រាជធានីភ្នំពេញនឹងបង្កើនហេដ្ឋា រចនាសម្ព័ន្ធឲ្យកាន់តែច្រើនបន្ថែមទៀត

ដើម្បីដោះស្រាយបញ្ហាពង្រីកទីក្រុង និងកំណើនយ៉ាងឆាប់រហ័សនៃយានជំនិះ គម្រោងហេដ្ឋារចនាសម្ព័ន្ធជាច្រើនបានរំពឹងថានឹងត្រូវបញ្ចប់សព្វគ្រប់នៅភ្នំពេញមុនឆ្នាំ ២០២០ ខាងមុខនេះ។

នៅក្នុងពិធីសម្ពោធស្ពានអាកាស ៥ មករា តិចណូ សម្តេចនាយករដ្ឋមន្រ្តី ហ៊ុន សែន បានអនុម័តលើគម្រោងមួយចំនួនបន្ថែមទៀតសម្រាប់រាជធានីភ្នំពេញ។ បន្ទាប់ពីទទួលស្គាល់ថាការស្ទះចរាចរណ៍នៅស្ពានក្បាលថ្នល់នៅតែបន្តនៅឡើយ ការសាងសង់ស្ពានអាកាសបន្ថែមមួយទៀត និងផ្លូវក្រោមដីដែលស្ថិតនៅក្បែរស្ពានដែលមានស្រាប់នឹងចាប់ផ្តើមនាពេលឆាប់ៗនេះ។ គម្រោងដែលមានតម្លៃ ១០លានដុល្លារអាមេរិកនេះ នឹងស្ថាបនាស្ពានអាកាសដែលមានប្រវែង៨១០ម៉ែត្រ និងផ្លូវក្រោមដីប្រវែង ៦០៦ ម៉ែត្រ ដែលនឹងសាងសង់ដោយក្រុមហ៊ុន OCIC។

ផ្លូវក្រោមដីដែលស្ថិតនៅប្រសព្វរវាងមហាវិថីសហព័ន្ធរុស្ស៊ី និងមហាវិថីព្រះមុនីវង្ស ស្តុប PKCនឹងត្រូវបានសាងសង់ដោយក្រុមហ៑ុន OCIC ផងដែរ ដើម្បីសម្រួលដល់ចរាចរណ៍ជុំវិញតំបន់នោះ។ ផ្លូវក្រោមដីនេះនឹងមានប្រវែង ៣៤០ម៉ែត្រ ទទឹង ១៥ម៉ែត្រ រត់កាត់ពីក្រោមដីដែលមានកម្ពស់ ៥ ម៉ែត្រ។ បន្ទាប់ពីឆ្លងកាត់ការវិភាគដីបានជោគជ័យកាលពីដើមខែមករាមក ការសាងសង់ត្រូវបានរំពឹងថានឹងចាប់ផ្តើមនៅក្នុងឆ្នាំនេះ។

ស្ពានអាកាសមួយទៀត នឹងត្រូវបានលេចឡើងនៅត្រង់ចំណុចប្រសព្វរវាងមហាវិថីសហព័ន្ធរុស្ស៊ី និងផ្លូវហាណូយដែលមានការកកស្ទះខ្លាំង ព្រោះថាមហាវិថីសហព័ន្ធរុស្ស៊ី គឺជាផ្លូវចម្បងតភ្ជាប់ពីកណ្តាលរាជធានីទៅព្រលានយន្តហោះ។ ស្ពាននេះនឹងមានប្រវែង៦១១ម៉ែត្រ និងទទឹង ១៦,៥ ម៉ែត្រ ហើយនឹងត្រូវបានសាងសង់ដោយក្រុមហ៊ុនសំណង់សៀងហៃប្រទេសចិនជាមួយហិរញ្ញប្បទានពីរដ្ឋាភិបាលចិន។

