NagaCorp បន្តកាត់ប្រាក់ខែ និងបញ្ឈប់បុគ្គលិក ទោះមិនទាន់មានវិបត្តិហិរញ្ញវត្ថុធ្ងន់ធ្ងរក្ដី

• 8 ខែ​មិថុនា 2021
• ព័ត៌មានអចលនទ្រព្យ
• 10 មើល

ប្រតិបត្តិករកាស៊ីណូខ្នាតយក្សណាហ្គាវើល NagaCorp បានបញ្ជាក់ថា យុទ្ធនាការបញ្ឈប់ការងារបុគ្គលិក និងការកាត់បន្ថយប្រាក់ខែ បាននឹងកំពុងបន្តធ្វើឡើង ដោយអះអាងថានេះគឺជាវិធានការបង្កាទុកជាមុន ទោះក្រុមហ៊ុននៅមិនទាន់មានវិបត្តិហិរញ្ញវត្ថុធ្ងន់ធ្ងរក្ដី។ នេះបើយោងតាមសេចក្ដីប្រកាសរបស់ NagaCrop ចេញផ្សាយកាលពីម្សិលមិញនេះ។

សេចក្ដីប្រកាសបន្តថា ការកាត់ប្រាក់ខែ និងបញ្ឍប់បុគ្គលិកនេះ ជាការឆ្លើយតបនឹងវិបត្តិកូវីដ ខណៈកាស៊ីណូក៏ត្រូវបានបិទតាំងពីដើមខែមីនា មកម្ល៉េះ។

«យ៉ាងណាក្ដី ដើម្បីកាត់បន្ថយផលប៉ះពាល់សម្រាប់បុគ្គលិក ក្រុមហ៊ុននឹងផ្តល់ប្រាក់ឈ្នួល និងសំណងផ្លូវចិត្តបន្ថែមដល់ពួកគេ នៅក្នុងអត្រាលើសពីអ្វីដែលច្បាប់បានកំណត់» ។

ក្រុមហ៊ុនជឿថាការធ្វើបែបនេះគឺចាំបាច់បំផុត ព្រោះក្រុមហ៊ុនត្រូវតែបត់បែនតាមស្ថានការណ៍ ដើម្បីរក្សាលំនឹងហិរញ្ញវត្ថុ និងការអភិវឌ្ឍរយៈពេលវែង។

យ៉ាងណាក្ដី NagaCorp មិនបានបង្ហាញពីចំនួនបុគ្គលិកដែលត្រូវបានបញ្ឈប់នោះទេ ប៉ុន្តែបញ្ជាក់ថាគិតត្រឹមថ្ងៃចេញសេចក្ដីប្រកាស បុគ្គលិកភាគច្រើនបានចុះកិច្ចព្រមព្រៀងឈប់ការងារហើយ ខណៈនៅមានករណីខ្លះទៀតកំពុងស្ថិតក្នុងការចរចា។

គួរបញ្ជាក់ផងដែរថា ទោះកាស៊ីណូបិទទ្វារមួយរយៈពិតមែន ប៉ុន្តែក៏នៅមានប្រាក់ចំណេញ។ បើយោងតាមរបាយការណ៍របស់ក្រុមហ៊ុន ប្រាក់ចំណេញសុទ្ធសម្រាប់ឆ្នាំ ២០២០ របស់ NagaCrop មានប្រមាណ ១០២,៣ លានដុល្លារ ដែលធ្លាក់ចុះជាង ៨០% បើប្រៀបធៀបទៅនឹងប្រាក់ចំណេញសុទ្ធក្នុងឆ្នាំ ២០១៩។ (អានបន្ថែម)

• ធុរកិច្ច និងទីផ្សារ
• ធុរកិច្ច និងទីផ្សារ