ព័ត៌មានសំណង់
ការលក់របស់ក្រុមហ៊ុន Bosch បានកើនដល់ជាង ៧០ពាន់លានអឺរ៉ូនៅឆ្នាំ ២០១៦
នៅឆ្នាំ ២០១៦ ការលក់របស់ក្រុមហ៊ុន Bosch Group បានកើនឡើង ៥,៤ ភាគរយ រហូតដល់ចំនួន ៧៣,១ ពាន់លានអឺរ៉ូ ដោយសារតែការវិវត្តយ៉ាងលឿននៃការតភ្ជាប់បច្ចេកវិទ្យាដែលជួយជម្រុញកំណើននេះ នេះបើតាមការចេញផ្សាយរបស់ក្រុមហ៊ុន នៅថ្ងៃទី ២០ ខែកុម្ភៈ ។ ក្រុមហ៊ុន Bosch Group គឺជាក្រុមហ៊ុនផ្គត់ផ្គង់បច្ចេកវិទ្យា និងសេវាកម្មឈានមុខគេក្នុងពិភពលោក ដោយមានសហការីប្រហែល ៣៩០,០០០ នៅទូទាំងពិភពលោក។ ប្រតិបត្ដិការរបស់ក្រុមហ៊ុនត្រូវបានបែងចែកជាអាជីវកម្មបួនប្រភេទដូចជា ដំណោះស្រាយផលិតផលចល័ត បច្ចេកវិទ្យាឧស្សាហកម្ម ទំនិញប្រើប្រាស់ ព្រមទាំងថាមពល និងបច្ចេកវិទ្យាសាងសង់។ ក្រុមហ៊ុន Bosch បានចាប់ផ្តើមអាជីវកម្មរបស់ខ្លួននៅប្រទេសកម្ពុជាក្នុងខែមករា ឆ្នាំ២០១០ ហើយបច្ចុប្បន្ននេះ មានក្រុមហ៊ុន Robert Bosch (Cambodia) Co., Ltd. ជាតំណាងនៅក្នុងប្រទេសកម្ពុជា។ បន្ទាប់ពីការកែតម្រូវជាមួយនិងផលប៉ះពាល់ជាអវិជ្ជមាននៃអត្រាប្តូរប្រាក់នៅទូទាំងពិភពលោកក្នុងទឹកប្រាក់ ១,៣ពាន់លានអឺរ៉ូ ក្រុមនេះបានបង្ហាញពីការកើនឡើងការលក់ក្នុងគ្រប់ផ្នែក អាជីវកម្មទាំងអស់លើកលែងផ្នែកបច្ចេកវិទ្យាឧស្សាហកម្មនៅឆ្នាំ ២០១៦។ ចំពោះអាជីវកម្មដំណោះស្រាយផលិតផលចល័ត បានកើនឡើង ៧ ភាគរយជាមួយនិងប្រាក់ចំណូលកើនឡើងដល់ ៤៤ ពាន់លានអឺរ៉ូ នៅឆ្នាំ […]
អានបន្ថែម
តម្រូវការកើនឡើងជម្រុញវិស័យផ្គត់ផ្គង់សំណង់
ខណៈដែលតម្រូវការក្នុងឧស្សាហកម្មសំណង់ដែលកំពុងរីកលូតលាស់ចេះតែកើនឡើងនោះ ការផ្គត់ផ្គង់សម្ភារសំណង់នៅតែជាជំនួញធំមួយក្នុងប្រទេសកម្ពុជា។ ទីផ្សារអចលនទ្រព្យក្នុងប្រទេសកម្ពុជាបានស្គាល់នូវកំណើនយ៉ាងឆាប់រហ័សក្នុងរយៈពេលប៉ុន្មានឆ្នាំចុងក្រោយនេះ។ កំណើននេះត្រូវបានជម្រុញដោយសកម្មភាពសំណង់ខ្លាំង ឧស្សាហូបនីយកម្ម យ៉ាងឆាប់រហ័សនិងនគរូបនីយកម្ម កំណើនតម្រូវការលំនៅដ្ឋានស្របគ្នានិងកំណើនប្រជាជនដែលរស់នៅក្នុងទីក្រុង កំណើន សកម្មភាពអាជីវកម្ម និងកំណើនគម្រោងអភិវឌ្ឍន៍ពាណិជ្ជកម្ម។ ការរីកចំរើនការសាងសង់នេះត្រូវបានជម្រុញដោយអ្នកទិញគ្រប់កម្រិត។ ជាលទ្ធផល តម្រូវការសម្ភារសំណង់មានការកើនឡើងយ៉ាងខ្លាំង។ ទោះជាយ៉ាងណា សម្ភារសំណង់នាំចូល និងការប្រឈមផ្នែកហេដ្ឋារចនាសម្ព័ន្ធ ធ្វើឲ្យការដឹកជញ្ជូននូវសម្ភារទាំងអស់ជួបនូវការលំបាក។ នគរូបនីយកម្មនៅតែជាកត្តាចម្បងដែលជម្រុញវិស័យឯកជន និងសាធារណៈឲ្យធ្វើការវិនិយោគនៅក្នុងគម្រោងពាណិជ្ជកម្ម លំនៅដ្ឋាន ឧស្សាហកម្ម និងហេដ្ឋារចនាសម្ព័ន្ធ។ ជាមួយនឹងកំណើនសកម្មភាពសាងសង់អចលនទ្រព្យ វិស័យសម្ភារសំណង់របស់ប្រទេសកម្ពុជាមិនអាចបំពេញតម្រូវការពីសកម្មភាពសាងសង់ក្នុងស្រុកនៅឡើយ។ លោក ឈួន ស៊ុនហេង មកពីមជ្ឈមណ្ឌលទីក្រុងភ្នំពេញ និងជាអ្នកអភិវឌ្ឍន៍គម្រោងជាច្រើននៅក្នុងតំបន់បឹងកក់ បានឲ្យដឹងថា “ជាទូទៅប្រទេសកម្ពុជានាំចូលនូវសម្ភារសំណង់គ្រប់ប្រភេទពីបរទេស”។ ដូចនេះ ការវិនិយោគនៅក្នុងការពង្រីកអាជីវកម្មក្នុងស្រុកគឺជាការសំខាន់។ គម្លាតផលិតកម្មក្នុងស្រុកតំណាងឲ្យឱកាសអាជីវកម្មយ៉ាងពិសេសសម្រាប់ក្រុមហ៊ុនដែលកំពុងដំណើរការនៅក្នុងប្រទេសកម្ពុជា។ សម្ភារដែលផលិតក្នុងស្រុកអាចត្រូវបានប្រើប្រាស់មិនត្រឹមតែនៅក្នុងទីផ្សារក្នុងស្រុកប៉ុណ្ណោះទេ ថែមទាំងអាចនាំចេញទៅកាន់ប្រទេសដទៃទៀតផង។ ចំពោះការផ្គត់ផ្គង់នេះ អ្នកផ្គត់ផ្គង់សម្ភារៈក្នុងស្រុកជាច្រើន និងភ្នាក់ងារវិស្វកម្មជាច្រើនបានក្លាយជាអ្នកផ្គត់ផ្គង់សម្ភារសំណង់ម៉ាកអន្ដរជាតិ។ ការនេះបានអនុញ្ញាតឲ្យពួកគេធ្វើការផ្គត់ផ្គង់ផ្តាច់មុខលើម៉ាកសម្ភារជាក់លាក់មួយចំនួន ដែលពីមុនមកគេមិនអាចរកបានទេនៅក្នុងទីផ្សារកម្ពុជា។ អ្នកផ្គត់ផ្គង់សម្ភារម៉ាកអន្តរជាតិទាំងនេះជាធម្មតាត្រូវបានអភិវឌ្ឍដោយផ្តល់សិទ្ធិដល់ហាង លក់នៅកម្ពុជា ឬដោយបើកការិយាល័យតំណាងនៅកម្ពុជា។ នៅពេលដែលទីផ្សារកាន់តែរឹងមាំ សម្ភារម៉ាកអន្តរជាតិទាំងនោះអាចបង្កើតក្រុមហ៊ុនបុត្រសម្ព័ន្ធអចិន្ត្រៃយ៍ ឬបង្កើតរោងចក្រផលិតកម្មនៅក្នុងប្រទេសកម្ពុជា។ បើទោះបីជាកម្ពុជាបច្ចុប្បន្ននៅពឹងផ្អែកលើការនាំចូលសម្ភារសំណង់ វិស័យឯកជនគួរតែបង្កើនសមត្ថភាពផលិតដើម្បីបំពេញតម្រូវការសម្ភារសំណង់ខ្ពស់។ នៅប៉ុន្មានឆ្នាំចុងក្រោយនេះ ការនាំចូលសម្ភារសំណង់បានកើនឡើងដោយសារតែមានតម្រូវការខ្លាំង។ នៅពេលជាមួយគ្នានេះ តម្លៃទំនិញនាំចូលបានធ្លាក់ចុះ។ លោកស្រី ចាន់ […]
