ស្វែងយល់ពីអាជីវកម្មសណ្ឋាគារតាមរយៈកិច្ចសន្យាជួល ឬកិច្ចព្រមព្រៀងស្ដីពីការគ្រប់គ្រងសណ្ឋាគារ

១២ មករា ២០២០
ព័ត៌មានក្នុងស្រុក
7568 មើល

នៅពេលសម្រេចចិត្តអភិវឌ្ឍ និងដំណើរការសណ្ឋាគារភាគីទាំងឡាយអាចចុះកិច្ចសន្យាជួល ឬ កិច្ចព្រមព្រៀងស្តីពីការគ្រប់គ្រងសណ្ឋាគារ។ លក្ខខណ្ឌទាំង២នេះមានទាំងគុណសម្បត្តិ និងគុណវិបត្តិ។

ការសិក្សាអំពីទីផ្សារកម្ពុជាបានបង្ហាញពីភាពរីកចម្រើនគួរឱ្យកត់សម្គាល់នៃចំនួនភ្ញៀវទេសចរណ៍មកទស្សនាប្រទេសនេះ នាំឱ្យការអភិវឌ្ឍវិស័យបដិសណ្ឋារកិច្ចមានការរីកចម្រើននៅភ្នំពេញ សៀមរាប និងខេត្តព្រះសីហនុ។

សញ្ញាណនៃការរីកចម្រើននេះអាចបង្ហាញតាមរយៈក្រុមសណ្ឋាគារអន្តរជាតិលំដាប់កំពូលជាច្រើនកំពុងធ្វើប្រតិបត្តិការនៅក្នុងប្រទេសកម្ពុជាដូចជា Rosewood នៅភ្នំពេញ Six Senses នៅកោះក្រាប៊ី Alila នៅកោះឫស្សី Ibis នៅសៀមរាប ហើយនៅមានក្រុមហ៊ុនជាច្រើនទៀតដែលកំពុងសាងសង់ ហើយឆាប់ៗនេះនឹងបើកទ្វារដំណើរការ រីឯ Park Hyatt និង Novotel ក៏ស្ថិតក្នុងចំណោមនោះដែរ។

ចំពោះការបើកសណ្ឋាគារ តម្រូវឱ្យមានអាជ្ញាប័ណ្ណជាក់លាក់ពីក្រសួងទេសចរណ៍ (ប្រសិនបើវាមានច្រើនជាង ២០បន្ទប់) ឬ ពីមន្ទីរទេសចរណ៍ខេត្ត (បើវាមានតិចជាង២០បន្ទប់) ដូច្នេះទំនាក់ទំនងរវាងប្រតិបត្តិករសណ្ឋាគារ និងម្ចាស់អគារនឹងត្រូវបានគ្រប់គ្រងដោយកិច្ចសន្យាជួល ឬដោយកិច្ចព្រមព្រៀងស្តីពីការគ្រប់គ្រងសណ្ឋាគារ (HMA)។

មិនថាត្រូវអនុវត្តកិច្ចសន្យាជួល ឬ HMA សុទ្ធតែផ្តល់នូវចំណុចងាយស្រួល និងផលវិបាកនានាសម្រាប់ភាគីនីមួយ៖

ជាការពិត នៅពេលប្រតិបត្តិកិច្ចសន្យាជួល ប្រតិបត្តិករសណ្ឋាគារគឺជាម្ចាស់អាជីវកម្ម ហើយក៏ជាអ្នកដែលទទួលខុសត្រូវរាល់ហានិភ័យទាក់ទងនឹងប្រតិបត្តិការផ្សេងៗរបស់សណ្ឋាគារ។ ប្រតិបត្តិករសណ្ឋាគារទទួលខុសត្រូវរត់ការអាជ្ញាប័ណ្ណ និងការអនុញ្ញាតឱ្យដំណើរការសណ្ឋាគារដោយស្របច្បាប់រួមមាន ភោជនីយដ្ឋាន បារ ឬ កន្លែងស្ប៉ាដែលស្ថិតនៅក្នុងសណ្ឋាគារ ហើយនិង ការបើកប្រាក់ឈ្នួលឲ្យបុគ្គលិក។

ប្រតិបត្តិករសណ្ឋាគារត្រូវទិញគ្រឿងសង្ហារិម សម្ភារបរិក្ខារទាំងអស់ (“FF&E”) ដើម្បីបំពាក់សម្រាប់សណ្ឋាគារ ហើយជាទូទៅត្រូវទទួលខុសត្រូវចំពោះបំណុលទាំងអស់ដែលទាក់ទងនឹងអាជីវកម្ម។

នៅពេលដែលភាគីសម្រេចចិត្តជ្រើសយកកិច្ចសន្យាជួល បានន័យថាគ្រប់ភាគីបានព្រមព្រៀងអនុវត្តតាមច្បាប់ស្តីពីសិទ្ធិជួលអចិន្ត្រៃយ៍របស់ប្រទេសកម្ពុជាដែលមានរយៈពេលពី ១៥ទៅ៥០ឆ្នាំ។ ដូច្នេះ ប្រតិបត្តិករសណ្ឋាគារអាចអនុវត្តសិទ្ធិប្រើប្រាស់ និងអាស្រ័យផលលើអចលនវត្ថុនោះបាន។ អ្នកជួលក៏នឹងទទួលបានវិញ្ញាបនបត្រជួលអចិន្ត្រៃយ៍ពីអាជ្ញាធរសុរិយោដីទុកប្រើប្រាស់ដើម្បីតតាំងនៅពេលមានការជំទាស់ណាមួយពីភាគីទីបី។

បើប្រៀបធៀបទៅនឹងកិច្ចសន្យាជួល នៅពេលប្រតិបត្តិកិច្ចព្រមព្រៀងស្តីពីការគ្រប់គ្រងសណ្ឋាគារ ( HMA) ម្ចាស់ទ្រព្យគឺជាអ្នកផ្តល់សិទ្ធិដល់ប្រតិបត្តិករសណ្ឋាគារ ដើម្បីគ្រប់គ្រងសណ្ឋាគារក្នុងនាមជាម្ចាស់។ នៅក្នុងសេណារីយ៉ូបែបនេះ កម្មសិទ្ធិលើអាគារ និងអាជីវកម្មសណ្ឋាគារ គឺម្ចាស់ជាអ្នកទទួលខុសត្រូវរាល់ហានិភ័យដែលទាក់ទងនឹងប្រតិបត្តិការសណ្ឋាគារ។ ប្រតិបត្តិករសណ្ឋាគារនឹងគ្រប់គ្រងសណ្ឋាគារតែក្នុងលក្ខខណ្ឌចាត់ចែង ត្រួតពិនិត្យ និងការអនុវត្តសម្រាប់ម្ចាស់ទ្រព្យប៉ុណ្ណោះ។ ប្រតិបត្តិករសណ្ឋាគារជាអ្នកនាំយកយីហោ ពង្រីកបណ្ដាញ និងប្រតិបត្តិអាជីវកម្មសណ្ឋាគារតាមរយៈចំណេះរបស់ពួកគេ។

កិច្ចព្រមព្រៀងស្តីពីការគ្រប់គ្រងសណ្ឋាគារ (HMA) មានប្រភពចេញពីទ្វីបអាស៊ី ក្នុងទសវត្សទី ៦០ ពិសេសនៅហុងកុង បញ្ញត្តិនេះដើមឡើយត្រូវបានធ្វើសេចក្តីព្រាងដោយផ្អែកលើកិច្ចសន្យាជួល។ សព្វថ្ងៃ វាគឺជាកិច្ចសន្យាដ៏វែងអន្លាយ លម្អិត ទូលំទូលាយ និងមានភាពស្មុគស្មាញ សម្រាប់អ្នកដែលមិនស៊ាំជាមួយវា។

ជាទូទៅ កិច្ចព្រមព្រៀងស្តីពីការគ្រប់គ្រងសណ្ឋាគារ (“HMA) គឺជាកិច្ចសន្យាជួលរយៈពេលវែងពី ១០ ទៅ ២០ឆ្នាំ ហើយប្រតិបត្តិករនឹងគ្រប់គ្រងស្ទើរតែទាំងស្រុងលើសណ្ឋាគាររួមទាំងការកំណត់តម្លៃបន្ទប់ ថវិកាសណ្ឋាគារ យុទ្ធសាស្ត្រទីផ្សារ និងគោលការណ៍សណ្ឋាគារជាដើម។ ប្រតិបត្តិករសណ្ឋាគារក៏ជាអ្នកជួលបុគ្គលិកជំនួសម្ចាស់សណ្ឋាគារ ហើយជាអ្នកធ្វើការសម្រេចចិត្តក្នុងការទិញចូល ឬដកចេញនូវគ្រឿងសង្ហារិម សម្ភារៈបរិក្ខារទាំងអស់ (“FF&E”) ផងដែរ។

ដូច្នេះ ម្ចាស់គឺជាអ្នកប្រឈមរាល់ហានិភ័យទាំងអស់ តែគ្មានសិទ្ធិនៅក្នុងការគ្រប់គ្រងសណ្ឋាគារឡើយ។ យ៉ាងណាមិញ ម្ចាស់នឹងទទួលបានអត្ថប្រយោជន៍ពីយីហោ អ្នកជំនាញ និងចំណេះដឹងរបស់ប្រតិបត្តិករសណ្ឋាគារ។

នៅប្រទេសកម្ពុជា កិច្ចព្រមព្រៀងស្តីពីការគ្រប់គ្រងសណ្ឋាគារ (HMA) ត្រូវបានគ្រប់គ្រងជាពិសេសដោយមាត្រា ៦៣៧ នៃក្រមរដ្ឋប្បវេណីនៃព្រះរាជាណាចក្រកម្ពុជា។

ប្រតិបត្តិករមានកាតព្វកិច្ចថែរក្សា រាយការណ៍ និងបង់ប្រាក់ និងវត្ថុទាំងឡាយដល់ម្ចាស់ ក្នុងអំឡុងពេលដែលខ្លួនទទួលបានក្នុងដំណើរការសកម្មភាពនៃការគ្រប់គ្រងសណ្ឋាគារ (ដូចជាប្រាក់ចំណូល ដូចមានចែងក្នុងមាត្រា ៦៤០ ដល់ ៦៤២ នៃក្រមរដ្ឋប្បវេណីកម្ពុជា)។

