គម្រោងសាងសង់ព្រលានយន្តហោះថ្មីក្នុងទឹកដីភូមិភាគឦសាន ទទួលបានការឯកភាពជាគោលការណ៍
គម្រោងអាកាសយានដ្ឋានថ្មីលើផ្ទៃដីជាង ១,៩០០ ហិកតា ក្នុងស្រុកលំផាត់ នឹងក្លាយជាក្បាលម៉ាស៊ីនរុញច្រានកំណើនសេដ្ឋកិច្ច និងទេសចរណ៍នៅក្នុងទឹកដីភូមិភាគឦសាន រាជរដ្ឋាភិបាលកម្ពុជាបានសម្រេចឯកភាពជាគោលការណ៍លើគម្រោងសាងសង់អាកាសយានដ្ឋានថ្មីមួយនៅក្នុងខេត្តរតនគិរី ដើម្បីលើកកម្ពស់សក្តានុពលសេដ្ឋកិច្ច និងការតភ្ជាប់ក្នុងភូមិភាគឦសាន បើយោងតាមការបញ្ជាក់របស់ឯកឧត្តម ញ៉ែម សំអឿន អភិបាលនៃគណៈអភិបាលខេត្តរតនគិរី ក្នុងបទសម្ភាសន៍នាជាមួយ ស្ថានីយ៍វិទ្យុ និងទូរទស្សន៍មហាផ្ទៃ ស្ដីពី វឌ្ឍនភាពការងារ ប្រចាំឆមាសទី២ ឆ្នាំ២០២៥ នៅទីស្តីការក្រសួងមហាផ្ទៃ។ គម្រោងដ៏ធំមួយនេះនឹងត្រូវរៀបចំឡើងនៅក្នុងភូមិសាស្ត្រស្រុកលំផាត់ ដោយគ្របដណ្តប់លើផ្ទៃដីសរុបជាង ១,៩០៥ ហិកតា។ ការសម្រេចចិត្តនេះឆ្លុះបញ្ចាំងពីចក្ខុវិស័យវែងឆ្ងាយរបស់សម្តេចមហាបវរធិបតី ហ៊ុន ម៉ាណែត ក្នុងការធ្វើសមាហរណកម្មខេត្តនៅតាមព្រំដែនឱ្យចូលទៅក្នុងបណ្តាញដឹកជញ្ជូន និងឡូជីស្ទីកជាតិ។ តាមរយៈការបង្កើតឱ្យមានអាកាសយានដ្ឋានទំនើបថ្មីនេះ រដ្ឋាភិបាលមានបំណងទាក់ទាញភ្ញៀវទេសចរអន្តរជាតិឱ្យមកទស្សនាសម្រស់ធម្មជាតិ និងវប្បធម៌ដ៏សម្បូរបែបនៃខេត្តរតនគិរីឱ្យបានកាន់តែច្រើន។ បន្ថែមលើនេះ ព្រលានយន្តហោះថ្មីនេះនឹងដើរតួជាស្ពានចម្លងដ៏សំខាន់សម្រាប់ការដឹកជញ្ជូនកសិផល និងទំនិញនានា ដែលជួយគាំទ្រដល់អាជីវកម្ម និងជីវភាពរបស់ប្រជាពលរដ្ឋក្នុងមូលដ្ឋាន។ ឯកឧត្តមបានបង្ហើបឱ្យដឹងថា គម្រោងនេះ ត្រូវការរយៈពេល ៣ ទៅ ៤ឆ្នាំ ដើម្បីសិក្សាសមិទ្ធិលទ្ធភាព និងផលប៉ះពាល់ ក្នុងនោះក៏មានក្រុមហ៊ុនមកពីអាមេរិកចូលរួមសិក្សាផងដែរ។ បច្ចុប្បន្ន គម្រោងនេះស្ថិតក្នុងដំណាក់កាលសិក្សាលម្អិតដើម្បីធានាឱ្យបាននូវនិរន្តរភាពបរិស្ថាន និងលក្ខណៈបច្ចេកទេសឱ្យបានគ្រប់ជ្រុងជ្រោយ។ រដ្ឋបាលខេត្តកំពុងសហការយ៉ាងជិតស្និទ្ធជាមួយស្ថាប័នពាក់ព័ន្ធថ្នាក់ជាតិ ដើម្បីរៀបចំផែនការមេសម្រាប់សមិទ្ធផលប្រវត្តិសាស្ត្រនេះ។ នៅពេលបញ្ចប់ការសាងសង់ ព្រលានយន្តហោះនេះនឹងក្លាយជាសក្ខីភាពនៃការប្តេជ្ញាចិត្តរបស់រាជរដ្ឋាភិបាល ក្នុងការអភិវឌ្ឍតំបន់ដាច់ស្រយាលឱ្យមានភាពរីកចម្រើន […]