អានបន្ថែម
ប្រទេសវៀតណាមនឹងសាងសង់រោងចក្រដែកដ៏ធំមួយ
មជ្ឈមណ្ឌលផលិតកម្មដែកដ៏ធំមួយនឹងត្រូវបានធ្វើការសាងសង់នៅក្នុងប្រទេសវៀតណាមភាគកណ្តាល ដែលជាផ្នែកមួយនៃគម្រោងរបស់រដ្ឋាភិបាលដើម្បីកាត់បន្ថយនូវការ នាំចូលដែកពីប្រទេសចិន។ HoaPhat Group នឹងសាងសង់នូវរោងចក្រដែលមានតម្លៃ ២,៧ពាន់លានដុល្លារ នៅក្នុងខេត្តកាងង៉ៃជាមួយនឹងសមត្ថភាពផលិត ៦តោនក្នុងមួយឆ្នាំ។ រដ្ឋាភិបាលក៏មាន គម្រោងនឹងសាងសង់នូវរោងចក្រដូចនេះចំនួន ១០ ផ្សេងទៀតនូវទូទាំងប្រទេស ក្នុងកិច្ចខិតខំ ប្រឹងប្រែងដើម្បីផលិតដែកចំនួន ១៨លានតោន ដែលប្រទេសវៀតណាមបាននាំចូលជា រៀងរាល់ឆ្នាំ ដែលក្នុងនោះគឺ ៦០ភាគរយមកពីប្រទេសចិន។ រោងចក្ររបស់ក្រុមហ៊ុន HoaPhat បានបង្កើតការងារចំនួនប្រហែល ៨.០០០កន្លែង និងប្រាក់ចំណូលចំនួន ២ពាន់លានដុល្លារ។ កិច្ចប្រឹងប្រែងរបស់រដ្ឋាភិបាលដើម្បីគ្រប់គ្រងផលិតកម្មដែកនេះ បានកើតទ្បើងបន្ទាប់ពី មានបញ្ហាហិរញ្ញវត្ថុ និងបរិស្ថានជាច្រើនបានកើតទ្បើងដោយសារក្រុមហ៊ុនផលិតដែក របស់តៃវ៉ាន់នៅក្នុងប្រទេសវៀតណាម៕
អានបន្ថែម
គម្រោង PPP ដ៏ធំសម្រាប់ប្រទេសថៃ
កម្មវិធីហេដ្ឋារចនាសម្ព័ន្ធគម្រោង ១១ ដ៏ធំ មានតម្លៃ ២០ ពាន់លានដុល្លារ បានប្រកាសដោយរដ្ឋាភិបាលថៃ ដើម្បីទទួលការព្រមព្រៀងពីក្រុមប្រឹក្សាដៃគូឯកជន សាធារណៈ (PPP) នៅឆ្នាំ២០១៧ នេះ។ គម្រោងចំនួន ៣ ក្នុងការពង្រីកផ្លូវក្រោមដីនៅទីក្រុងបាងកក មានតម្លៃសរុបប្រមាណ ៩,២ ពាន់លានដុល្លារ សម្រាប់ផ្លូវរថភ្លើងល្បឿនលឿន ២ខ្សែ ពីរាជធានី ទៅកាន់រមណីយដ្ឋានឆ្នេរសមុទ្រភាគអាគ្នេយ៍ ដែលគ្រោងនឹងចំណាយ ៧,៥ ពាន់លានដុល្លារ និងផ្លូវរថភ្លើងមួយខ្សែទៀតនៃអាកាសយានដ្ឋានសុវណ្ណភូមិ ដែលមានតម្លៃ ១,២ពាន់លាន។ ចំណែកផ្លូវសម្រាប់ទោចក្រយានយន្តប្រវែង ១០០ គ.ម តម្លៃ ២,៣ពាន់លានដុល្លារ នឹងតភ្ជាប់ពីទីក្រុងបាងកក ទៅរមណីយដ្ឋាន Cha-am ផងដែរ។ តាមរយៈ Bangkok Post បានឲ្យដឹងថា នេះជាតម្លៃខ្ពស់បំផុតនៃគម្រោង PPP ដែលមានការឯកភាព បើគិតតាំងពីក្រុមប្រឹក្សានេះចាប់ផ្តើមការងារនៅឆ្នាំ ១៩៩២ មក៕
