តើការប្រើប្រព័ន្ធឌីជីថលបង្កើនប្រសិទ្ធភាពសំណង់រថភ្លើងខ្នាតយក្សនៅអង់គ្លេសដូចម្ដេច?
Arcadis ដែលជាក្រុមហ៊ុនដឹកនាំលំដាប់ពិភពលោកក្នុងផ្នែកហេដ្ឋារចនាសម្ព័ន្ធ ថ្មីៗបានបង្ហើបថាអាថ៌កំបាំងនៃភាពជោគជ័យក្នុងការសាងសងផ្លូវរថភ្លើងខ្នាតយក្សនៅប្រទេសអង់គ្លេសគឺមិនមែនដោយសារតែការប្រើគ្រឿងចក្រទំនើបៗនោះ ប៉ុន្តែគន្លឹះសំខាន់បំផុតគឺជាប្រព័ន្ធឌីជីថល និងបុគ្គលិកដែលស្ទាត់ជំនាញក្នុងការប្រើប្រាស់ប្រព័ន្ធឌីជីថលទាំងនោះ។ លោក Andrew Germain នាយករងបច្ចេកទេសនៅក្រុមហ៊ុន Arcadis ថ្មីៗនេះបានចែករំលែកអំពីរបៀបក្រុមហ៊ុនរបស់លោកកំពុងប្រើប្រាស់កម្មវិធី 3D កម្រិតខ្ពស់ ដើម្បីកែលម្អបណ្តាញផ្លូវរថភ្លើងនៅចក្រភពអង់គ្លេស។ តាមរយៈការផ្លាស់ប្តូរពីការគូរប្លង់លើក្រដាសបែប 2D ហើយមកប្រើបច្ចេកវិទ្យា “Digital Twins” និងការរចនាម៉ូដ 3D ក្រុមការងារអាចស្វែងរកកំហុសបានតាំងពីមុនពេលចាប់ផ្តើមសាងសង់ម៉្លេះ។ ការផ្លាស់ប្តូរទៅរកវិស្វកម្មឌីជីថល មិនមែនគ្រាន់តែដើម្បីភាពស្រស់ស្អាតនៃរូបភាពប៉ុណ្ណោះទេ ប៉ុន្តែវាគឺជាការសន្សំសំចៃ និងប្រសិទ្ធភាព។ ជាក់ស្តែងក្នុងគម្រោងតែមួយ ក្រុមការងារបានកំណត់អត្តសញ្ញាណ និងកែសម្រួល “ចំណុចជាន់គ្នា” (ការរចនាដែលជាន់គ្នា) តាមប្រព័ន្ធឌីជីថលបានជាង ២៦,០០០ ចំណុច ដែលជួយការពារកំហុសឆ្គងដែលមានតម្លៃថ្លៃបំផុតក្នុងកំឡុងពេលសាងសង់។ លើសពីនេះ ការប្រើប្រាស់ឧបករណ៍ឌីជីថលដើម្បីបង្កើតជារូបភាពរស់រវើក (Animation) នៃទិដ្ឋភាពរបស់អ្នកបើកបររថភ្លើង បានកាត់បន្ថយការចុះពិនិត្យទីតាំងផ្ទាល់ដល់ទៅ ៩០% ដែលជួយកាត់បន្ថយហានិភ័យដល់បុគ្គលិក និងការបិទផ្លូវរថភ្លើងយ៉ាងច្រើន។ បន្ថែមពីនេះ ឧបករណ៍ដូចជា MicroStation បានជួយឱ្យការងារដែលធ្លាប់ចំណាយពេលរាប់សប្តាហ៍ ឱ្យមកនៅត្រឹមតែប៉ុន្មានថ្ងៃប៉ុណ្ណោះ។ ឧទាហរណ៍នៃការប្រើប្រាស់ប្រព័ន្ធឌីជីថលមួយគឺគម្រោងពង្រឹងហេដ្ឋារចនាសម្ព័ន្ធ Cambridge South។ គម្រោងនេះគ្រោងនឹងបើកដំណើរការនៅដើមឆ្នាំ ២០២៦ ដែលរួមមានការធ្វើឱ្យប្រសើរឡើងនូវផ្លូវរថភ្លើងប្រវែង ៣ […]
ចិននឹងប្រែក្លាយកម្ពុជាឱ្យទៅជាមជ្ឈមណ្ឌលផលិតឆ្លាតវៃ និងបណ្តុះបណ្តាលផ្នែករ៉ូបូតក្នុងតំបន់