ភ្នំពេញនឹងមានផ្លូវលឿនខាងលើជាលើកដំបូង ដែលលាតសន្ធឹងប្រវែង ១៣ គីឡូម៉ែត្រ ពីលើខ្សែរថភ្លើងតភ្ជាប់រវាងមហាវិថីព្រះមុនីវង្សនិងអាកាសយានដ្ឋានអន្តរជាតិ។ ផ្លូវដែលបង់ថ្លៃនេះ នឹងជួយធានាមិនឲ្យអ្នកដំណើរតាមផ្លូវអាកាសខកខានជើងហោះហើររបស់ពួកគេដោយសារតែការស្ទះចរាចរណ៍ទៀតទេ។ ខណៈពេលដែលសាលាក្រុងធ្លាប់បានប្រកាសពីមុនថា គម្រោងនេះនឹងត្រូវអភិវឌ្ឍដោយក្រុមហ៊ុនវិនិយោគិនចិន ឥលូវនេះមានការលើកឡើងថាក្រុមហ៊ុន OCIC ក៏កំពុងតែចរចាជាមួយសាលារាជធានីដើម្បីវិនិយោគលើគម្រោងនេះដែរ។

ចំណែកក្រុមហ៊ុន Muhibbah Engineering (Cambodia) Co., Ltd. វិញ បានអះអាងថា ខ្លួនបានឈ្នះការដេញថ្លៃក្នុងតម្លៃទឹកប្រាក់ ២០០លានដុល្លារក្នុងការសាងសង់ផ្លូវលឿនមួយទៀតដែលតភ្ជាប់ទីកណ្តាលរាជធានីភ្នំពេញ ទៅផ្លូវជាតិលេខ ៤ និងអាកាសយានដ្ឋានអន្តរជាតិ។ ផ្លូវដែលមាន៤គន្លង លាតសន្ធឹងជាង ១៤គីឡូម៉ែត្រ នឹងទទឹង ២៤ ម៉ែត្រនេះ នឹងរត់ស្របគ្នាជាមួយផ្លូវរថភ្លើងដែលតភ្ជាប់ ពីរង្វង់មូលទួលគោក ទៅផ្លូវជាតិលេខ ៤។ គម្រោងនេះនឹងចាប់ផ្តើមក្នុងពេលឆាប់ៗនេះ នៅពេលដែលការផ្តល់សំណងដល់លំនៅដ្ឋានដែលប៉ះពាល់បានចប់សព្វគ្រប់នៅឆ្នាំនេះ។

មានផ្លូវលឿនចម្ងាយឆ្ងាយមួយទៀតដែលមានប្រវែង ២២០ គីឡូម៉ែត្រ តភ្ជាប់រវាងភ្នំពេញនិងទីក្រុងហូជីមិញ នឹងចំណាយប្រមាណ ២,២ពាន់លានដុល្លារ ដែលត្រូវបានស្នើរដោយទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) បានប្រកាសថានឹងត្រូវបញ្ចប់មុនឆ្នាំ២០៣០។

ក្រៅពីនេះភ្នំពេញ នឹងមានសំណង់ផ្លូវខ្សែក្រវា៉ត់ក្រុងទីពីរផងដែរ ដែលនឹងមានប្រវែង ១៦,៦៧ គីឡូម៉ែត្រ និងពីរគន្លងរត់ចាប់ពីមហាវិថីសហព័ន្ធរុស្ស៊ី ដល់ផ្លូវជាតិលេខ ២ កាត់តាមខណ្ឌដង្កោ សែនសុខ និងមានជ័យ ឆ្ពោះទៅខាងត្បូងនៃក្រុងតាខ្មៅ។ ផ្លូវនេះនឹងត្រូវកសាងដោយក្រុមហ៊ុនសំណង់សៀងហៃ របស់ចិន (Shanghai Con-struction Group) តាមរយៈហិរញ្ញប្បទានពីរដ្ឋាភិបាលចិន។ ផ្លូវនេះនឹងត្រូវបានសាងសង់ពីបេតុងដែលមានកម្រាស់ ២០សម ហើយមានទទឹង ២៣ ម៉ែត្រ ជាមួយនឹងប្រព័ន្ធលូ ១,៥ម៉ែត្រ នៅអមសងខាងផ្លូវ។ កាលបរិច្ឆេទចាប់ផ្តើម និងបញ្ចប់គម្រោងទាំងអស់នេះ នៅមិនទាន់បានដឹងច្បាស់លាស់នៅឡើយទេ។

