តើ BIM ជួយការងារសាងសង់ដោយរបៀបណា?

២៦ សីហា ២០១៦
ព័ត៌មានក្នុងស្រុក
1819 មើល

បច្ចុប្បន្ននេះ គំរូព័ត៌មានសំណង់ (BIM) គឺជាប្រព័ន្ធនាំមុខគេក្នុងការបម្រើឧស្សាហកម្មសំណង់អគារសកល ក្នុងអំឡុងពេលនៃការសាងសង់។ ទស្សនាវដ្តីសំណង់ និងអចលនទ្រព្យបានធ្វើការសម្ភាសន៍ជាមួយលោក Kaushik Chakraborty អនុប្រធានផ្នែកប្រព័ន្ធ Bentley ប្រចាំតំបន់អាស៊ីអាគ្នេយ៍ ដែលនាំមុខគេក្នុងផ្នែកដំណោះស្រាយ Software សម្រាប់កិច្ចការស្ថាបត្យកម្ម និងវិស្វកម្មនៅក្នុងពិភពលោក អំពីថាតើ BIM អាចជួយដល់ការងារសាងសង់ដោយរបៀបណា។

តើសេវាកម្មរបស់ Bentley ដែលទាក់ទងនឹងការសាងសង់សំណង់អគារមានអ្វីខ្លះ?

នៅជុំវិញពិភពលោក វិស្វករ ស្ថាបត្យករ និងអ្នកសាងសង់ កំពុងប្រើប្រាស់កម្មវិធី Software របស់ Bentley ដើម្បីពន្លឿនការចែកចាយគម្រោង និងបង្កើតផលចំណេញពីការវិនិយោគ (ROI) របស់ពួកគេ ។ កម្មវិធី software របស់ Bentley’s CONNECT Edition បានផ្តល់ជូននូវបរិស្ថានដូចគ្នាមួយដើម្បីធ្វើឲ្យប្រសើរឡើងនូវការចែកចាយ និងការបង្ហាញនូវគម្រោងហេដ្ឋារចនាសម្ព័ន្ធពីការរចនា ចាប់ពីការសាងសង់រហូតដល់ការដំណើរការ។ យើងកំពុងបន្តបញ្ចេញនូវកម្មវិធី CONNECT Edition របស់យើង ហើយក្នុងចំណោមកម្មវិធីទាំងនោះ កម្មវិធីដែលអាចរកបានបច្ចុប្បន្នគឺ ProjectWise CONNECT Edition ដែលជាដំណោះស្រាយចែករំលែកការងារជាយុទ្ធសាស្ត្ររបស់ Bentley សម្រាប់គាំទ្រដល់ខ្សែសង្វាក់ផ្គត់ផ្គង់គម្រោងទាំងមូល; Bentley EADOC ដែលជាដំណោះស្រាយសម្រាប់ការគ្រប់គ្រងគម្រោងសាងសង់ និងការគ្រប់គ្រងកិច្ចសន្យានៅក្នុងប្រព័ន្ធលំហ (Cloud-based); កម្មវិធីរុករក ដែលអាចជួយដល់ការពិនិត្យឡើងវិញនូវ BIM និងការដាក់ចេញនូវដោះស្រាយបញ្ហា និងកញ្ចប់ការងារកម្រិតខ្ពស់ ដែលធ្វើឲ្យប្រតិបត្តិការសាងសង់កាន់តែសាមញ្ញ និងមានប្រសិទ្ធភាព ។ Bentley នឹងធ្វើឱ្យមានភាពប្រសើរឡើងបន្តទៀតក្នុងការផ្តល់ជូនរបស់ខ្លួនដើម្បីផ្គង់ផ្គង់យ៉ាងពេញលេញនូវតម្រូវការវិវត្តនៃឧស្សាហកម្មរបស់សហគមន៍សេដ្ឋកិច្ចអាស៊ាន។

តើអ្វីជាគំរូព័ត៌មានសំណង់ (BIM)? តើវាអាចជួយយ៉ាងដូចម្តេចក្នុងអំឡុងពេលសាងសង់? តើអ្វីដែលធ្វើឱ្យ BIM ល្អប្រសើរជាងដំណោះស្រាយកម្មវិធីសំណង់ស្រដៀងគ្នាផ្សេងទៀត?