កិច្ចព្រមព្រៀងពេលប្រាំឆ្នាំ ដើម្បីបង្កើនការបណ្តុះបណ្តាលវិជ្ជាជីវៈ និងជំនាញបច្ចេកវិទ្យារហូតដល់ឆ្នាំ ២០៣០ លើវិស័យផលិតកម្មឆ្លាតវៃ និងរ៉ូបូត ក្រសួងការងារ និងបណ្ដុះបណ្ដាលវិជ្ជាជីវៈ និងក្រុមហ៊ុន JIANGSU HUIBO ROBOTICS TECHNOLOGY CO., LTD. បានចុះអនុស្សរណៈនៃការយោគយល់គ្នា (MoU) ដើម្បីរួមគ្នាប្រែក្លាយកម្ពុជាឱ្យទៅជាមជ្ឈមណ្ឌលផលិតឆ្លាតវៃ និងការបណ្តុះបណ្តាលផ្នែករ៉ូបូតក្នុងតំបន់។ ការចុះ MoU នេះបានធ្វើឡើងដោយឯកឧត្ដម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងលោក Cui Xiaohui អនុប្រធានជាន់ខ្ពស់នៃក្រុមហ៊ុន JIANGSU HUIBO ROBOTICS TECHNOLOGY CO., LTD. កាលថ្ងៃទី២៥ ខែកុម្ភៈ ឆ្នាំ២០២៦។ ការចុះ MoU ជាមួយក្រុមហ៊ុនឈានមុខគេមួយរបស់ប្រទេសចិនលើឯកទេសបច្ចេកវិទ្យា និងឧបករណ៍ឆ្លាតវៃនេះ មានរយៈពេល ៥ឆ្នាំ (២០២៦-២០៣០) ក្នុងកម្មវត្ថុបង្កើតភាពជាដៃគូយុទ្ធសាស្ត្រក្នុងការប្រែក្លាយកម្ពុជាឱ្យទៅជាមជ្ឈមណ្ឌលផលិតឆ្លាតវៃ និងការបណ្តុះបណ្តាលផ្នែករ៉ូបូតក្នុងតំបន់ លើកកម្ពស់គុណភាពវិស័យអប់រំបណ្ដុះបណ្ដាលបច្ចេកទេស និងវិជ្ជាជីវៈ (TVET) ជំរុញកម្មវិធីសិក្សាទទួលបានសញ្ញាបត្រពីរ និងជាការទទួលស្គាល់គុណវុឌ្ឍិទៅវិញទៅមករវាងគ្រឹះស្ថានសិក្សាកម្ពុជា និងចិន។ កិច្ចសហប្រតិបត្តិការនេះ […]
អគារ«សារមន្ទីរតេជោសន្តិភាព»ខេត្តសៀមរាប តម្លៃ១៧លានដុល្លារ បានបញ្ចប់ការសាងសង់ហើយ
អគារសារមន្ទីរតេជោសន្តិភាព ដែលមានតម្លៃ ២.៤៥២លានយ៉េន ស្មើនិងប្រមាណ ១៧លានដុល្លារអាមេរិក នៅក្នុងខេត្តសៀមរាម ដែលជាជំនួយហិរញ្ញប្បទានឥតសំណងរបស់រាជរដ្ឋាភិបាលនិងប្រជាជនជប៉ុន បានបញ្ចប់ការសាងសង់ជាផ្លូវការហើយ។ នេះបើយោងតាមហ្វេសប៊ុករបស់ឯកឧត្តម ហេង រតនា អគ្គនាយក CMAC កាលពីថ្ងៃទី២ ខែមីនា ឆ្នាំ២០២៦។ ឯកឧត្តម ហេង រតនា អគ្គនាយកCMAC បានឱ្យដឹងថា អគារសារមន្ទីរតេជោសន្តិភាព ខេត្តសៀមរាប ត្រូវបានរៀបចំពិធីបញ្ចប់ការសាងសង់ និងផ្ទេរ-ប្រគល់អគារសន្ដិភាព ដែលមានទំហំ ៥២x៥២ម៉ែត្រ ២ជាន់ មានកម្ពស់១៧ម៉ែត្រ ព្រមទាំងមានប្លង់បានខឿនអគារទំហំ ១០៨មx១០៨ម៉ែត្រ ដែលមានក្រឡាផ្ទៃសរុបចំនួន ៤.០១២ម៉ែត្រក្រឡា សាងសង់លើផ្ទៃដីសារមន្ទីរតេជោសន្តិភាពទាំងមូលសរុបប្រមាណ ១៤,៨ហិកតា។ ឯកឧត្តមបន្ថែមថា សំណង់អគារនេះ ជាជំនួយហិរញ្ញប្បទានឥតសំណងរបស់រាជរដ្ឋាភិបាល និងប្រជាជនជប៉ុន តាមរយៈJICA ផ្ដល់ជូនរាជរដ្ឋាភិបាលកម្ពុជា ដើម្បីគាំទ្រដល់អង្គភាព CMAC។ អគារសន្ដិភាពនេះសាងសងដោយក្រុមហ៊ុនជប៉ុន Sato Kogyo Co., Ltd ដែលបានចាប់ផ្តើមកាលពីដើមឆ្នាំ២០២៤ ហើយបានបញ្ចប់ការសាងសង់និងប្រារព្ធពិធីផ្ទេរ-ប្រគល់សំណង់នៅថ្ងៃទី២ ខែមីនានេះ។ ឯកឧត្តមបញ្ជាក់ថា ពិធីផ្ទេរប្រគល់ និងប្រកាសដាក់ឱ្យប្រើប្រាស់ជំនួយនេះជាផ្លូវការនឹងប្រព្រឹត្តិទៅនាពេលខាងមុខ នៅពេលវេលាសមស្របដែលការរៀបចំខ្លឹមសារ […]
មានអ្វីពិសេស! បានជាបុរី ប៉េង ហួត បើកលក់ Pre-Sale គម្រោងថ្មី ភ្លាម មានអតិថិជនកក់ច្រើនបែបនេះ?
នៅថ្ងៃទី ៦-៧-៨ ខែមីនា ឆ្នាំ២០២៦ នេះ បុរី ប៉េង ហួត បានធ្វើកម្មវិធី Pre-Sale គម្រោងថ្មីមួយដែលមានឈ្មោះថា ភូមិនិមិ្មត ដែលមានទីតាំងក្នុងខណ្ឌច្បារអំពៅ ដែលជាតំបន់ដ៏មានសក្ដានុពលសេដកិច្ចខ្លាំងក្លាមួយ។ ក្នុងកម្មវិធីនេះមានអតិថិជនបានចូលរួមយ៉ាងច្រើនកុះករ ដើម្បីសាកសួរព័ត៌មាន ហើយក៏បានកក់ផ្ទះភ្លាមៗ ដើម្បីជ្រើសរើសយកទីតាំងពិសេសៗមុនគេ និងអាចបន្ថែមទំហំដីទៅតាមតម្រូវការ ដែលជាឱកាសតែម្ដងគត់នៅក្នុងការលក់គម្រោងថ្មីនេះ។ លើសពីនេះអតិថិជនក៏ទទួលបានប្រូម៉ូសិនចំណេញដ៏ច្រើនដូចជា៖ បញ្ចុះតម្លៃរបស់រហូតដល់ ១០% ទទួលបានការបញ្ចុះតម្លៃ Extra បន្ថែមពីលើនេះ រហូតដល់ ២ម៉ឺនដុល្លារ ភ្លាមៗ និងឱកាសកោសកាតដើម្បីទទួលបានការបញ្ចុះតម្លៃបន្ថែមមួយតង់ទៀត។ ឱកាសដ៏ពិសេសជាមួយគម្រោងថ្មី ភូមិនិម្មិត នេះនៅសល់រយៈពេល 2 ថ្ងៃទៀត សម្រាប់អតិថិជនដែលមិនទាន់បានចូលរួម។ ដូចនេះប្រសិនជាលោកអ្នកកំពុងស្វែងរកឱកាសចំណេញជាមួយបុរី ប៉េង ហួត សូមកុំឱ្យឱកាសដ៏ល្អនេះកន្លងផុតទៅ។ សូមបញ្ជាក់ផងដែរថា គម្រោង ភូមិនិម្មិត មានទីតាំងក្នុងដំណាក់កាលទី ៣ នៃគម្រោង ហ្គ្រេនស្ដា ផ្លាទីនីម ក្នុងតំបន់បឹងស្នោ សង្កាត់ច្បារអំពៅ ដែលតំបន់ដ៏មានសក្ដានុពលមួយក្នុងរាជធានីភ្នំពេញ។ គម្រោងថ្មីនេះ ជាចំណុចកណ្ដាលរវាងតំបន់ ៦០ ម៉ែត្រ […]