ក្នុងខណៈពេលដែលរដ្ឋាភិបាលមានសង្ឃឹមយ៉ាងមុតមាំថាហេដ្ឋារចនាសម្ព័ន្ធជាច្រើននឹងអាចជួយដោះស្រាយបញ្ហាកកស្ទះចរាចរណ៍បាន អ្នកជំនាញនគរូបនីយកម្ម លោកបណ្ឌិត វ៉ាន់ វ៉ាត បានប្រាប់កាសែតភ្នំពេញប៉ុស្ត៍ថា មានហេដ្ឋារចនាសម្ព័ន្ធច្រើនតែម្យ៉ាងមិនអាចបញ្ឈប់ការកកស្ទះបានទេ។ លោកបានលើកឡើងថា៖ «ដើម្បីបញ្ចៀសបញ្ហានេះ យើងត្រូវតែមានផែនការលម្អិតសម្រាប់ខណ្ឌនីមួយៗ ថាតើផ្លូវណាខ្លះត្រូវពង្រីកនៅក្នុងពេល ៥ ឬ១០ ឆ្នាំខាងមុខ ហើយតើផ្លូវណាខ្លះ នឹងមានស្ពានអាកាស។ ប្រសិនបើយើងមិនធ្វើដូចនេះទេ បញ្ហាស្ទះចរាចរណ៍នឹងនៅតែបន្តមិនឈប់»។ លោកបណ្ឌិតបានស្នើរដ្ឋាភិបាលឲ្យកំណត់ការនាំចូលយានជំនិះព្រមទាំងរៀបចំ និងអនុវត្តប្រព័ន្ធភ្លើងចរាចរណ៍ឲ្យបានត្រឹមត្រូវផងដែរ។

មិនមានការបង់ថ្លៃសម្រាប់ផ្លូវវេងស្រេង និងផ្លូវជាតិលេខ ៤ ទៀតទេ

ក្រោយពីឮការត្អូញត្អែរពីអ្នកដំណើរទាក់ទង និងការយកថវិកាពីការប្រើប្រាស់ផ្លូវវេងស្រេងមក លោកនាយករដ្ឋមន្រ្តីបានលុបចោលកុងត្រាវិនិយោគលើផ្លូវនេះកាលពីចុងខែធ្នូ ឆ្នាំ២០១៥ កន្លងទៅ ហើយបានដាក់ផ្លូវនេះក្រោមការគ្រប់ គ្រងរបស់រដ្ឋ និងបញ្ឈប់ការយកប្រាក់ពីអ្នកដំណើរនៅលើផ្លូវនេះទៀត។

សម្តេចនាយករដ្ឋមន្រ្តីបានថ្លែងថា «ខ្ញុំព្រះករុណាសូមជូនផ្លូវវេងស្រេងទៅប្រជាពលរដ្ឋវិញ ដើម្បីប្រើដោយមិនចាំបាច់បង់ថវិកាទៀតទេសម្រាប់ជាកាដូឆ្នាំថ្មី។ ខ្ញុំក៏សូមអរគុណដល់ប្រជាពលរដ្ឋរបស់យើងដែលបាននាំព័ត៌មាននេះតាមរយៈហ្វេសប៊ុក អំពីបញ្ហារបស់ពួកគេទាក់ទងនឹងផ្លូវវេងស្រេងឲ្យខ្ញុំបានដឹង»។

ក្រុមហ៊ុនចិន BOTT WAYS បានវិនិយោគលើផ្លូវវេងស្រេងចោមចៅនេះដែលមានប្រវែង ៦,៥គីឡូម៉ែត្រ និងមានទទឹង ២២ម៉ែត្រ ជាប្រភេទផ្លូវបេតុងដែលមានកម្រាស់ ២០ ស.ម ផ្លូវនេះត្រូវបានខណ្ឌដោយសួនច្បារទំហំ ២,៥ ម៉ែត្រ។ ខណៈពេលកិច្ចសន្យាត្រូវបានរំលាយផ្លូវនេះស្ទើតែបានសាងសង់រួចរាល់ទៅហើយ។ ការងារនៅសល់ទាំងប៉ុន្មាន ត្រូវប្រគល់ជូនមន្ទីរសាធារណការ និងដឹកជញ្ជូនរាជធានីធ្វើបន្ត។

