ព័ត៌មានសំណង់
ក្រុមហ៊ុនសំណង់ត្រូវបានជម្រុញចុះបញ្ជី
កំណើនដ៏រឹងមាំក្នុងប៉ុន្មានឆ្នាំចុងក្រោយនេះ ឧស្សាហកម្មសំណង់បានក្លាយជាសសរស្តម្ភមួយនៃសេដ្ឋកិច្ចកម្ពុជាដោយមានក្រុមហ៊ុនច្រើនជាង ១,០០០កំពុងប្រតិបត្តិការនៅក្នុងវិស័យនេះ។ ដើម្បីធានាបានភាពស្របតាមច្បាប់ ព្រមទាំងធានាគុណភាព និងស្តង់ដារសំណង់ ក្រសួងរៀបចំដែនដី នគរូបនីយកម្មនិងសំណង់ (MLUPC) បានជំរុញឱ្យក្រុមហ៊ុនសំណង់ទាំងអស់ចុះបញ្ជីប្រតិបត្តិការរបស់ខ្លួនជាមួយក្រសួង។ ថ្លែងនៅក្នុងពិធីបើកពិពណ៌ Cambuild’17 នៅកោះពេជ្រនៅខែកញ្ញា លោក ភឿន សុភ័ណ្ឌ រដ្ឋលេខាធិការនៃក្រសួងរៀបចំដែនដី នគរូបនីយកម្ម និងសំណង់ បានឲ្យដឹងថា ក្រុមហ៊ុនសំណង់ចំនួន ១,០១៦បានចុះបញ្ជីអាជីវកម្មនៅក្នុងប្រទេសកម្ពុជា ដែលក្នុងនោះមានក្រុមហ៊ុនចំនួន ៣១១ជាក្រុមហ៊ុនអន្តរជាតិ។ ក្រសួងក៏បានព្រមានដល់អ្នកដែលមិនបានចុះបញ្ជីនៅក្រសួងថា “បើគ្មានការចុះបញ្ជីទេ ក្រុមហ៊ុនសំណង់នឹងត្រូវប្រឈមនឹងច្បាប់សាងសង់កម្ពុជា ឬក្រុមហ៊ុននឹងត្រូវបិទទ្វារ” ។
អានបន្ថែម
ផ្លូវជាតិលេខ ៥៨ នឹងបញ្ចប់នៅក្នុងខែធ្នូ
ការអភិវឌ្ឍន៍ផ្លូវជាតិលេខជាតិលេខ៥៨ កំពុងប្រព្រឹត្តិទៅយ៉ាងរលូន ហើយគ្រោងនឹងបើកឲ្យធ្វើចរាចរនៅខែធ្នូ ឆ្នាំ២០១៨ ខាងមុខ។ ផ្លូវថ្មីដែលកំពុងសាងសង់នេះ នឹងជមុ្រញកំណើនសេដ្ឋកិច្ចនៅទីជនបទជិតព្រំដែនជាមួយប្រទេសថៃ ដោយតភ្ជាប់ចេញពីខេត្តបន្ទាយជ័យ ទៅខេត្តឧត្តរមានជ័យ ដែលជាប់នឹងព្រំដែនប្រទេសថៃ។ គម្រោងនេះ ត្រូវបានសាងសង់ដោយក្រុមហ៊ុនចិន Shanghai Construction Group Co., Ltd. និងចំណាយទឹកប្រាក់អស់ ១២២លានដុល្លារអាមេរិក។ “ផ្លូវនេះជាសសៃឈាមសេដ្ឋកិច្ចមួយយ៉ាងសំខាន់សម្រាប់ការភ្ជាប់ទំនាក់ទំនងរវាងប្រទេសកម្ពុជា និងថៃ ក្នុងន័យជំរុញការវិនិយោគលើវិស័យពាណិជ្ជកម្ម មិនតែប៉ុណ្ណោះវាថែមទាំងផ្តល់ភាពងាយស្រួលដល់ប្រជាជនក្នុងស្រុកចំពោះការធ្វើដំណើរ និងដឹកជញ្ជូនប្រកបដោយភាពងាយស្រួល និងឆាប់រហ័សផងដែរ។” នេះបើតាមប្រសាសន៍របស់រដ្ឋមន្រ្តីក្រសួងសាធារណការ និងដឹកជញ្ចូន ឯកឧត្តម ស៊ុន ចាន់ថុល ក្នុងការចុះត្រួតពិនិត្យការដ្ឋានសាងសង់នៅខែកញ្ញានេះ។