ខុសពីសិទ្ធិជួលអចិន្ត្រៃយ៍ ប្រតិបត្តិករសណ្ឋាគារមិនមានតួនាទីជាក់លាក់នៅពេលចុះហត្ថលេខាលើកិច្ចព្រមព្រៀងស្តីពីការគ្រប់គ្រងសណ្ឋាគារ (HMA) ពីព្រោះនេះមិនបានចុះបញ្ជីនៅអាជ្ញាធរសុរិយោដីឡើយ។

ដូច្នេះនៅពេលជ្រើសរើសរវាងភតិសន្យា (កិច្ចសន្យាជួល) ឬ កិច្ចព្រមព្រៀងស្តីពីការគ្រប់គ្រងសណ្ឋាគារ (HMA) ភាគីទាំងអស់ត្រូវពិចារណាដោយយកចិត្តទុកដាក់ ថាតើដំណោះស្រាយណាដែលល្អបំផុតសម្រាប់គម្រោងរបស់ពួកគេ។ ជម្រើសនេះនឹងមានឥទ្ធិពលលើគម្រោង និង ទំនាក់ទំនងរវាងភាគី។ ភាគីទាំងអស់ក៏ត្រូវពិនិត្យមើលឡើងវិញនូវផលប៉ះពាល់នៃការបង់ពន្ធនៃជម្រើសនីមួយៗសម្រាប់ពួកគេ។

មិនមាន “អ្នកឈ្នះ” ពិតប្រាកដឡើយ ថាតើកិច្ចព្រមព្រៀងស្តីពីការគ្រប់គ្រងសណ្ឋាគារ (HMA) ឬ ភតិសន្យា គឺជាដំណោះស្រាយល្អបំផុតសម្រាប់ប្រតិបត្តិករ ឬស្លាកយីហោ។ វាអាស្រ័យទៅលើស្ថានភាព ភាគី ហើយនិងគម្រោង។

និយាយជាទូទៅ ប្រតិបត្តិករសណ្ឋាគារអន្តរជាតិចូលចិត្តប្រតិបត្តិកិច្ចព្រមព្រៀងគ្រប់គ្រងសណ្ឋាគារ (HMA) ជាជាងភតិសន្យាដើម្បីកាត់បន្ថយបំណុលហិរញ្ញវត្ថុដែលជាប់ទាក់ទងនឹងដំណើរការសណ្ឋាគារ។ ពួកគេក៏មិនចាំបាច់ទាញយកទុនបម្រុងភាគហ៊ុនផ្ទាល់ខ្លួនដើម្បីអភិវឌ្ឍសណ្ឋាគារថ្មី និងពង្រីកយីហោរបស់ពួកគេដែរ។

សរុបសេចក្ដីមក ជម្រើស២ ត្រូវបានបើកចំហឱ្យភាគីនៅពេលសម្រេចចិត្តថាត្រូវបើកដំណើរការសណ្ឋាគារ។ ពួកគេអាចអនុវត្តកិច្ចព្រមព្រៀងជួល ឬកិច្ចព្រមព្រៀងគ្រប់គ្រងសណ្ឋាគារ (HMA)។ ជម្រើសទាំង២សុទ្ធតែមានចំណុចល្អ និងចំណុចអាក្រក។ ស្វែងរកស្លាកយីហោដែលត្រឹមត្រូវគឺជាធាតុចាំបាច់ដើម្បីធានាឲ្យសណ្ឋាគារមួយដំណើរការទៅបាន និងមានភាពយូរអង្វែង។ វាក៏នឹងមានឥទ្ធិពលចំពោះការរចនា ប្រតិបត្តិការ និងការផ្តល់ហិរញ្ញប្បទានដល់គម្រោង ក៏ដូចជាជះឥទ្ធិពលលើតម្លៃនៃអចលនទ្រព្យផងដែរ។ ប្រតិបត្តិករសណ្ឋាគារនឹងនាំយកអ្នកជំនាញ ចំណេះដឹង ស្លាកយីហោ និងបណ្ដាញរបស់ខ្លួន។ ក្រៅពីការជ្រើសរើសប្រតិបត្តិករត្រឹមត្រូវ លក្ខន្តិកៈនៃកិច្ចព្រមព្រៀង និងជម្រើសនៃកិច្ចសន្យានឹងក្លាយជាកត្តាសំខាន់ផងដែរ ព្រោះជាទូទៅវានឹងគ្រប់គ្រងទំនាក់ទំនងរវាងភាគីជាច្រើនទសវត្ស ហើយវានឹងពិបាកក្នុងការកែប្រែច្បាប់ណាស់នៅពេលប្រតិបត្តិ។