ដូចគ្នានឹងផ្លូវវេងស្រេងដែរ សម្តេចនាយករដ្ឋមន្រ្តី ហ៊ុន សែន បានសម្រេចបញ្ឈប់ការយកថវិកាពីអ្នកដំណើរលើផ្លូវជាតិលេខ៤ ចាប់ពីថ្ងៃទី១៣ មករា បន្ទាប់ពីទទួលបានភាពត្អូញត្អែរពីប្រជាជនតាមរយៈហ្វេសប៊ុក។ ការសម្រេចនេះត្រូវបានធ្វើឡើងត្រឹម ៥ថ្ងៃក្រោយពីសម្តេចបានលុបចោលការយកថវិកាពីប្រជាជនដែលមានយានជំនិះ ហើយរស់នៅតាមបណ្តោយផ្លូវជាតិលេខ៤ ដែលត្រូវតែបង់ថ្លៃរាល់ថ្ងៃ។

ផ្លូវជាតិលេខ ៤ ដែលមានប្រវែង ២៣០គីឡូម៉ែត្រ បានដំណើរការ និងទ្រទ្រង់ដោយក្រុមហ៊ុន AZ Group ក្រោមកិច្ចសន្យារយៈពេល៣៥ ឆ្នាំ គិតតាំងពីឆ្នាំ ២០០០មក។ ផ្លូវដ៏សំខាន់ទៅកាន់តំបន់ឆ្នេរមួយនេះ ត្រូវបានពង្រីកពី ២ ដល់ ៤ គន្លង ដោយមិនមានបញ្ជាក់ពីការបរិច្ឆេទបញ្ចប់ច្បាស់លាស់ទេ៕

- Video Advertisement -

ព័ត៌មានដែលទាក់ទង

គម្រោងអភិវឌ្ឍ បេ អហ្វ ឡៃថ៍ (Bay of Lights) បោះជំហានដ៏ធំក្នុងការប្រែក្លាយមុខមាត់តំបន់ឆ្នេរសមុទ្រកម្ពុជា

គម្រោងអភិវឌ្ឍឆ្នេរសមុទ្រ បេ អហ្វ ឡៃថ៍ បានបើកសម្ពោធដំណើរការសាងសង់ជាផ្លូវការនៅឆ្នាំ ២០២២ ដោយទំហំទឹកប្រាក់វិនិយោគសរុបប្រមាណ ១៦ពាន់លានដុល្លារអាមេរិក កំពុងតែមានការរីកចម្រើនយ៉ាងឆាប់រហ័សតាមបណ្តោយឆ្នេររាម ខេត្តព្រះសីហនុ។ ជាមួយផ្ទៃដីអភិវឌ្ឍសរុប ៩៣៤ហិកតា គម្រោង បេ អហ្វ ឡៃថ៍ បានផ្សារភ្ជាប់ការអភិវឌ្ឍប្រកបដោយនវានុវត្តន៍ និងវឌ្ឍនភាព ជាមួយសកម្មភាពសង្គម  ដើម្បីបំពេញចក្ខុវិស័យ ជំរុញខេត្តព្រះសីហនុឱ្យប្រែក្លាយជាគោលដៅសេដ្ឋកិច្ច និងវប្បធម៌ដ៏សំខាន់មួយនៅតំបន់អាស៊ីអាគ្នេយ៍។ កន្លងផុតទៅថ្មីៗនេះគម្រោង បេ អហ្វ ឡៃថ៍ បានសម្រេចនូវសមិទ្ធផលអភិវឌ្ឍថ្មីមួយ គឺការបញ្ចប់ការសាងសង់គ្រោងអគារមជ្ឈមណ្ឌលហិរញ្ញវត្ថុអន្តរជាតិ (International Financial Center – IFC) ដែលគ្រោងប្រែក្លាយខេត្តព្រះសីហនុទៅជាមជ្ឈមណ្ឌលហិរញ្ញវត្ថុតំបន់ឆ្នេរដ៏ប្រណិតបំផុតនៅប្រទេសកម្ពុជា។ ទន្ទឹមគ្នានេះផងដែរ ការសាងសង់យ៉ាងមមាញឹកនូវទីលានវាយកូនហ្គោលឆ្នេរសមុទ្រ ស្ដង់ដា USGA (United States Golf Association) រចនាឡើងដោយ Greg Norman Golf Course Design ដំបូងគេបង្អស់នៅប្រទេសកម្ពុជាដែលនឹងទាក់ទាញអ្នកលេងហ្គោលពីទូទាំងពិភពលោកនាពេលអនាគតខាងមុខនេះ។ ក្រៅពីការអភិវឌ្ឍហេដ្ឋារចនាសម្ព័ន្ធ គម្រោង បេ អហ្វ ឡៃថ៍ ចូលរួមយ៉ាងសកម្មក្នុងការជួយជំរុញការអភិវឌ្ឍវិស័យទេសចរណ៍និងការរីកចម្រើនក្នុងសហគមន៍ដោយឥតឈប់ឈរ។ […]