អានបន្ថែម
គម្រោង The Bridge បានបញ្ចប់ការសាងសង់ជាន់ខ្ពស់បំផុតរបស់ខ្លួន
គម្រោងអភិវឌ្ឍរបស់ក្រុមហ៊ុន Oxley-WorldBridge គឺ The Bridge បានសាងសង់ ដល់ជាន់ខ្ពស់បំផុតរបស់ខ្លួនមុនពេលកំណត់នៅចុងឆ្នាំ ២០១៦ ជាមួយនឹងពិធី អបអរសាទរដ៏អធិកអធមមួយ។ បន្ទាប់ពីចាប់ផ្តើមការសាងសង់ក្នុងឆ្នាំ ២០១៤ គម្រោងអគារភ្លោះដែលមានតម្លៃ ៣០០លានដុល្លារ បច្ចុប្បន្នមានចំនួន ៤៥ជាន់ និងកម្ពស់ ១៦០ម៉ែត្រ ស្ថិតនៅច្រាំងទន្លេចតុមុខនៃទីប្រជុំជនក្នុងទីក្រុងភ្នំពេញ។ នៅពេលបញ្ចប់ The Bridge នឹងមានទៅដោយខុនដូទំនើបៗ ទីកន្លែង ការិយាល័យកំរិត A ជាមួយនិងផ្សារទំនើប។ យោងទៅតាមប្រសាសន៍របស់ លោកឧកញ៉ា សៀ រិទ្ធី អគ្គនាយកក្រុមហ៊ុន WorldBridge, បានឲ្យដឹងថា ខុនដូទាំង ៧៤៦យូនីត បានលក់អស់ ហើយនឹងប្រគល់ជូនម្ចាស់នៅក្នុងឆ្នាំ ២០១៨។ គូសបញ្ជាក់ផងដែរថា គម្រោងនេះជាការអភិវឌ្ឍរួមរវាងក្រុមហ៊ុន Oxley Holdings និង ក្រុមហ៊ុន Worldbridge Land ហើយសាងសង់ដោយក្រុមហ៊ុន Sino Great Wall របស់ប្រទេសចិន៕
អានបន្ថែម
កម្ពុជា និងវៀតណាមពិភាក្សាគ្នាលើផ្លូវហាយវ៉េដែលអ្នកដំណើរត្រូវបង់ថ្លៃឆ្លងកាត់
សំណង់ផ្លូវហាយវ៉េរវាងកម្ពុជា និងវៀតណាម គឺជាប្រធានបទនៃការពិភាក្សា រវាងរដ្ឋាភិបាលទាំង២ នៅខែមករានេះ។ ផ្លូវជាតិលេខ ១ ដែលមានប្រវែង ២៣២ គ.ម នាពេលបច្ចុប្បន្ននេះ តភ្ជាប់ប្រទេសជិតខាង ២ ក្នុងរយៈពេលធ្វើដំណើរប្រសើរជាងមុន តាំងពីការបើកសម្ពោធស្ពានគីហ្សូណាមក។ ផ្លូវដែលគម្រោងនឹងសាងសង់នេះ នឹងតភ្ជាប់ប្រទេសទាំង២ ជាមួយនឹងផ្លូវថ្មីមួយប្រវែង ១៤៧ គ.ម កាត់តាម ទីក្រុងបាវិត ប៉ុន្តែនៅតែត្រូវប្រើប្រាស់ស្ពានថ្មី។ រដ្ឋមន្ត្រីក្រសួងសាធារណការ និងដឹកជញ្ជូនកម្ពុជា ឯកឧត្តម ស៊ុន ចាន់ថុល បានលើកឡើងថា ផ្លូវនេះអាចទទួលចំណូលដល់ ៥ពាន់លានដុល្លារ ក្នុងមួយឆ្នាំ។ ការសិក្សារបស់ជប៉ុនថ្មីៗនេះបានប៉ាន់ប្រមាណថា ការសាងសង់ផ្លូវនេះនឹងត្រូវចំណាយ អស់ ២ពាន់លានដុល្លារអាមេរិក ហើយផ្លូវនេះនឹងជួយកាត់បន្ថយរយៈពេលពាក់កណ្តាល ក្នុងការធ្វើដំណើរប្រៀបធៀបនឹងពេលបច្ចុប្បន្ន។