វិធីសាស្ត្រ BIM របស់ Bentley អាចត្រូវបានចាត់ទុកដូចជាសំណុំនៃដំណើរការសម្របសម្រួល ដែលត្រូវបានគាំទ្រដោយបច្ចេកវិទ្យាដែលផ្តល់តម្លៃបន្ថែមដល់ BIM តាមរយៈការបង្កើត គ្រប់គ្រង និងការចែករំលែកគុណភាពនៃទ្រព្យសកម្មពេញមួយវត្តជីវិតរបស់វា។ អត្ថប្រយោជន៍នៃការទទួលយកដំណើរការ BIM នេះកំពុងក្លាយជារឿងដែលមិនអាចមើលរំលងបាន ប្រសិនបើអង្គភាពនៅតែចង់មានលក្ខណៈប្រកួតប្រជែង។ តាមរយៈការរួមបញ្ចូលគ្នានូវមនុស្ស ដំណើរការ និងបច្ចេកវិទ្យា ការរីកចំរើនរបស់ BIM បានជំរុញកិច្ចសហប្រតិបត្តិការក្នុងការរចនាការកាត់បន្ថយការធ្វើការឡើងវិញ និងការបង្កើនផលិតភាព ដែលធ្វើឲ្យការសាងសង់នូវអចលនទ្រព្យកាន់តែល្អប្រសើរជាងមុន។ ដើម្បីជាការឆ្លើយតបទៅនឹងសំណើរបស់អ្នកប្រើប្រាស់ក្នុងការទទួលបានវិធីដែលមានភាពងាយស្រួលដើម្បីអនុវត្ត BIM និងការពិនិត្យឡើងវិញនូវសំណង់ Bentley បានផ្តល់ជូននូវបច្ចេកវិទ្យាដែលរួមបញ្ចូលនូវម៉ូដែលទិន្នន័យសម្បូរបែបជាមួយនិងព័ត៌មានគម្រោង ដើម្បីកសាងភាពតំណាងជាក់ស្តែងនៃអចលនទ្រព្យ។ បន្ទាប់មកវិស្វករមានសមត្ថភាពក្នុងការធ្វើតេស្តពីភាពដែលអាចសាងសង់បាន ការបង្ហាញចេញ និងគំរូដែលមានស្ថេរភាព មុនពេលការងារជាក់ស្តែងចាប់ផ្តើម កាត់បន្ថយកំហុសក្នុងការរចនា និងចំណាយលើការងារសាងសង់ឡើងវិញ និងអាចធ្វើឱ្យអ្នកសាងសង់អាចសាងសង់នូវអគារដែលប្រើប្រាស់បានយូរបំផុត និងអចលនកម្មបៃតង។

គម្រោងសាងសង់បែបណាដែលអាចយក BIM ទៅអនុវត្តបាន? តើលក្ខណៈពិសេសត្រង់ណានៃគម្រោងសាងសង់អគារ ដែល BIM តែងតែផ្តោតលើ?

គួរតែនិយាយថាវិធីសាស្ត្រ BIM មិនមានកំណត់នោះទេសម្រាប់សំណង់អគារ វាត្រូវបានយកទៅអនុវត្តនៅក្នុងគម្រោងហេដ្ឋារចនាសម្ព័ន្ធគ្រប់ប្រភេទ និងគ្រប់ទំហំ។ គម្រោងដែលបង្ហាញជាឧទាហរណ៍នៃការអនុវត្តទទួលបានជោគជ័យនៃដំណើរការ BIM គឺជាអគារស្ថានីយចេញដំណើររបស់អាកាសយាន្តដ្ឋានអន្តរជាតិថ្មីរបស់ទីក្រុង Abu Dhabi ។ គម្រោងដែលមានតម្លៃ ៣.២ ពាន់លានដុល្លារ ទាមទារឲ្យមានការប្រើប្រាស់វិធីសាស្ត្រ BIM ដើម្បីសាងសង់អគារទំហំ 750,000 square-foot។ Project Wise បើកឲ្យក្រុមហ៊ុន Consolidated Contractors Company (CCC) ជាអ្នកគ្រប់គ្រងការសាងសង់លើគម្រោងនេះ ដើម្បីបង្កើតជាទិន្នន័យរួម និងគំរូបរិស្ថាន ហើយជាមួយដំណើរការ BIM ធ្វើការទំនាក់ទំនងព័ត៌មានគម្រោងជាមួយភាគីពាក់ព័ន្ធ។ កិច្ចការនេះធ្វើឲ្យសមាជិកក្រុមអាចចូលទៅកាន់គំរូ និងទិន្នន័យមិនថាគេស្ថិតនៅទីតាំងណានោះទេ ហើយមានសុវត្ថិភាពផ្នែកចំណេះដឹងដោយដឹងថាពួកគេមាននូវព័ត៌មានថ្មីបំផុត។ ដោយប្រើប្រាស់ AECOsim Building Designer និងផលិតផល Navigator របស់ Bentley ក្រុមការងារនេះអាចទាញយកទិន្នន័យដែលបានរក្សាទុកនៅក្នុង Project Wise ហើយអនុវត្តការរកមើលនូវការប៉ះទង្គិចដោយស្វ័យប្រវត្តិ ការដោះស្រាយ និងការសម្របសម្រួលការរចនា។ វិធីសាស្ត្រ BIM របស់ CCC បាននាំមកនូវផលចំណេញពីការវិនិយោគ (ROI) ដ៏អស្ចារ្យ ឧទាហរណ៍ ការរកឃើញនូវការប៉ះទង្គិចដោយស្វ័យប្រវត្តិបានកាត់បន្ថយនូវការចំណាយ និងពេលវេលាជាច្រើន ហើយជួយឱ្យក្រុមហ៊ុនសន្សំបាន ៥ លានដុល្លារ និង ៩០០ម៉ោង ដោយគ្រាន់តែលុបបំបាត់នូវការប៉ះទង្គិចគ្នាដ៏ធំមួយលើគម្រោង។

BIM ក៏ត្រូវបានយកទៅអនុវត្តក្នុងការពង្រីកស្ថានីយចេញដំណើរនៅអាកាសយានដ្ឋានអន្តរជាតិភ្នំពេញផងដែរ។ តើប្រព័ន្ធនេះជួយដល់ដំណើរការសាងសង់អាកាសយានដ្ឋានយ៉ាងដូចម្តេចដែរ?