សណ្ឋាគារអ៊ីនធឺខនទីណង់តាល់ វិលត្រឡប់មកកម្ពុជាវិញជាមួយនឹងគម្រោងសង់សណ្ឋាគារថ្មីតម្លៃ $៣00លាន នៅខេត្តព្រះសីហនុ

សណ្ឋាការ InterContinental Hotels & Resorts នឹងត្រឡប់មកប្រទេសកម្ពុជាវិញ ដោយពាំនាំយកមកជាមួយគម្រោងអចលនទ្រព្យប្រណីតថ្មី តម្លៃ ៣០០លានដុល្លារ នៅខេត្តព្រះសីហនុ ដែលគ្រោងនឹងបើកដំណើរការនៅឆ្នាំ ២០២៨ និងត្រូវបញ្ចូលជាផ្នែកមួយនៃគម្រោងវិនិយោគរបស់ Peninsula Bay Integrated Resort។ សេចក្តីប្រកាសនេះ ចេញមកស្របគ្នានឹងសន្ទុះកំពុងតែងើបឡើងវិញ គួរឱ្យកត់សម្គាល់នៅក្នុងវិស័យទេសចរណ៍របស់កម្ពុជា ដែលមានកំណើនចំនួន ២៣% នៃចំណូលទេសចរអន្តរជាតិក្នុងឆ្នាំ ២០២៤ ពោលគឺលើសពីកម្រិតមុនមានវិបត្តិសាកលចំនួន ១,៤% នេះបើយោងតាម  Travelandtourworld ធ្វើបច្ចុប្បន្នភាពនៅថ្ងៃទី ២៧ ខែមីនា ឆ្នាំ ២០២៥។ ក្រោមគំនិតផ្តួចផ្តើមបង្កើតឡើងដោយភាពជាដៃគូជាមួយក្រុមហ៊ុន Peninsula Bay Investment Co., Ltd. សណ្ឋាគារខេត្តព្រះសីហនុថ្មីនេះ នឹងមានបន្ទប់ចំនួន ៣០០បន្ទប់ ដែល នឹងបំពាក់នូវគ្រឿងបរិក្ខារលំដាប់ពិភពលោក រួមទាំងកន្លែងទទួលទានអាហារ បារ ស្ប៉ាដ៏ប្រណិត និងទេសភាពឆ្នេរសមុទ្របែបប៉ាណូរ៉ាមិច (Panoramic) ដែលផ្តល់ជូនសេវាជាទីគាប់ចិត្តសម្រាប់ទាំងអ្នកធ្វើអាជីវកម្ម និងអ្នកធ្វើដំណើរកម្សាន្ត។ បរិវេណសណ្ឋាគារទាំងមូល នឹងមានទំហំប្រហែល ១៦0,000 ម៉ែត្រការ៉េ […]

នាយក​រដ្ឋមន្ត្រី​បង្ហើបពី​ផែនការ​​ប្រែ​ក្លាយដីជាង ៦ពាន់ហិកតា នៅ​ស្ទឹងត្រែង ទៅជាតំបន់រោចក្រកសិ-ឧស្សាហកម្ម