បច្ចេកវិទ្យាទំនើបថ្មី ៣ ដែលជួយឱ្យព្រលានយន្តហោះមានប្រសិទ្ធភាពជាងមុន
ដំណោះស្រាយឌីជីថលកំពុងផ្លាស់ប្តូរគម្រោងអាកាសយានដ្ឋាននានាជុំវិញពិភពលោក ដោយជួយបង្កើនប្រសិទ្ធភាពលើការរចនា បន្ដវដ្តជីវិតហេដ្ឋារចនាសម្ព័ន្ធឱ្យវែងជាមុន ក៏ដូចជាពង្រឹងការគ្រប់គ្រង និងការថែទាំផងដែរ។ ទាំងនេះគឺជាឧទាហរណ៍ជាក់ស្តែងនៃអាកាសយានដ្ឋានល្បីៗចំនួន ៣ កន្លែងដែលបាន និងកំពុងប្រើប្រាស់បច្ចេកវិទ្យាឌីជីថលរបស់ក្រុមហ៊ុន Bentley ។ អាកាសយានដ្ឋានអន្តរជាតិ Guangzhou Baiyun គឺជាឧទាហរណ៍ដ៏ល្អមួយនៃការប្រើដំណោះស្រាយឌីជីថលក្នុងដំណាក់ការរចនា និងសាងសង់។ ដោយប្រើ Bentley OpenRoads Designer និង Bentley View ម្ចាស់គម្រោងអាចសម្រួលលើដំណើរការគំរូរប្លង់ និងកាត់បន្ថយការកែប្រែសំណង់តាមក្រោយ បានយ៉ាងច្រើន។ យុទ្ធសាស្ត្រទាំងនេះបានជួយបង្កើនផលិតភាពជាង 15% និងកាត់បន្ថយកំហុសក្នុងការរចនា 2% ។ ដោយប្រើកម្មវិធីនេះ ម្ចាស់គម្រោងអាចដឹងបានដោយច្បាស់ថាត្រូវកែចំណុចណាខ្លះ ដោយការបង្កើតគំរូការសាងសង់ដូចពិតជាក់ស្ដែង មុនចាប់ផ្ដើមការសាងសង់ពិតៗ។ កម្មវីធីនេះនឹងជួយស្កេនចាប់បញ្ហាដែលអាចនឹងកើតមានបានដោយរហ័ស ហើយត្រូវចំណុច មុននឹងបញ្ហាកើតឡើងទៅទៀត ដូច្នេះពួកគេអាចបញ្ចៀសបញ្ហានោះបាន។ លើសពីនេះ ការដឹងពីបញ្ហាមុននេះ ក៏ជាការជួយលើកត្តាសុវត្ថិភាពក្នុងគម្រោងសំណង់ផងដែរ។ វិធីនេះក៏ធ្វើគុណភាពគម្រោងកាន់ប្រសើរ និងកាត់បន្ថយការចំណាយ ពិេសសលើការជួសជុលកំហុសសំណង់។ វាក៏នឹងធ្វើឱ្យបទពិសោធន៍ និងការប្រើប្រាស់ព្រលានប្រសើរជាងមុនផងដែរ។ បច្ចេកវិទ្យាថ្មីមួយទៀត គឺគំរូសំណង់ 4D សម្រាប់ហេដ្ឋារចនាសម្ព័ន្ធព្រលានយន្តហោះស្មុគស្មាញ។ ឧទាហរណ៍ដូចជា ការសាងសង់ផ្លូវដើរថ្មើរជើងដែលវែងជាងគេបំផុតក្នុងពិភពលោកនៅឯអាកាសយានដ្ឋានអន្តរជាតិ Seattle-Tacoma Clark […]
ហេដ្ឋារចនាសម្ព័ន្ធគឺសំដៅលើមនុស្ស មិនមែនបេតុង៖ នេះជារបៀបដែលមេដឹកនាំកំពុងគិតឡើងវិញនូវរបៀប ទីកន្លែង និងអ្វីដែលគេចំណាយដើម្បីសាងសង់ហេដ្ឋារចនាសម្ព័ន្ធ