អំពីអ្នកនិពន្ធ

លោក Charles AMAR មានបទពិសោធន៍ជាច្រើនលើទិដ្ឋភាពច្បាប់អចលនទ្រព្យ ដោយផ្តោតជាពិសេសលើបញ្ហាដែលទាក់ទងនឹងការវិនិយោគអចលនទ្រព្យ ការអភិវឌ្ឍន៍គម្រោង សំណង់ និង ការគ្រប់គ្រងទ្រព្យសម្បត្តិ។

គាត់តែងតែផ្តល់ប្រឹក្សាដល់អតិថិជនក្នុងស្រុក និង បរទេសដែលចង់ស្វែងរកការប្រឹក្សាជំនាញ និង ដំណោះស្រាយដោយភាពច្នៃបង្កើតលើប្រតិបត្តិការសំខាន់ៗ និង ស្មុគស្មាញទាក់ទងនឹងទ្រព្យសម្បត្តិ ទាំងក្នុងដំណាក់កាលអភិវឌ្ឍ ឬ ការរៀបចំផែនការ។

សមត្ថភាព និង ជំនាញរបស់គាត់អាចបំពេញការងារដោយពេញលេញទៅលើគម្រោង អចលនទ្រព្យមិនថាជាលំនៅដ្ឋាន (បុរី ខុនដូ) ការិយាល័យ ផ្សារទំនើបសណ្ឋាគារ ឃ្លាំង សម្ភារឧស្សាហកម្ម រហូតដល់ចំណតឡាន៕

លោក Charles AMAR ជាអ្នកប្រឹក្សាយោបល់ដែលធ្វើការជាមួយការិយាល័យមេធាវី Sarin & Associates សហការជាមួយ DFDL។

សម្រាប់ព័ត៌មានបន្ថែម សូមទាក់ទងគាត់តាមរយៈអាសយដ្ឋានដូចខាងក្រោម៖

ផ្ទះលេខ ៣០ មហាវិថីព្រះនរោត្តម អគារធនាគារប្រ៊ែដជាន់ទី ៤ សង្កាត់ផ្សារថ្មីទី៣ ខណ្ឌដូនពេញ (ប្រអប់សំបុត្រលេខ ៧) រាជធានីភ្នំពេញ។

ទូរស័ព្ទលេខ +៨៥៥ ២៣ ២១០ ៤០០ | ទូរស័ព្ទចល័ត +៨៥៥ ៦៨ ៦៨ ៦៦ ០២ ។

អ៊ីម៉េល៖ charles.amar@dfdl.com/ វេបសាយ៖ www.dfdl.com

ការបោះពុម្ពផ្សាយនេះគឺសម្រាប់ជាព័ត៌មានតែប៉ុណ្ណោះ។ វាមិនផ្តោតទាំងស្រុង ហើយក៏មិនមែនជាការប្រឹក្សាយោបល់ផ្នែកច្បាប់ឡើយ។ អ្នកត្រូវតែស្វែងរកការប្រឹក្សាយោបល់ជាក់លាក់ដែលសមស្របតាមលក្ខខណ្ឌរបស់អ្នក។

ព័ត៌មាននៅក្នុងអត្ថបទនេះផ្តល់ជូនសម្រាប់គោលបំណងព័ត៌មានតែប៉ុណ្ណោះ ហើយមិនមានគោលបំណងជាការផ្តល់ប្រឹក្សាយោបល់ផ្នែកច្បាប់ណាមួយឡើយ។ ការប្រឹក្សាយោបល់ផ្នែកច្បាប់ គួរតែទទួលពីអ្នកជំនាញផ្នែកច្បាប់សម្រាប់គ្រប់ស្ថានភាពជាក់លាក់។ លើកលែងតែមានការបញ្ជាក់ផ្សេងពីនេះ។ លោក Charles Amar គឺជាម្ចាស់កម្មសិទ្ធិលើអត្ថបទនេះ។ ប្រសិនបើអ្នកចង់ផលិតឡើងវិញ ឬ ប្រើអត្ថបទ ឬ ផ្នែកណាមួយរបស់អត្ថបទនេះ វាគឺជាការទទួលខុសត្រូវរបស់អ្នកក្នុងការយល់ព្រមពីម្ចាស់អត្ថបទជាមុនសិនប្រសិនបើចាំបាច់។