សម្តេចនាយករដ្ឋមន្រ្តី ហ៊ុន ម៉ាណែត បានបង្ហើបពីការសម្រេចដ៏សំខាន់មួយក្នុងការរៀបចំកែសម្រួលដីវិនិយោគទំហំប្រមាណ ៦ពាន់ហិកតា នៅខេត្តស្ទឹងត្រែង ដល់ក្រុមហ៊ុនឯកជនបង្កើតជាតំបន់រោងចក្រកសិ-ឧស្សាហកម្ម។ សម្តេចបានបង្ហើបយ៉ាងដូច្នេះ នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ​នូវផ្លូវជាតិលេខ​៧១c នៅថ្ងៃទី១២ ខែមេសា ឆ្នាំ២០២៥។ សម្ដេចបញ្ជាក់ថា សម្តេចទើបតែបានឯកភាពឲ្យមានការរៀបចំកែសម្រួលការវិនិយោគមួយទំហំជាង ៦ពាន់ហិកតា ដល់ក្រុមហ៊ុនឯកជនដែលចង់វិនិយោគលើវិស័យកសិកម្ម និងកសិ-ឧស្សាហកម្ម នៅខេត្តស្ទឹងត្រែង ដោយសង្កត់ធ្ងន់ថា «អនាគតខេត្តស្ទឹងត្រែង នឹងក្លាយទៅជាខេត្តកសិ-ឧស្សាហកម្ម!»។ ការកែសម្រួលនេះគឺជាផ្នែកមួយនៃយុទ្ធសាស្ត្រធំៗជាច្រើនរបស់រដ្ឋាភិបាល ដើម្បីបង្កើនការវិនិយោគ និងកែលម្អហេដ្ឋារចនាសម្ព័ន្ធនៅក្នុងខេត្តភាគឦសាន។ ដើម្បីជំរុញការអភិវឌ្ឍ និងទាក់ទាញការវិនិយោគនៅខេត្តភាគឦសាន រដ្ឋាភិបាលកម្ពុជាទើបតែបានប្រកាសឱ្យអនុវត្តកម្មវិធីវិនិយោគពិសេស, បើកឱ្យប្រើប្រាស់ផ្លូវជាតិលេខ ៧០c, ប្រកាសពីការស្ថាបនាផ្លូវជាតិ៦០c និងជំរុញដំណើរការសាងសង់ផ្លូវក្រវ៉ាត់ព្រំដែន ដើម្បីបង្កើនការតភ្ជាប់ពាណិជ្ជកម្មក្នុងប្រទេស និងតំបន់។ ដោយសារខេត្តស្ទឹងត្រែងដាក់ខ្លួនជាមជ្ឈមណ្ឌលសម្រាប់កសិឧស្សាហកម្ម គំនិតផ្តួចផ្តើមនេះត្រូវបានគេរំពឹងថានឹងទាក់ទាញរលកនៃការវិនិយោគ បង្កើតឱកាសការងារ និងជំរុញកំណើនសេដ្ឋកិច្ចប្រកបដោយចីរភាពនៅក្នុងខេត្ត។ អាជីវកម្មក្នុងស្រុក និងសហគមន៍សង្ឃឹមយ៉ាងមុតមាំថា ការអភិវឌ្ឍន៍ទាំងនេះនឹងនាំទៅរកអនាគតដ៏ត្រចះត្រចង់ និងវិបុលភាពជាងមុន។ - Video Advertisement -

រដ្ឋប្រកាសឱ្យអនុវត្តកម្មវិធីពិសេស ដើម្បីជំរុញការវិនិយោគក្នុងខេត្តចំនួនបួននៅភូមិភាគឦសាន

