ព័ត៌មានសំណង់
សារៈសំខាន់នៃបញ្ញត្តិស្តីពីការដោះស្រាយវិវាទនៅក្នុងកិច្ចសន្យាសាងសង់
គូភាគីដែលចុះកិច្ចសន្យាសាងសង់ជាទូទៅមិនបានយកចិត្តទុកដាក់លើបញ្ញត្តិស្តីពីការដោះស្រាយវិវាទនៅក្នុងកិច្ចសន្យារបស់ខ្លួននោះទេ។ ទោះជាយ៉ាងណា ការព្រាងបញ្ញត្តិនេះពិតជាមានសារៈសំខាន់ណាស់ ព្រោះថាវាអាចមានឥទ្ធិពលយ៉ាងខ្លាំងលើការអនុវត្តសាលក្រម ឬសេចក្តីសម្រេចនៅក្នុងប្រទេសកម្ពុជា។ ក្នុងរយៈពេលប្រាំឆ្នាំចុងក្រោយនេះ មានការរីកចម្រើនគួរឲ្យកត់សម្គាល់នៅក្នុងឧស្សាហកម្មសំណង់ដោយមានការអភិវឌ្ឍគម្រោងអន្តរជាតិដែលប្រកបដោយភាពស្មុគស្មាញនិងច្នៃប្រឌីតជាច្រើននៅក្នុងប្រទេសកម្ពុជា។ បន្ថែមពីលើការរីកចម្រើននេះ គេត្រូវកត់សម្គាល់ថាឧស្សាហកម្មសំណង់តែងតែត្រូវបានចាត់ទុកថាជាឧស្សាហកម្មមួយដែលងាយមានវិវាទបំផុតដោយសារតែភាពស្មុគស្មាញ និងរយៈពេលដ៏វែងនៃគម្រោងសាងសង់ និងចំនួននៃភាគីពាក់ព័ន្ធ។ ដូច្នេះ ជាទូទៅគូភាគីដាក់បញ្ចូលនូវបញ្ញត្តិស្តីពីការដោះស្រាយវិវាទនៅក្នុងកិច្ចសន្យាសាងសង់របស់ខ្លួន ស្របតាមអ្វីដែលគូភាគីបានកំណត់ជាយន្តការនៃការដោះស្រាយវិវាទរបស់ខ្លួន។ ពួកគេមានសិទ្ធិជ្រើសរើសយករវាង (១) ការដោះស្រាយវិវាទតាមប្រព័ន្ធតុលាការដែលអនុវត្តជាទូទៅ (២) ការដោះស្រាយវិវាទក្រៅប្រព័ន្ធតុលាការដែល រួមមាន មជ្ឈត្តកម្មក្នុងស្រុក ឬមជ្ឈត្តកម្មអន្តរជាតិ។ ថ្មីៗនេះយើងបានមើលឃើញថា គូភាគីជាច្រើនស្ទាក់ស្ទើរក្នុងការជ្រើសរើសតុលាការកម្ពុជាដើម្បីដោះស្រាយវិវាទរបស់ពួកគេ ហើយជាទូទៅពួកគេដាក់បញ្ជូនវិវាទរបស់ខ្លួនទៅកាន់តុលាការបរទេស ឬមជ្ឈត្តកម្មក្នុងស្រុក ឬមជ្ឈត្តកម្មបរទេសដើម្បីដោះស្រាយ។ ក្នុងករណីបែបនេះ មានការផ្តល់អនុសាសន៍ថា គូភាគីគួរតែពិនិត្យជាមុនសិនថាតើតុលាការ ឬមជ្ឈត្តកម្មអាចដោះស្រាយផ្នែកច្បាប់ដែលគ្រប់គ្រងលើកិច្ចសន្យានោះឬទេ និងថាតើបញ្ញត្តិស្តីពីការដោះស្រាយវិវាទនោះមានសុពលភាពនៅក្រោមច្បាប់នោះដែរឬទេ។ ជាមួយគ្នានេះ ប្រសិនបើគូភាគីមានសិទ្ធិក្នុងការជ្រើសរើសតុលាការបរទេសដើម្បីដោះស្រាយវិវាទរបស់ខ្លួននោះ សិទ្ធិជ្រើសរើសនេះអាចមានឥទ្ធិពលលើឱកាសរបស់ពួកគេក្នុងការទទួលសាលក្រមស្ថាពររបស់តុលាការបរទេសដែលអាចអនុវត្តបាននៅក្នុងប្រទេសកម្ពុជា។ ជាការពិតណាស់ ដើម្បីឲ្យសាលក្រមស្ថាពររបស់តុលាការបរទេសអាចអនុវត្តបាននៅក្នុងប្រទេសកម្ពុជា មានល័ក្ខខ័ណ្ឌជាច្រើនដែលត្រូវបំពេញ។ យោងមាត្រា ១៩៩ នៃក្រមនីតិវិធីរដ្ឋប្បវេណី «សាលក្រមស្ថាពររបស់តុលាការបរទេសត្រូវមានអានុភាព លុះត្រាតែបានបំពេញល័ក្ខខ័ណ្ឌទាំងអស់ដូចខាងក្រោមនេះ៖ -បើសិទ្ធិជម្រះក្តីរបស់តុលាការបរទេសត្រូវបានទទួលស្គាល់ដោយច្បាប់ ឬសន្ធិសញ្ញា ឬអនុសញ្ញា។ -បើចុងចម្លើយដែលចាញ់ក្តី បានទទួលការបញ្ជូនដីកាកោះហៅ ឬដីកាបង្គាប់ដែលចាំបាច់ដើម្បីចាប់ផ្តើមនីតិវិធី ឬមិនបានទទួលទេតែបានឆ្លើយដោះសារតបចំពោះបណ្តឹងនោះ។ -បើខ្លឹមសារនៃសាលក្រម និងនីតិវិធីនៃបណ្តឹងនោះ មិនប៉ះពាល់សណ្តាប់ធ្នាប់សាធារណៈ ឬទំនៀមទម្លាប់ល្អនៃព្រះរាជាណាចក្រកម្ពុជា។ -បើមានការធានាទៅវិញទៅមករវាងព្រះរាជាណាចក្រកម្ពុជានិងបរទេសដែលតុលាការនោះស្ថិតនៅ។ […]
អានបន្ថែម
ធនាគារជាតិ៖ ឥណទានក្នុងវិស័យសំណង់និងអចលទ្រព្យ ពុំទាន់មានហានិភ័យនៅឡើយទេ
ក្នុងការវាយតម្លៃហានិភ័យស្ថិរភាពហិរញ្ញវត្ថុនៅក្នុងប្រទេសកម្ពុជា ធនាគារជាតិបានអោយដឹងថាឥណទានក្នុងវិស័យសំណង់និងអចលនទ្រព្យ គឺនៅមានគុណភាពល្អប្រសើរ។
អានបន្ថែម
ចំណតនាវាដឹកអ្នកដំណើរឫស្សីកែវ-តាខ្មៅ បើកសម្ពោធជាផ្លូវការ
កាលពីនៅព្រឹកថ្ងៃ១ ខែសីហា ឆ្នាំ ២០១៨ នេះ សម្តេចនាយករដ្ឋមន្រ្តី ហ៊ុន សែន បានអញ្ជើញសម្ពោធដាក់ឲ្យប្រើប្រាស់ចំណតនាវាដឹកអ្នកដំណើរសាធារណៈព្រែកព្នៅ-ភ្នំពេញ-តាខ្មៅ ដែលជាសមិទ្ធិផលដ៏ថ្មីស្រឡាងមួយដែលមិនធ្លាប់មានពីមុនមករបស់ ក្រសួងសាធារណការ និងដឹកជញ្ជូន។ ជាការពិតណាស់ សមិទ្ធិផលថ្មីមួយនេះ ត្រូវបានដាក់ឲ្យប្រើប្រាស់បណ្តោះអាសន្នរួចមកហើយពីកាលពីថ្ងៃទី៦ មេសា ឆ្នាំ២០១៨ កន្លងមកនេះ ដែលអ្នកដំណើរអាចធ្វើដំណើរបានដោយឥតគិតថ្លៃរយៈពេល ៤ ខែ ចាប់ពីខែមេសា ដល់ខែ កក្កដា (អានបន្ថែម)។ នៅក្នុងដំណាក់ដំបូងនេះ ក្រសួងសាធារណការបានដាក់អោយប្រើប្រាស់នាវាដឹកអ្នកដំណើរចំនួន ៤គ្រឿង ដោយ ២គ្រឿងទិញពីប្រទេសវៀតណាម និង២គ្រឿងទៀត ជួលពីក្រុមហ៊ុន Royal