ស្ពានស្វាយជ្រុំ គ្រោងបើកការដ្ឋានឆ្នាំ២០២៣ បច្ចុប្បន្នរដ្ឋកំពុងពិចារណាទីតាំង និងម៉ូតស្ពាន

• 10 ខែ​មករា 2022
• Uncategorized
• 11 មើល

គម្រោងសាងសង់ស្ពានមិត្តភាពកម្ពុជា-កូរ៉េ ជ្រោយចង្វារ-ស្វាយជ្រុំ អាចនឹងបើកការដ្ឋាននៅឆ្នាំ ២០២៣ បច្ចុប្បន្នរដ្ឋាភិបាលកំពុងជ្រើសរើសទីតាំង និងគំរូស្ពាន។ នេះបើតាមឯកឧត្ដម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន កាលថ្ងៃទី៩ ខែមករា។

ទាក់ទិននឹងទីតាំង មានទីតាំងចំនួន ២ដែល កំពុងជ្រើសរើស។ ទីតាំងទី១ គឺភ្ជាប់ពីទីតាំងរដ្ឋាករទឹក ផ្លូវកែវចិន្តា ខណ្ឌជ្រោយចង្វារ ទៅកាន់ស្វាយជ្រុំតែម្តង និងទីតាំងទី២ ភ្ជាប់ពីម្តុំផ្សារចាស់ ទៅសណ្ឋាគារសុខា រួចទៅកាន់តំបន់អរិយក្សត្រ ដែលត្រូវសង់ស្ពានចំនួន ២។

«យើងកំពុងសម្រេចចិត្ត ដោយជ្រើសយកទីតាំងមួយ ដែលមានផលប៉ះពាល់តិច ចំណាយថវិកាតិច និងស្របទៅតាមគោលនយោបាយរបស់រដ្ឋាភិបាល គឺជាជម្រើសល្អ» ឯកឧត្តមបន្ដ។

ដោយឡែក ទាក់ទិននឹងម៉ូតស្ពានវិញ មានជម្រើសស្ពាន ៣ ប្រភេទ រួមមាន ស្ពានធម្មតា ស្ពានខ្សែកាបិ៍ ឬស្ពានដូចនៅអ្នកលឿង។

«យើងកំពុងពិនិត្យចុងក្រោយ ដើម្បីរៀបចំដាក់ដេញថ្លៃសាងសង់ យ៉ាងយូរឆ្នាំ២០២៣ ទើបយើងអាចបើកការដ្ឋានសាងសង់» ឯកឧត្តម បញ្ជាក់។

ជាក់ស្ដែង បើយោងតាម ឯកឧត្តម Park Heung-kyeong ឯកអគ្គរដ្ឋទូតសាធារណរដ្ឋកូរ៉េនៅកម្ពុជា ក្រោយកម្ពុជាស្នើសុំស្ពាន រដ្ឋាភិបាលកូរ៉េបានអនុម័តផ្ដល់ជំនួយ។ បន្ទាប់មកក្រុមហ៊ុនកូរ៉េមួយបានសិក្សាគម្រោងនេះ។ ក្រុមហ៊ុនក៏បានបញ្ចប់ហើយ ដោយទើបបញ្ជូនឯកសារឱ្យរដ្ឋាភិបាលកម្ពុជាពិនិត្យជ្រើសរើសទីតាំង និង alignment ជាដំណាក់កាលបន្ទាប់។ (អានបន្ថែម)

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