ក្នុងសកម្មភាពជាយុទ្ធសាស្ត្រ សំដៅជំរុញកំណើនសេដ្ឋកិច្ចនៅតំបន់ភូមិភាគឦសាន្ត សម្ដេចនាយករដ្ឋមន្ត្រី ហ៊ុន ម៉ាណែត បានបង្ហាញនូវកម្មវិធីវិនិយោគពិសេស ដែលនឹងចាប់ផ្តើមពីឆ្នាំ២០២៥ ដល់ឆ្នាំ២០២៨។ គំនិតផ្តួចផ្តើមនេះផ្តោតសំខាន់លើការទាក់ទាញការវិនិយោគឯកជនទៅកាន់ខេត្តក្រចេះ ស្ទឹងត្រែង រតនគិរី និងមណ្ឌលគិរី ដែលសម្បូរទៅដោយធនធានធម្មជាតិ។ សម្តេចនាយករដ្ឋមន្ត្រីបានប្រកាសថា កម្មវិធីនេះមានវិធានការសំខាន់ៗចំនួនបី ដែលរៀបចំឡើងដើម្បីបង្កើនទិដ្ឋភាពសេដ្ឋកិច្ចនៃខេត្តទាំងនេះ។ រដ្ឋាភិបាល​កំពុង​ផ្តល់​អាទិភាព​លើ​វិស័យ​សំខាន់​បី​គឺ ​កសិកម្ម កសិ-ឧស្សាហកម្ម និង​ទេសចរណ៍ ដែលផ្តល់ដោយធនធានធម្មជាតិដ៏សម្បូរបែប រួមទាំងអាកាសធាតុដែលអំណោយផល ខ្យល់អាកាសបរិសុទ្ធ, ធនធានធម្មជាតិចម្រុះ, ព្រៃឈើ និងដែនជម្រកសត្វព្រៃជាដើម។ ជាងនេះទៅទៀត ខេត្តទាំងនេះមានទីតាំងល្អក្នុងការអភិវឌ្ឍន៍ទេសចរណ៍ធម្មជាតិ ទេសចរណ៍អត្តសញ្ញាណពិសេស (Unique Identity Tourism) ដែលសំដៅលើផលិតផលទេសចរណ៍វប្បធម៌, ធម្មជាតិ និងប្រវត្តិសាស្ត្រ ដែលមានលក្ខណៈពិសេសដោយឡែកៗពីគ្នា សម្រាប់ខេត្ត និងតំបន់ភូមិភាគឦសាននៃប្រទេសកម្ពុជា។ ដើម្បីសម្រួល និងជំរុញការវិនិយោគ រាជរដ្ឋាភិបាលបានកំណត់ឱ្យអនុវត្តវិធានការគាំទ្រចំនួន ៣ទៀត រួមមាន៖ ១. ការលើកទឹកចិត្តផ្នែកពន្ធគយ៖ ដើម្បីសម្រាលបន្ទុកហិរញ្ញវត្ថុលើអ្នកវិនិយោគថ្មី។ ២. ជម្រើសហិរញ្ញប្បទានដ៏គួរឱ្យទាក់ទាញ៖ ការផ្តល់ប្រាក់កម្ចីក្នុងអត្រាការប្រាក់សមរម្យដើម្បីលើកទឹកចិត្តដល់ការវិនិយោគ។ ៣. ដំណើរការកាន់តែរលូន៖ តាមរយៈការកាត់បន្ថយថ្លៃដើមផលិតកម្ម និងសម្រួលនីតិវិធីរដ្ឋបាល ដើម្បីគាំទ្រសកម្មភាពវិនិយោគឯកជន។ វិធានការទាំងនេះ […]

៣ខែដើមឆ្នាំនេះ ប្រភពទុនពីចិនមកកម្ពុជាហក់ដល់ជាង ៥៦% នៃទុនវិនិយោគសរុប ខ្ពស់ជាងគេ!

ក្នុងការអភិវឌ្ឍន៍ប្រកបដោយជោគជ័យសម្រាប់សេដ្ឋកិច្ចកម្ពុជា ក្រុមប្រឹក្សាអភិវឌ្ឍន៍កម្ពុជា (CDC) បានរាយការណ៍ថា ក្នុងត្រីមាសទី១ ឆ្នាំ២០២៥ មានគម្រោងវិនិយោគចំនួន ១៧២គម្រោង បានមកចុះបញ្ជីនៅ(CDC) ក្រោមទុនវិនិយោគសរុបប្រមាណ ២,៥ពាន់លានដុល្លារ ក្នុងនោះប្រភពទុនមកពីប្រទេសចិនមានរហូតដល់ ៥៦,២៣%ឈរនៅលំដាប់លេខរៀងទី១។ គួរបញ្ជាក់ថា ក្នុងចំណោមគម្រោងចុះបញ្ជីខាងលើ មានគម្រោងពង្រីកផលិតកម្មចំនួន ៦គម្រោងផងដែរ។ តួលេខគួរឱ្យកត់សម្គាល់ទាំងនេះ បានឆ្លុះបញ្ចាំងពីលំហូរទុនវិនិយោគដ៏រឹងមាំ និងការកើនឡើងនៃសកម្មភាពសេដ្ឋកិច្ចកម្ពុជាក្នុងឆ្នាំថ្មី ដោយរំពឹងថា នឹងអាចបង្កើតការងារថ្មីបានជិត ១២ម៉ឺនកន្លែង នៅទូទាំងប្រទេសផងដែរ។ ក្នុងចំណោមគម្រោងទាំងអស់នេះ មានគម្រោងចំនួន ៩៩ ស្ថិតនៅក្រៅតំបន់សេដ្ឋកិច្ចពិសេស ខណៈ គម្រោងចំនួន ៧៣ទៀត មានទីតាំងនៅក្នុងតំបន់សេដ្ឋកិច្ចពិសេស។ ទាំងអស់នេះជាការឆ្លុះបញ្ចាំងឱ្យឃើញពី កំណើនប្រកបដោយតុល្យភាពនៅក្នុងតំបន់ទាំងពីរ។ បើប្រៀបធៀបទៅនឹងរយៈពេលដូចគ្នាកាលពីឆ្នាំមុន តួលេខនេះបានបង្ហាញពីការកើនឡើងនៃគម្រោងបន្ថែមចំនួន ៦៦គម្រោង ជាមួយនឹងដើមទុនវិនិយោគសរុបកើនឡើងជាង ៣០៥លានដុល្លារ ដែលមានន័យថាមានអត្រាកំណើនប្រមាណ ១៤%។ ដោយឡែក សម្រាប់ខែមីនាតែម្នាក់ឯង ឃើញថាមានការចុះបញ្ជីគម្រោងថ្មីចំនួន ៦០គម្រោង ក្រោមទុនវិនិយោគប្រមាណ ១.៤ពាន់លានដុល្លារ និងអាចបង្កើតការងារបានជិត ៥ម៉ឺនកន្លែង។ ជាការកត់សម្គាល់ ប្រភពទុនមកពីប្រទេសចិនឈរនៅលំដាប់លេខរៀងទី១ គឺ ៥៦,២៣%  លេខរៀងទី២គឺប្រភពទុនក្នុងស្រុក (កម្ពុជា) […]