ប្រែសម្រួលក្រៅផ្លូវការដោយ ទស្សនាវដ្តីសំណង់និងអចលនទ្រព្យ

- Video Advertisement -

ចំណេះដឹង និង បទពិសោធន៍

ព័ត៌មានដែលទាក់ទង

ព្រះវិហារកាតូលិកតម្លៃ ៣លានដុល្លារ កំពុងងើបឡើងចេញពីគំនរបែកបាក់នៃរបបខ្មែរក្រហម

៣០ មិនា ២០២៥

ព្រះវិហារកាតូលិក Notre Dame ថ្មីតម្លៃ ៣លានដុល្លារ លាយឡំជាមួយស្ថាបត្យកម្មប្រពៃណីខ្មែរ និងកាតូលិក កំពុងត្រូវបានសាងសង់ឡើងវិញនៅជាយក្រុងភាគខាងជើងនៃរាជធានីភ្នំពេញ ដែលជាគម្រោងសាងសង់ព្រះវិហារកាតូលិកដ៏សំខាន់បំផុតនៅក្នុងប្រទេសកម្ពុជា ចាប់តាំងពីរបបខ្មែរក្រហមបានបំផ្លាញជិតប្រាំទសវត្សរ៍មុន។ ព្រះវិហារកាតូលិកនេះ គ្រោងនឹងបញ្ចប់នៅខែកក្កដា និងសម្ពោធឲ្យប្រើប្រាស់ក្នុងខែវិច្ឆិកា ព្រះវិហារនេះ នឹងត្រូវបានសាងសង់នៅលើមូលដ្ឋានគ្រឹះនៃវិហារ St. Joseph’s បច្ចុប្បន្ន នឹងត្រៀមខ្លួនក្លាយជាមជ្ឈមណ្ឌលថ្មីនៃជីវិតរបស់សាសនិកកាតូលិក នៅក្នុងរាជធានីនៃប្រទេសកម្ពុជា។ គម្រោងនេះ ត្រូវបានរាយការណ៍ដោយ catholicvote.org នៅថ្ងៃទី ១៨ ខែមីនាឆ្នាំ ២០២៥។ ការសាងសង់នេះ ធ្វើឡើងនៅលើទីតាំងប្រវត្តិសាស្ត្រនៃសិក្ខាសាលាចាស់មួយក្នុងទីក្រុងភ្នំពេញ ជាកន្លែងដែលវិហារ St. Joseph’s បានបម្រើសហគមន៍កាតូលិកតាំងពីទសវត្សរ៍ឆ្នាំ ១៩៩០មក។ វិហារថ្មីនេះ បើទោះជាមានទំហំតូចជាងវិហារ Notre Dame ដើមដែលធ្លាប់ផ្ទុកមនុស្សបានដល់ទៅ ១ម៉ឺននាក់ក៏ដោយ នឹងមានកន្លែងអង្គុយចំនួន ៧០០ ជាមួយនឹងបន្ទះឈើប្រពៃណី។ គម្រោងនេះ ត្រូវបានផ្តល់មូលនិធិតាមរយៈសាមគ្គីភាពកាតូលិកឆ្លងព្រំដែន ទាញយកការបរិច្ចាគពីអ្នកស្មោះត្រង់ ក្នុងប្រទេសកម្ពុជា ថៃ និងវៀតណាម រួមជាមួយនឹងការគាំទ្រសំខាន់ៗពីសមាគម បេសកកម្មបរទេសប៉ារីស។ វិហារ Notre Dame ដើមដែលធ្លាប់ត្រូវបានសរសើរថាជាអគារដ៏ស្រស់ស្អាតបំផុតមួយនៅក្នុង […]

កម្ពុជាត្រៀមបង្កើតសមាគមអ្នកវិជ្ជាជីវៈវិស័យឌីជីថល ដែលផ្តោតលើជំនាញសំខាន់ចំនួន ៩

១៩ មិនា ២០២៥

នៅក្នុងជំហានដ៏សំខាន់មួយឆ្ពោះទៅរកការលើកកម្ពស់វិស័យឌីជីថលរបស់ប្រទេស ក្រសួងប្រៃសណីយ៍ និងទូរគមនាគមន៍របស់កម្ពុជា រួមជាមួយក្រសួងអប់រំ យុវជន និងកីឡា បានប្រកាសនូវផែនការបង្កើតសមាគមអ្នកវិជ្ជាជីវៈវិស័យឌីជីថល(Digital Professionals Association) ។ គំនិតផ្តួចផ្តើមប្រកបដោយភាពច្នៃប្រឌិតនេះមានគោលបំណងជំរុញកិច្ចសហការ និងការអភិវឌ្ឍន៍ជំនាញលើផ្នែកសំខាន់ៗចំនួនប្រាំបួនដែលចាំបាច់សម្រាប់អនាគតនៃបច្ចេកវិទ្យាឌីជីថលនៅក្នុងប្រទេសកម្ពុជា។ សមាគមដែលគ្រោងនឹងបង្កើតនេះ នឹងត្រូវរៀបចំជា ៩សហគមន៍ ដោយមានឯកទេសជំនាញផ្សេងៗគ្នារួមមាន៖ សហគមន៍អ្នកជំនាញទូរគមនាគមន៍ (Telecommunications) សហគមន៍អ្នកអភិវឌ្ឍន៍សុសវែរ (Software Development) សហគមន៍អ្នកជំនាញបច្ចេកវិទ្យាក្លោដ (Cloud) សហគមន៍អ្នកជំនាញបញ្ញាសិប្បនិម្មិត (Artificial Intelligence) សហគមន៍អ្នកជំនាញសន្តិសុខសាយប័រ (Cybersecurity) សហគមន៍អ្នកជំនាញប្លុកឆេន (Blockchain) សហគមន៍អ្នកជំនាញអ៊ីនធឺណិតនៃវត្ថុ (Internet of Things) សហគមន៍អ្នកជំនាញវិទ្យាសាស្ត្រទិន្នន័យ (Data Science) និងសហគមន៍អ្នកជំនាញបច្ចេកវិទ្យារ៉ូបូត (Robotics)។ កន្លងទៅ ក្រសួងប្រៃសណីយ៍ និងទូរគមនាគមន៍ ធ្លាប់បានប្រកាសដាក់ឱ្យប្រើប្រាស់ថ្នាលសហគមន៍ឌីជីថលកម្ពុជា – ស.ឌ.ក. (Digital Community of Cambodia – DCC) ដែលបច្ចុប្បន្ន វេទិកានេះបានទាក់ទាញសមាជិកដែលបានចុះឈ្មោះដោយជោគជ័យប្រមាណ ៥០០០ នាក់ […]