Express Boat។ ក្នុងនោះដែរ នាវានីមួយៗ មានសមត្ថភាពផ្ទុកអ្នកដំណើរបាន ៥៤-៦០នាក់ និងមានល្បឿនមធ្យម ៤០គីឡូម៉ែត្រក្នុងមួយម៉ោង ហើយប្រើរយៈពេលប្រមាណ ៤៥ នាទីរវាងចំណតនាវាដើមទី (ឬស្សីកែវ) ទៅចំណតនាវាចុងទី (តាខ្មៅ) ដែលរយៈពេលនេះតិចជាងរយៈពេលធ្វើដំណើរតាមផ្លូវគោកប្រមាណ ២ ទៅ ៣ ដង។ សេវាកម្មធ្វើដំណើរតាមនាវានេះ គឺបើកដំណើរចាប់ពីម៉ោង ៥:៣០ព្រឹក […]
អានបន្ថែម
ក្រុមហ៊ុនយក្សចិនបញ្ចប់ការសាងសង់សណ្ឋាគារផ្កាយ៥ ថ្មីមួយទៀតនៅខេត្តព្រះសីហនុ
កាលពីថ្ងៃទី ៣១ ខែកក្កដា ឆ្នាំ ២០១៨ ក្រុមហ៊ុន Prince Times Hotel Management Co.,Ltd ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនយក្សចិន Prince Real Estate Group (Cambodia) បានប្រកាសបញ្ចប់ការសាងសង់សណ្ឋាគារ Prince Times Hotel នៅខេត្តព្រះសីហនុ។ សណ្ឋាគារលំដាប់ផ្កាយ ៥ ខាងលើបានចាប់ផ្តើមការសាងសង់កាលពីដើមខែមេសា ឆ្នាំ២០១៨ លើផ្ទៃដីប្រមាណ១.២ហិកតា ដែលមានទំហំផ្ទៃក្រឡាសរុប ២៩០០០ម៉ែត្រការ៉េ ហើយគ្រោងនឹងបើកសម្ពោធជាផ្លូវការនៅថ្ងៃទី ២៨ ខែកញ្ញាឆ្នាំ ២០១៨ខាងមុខនេះ ។ សណ្ឋាគារ Prince Times Hotel នេះមានបន្ទប់ប្រណីតៗចំនួន ១៩៣ បន្ទប់បំពាក់ទៅដោយគ្រឿងបរិក្ខារទំនើបៗ ក្លឹបហាត់ប្រាណ អាងហែលទឹក បន្ទប់ហាត់យូហ្គា កន្លែងចតឧទ្ធម្ភាគចក្រនៅលើដំបូលអគារ និងជាពិសេស Sky Bar ដែលអាចមើលឃើញសម្រស់ដ៏ស្រស់ស្អាតរបស់ក្រុងព្រះសីហនុ។ ក្រៅពីគម្រោងសណ្ឋាគារ Prince Times Hotel នេះ ក្រុមហ៊ុន […]
អានបន្ថែម
គម្រោងពង្រីកផ្លូវចោមចៅ-បែកគូសជា ៤ គន្លងចាប់ផ្ដើមការដ្ឋានសាងសង់ហើយ
កាលពីថ្ងៃទី ទី៣០ ខែកក្កដា ក្នុងដំណើរចុះពិនិត្យមើលការដ្ឋានជួសជុលនៅកំណាត់ផ្លូវជាតិលេខ៤១ លេខ០៣ និងលេខ៣៣ ឯកឧត្តមស៊ុន ចាន់ថុលបានប្រាប់អ្នកសារព័ត៌មានថាកំណាត់ផ្លូវជាតិលេខ០៣ពីភ្នំពេញទៅដល់ចំណុចបែកគូសត្រូវបានបើកការដ្ឋានសាងសង់ហើយ។ ការកែលម្អរនិងលើកកម្ពស់គុណភាពកំណាត់ផ្លូវជាតិលេខ០៣ត្រូវបានបែងចែកជា ២ កំណាត់គឺកំណាត់ផ្លូវចោមចៅ-បែកគូស និង កំណាត់ផ្លូវបែកគូស-កំពត។ចំពោះ កំណាត់ផ្លូវចោមចៅ-បែកគូសនឹងត្រូវធ្វើការពង្រីកអោយទៅជាផ្លូវ ៤ គន្លង ដោយមានទទឹងសរុប ២៤,៥ ម៉ែត្រ ចំណែកកំណាត់ផ្លូវបែកគូស-កំពតហើយបន្តទៅដល់វាលរិញ នឹងត្រូវលើកកម្ពស់គុណភាពផ្លូវពីDBSTទៅជាងផ្លូវបេតុងកៅស៊ូACដែលនឹងមានទទឹង ១២ ម៉ែត្រដែលសាងសង់ដោយក្រុមហ៊ុនចិន Sichuan Road and Bridge (Group) Corporation Ltd។ សូមបញ្ជាក់ផងថា ការកែលម្អរកំណាត់ផ្លូវជាតិលេខ០៣ នេះគឺធ្វើឡើងស្ថិតក្រោមប្រាក់កម្ចីសម្បទាន ២១៥ លានដុល្លារពីប្រទេសចិន។ ជាមួយគ្នានេះដែរ គម្រោងនេះក៏ជាផ្នែកមួយនៃគម្រោងគ្រប់គ្រងសម្បត្តិផ្លូវថ្នល់២ របស់រាជរដ្ឋាភិបាល។(អានបន្ថែម) ជាការពិតណាស់ ផ្លូវជាតិលេខ០៣គឺមានសារៈសំខាន់ណាស់សំរាប់តភ្ជាប់រាជធានីភ្នំពេញទៅកាន់ខេត្តកំពតដែលជាខេត្តសំខាន់ក្នុងការផ្គត់ផ្គង់អំបិល សម្រាប់ប្រទេសកម្ពុជាក៏ដូចជាថ្មសម្រាប់ធ្វើជាស៊ីម៉ង់ត៍ផងដែរ។
អានបន្ថែម
ការបង្កើតកំណត់ត្រាពិភពលោកថ្មីលើការសាងសង់អគារខ្ពស់ៗ
SSCHWING Stetter ជាឈ្មោះម៉ាកម៉ាស៊ីនផលិតបេតុងដ៏ល្បីមួយដែលត្រូវបានប្រើប្រាស់ជាមួយការសាងសង់សំណង់អគារខ្ពស់ៗល្បីៗក្នុងពិភពលោក។ ម៉ាស៊ីនលាយបេតុង និងរថយន្តបូមបេតុងរបស់ SCHWING ត្រូវបានគេប្រើប្រាស់នៅទូទាំងពិភពលោកយ៉ាងជោគជ័យ នៅទីណាដែលត្រូវការបរិមាណបេតុងដ៏ច្រើនដើម្បីបូមចាក់ទៅកាន់ទីតាំងឆ្ងាយៗទាំងផ្តេក និងបញ្ឈរ។ SCHWING ផ្តល់នូវដំណោះស្រាយសម្រាប់បរិមាណបញ្ជូនខ្ពស់ជាមួយសម្ពាធបេតុងទាប ឬបរិមាណបញ្ជូនទាបជាមួយសម្ពាធបេតុងខ្ពស់ ដែលធានាបាននូវប្រសិទ្ធភាពខ្ពស់ទាំងពីរករណី។ គម្រោងសាងសង់អគារខ្ពស់ទាមទារឲ្យមានល្បាយបេតុងគុណភាពខ្ពស់និងជាប់ល្អ ដូចនេះម៉ាស៊ីនលាយបេតុងជាច្រើនស៊េរីរបស់ Stetter ដែលបំពាក់ដោយម៉ាស៊ីនលាយភ្លោះគឺជាជម្រើសដ៏ល្អ។ ម៉ាស៊ីនបូមបេតុង៖ ម៉ាស៊ីនបូមបេតុង និងរថយន្តចាក់បេតុងកម្ពស់ខ្ពស់ SCHWING គឺលឿន អាចទុកចិត្តបាន និងជួយសន្សំសំចៃសម្រាប់ការបូមចាក់បេតុងក្នុងស្ថានភាពលំបាកខ្លាំងជាមួយនឹងបេតុងដែលបានគណនាជាពិសេសសម្រាប់ការដ្ឋានសាងសង់ និងទៅតាមអាកាសធាតុ។ ដងបំពង់សម្រាប់ចាក់បេតុង (SPB): SCHWING SPB ត្រូវបានរចនារួមបញ្ចូលគ្នានូវលក្ខណៈអាចបត់បាន