អាកាសយានដ្ឋាន គឺជាគម្រោងដែលមានភាពស្មុគស្មាញ ដោយសារតែមានគោលការណ៍ប្រតិបត្តិការងារផ្សេងគ្នាត្រូវបានរួមបញ្ចូលនៅក្នុងគម្រោង។ វាត្រូវបានគេប៉ាន់ប្រមាណថាអាចមានប្រព័ន្ធខុសគ្នាពី ៤០ រហូតដល់ទៅ ៥០ នៅក្នុងអាកាសយានដ្ឋានមួយ បើធៀបទៅនឹងគម្រោងពាណិជ្ជកម្មដែលមានប្រព័ន្ធខុសគ្នាត្រឹមតែ ១០ ទៅ ១៥ ប៉ុណ្ណោះ។ ដូចនេះ តួនាទីរបស់ BIM មានសារៈសំខាន់ក្នុងការរួមបញ្ចូលនូវការរចនានៃប្រព័ន្ធទាំងនេះ ការរៀបចំឯកសារទ្រព្យសម្បត្តិ និងការសម្របសម្រួល ការសហការណ៍គ្នារវាងភាគីពាក់ព័ន្ធនានាដែលទាក់ទងក្នុងការរចនា ការសាងសង់ និងការដាក់ចេញនូវដំណើរការនៃហេដ្ឋារចនាសម្ព័ន្ធ ។

អាកាសយានដ្ឋានដែលត្រូវបានចាត់ទុកជាច្រកផ្លូវទៅកាន់ប្រទេសមួយ ត្រូវរួមបញ្ចូលគ្នានូវការរចនាប្រកបដោយសោភ័ណភាព មានផាសុកភាព និងការរចនាលើទីកន្លែងទំនេរយ៉ាងមានប្រសិទ្ធភាព។ ដូចគ្នានឹងស្ថានីយចេញដំណើររបស់មធ្យាបាយដទៃទៀតដែរ ឧទាហរណ៍ ស្ថានីយរថភ្លើង ជាដើម អាកាសយានដ្ឋានចាំបាច់ត្រូវមើលថែទាំជាប្រចាំ ដើម្បីសម្រេចបាននូវប្រសិទ្ធភាពការងារជាអតិបរមា មានផាសុកភាព និងសន្តិសុខដល់អ្នកប្រើប្រាស់អាកាសយានដ្ឋាន ហើយមានការរំខានតិចតួចបំផុតតាមដែលអាចធ្វើទៅបាន។

វិធីសាស្ត្រ BIM ផ្តល់នូវសមត្ថភាពក្នុងការរចនា ការមើលឃើញ និងការចម្លងយកនូវស្ថាបត្យកម្ម វិស្វកម្ម និងសមាសធាតុសាងសង់នៃគម្រោងមួយដាក់លើប្រព័ន្ធឌីជីថល។ នៅក្នុងការធ្វើដូច្នេះ វាអាចផ្តល់នូវការយល់ដឹងយ៉ាងលម្អិត និងសំខាន់អំពីថាតើគម្រោងមួយអាចដំណើរការនៅក្រោមលក្ខខណ្ឌច្រើនដោយរបៀបណា ។ លទ្ធផលនេះគឺថាការរចនាមួយអាចត្រូវបានធ្វើឱ្យប្រសើរ ខាងផ្នែកតម្លៃ សុវត្ថិភាព ការដឹកជញ្ជូន ឬសោភ័ណភាព និងអ្វីដែលយើងហៅថា \’Optioneering\’ នៅ Bentley។

កម្មវិធីនៃដំណើរការ BIM នេះមិនបញ្ឈប់នៅពេលបញ្ចប់គម្រោងនោះទេ។ ព័ត៌មានជាច្រើនដែលមានតម្លៃសម្រាប់ម្ចាស់អចលនទ្រព្យ នៅក្នុងអំឡុងពេលដំណាក់កាលដំណើរការ និងដំណាក់កាលថែទាំ ត្រូវបានបង្កើតឡើងក្នុងពេលរចនា និងពេលសាងសង់។