ក្រុមហ៊ុនកសិកម្មចិន កំពុងសិក្សាបង្កើតឃ្លាំងស្តុក និងទីលានហាលគ្រាប់ស្វាយចន្ទីនៅខេត្តកំពង់ធំ

  ក្រុមហ៊ុន Sinomach Hainan Development Co., Ltd ដែលជាក្រុមហ៊ុនកសិកម្មរបស់រដ្ឋចិនដ៏លេចធ្លោមួយ កំពុងសិក្សាសមិទ្ធិលទ្ធភាពគម្រោងសង់ឃ្លាំងស្តុក និងកន្លែងសម្ងួតកសិផលនៅក្នុងខេត្តកំពង់ធំ។ គំនិតផ្តួចផ្តើមនេះមានគោលបំណងលើកកម្ពស់សក្តានុពលនាំចេញកសិផលរបស់កម្ពុជា ជាពិសេសក្នុងវិស័យគ្រាប់ស្វាយចន្ទីដែលកំពុងរីកចម្រើន។ នេះបើតាមជំនួបពិភាក្សាការងារដឹកនាំដោយ ឯកឧត្តម ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និងជាប្រធានក្រុមការងារជំរុញការវិនិយោគក្នុងខេត្តព្រះសីហនុ នៅថ្ងៃទី០៧ ខែមេសា ឆ្នាំ២០២៥។ ក្នុងជំនួបនេះ ក្រុមហ៊ុន Sinomach Hainan Development Co., Ltd. បានបង្ហាញពីចេតនារបស់ខ្លួនក្នុងការសហការជាមួយរាជរដ្ឋាភិបាលកម្ពុជា ដើម្បីធានាថាគម្រោងវិនិយោគនេះអាចដំណើរការទៅមុខប្រកបដោយប្រសិទ្ធភាព។ ជាការឆ្លើយតប ឯកឧត្តម ហ៊ាន សាហ៊ីប បានគូសបញ្ជាក់អំពីសក្តានុពលវិនិយោគរបស់កម្ពុជា និងការគាំទ្រការវិនិយោគតាមរយៈការអនុវត្តគោលនយោបាយនានា របស់រាជរដ្ឋាភិបាល។ ជាមួយគ្នានេះដែរ ឯកឧត្តម ក៏បានសាទរ និងគាំទ្រដល់ផែនការវិនិយោគរបស់ក្រុមហ៊ុន ដោយបានលើកឡើងពីការវិនិយោគលើវិស័យមួយនេះ ដែលនឹងរួមចំណែកដល់ការអភិវឌ្ឍ ការលើកកម្ពស់ជីវភាពប្រជាជន ព្រមទាំង ចូលរួមសម្រេចចក្ខុវិស័យរបស់រាជរដ្ឋាភិបាល ក្នុងការក្លាយជា «អធិរាជស្វាយចន្ទីនាពេលអនាគត»។ គួរបញ្ជាក់ថា ក្រុមហ៊ុន Sinomach Hainan Development Co., Ltd. […]