អានបន្ថែម
គម្រោងសាងសង់តំបន់សេដ្ឋកិច្ចពិសេសដែលផ្គត់ផ្គង់ដោយថាមពលពន្លឺព្រះអាទិត្យ នៅក្នុ
តំបន់សេដ្ឋកិច្ចពិសេសដែលផ្គត់ផ្គង់ដោយថាមពលពន្លឺព្រះអាទិត្យមួយ កំពុងតែគ្រោងសាងសង់ក្នុងខេត្តកំពង់ឆ្នាំង តាមរយៈការសហការវិនិយោគរួមគ្នារវាងព្រះរាជាណាចក្រកម្ពុជា និងសាធារណរដ្ឋកូរ៉េ។ គម្រោងសាងសង់តំបន់សេដ្ឋកិច្ចពិសេសនេះមានផ្ទៃដី ១០០ហិចតា នឹងស្ថិតនៅ ចម្ងាយ ៧០គ.ម ពីទីក្រុងភ្នំពេញ ដែលក្នុងនោះរួមមាននូវការសាងសង់សួនឧស្សាហកម្ម ជាមួយនឹងស្ថានីយអគ្គិសនីដំណើរការដោយថាមពលពន្លឺព្រះអាទិត្យ ១០០មេកាវ៉ាត់ ដើម្បី ផ្គត់ផ្គង់នូវថាមពលដែលមានតម្លៃថោក និងមានស្ថិរភាពដល់រោងចក្រដែលបានជួលទីតាំង។ ការសហការរួមគ្នារវាងក្រុមហ៊ុន Asia Sunrise Teuk Hak នៃប្រទេសកម្ពុជា ជាមួយនិងក្រុមហ៊ុន Power Engineering នៃសាធារណរដ្ឋកូរ៉េ នឹងវិនិយោគនូវទឹកប្រាក់ចំនួន ២០០លានដុល្លារសហរដ្ឋអាមេរិក ទៅលើគម្រោងនេះ ហើយដែលបានដាក់ជូនដល់ក្រុមប្រឹក្សាអភិវឌ្ឍជាតិកម្ពុជាដើម្បីអនុម័តយល់ព្រម។ អគ្គនាយកក្រុមហ៊ុន Asia Sunrise លោក ជា ម៉ុង បានប្រាប់សារព័ត៌មានភ្នំពេញប៉ុស្តិ៍ថា ក្នុងករណីដែលថាមពលផលិតលើសពីតម្រូវការ អគ្គិសនីនេះនឹងផ្តល់ឲ្យកសិករតំបន់នោះប្រើប្រាស់ដោយឥតគិតថ្លៃ៕
អានបន្ថែម
ក្រុមហ៊ុនចិនបានទទួលជោគជ័យក្នុងការដេញថ្លៃសាងសង់អគារភ្លោះ
ក្រុមហ៊ុនចិនចំនួនពីរបានទទួលជោគជ័យក្នុងការដេញថ្លៃសាងសង់គម្រោងអគារភ្លោះ ថៃប៊ុនរ៉ុង នៅទីក្រុងភ្នំពេញ។ ក្រុមហ៊ុន Sino Great Wall Holdings និងក្រុមហ៊ុន Wuchang Shipbuilding Industry Group បានចុះហត្ថលេខាលើកិច្ចព្រមព្រៀងសហការវិនិយោគរួមគ្នា ហើយបានទទួលជោគជ័យ ក្នុងការដេញថ្លៃគម្រោងដែលមានតម្លៃ ២,៧ ពាន់លានដុល្លារសហរដ្ឋអាមេរិក។ នៅពេលដែលការសាងសង់បានបញ្ចប់ អគារភ្លោះដែលមាន ១៣៣ជាន់ នឹងមានកម្ពស់ ៥៦០ម៉ែត្រ។ វានឹងមានកម្ពស់ខ្ពស់ជាងអគារដែលខ្ពស់ជាងគេក្នុងប្រទេសពីរដង