ដោយលោក Tomas Kellner គ្មានអ្វីច្បាស់លាស់ឋិតឋេរទេ ក្រៅពីសេចក្តីស្លាប់ និងពន្ធ – ជាសុភាសិត៏ពេលនិយមរបស់លោកខាងលិច ប៉ុន្តែពេលនេះសូម្បីតែការកំណត់ពន្ធក៏មិនអាចគិតឃើញដែរ ដូចជាតម្លៃនៃហេដ្ឋារចនាសម្ព័ន្ធដែលបំបែកជាផ្នែកៗ។ លោក Tom Smith នាយកប្រតិបត្តិនៃសមាគមវិស្វករសំណង់ស៊ីវិលអាមេរិក (ASCE) បានលើកឡើងថា “នៅពេលដែលយើងបរាជ័យក្នុងការវិនិយោគលើហេដ្ឋារចនាសម្ព័ន្ធ នោះវាគឺជាបន្ទុកពន្ធដែលបង្កប់សម្រាប់អ្នកគ្រប់គ្នាត្រូវបង់នៅថ្ងៃនេះ”។ “ជំនួសឱ្យបន្ទុកពន្ធពិតប្រាកដដែលនឹងផលិតអ្វីមួយ ជាការឆ្លើយតប យើងកំពុងរង់បន្ទុកពន្ធទៅនឹងហេដ្ឋារចនាសម្ព័ន្ធដែលមិនដំណើរការ។” លោក Smith បានប៉ាន់ប្រមាណថាពន្ធដែលបានបង្កប់នេះមានតម្លៃប៉ះពាល់ដល់គ្រួសារអាមេរិកនីមួយៗប្រហែល $2,000 ក្នុងមួយឆ្នាំ ហើយវាអាចកើនឡើងដល់ $2,700 ប្រសិនបើយើងបរាជ័យក្នុងការបន្តវិនិយោគហេដ្ឋារចនាសម្ព័ន្ធ និងច្បាប់វិនិយោគដែលយើងមានសព្វថ្ងៃនេះ”។ លោក Smith បាននិយាយនៅក្នុងវេទិកា Transforming Infrastructure Performance (TIP) នៅទីក្រុងញូវយ៉ក ដែលជាវេទិកា ប្រមូលផ្តុំទស្សនៈអ្នកដឹកនាំពីជុំវិញពិភពលោក ដើម្បីទទួលបាន “ការប្រមូលផ្តុំគំនិតល្អបំផុតនៅក្នុងហេដ្ឋារចនាសម្ព័ន្ធ”។ មានអ្នកចូលរួមល្បីដូចជា អភិបាលរងរដ្ឋមែរីលេន លោកស្រី Aruna Miller ដែលបាននិយាយអំពីកិច្ចខិតខំប្រឹងប្រែងរបស់លោកស្រីក្នុងការសាងសង់ស្ពាន Francis Scott Key នៅទីក្រុង Baltimore។ លោកស្រី […]
រដ្ឋប្រកាសប្តូរពេលវាលាបើកដំណើរការព្រលានតេជោថ្មី៖ ប្តូរពីខែកក្កដា ទៅខែកញ្ញា វិញ
រដ្ឋលេខាធិការដ្ឋានអាកាសចរណ៍ស៊ីវិល បានប្រកាសពីការផ្លាស់ប្តូរពេលវេលាក្នុងការបើកប្រតិបត្តិការអាកាសយានដ្ឋានអន្តរជាតិតេជោក្រុងតាខ្មៅ លំដាប់ថ្នាក់ 4F ពីថ្ងៃទី១០ ខែកក្កដា ទៅថ្ងៃទី០៩ ខែកញ្ញា ឆ្នាំ២០២៥ វិញ។ នេះបើតាមសេចក្តីជូនដំណឹងរបស់រដ្ឋលេខាធិការដ្ឋានអាកាសចរណ៍ស៊ីវិលដែលបានចេញផ្សាយនៅថ្ងៃទី២៣ ខែឧសភា ឆ្នាំ២០២៥។ ទន្ទឹមនឹងនេះ រដ្ឋលេខាធិការដ្ឋានអាកាសចរណ៍ស៊ីវិល ក៏បានបញ្ជាក់បន្ថែមពីការកំណត់យកថ្ងៃទី២០ ខែតុលា ឆ្នាំ២០២៥ សម្រាប់រៀបចំពិធីសម្ពោធបើកឱ្យប្រើប្រាស់ អាកាសយានដ្ឋានអន្តរជាតិតេជោ លំដាប់ថ្នាក់ 4F ជាផ្លូវការ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាផងដែរ។ គួររលឹកថា គិតត្រឹមពាក់កណ្តាលខែឧសភានេះ អាកាសយានដ្ឋានអន្តរជាតិតេជោក្រុងតាខ្មៅ សម្រេចការសាងសង់បានប្រមាណជាង ៩៦% ហើយបានចំណាយទុនអស់ប្រមាណជា ១,៦ពាន់លានដុល្លារ។ (អានបន្ថែម) គម្រោងសាងសង់អាកាសយានដ្ឋានអន្តរជាតិតេជោនេះ ត្រូវបានចាប់ផ្តើមកាលពីថ្ងៃទី ១៦ ខែមិថុនា ឆ្នាំ ២០២០ ដែលលាតសន្ធឹងលើផ្ទៃដីទំហំ ២,៦០០ ហិកតា នៅទូទាំងស្រុកកណ្តាលស្ទឹង ខេត្តកណ្តាល និងស្រុកបាទី ខេត្តតាកែវ។ ពាក់ព័ន្ធនឹងគម្រោងនេះ រដ្ឋាភិបាលអាម៉េរិក ទើបបានបង្ហាញពីផែនការដែលខ្លួនកំពុងសិក្សាវាយតម្លៃពីលទ្ធភាពផ្ដល់ហិរញ្ញប្បទានសម្រាប់គម្រោងសាងសង់អាកាសយានដ្ឋានអន្តរជាតិតេជោក្រុងតាខ្មៅនេះផងដែរ។(អានបន្ថែម) គួរបញ្ជាក់ថា ក្រោយអាកាសយានដ្ឋានថ្មីនេះ បើកដំណើរការ […]
មរតកភណ្ឌអនាគត Noida: អាកាសយានដ្ឋាន Jewar កំណត់គោលដៅក្លាយជាអាកាសយានបៃតងរបស់ឥណ្ឌា
នេះជារបៀបដែលគំរូឌីជីថល 3D បង្ហាញពីការគ្រប់គ្រងទឹកប្រកបដោយនិរន្តរភាពសម្រាប់អាកាសយានដ្ឋាន Noida របស់ឥណ្ឌា ដែលនឹងក្លាយជាដំបូងបង្អស់របស់ឥណ្ឌាមិនបំភាយឧស្ម័នពុល រដ្ឋ Uttar Pradesh របស់ឥណ្ឌាបានបង្ហាញពីកិច្ចខិតខំប្រឹងប្រែងមួយក្នុងគោលបំណងកំណត់ឡើងវិញនូវអនាគតនៃការធ្វើដំណើរតាមផ្លូវអាកាសនៅក្នុងប្រទេសឥណ្ឌា។ អាកាសយានដ្ឋានអន្តរជាតិ Noida ដែលត្រូវបានគេស្គាល់ថាជាអាកាសយានដ្ឋាន Jewar កំពុងកំណត់ស្តង់ដារថ្មីជាអាកាសយានដ្ឋានធំបំផុតរបស់ប្រទេស និងជាលើកដំបូងរបស់ខ្លួនដើម្បីសម្រេចឲ្យបានការបំបាត់ការបំភាយឧស្ម័នពុលទាំងស្រុង ហើយគម្រោងដំបូងនេះនឹងក្លាយគំរូសម្រាប់ការអភិវឌ្ឍប្រកបដោយចីរភាពនៅក្នុងវិស័យអាកាសចរណ៍ផងដែរ។ លាតសន្ធឹងលើផ្ទៃដី 5,000 ហិកតា និងត្រូវបានអភិវឌ្ឍជា ៤ដំណាក់កាល អាកាសយានដ្ឋាន Jewar ត្រូវបានគេរំពឹងថានឹងក្លាយជាភាពអស្ចារ្យនៃវិស្វកម្មទំនើប និងការគ្រប់គ្រងបរិស្ថាន។ ការរចនានេះរួមមានផ្លូវរត់ និងអគារស្ថានីយទំនើបចំនួនពីរ ដែលធានាថាវាអាចបម្រើអ្នកដំណើរប្រមាណ 120 លាននាក់ជារៀងរាល់ឆ្នាំនៅពេលឈានដល់សមត្ថភាពប្រតិបត្តិការពេញលេញ។ គំនិតចម្បងនៃស្ថាបត្យកម្ម និងប្រតិបត្តិការរបស់ខ្លួន អាកាសយានដ្ឋាន Jewar រួមបញ្ចូលវិធីសាស្រ្តពេញលេញក្នុងការគ្រប់គ្រងទឹក ដែលរួមបញ្ចូលទាំងបណ្តាញទំនើបសម្រាប់ទឹកស្អាត ទឹកកខ្វក់ និងទឹកជំនន់ ដែលត្រូវបានរចនាឡើងដើម្បីប្រមូលផ្តុំ និងប្រើប្រាស់ទឹកឡើងវិញប្រកបដោយប្រសិទ្ធភាព ខណៈដែលវាបានផ្តល់នូវវិធីសាស្រ្តគ្រប់គ្រាន់ក្នុងការការពារទឹកជំនន់។ លក្ខណៈពិសេសនៃការច្នៃប្រឌិតបែបនេះមានគោលបំណងការពារទឹកជំនន់យ៉ាងហោចណាស់បាន 100 ឆ្នាំទៅ ខណៈពេលដែលវាអាចកាត់បន្ថយតម្រូវការប្រភពទឹកខាងក្រៅបានរហូតដល់ទៅ 90,000 ម៉ែត្រគូបក្នុងមួយឆ្នាំ។ ការបង្កើតប្លង់មេសម្រាប់អាកាសយានដ្ឋានដែលមិនប៉ះពាល់ដល់បរិស្ថាននេះតម្រូវឱ្យយកចិត្តទុកដាក់លើបញ្ហាប្រឈមជាច្រើន ជាពិសេសក្នុងការរចនាគ្រឿងបរិក្ខារស្មុគស្មាញរបស់វា។ Ramboll India ប្រើប្រាស់ OpenFlows និង […]
១ឆ្នាំ ក្រុមហ៊ុន Singapore Airlines អាចរកចំណេញបានជិត $២ពាន់លាន ពីអាជីវកម្មផ្លូវអាកាស
ក្រុមហ៊ុនដឹកអ្នកដំណើរតាមផ្លូវអាកាស Singapore Airlines ប្រកាសពីប្រាក់ចំណេញប្រចាំឆ្នាំរបស់ខ្លួនប្រមាណ ២.៦៨ពាន់លានដុល្លារសិង្ហបុរី ស្មើនឹង ១.៩៩ពាន់លានដុល្លារអាមេរិក ធៀបនឹងប្រាក់ចំណេញ ២.១៦ពាន់លានសិង្ហបុរីកាលពីឆ្នាំកន្លងទៅ នេះបើគិតត្រឹមដំណាច់ខែមីនា ឆ្នាំ២០២៤។ នេះបើតាមការចុះផ្សាយរបស់កាសែត CNA កាលពីថ្ងៃទី១៥ ខែឧសភា ឆ្នាំ២០២៤។ បើតាមប្រភពនេះ ក្រុមហ៊ុន Singapore Airlines បានលើកឡើងថា តម្រូវការដឹកជញ្ជូនទំនិញ មានការកើនឡើងដល់ចុងឆ្នាំ២០២៣ និងឆ្នាំ២០២៤ ដោយសារតម្រូវការពាណិជ្ជកម្មតាមប្រព័ន្ធអេឡិចត្រូនិច (E-commerce) ភាពធន់ និងការរីកចំរើនផ្នែកផ្សេងៗទៀតដូចជា ផលិតកម្មចំណីអាហារ និងការប្រគុំតន្ត្រី។ ក្រុមហ៊ុន បានបន្ថែមថា តម្រូវការធ្វើដំណើរតាមផ្លូវអាកាស នៅតែបន្តមានជាធម្មតានៅក្នុងត្រីមាសដំបូងឆ្នាំ២០២៤ រហូតដល់ឆ្នាំ២០២៥ ដោយសារតែការត្រលប់មកវិញនូវការកើនឡើងនូវការកក់ជើងហោះហើរនៅអាស៊ីខាងជើង និងអាស៊ីអាគ្នេយ៍។ ជាមួយនឹងកត្តាទាំងនេះ ក្រុមហ៊ុន បានប្រកាសពីប្រាក់ចំណេញប្រចាំឆ្នាំរបស់ខ្លួនប្រមាណ ២.៦៨ពាន់លានដុល្លារសិង្ហបុរី ស្មើនឹង ១.៩៩ពាន់លានដុល្លារអាមេរិក ធៀបនឹងប្រាក់ចំណេញ ២.១៦ពាន់លានសិង្ហបុរី បើគិតត្រឹមដំណាច់ខែមីនា ឆ្នាំ២០២៤។ ទន្ទឹមនឹងនេះដែរ ក្រុមហ៊ុន បានប្រកាសពីការបែងចែកភាគលាភចំនួន ០.៣៨ដុល្លារសិង្ហបុរី សម្រាប់ម្ចាស់ហ៊ុនម្នាក់ៗ ដែលខ្ពស់ជាងឆ្នាំមុន ដែលមានត្រឹមតែ ០.២៨ដុល្លារសិង្ហបុរី។ […]