កម្ពុជា-ឥណ្ឌា រួមគ្នាបង្កើតបណ្ណាល័យវិទ្យាសាស្ត្រ នៅស្រុករតនៈមណ្ឌល ខេត្តបាត់ដំបង

២៦ កុម្ភៈ ២០២៥

នៅក្នុងគំនិតផ្តួចផ្តើមកែលម្អ និងលើកកម្ពស់វិស័យអប់រំនៅកម្ពុជា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា និងក្រសួងកិច្ចការបរទេសនៃប្រទេសឥណ្ឌា បានចុះអនុស្សរណៈយោគយល់គ្នាមួយ ដើម្បីត្រួសត្រាយផ្លូវសម្រាប់ការបង្កើតបណ្ណាល័យវិទ្យាសាស្ត្រដ៏ទំនើបមួយនៅក្នុងស្រុករតនមណ្ឌល ខេត្តបាត់ដំបង។ អនុស្សរណៈយោគយល់គ្នា(MoU)នេះ ត្រូវបានចុះហត្ថលេខាដោយ ឯកឧត្តម ហែម វណ្ឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា រួមជាមួយឯកឧត្តម Vanlalvawna Bawitlung ឯកអគ្គរដ្ឋទូតឥណ្ឌាប្រចាំកម្ពុជា នៅថ្ងៃទី១៧ ខែកុម្ភៈ ឆ្នំា២០២៥។ ភាពជាដៃគូនេះ បានឆ្លុះបញ្ចាំងពីការប្តេជ្ញាចិត្តរួមគ្នារវាងប្រជាជាតិទាំងពីរក្នុងការលើកកម្ពស់ចំណេះដឹងផ្នែកវិទ្យាសាស្ត្រ និងបច្ចេកវិទ្យា ជាពិសេសនៅក្នុងសហគមន៍ជនបទ។ ឯកឧត្តមរដ្ឋមន្ត្រី បានបង្ហាញសុទិដ្ឋិនិយមចំពោះកិច្ចសហប្រតិបត្តិការនេះ ដោយលើកឡើងថា “គំនិតផ្តួចផ្តើមនេះបញ្ជាក់ពីការយកចិត្តទុកដាក់របស់យើងក្នុងការពង្រឹងតំបន់ជនបទ តាមរយៈការអប់រំផ្នែកវិទ្យាសាស្ត្រ និងបច្ចេកវិទ្យា។ យើងរំភើបក្នុងការស្វែងរកឱកាសបន្ថែមទៀតសម្រាប់ការសហការក្រោមក្របខ័ណ្ឌគម្រោងផលប៉ះពាល់រហ័ស។ រីឯលោក Bawitlung ឯកអគ្គរដ្ឋទូតឥណ្ឌា ក៏បានលើកឡើងពីសារៈសំខាន់នៃគម្រោងសម្រាប់ក្មេងជំនាន់ក្រោយ ដោយសង្កត់ធ្ងន់លើតួនាទីរបស់ខ្លួនក្នុងការបណ្តុះចំណាប់អារម្មណ៍លើវិទ្យាសាស្ត្រ និងការច្នៃប្រឌិត។ លោកបានបន្តថា៖ «បណ្ណាល័យនេះនឹងមិនត្រឹមតែលើកកម្ពស់ចំណង់ចំណូលចិត្តផ្នែកវិទ្យាសាស្ត្រប៉ុណ្ណោះទេ ប៉ុន្តែក៏នឹងជំរុញចិត្តយុវជនឲ្យចូលរួមផ្ទាល់ជាមួយគំនិតវិទ្យាសាស្ត្រផងដែរ»។ “នៅពេលដែលតម្រូវការសម្រាប់ការអប់រំផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) នៅតែបន្តកើនឡើង បណ្ណាល័យនេះនឹងបម្រើជាធនធានដ៏សំខាន់ក្នុងការផ្សារភ្ជាប់គម្លាតចំណេះដឹងនៅក្នុងវិស័យសំខាន់ៗទាំងនេះ”។ គួរបញ្ជាក់ទៀតថា រដ្ឋាភិបាលឥណ្ឌាផ្តល់ជំនួយឥតសំណង […]

សមត្ថភាពវិភាគកាបូនរបស់ Bentley Systems ជាជំហានថ្មីមួយជួយដល់គម្រោងហេដ្ឋារចនាសម្ព័ន្ធវាយតម្លៃផលប៉ះពាល់បរិស្ថាន