នេះជាការពិតដែលជាញឹកញាប់ត្រូវបានគេបំភ្លេចចោល ឬមិនអើពើ ដោយសារតែភាពមានកម្រិតនៃបច្ចេកវិទ្យា ឬដោយសារតែវាជារឿងធម្មតាទៅហើយ។ តាមរយៈច្ចេកវិទ្យាសាមញ្ញដែលដំណោះស្រាយ ProjectWise និង AssetWise ត្រូវបានផ្តល់ជូន Bentley ភ្ជាប់ដំណាក់កាលនៃវត្តជីវិតអចលនទ្រព្យទាំងនេះ ឧទាហរណ៍សមត្ថភាពភ្ជាប់គំរូសាងសង់ឌីជីថលជាមួយ និងប្រព័ន្ធគ្រប់គ្រងអចលនទ្រព្យ ហើយអាចផ្តល់នូវការសម្រេចដែលល្អប្រសើរជាងមុននៅក្នុងពេលដំណើរការ។

តើបច្ចុប្បន្ននេះនៅក្នុងប្រទេសកម្ពុជា មិនមានគម្រោងសាងសង់ច្រើនទេដែលប្រើប្រាស់ BIM? តើអ្វីដែលលោកចង់ឃើញមានការផ្លាស់ប្តូរនៅក្នុងគម្រោងសាងសង់ក្នុងប្រទេសកម្ពុជា?

ប្រទេសកម្ពុជាជាប្រទេសសេដ្ឋកិច្ចថ្មី និងកំពុងរីកចម្រើន ជាមួយនឹងតម្រូវការយ៉ាងច្រើននូវហេដ្ឋារចនាសម្ព័ន្ធថ្មីៗ ដែលនេះផ្ដល់នូវឱកាសដើម្បីពង្រីកបច្ចេកវិទ្យាថ្មី និងដំណើរការ BIM ដែលអាចជួយរចនា និងកសាងហេដ្ឋារចនាសម្ព័ន្ធដែលមានប្រសិទ្ធិភាព។ វិធីសាស្ត្រ BIM មិនមែនជាគំនិតថ្មីនៅក្នុងប្រទេសកម្ពុជានោះទេ ។ វាត្រូវបានគេកំណត់ភាគច្រើនថា ត្រូវបានប្រើប្រាស់សម្រាប់គម្រោងហេដ្ឋារចនាសម្ព័ន្ធធំៗ ការផ្គត់ផ្គង់ទឹក ការគ្រប់គ្រងទឹកសំណល់ និងឧបករណ៍ប្រើប្រាស់ដូចជាគម្រោងអគ្គិសនី និងទូរគមនាគមន៍ ដែលផ្តល់មូលនិធិ និងគ្រប់គ្រងដោយរដ្ឋាភិបាល។ ការអភិវឌ្ឍនៃបច្ចេកវិទ្យា BIM និងការរីកសាយនៃដំណើរការ និងបទដ្ឋានឥឡូវនេះ បានធ្វើឱ្យ BIM កាន់តែមានតម្លៃសមរម្យ និងអាចប្រើប្រាស់បានដោយគម្រោងតូចៗ។ ជាមួយនឹងការចូលខ្លួនរបស់ប្រទេសកម្ពុជាទៅកាន់ទីផ្សារកម្រិតខ្ពស់បន្ថែមទៀត ដូចជាប្រទេសសិង្ហបុរី និងម៉ាឡេស៊ី BIM មានឥទ្ធិពលទៅលើគម្រោងនៅក្នុងប្រទេសកម្ពុជា ហើយនាពេលអនាគតដ៏ខ្លី យើងគិតថា ដំណើរការ BIM នឹងក្លាយជាបទដ្ឋានសម្រាប់គម្រោងទាំងអស់ ។

