OCIC ចាប់ដៃគូរជាមួយក្រុមហ៊ុនយក្សម៉ាឡេ ពង្រឹងវិស័យសំណង់ និងអចលនទ្រព្យកម្ពុជា

• 4 ខែ​សីហា 2022
• Uncategorized
• 9 មើល

ក្រុមហ៊ុនវិនិយោគទុនអាណិជនកម្ពុជា ឬ OCIC បានចុះហត្ថលេខាលើអនុស្សរណៈយោគយល់គ្នាជាមួយក្រុមហ៊ុន Eakon Group របស់ប្រទេសម៉ាឡេស៊ី ដើម្បីបន្តអភិវឌ្ឍគម្រោង Elysee នៅទីក្រុងកោះពេជ្រ ក៏ដូចជារួមគ្នាពង្រឹង និងពង្រីកវិស័យសំណង់ និងអចលនទ្រព្យនៅកម្ពុជា។

MoU ត្រូវបានចុះហត្ថលេខាកាលពីថ្ងៃទី២ ខែសីហា រវាងនាយកក្រុមហ៊ុន OCIC និងក្រុមហ៊ុន Mega Asset Management លោកស្រី លឹម លីជិន និងនាយកគ្រប់គ្រងក្រុមហ៊ុន Eakon Group លោក Dato’ Sri Ricky Yaw ។

ឯកអគ្គរដ្ឋទូតម៉ាឡេស៊ីប្រចាំកម្ពុជា Eldeen Husaini Mohd Hashim និងលោក Charles Vann អនុប្រធានប្រតិបត្តិនៃក្រុមហ៊ុន Canadia Group ក៏បានចូលរួមពិធីចុះហត្ថលេខានេះផងដែរ។

ក្រោមកិច្ចព្រមព្រៀងនេះ ក្រុមហ៊ុន Eakon Group នឹងចែករំលែកចំណេះដឹងផ្នែកវិស្វកម្ម ស្ថាបត្យកម្ម និងសំណង់ប្រកបដោយវិជ្ជាជីវៈ និងជំនាញបច្ចេកទេស ដល់ទៅ OCIC។

លើសពីនេះ  Eakon Group  ក៏នឹងជួយស្វែកអ្នកជួល និងអ្នកវិនិយោគអន្តរជាតិបន្ថែមសម្រាប់គម្រោង Elysee ផងដែរ។

លោកស្រី Lychin ថា តាមរយៈភាពជាដៃគូនេះ ក្រុមហ៊ុននឹងមានឱកាសបង្ហាញពីសក្ដានុពលវិនិយោគនៃកម្ពុជា ពិសេសលើគម្រោងអភិវឌ្ឍន៍អចលនទ្រព្យ និងហេដ្ឋារចនាសម្ព័ន្ធក្នុងប្រទេស។

មានទីតាំងនៅលើកោះពេជ្រ គម្រោង Elysee ជាគម្រោងខ្នាតយក្សទំហំ ៧៥,៨០០ម៉ែត្រការ៉េ   ដែលត្រូវបានបំផុសគំនិតដោយ Champs Elysees ក្នុងទីក្រុងប៉ារីស។

គម្រោង Elysee នឹងរួមមាន លំនៅដ្ឋាន ការិយាល័យ កន្លែងបរិភោគអាហារ និងកន្លែងលែងកម្សាន្ដ ដែលមានភាពសំបូរបែប និងស៊ីវិល័យសម្រាប់ម្ចាស់អចលនព្រទ្យ និងអ្នកវិនិយោគទាំងអស់ផងដែរ។

 

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