អានបន្ថែម
ខេត្តកំពតស្វាគមគម្រោងកំពង់ផែថ្មីតម្លៃ ១០លានដុល្លារ
បន្ទាប់ពីទទួលបានការយល់ព្រមផ្តល់មូលនិធិពីធនាគារអភិវឌ្ឍន៍អាស៊ី (ADB) កម្ពុជានឹងសាងសង់កំពង់ផែសមុទ្រថ្មីមួយនៅខេត្តកំពត ដើម្បីធ្វើឲ្យប្រសើរឡើងនូវហេដ្ឋារចនាសម្ព័ន្ធដើម្បីទាក់ទាញភ្ញៀវទេសចរអន្តរជាតិ។ ការសាងសង់គ្រោងនឹងចាប់ផ្តើមនៅចុងឆ្នាំ២០១៧ និងមានទីតាំងប្រហែល ៦ គីឡូម៉ែត្រភាគអាគ្នេយ៍ក្រុងកំពត ក្នុងឃុំឈុំគ្រៀល ស្រុកទឹកឈូ។ ធនាគារអភិវឌ្ឍន៍អាស៊ីថ្មីៗនេះបានផ្តល់ហិរញ្ញប្បទានចំនួន ១៨លានដុល្លារសម្រាប់ការអភិវឌ្ឍគម្រោងជាច្រើននៅក្នុងប្រទេសកម្ពុជា។ លោក សយ ស៊ីណុល ប្រធានមន្ទីរទេសចរណ៍ខេត្តកំពតបានប្រាប់ទស្សនាវដ្តីសំណង់ និងអចលនទ្រព្យកាលពីដើមខែតុលា អោយដឹងថា ហេដ្ឋារចនាសម្ព័ន្ធកំពង់ផែសមុទ្រកំពតថ្មីតែមួយត្រូវចំណាយអស់ប្រហែល ១០លានដុល្លារ។ យោងតាមលោកសយ ស៊ីណុល ដដែល មូលនិធិរបស់ ADB ដែលនៅសល់នឹងត្រូវប្រើប្រាស់ដើម្បីកែលម្អគម្រោងដទៃទៀតនៅក្នុងខេត្តកែប និងកោះកុង។ កំពង់ផែអន្តរជាតិថ្មីនេះនឹងគ្របដណ្តប់លើផ្ទៃដី ៤ហិកតា ហើយការសាងសង់គ្រោងនឹងបញ្ចប់នៅចុងឆ្នាំ២០១៩។ លោក សយ ស៊ីណុល បានលើកឡើងថា “ប្លង់មេនៃកំពង់ផែសមុទ្រនេះត្រូវបានរៀបចំដោយជោគជ័យ ដូច្នេះការងារសាងសង់នឹងចាប់ផ្តើមនៅចុងឆ្នាំនេះ” ។ ទោះជាយ៉ាងណាក៏ដោយលោកមិនអាចបញ្ជាក់ថា ក្រុមហ៊ុនមួយណានឹងត្រូវធ្វើការងារនេះនោះទេ ដោយគ្រាន់តែកត់សម្គាល់ថា រដ្ឋាភិបាលកម្ពុជានឹងបណ្តាក់ទុនរួមគ្នាជាមួយក្រុមហ៊ុនឯកជន។ ខុសពីកំពង់ផែសមុទ្រអន្តរជាតិដែលមានស្រាប់ កំពង់ផែសមុទ្រកំពតនេះមានជម្រៅ៦ឬ៥ម៉ែត្រនិងត្រូវបានរចនាឡើងជាពិសេសដើម្បីទាក់ទាញទេសចរអន្តរជាតិ។ លោក សយ បានពន្យល់ទៅកាន់ទស្សនាវដ្តីសំណង់ និងអចលនទ្រព្យថា កំពង់ផែសមុទ្រនេះនឹងជួយសម្រួលចរាចរណ៍ចូលមកកាន់ខេត្តកំពត ខេត្តកែប ខេត្ដព្រះសីហនុ និងខេត្ដកោះកុង។ មន្ទីរទេសចរណ៍ជឿជាក់យ៉ាងមុតមាំថា ការវិនិយោគហេដ្ឋារចនាសម្ព័ន្ធនេះនឹងនាំមកនូវផលប្រយោជន៍ជាក់ស្តែងដល់សេដ្ឋកិច្ចក្នុងតំបន់ និងបង្កើតឱកាសការងារជាច្រើន។ លើសពីនេះទៀត […]