- Video Advertisement -

ចំណេះដឹង និង បទពិសោធន៍

ព័ត៌មានដែលទាក់ទង

ព្រះវិហារកាតូលិកតម្លៃ ៣លានដុល្លារ កំពុងងើបឡើងចេញពីគំនរបែកបាក់នៃរបបខ្មែរក្រហម

៣០ មិនា ២០២៥

ព្រះវិហារកាតូលិក Notre Dame ថ្មីតម្លៃ ៣លានដុល្លារ លាយឡំជាមួយស្ថាបត្យកម្មប្រពៃណីខ្មែរ និងកាតូលិក កំពុងត្រូវបានសាងសង់ឡើងវិញនៅជាយក្រុងភាគខាងជើងនៃរាជធានីភ្នំពេញ ដែលជាគម្រោងសាងសង់ព្រះវិហារកាតូលិកដ៏សំខាន់បំផុតនៅក្នុងប្រទេសកម្ពុជា ចាប់តាំងពីរបបខ្មែរក្រហមបានបំផ្លាញជិតប្រាំទសវត្សរ៍មុន។ ព្រះវិហារកាតូលិកនេះ គ្រោងនឹងបញ្ចប់នៅខែកក្កដា និងសម្ពោធឲ្យប្រើប្រាស់ក្នុងខែវិច្ឆិកា ព្រះវិហារនេះ នឹងត្រូវបានសាងសង់នៅលើមូលដ្ឋានគ្រឹះនៃវិហារ St. Joseph’s បច្ចុប្បន្ន នឹងត្រៀមខ្លួនក្លាយជាមជ្ឈមណ្ឌលថ្មីនៃជីវិតរបស់សាសនិកកាតូលិក នៅក្នុងរាជធានីនៃប្រទេសកម្ពុជា។ គម្រោងនេះ ត្រូវបានរាយការណ៍ដោយ catholicvote.org នៅថ្ងៃទី ១៨ ខែមីនាឆ្នាំ ២០២៥។ ការសាងសង់នេះ ធ្វើឡើងនៅលើទីតាំងប្រវត្តិសាស្ត្រនៃសិក្ខាសាលាចាស់មួយក្នុងទីក្រុងភ្នំពេញ ជាកន្លែងដែលវិហារ St. Joseph’s បានបម្រើសហគមន៍កាតូលិកតាំងពីទសវត្សរ៍ឆ្នាំ ១៩៩០មក។ វិហារថ្មីនេះ បើទោះជាមានទំហំតូចជាងវិហារ Notre Dame ដើមដែលធ្លាប់ផ្ទុកមនុស្សបានដល់ទៅ ១ម៉ឺននាក់ក៏ដោយ នឹងមានកន្លែងអង្គុយចំនួន ៧០០ ជាមួយនឹងបន្ទះឈើប្រពៃណី។ គម្រោងនេះ ត្រូវបានផ្តល់មូលនិធិតាមរយៈសាមគ្គីភាពកាតូលិកឆ្លងព្រំដែន ទាញយកការបរិច្ចាគពីអ្នកស្មោះត្រង់ ក្នុងប្រទេសកម្ពុជា ថៃ និងវៀតណាម រួមជាមួយនឹងការគាំទ្រសំខាន់ៗពីសមាគម បេសកកម្មបរទេសប៉ារីស។ វិហារ Notre Dame ដើមដែលធ្លាប់ត្រូវបានសរសើរថាជាអគារដ៏ស្រស់ស្អាតបំផុតមួយនៅក្នុង […]

កម្ពុជាត្រៀមបង្កើតសមាគមអ្នកវិជ្ជាជីវៈវិស័យឌីជីថល ដែលផ្តោតលើជំនាញសំខាន់ចំនួន ៩

១៩ មិនា ២០២៥

នៅក្នុងជំហានដ៏សំខាន់មួយឆ្ពោះទៅរកការលើកកម្ពស់វិស័យឌីជីថលរបស់ប្រទេស ក្រសួងប្រៃសណីយ៍ និងទូរគមនាគមន៍របស់កម្ពុជា រួមជាមួយក្រសួងអប់រំ យុវជន និងកីឡា បានប្រកាសនូវផែនការបង្កើតសមាគមអ្នកវិជ្ជាជីវៈវិស័យឌីជីថល(Digital Professionals Association) ។ គំនិតផ្តួចផ្តើមប្រកបដោយភាពច្នៃប្រឌិតនេះមានគោលបំណងជំរុញកិច្ចសហការ និងការអភិវឌ្ឍន៍ជំនាញលើផ្នែកសំខាន់ៗចំនួនប្រាំបួនដែលចាំបាច់សម្រាប់អនាគតនៃបច្ចេកវិទ្យាឌីជីថលនៅក្នុងប្រទេសកម្ពុជា។ សមាគមដែលគ្រោងនឹងបង្កើតនេះ នឹងត្រូវរៀបចំជា ៩សហគមន៍ ដោយមានឯកទេសជំនាញផ្សេងៗគ្នារួមមាន៖ សហគមន៍អ្នកជំនាញទូរគមនាគមន៍ (Telecommunications) សហគមន៍អ្នកអភិវឌ្ឍន៍សុសវែរ (Software Development) សហគមន៍អ្នកជំនាញបច្ចេកវិទ្យាក្លោដ (Cloud) សហគមន៍អ្នកជំនាញបញ្ញាសិប្បនិម្មិត (Artificial Intelligence) សហគមន៍អ្នកជំនាញសន្តិសុខសាយប័រ (Cybersecurity) សហគមន៍អ្នកជំនាញប្លុកឆេន (Blockchain) សហគមន៍អ្នកជំនាញអ៊ីនធឺណិតនៃវត្ថុ (Internet of Things) សហគមន៍អ្នកជំនាញវិទ្យាសាស្ត្រទិន្នន័យ (Data Science) និងសហគមន៍អ្នកជំនាញបច្ចេកវិទ្យារ៉ូបូត (Robotics)។ កន្លងទៅ ក្រសួងប្រៃសណីយ៍ និងទូរគមនាគមន៍ ធ្លាប់បានប្រកាសដាក់ឱ្យប្រើប្រាស់ថ្នាលសហគមន៍ឌីជីថលកម្ពុជា – ស.ឌ.ក. (Digital Community of Cambodia – DCC) ដែលបច្ចុប្បន្ន វេទិកានេះបានទាក់ទាញសមាជិកដែលបានចុះឈ្មោះដោយជោគជ័យប្រមាណ ៥០០០ នាក់ […]

