LSCG និង SINOMACH បោះទុនបន្ថែម ១៨ លានដុល្លារ បន្តសហការលើគម្រោងព្រលានថ្មី

4 ខែមករា 2022
Uncategorized
8 មើល

ក្រុមហ៊ុនក្នុងស្រុក LSCG (Main Contractor) និង ក្រុមហ៊ុននចិន SINOMACH – CHMC (Sub-Contractor) កាលពីថ្មីៗនេះ បានសម្រេចបោះទុនបន្ថែម ១៨ លានដុល្លារ ដើម្បីពង្រឹងការងារអភិវឌ្ឍបឹង ៥០០ ដែលជាផ្នែកមួយនៃគម្រោងព្រលានយន្តហោះភ្នំពេញថ្មី។

នេះការបន្ថែមទុនទៅលើកិច្ចសន្យាសហប្រតិបត្តិការមានស្រាប់រវាងក្រុមហ៊ុន LSCG និងក្រុមហ៊ុន OCIC កាលពីថ្ងៃទី៤ ខែមេសា ២០២១ កន្លងទៅ។

អគ្គនាយកក្រុមហ៊ុន LSCG លោកលី សុខឆាយបានឱ្យដឹងថា៖ «បច្ចុប្បន្ន ឡានដឹកខ្នាតធំចំនួន ៣០០ គ្រឿង ក្បាលឡាន និងឡានខ្នាតយក្ស ពី សិង្ហបុរី និង វៀតណាត (Muliti – Hydrolic Trailor & Prime Mover) បានត្រៀមរៀបចំរួចជាស្រេច សម្រាប់ប្រត្តិការខែប្រាំងខាងមុខនេះ»។

លើសពីនេះ លោកផ្ទាល់ក៏បានហោះទៅប៉េកាំង សៀងហៃ សិង្ហបុរី និងវៀតណាម ចុះកុងត្រា ដើម្បីនាំយកបច្ចេវិទ្យា គ្រឿងចក្រទំនើបៗ និងម៉ាស៊ីនធុនធ្ងន់ មកបន្ថែមទៀត ដើម្បីពន្លឿនការងារ។