អានបន្ថែម
Rinnai នាំមកនូវដំណោះស្រាយបច្ចេកវិទ្យាកម្តៅទឹកថ្មីដល់កម្ពុជា
បន្ទាប់ពីសិក្ខាសាលាបង្ហាញប្រព័ន្ធទឹកក្តៅរបស់ខ្លួនទៅកាន់ទីផ្សារនៅខេត្តសៀមរាប កាលពីខែកក្កដាឆ្នាំនេះ Rinnai ឥឡូវនេះកំពុងណែនាំពីឧបករណ៍ប្រព័ន្ធទឹកក្តៅថ្មី Electric Instant Water Heater –the Crystal Series។
អានបន្ថែម
រដ្ឋាភិបាលបង្ហាញផែនការទីក្រុងនាគរាជ ៨០ប៊ីលានដុល្លារ
រាជរដ្ឋាភិបាលកម្ពុជាបានប្រកាសពីការអភិវឌ្ឍ “ទីក្រុងនាគសម្តេចតេជោ” ដែលត្រូវបានដាក់ឈ្មោះតាមសញ្ញាចក្ររាសីរបស់នាយករដ្ឋមន្រ្តីប្រទេសកម្ពុជា សម្តេច ហ៊ុន សែន។ ផែនការទីក្រុងរណបថ្មីនេះត្រូវបានគ្រប់គ្រងដោយក្រសួងរៀបចំដែនដី នគរូបនីយកម្ម និងសំណង់ ហើយត្រូវបានគេរំពឹងថានឹងត្រូវការទឹកប្រាក់វិនិយោគ ៨០ប៊ីលានដុល្លារ។ ថ្វីបើគម្រោងនេះត្រូវបានលើកយកមកជជែកពិភាក្សាដំបូងនៅឆ្នាំ២០១០ក៏ដោយ ក្រសួងនៅតែបន្តស្វែងរកដៃគូវិនិយោគបន្ថែមទៀតពីវិស័យឯកជន ដោយសារតែមកដល់បច្ចុប្បន្នមានតែក្រុមហ៊ុនចិនចំនួនបីប៉ុណ្ណោះដែលបង្ហាញការចាប់អារម្មណ៍ចំពោះគំនិតនេះ។ ទោះបីទីតាំងពិតប្រាកដនៃទីក្រុងនេះមិនត្រូវបានបង្ហាញឱ្យដឹងក៏ដោយ គម្រោងនេះត្រូវបានគេរំពឹងថានឹងសាងសង់នៅលើផ្ទៃដីទំហំ ៣០០,០០០ហិកតា ស្ថិតនៅចន្លោះទន្លេសាបនិងទន្លេមេគង្គ នេះបើយោងតាមកាសែតភ្នំពេញប៉ុស្តិ៍។ រដ្ឋលេខាធិការក្រសួងរៀបចំដែនដី ឯកឧត្តម ភឿង សោភ័ណ បានប្រកាសពីផែនការនេះក្នុងអំឡុងពេលពិភាក្សាការងារជាមួយក្រុមហ៊ុនសំណង់ចំនួន៦ មកពីប្រទេសបារាំងនៅដើមខែកញ្ញា។ ឯកឧត្តមបានមានប្រសាសន៍ថា “ប្រសិនបើគម្រោងដំណើរការនៅពេលដែលវាមានប្រាក់គ្រប់គ្រាន់ វានឹងត្រូវចំណាយពេល ១០ឆ្នាំដើម្បីបញ្ចប់គម្រោង” ហើយបានបន្ថែមថា ក្រុមហ៊ុនសំណង់ពីប្រទេសបារាំងនឹងជួយដល់ការងារបច្ចេកទេស។ យោងតាមឯកឧត្តមរដ្ឋលេខាធិការ ប្លង់មេត្រូវបានរៀបចំរួចរាល់ហើយ ហើយការរចនាជាទូទៅនៃទីក្រុងហាក់ដូចជានាគផុសចេញពីដី។ លោកបានពន្យល់ថា “ការរចនាគម្រោងនេះនឹងមានគំនិតរចនាបថខ្មែររួមជាមួយនិងភាពទំនើបដើម្បីធានាថាអត្តសញ្ញាណរចនាបថជាតិត្រូវបានថែរក្សាយ៉ាងល្អឥតខ្ចោះ”។ ទោះជាយ៉ាងណាលោក សេង ឡុត អ្នកនាំពាក្យក្រសួងរៀបចំដែនដី បានប្រាប់ទស្សនាវដ្តីសំណង់និងអចលនទ្រព្យថា លោកមិនទាន់បានដឹងពីផែនការជាក់លាក់សម្រាប់ទីក្រុងថ្មីនេះនៅឡើយទេ។ រដ្ឋលេខាធិការក្រសួងឯកឧត្តម ភឿង សោភ័ណ បានមានប្រសាសន៍ថា ការអភិវឌ្ឍទីក្រុងនេះនឹងបន្ធូរភាពកកស្ទះចរាចរណ៍នៅក្នុងរាជធានីភ្នំពេញ ដែលការកកស្ទះចរាចរណ៍កើតមានជារៀងរាល់ថ្ងៃ ជាពិសេសនៅម៉ោងមមាញឹក ព្រោះថាចំនួនប្រជាជនចេះតែបន្តកើនឡើង។ វាមានរយៈពេល ៥៨០ឆ្នាំមកហើយចាប់តាំងពីប្រទេសកម្ពុជាសាងសង់ទីក្រុងថ្មី”។ ការអភិវឌ្ឍអគារខ្ពស់ៗជាច្រើននៅរាជធានីភ្នំពេញមានន័យថា លំហូរនៃប្រជាជនពីទីជនបទមកទីក្រុងកំពុងកើនឡើងជាលំដាប់។ ជាលទ្ធផល […]
អានបន្ថែម
Lighthouse club កម្ពុជាជួបជុំគ្នានៅថ្ងៃទី ២៨ កញ្ញា ២០១៧
លឹប Lighthouse កម្ពុជា បានរៀបចំព្រឹត្តិការណ៍សង្គមនៅខែកញ្ញានៅក្នុងបរិយាកាសដ៏ពិសេសនៅអាគារបន្សល់ពីសម័យអាណានិគមដ៏ស្រស់ស្អាតរបស់ The Chinese House។ សូមថ្លែងអំណរគុណដល់លោក បិន និងក្រុមការងាររបស់លោក ដែលបានធ្វើជាម្ចាស់ផ្ទះ និងផ្តល់ជូននូវម្ហូបអាហារ និងភេសជ្ជៈឆ្ងាញ់ៗ ធ្វើឲ្យការសន្ទនាប្រព្រឹត្តទៅដោយរលូន។ វាពិតជាគួរឲ្យរីករាយដែលមានការអញ្ជើញចូលរួមពីបុគ្គលពិសេសៗទាំងអស់ ហើយវាក៏ពិតជាពិសេសដែលបានជួបមិត្តភក្តិចាស់មួយចំនួន សមាជិកថ្មីរបស់ក្លឹប និងអ្នកចូលរួមផ្សេងទៀត។ សូមអរគុណជាពិសេសចំពោះអ្នកឧបត្ថម្ភក្នុងខែកញ្ញារបស់យើង – RTD Enterprise & MAHKO! យើងសូមអរគុណចំពោះការគាំទ្ររបស់អ្នក។ ទឹកចិត្តសប្បុរសធម៌របស់អ្នកអាចឲ្យយើងជួយដល់សិស្សានុសិស្សសម្រាប់ការសិក្សារបស់ពួកគេ និងជួយដល់កម្មករសំណង់កម្ពុជា និងក្រុមគ្រួសាររបស់ពួកគេក្នុងពេលលំបាក។ កម្មវិធីសង្គមនៅខែតុលានឹងប្រារព្ធឡើងនៅថ្ងៃព្រហស្បតិ៍ ទី១៩ ខែតុលា – សូមមើលនៅទីនេះ សម្រាប់ព័ត៌មានលម្អិតអំពីកម្មវិធីនាពេលខាងមុខ … សង្ឃឹមថានឹងបានជួបអ្នកទាំងអស់គ្នានៅក្នុងកម្មវិធី!
