CVEA និង AVA ចង់ជំរុញឱ្យភ្នាក់ងារអចលនទ្រព្យទូទាំងអាស៊ានស្ថិតក្រោមគោលការណ៍តែមួយ

• 5 ខែ​វិច្ឆិកា 2021
• ព័ត៌មានអចលនទ្រព្យ
• 17 មើល

សមាគមអ្នកវាយតម្លៃអចលនវត្ថុអាស៊ាន (AVA) និងសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានបង្ហាញពីទិសដៅ ចង់លើកកម្ពស់សមត្ថភាពភ្នាក់ងារអចលនទ្រព្យរបស់ខ្លួន ដោយគ្រោងចង់បង្កើតគោលការណ៍តែមួយ ដើម្បីគ្រប់គ្រងស្ដង់ដារភ្នាក់ងារអចលនទ្រព្យទាំង១០ ប្រទេសសមាជិក។

អគ្គលេខាធិការសមាគម CVEA អ្នកស្រី Susan Widjojo បានឱ្យដឹងដូច្នេះក្នុងកម្មវិធីសន្និសីទសារព័ត៌មានស្តីពីការរៀបចំសមាជិកលើកទី២៣ នៃសមាគម AVA កាលពីថ្ងៃទី ៣ ខែវិច្ឆិកា កន្លងទៅ។

អ្នកស្រី Susan Widjojo បានឱ្យដឹងថា ការបង្កើតគោលការណ៍រួមដើម្បីឱ្យសមាជិកគោរពតាម ម្យ៉ាងគោលការណ៍នេះនឹងជួយឱ្យភ្នាក់ងារអចលនទ្រព្យ គ្រប់ប្រទេសមានសមត្ថភាព និងសក្ដានុពលស្មើៗគ្នា។ គោលការណ៍នេះដែរ ក៏ជួយឱ្យAVA និងសមាគមនៃប្រទេសនីមួយៗ គ្រប់គ្រងភ្នាក់ងារអចលនវត្ថុបានដោយមានប្រសិទ្ធភាព។

«ប៉ុន្តែ ការដែលភ្នាក់ងារគោរពតាម ឬទទួលស្គាល់ដោយស្ដង់ដារ និងគោលការណ៍នេះ មិនមែនបានន័យថាភ្នាក់ងារអចលនទ្រព្យអាចទៅបម្រើការងារនៅប្រទេសណាក៏បានតាមតែចិត្តចង់នោះទេ ព្រោះប្រទេសនីមួយៗក៏នៅមានច្បាប់ទំលាប់ខុសៗគ្នាដែរ។ ដូច្នេះ ភ្នាក់ងារអចលនទ្រព្យត្រូវរៀនសូត្របន្ថែម បើចង់បម្រើការងារនៅប្រទេសផ្សេងៗទៀត» អ្នកស្រីបានបន្ដ។

គួរបញ្ជាក់ថា សម្រាប់ឆ្នាំនេះ កម្ពុជានឹងធ្វើម្ចាស់ផ្ទះនៃកិច្ចប្រជុំកំពូលរបស់ AVAលើកទី២៣ ក្រោមប្រធានបទ «ការវាយតម្លៃអចលនវត្ថុ ក្នុងអំឡុងពេលនៃការរីករាលដាលជំងឺកូវីដ-១៩» ដែលនឹងប្រព្រឹត្តិទៅនៅថ្ងៃទី២៤-២៥ វិច្ឆិកា ខាងមុននេះផងដែរ។

លោក ច្រឹក សុខនីម ប្រធានសមាគម AVA និង CVEA បានឱ្យដឹងថា កិច្ចប្រជុំកំពូលនេះ ធ្វើឡើងក្នុងគោលបំណង ពង្រឹងកិច្ចសហប្រតិបត្តិការរវាងសមាជិក និងសមាជិក ព្រមទាំងធ្វើការពិភាក្សាអំពីទីផ្សារអចលនទ្រព្យ និងស្តង់ដារបច្ចេកទេសនៃការវាយតម្លៃក្នុងតំបន់អាស៊ាន អំឡុងពេលនៃការរីករាលដាលជំងឺកូវីដ-១៩ស ជាសកល ។

• ចំណេះដឹង និង បទពិសោធន៍
• ធុរកិច្ច និងទីផ្សារ
• កិច្ចសហប្រតិបត្តិការ និងឱកាស
• ចំណេះដឹង និង បទពិសោធន៍
• ធុរកិច្ច និងទីផ្សារ