តម្លៃផ្ទះថ្មីក្នុងប្រទេសធ្លាក់ចុះខ្លាំងមិនធ្លាប់មានសម្រាប់រយៈពេល៣ឆ្នាំចុងក្រោយ
ខណៈតម្លៃផ្ទះថ្មីធ្លាក់ចុះដល់កម្រិតទាបបំផុតក្នុងរយៈពេល៣ឆ្នាំនាខែកុម្ភៈ ការវិភាគប្រកបដោយវិជ្ជាជីវៈបានបង្ហាញពីនិន្នាការថ្មីសម្រាប់វិនិយោគិនសកល និងអ្នកតាមដានទីផ្សារ វិស័យអចលនទ្រព្យលំនៅឋានក្នុងប្រទេសចិនកំពុងស្ថិតក្នុងដំណាក់កាលអន្តរកាលដ៏សំខាន់មួយ ដែលផ្ដល់ឱកាសឱ្យអ្នកវិភាគទីផ្សារ និងវិនិយោគិនយុទ្ធសាស្ត្រអាចវាយតម្លៃលើតម្លៃអចលនទ្រព្យក្នុងរយៈពេលវែង។ យោងតាមការស្ទង់មតិឯកជនមួយដែលត្រូវបានចេញផ្សាយដោយទីភ្នាក់ងារសារព័ត៌មាន Reuters កាលពីថ្ងៃទី ២៨ ខែកុម្ភៈ ឆ្នាំ ២០២៦ តម្លៃផ្ទះថ្មីនៅក្នុងទីក្រុងចំនួន ១០០ បានធ្លាក់ចុះបន្តិចបន្តួចប្រមាណ ០,០៤ ភាគរយ នៅក្នុងខែកុម្ភៈ បើធៀបនឹងខែមុន។ ទិន្នន័យនេះត្រូវបានចងក្រងដោយវិទ្យាស្ថាន China Index Academy ដែលបង្ហាញពីការធ្លាក់ចុះប្រចាំខែខ្លាំងបំផុតចាប់តាំងពីខែធ្នូ ឆ្នាំ ២០២២ ហើយវាបានប្រែត្រឡប់មកវិញនូវកំណើនតិចតួច ០,១៨ ភាគរយដែលបានកត់ត្រាកាលពីខែមករា។ បរិយាកាសទីផ្សារនាពេលបច្ចុប្បន្នត្រូវបានកំណត់ដោយការដាក់ចេញនូវគោលនយោបាយគាំទ្រជាច្រើន ដើម្បីជំរុញតម្រូវការឡើងវិញ។ មជ្ឈមណ្ឌលសេដ្ឋកិច្ចសំខាន់ៗដូចជាទីក្រុងស៊ាងហៃ បានដាក់ចេញនូវវិធានការថ្មីៗនាពេលថ្មីៗនេះ រួមមានការបន្ធូរបន្ថយការរឹតត្បិតលើការទិញផ្ទះ និងការផ្ដល់លទ្ធភាពទទួលបានប្រាក់កម្ចីទិញផ្ទះក្នុងកម្រិតខ្ពស់សម្រាប់អ្នកទិញដែលមានលក្ខណៈសម្បត្តិគ្រប់គ្រាន់។ សកម្មភាពទាំងនេះគឺជាផ្នែកមួយនៃកិច្ចខិតខំប្រឹងប្រែងដើម្បីរៀបចំការរំពឹងទុករបស់ទីផ្សារឡើងវិញ និងជំរុញការប្រើប្រាស់។ ទោះបីជាអ្នកជំនាញដូចជាលោក Larry Hu មកពីក្រុមប្រឹក្សា Macquarie Group យល់ឃើញថា វិធានការបែបនេះអាចនឹងផ្ដល់ការជំរុញក្នុងរយៈពេលខ្លីក៏ដោយ ប៉ុន្តែវាបានបង្ហាញពីការប្តេជ្ញាចិត្តរបស់រដ្ឋាភិបាលក្នុងការធ្វើឱ្យវិស័យនេះមានស្ថិរភាពឡើងវិញ។ សម្រាប់អ្នកដែលកំពុងតាមដាននិន្នាការអចលនទ្រព្យអន្តរជាតិ ទិន្នន័យតម្លៃផ្លូវការសម្រាប់ទីក្រុងចំនួន ៧០ ដែលគ្រោងនឹងចេញផ្សាយនៅថ្ងៃទី ១៦ ខែមីនា នឹងផ្ដល់នូវភាពច្បាស់លាស់បន្ថែមទៀតអំពីទិសដៅរបស់ទីផ្សារ។ ចាប់តាំងពីវិស័យនេះបានចាប់ផ្ដើមដំណាក់កាលកែសម្រួលក្នុងឆ្នាំ […]