កម្ពុជា-ឥណ្ឌា រួមគ្នាបង្កើតបណ្ណាល័យវិទ្យាសាស្ត្រ នៅស្រុករតនៈមណ្ឌល ខេត្តបាត់ដំបង

២៦ កុម្ភៈ ២០២៥

នៅក្នុងគំនិតផ្តួចផ្តើមកែលម្អ និងលើកកម្ពស់វិស័យអប់រំនៅកម្ពុជា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា និងក្រសួងកិច្ចការបរទេសនៃប្រទេសឥណ្ឌា បានចុះអនុស្សរណៈយោគយល់គ្នាមួយ ដើម្បីត្រួសត្រាយផ្លូវសម្រាប់ការបង្កើតបណ្ណាល័យវិទ្យាសាស្ត្រដ៏ទំនើបមួយនៅក្នុងស្រុករតនមណ្ឌល ខេត្តបាត់ដំបង។ អនុស្សរណៈយោគយល់គ្នា(MoU)នេះ ត្រូវបានចុះហត្ថលេខាដោយ ឯកឧត្តម ហែម វណ្ឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា រួមជាមួយឯកឧត្តម Vanlalvawna Bawitlung ឯកអគ្គរដ្ឋទូតឥណ្ឌាប្រចាំកម្ពុជា នៅថ្ងៃទី១៧ ខែកុម្ភៈ ឆ្នំា២០២៥។ ភាពជាដៃគូនេះ បានឆ្លុះបញ្ចាំងពីការប្តេជ្ញាចិត្តរួមគ្នារវាងប្រជាជាតិទាំងពីរក្នុងការលើកកម្ពស់ចំណេះដឹងផ្នែកវិទ្យាសាស្ត្រ និងបច្ចេកវិទ្យា ជាពិសេសនៅក្នុងសហគមន៍ជនបទ។ ឯកឧត្តមរដ្ឋមន្ត្រី បានបង្ហាញសុទិដ្ឋិនិយមចំពោះកិច្ចសហប្រតិបត្តិការនេះ ដោយលើកឡើងថា “គំនិតផ្តួចផ្តើមនេះបញ្ជាក់ពីការយកចិត្តទុកដាក់របស់យើងក្នុងការពង្រឹងតំបន់ជនបទ តាមរយៈការអប់រំផ្នែកវិទ្យាសាស្ត្រ និងបច្ចេកវិទ្យា។ យើងរំភើបក្នុងការស្វែងរកឱកាសបន្ថែមទៀតសម្រាប់ការសហការក្រោមក្របខ័ណ្ឌគម្រោងផលប៉ះពាល់រហ័ស។ រីឯលោក Bawitlung ឯកអគ្គរដ្ឋទូតឥណ្ឌា ក៏បានលើកឡើងពីសារៈសំខាន់នៃគម្រោងសម្រាប់ក្មេងជំនាន់ក្រោយ ដោយសង្កត់ធ្ងន់លើតួនាទីរបស់ខ្លួនក្នុងការបណ្តុះចំណាប់អារម្មណ៍លើវិទ្យាសាស្ត្រ និងការច្នៃប្រឌិត។ លោកបានបន្តថា៖ «បណ្ណាល័យនេះនឹងមិនត្រឹមតែលើកកម្ពស់ចំណង់ចំណូលចិត្តផ្នែកវិទ្យាសាស្ត្រប៉ុណ្ណោះទេ ប៉ុន្តែក៏នឹងជំរុញចិត្តយុវជនឲ្យចូលរួមផ្ទាល់ជាមួយគំនិតវិទ្យាសាស្ត្រផងដែរ»។ “នៅពេលដែលតម្រូវការសម្រាប់ការអប់រំផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) នៅតែបន្តកើនឡើង បណ្ណាល័យនេះនឹងបម្រើជាធនធានដ៏សំខាន់ក្នុងការផ្សារភ្ជាប់គម្លាតចំណេះដឹងនៅក្នុងវិស័យសំខាន់ៗទាំងនេះ”។ គួរបញ្ជាក់ទៀតថា រដ្ឋាភិបាលឥណ្ឌាផ្តល់ជំនួយឥតសំណង […]

សមត្ថភាពវិភាគកាបូនរបស់ Bentley Systems ជាជំហានថ្មីមួយជួយដល់គម្រោងហេដ្ឋារចនាសម្ព័ន្ធវាយតម្លៃផលប៉ះពាល់បរិស្ថាន