៣១ តុលា ២០២៤

កម្មវិធី Bentley ជួយឱ្យការវិភាគផលប៉ះពាល់ពីបំភាពកាបូនជាផ្នែកនៃប្រព័ន្ធដំណើរការរចនាសម្រាប់សំណង់ហេដ្ឋារចនាសម្ព័ន្ធថ្មី និងមានស្រាប់ ដើម្បីសម្រួលដល់ធ្វើរបាយការណ៍វាយតម្លៃអំពីកាបូនជាមួយនឹងការបន្ថែមរូបភាព 3D រូបថត៖ Bentley Systems៖ ការបង្ហាញសមត្ថភាពវិភាគកាបូនរបស់ Bentley ដោយការដាក់កាបូនជាក្រុម តាមសមាសធាតុទូទៅសម្រាប់ជារបាយការណ៍ ថ្មីៗនេះ ក្រុមហ៊ុន Bentley Systems បានប្រកាសពីសមត្ថភាពវិភាគកាបូនថ្មីនៅក្នុង iTwin Experience ដើម្បីវាយតម្លៃ និងកាត់បន្ថយផលប៉ះពាល់កាបូនសម្រាប់ហេដ្ឋារចនាសម្ព័ន្ធប្រកបដោយនិរន្តរភាពបន្ថែមទៀត។ នេះបើតាមការចុះផ្សាយរបស់ Bentley System នៅក្នុងព្រឹត្តិការណ៍ប្រចាំឆ្នាំ 2024 Year in Infrastructure ដែលប្រព្រឹត្តិទៅកាលពីថ្ងៃទី 9 ខែតុលា ឆ្នាំ2024 នៅទីក្រុង Vancouver ប្រទេសកាណាដា។ សមត្ថភាពវិភាគកាបូនថ្មីនេះ អាចជួយវិស្វករងាយស្រួលទាញយកទិន្នន័យវិភាគកាបូន និងការមើលឃើញកាបូនដែលបានបញ្ចូលទៅតាមរូបធាតុនីមួយៗ ជាពិសេស ស្វែងរកជម្រើសសម្រាប់ការរចនាកាន់តែប្រសើរឡើង និងយ៉ាងឆាប់រហ័ស។ កាបូនដែលបានបង្កប់នៅក្នុងធាតុផ្សំនីមួយៗ គឺជាការតាមដានកាបូននៃសំណង់ទាំងមូលមុនពេលវាត្រូវបានសាងសង់ ដោយវាអាចដឹងពីឧស្ម័នផ្ទះកញ្ចក់ដែលបញ្ចេញក្នុងអំឡុងពេលដំណើរការសាងសង់ និងក្រោយពេលសាងសង់។ សមត្ថភាពវិភាគកាបូនថ្មីរបស់ Bentley ផ្តល់នូវការវាយតម្លៃ “cradle-to-gate” តាមរយៈបទដ្ឋានកំណត់នៃកាបូនឌីអុកស៊ីត រាប់ចាប់ពីការបំលែងវត្ថុធាតុដើមរហូតដល់វាចេញពីរោងចក្រ ដែលតំណាងឱ្យការរួមបញ្ចូលធំបំផុតសម្រាប់កាបូនដែលបានបញ្ចូលទៅក្នុងគម្រោងសំណង់ហេដ្ឋារចនាសម្ព័ន្ធ។ លោកស្រី […]

គម្រោងកែលម្អបរិស្ថានសាលារៀននៅកម្ពុជា ក្រោមជំនួយចិនជាង $២០លាន សម្ពោធឱ្យប្រើប្រាស់ជាផ្លូវការហើយ

២៩ តុលា ២០២៤

គម្រោងកែលម្អបរិស្ថានសាលារៀន និងការផ្គត់ផ្គង់សម្ភារបរិក្ខារអប់រំនានានៅកម្ពុជា តម្លៃជាង ២២លានដុល្លារអាមេរិក ត្រូវបានសម្ពោធដាក់ឱ្យប្រើប្រាស់ជាផ្លូវការ ក្រោយអធិបតីភាពរបស់សម្តេចនាយករដ្ឋមន្រ្តី ហ៊ុន ម៉ាណែត នៅវិទ្យាល័យ ហ៊ុនសែន ពាមជីកង ស្រុកកងមាស ខេត្តកំពង់ចាម នាព្រឹកថ្ងៃទី២៦ តុលា ២០២៤។ នាឱកាសនោះដែរ ឯកឧត្តម ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា បានឱ្យដឹងថា “យោងតាមសំណើររបស់រាជរដ្ឋាភិបាលកម្ពុជា រដ្ឋាភិបាលចិនបានផ្តល់ជំនួយតាមរយះលិខិតប្តូរសារ ចុះថ្ងៃទី១៩ ខែមិថុនា ឆ្នាំ២០១៨ ដើម្បីអនុវត្តគម្រោងកែលម្អ បរិស្ថានសាលារៀន និងការផ្គត់ផ្គង់សម្ភារបរិក្ខារអប់រំនៅកម្ពុជា មានថវិកាសរុបជាង ២២លាន ៥សែនដុល្លារអាមេរិក ក្នុងនោះថវិកាជ ២០លាន ៤សែន ដុល្លារអាមេរិក ជាជំនួយរបស់សាធារណរដ្ឋប្រជាមានិតចិន និងថវិកាបដិភាគរបស់រាជរដ្ឋាភិបាលកម្ពុជាមានជាង ២លាន ១សែន ដុល្លារអាមេរិក សម្រាប់អនុវត្តគម្រោងនេះចាប់ពី ឆ្នាំ២០១៨ ដល់ឆ្នាំ២០២២”។ ឯកឧត្តមឧបនាយករដ្ឋមន្រ្តី បានបន្ថែមថា ក្នុងគម្រោងនេះមានការសាងសង់អគារសិក្សា អគារធនធានផ្ទះសំណាក់គ្រូ បង្គន់អនាម័យ អណ្តូងទឹក តារាងបាល់ទាត់ […]

ធនាគារពិភពលោកជួយ $៨០លាន អភិវឌ្ឍវិស័យអប់រំ រួមនិងជួសជុលបន្ទប់ពិសោធន៍ចំនួន ១៤៧នៅកម្ពុជា

៣០ កញ្ញា ២០២៤

ធនាគារពិភពលោក បានអនុម័តផ្តល់ហិរញ្ញប្បទានចំនួន ៨០លានដុល្លារអាមេរិក ជួយលើកកម្ពស់គុណភាពនៃការអប់រំ និងការស្រាវជ្រាវនៅកម្រិតឧត្តមសិក្សា ក្នុងនោះរួមមានការជួសជុលបន្ទប់ពិសោធន៍ចំនួន ១៤៧ទីតាំង នៅកម្ពុជា។ នេះបើតាមសេចក្តីប្រកាសព័ត៌មានរបស់ធនាគារពិភពលោក កាលពីថ្ងៃទី២៣ ខែកញ្ញា ឆ្នាំ២០២៤។ ប្រភពដដែលនេះ បានឱ្យដឹងថា មូលនិធិសម្រាប់គម្រោងនេះបានមកពីសមាគមអភិវឌ្ឍន៍អន្តរជាតិ (IDA) ដែលជាអង្គភាពផ្តល់ប្រាក់កម្ចីសម្បទានរបស់ធនាគារពិភពលោក សម្រាប់បណ្តាប្រទេសមានចំណូលទាប។ ជាមួយគ្នានេះដែរ គម្រោងនេះ មានរយៈពេលប្រាំមួយឆ្នាំ ដែលនឹងគាំទ្រដល់កិច្ចប្រឹងប្រែងរបស់គ្រឹះស្ថានឧត្តមសិក្សាសាធារណៈចំនួនប្រាំបួន ក្នុងការបណ្តុះបណ្តាលនិស្សិតឱ្យរៀនចប់ប្រកបដោយសមត្ថភាព និងក្នុងការផលិតការស្រាវជ្រាវនានា សម្រាប់រួមចំណែកដល់ការអភិវឌ្ឍសេដ្ឋកិច្ចរបស់ប្រទេស។ បន្ថែមពីនេះ គម្រោងនេះផ្តោតសំខាន់លើការលើកកម្ពស់គុណភាពនៃការរៀនសូត្រសម្រាប់និស្សិតនារី និងនិស្សិតមានពិការភាព និងលើការជួយគាំទ្រដល់ស្រី្តដែលជាគ្រូឬជាបុគ្គលិកនៅតាមមហាវិទ្យាល័យ។ គម្រោងនេះចាប់យកស្តង់ដារហេដ្ឋារចនាសម្ព័ន្ធដែលធន់នឹងអាកាសធាតុ និងផ្តល់អាទិភាពដល់គម្រោងស្រាវជ្រាវទាក់ទងនឹងការប្រែប្រួលអាកាសធាតុ។ គម្រោងនេះ នឹងកសាងបន្ថែមលើភាពជោគជ័យ និងមេរៀនបទពិសោធន៍របស់គម្រោងដែលកំពុងដំណើរការ ដែលបានបង្កើនឱកាសសិក្សាសម្រាប់និស្សិតឧត្តមសិក្សាជាង ១២៨.០០០នាក់ នៅកម្ពុជា ក្នុងចំណោមនោះជាងពាក់កណ្តាលជានារី តាមរយៈការបង្កើតកម្មវិធីសិក្សាចំនួន ៦៧ ផ្តល់មូលនិធិទ្រទ្រង់គម្រោងស្រាវជ្រាវចំនួន ៥៣ និងការបង្កើត ឬជួសជុលបន្ទប់ពិសោធន៍ចំនួន ១៤៧។ គួរបញ្ជាក់ថា តាមការរំពឹងទុក និស្សិតប្រហែល ៣២.០០០នាក់ ក្នុងនោះនិស្សិតនារីប្រហែល ១៣.០០០ នាក់ នឹងទទួលអត្ថប្រយោជន៍ពីការអនុវត្តគម្រោងខាងលើនេះ តាមរយៈការអាប់ដេតកម្មវិធីសិក្សា ការបណ្តុះបណ្តាលគ្រូឧទ្ទេស […]