អានបន្ថែម
Lighthouse Club – ថ្ងៃនៃគ្រួសារ Golf ២២ តុលា ២០១៧ នៅ City Golf
នៅថ្ងៃសៅរ៍ទី២២ ខែតុលា ឆ្នាំ២០១៧ ក្លឹប Lighthouse កម្ពុជា ដែលជាអង្គការសប្បុរសធម៌មួយផ្តល់ការគាំទ្រដល់កម្មករសំណង់កម្ពុជាដែលជួបការលំបាក បានប្រារព្ធព្រឹត្តិការណ៍កីឡាកូនហ្គោលគ្រួសារប្រចាំឆ្នាំជាលើកដំបូងរបស់ខ្លួន។ ព្រឹត្តិការណ៍នេះប្រារព្ធឡើងនៅទីលានវាយកូនហ្គោលស៊ីធីហ្គោលក្នុងរាជធានីភ្នំពេញ ដោយមានអ្នកលេង និងភ្ញៀវប្រហែល ៦០នាក់បានចូលរួម។ ដោយវាជាកម្មវិធីគ្រួសារ ការប្រកួតPitch and Putt និងកីឡាវាយកូនហ្គោលខ្នាតតូច ត្រូវបានរៀបចំសម្រាប់កុមារ និង Bouncy Castle។ អ្នកលេងអាចរីករាយនឹងកីឡាវាយកូនហ្គោលមិត្តភាពនាពេលរសៀលនៅទីលាន ៩រន្ធ។ បន្ទាប់មកទៀត មានការពិសារភេសជ្ជៈ ការជជែកគ្នា និងការញុំា BBQ ដែលរៀបចំដោយ Fatboys’ Sub and Sandwiches និង Dan’s Meats។ កម្មវិធីនេះត្រូវបានរៀបចំឡើងក្នុងភាពជាដៃគូជាមួយ Britcham និងអ្នកឧបត្ថម្ភផ្សេងៗទៀតរួមមាន ACH, Alchemy Design, Cicada Bar, សណ្ឋាគារ Raffles Hotel និង H&T Tool Company។ ក្រៅពីនេះក៏មានរង្វាន់ធំៗជាច្រើនត្រូវបានឧបត្ថម្ភដោយម្ចាស់ឧបត្ថម្ភផងដែរ ដែលក្នុងនោះរួមមានទូរទស្សន៍ទំហំ ៣២-inch ឧបត្ថម្ភដោយក្រុមហ៊ុន […]
អានបន្ថែម
តើសំណង់អគារខ្ពស់ៗចាំបាច់ឬទេសម្រាប់ក្រុងភ្នំពេញ?