ហើយខ្ពស់ ជាងអគារ Petronas Towers នៃទីក្រុងកូឡាឡាំពួរ ១០០ម៉ែត្រ និងជាអគារ ខ្ពស់ជាងគេទី ៥លើពិភពលោក។ គម្រោងនេះនេះរួមមាន អាផាតមិន ការិយាល័យ សណ្ឋាគារប្រណីត ផ្សារទំនើប ជាមួយនឹងមជ្ឈមណ្ឌលកំសាន្តជាដើម។ ការសាងសង់ត្រូវបានគេរំពឹងទុកថានឹងប្រើប្រាស់ រយៈពេលប្រាំឆ្នាំ៕
អានបន្ថែម
ផ្លូវថ្មើរជើងមួយទៀតនៅមាត់ទន្លេ
សាលារាជធានីភ្នំពេញបានប្រកាសថា នឹងសាងសង់ផ្លូវសម្រាប់អ្នកថ្មើរជើងថ្មីមួយ ទៀតនៅមាត់ទន្លេក្រុងភ្នំពេញ។ ផ្លូវថ្មើរជើងទី២ ដែលគ្រោងនឹងសាងសង់នេះ នឹងមានប្រវែង ប្រមាណ ១៦០០ ម៉ែត្រ ពីផ្សាររាត្រីទៅស្ពានជប៉ុន។ ការប្រកាសនេះបានធ្វើឡើង ដោយអភិបាលរាជធានីភ្នំពេញ ឯកឧត្តម ប៉ា សុជាតិវង្ស ក្រោយពិធីបើកសម្ពោធផ្លូវថ្មើរជើងមាត់ទន្លេទី១ ដ៏មានប្រជាប្រិយភាព លាតសន្ធឹងពីខាងក្រោយសាលមហោស្រពចតុមុខ ទៅកំពង់ផែជិតកោះពេជ្រ កាលពីឆ្នាំ ២០១៦។ ស្របពេលដែលផែនការចុងក្រោយ ការចំណាយ និងអ្នកចុះកុងត្រាមិនទាន់ត្រូវបាន ប្រកាសនៅឡើយនោះ គម្រោងនេះនឹងបញ្ចប់ឲ្យបានទាន់ពេលនៅដើមខែវិច្ឆិកា ក្នុង ឱកាសបុណ្យអុំទូក ២០១៧ ខាងមុខនេះ៕
អានបន្ថែម
ស្ពានថ្មើរជើងឆ្លង់កាត់ទី១ ជិតរួចរាល់ជាស្ថាពរ
តាមរយៈសាលាក្រុងបានឲ្យដឹងថា ស្ពានឆ្លង់កាត់សម្រាប់អ្នកដំណើរដោយថ្មើរជើង ដំបូងបំផុតក្នុងរាជធានី គ្រោងនឹងបញ្ចប់ការសាងសង់រួចរាល់នៅមុនខែមេសាខាងមុខនេះ។ ដោយសារហេដ្ឋារចនាសម្ព័ន្ធផ្លូវថ្នល់មានការរីកចម្រើន និងចរាចរណ៍មានការកើន ឡើងនៅភ្នំពេញ សុវត្ថិភាពសម្រាប់អ្នកដំណើរដោយថ្មើរជើង ជាពិសេសក្មេងសិស្សសាលា បាននឹងកំពុងក្លាយជាអាទិភាព ព្រោះគ្រោះថ្នាក់ចរាចរណ៍បានកើនឡើង។ ស្ពានដំបូងគេនេះមានទីតាំងនៅមុខសាលា ហ៊ុន សែន ជម្ពូវ័ន ក្នុងស្រុកពោធិ៍សែនជ័យ មានប្រវែង ៥០ ម៉ែត្រ ទទឹង ៣,៥ ម៉ែត្រ និងកម្ពស់ ៦ ម៉ែត្រ។ សាលាក្រុងបានប្រកាសថា នេះគឺជាគម្រោងដំបូងគេបង្អស់ក្នុងចំណោមគម្រោង ២មុនគេ ដែលស្ពានចំនួន ៧ នឹងត្រូវសាងសង់ឡើង ដែលជាយុទ្ធសាស្ត្រមួយដើម្បីពង្រឹង សុវត្ថិភាពតាមផ្លូវក្នុងរាជធានីភ្នំពេញ៕
អានបន្ថែម