានសន្ទុះលើវិស័យអចលនទ្រព្យនិងមានកំណើនសេដ្ឋកិច្ចខ្ពស់។ បើយោងតាមភ្នាក់ងារលក់ ក្រុមហ៊ុនព្រីនស៍រៀលអ៊ីស្តេតពុំទាន់បានបង្ហើបពីព័ត៌មានលំអិត ដូចជាចំនួនយូនិត រយៈពេលសាងសង់ ដ៏ដូចជាទំហំទឹកប្រាក់វិនិយោគលើគម្រោងនេះនៅឡើយទេ។ ប្រភពដដែលនេះបានបញ្ជាក់ថា ព័ត៌មានលំអិតទាំងនេះនឹងបើកបង្ហាញជាសាធារណៈស្របពេលនឹងការបើកលក់គម្រោងជាផ្លូវការ ដែលអាចនឹងធ្វើឡើងនៅចុង ខែកក្កដា ឬ ដើមខែសីហា។ ក្រៅពីគម្រោង ព្រីនស៍ អ៊ីនធើណាសិនណលផ្លាហ្សានេះ ក្រុមហ៊ុន Prince Real Estate Group ក៏មានម្ចាស់គម្រោងធំៗជាច្រើនទៀតដូចជា […]
អានបន្ថែម
ស្ពានអាកាសទី៦: ស្ពានអាកាស និងផ្លូវក្រោមដីនៅរង្វង់មូលចោមចៅចាប់បើកការដ្ឋានសាងសង់
ស្ពានអាកាសរង្វង់មូលចោមចៅ នៅព្រឹកថ្ងៃទី២៩ ខែមិថុនា ឆ្នាំ២០១៨ នេះ សម្តេចនាយករដ្ឋមន្ត្រី ហ៊ុន សែន បានអញ្ជើញជាអធិបតីដ៏ខ្ពង់ខ្ពស់បើកការដ្ឋានសាងសង់ស្ពានអាកាស និងផ្លូវក្រោមដីនៅរង្វង់មូលចោមចៅ ដែលនឹងក្លាយជាស្ពានអាកាសទី៦ នៅក្នុងរាជធានីភ្នំពេញ។ ស្ពានអាកាស និងផ្លូវក្រោមដីនេះ នឹងសាងសង់ដោយក្រុមហ៊ុនវិនិយោគទុនអាណិកជនកម្ពុជា (OCIC) លើគម្រោងថវិកាប្រមាណ ២២លានដុល្លារអាមេរិក ហើយគ្រោងចំណាយពេលសាងសង់ ៣០ខែ ដោយគិតចាប់ពីថ្ងៃបើកការដ្ឋាននេះតទៅ។ គម្រោងទាំងមូលនេះ រួមមានស្ពានចំនួន ៥ កំណាត់ ៖ ស្ពានទី១៖ ជាស្ពានអាកាសមេ តភ្ជាប់ចរាចរពីមហាវិថីសហព័ន្ធរុស្ស៊ី មកផ្លូវជាតិលេខ៣ មានប្រវែង ៤០៨ម៉ែត្រ ទទឹង១៥,៨ម៉ែត្រ ដែលមានចរាចរពីរគន្លងទៅ និងពីរគន្លងមក ជម្រាលស្ពាន ៤,៥ម៉ែត្រ និងមានកម្ពស់អតិបរិមាដែលអាចចរាចរក្រោមស្ពានបាន ៥,៥ម៉ែត្រ។ ស្ពានទី២៖ បំបែកចេញពីស្ពានអាកាសមេ បត់ឆ្វេងតភ្ជាប់ចរាចរពីមហាវិថីសហព័ន្ធរុស្ស៊ីឆ្ពោះទៅផ្លូវវេងស្រេង សម្រាប់ចរាចរមួយទិស ដែលមានមួយគន្លងរថយន្ត និងមួយគន្លងទោចក្រយានយន្ត មានប្រវែងសរុប ២០២ម៉ែត្រ និង ទទឹង ៥,២៥ម៉ែត្រ។ ស្ពានទី៣៖ ជាស្ពានកោងបត់ឆ្វេងតភ្ជាប់ចរាចរពីផ្លូវវេងស្រេងមកផ្លូវជាតិលេខ៣ មានប្រវែងសរុប ២០៦ម៉ែត្រ និង […]