៣១ តុលា ២០២៤

កម្មវិធី Bentley ជួយឱ្យការវិភាគផលប៉ះពាល់ពីបំភាពកាបូនជាផ្នែកនៃប្រព័ន្ធដំណើរការរចនាសម្រាប់សំណង់ហេដ្ឋារចនាសម្ព័ន្ធថ្មី និងមានស្រាប់ ដើម្បីសម្រួលដល់ធ្វើរបាយការណ៍វាយតម្លៃអំពីកាបូនជាមួយនឹងការបន្ថែមរូបភាព 3D រូបថត៖ Bentley Systems៖ ការបង្ហាញសមត្ថភាពវិភាគកាបូនរបស់ Bentley ដោយការដាក់កាបូនជាក្រុម តាមសមាសធាតុទូទៅសម្រាប់ជារបាយការណ៍ ថ្មីៗនេះ ក្រុមហ៊ុន Bentley Systems បានប្រកាសពីសមត្ថភាពវិភាគកាបូនថ្មីនៅក្នុង iTwin Experience ដើម្បីវាយតម្លៃ និងកាត់បន្ថយផលប៉ះពាល់កាបូនសម្រាប់ហេដ្ឋារចនាសម្ព័ន្ធប្រកបដោយនិរន្តរភាពបន្ថែមទៀត។ នេះបើតាមការចុះផ្សាយរបស់ Bentley System នៅក្នុងព្រឹត្តិការណ៍ប្រចាំឆ្នាំ 2024 Year in Infrastructure ដែលប្រព្រឹត្តិទៅកាលពីថ្ងៃទី 9 ខែតុលា ឆ្នាំ2024 នៅទីក្រុង Vancouver ប្រទេសកាណាដា។ សមត្ថភាពវិភាគកាបូនថ្មីនេះ អាចជួយវិស្វករងាយស្រួលទាញយកទិន្នន័យវិភាគកាបូន និងការមើលឃើញកាបូនដែលបានបញ្ចូលទៅតាមរូបធាតុនីមួយៗ ជាពិសេស ស្វែងរកជម្រើសសម្រាប់ការរចនាកាន់តែប្រសើរឡើង និងយ៉ាងឆាប់រហ័ស។ កាបូនដែលបានបង្កប់នៅក្នុងធាតុផ្សំនីមួយៗ គឺជាការតាមដានកាបូននៃសំណង់ទាំងមូលមុនពេលវាត្រូវបានសាងសង់ ដោយវាអាចដឹងពីឧស្ម័នផ្ទះកញ្ចក់ដែលបញ្ចេញក្នុងអំឡុងពេលដំណើរការសាងសង់ និងក្រោយពេលសាងសង់។ សមត្ថភាពវិភាគកាបូនថ្មីរបស់ Bentley ផ្តល់នូវការវាយតម្លៃ “cradle-to-gate” តាមរយៈបទដ្ឋានកំណត់នៃកាបូនឌីអុកស៊ីត រាប់ចាប់ពីការបំលែងវត្ថុធាតុដើមរហូតដល់វាចេញពីរោងចក្រ ដែលតំណាងឱ្យការរួមបញ្ចូលធំបំផុតសម្រាប់កាបូនដែលបានបញ្ចូលទៅក្នុងគម្រោងសំណង់ហេដ្ឋារចនាសម្ព័ន្ធ។ លោកស្រី […]

គម្រោងកែលម្អបរិស្ថានសាលារៀននៅកម្ពុជា ក្រោមជំនួយចិនជាង $២០លាន សម្ពោធឱ្យប្រើប្រាស់ជាផ្លូវការហើយ

២៩ តុលា ២០២៤

គម្រោងកែលម្អបរិស្ថានសាលារៀន និងការផ្គត់ផ្គង់សម្ភារបរិក្ខារអប់រំនានានៅកម្ពុជា តម្លៃជាង ២២លានដុល្លារអាមេរិក ត្រូវបានសម្ពោធដាក់ឱ្យប្រើប្រាស់ជាផ្លូវការ ក្រោយអធិបតីភាពរបស់សម្តេចនាយករដ្ឋមន្រ្តី ហ៊ុន ម៉ាណែត នៅវិទ្យាល័យ ហ៊ុនសែន ពាមជីកង ស្រុកកងមាស ខេត្តកំពង់ចាម នាព្រឹកថ្ងៃទី២៦ តុលា ២០២៤។ នាឱកាសនោះដែរ ឯកឧត្តម ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា បានឱ្យដឹងថា “យោងតាមសំណើររបស់រាជរដ្ឋាភិបាលកម្ពុជា រដ្ឋាភិបាលចិនបានផ្តល់ជំនួយតាមរយះលិខិតប្តូរសារ ចុះថ្ងៃទី១៩ ខែមិថុនា ឆ្នាំ២០១៨ ដើម្បីអនុវត្តគម្រោងកែលម្អ បរិស្ថានសាលារៀន និងការផ្គត់ផ្គង់សម្ភារបរិក្ខារអប់រំនៅកម្ពុជា មានថវិកាសរុបជាង ២២លាន ៥សែនដុល្លារអាមេរិក ក្នុងនោះថវិកាជ ២០លាន ៤សែន ដុល្លារអាមេរិក ជាជំនួយរបស់សាធារណរដ្ឋប្រជាមានិតចិន និងថវិកាបដិភាគរបស់រាជរដ្ឋាភិបាលកម្ពុជាមានជាង ២លាន ១សែន ដុល្លារអាមេរិក សម្រាប់អនុវត្តគម្រោងនេះចាប់ពី ឆ្នាំ២០១៨ ដល់ឆ្នាំ២០២២”។ ឯកឧត្តមឧបនាយករដ្ឋមន្រ្តី បានបន្ថែមថា ក្នុងគម្រោងនេះមានការសាងសង់អគារសិក្សា អគារធនធានផ្ទះសំណាក់គ្រូ បង្គន់អនាម័យ អណ្តូងទឹក តារាងបាល់ទាត់ […]