និងអាចតំឡើងបញ្ឈរបានខ្ពស់ ដើម្បីចាក់ពីខាងក្រៅ លើកបង្វិល ឬការរចនាពិសេសដែលអាចលើកឡើងទៅកាន់កន្លែងចាក់ដោយខ្លួនឯង។ លក្ខណៈពិសេសមួយទៀតគឺការបំបែកដងបំពង់ចាក់បេតុង ដែលអាចឱ្យ SPB បំបែកជាពីរផ្នែកសម្រាប់ជួយកាត់បន្ថយទម្ងន់ និងងាយស្រួលលើក។ ម៉ាស៊ីនលាយ៖ ម៉ាស៊ីនលាយបេតុង Stetter មានបទពិសោធន៍ក្នុងបច្ចេកវិទ្យាលាយបេតុជាង ៧២ឆ្នាំ មកហើយ។ ម៉ាស៊ីនលាយដែលផលិតដោយក្រុមហ៊ុន SCHWING Stetter មានបរិមាណទិន្នផលពី ១៨ ទៅ ២៤០ម៣ ក្នុងមួយម៉ោង ហើយមានភាពជឿជាក់ និងភាពរឹងមាំ១០០%។ […]
អានបន្ថែម
តើស្ពាន និងផ្លូវថ្នល់ណាខ្លះដែលប្រជាពលរដ្ឋអាចធ្វើដំណើរដោយមិនចាំបាច់បង់ប្រាក់
ដើម្បីជួយកាត់បន្ថយចំណាយរបស់ប្រជាពលរដ្ឋ រាជរដ្ឋាភិបាលបានធ្វើការដកហូតហេដ្ឋារចនាសម្ព័ន្ធនានាដូចជា ស្ពាន និងផ្លូវថ្នល់ពីក្រុមហ៊ុនឯកជន។ នេះបើយោងតាមការចងក្រងពិសេសរបស់ បណ្តាញសារព័ត៌មាន Fresh News។ យោងតាមប្រភពដដែលបានឲ្យដឹងថា រាជរដ្ឋាភិបាលក្នុងរយៈពេលប៉ុន្មានឆ្នាំចុងក្រោយនេះបានធ្វើការដកហូតផ្លូវជាតិលេខ៤ ផ្លូវវេងស្រេង ផ្លូវសូឡា ឬ ផ្លូវ ៣៧១ ផ្លូវ ២០០៤ ឬផ្លូវមៃដា ស្ពានកោះកុង និងស្ពានព្រែកព្នៅ ដើម្បីដាក់ឲ្យប្រើប្រាស់ជាសាធារណៈដែលមិនតម្រូវឲ្យប្រជាពលរដ្ឋធ្វើការបង់ប្រាក់រាល់ពេលឆ្លងកាត់កន្លែងទាំងអស់នេះដូចកាលពីមុនទៀតឡើយ។ ជាក់ស្តែងណាស់ផ្លូវជាតិលេខ៤ ត្រូវបានដកហូតពីក្រុមហ៊ុន AZ Distribution Co., Ltd. កាលពីខែមករា ឆ្នាំ២០១៦ ផ្លូវវេងស្រេងក៏ត្រូវបានដកហូតពីក្រុមហ៊ុនឯកជន កាលពីចុងឆ្នាំ ២០១៥ ចំណែកឯផ្លូវ២០០៤ និងផ្លូវសូឡាត្រូវបានដកហូតឡើងវិញកាលពីចុងខែឧសភា ឆ្នាំ២០១៥ក។ ដោយឡែក បើយើងក្រឡែកទៅមើលហេដ្ឋារចនាសម្ព័ន្ធស្ពានវិញ រាជរដ្ឋាភិបាលក៏បានធ្វើការដកហូតស្ពាន និងផ្លូវលីយ៉ុងផាត់ព្រែកព្នៅដើម្បីឲ្យប្រជាពលរដ្ឋប្រើប្រាស់ដោយមិនចាំបាច់បង់ប្រាក់ចាប់តាំងពីខែតុលា ឆ្នាំ២០១៧។ ទន្ទឹមនឹងនេះដែរ ស្ពានកោះកុងដែលតភ្ជាប់ពីខេត្តកោះកុងទៅប្រទេសថៃត្រូវបានដាក់ឲ្យប្រើប្រាស់ដោយឥតគិតថ្លៃកាលខែវិច្ឆិកា ឆ្នាំ២០១៧កន្លងមកនេះ។ ទាំងអស់នេះ គឺជាសមិទ្ធផលដែលរាជរដ្ឋាភិបាលបានផ្តល់ជូនប្រជាពលរដ្ឋដើម្បីសម្រួលដល់ការចំណាយក៏ដូចជារួមចំណែកក្នុងការលើកកម្ពស់កំរិតជីវភាពរស់នៅប្រចាំថ្ងៃផងដែរ។
អានបន្ថែម
ចិននិងបារាំងគ្រោងនឹងសាងសង់អគារបៃតងរុំព័ទ្ធដោយសារាយធម្មជាតិ
ក្រុមហ៊ុនស្ថាបត្យកម្ម XTU Architects ដែលមានមូលដ្ឋាននៅប្រទេសបារាំង កាលពីថ្មីៗនេះ បានបង្ហាញនូវប្លង់គម្រោងអគារបៃតងដ៏ធំមួយរបស់ខ្លួនឈ្មោះថា “FrenchDreamTowers” ដែលគ្រោងនឹងសាងសង់នៅក្នុងទីក្រុងហាងចូវ ប្រទេសចិន ក្នុងគោងបំណងដើម្បីបង្អួតពិភពលោកនូវបច្ចេកវិទ្យាដ៏ទំនើបនៃស្ថាបត្យកម្មបែបបៃតង ក៏ដូចជាបង្ហាញនូវកិច្ចសហប្រតិបត្តការដ៏ស្អិតរមួតរវាងប្រទេសបារាំងនិងប្រទេសចិនផងដែរ។ ចំណុចដែលធ្វើអោយអគារ FrenchDreamTowers មានភាពលេចធ្លោនិងពិសេសខុសពីអគារដទៃគឺ ទី១_បច្ចេកវិទ្យានៃការដាំសារាយបៃតង (Microalgae) នៅផ្នែកខាងក្រៅហ៊ុមព័ទ្ធជុំវិញអគារដើម្បីកាត់បន្ថយកំដៅនិងការប្រើប្រាស់ថាមពលក្នុងអគារ និង ទី២_ការប្រើប្រាស់បច្ចេកវិទ្យា blockchain-monitored (Artificial Intelligent និង Internet-of-Things) ដើម្បីគ្រប់គ្រងគុណភាពខ្យល់ ក៏ដូចជាការគ្រប់គ្រងបម្រើបម្រាស់អគ្គិសនីនិងថាមពលនៅផ្នែកខាងក្នុងអគារ។ ការសាងសង់អគារបៃតងមួយនេះគឺផ្អែកទៅលើទស្សនៈសំខាន់ៗបីគឺ ការដោះស្រាយបញ្ហាកបម្រែបម្រួលប្រែប្រួលអាកាសធាតុ ការអភិវឌ្ឍន៍ទីក្រុងប្រកបដោយនិរន្តភាព និងការប្រើប្រព័ន្ធទឹកអោយមានប្រសិទ្ធភាព។ ប្លង់អគារ FrenchDreamTowers ត្រូវបានរចនាឡើងដោយរួមបញ្ចូលគ្នារវាងមនុស្សនិងធម្មជាតិ ដោយបូកបញ្ចូលនូវប្រវត្ដិសាស្ដ្រចិន សម្លៀកបំពាក់ប្រេនដ៏ល្បីល្បាញរបស់បារាំង Haute-Couture និងធម្មជាតិ ។ ដូច្នេះរូបរាងនៃអាគារនេះ អាចមើលឃើញស្រដៀងនឹង រ៉ូបមនុស្សស្រីដែលកំពុងបង្វិលខ្លួន ដំបូលប្រាសាទ ឬស្រទាប់ផ្កាលីលីផ្កាប់ចុះក្រោម។ លើសពីនេះ អគារមួយនេះនឹងត្រូវបានបំពាក់ដោយប្រព័ន្ធ Phytoremediation និងប្រព័ន្ធ Aquaponics ដែលជាប្រព័ន្ធជីវម៉ាសដែលប្រើរុក្ខជាតិនិងត្រីដើម្បីកំចាត់សារធាតុកខ្វក់នៅក្នុងដី ទឹក និងខ្យល់។ ដូច្នេះនៅចំកណ្ដាលអគារនឹងមានជាអាងស្តុកទឹកមួយដែលមានដាំរុក្ខជាតិនៅជុំវិញដើម្បីជួយលុបបំបាត់សារធាតុពុល ក៏ដូចជាបង្កើនភាពស្រស់បំព្រងដល់អ្នករស់នៅក្នុងអគារ។ អគារ FrenchDreamTowers […]