អគារមជ្ឈមណ្ឌលបេះដូងខេត្តសៀមរាប ស្តង់ដាទំនើប តម្លៃជាង ២លានដុល្លារ ដាក់ឱ្យដំណើរការហើយ
អគារមជ្ឈមណ្ឌលបេះដូងខេត្តសៀមរាប និងការបំពាក់ឧបករណ៍វេជ្ជសាស្រ្តទំនើបៗកម្រិតស្តង់ដា ដែលចំណាយទឹកប្រាក់ជាង ២លានដល្លារអាមេរិក បានបើកសម្ពោធដាក់ឱ្យប្រើប្រាស់ជាផ្លូវការ កាលថ្ងៃទី ២៦ ខែកុម្ភៈ ឆ្នាំ២០២៦នេះ ក្រោមអធិបតីភាព ឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល។ ឯកឧត្តម ឈាង រ៉ា បានលើកឡើងថា មជ្ឈមណ្ឌលបេះដូង ដែលកំពុងសម្ពោធនាពេលនេះ គឺជាការចូលរួមដ៏សំខាន់ក្នុងការឆ្លើយតប និងចូលរួមដោះស្រាយបញ្ហាជម្ងឺបេះដូង ជាពិសេសជម្ងឺស្ទះសរសៃឈាមបេះដូង ជាឃាតករស្ងាត់និងជាមូលហេតុចម្បងមួយនៃមរណភាពនៅកម្ពុជា ដែលនឹងផ្តល់ជាអត្ថប្រយោជន៍ សម្រាប់ប្រជាជនខេត្តសៀមរាប និងប្រជាជននៅតាមបណ្តាខេត្តជុំវិញផងដែរ ។ ឆ្លៀតក្នុងឱកាសនេះ ដើម្បីលើកកម្ពស់សុខាភិបាលខេត្តបន្ថែមទៀត ឯកឧត្តមក៏បានណែនាំ ដល់ថ្នាក់ដឹកនាំសុខាភិបាល និងមន្រ្តីសុខាភិបាលទូទាំងខេត្តសៀមរាប ត្រូវយកចិត្តទុកពង្រឹងគុណភាពសេវា និងក្រមសីលធម៌វិជ្ជាជីវៈបន្ថែមផងដែរ។ សូមជម្រាបដែរថា អគារមជ្ឈមណ្ឌលបេះដូងខេត្តសៀមរាប ដែលបានបំពាក់ឧបករណ៍ វេជ្ជសាស្រ្តទំនើបៗកម្រិតស្តង់ដាដែលបានសាងសង់រួចក្នុងទំហំទឹកប្រាក់ ២ ៤៣៧ ៤៨៦ដុល្លាអាមេរិក គឺសាងសង់ឡើងក្រោមជំនួយរបស់សមាគមសាសនាចក្រនៃព្រះយ៉េស៊ូគ្រីស្គនៃពួកបរិសុទ្ធថ្ងៃចុងក្រោយ ស្ថិតក្នុងមន្ទីរពេទ្យបង្អែកខេត្តសៀមរាប។ រដ្ឋបាលខេត្តសៀមរាប បានចាត់ទុកថា ការបង្កើតឱ្យមានសេវាសង្គ្រោះ និងព្យាបាលអ្នកជម្ងឺបេះដូងនៅក្នុងមន្ទីរពេទ្យបង្អែកខេត្តសៀមរាប ជាឆ្លុះបញ្ចាំងពីការយកចិត្តទុកដាក់ខ្ពស់ លើការលើកកម្ពស់សុខុមាលភាពប្រជាពលរដ្ឋ ក្នុងការចូលរួមចំណែកអភិវឌ្ឍវិស័យសុខាភិបាលនៅកម្ពុជាឱ្យកាន់តែប្រសើរឡើងថែមទៀត៕ - Video Advertisement -