អានបន្ថែម
អាកាសយានដ្ឋានកម្ពុជាគ្រោងនឹងពង្រីកព្រលានយន្តខេត្តព្រះសីហនុដើម្បីទទួលការចុះចត�
ថ្លែងក្នុងឱកាសបើកសម្ភោធអគារអ្នកដំណើរថ្មីក្នុងអាកាសយានដ្ឋានអន្តរជាតិខេត្តព្រះសីហនុកាលពីថ្ងៃទី ២៧ ខែមិថុនាឆ្នាំ ២០១៨ ក្រុមហ៊ុន Cambodia Airports បានប្រកាសពីគម្រោងនាពេលអនាគតមួយទៀតគឺការពង្រីកអាកាសយានដ្ឋានអន្តរជាតិខេត្តព្រះសីហនុដើម្បីទទួលការចុះចតយន្តហោះធំៗ នាពេលអនាគត។ គម្រោងនេះ គឺជាការពង្រីកផ្លូវរត់យន្តហោះបន្ថែមប្រវែង ៨០០ម៉ែត្រ ទៀត ទៅលើផ្លូវបច្ចុប្បន្ន។ ក្រោយពង្រីក ផ្លូវរត់យន្តហោះនៅអាកាសយានដ្ឋានអន្តរជាតិខេត្តព្រះសីហនុនឹងក្លាយជាផ្លូវរត់ ៣,៣ គីឡូម៉ែត្រ ដែលនឹងអាចទទួលការចុះចតរបស់យន្តហោះធំៗបាន។ បើយោងទៅតាមសេចក្តីប្រកាសព័ត៌មានរបស់ក្រុមហ៊ុន Cambodia Airports បានឲ្យដឹងថា ការពង្រីកនេះគឺដើម្បីឆ្លើយតបទៅនិងតម្រូវការកើនឡើងនៃចំនួនជើងយន្តហោះដែលចូលមកកាន់ខេត្តព្រះសីហនុនាពេលបច្ចុប្បន្ន និងនាពេលអនាគត។ ក្នុងរយះពេល ៥ ឆ្នាំចុងក្រោយនេះ ឃើញថា ចំនួនអ្នកដំណើរដែលប្រើប្រាស់អាកាសយានដ្ឋានអន្តរជាតិខេត្តព្រះសីហនុ បានកើនឡើងជាបន្តបន្ទាប់។ ក្នុងឆ្នាំ២០១៧ អាកាសយានដ្ឋានមួយនេះទទួលបានអ្នកដំណើរប្រមាណជាង ៣៣៨.០០០ នាក់ ដែលកើនរហូតដល់ទៅ ១១៥% បើធៀបទៅនឹងឆ្នាំ២០១៦។ ដោយឡែក ចំពោះការ កែលម្អអគារអ្នកដំណើរដែលទើបតែដាក់សម្ពោធថ្មីមួយនេះវិញ ក៏បានធ្វើឲ្យអគារនេះធំជាងមុនដល់ទៅ ៨០% ដោយអគារទាំងមូលមាន ៤៨០០ម៉ែត្រការ៉េ។ កែលម្អថ្មីនេះរួមមាន ការបន្ថែមច្រក check-in ច្រកឡើងយន្តហោះ និងកន្លែងយកអីវ៉ាន់។ ពិសេសជាងនេះទៅទៀតនោះ គឺមានការបើកនូវភោជនីយដ្ឋានលំដាប់អន្តរជាតិពេញនិយមជាច្រើន ដូចជា Blue Flight, […]
អានបន្ថែម
រដ្ឋាភិបាលជប៉ុនផ្តល់ជំនួយឥតសំណងសាងសង់អាងបម្លែងទឹកកខ្វក់នៅជើងឯក