ធនាគារពិភពលោកជួយ $៨០លាន អភិវឌ្ឍវិស័យអប់រំ រួមនិងជួសជុលបន្ទប់ពិសោធន៍ចំនួន ១៤៧នៅកម្ពុជា

៣០ កញ្ញា ២០២៤

ធនាគារពិភពលោក បានអនុម័តផ្តល់ហិរញ្ញប្បទានចំនួន ៨០លានដុល្លារអាមេរិក ជួយលើកកម្ពស់គុណភាពនៃការអប់រំ និងការស្រាវជ្រាវនៅកម្រិតឧត្តមសិក្សា ក្នុងនោះរួមមានការជួសជុលបន្ទប់ពិសោធន៍ចំនួន ១៤៧ទីតាំង នៅកម្ពុជា។ នេះបើតាមសេចក្តីប្រកាសព័ត៌មានរបស់ធនាគារពិភពលោក កាលពីថ្ងៃទី២៣ ខែកញ្ញា ឆ្នាំ២០២៤។ ប្រភពដដែលនេះ បានឱ្យដឹងថា មូលនិធិសម្រាប់គម្រោងនេះបានមកពីសមាគមអភិវឌ្ឍន៍អន្តរជាតិ (IDA) ដែលជាអង្គភាពផ្តល់ប្រាក់កម្ចីសម្បទានរបស់ធនាគារពិភពលោក សម្រាប់បណ្តាប្រទេសមានចំណូលទាប។ ជាមួយគ្នានេះដែរ គម្រោងនេះ មានរយៈពេលប្រាំមួយឆ្នាំ ដែលនឹងគាំទ្រដល់កិច្ចប្រឹងប្រែងរបស់គ្រឹះស្ថានឧត្តមសិក្សាសាធារណៈចំនួនប្រាំបួន ក្នុងការបណ្តុះបណ្តាលនិស្សិតឱ្យរៀនចប់ប្រកបដោយសមត្ថភាព និងក្នុងការផលិតការស្រាវជ្រាវនានា សម្រាប់រួមចំណែកដល់ការអភិវឌ្ឍសេដ្ឋកិច្ចរបស់ប្រទេស។ បន្ថែមពីនេះ គម្រោងនេះផ្តោតសំខាន់លើការលើកកម្ពស់គុណភាពនៃការរៀនសូត្រសម្រាប់និស្សិតនារី និងនិស្សិតមានពិការភាព និងលើការជួយគាំទ្រដល់ស្រី្តដែលជាគ្រូឬជាបុគ្គលិកនៅតាមមហាវិទ្យាល័យ។ គម្រោងនេះចាប់យកស្តង់ដារហេដ្ឋារចនាសម្ព័ន្ធដែលធន់នឹងអាកាសធាតុ និងផ្តល់អាទិភាពដល់គម្រោងស្រាវជ្រាវទាក់ទងនឹងការប្រែប្រួលអាកាសធាតុ។ គម្រោងនេះ នឹងកសាងបន្ថែមលើភាពជោគជ័យ និងមេរៀនបទពិសោធន៍របស់គម្រោងដែលកំពុងដំណើរការ ដែលបានបង្កើនឱកាសសិក្សាសម្រាប់និស្សិតឧត្តមសិក្សាជាង ១២៨.០០០នាក់ នៅកម្ពុជា ក្នុងចំណោមនោះជាងពាក់កណ្តាលជានារី តាមរយៈការបង្កើតកម្មវិធីសិក្សាចំនួន ៦៧ ផ្តល់មូលនិធិទ្រទ្រង់គម្រោងស្រាវជ្រាវចំនួន ៥៣ និងការបង្កើត ឬជួសជុលបន្ទប់ពិសោធន៍ចំនួន ១៤៧។ គួរបញ្ជាក់ថា តាមការរំពឹងទុក និស្សិតប្រហែល ៣២.០០០នាក់ ក្នុងនោះនិស្សិតនារីប្រហែល ១៣.០០០ នាក់ នឹងទទួលអត្ថប្រយោជន៍ពីការអនុវត្តគម្រោងខាងលើនេះ តាមរយៈការអាប់ដេតកម្មវិធីសិក្សា ការបណ្តុះបណ្តាលគ្រូឧទ្ទេស […]