ភពលោកមានការរីកចម្រើនយ៉ាងឆាប់រហ័សផ្នែកអគារទំនើបខ្ពស់ៗ ក្នុងរយៈពេលប៉ុន្មានទសវត្សកន្លងមកនេះ ហើយនិន្នាការនេះត្រូវបានកត់សំគាល់ឃើញជាពិសេសនៅទ្វីបអាស៊ីដោយសារតែកំណើនសេដ្ឋកិច្ចខ្លាំងនៅទីផ្សារសំខាន់ៗ។ ការសាងសង់អគារខ្ពស់ៗជាសូចនាករនៃភាពរីកចម្រើនផ្នែកសេដ្ឋកិច្ច។ អគារខ្ពស់មួយជាទូទៅមានមួយ ឬច្រើននៃចំណុចទាំងនេះ៖ កន្លែងវប្បធម៌ ការកំសាន្ត សណ្ឋាគារ ហាងលក់រាយ ការិយាល័យលំដាប់ថ្នាក់ពិភពលោក និងការមើលឃើញទិដ្ឋភាពទីក្រុង ៣៦០ដឺក្រេ ប៉ុន្ដែការអភិវឌ្ឍបែបនេះក៏អាចបង្ហាញពីការពោរពេញដោយអចលនទ្រព្យផងដែរ។ វាជាចម្លើយ Yes និងNo ថាតើទីក្រុងភ្នំពេញចាំបាច់សាងសង់អាគារខ្ពស់ៗដែរឬទេ។ វាអាស្រ័យលើគោលគំនិតនៃការអភិវឌ្ឍ។ នៅតំបន់មួយចំនួនវាសមហេតុផលសម្រាប់ការសាងសង់អគារខ្ពស់ៗ ចំណែកតំបន់មួយចំនួនទៀតគឺមិននោះទេ នេះបើតាមលោក Chhayleang Nguon នាយកប្រតិបត្តិក្រុមហ៊ុន Ratanaka Realty ។ ក្រុមប្រឹក្សា Council on Tall Building and Urban Habitat (CTBUH) ដែលជាស្ថាប័នអន្ដរជាតិក្នុងវិស័យអគារខ្ពស់ៗ និងការរចនាទីក្រុងប្រកបដោយនិរន្តភាព បានឲ្យនិយមន័យពាក្យ “អាគារកម្ពស់ Tall Building” ថាជាអគារដែលមានកម្ពស់ខ្ពស់ជាង ១៥០ម៉ែត្រ។ សព្វថ្ងៃនេះ រាជធានីភ្នំពេញពោរពេញទៅដោយអាគារកម្ពស់ ៨ទៅ ១៥ជាន់ ហើយអាគារទាំងនេះនៅរាយប៉ាយនៅទូទាំងទីក្រុង។ រហូតមកដល់ពេលនេះ ទីក្រុងភ្នំពេញមិនទាន់មានអគារដែលមានកម្ពស់ខ្ពស់ខ្លាំងនោះទេ។ យ៉ាងណាក៏ដោយមានអាគារកម្ពស់ខ្ពស់ពីរត្រូវបានស្នើឡើងនោះគឺ ការអភិវឌ្ឍចម្រុះដែលមានអគារកម្ពស់ ៧៨ជាន់ […]
អានបន្ថែម
តើគំនិតផ្តួចផ្តើម “ខ្សែក្រវាត់មួយផ្លូវមួយ” ផ្តល់ផលប្រយោជន៍អ្វីខ្លះដល់កម្ពុជា?