គំរូរូបភាព: រោងចក្រប្រព្រឹត្តកម្មទឹកកខ្វក់នៅ Dogonbadan ។ ប្រភព: Financial Tribune គម្រោងសាងសង់អាងប្រព្រឹត្តិកម្មទឹកកខ្វក់នៅតំបន់ជើងឯកក្រោមជំនួយឥតសំណងរបស់រដ្ឋាភិបាលជប៉ុនគឺកំពុងស្ថិតក្រោមការសិក្សារបន្ត នេះបើយោងតាមកិច្ចប្រជុំនៅរដ្ឋបាលរាជធានីភ្នំពេញនាពេលថ្មីៗនេះ។ នៅថ្ងៃច័ន្ទទី ២៥ ខែមិថុនាឆ្នាំ ២០១៨ រដ្ឋាភិបាលរាជធានីភ្នំពេញបានរៀបចំកិច្ចប្រជុំលើកទី ៤ របស់ខ្លួនជាមួយទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ដើម្បីពិភាក្សាពីផែនការសាងសង់ និងគ្រប់គ្រងអាងប្រព្រឹត្តិកម្មទឹកកខ្វក់នៅតំបន់ជើងឯក ក្នុងខណ្ឌដង្កោ រាជធានីភ្នំពេញ។ យោងតាមប្រសាសន៏របស់លោកបណ្ឌិត អិតូ មិមប៉េអិ (Ito Mimpei) ដែលជាតំណាងគណៈប្រតិភូរបស់អង្គការ JICA បានឱ្យដឹងថា អាងប្រព្រឹត្តិកម្មទឹកកខ្វក់ នឹងត្រូវសាងសង់លើផ្ទៃដីចំនួន ៣៥០០០ ម៉ែត្រការ៉េ (ប្រមាណជា ៣ហិកតាកន្លះ) ហើយមានសមត្ថភាពបម្លែងទឹកកខ្វក់ទៅជាទឹកស្អាតមុនពេលបង្ហូរចូលទន្លេ រហូតដល់ ៥០០០ ម៉ែត្រគូបក្នុងមួយថ្ងៃ។ អាងប្រព្រឹត្តិកម្មនេះនឹងត្រូវសាងសង់ឡើងក្រោមជំនួយឥតសំណងរបស់រដ្ឋាភិបាលជប៉ុនតាមរយៈភ្នាក់ងារ JICA របស់ខ្លួន ។ ដើម្បីធានាអោយបានប្រសិទ្ធភាពខ្ពស់នៃគម្រោងនេះ លោកបណ្ឌិត អិតូបានបន្ថែមថា JICA នឹងផ្តល់ការបណ្តុះបណ្តាលបច្ចេកទេសដល់មន្រ្តីរដ្ឋាភិបាលកម្ពុជានិងជួយបង្កើតច្បាប់និងបទដ្ឋានគតិយុត្តិក្នុងការគ្រប់គ្រងប្រព័ន្ធប្រព្រឹត្តកម្មទឹកនេះផងដែរ។ លើសពីនេះទៅទៀត JICA ក៏នឹងបញ្ជូនអ្នកជំនាញដើម្បីសិក្សាលម្អិតបន្ថែមទៅលើគម្រោងនេះដែលនឹងចំណាយពេលប្រហែលជា ៤ ឆ្នាំដើម្បីបញ្ចប់ការសិក្សា។ ទន្ទឹមនឹងនេះ អាងប្រព្រឹត្តកម្មទឹកស្អាតមួយកន្លែងទៀតនៅខណ្ឌចំការមន […]
អានបន្ថែម
CDC អនុម័តគម្រោងវិនិយោគជាង ២៣ប៊ីលានដុល្លារពីឆ្នាំ២០១៣ ដល់ឆ្នាំ២០១៧
ចាប់ពីឆ្នាំ២០១៣-២០១៧ ក្រុមប្រឹក្សាអភិវឌ្ឍន៍កម្ពុជា ឬ CDC បានអនុម័តគម្រោងវិនិយោគសរុបចំនួន ៩៧០គម្រោង ស្មើនឹងទឹកប្រាក់ ២៣,៤៨ប៊ីលានដុល្លារ ដែលក្នុងនោះមាន ៣៥ ភាគរយគឺការវិនិយោគទាក់ទងនឹងការសាងសង់ហេដ្ឋារចនាសម្ព័ន្ធ។