អានបន្ថែម
សមិទ្ធផលហេដ្ឋានរចនាសម្ព័ន្ធថ្មីមួយទៀតបានលេចមុខក្នុងខេត្តកំពង់ចាម
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម កាលពីថ្ងៃអាទិត្យ ទី២២ ខែកក្កដា ឆ្នាំ២០១៨បានអញ្ជើញជាអធិបតីភាពក្នុងពិធីបើកការដ្ឋានសាងសង់ផ្លូវក្រាលក្រួសក្រហមក្នុងខេត្តកំពង់ចាម។ ផ្លូវក្រាលក្រួសក្រហមខាងលើនេះមានប្រវែង ៣,៥៥គីឡូម៉ែត្រ ទំហំខ្នងលើ ៦ម៉ែត្រ មានបង្កប់លូប្រអប់ ១កន្លែង និងលូមូល ៥កន្លែង ឆ្លងកាត់ភូមិអង ភូមិគូ និងភូមិកោះតាភេម ក្នុងឃុំត្រពាំងព្រះ នៃស្រុកព្រៃឈរ ខេត្តកំពង់ចាម។ ជាការពិតណាស់ផ្លូវលំមួយនេះគឺសបញ្ជាក់អំពីសមិទ្ធផលថ្មីមួយទៀតរបស់រាជរដ្ឋាភិបាលក្នុងការផ្តល់ជូនហេដ្ឋានរចនាសម្ព័ន្ធល្អប្រសើរ សម្រាប់ការធ្វើដំណើរ និងការប្រកបអាជីវកម្មផ្សេងៗរបស់ប្រជាពលរដ្ឋ។ ក្នុងឱកាសនេះផងដែរ ឯកឧត្តម ប៉ាន សូរស័ក្តិ បានមានប្រសាសន៍ថា៖ «គម្រោងសាងសង់ផ្លូវលំនេះគឺស្របតាមគោលនយោបាយអភិវឌ្ឍន៍ភូមិ/ឃុំ របស់រាជរដ្ឋាភិបាល សំដៅចូលរួមលើកកម្ពស់ជីវភាពប្រជាពលរដ្ឋនៅក្នុងមូលដ្ឋាន»។ ជាការកត់សម្គាល់ រាជរដ្ឋាភិបាលកម្ពុជា បានកសាងផ្លូវនៅតាមទីប្រជុំជន និងតាមតំបន់ដាច់ស្រយាលប្រមាណ ៤ម៉ឺនគីឡូម៉ែត្រ ផ្លូវជាតិ និងផ្លូវខេត្តសរុបជាង ២ម៉ឺនគីឡូម៉ែត្រ គ្រឹះស្ថានអប់រំជាតិ ១ម៉ឺនកន្លែង និងមូលដ្ឋានសុខាភិបាលសាធារណៈ (មន្ទីរពេទ្យបង្អែក បុស្តិ៍សុខភាព និងមណ្ឌលសុខភាព) សរុបជាង ២ពាន់កន្លែង។ លើសពីនេះទៅទៀត រាជរដ្ឋាភិបាលបានតភ្ជាប់អគ្គិសនី ទៅកាន់លំនៅដ្ឋានប្រជាពលរដ្ឋជាង ៨០ ភាគរយ នៃភូមិទាំងអស់ […]
អានបន្ថែម
ផ្លូវក្រវាត់ក្រុងទី៣ ត្រូវបានចុះហត្ថលេខាហើយគ្រោងនឹងសាងសង់ក្នុងរយៈពេល៣ខែទៀត
ក្រសួងសេដ្ឋកិច្ច និងហិរញ្ញវត្ថុបានចុះហត្ថលេខាលើកិច្ចព្រមព្រៀងឥណទានសម្បទានជាមួយធនាគារនីហរ័ណអាហរ័ណចិនសំរាប់គម្រោងសាងសង់ផ្លូវក្រវាត់ក្រុងទី៣ ក្នុងទឹកប្រាក់ចំនួន ២៥៩លានដុល្លារអាមេរិក នេះបើយោងតាមការចេញផ្សាយ
អានបន្ថែម