ក្នុង ន័យជួយជម្រុញហេដ្ឋារចនាសម្ព័ន្ធក្នុងការដឹកជញ្ជូន ឲ្យកាន់តែប្រើសើរប្រកបដោយចីរភាព និងកាន់តែជិត ព្រមទាំង ធ្វើឲ្យចំណង សេដ្ឋកិច្ច សង្គម វប្បធម៌ និងនយោបាយកាន់តែរីកធំ គំនិតផ្តួចផ្តើមផ្តើម “ ខ្សែក្រវាត់មួយ ផ្លូវមួយ” (OBOR) ត្រូវបានបង្កើតឡើងក្នុងឆ្នាំ ២០១៣ ក្រោមការដឹកនាំរបស់ប្រធានាធិបតី Xi Jinping នៃសារធារណរដ្ឋមានិតចិន។ យោង តាមប្រសាសន៍ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម ចូលរួមកិច្ចប្រជុំថ្នាក់តំបន់អាស៊ី-ប៉ាស៊ីហ្វិក (Asia-Pacific Regional Conference) ឆ្នាំ២០១៧ នៅប្រទេសអូស្រ្តាលី កាលពីដើមខែវិច្ឆិកាកន្លងមកនេះ បានលើកឡើងថា “ ខ្សែក្រវាត់មួយ ផ្លូវមួយ” ដែលជាគំនិតផ្ដួចផ្ដើមរបស់លោកប្រធានាធិបតី Xi Jinping មានគោលបំណងពង្រីកប្រព័ន្ធហេដ្ឋារចនាសម្ព័ន្ធពាណិជ្ជកម្ម ដើម្បីតភ្ជាប់ទ្វីបអាស៊ី ជាមួយអឺរ៉ុប និងអាហ្វ្រិក តាមផ្លូវពាណិជ្ជកម្មសូត្រពីជំនាន់មុន។ ឯកឧត្តមបានបន្ថែមថា គំនិតផ្ដួចផ្ដើមនេះ មិនត្រឹមតែនាំមកនូវឧត្ដមប្រយោជន៍ជូនប្រទេសពាក់ព័ន្ធតែប៉ុណ្ណោះទេ តែវានឹងក្លាយជាយុទ្ធសាស្ត្ររយៈពេលវែងក្នុងការជំរុញការតភ្ជាប់ និងសហប្រតិបត្តិការលើគ្រប់វិស័យរួមមានហេដ្ឋារចនាសម្ព័ន្ធ សេដ្ឋកិច្ច វិនិយោគ និងហិរញ្ញវត្ថុ ក៏ដូចជាពង្រឹងទំនាក់ទំនងរវាងប្រជាជន និងប្រជាជនផងដែរ។ […]
អានបន្ថែម
OCIC នឹងសាងសង់ស្ពានបណ្តោះអាសន្ន
ក្រុមហ៊ុនវិនិយោគកម្ពុជាក្រៅប្រទេសទុនអណិកជនកម្ពុជា (OCIC) នឹងសាងសង់ស្ពានបណ្តោះអាសន្នមួយនៅលើទន្លេសាបដើម្បីបន្ធូរការកកស្ទះក្នុងអំឡុងពេលជួសជុលស្ពានមិត្តភាពកម្ពុជា – ជប៉ុន។ ក្រុមហ៊ុនបានប្រកាសកាលពីខែកក្កដា ថា ខ្លួននឹងវិនិយោគទឹកប្រាក់ 7 ៧លានដុល្លារ ដើម្បីសាងសង់ស្ពានដែកបណ្តោះអាសន្នដែលលាតសន្ធឹងពីស្ថានីយ៍ប្រេងឥន្ធនៈសូគីម៉ិចនៅផ្លូវជាតិលេខ 5 ៥ ឆ្លងទៅទីក្រុងរណបជ្រោយចង្វារ ។ ការសាងសង់ស្ពាននេះនឹងចាប់ផ្តើមនៅខែសីហា ហើយនឹងចំណាយពេលប្រាំពីរខែ។ ស្ពាននេះនឹងត្រូវបានដាក់ឲ្យប្រើប្រាស់រយៈពេលពីរឆ្នាំរហូតទាល់តែការជួសជុលស្ពានធំដែលមានតម្លៃ 30 ៣០ លានដុល្លារត្រូវបានបញ្ចប់។ ស្ពានអចិន្រ្តៃយ៍ត្រូវបានគេរំពឹងថានឹងត្រូវបានសាងសង់នៅពេលក្រោយ ដើម្បីភ្ជាប់ទៅកាន់ទីក្រុងរណបជ្រោយចង្វារ ដែលអភិវឌ្ឍន៍ដោយក្រុមហ៊ុន OCIC ។
អានបន្ថែម