អានបន្ថែម
រដ្ឋាភិបាលបើកភ្លើងខៀវអោយឯកជនសង់រោងចក្រដែកតម្លៃ ៣១ លានដុល្លារនៅក្នុងខេត្តកំពង់�
កាលពីពេលថ្មីៗនេះ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រចុះបញ្ជីជាស្ថាពរជូនដល់ក្រុមហ៊ុន Hai Sheng Steel Co., Ltd. លើសំណើសុំវិនិយោគលើគម្រោងបង្កើតរោងចក្រផលិតដែកគ្រប់ប្រភេទក្នុងខេត្តកំពង់ស្ពឺ។
អានបន្ថែម
(English) Experts Share Insights at Cambodia’s First Ever Tall Buildings Forum
កាលពីព្រឹកថ្ងៃទី ២៦ ខែមិថុនា នេះ សភាពាណិជ្ជកម្មអឺរ៉ុបប្រចាំប្រទេសកម្ពុជា (EuroCham) រួមសហការជាមួយនឹងក្រុមប្រឹក្សានៃអគារខ្ពស់ៗ និងលំនៅដ្ឋានក្នុងទីក្រុង ឬ Council on Tall Buildings and Urban Habitat
អានបន្ថែម
ពិព័រណ៍ពាណិជ្ជកម្មដ៏ធំរបស់អឺរ៉ុបនឹងនាំមកនូវផលិតផលល្បីៗជាច្រើនសម្រាប់វិស័យសំណង
នៅចុងសប្តាហ៍នេះសភាពាណិជ្ជកម្មអឺរ៉ុបនៅកម្ពុជានឹងរៀបចំ “ពិព័រណ៍អឺរ៉ុប” លើកដំបូងបង្អស់នៅកម្ពុជាដើម្បីដាក់បង្ហាញផលិតផលល្បីៗជាច្រើនមកពីអឺរ៉ុបដល់អ្នកប្រើប្រាស់ក៏ដូចជាសហគ្រិនខ្មែរ។ ចាប់ពីថ្ងៃទី ២៩ ខែមិថុនា ដល់ថ្ងៃទី ១ ខែកក្កដា ឆ្នាំ២០១៨ ក្រុមហ៊ុនប្រមាណ ៤០ នឹងធ្វើការដាក់បង្ហាញផលិតផលរបស់ខ្លួននៅមជ្ឈមណ្ឌលសន្និបាត និងពិព័រណ៍កោះពេជ្រ រួមមានយានយន្ត គ្រឿងសង្ហារឹម ទំនិញប្រើប្រាស់ គ្រឿងម៉ាស៊ីន ឧបករណ៍វេជ្ជសាស្ត្រ ឱសថ សេវាកម្មហិរញ្ញវត្ថុ និងផលិតផលផ្សេងៗទៀត។ ពិព័រណ៍នេះត្រូវបានរៀបចំឡើងដោយសភាពាណិជ្ជកម្មអឺរ៉ុបនៅកម្ពុជា (EuroCham) ក្រោមការគាំទ្រដោយក្រសួងពាណិជ្ជកម្ម (MoC) អាកាសយានដ្ឋានកម្ពុជា (Cambodia Airports) សភាពាណិជ្ជកម្មបារាំង (CCIFC) ក្រុមពាណិជ្ជកម្មអាឡឺម៉ង់នៅកម្ពុជា (ADW) សភាពាណិជ្ជកម្មអង់គ្លេស (BritCham) សមាគមន៍អាជីវកម្មកម្ពុជា-អ៊ីតាលី (ICBA) និងសភាពាណិជ្ជកម្ម NordCham Cambodia។ ថ្លែងទៅកាន់ក្រុមហ៊ុន Business-Cambodia លោក Aurlio Flacco ដែលជាអគ្គនាយកក្រុមហ៊ុន KK Italy Trading Co., Ltd. បានឲ្យដឹងថាពិព័រណ៍នេះនឹងនាំមកនូវផលិតផលក្នុងវិស័យសំណង់របស់អ៊ីតាលីដែលមានគុណភាពខ្ពស់ដូចជាគ្រឿងសង្ហារឹមនិងផលិតផលប្រណីតៗសម្រាប់តុបតែងគេហដ្ឋាន។ ជាមួយគ្នានេះលោក George Edgar […]
អានបន្ថែម
ផ្សារសម្ភារសំណង់ស្តង់ដារអន្តរជាតិដំបូងបង្អស់បើកជាផ្លូវការ
កាលពីចុងសប្តាហ៍កន្លងមកនេះ ក្រុមហ៊ុន Di Fa (Cambodia) Business Management Co., Ltd បានប្រារព្ធពិធីបើសម្ពោធផ្សារសម្ភារសំណង់ថ្មីមួយក្នុងខណ្ឌច្បារអំពៅឈ្មោះថា ផ្សារឌីហ្វា ដែលជាផ្សារលក់សម្ភារសំណង់និងសម្ភារតុបតែងកម្រិតស្តង់ដារអន្តរជាតិដំបូងគេបង្អស់ក្នុងប្រទេសកម្ពុជា។ បើយោងតាមប្រសាសន៏របស់លោក Lu Ben Jie ដែលជានាយកគ្រប់គ្រងផ្សារសម្ភារសំណង់ឌីហ្វា បានឱ្យដឹងថាកម្មវីធីខាងលើនេះរៀបចំឡើងដើម្បីប្រកាសអំពីការបញ្ជុះតំលៃពិសេសក្នុងទំនិញជាច្រើនមុខសម្រាប់អតិថិជនរបស់ខ្លួន និងដើម្បីបង្កើតទំនាក់ទំនងរវាងអាជីវករ និង ឈ្មួញទិញទំនិញ សម្ភារះធំៗ។ ដោយមានការគាំទ្រពីអតិថិជនរបស់ខ្លួនផ្សារឌីហ្វានឹងផ្តល់ជូននូវការបញ្ចុះតម្លៃដំបូងរបស់ខ្លួនរហូតដល់ទៅ៣០% សម្រាប់ផលិតផលជាច្រើន គិតចាប់ពីថ្ងៃទី ២៣ ខែមិថុនា រហូតដល់ថ្ងៃទី ២៣ ខែកក្កដា។ លើសពីនេះទៅទៀត អតិថិជននឹងមានឱកាសឈ្នះរង្វាន់ជាច្រើនក្នុងកម្មវីធីចាប់រង្វាន់ Lucky Draw។ ក្នុងឱកាសនេះដែរ ឯកឧត្តម បណ្ឌិត តាន់ មុនីវណ្ណ ដែលជាតំណាងអោយសមាគមអ្នកសាងសង់កម្ពុជា ក៏បានលើកឡើងពីការរីកចម្រើនយ៉ាងឆាប់រហ័សនៃវិស័យសំណង់ក្នុងប្រទេសកម្ពុជានាពេលបច្ចុប្បន្ន។ ឯកឧត្តម បានបន្តថា ការមកដល់នៃផ្សារឌីហ្វានឹងធ្វើឱ្យម្ចាស់គម្រោងអភិវឌ្ឍន៍ អ្នកវិនិយោគ និងអ្នកសាងសង់មានភាពងាយស្រួលក្នុងការទិញសម្ភារសំណង់នានា ដែលទទួលស្គាល់ដោយអង្គការអន្តរជាតិសម្រាប់បទដ្ឋាន (ISO) ។ គួរបញ្ជាក់ផងដែរថា ផ្សារឌីហ្វាផ្សារលក់សម្ភារសំណង់មានទីតាំងស្ថិតនៅតាមបណ្តោយផ្លូវជាតិលេខ ១ ភូមិបឹងឈូក សង្កាត់និរោធ ខណ្ឌច្បារអំពៅ […]
អានបន្ថែម